رواية حطام امرأة الفصل السابع والعشرين 27 بقلم دعاء سالم

اللّهم لا تحرمني وأنا أدعوك، ولا تخيبني وأنا أرجوك، يا كاشف الغم، ويا مجيب دعوة المضطرين، يا رحمن الدنيا ورحيم الآخرة أرحمني برحمتك، اللهم لك أسلمت وبك آمنت وعليك توكلت وبك خاصمت وإليك حاكمت، فاغفر لي ما قدّمت وما أخّرت، وما أسررت وما أعلنت، وأنت المقدم وأنت المؤخر لا إله إلا أنت، أنت الأول والآخر والظاهر والباطن عليك توكلت وأنت رب العرش العظيم

حطام امرأة

البارت السابع وعشرون

يوسف غمض عنيه واستسلم لانه خلاص فقد السيطره على العربيه يوسف خلاص قرب من المطب والعربيه على اقصى سرعه ثوانى ويوسف محسش بنفسه غير وانه طيار فى الهواء وسمع صوت سكوووت وبس الناس اتلمت بسرعه على يوسف وحاولوا يخرجوا من العربيه بس مقدروش الباب مكنش بيفتح

راجل: لا حوله ولا قوه إلى بالله ده اكيد مات

اتقدم شاب وقرب من شباك العربيه وقاس نبضه

الشاب: لا ده لسه عايش

الراجل: طب طلعه يابنى ووديه المستشفى

الشاب: الباب مقفول مش راضى يفتح اجتمعوا الشباب إلى كانوا واقفين وحاولوا يخرجوا يوسف لحد ما قدروا فعلا

الراجل: بسرعه يابنى بسرعه خده على المستشفى يالا

اخدوا الشباب يوسف وركبوا عربيه واحد منهم وانطلقوا للمستشفى

الراجل قرب من العربيه بعد ما الشباب راحوا المستشفى مع يوسف فلقاء تلفون واقع على الأرض فعرف انه ليوسف اخده ورن على اخر رقم يوسف كان متصل بيه واستنى الرد

خديجه قاعده فى اوضتها بتقراء روايه او بتحاول تهرب وتنسى كل إلى حصلها فى القراءه تلفونها رن وكان يوسف ردت عليه

خديجه: ايوه يا جو خير

الراجل: الو يا بنتى

خديجه سابت الروايه وعدلت نفسها: مش ده تلفون يوسف

الراجل: والله يابنتى ما انا عارف ازاى هقولك اصل

خديجه بخوف: يوسف حصله حاجه

الراجل: يابنتى ده قضاء وقدر يوسف عمل حادثه وانتقل على المستشفى

خديجه قامت مرعوبه مش مستوعبه إلى سمعته فضلت ساكته دموعها بس بتنزل من عنيها فى هدوء وشريط حياتها كله عدى قدام عنيها كل ذكريتها مع يوسف

الراجل: الو يا بنتى انتى معايا

خديجه بتوهان: يوسف يوسف كويس مش كده

الراجل: والله يا بنتى ما اعرف الشباب اخدوا لمستشفى .................... وياريت تروحيله يا بنتى انا بس قولت ابلغك

خديجه قفلت الفون ووقعت على الأرض مش مصدقه ان يوسف فعلا عمل حادثه فاقت لنفسها بسرعه

خديجه: انتى بتعملى ايه يوسف محتاجلك دلوقتى قامت بسرعه ولبست هدومها ونزلت وركبت تاكسى وادته عنوان المستشفى

خديجه: يارب يارب انا مش هقدر على بعده يارب انت إلى عالم بيا يارب يااااارب طلعت تلفونها ورنت على حور بس تلفونها مغلق

خديجه: اوووف يا حور مش وقتك

رنت على فايز: الو استاذ فايز

فايز: خير يا انسه خديجه

خديجه: حور كنت هسأل على حور هى معاك

فايز: لا حضرتك بس هى لسه رانه عليا من نص ساعه كده

خديجه بدموع: طب متعرفش هى فين

فايز: صدقينى معرفش بس مالك حضرتك صوتك متغير فى حاجه

خديجه بدموع: يوسف يوسف عمل حادثه

فايز: لا حوله ولا قوه إلى بالله طب هو حالته ايه دلوقتى

خديجه: معرفش معرفش انا فى الطريق ليه اهو

فايز: تمام يا انسه خديجه انا هخلص شويه ورق وهحصلك على المستشفى بس هى مستشفى ايه

خديجه: مستشفى .....................

فايز: تمام يا انسه سلام دلوقتى

خديجه: سلام قفلت خديجه مع المحامى

خديجه: ممكن تسرع اكتر يا استاذ

السواق: انتى شايفه الطريق يا انسه مش ذنبى

خديجه غمضت عنيها بالم وقعدت تدعى أن يوسف يكون بخير وميحصلوش حاجه صدقنى انا مش هقدر اعيش من غيره ده كل حياتى يااارب احميه ليا يااااااارب

فاقت على صوت رن تلفونها وكانت حور ردت بسرعه عليها

خديجه: انتى فين ها انتى فين انطقى

حوى: اهدى اهدى فى ايه يا خديجه اهدى التلفون مكنش مجمع شبكه ولسه ملاحظه رنتك دلوقتى

خديجه بدموع: يوسف يوسف يا حور

حور بقلق: ماله يوسف يا خديجه

خديجه بدموع اكتر: يوسف عمل حادثه يا حور

حور سكتت لسه مستوعبتش كلامها بعدها بدأت تتكلم بهستريا: حادثه حادثه ازاى وامتى ومين إلى قالك وهو كويس وهو فى مستشفى ايه

خديجه بدموع: معرفش معرفش يا حور معرفش اى حاجه كل إلى اعرفه انه فى مستشفى ...............................

حور: طب اقفلى اقفلى وانا جايه دلوقتى حالا قفلت حور مع خديجه وطلعت بتجرى بسرعه من الجنينه ووقفت تاكسى وانطلقت للمستشفى وهى بتلوم نفسها كل إلى حصل ده بسببها بسببها هى وبس يوسف اكيد عمل الحادثه بسبب الخناقه إلى حصلت بينه وبينى يااارب يااااارب يوسف لو حصله حاجه انا مستحيل اسامح نفسى ابدا ابدااااااااا

###################################################################################################

فايز سحب القضيه وخلاص جاسم وعمر هيخرجوا جاسم وعمر مشيوا لمكتب المأمور ودخلوا لقاءوا فايز قاعد

المأمور: تقدروا تخرجوا دلوقتى يا اساتذه

جاسم: يعنى ايه حضرتك

المأمور: يعنى المدام حور سحبت القضيه ومبقاش فيه قضيه خلاص فتقدروا تخرجوا

عمر بص لفايز: ازاى

فايز: حضرتك ديه رغبه مدام حور وانا إلى عندى قولته وبعد اذنكم لانى لازم اروح المستشفى دلوقتى حالا

عمر: ليه ايه إلى حصل

فايز: الأستاذ يوسف عمل حادثه ونقلوا المستشفى

عمر بخوف: وحور

فايز: لا مدام حور بخير وانا ليه معرفش اى حاجه انا لسه هروح واشوف

عمر بص لجاسم جاسم ابتسم ليه: روح روح يا عمر اكيد حور وخديجه محتجالك دلوقتى جمبهم روح يا عمر

فايز طلع وعمر طلع وراه وانطلقوا مع بعض للمستشفى

###################################################################################################

جاسم طلع من القسم وهو مش عارف يروح فين فضل ماشى فى الشارع بيبص الناس والأماكن وكل حاجه فضل يمشى مش عارف رايح فين اهو بيمشى وخلاص

###################################################################################################

حور وصلت المستشفى وسألت على حاله يوسف قالولها انه لسه فى غرفه العمليات طلعت تجرى لحد ما وصلت لاوضه العمليات لقت خديجه واقفه هناك خديجه اول ما شافتها جريت ليها بسرعه واترمت فى حضنها حور حضنتها

خديجه بدموع: حور حور يوسف يوسف ايه الى حصله يوسف هيبقا كويس صح اكيد هيبقا كويس

حور بتحاول تبان جامده مش عايزه تنهار قدام خديجه لازم تفضل قويه حتى ولو قلبها بيتقطع من جوه خديجه امانه يوسف ليها لازم تصونها وتحميها وتحفظها ليه لحد ما يقوم ليها بالسلامه

حور بثبات: خديجه اجمدى كده اكيد هيبقا كويس يا خديجه يوسف قوى واكيد مش هيستسلم بسهوله كده

حور بثبات بعدت خديجه عنها ومسحت دموعها ومسكت وشها بين ايديها: يوسف مكنش بيحب يشوف دموعك ديه يا خديجه خليكى واثقه فى ربنا وأنه اكيد مش هيوجعنا وياخده مننا تمام

خديجه بدموع: تمام يا حور

حور سأبتها وقعدت على كرسى وطلعت مصحف وفضلت تقراء فيه وبتدعى ربنا انه يكون بخير

خديجه واقفه قدام اوضه العمليات مستنيه اى حد يخرج ويطمنها على يوسف حست بايه حست بايه وبخطواته ديه نفس رحته لا لا لا يا خديجه انتى بتتهيئ عمر فى السجن حطت ايديها على قلبها بس ده ليه بيدق بالطريقه ديه لفت بهدوء وبصت وراها وشافته للحظه حست بالسعادة بس اختفت اول ما افتكرت كل حاجه مصدقتش عنيها ازاى ازاى إلى واقف قدامى ده عمر لا مستحيل غمضت عنيها على امل انه يكون خيال منها وفتحتها ببطئ بس برضه لسه قدامها

خديجه مشيت ليه بعصبيه وغضب: ايه إلى جابك هنا وانت خرجت ازاى اصلا جاى تشمت صح بس لا يا عمر انا مش هديك الفرصه ديه اطلع بره اطلع مش عايزه اشوفك

حور: خديجه

خديجه بصت ليها وحور قربت منهم وسحبت خديجه وراها عمر لسه هيقرب من خديجه بس حور مسكت ايديه ومنعته وبصت ليه بقوه وثبات

حور: اوعى اوعى تفكر انك تلمسها خديجه مش من حقك يا عمر واوعى تفكر انى معنى انى خرجتك انت وجاسم يبقا معنى كده انى سامحتكم لا يا عمر لا والف لا ابدااا انا عمرى ما هسامحك يا عمر عمرى وارجوك دلوقتى تتفضل تطلع بره احنا مش ناقصين بجد ولا محتاجينك جمبنا

عمر: حور انا مش هسيبك انا هفضل جمبك

حور: وكنت فين لما قعدت استنجد بيك

عمر قرب منها: حور انا عمر عمر اخوكى إلى عمره ما كان يقدر على ذلك

حور: لا يا عمر انت مش عمر اخويا انت عمر أخو جاسم انا عمر اخويا مات فى اليوم الى سلمنى فيه لجاسم وكان عارف هو هيعمل ايه كويس اوووى

عمر: والله ما كنت متوقع انه يعمل كده هو قالى انه بيحبك

حور: اوعى اوعى تبرر غلطك بده يا عمر لان ده عذر اقبح من ذنب

عمر: انا عارف انى غلطان وستين غلطان كمان بس زى ما اديتى جاسم فرصه ادينى انا كمان فرصه

حور بعد عيونها عنه وبصت بعيد لانها خافت خافت عيونها تفضحها لانه بيفهما من نظره عنيها

عمر: حور انا محتاجلك جمبى انتى وخديجه وبص لخديجه انا عارف انى إلى واقفه وراه حور وباصه ليه بجمود

عمر: انا عارف انى خدعتك وانى ظلمتك معايا بس اقسم بالله كل كلمه قولتهالك كانت حقيقى انا حبيتك بجد يا خديجه ولسه بحبك وهفضل احبك وهعمل المستحيل عشان تسامحينى انتى وحور

حور مسكت ايديها وبعدت عنه: امشى يا عمر امشى

عمر: لا يا حور مش همشى انا هفضل هنا هفضل جمبكم ومش هسيبكم ومشى قعد على الكرسى إلى قصادهم فايز قعد شويه وبعد كده استأذن منهم لانه عنده قضايا واشغال وفضل عمر قاعد معاهم وشايف خديجه وهى بتبكى قدامه بس مش قادر يعملها حاجه كان نفسه ياخدها فى حضنه وتبكى فى حضنه هو كان نفسه يكون ليها الأب والأخ والحبيب والزوج كان نفسه يطمنها فى الوقت ده كان نفسه فى حاجات كتير اوووى بس الطريق طويل وهو لسه فى اوله

حور قاعده وبتحاول على قد ما تقدر متنهارش هى لازم تفضل قويه خديجه محتجاها وهى واثقه ان يوسف مش هيسيبها هو قالها انا ملقتكيش بالساهل عشان اسيبك بالساهل ايوه يوسف هيقوم يوسف هيقوم فضلت تردد الجمله ديه فى نفسها وهى واثقه انها هتتحقق

###################################################################################################

جاسم واقف قدام بيت آلاء ميعرفش ازاى ولا امتى هو جيه هنا هو محسش بنفسه فاجه لقاء رجله جابته هنا طب هيقف قدامها يقول ايه هيبرر موقفه بايه وصل للباب وطرب الجرس ثوانى والباب اتفتح وشافها وشافها واقفه قدامه بس ديه مش حبيبته لا مستحيل ديه نسخه حزينه منها مش اكتر تحت عيونها سواد وشكلها ضعيف وضعيفة ومكسوره ديه مش آلاء إلى حبها هو عمل فيها ايه عشان يوصلها للحاله ديه ازاى قدر يكسرها ازاى قدر يعمل كده آلاء اول ما شافته قدامها اتصدمت اتصدمت انه واقف قدامها هو ازاى خرج وامتى وايه إلى جابه فاقت من كل اسالتها ديه وقفلت الباب فى وشه بس هو كان اسرع منها وحط رجله قدام الباب

آلاء: أبعد رجلك

جاسم: آلاء اسمعينى

آلاء بحده: بقولك أبعد رجلك

جاسم فتح الباب بقوه وبعدها عنه ودخل وقفله بالمفتاح واخد المفتاح ورماه من الشباك

آلاء: ايه إلى عملته ده انت مجنون

جاسم: آلاء انا مش هطلع من هنا غير لما تسمعينى

آلاء بعدت عنه وفضلت تمشى في الصاله مش عايزه تقف قصاده مش عايزه تبص فى عنيه لانها هتضعف هتضعف وهى مش عايزه ده مش عايزه تضعف

آلاء: وانا مش عايزه اسمع منك حاجه يا جاسم وبعدين انت ازاى خرجت

جاسم: حور سحبت القضيه

آلاء بضحك: والله انا لو مكانها ماكنتش هعمل كده ابدااا مكنتش هرتاح غير لما احطك وارميك كده فى السجن

جاسم: آلاء متقوليش كده

آلاء: آمال عايزنى اقول ايه ها اقول ايه

جاسم: آلاء انا اتغيرت اقسم بالله العظيم اتغيرت وانتى إلى غيرتينى غيرتينى بحبك يا آلاء آلاء انا اول مره احب حد بالشكل ده انا اول مره اصلا قلبى يحس سوا بالندم او بالحب او بالسعاده وكل ده حسيته معاكى انتى وعلى ايدك آلاء والله العظيم انا اتغيرت وندمت على كل إلى عملته مش عايز غير فرصه فرصه واحده بس وابداء حياتى فيها من جديد عايز ابداء حياتى معاكى انتى يا آلاء

آلاء: ده كان زمان يا جاسم زمان كان ممكن اصدقك اما دلوقتى فلا يا جاسم لا والف لا

جاسم قرب منها ومسكها من كتفها

آلاء: أبعد أبعد عنى أبعد جاسم مسكها وكتفها بقوه بحيس متقدرش تبعد

جاسم: بصى فى عينى بصى فى عينى وقوليها يا آلاء قوليها وانا هوعدك مش هقرب منك تانى

آلاء بصت ليه ولعيونه إلى مليانه ندم وحب حقيقى وحاولت متضعفش واتظاهرت بالقوه

آلاء: مش عايزك يا جاسم مش عايزك انا بكرهك

جاسم ابتسم ليها: بس عنيكى مبتقولش كده ده مبيقولش كده ( وشاور على قلبها ) آلاء طول ما النظره ديه فى عنيكى انا عمرى ما هبعد عنك حتى ولو انتى إلى طلبتى ده

آلاء بعدت عنه بقوه وبصت ليه والدموع فى عنيها

آلاء: لا يا جاسم انا بكرهك وبكره ضعفى اتجاهك ده بكره انى لسه النظره ديه فى عنيا انا تعبت تعبت اقسم بالله تعبت ومش قادره استحمل

آلاء دموعها نزلت منها وديه كانت اول مره جاسم يشوفها بالشكل ده اول مره يشوف ضعفها قرب منها وحاول يحضنها بس هى بعدت عنه

آلاء: مش عايزك افهم بقا مش عايزك

جاسم وقف مكانه ومتحركش

آلاء بصت ليه: انت واقف كده ليه انت ساكت ليه وقريت منه وبدأت تضرب فيه بكل غل وغضب انطق انطق وقول عملت فيا كده ليه ليه خلتنى بالضعف ده ليه ليه خلتنى احبك ليه خلتنى بحبك كده بس انا بكرهك بكرهك انت فاهم وكل كلمه من آلاء كانت بضربه منها برضه بتضربه بكل غل وكره وهو واقف قدامها زى الجبل مبينحنيش قرب منها وحاول يحضنها بس هى مش عايزه وبتضربه فى صدره

آلاء: ليه ليه دمرتنى كده ليه خلتنى احبك الحب ده أكبر ضعف فى العالم ليه خلتنى بالضعف ده ليه خلتنى احبك

جاسم كتفها ومسكها بين ايديه وبيحاول ياخدها فى حضنه

جاسم: انا اسف والله العظيم اسف اسف على كل لحظه حزن سببتهالك اسف على كل حاجه يا آلاء بجد اسف

آلاء بصت ليه وهى متكتفه بين ايديه: سبنى سبنى وطلقنى يا جاسم روح شوف حياتك بعيد عنى سبنى فى حالى بقا ارجوك يا جاسم ارجوك سبنى

جاسم: انا لو سبتك اموت افهميها بقا يا آلاء انتى حياتى كلها انا مقدرش اكمل من غيرك انتى بقيتى كل حاجه بالنسبه ليا انتى وابننا يا آلاء

آلاء هديت بين ايديه وبصت ليه

جاسم: ايوه ابننا يا آلاء انا عارف انك حامل

آلاء انهارت بين ايديه ووقعت وفضلت تبكى وتصرخ جاسم ضمها ليه واخدها فى حضنه

آلاء: ااااااااااه ليه ليه عملت فينا كده ليه يا جاسم انا بحبك انا كنت بحبك اوووى يا جاسم

جاسم: ولسه بتحبينى يا آلاء

آلاء بصريخ وبكاء: للاسف للاسف لسه بحبك للاسف لسه بحبك ومقدرش اعيش من غيرك للاسف للاسف

جاسم مسك وشها بين ايديه وبص ليها بحب صادق: وانا هفضل احبك هحبك لاخر العمر يا آلاء انتى بس ادينى فرصه فرصه واحده بس اثبتلك فيها انى بحبك

آلاء بدموع: خايفه خايفه توجعنى تانى يا جاسم وانا والله العظيم مش قد وجع تانى انا خلاص تعبت تعبت وجبت اخرى خايفه منك يا جاسم خايفه توجعنى تانى ساعتها مش هقدر ارجع نفسى هخسرها وللابد

جاسم قرب منها وسند دماغه على دماغها وبص لعيونها: وانا اوعدك اوعدك انى عمرى ما هوجعك تانى يا آلاء ابداااا مهما حصل هتفضلى انتى وبس إلى فى قلبى آلاء انا خلاص معنديش استعداد انى اخسرك او ابعدك عنى تانى انا عايزك انا عايزك انتى وبس يا آلاء انتى وبس

آلاء: وانا عايزك انت وبس يا جاسم عايزك جمبى على طول

جاسم حضنها: وانا مش هسيبك ابداااا يا آلاء ابداااا

آلاء بدموع: وعد

جاسم: وعد يا لاء وعد

آلاء حضنته بقوه ودفنت وشها فى حضنه وبدأت تبكى هى كانت محتاجه الحضن ده هى كانت محتاجه جاسم جمبها لانها حبته حبته بكل عيوبه قبل مميزاته وبرغم كل إلى حصل حبته

###################################################################################################

حور وعمر وخديجه لسه قاعدين فى المستشفى مستنين اى خبر عن يوسف الباب اتفتح وطلعت الممرضه وهى بتجرى خديجه وحور جريوا ليها بسرعه وعمر قام وقف وقرب منهم

خديجه: يوسف يوسف حالته ايه

الممرضه بحزن: ادعوله جامد يا جماعه ادعوله وسابتهم ومشيت بسرعه

خديجه بصت لحور بدموع: يعنى ايه ادعيوله يعنى ايه ادعيوله يا حور

حور قربت منها وحضنتها: يعنى هو دلوقتى محتاجك دعاكى ادعيله يا خديجه عشان يبقا بخير

خديجه: يااارب يااااارب انت إلى عالم بالى جوايا يااارب

حور بصت لعمر لقته واقف وراهم وفى عنيه نظره ندم ندم على كل إلى عمله غمضت عنيها عشان متضعفش اكتر من كده هى محتاجه تكون قويه لازم تبقا قويه

عمر واقف هيتجنن كان نفسه يكون هو الحضن إلى خديجه تلقاء فيه الامان وتحس بالأمان وهى معاه بس هو بغبائه ضيع كل ده من ايديه بغبائه هو وبس

###################################################################################################

فى مكان بعيد مهجور قاعد عوض ومعاه رجالته

راجل من إلى واقفين: كل حاجه تمت زى ما انت عايز يا معلم

عوض بغل وكره: يعنى هسمع خبره قريب

الراجل: اكيد يا معلم ديه العربيه طارت فى الهواء

عوض: عشان كل واحد ان حور ديه بتاعتى انا وبس

الراجل: طب الامانه جاهزه يا معلم والتسليم بعد نص ساعه

عوض: طب يالا بينا يا رجاله يادوب نلحق

قام عوض ومعاه رجالته وركبوا عربيتهم وانطلقوا لمكان التسليم وصلوا ونزل عوض لقاء الراجل إلى هيقابله واقف ومعاه رجالته

الراجل: الامانه جاهزه

عوض: جاهزه فلوسك جاهزه

الراجل: جاهزه

طلع عوض الشنطه وفتحها للراجل والى كانت بتحتوى على ١٠ تماثيل كبار من الذهب الخالص

الراجل فتح شنطته ووراه الفلوس عملوا التبادل وعوض اخد الفلوس ولسه هيمشى

الراجل: استنى بس رايح فين عوض بص ليه

الراجل: مش لما تاخد هديتك الأول ونرحب بيك

وطلع مسدسه ورجالته طلعت مسداستها عوض بسرعه طلع مسدسه هو ورجالته ووقفوا قصاد بعض

الثامن والعشرين من هنا

مدونة مكتبة حـــواء

رواية حطام امرأة الفصل السابع والعشرين 27 بقلم دعاء سالم