رواية ملف اسود الفصل الثاني 2 بقلم منال كريم

في اوضة فيروز

قفلت على نفسها و انفجرت دموعها اللي كانت محبوسة، و هي شايفة حب السنين ضاع من ايديها، وفقت قدم المرايا و قالت: أنتي لازم تكوني قوية،مينفغش اعدي الموضوع كده ، لازم انتقم من اسلام أنه اختار غيري و انا لا ..

و سكتت شوية و بعدين قالت: و انا ليه انتقم من إسلام هو معملش حاجة و لا حتي وعدني بحاجة، انا اللي من زمان بحبه و هو عمره ما حس بيا أو وعدني بحاجة ،انا لازم افوق و اكون قوية،هو مش غلطان و لا وعدك بحاجة، طول الوقت بيقول اني مجرد بنت خالته و بس، انسي يا فيروز ،حاولي تنسي، دوسي على قلبك ،هو خالص بقي لوحدة تانية

///////////

بعد اسبوع

خطوبة اسلام و تقى

و كان الاسبوع ده اسلام مشغول مع تقى في التجهيزات و فيروز كانت بموت من القهر و الحزن،و الأفكار الشيطانية مش بتسيب دماغها..

/////////

في القاعة

دخلت فيروز في ايد ابوها و هي تشبه الاميرات بجمالها، وشها منور مش بيان عليها أي زعل، رغم قلبها اللي بينزف من الحزن, ابدعت في أنها تطلع اجمل بنت في الحفلة حتي اجمل من العروسة، أقسمت أنها تاخد اللقطة من العروسة نفسها.

قامت أميرة علشان تسلم عليهم.

امال: الف مبروك يا حبيبتي

أميرة: الله يبارك فيكي ،عقبال روز و فيروز

روز: لا شكرا يا خالتو انا مش عاوزه دلوقتي

أميرة: ايه الكلام يا روز ،ربنا يفرحنا بيكي انتي و القمر الساكت ده.

شاورت فيروز على نفسها و قالت : قصدك انا.

أميرة: أيوة انتي.

ضحكت فيروز و قالت : استغفر الله ،اتكلم تقولوا رغاية،اسكت تقولوا ساكتة ،اعملكم ايه علشان تنبسطوا..

أميرة: احنا مبسوطين طول ما انتي مبسوطة، ما شاء الله عليكي كانك خارجة من افلام ديزني ..

روز: عندك حق يا خالتي البت مش شبهنا خالص..

لعبت فيروز في شعرها بغرور و قالت: أقل حاجة عندي..

ضحك الكل عليها ،و قالت امال: يلا نسلم على اسلام و تقى

مشيت فيروز معها و هي حرفيا بتدوس على قلبها و تبيان أنها مش فارق معها حاجة ،بعد ما كلهم سلموا ،قربت فيروز و قالت بابتسامه: مبروك يا اسلام

بص اسلام بإعجاب عليها و قال: الله يبارك فيكي، عقبالك.

فيروز: شكرا

و حضنت تقى و قالت::الف مبروك يا تقى ،اجمل عروسة في الدنيا.

تقى : انتي الاجمل يا فيروز

ضحك اسلام و افتكر، لما فيروز قالت على تقى، حربوقة و حرباية.

بس تقى حست بالغيرة. من جمال فيروز الطاغي على كل البنات...

و قبل ما تمشي قال اسلام بعصبية: هو الفستان مش عريان شوية

كملت تقي بغيرة من فيروز: و انت الصادق يا اسلام هو عريان كتير، على فكرة يا فيروز مش لازم عريان علشان تبقي جميلة.

ضحكت تقي و قالت: اللي يسمع كلامك يقول انك محتشمة اوي ما فستانك عريان و قصير كمان، صحيح هو اسلام قال ايه على فستانك.

و بصت على اسلام و قالت: ملكش دعوة يا ابن خالتي البس ايه.

و مشيت بعد ما ولعت الدنيا بينهم

تقي بعصبية::هو انت غازي عندك البس كده، و فيروز لا

اسلام: اكيد لا بس فيروز

قاطعت كلامه، و قالت: مالها فيروز ،غيران عليها.

اسلام بنفي: ايه الهبل ده ،انا بحبك انتي و استني لحظة

نده اسلام على ام تقي و قال : لو سمحتي يا مرات عمي عرفي بنتك انا قولت ايه على الفستان

أم تقي: قال إن الفستان عريان و هو يغير عليكي، و انا طلبت منه ما يتكلمش معاكي غير بعد الخطوبة.

اسلام: شكرا يا مرات عمي

مشيت ام تقي و اسلام بص عليها بحزن،وقالت بندم: انا اسف

اسلام: بالسهولة دي

ضحكت و قالت: عايز ايه

اسلام: قولي انك بتحبني

بصت على الأرض بخجل من غير رد.

أما فيروز اللي قعدت على الترابيزة و عرفت تسيطر على حزنها، و مفيش مانع أن اسلام كل شوية يبص عليها و مستغرب هي ازاي ما عملتش مشكلة ، و كمان بطلت تتصل عليه،و ميقدرش ينكر أن أول مرة يشوف فيروز انثي بجد، و مبهور من جمالها اللي ظهر فجاة.

////////(

خلصت الخطوبة و ليلة فيروز كانت صعبة.

فيروز بحزن: يارب، يارب صبرني و هون على قلبي ، مش قادرة اتحمل أن حبيبي بقي لحد تاني، قلبي بيوحعني اوي، يارب انت قادر على كل شيء ، و أنا ضعيفة ، قدرني اشيل حبه من قلبي، انا خايفة اتحول لشريرة من كتر الغيرة.

و هي تدعى ربها ،رن التلفيون ،و الغريبة أنه رقم أسلام، بعد اربع رنات ،فتحت الخط و قالت بزهق : الو

اسلام: عاملة ايه؟

و قررت تتصرف كأنها مش عارفة مين المتصل.

فيروز: مين معي

اسلام: نعم يا اختي، مش عارفة أنا مين

فيروز: هتخلص و تقول مين و لا اقفل السكة..

اسلام: هو في ايه الرقم مش متسجل

نفخت بضيق و قالت: استغفر الله العظيم يارب ، كل الارقام اتمسحت ، انت مين بقي؟؟؟

اسلام: و مش عارفه صوتي يا فيروز.

زعقت و قالت: معرفش اصوات حد ،هتخلص و لا اقفل..

فيروز كانت بترد كل اللي عمله أسلام فيها، زي ما بيقولوا الدنيا دواره..

اسلام بغيظ: انا اسلام ابن خالتك.

فيروز برود: طيب ما تقول من غير لف و دوران ،عامل فيلم ليه ، و عايز ايه بقي.

اسلام بحزن: شكلك مش طايقني

فيروز : عندك حق

و قفلت الخط و هو يحاول يرن عليها و هي مش بترد، كلم نفسه بغيظ: هي الدنيا اتشقلب حالها و لا ايه، رن يا اسلام و انا مش هرد..

و هي كانت مبسوطة,أنها بترد معاملته السيئة ليها.

////////////

تاني يوم

صحيت فيروز على رنة التلفيون، فتحت الخط و قالت: مين؟

اسلام: أيوة يا روح الروح.

فيروز باستغراب: مين معي.

اسلام: انا واحد صحي من النوم و نفسه يسمع صوت فيروز..

قامت قعدت و شافت الاسم و قالت بعصبية ::انت عايز ايه يا اسلام على الصبح

اسلام بعصبية: مال طريقتك بقت عاملة كده.

فيروز: مالها طريقتي..

اسلام بعصبية::يعني بطلتي تكلمني و دلوقتي عاملة مش عارفة صوتي ، في ايه يا فيروز..

فيروز بصوت عالي: اسلام بلاش تكلمني تاني ،يا ما اقول ل خالتي و جوز خالتي، كانت قرابة سودة ،اللي خلتك مصدعني طول الوقت..

اسلام بعصبية: نهارك اسود يا فيروز

ردت عليه بنفس العصبية: اسود على دماغك يا اسلام ، ابعد عني بدل ما اعرف خطبيتك..

اسلام: ده تهديد و لا ايه

فيروز: اللي تشوفه ،بس بطل زن على دماغي..

و قفلت في وشه الخط,و كانت فيروز مبسوطة من نفسها انها قدرت تتكلم معه بالطريقة دي ،رغم أن قلبها حزين و مكسور و حست انها كبرت عشرين سنة فوق عمرها من الهم..

حفزت نفسها: ايه يا فيروز عايزة ترجعي ضعيفة و تترجي فيه أنه يرضي يتكلم معاكي زي الناس ، دوسى على قلبك ،انتي مش ل اسلام و هو متعلق ب بنت عمه.

حطت أيدها على قلبها و قالت: يارب هون عليا وجع القلب،بردا و سلاماً عليك يا قلبي..

///////(((

عند اسلام يمشي في الاوضة بجنون و هو مش فاهم نفسه: ايه يا اسلام مش دي اللي كنت تشوف رقمها تتعصب، دلوقتي بقيت تحب تسمع صوتها ، و تقى اللي كنت تتمنى لها الرضا ترضي بقت معك عايز ايه تاني ،صحيح جملة الممنوع المرغوب، انا مستغرب تغير فيروز معي، ما اكيد تتغير لما تعرف انك هتتجوز غيرها، هي عملت الصح لما بعدت، ياريت انا كمان اعمل الصح و ركز مع تقى...

//////////////

في الجامعة

كانت قاعدة فيروز مع صاحبتها و قالت: انا مستغربة من رد. فعلك يا فوز.

جزت على أسنانها و قالت: فوز مين ،بلاش تدلعني كده، فوز اسم راجل ياولية

رانيا: الاسم لايق عليكي

فيروز: رانيا انا مش ناقصة

و نزلت دموعها و قالت: انا زعلانة اوي.

رانيا بحزن: منه لله اسلام ،ابن أم اسلام

فيروز: ما تتدعيش عليه

رانيا بغيظ: يا بنتي انسي ابن خالتك الرخم ده.

فيروز : تفتكري انا مش عايزة كده ، انا بحاول و ربنا يقدرني.

و هما قاعدين شافوا تقى و روز جاين عليهم.

قالت فيروز بغيظ: الحربوقة جت

رانيا؛ حرام عليكي، و هي ذنبها ايه ،و بعدين تقى جميلة و طيبة اوي

فيروز : عندك حق، انا اللي بقيت حربوقة و حرباية

قعدت روز و قالت: عاملين ايه يا بنات

رانيا: الحمد لله

تقى : ازيك يا فيروز

فيروز: الحمد لله بخير

رانيا : بما انكم اكبر مننا بسنتين كنت عايزة اسالكم على حاجة

روز : اتفضلي

التلاتة يتكلموا مع بعض و فيروز عينها على الشبكة اللي في ايد تقى و كلمت نفسها: ده كان من حقي انا يا اسلام ،انا ناقصة ايه علشان ما تبصش عليا و توجع قلبي ..

اتكلمت تقى: مالك يا فيروز ،سرحانة في ايه

فيروز: مفيش حاجه

تقى : لو محتاجة حاجة قولي، اصل شكلك زعلانة

بصت فيروز على الشبكة و قالت بحقد: عايزة خاتم أسلام اللي في أيدك علشان هو من حقي انا.

تقي بعدم فهم: قصدك ايه

فيروز: قصدي أن اسلام بيحبني انا و كمان انا و هو متجوزين في السر

انصدم الكل و فيروز كانت بتضحك و هي مش حاسة هي ورطت نفسها في ايه

و للحديث بقية

تفتكروا اسلام بيحب مين؟؟

تقي أو فيروز

الثالث من هنا