رواية ظلم ابي الفصل الثالث 3 بقلم جمانة السعيدي
ساره....فعلا بليل اجا حسن وابو يخطبوني
ابوي اول ما شافهم وحتى قبل ما يحجون بهذا الموضوع
طفر عليهم بعصبيه
ابوي....ماعدنا بنات للزواج
ابو حسن....ترا احنا خطارك
ابوي...حتى اختصر عليكم الحجي ماعندي بنيه للزواج
ابو حسن.....زين نريد نعرف ليش
ترا احنا شراينها ومستعدين الكل طلباتكم
ابوي...انت ما تفتهم كتلك ماعندي بنيه للزواج
ساره شايله البيت وشايله خوانها
مستحيل اقبل تزوج
مسؤل عن اخوانها منا لمن يتخرجون
ابو حسن....انقسم الشغل بينا وبينكم يمتى ما تطلبها
نجيبها البيتكم
ابوي.. ماعندي بنيه للزواج كلشي اله ساره
بعمري مراح ازوجها
اني واخوانها معتمدين عليها
ابو حسن... تطردنا
ابوي.. فسرها مثل ما تحب بس ساره ماتزوج
ساره...واكفه قريب الباب وكلام ابوي نازل عليه مثل
الجمر يحرك بروحي
شكد اناني الخاطر الله
يضحي بحياتي وسعادتي بس حتى يرتاح هو وابنه وبته
وين تروح من عذاب رب العالمين ياظالم
طلع حسن وابو زعلانين من كلام ابوي
حقهم يحجي وياهم بطريقه مستفزه
عبالك جاي يجدون منه
جمانه السعيدي
بليلتها ما نمت للصبح شلون حكم هذا
ابوي خلاني بسجن وحكم عليه مااطلع منه طول حياتي
للصبح واني احسب على ابوي حسبي الله ونعم الوكيل وادعي علي ابجي وادعي علي بحركة كلب
كون ينام ما يكعد
كون يموت مثل موتت امي
ليش الزين يروح ويبقى الخبيث الاناني
ثاني يوم مااكدر اشتغل راسي يوجعني هلكد ما بجيت ونقهرت
ليش جاي يصير وياي هيج
بس طلعو للدوام رجعت نمت راسي عبالك راح ينفجر
من كد القهر والتفكير
اخذتني النومه كعدت متاخره
بسرعه خليت الجدر على النار
اجو والغده بعد ما كامل
ابوي.. ووين الغده
ساره...اليوم راسي يوجعني رجعت نمت توني كعدت
ابوي....شنو نمتي شنو تووج كعدتي
احنا شراح ناكل
ساره....ربع ساعه ويستوي الاكل
بعدني ماكملت كلامي واجتني الضربات من كل مكان
هو ومصطفى دارو عليه
ضرب بدون رحمه بكل مكان وبكل قوه
كمت مااكدر احرك جسمي
الدم يجري من جسمي من كل مكان
زوركو جسمي ازورك
ابوي....حتى تبطلين هاي السوالف اعرف سوالفج زين
لان مارضيت تزوجين
كمتي تخبثين بس اسمعي زين يسويره
ماتزوجين ولا تشوفين العرس بعينج
تعيشين وتموتين خدامه بهذا البيت
واذا رجعت مره ثانيه ولكيت الاكل ما حاضر
ما تلومين اله نفسج
مو عبالج انقهر اذا متي
لا بس تموتين افتح التواليت واشمرج بي
حتي محد يعرف مكانج
يله كومي اللج عشر دقايق كون الاكل جاهز
ساره...اريد اكوم مااكدر احس عضامي كلها مكسره
لزمت الحايط مااكدر اوكف على حيلي
حاولت مرتين مااكدر اوكف على طولي
المره الثالثه كوه وكفت لزمت الحايط
عضامي كلها طكطك
وجهي كله دم ايدي مااكدر احركها
فكرت اكتل نفسي واخلص
اني مالي خلاص من ابوي غير الموت
جنت حزينه على امي لان ماتت بس هسه يله عرفت
امي ارتاحت من هذا العذاب
بلعافيه عليج يمه خلصتي ليش مااخذتيني وياج
بقيت واكفه بلكوه لازمه الطباخ وأراوح برجليه
منا لمن كمل الاكل
خليته بلصبنيه ورحت امشي بلكوه
أشرت النور على الاكل ودخلت للغرفه
اسمعهم يسولفون ويضحكون وياكلون ومحد ذكرني
لا كالو شلونج ولا كالو تعالي اكلي
بيومها فكرت بلانتحار ماكو غير حل
شكد بجيت بجيت بحركه واللم يكفي هذا العالم كله
اريد اكوم اغسل مااكدر اوكف على حيلي
كملو ااكل وعافو الصينيه بلكاع
دخل مصطفى للغرفه
مصطفى...ذني ملابسي اكعد الكاهن مغسولات وناشفات
اجت نور ذني ملابس ابوي يكول اغسليهن
ووياهن ملابسي
عافو الملابس يم راسي وطلعو
اني مااكدر ارفع راسي وهما يردوني اغسل ملابسهم
ااكيد اذا أرفض راح انضرب مره ثانيه
كمت ازحف منا لمن وصلت للحمام
كعدت على طبلة الحمام وفتحت الماي
اديه يوجعني مااكدر افرك الملابس
سديت الماي وكمت ابجي ابجي منا لمن راسي كام يوجعني ااكثر من قبل
كمت افرك بالملابس واني اتوجع
منا لمن كملتهن
صحت على نور بس تشرهن على الحبل
نور...وانتي شنو شغلج اني جايه تعبانه واريد انام
كمت ادفع بلطشت وامشي على كيف منا لمن وصلت الحبل
وشريتهن ورجعت للغرفه
تمددت المواعين بقت وصخه بلمطبخ
وبعد شويه يردون عشى
ياربي مااكدر اتحمل ااكثر مااريد منك شي
بس نومه تشبه نومت امي مااكعد وراها ابد
كمت ازحف زحف جسمي ورم من كد الضرب
غسلت المواعين شلون مجان مااكدر افركهن اديه يوجعني
سلكت بتيته خليت سويه بصل وحمستها
وخليتها على النار
ورجعت للغرفه
للمغرب كعدو اول واحد صاح سويره وينج
ابوي عبالك عدوته مو بنته
كمت امشي على كيف
وصلت للمطبخ
صاح وين العشى حضري بسرعه اريد اطلع
حميت الاكل وخليته بصينيه وحميت الخبز وخليت القوري على النار
اجمعو اكلو وعافو المطبخ هوسه وكلمن راح المكانه
كمت غسلت المواعين ورجعت الغرفتي
اتكلب مجاي اكدر انام
جسمي كله يوجعني منيين مااكلب اكول اخ
بلكوه نمت
وكالعاده الصبح كعدت على دفره من حضرت الوالد
جمانه السعيدي
بس طلعو للدوام
اندكت الباب ماردت افتحها
بس بقت تندك ااكثر من عشر دقايق
فتحت الباب شفت حسن كبالي
بس شاف وجعي ازرك وحالتي حاله
حسن.. هاي شبيج منو سوا بيج هيج
ساره...ماكدرت اسيطر على دموعي كمت ابجي
حسن.. ليش تبجين هذا ابوج ابوج اكيد هو الي ضربج
ساره.. هزيت راسي بدون كلام بس دموعي تنزل منا ومنا
حسن...الله لا يوفقه ليش بسبب الخطبه
احجي بسبب الخطبه
ساره....هزيت راسي ومسحت دموعي
روح لا يشوفك احد
حسن....ليش ساكته ماعندج عم خال ماكو احد يوكفه عد حده
ساره....روح الله يخليك روح اني ماعايزه مصايب
هلمره بيها موتي
حسن...صار يومين افتر على بيتكم
اجيت اسئلج منو يأثر على ابوج اريد اروح اشوف واحد يأثر علي حتى اجيبه واجيكم اخطبج مره ثانيه
ساره...لا تجي لاتجي مسحت دموعي
لا تجي ابوي واعرفه زين مراح يوافق
روح اخطب وازوج شوف حياتك لا تنتظرني
حسن...بهاي البساطه اتخلى عنج مستحيل
ساره...راح تتعب بلاش
حسن...انتي بس كولي منو بأثر علي
ساره...محد يأثر علي وواحد اناني مايحب بس نفسه
الله يخليك عوفني انساني
اني وياك ما نصير واحد للثاني
شوف حياتك وعوفني اموت بهذا البيت شويه شويه
طبكت الباب
حسن...خل احجي وياج
ساره...ماكو اي كلام بينا
حسن...راح انتظرج بلكت ابوج يغير رائيه
لو يموت واخذج
ساره...راح حسن وراحت روحي وياااا
ليش الانسان الي حبيته ورتاحيت له مايصير من نصيبي
كملت شغلي وطبخت قبل لا يرجعون
امشي اسحل بروحي سحل
مااعرف اشتغل عقلي بمكان وجسمي بمكان ثاني
من رجعو صبيت الاكل طلع التمن مالح
ابوي...سويره انتي شنو مرض ما تفتهمين ليش الاكل مالح
ياربي اديه توجعني من الضرب
عبالك اضرب بمطي لا فهم ولا علم
سكتت لان شما احجي مراح اغير رائيه
لا يعرف مرض ولا يعرف تعب
ابوي...الله ياخذج ويخلصني منج
ساره.. أمين الله يسمع من حلكك
ابوي...تردين عليه ووجه النعال اني اعلمج
ساره...عفته ودخلت غرفتي لان مادام اني كباله مراح اخلص من الكلام والغلط
راح حسن حجا ويا عمي حتى يجي يقنع ابوي
من اجا عمي وفتح هذا الموضوع ويا ابوي
صار عصبي
ابوي...شنو ذوله زمايل ما يفتهمون مو كلنا ساره ما تزوج
عمي.. خليها تشوف نصيبها ترا مو زغيره
ابوي.. اي ومنو يتحمل مسؤوليتنا اني واخوانها
خليها خادمتنا
منا لمن يتخرجون اخوانها وبعدين تزوج
عمي...من يتخرجون اخوتها تصير عجوز
ابوي.. واذا صارت عجوز
عمي. منو ياخذها
ابوي.. خليها اضل تخدمني اني ابوها وغصبا ما عليها
تخدمني
عمي...حرام عليك توكف بنصيبها
ابوي...الحرام عليه لو عليك ماتزوج يعني ما تزوج
ساره.. عجز عمي يقنعه بس ما يقبل يقتنع
مستحيل يفرط بلخدامه المجانيه بيته
ماكو صدر حنيين اشكيله
ماكو احد يسمعني
ماكو اي احد حاس بيه
بين يوم ويوم حسن يمر من بابنا يسلم عليه ويطلع
كل مايشوفوني يسئل يمتى تفرج علينا
ساره....مادام ابوي عايش ويشم الهوا ماكو زواج بينا
انتظرني حسن سنه كامله وهو يروح ويرجع
منتظر ابوي يغير رائيه
او تجي مصيبه تاخذه ونخلص منه
بس ابوي هو نفسه ما تغير حتى ما يتمرض
ولا فلونزا ولا مرض مزمن عبالك حصان
شكد ادعي علي عبالك الدعاء يمر عليه عافيه
ياربي يتيمه ليش ما تجبر خاطري وتخلصني منه
جمانه السعيدي
اخر شي حسن اختفى وكمت مااشوفه
حقه اني مااعتب علي قصتي اني وياا ما تكمل
ليش ما يشوف نفسه
ازوج حسن وكمت مااشوفه ومااعرف اخباره
حتى مايمر من شارعنا
الله يسعده يستاهل
ماقصر وياي خطبني وتحمل اهاين ابوي
وصبر سنه كامله
من حقه يشوف حياته
بقيت اني أرواح بمكاني
الشيب ترس راسي وشكلي صار عبالك عجوز
من كد القهر والتعب
من بعد حسن محد اتقدملي ولا واحد دك بابي
منو يتقدملي وشلون لا اطلع ولا اروح اي مناسبه
ولا اكشخ ولا يشوفني اي احد
شلون ازوج مااعرف
والمصيبه ابوي الي واكف بطريقي
اتخرج مصطفى من الجامعه وهنا اني عمري صار ٢٧
سنه
ويا التخرج اتعرف على بنيه
تدرس ويااا
يحبها وتحبه
من حقه يحب وينحب لان هو الولد
واني ممنوع حتى اطلب ملابس البسهن ملابسي مشككه عبالك مجدايه
فتح الموضوع ويا ابوي
بس سمع ابوي فرح حيل ابنه كبر وراح يزوج
بلعافيه خل يزوج يستاهل
سمعته يكووول اي هو هذا اليوم الي جنت انتظره
منتظر يزوج مصطفى ويفرح بي
بس هاي الجلبه ساره ما منتظر منها غير الخدمه
اهل البنيه شرطو ماتكعد ويانا يردون بيت وحدها
محد اعترض من حقها يكون عدها بيت مستقل
بعد التخرج مصطفى طلع يدور شغل
اشتغل مصطفى وواجر بيت قريب على بيت اهلها
منو ينضف البيت ااكيد ساره
منو يشيل ويحط ساره
اخذني مصطفى للبيت اشتغل عليه شغل
تنظيف وغسل البيت من السطح للدرج للبيت كله
من نزل الغراض تروح ساره اترتبهن
زين ليش العروس ما ترتبهن
لا العروس تتعب خطيه
بس ساره حيل حصان ما تتعب
هيه الي تنظف وتعدل وتشتغل وهيه ساكته
ابوي ونور فرحانيين بهذا العرس
مصطفى من حقه يزوج ويكون اسره
بس ساره ممنوع عليها هذا الشي
اصلا حرام تزوج وتكون اسره
اشترو ملابس حلوه للعرس واني الي اركض بين هذا البيت وذاك واشتغل ليل نهار
محد ذكرني بدشداشه
ساره...اريد ملابس البسهن بلعرس
ابوي....ياعرس انتي تبقين بهذا البيت
ممنوع اطلعين
ساره...ليش ممنوع اطلع
ابوي....تبقين هنا تطبخين وتنضفين خاف نحتاج شغل
كون انتي حاضره
بعد شسوين بالملابس راح تخلصين الوقت شغل بلبيت
انتظرونا..
الرابع من هنا
