رواية نبض المراد الفصل السابع والعشرين 27 بقلم لينة

ضيف جديد

(٢٧)

* بجلس في الشرفة يسمع بكاءها بألم و يتذكر ما اخبرته عن حبها لمراد *

* Flash back *

* تقف مستنده علي الحائط تنظر للبحر من اللوح الزجاج في غرفتها فسمعت طرقات علي الباب فسمحت للطارق بالدخول *
إيمره: اااه و اخيرا لقيتك
نبض: اوبس نسيت اقولك اني خلتهم ينقلوني في اوضة تانية
إيمره: اه انتي تنسي و تسبيني ادور بقا عليكي
نبض: معلش سوري نسيت ، بعدين اية الحلاوة دي بقيت تكلم مصري حلو و لا اكنك عايش هناك
إيمره: الفضل ليكي و لعمو يوسف ، مقولتليش اية اللي خلاكي تيجي الاوضة دي و تسيبي اوضتك
نبض: عشان اشوف البحر لانه وحشني اووي ، تعرف اني بحب استطنبول اوووي بحسها شبه اسكندرية البحر و الشوارع
إيمره: عشان كدة اصريتي تتعالجي هنا مش في بلد تانية
نبض: اها
إيمره: اسكندرية و اهلك وحشوكي
نبض(بتنهيدة حزن): جدااااا
إيمره: لية جيتي من مصر لوحدك و لية مش راضية تقولي لحد من اهلك علي مكانك
نبض( و هي تتظر للبحر): اهلي لو عايزين يعرفوا مكاني كانو عرفوه اول لم رجلي خطت تركيا بس هم عارفين كويس اني عايزة ابعد فترة عشان كدة مدوروش عليا
إيمره: احم اسف لو كنت بتطفل بس اية سبب بعدك عنهم
نبض: حددوا معاد فرحي من مراد و انا مش موافقة
إيمره(بعدم فهم): مش انتو متجوزين اصلا ؟!
نبض: لاء مكتوب كتابنا بس
إيمره: طب لية موفقتيش علي الفرح
نبض: لاني عايزة اطلق
إيمره( و هو لا يفهم شئ): تطلقي ! لية ؟ انتي مش بتحبيه يعني ؟
نبض( بألم ): بالعكس انا محبتش حد قده
إيمره( و قد ازدادت حيرته): الله ! اومال عايزة تتطلقي لية ؟
نبض( تحكي و دموعها تتهمر علي وجنتيها ): انا هقولك ، من فترة كبيرة في ناس اتأمروا ضدنا و اوهموا مراد اني بخونه و للاسف هو صدق دا و سابني و سافر و الحقيقة ظهرت من فترة قريبة و هو بيحاول يخليني اسامحه بس انا مش موافقة
إيمره: بس انتي بتحبيه
نبض: بس كرامتي و كبريائي اغلي من حبه
إيمره: و لو طلقك هتقدري تعيشي بعيده عنه ؟
نبض: مش هيكون سهل اكيد بس بالتعود كل حاجة بتبقى احسن
إيمره : حاسك هتندمي
نبض( بمرح لتطغي جو الكآبه ): yok
إيمره: ازاي بتقدري تبدلي حالك ف ثواني
نبض: دي طبيعتي ، بعدين انت جي بدري انهاردة كدة لية
إيمره: لسة قدامي وقت علي معاد الشغل قولت اعدي عليكي
نبض: طب يلا ضيعت وقت كتير اكيد معادك جه روح قبل ما تتأخر
إيمره: تمام هجيلك بليل
نبض: تمام
* خرج إيمره من الغرفة و ظلت نبض واقفة مكانها تنظر للبحر و تفكر بكلام إيمره ، احقا سأندم ؟! و كيف سأعيش بدونه كما قال ، عندما تركني منذ خمس سنوات كنت علي يقين انه سيعود يكفي انني مازلت علي ذمته و لكن بعد ان يُطلقني هل سأتقلم علي بُعده كما قلت لإيمره ام سأتعذب ، لا اعرف و لكن ما اعرفه ان بعد ما حدث مازلت احبه بل اعشقه "كالمُهزءة" اللعنة علي ذلك القلب *

* back *

* فاق من شروده علي آلام قلبه الذي احبها و لكن هي لن تشعر به و ايضا لن تحبه ف قلبها مُتعلق بمعذبه و قلبه ايضا مُتعلق بمُعذبته و لكنه عزم علي خروجها من قلبه فهي ليست له و لن تكون له فهي تعامله كأخ لها فقط *

***********************

* يلجس علي الفراش يهز قدمه بعصبيه ، دخلت علية همس و جلست بجواره و وضعت يدها علي قدمه لتوقفه فنظر لها و عيناه حمراء من الغضب *
مراد: لية ؟ لية منعتيني اني اوقفها غصب عنها
همس( بهدوء): لان انت اكتر واحد عارف ان العناد مش هيجيب نتيجة مع نبض بلعكس هيجيب عِند اكتر عشان كدة منعتك ، انك تخلي نبض تسامحك دي اصعب مهمة ممكن تعملها في حياتك * ثم اردفت بحنو و هي تلعب بخصيلات شعره السوداء * بس انا واثقة انك هتنجح زي عادتك لان ابني ميعرفش الخسارة صح ؟
مراد( و هو يهز رأسه بالإيجاب): ايوا ابنك ميعرفش الخسارة ، اوعدك اني هخليها تسامحني بس انتي هتساعديني
همس: دا اكيد * و اخذته بحضنها و ربتت علي ظهره بحنان اموي *
***********************
* اختفى القمر و جاءت الشمس بنورها لتضئ عروس البحر المتوسط ، استيقظت نبض باكرا فتوضأت و صلت فرضها ثم نزلت للاسفل وجدت والدها و إيمره يجلسون علي مائدة الطعام و الخدم يضعون الطعام امامهم ف اتجهت اليهم و قبلت والدها من وجنته و جلست بجانبه *
نبض: صباح الخير عليكوا جميعا
يوسف و إيمره : صباح النور
يوسف: نمتي كويس
نبض: اه الحمدلله
إيمره: ايية بقا هتخرجيني فين انهاردة
نبض: اممم مش عارفة بص انا ورايا مشوار الاول هروحه و لم ارجع اوديك اللي انت عايزه
يوسف: رايحة فين ؟
نبض: هروح لنور الكسندر عندها هروح اشوفه ، هو انا ينفع اجيبه معايا ؟
يوسف: اكيد في مبني ورا الڤيلا لسة متوضبش هعمله اسطبل له
نبض( بفرحة): بجد !! * ثم نهضت و قبلته بفرحة * انت احسن اب ف الدنيا خد بوسة
يوسف(بضحك): كل دا عشان الكسندر
نبض: اها طبعا انت متعرفش دا بالنسبالي اية
* رن هاتف نبض و كان المُتصل نور ف ردت عليها سريعا *
نبض: بنت حلال كنت لسة في سيرتك بقول جيالك
نور( بقلق و خوف): نبض قمر بتولد
نبض: اية ؟ بجد
نور: ايوا شكلها كانت مستنياكي تيجي عشان تولد
نبض: طيب انا جاية حالا ، الدكتور جه
نور: ايوا و جوه معاها
نبض: تمام انا جاية
* اغلقت الخط سريعا و صعدت غرفتها لتبدل ثيابها سريعا ثم نزلت الدرج تركض ف اوقفها والدها ف اخر الدرج *
يوسف: نبص في اية طلعتي تجري و غيرتي هدومك و دلوقتي نازلة بسرعة اية اللي حصل
نبض( و هي تلهث): قمر بتولد
يوسف( بعدم فهم): قمر مين
نبض: الفرسة * و تركته و ركضت و ركبت سيارتها و قبل ان تنطلق بها كان والدها يركب بجانبها و إيمره بالخلف و بدأت نبض القيادة بسرعة *
يوسف: نبض هدي السرعة شوية مش كدة
نبض: مش هينفع يا بابا لازم اوصل بسرعة
يوسف: نبض اهدي انتي مش هتعمللها حاجة لو وصلتي بسرعة
نبض(بدموع): بس هكون معاها هي اكيد بتتألم و الكسندر اكيد هايج و محدش قادر علية
يوسف( و هو يمسك يدها): نبض اهدي مفيش داعي لكل القلق دا قمر هتبقى كويسة إن شاء الله
نبض: إن شاء الله
يوسف( بمزاح ليخفف من توترها ): عاملة كل دا عشان الفرسة اومال لو اختك كنتي عملتي اية
نبض: صدقني مكنتش هقلق عليها كدة
* صمت يوسف لم يعرف ماذا يقول لها و هو يرا كم توترها ، مرت دقائق و وصلت نبض لبيت نور و ترجلت سريعا للداخل و جدت نور تقف بالخارج تبكي و بجانبها مُعتصم يحاول تهدأتها و ايضا ماسة و آسر يحاول يسيطر علي الكسندر الهائج و ايضا مراد يقف معهم ، ركضت نبض لالكسندر لتهدأه فهو بمجرد ان رأها شعر بالاطمأنان *
نبض: قمر عاملة اية ؟ ولدت ؟ * لم يرد احد عليها *: حد يرد عليا
آسر: لسة بتولد
نبض: لية كل دا
آسر: مش عارفين الدكتور ........
* قاطع حديثه خروج الطبيب من الاسطبل و ركوض الجميع حوله *
نبض(بلهفة): دكتور قمر عاملة اية ؟ كويسة
الدكتور: اهدي يا حضرة الرائد ، قمر بخير و كمان المُهر كويسين
نبض(بدهشة): مُهر !!
الدكتور: ايوا قمر عملت مُعجزة بتحصل للخيول نادرا و جابت تؤام
نبض(بفرحة): مش معقول قمر جابت تؤام ! نوعهم اية
الدكتور: ولد و بنت
نبض(بفرحة): ينفع ادخلهم
الدكتور : طبعا
* دخلت نبض و نور و ماسة للداخل و بقي الشباب مع الطبيب ، دخلت نبض بفرحة و معها الكسندر وجدت قمر تقف علي قدمها و بجانبها المُهر احدهما يشبه الكسندر بسواد الليل خاصته و الاخر يشبه قمر في بياض الثلج *
نبض( و هي تنخفض لمستوي المُهر ) : اهلا بيكوا معانا * ثم نظرت لنور * زي ما كُنا متفقين انا هسمي البنت و انتي هتسمي الولد ، ها هتسميه اية ؟
نور( و هي تمسح دموعها ): هسميه رعد ، و انتي هتسميها اية ؟
نبض: هسميها سَكن
ماسة: الله اسماميهم حلوة اووي
نبض ( و هي تمرر يدها علي الكسندر ): مبروك عليك رعد و سَكن يا الكسندر * صهلل الكسندر نتيجة علي فرحه *

* في الخارج *
* يقف الشباب مع الدكتور و انضم لهم يوسف و إيمره *
آسر: دكتور شكرا جدا لحضرتك تعبناك معانا
الدكتور: متقولش كدة دا واجبي
آسر: اتفضل اوصل حضرتك
الدكتور: تمام
* مراد منذ ان رأى إيمره و هو يشتعل غضبا و يمسك نفسه بصعوبه ، خرجت نبض لتنادي والدها ليرى رعد و سَكن *
نبض: بابا تعالي شوف رعد و سَكن
مُعتصم: لحقتي تسميهم
نبض: اها انا و نور كنا متفقين هي تسمي الولد و انا البنت ف احنا مجهزين الاسامي من زمان * و امسكت بيد والدها تسحبه للداخل * يلا ندخل ، و انت يا إيمره تعالي شوفهم
إيمره: تمام
* دخلت نبض و معها والدها و إيمره خلفهم و دخل مراد ايضا و مُعتصم و انضم لهم آسر بعدما ودع الطبيب *
نبض: شوفت يا بابا حلوين ازاي
يوسف: فعلا حلوين اوووي ماشاء الله
آسر: و اهو جه حبيب تاني لست نبض عشان تنسانا بيه و مش واحد لاء دول اتنين
نبض: اه اه بدأنا الغيرة من دلوقتي دول لسة مشرفين طب قول الكلام دا بعد شهر شهرين
آسر( بلا مبالاة مصطنعة ): غيرة !! غيرة اية يا ماما فوقي
نبض( و هي تضيق عينيها ): شوف شوف بيغير كلامه ازاي ، * و هي تقترب منه و تضمه * بعدين متقلقش مقدرش انساك انت اللي في القلب يا آسورة
مُعتصم: احم احم نحن هُنا
نبض: ايوا عارفة انكو هنا و اية يعني اخويا يا جدع
ماسة ( و هي تبعدها عن آسر ): اوعي ابت كدة عن جوزي
نبض: ابت اما تبتك يختي دا اخويا قبل ما يكون ابن خالتك اصلا
آسر: بس بس انتو هتفضلوا كل مرة تتخانقوا عليا كدة
نبض و ماسة : اخرس انت
آسر(بخوف): ماشي اهدوا
نبض: بت انتي انا احضن ااخويا براحتي و ابوسه كمان * و قبلت آسر من خده و اخرجت لسانها لماسة *
مُعتصم: وربنا طفلة و مش فاهم ازاي بقت ظابط بيخاف من اسمها اكبر تُجار المُخدرات و السلاح
يوسف: ميغركش اللي انت شايفه دا بنتي اسد
مُعتصم: طبعا مين يشهد للعروسة
نبض: بمناسبة العروسة هتتنيلوا تجوزوا امتي ؟؟
مُعتصم: منعرفش لسة فاضلنا حاجات ...
نبض: فاضلكوا اية انتو مش مجهزين كل حاجة عشان المفروض الفرح يكون من ست شهور
آسر: ايوا بس ...
نبض: مفيش بس مُعتصم انت هتطلع دلوقتي لعمو محمد و هتقولوا الفرح الخميس الجي * و نظرت لآسر * و انت هتجي معايا دلوقتي لعمو عز و تقولوا نفس الكلام و باقي الترتيبات عليا مفهوم ؟ * ينظر الجميع لبعض بدهشة و لا احد يرد *: تمام يبقى مفهوم يلا بينا ، نور الكسندر هيبقى عندك فترة اهتمي بيه و انا هبقى اجلكوا كل يوم
نور: تمام متقلقيش
نبض: تمام ، بابا حضرتك روح انت و إيمره و انا بعد ما اروح مع آسر هجلكوا
يوسف: تمام ، يلا يا إيمره

" كانت القسوه خطيئتك وكان الكبرياء خطيئتي وحين التحمت الخطيئتان كان الفراق مولودهما "
_غاده السمان

* خرج يوسف و إيمره و ركبوا السيارة و غادروا ، و نور و معتصم دخلوا البيت ليتحدث مُعتصم مع محمد عن موعد الزفاف الذي حددته نبض ، اما آسر ف أخذ ماسة و خرج من الاسطبل للسيارة عندما اشار له مراد بأن يتركه مع نبض ، نبض كانت ملتهية مع رعد و سَكن لم تنتبه لخروج آسر و ماسة ، و لكنها انتبهت عندما سمعت صوت انغلاق الباب فنظرت تجاه الباب و جدت مراد قد اغلقه و يقف مستند عليه فنهضت سريعا تحاول فتح الباب و مراد يمنعها *
نبض(بغضب): مراد افتح الباب
مراد(ببرود): لاء
نبض(بعصبية): مراد متستفزنيش قولتلك افتح الباب دا
مراد: مش قبل ما اقول اللي عايز اقوله
نبض: و انا مش عايزة اسمعك
مراد: لازم تسمعيني
نبض: و انت لية مسمعتنيش من خمس سنين و حكمت عليا منغير م تسمع كلمة واحدة حتي و عاملتني بمُنتهى القسوة هاااا ليييية
مراد(بألم): غلطت و دلوقتي ندمان
نبض(بابتسامة سخرية): و هيفيد ب أية ندمك دلوقتي
مراد: انا عارف انه مش هيرجع حاجة بس عايزك تسامحيني و انا هعوضك عن كل حاجة
نبض(بدموع و ألم و هي تشاور علي قلبها ): في هنا جرح كبير هتقدر تمحيه ؟؟ طب هنا * و هي تشاور علي عقلها * في لحظة ما جرجرتني من شعري و ضربتني بالقلم و بتتهمني في شرفي بحاجة معملتهاش و كنت ضحية ، في لحظة ما كنت بترجاك تسمعني بس انت رمتني و مشيت هتقدر تعوضني عن كل دا و ترجع الخمس سنين اللي عشتهم ف عذاب بعدك ؟؟ لو هتقدر تنسيني و تمحي الذكريات ابقى ساعتها ممكن اسامحك علي كل دا ، بس كبريائي اللي انت حطمتها مُستحيل اسامحك عليها كبريائي خط احمر يا حضرة المقدم
* كانت مع كل كلمة تخرج من نبض كالخنجر الذي يغرس بقلبه اضعف من قوته جعل من السهل ابعاد نبض له عن الباب و خروجها ، بعدما خرجت انفجرت في البكاء فهي ايضا من الصعب لها ان تنطق بهذه الكلمات و تعرف تأثيرها علية و لكن لابد من قولها هذا لتشعره بألمها و ترد بعض من كبريائها الذي اهدرها ذلك المُعذب لقلبها ، ذهبت لآسر و ركبت معه السيارة ذاهبا الي بيت ماسة *
* بقى هو في الاسطبل بمفرده بسترجع كلاماتها الحادة له و الدموع تنزل من عينيه كالشلال ، هي محقة كيف له ان يداوي كل هذا الألم الذي سببه لها ، وجد الكسندر يقترب منه و يتمسح به ، فنظر له و ابتسم ابتسامه حزن و ألم *
مراد( هو يمسح بيده علي الكسندر ): صاحبتك شكلها مش هتسامحني ، تعرف ! هي عندها حق انا عاملتها بقسوة اووي بس دا كان غصب عني كانت عيزاني اتصرف ازاي * صمت قليلا ثم قاطع الصمت صوت هاتفه و هو يعلن عن اتصال من همس ف رد عليها *
همس: مراد اية الاخبار قمر ولدت
مراد( بصوت مبحوح من البكاء): ايوا
همس( بقلق من نبرة صوته ): مراد مالك انت كويس ؟ انت قابلت نبض ؟
مراد( و هو يستند علي الحائط و ينزلق للاسفل بألم ): قابلتها
همس : و قالتلك اية
مراد: قالتلي كلام كتيير
همس: مراد متستسلمش ، طبيعي اي حد في مكانها هيبقى عايز يخرج غضبه علي حد ، هي هتسامحك يا مراد بس لازم الاول تطلع كل الغضب اللي بقالو خمس سنين في قلبها تجاهك ، مراد قوم يلا و خليها تسامحك انت وعدتني
مراد( و قد اعطاه كلام والدته امل ): ايوا انا وعدتك و هنفذ وعدي
همس: تمام يا حبيبي يلا مع السلامة
مراد: سلام * نظر لاكسندر و قد تبدل حاله من حزن و ألم الي امل و فرح * : هعمل كل اللي اقدر علية و نبض هتكون مسمحاني علي عيدميلادها الجاي دا وعد من مراد الالفي لنبض الشرقاوي

***********************

* تحدث آسر مع والد ماسة و كذلك مُعتصم مع والد نور و اتفقوا ان الزفاف يوم الخميس القادم و اصبح الجميع مشغول بترتيبات الزفاف السريع هذا ، و نبض كما قالت هي من تجهز لكل شئ من ترتيبات قاعة الافراح و خبيرة التجميل للعروسين و المصور الذي سيأخذ لهم الصور لذلك اليوم لتكون لهم ذِكرى طول العمر ، منعت نبض ان يتدخل اي احد بهذه الترتيبات و ان يهتم الكل بماذا سيرتدون في الزفاف فقط *
* قبل الفرح بيوم ذهبت نبض للقاعة لترى اخر الترتيبات و تطمئن ان كل شئ كما تريد ، بنفس الوقت ذهب مراد الي بيت يوسف ليُعطي نبض فستان اشتراه له لتحضر به الفرح فهي انشغلت بجميع الترتيبات و نست ان تشتري فستان و لكن هو كان يعرف هذا لذلك تولى هو مسؤليه الفستان ، عندما وصل البيت و سأل عن نبض اخبره يوسف انها ذهبت للقاعة لترى اخر التجهيزات فسأل عن إيمره ليسلم عليه ف اخبره يوسف انه مع نبض ، جن جنونه عند سماعه هذا و ركض خارجا و ركب سيارته و انطلق بها مسرعا الي القاعة ، وصل في وقت قياسي لسرعته الجنونية و سأل عن مكان نبض وذهب لها *
* اما بالداخل فكانت نبض تقف مع احد العاملين و بجانبها إيمره *
نبض: اخبار الاكل اية ؟
العامل: تمام يا فندم الطباخ هيكون هنا بكرة بدري و يعمل كل الاكل اللي حضرتك امرتي بيه
نبض: تمام حلو ، التربيزات مش مترتبة زي ما انا قولت لية ؟
العامل: هتترتب انهاردة يا فندم حضرتك متقلقيش كل حاجة هتكون زي حضرتك عايزة
نبض: تمام شكرا لتعبك
العامل : العفو يا فندم دا شغلي ، عن اذنكوا
نبض: اتفضل
إيمره: واو انتي عملتي الديكور دا لوحدك
نبض: اها اية رأيك
إيمره: çok güzel , çok ( جميل جداا )
نبض: teşekkür ederim ( شكرا )
إيمره: لا حقيقي ذوقك حلو
نبض( بغرور مصطنع): ايوا عارفة
إيمره: اووووههوو هتتغري علينا بقاا
نبض: اها طبعا
إيمره: ماشي يا ستي براحتك
نبض: احيييية بجد
إيمره( بخضة): اية في اية
نبض: انت بقيت تتكلم مصري حلو اووي حتي مش مكسر انت لو حد ميعرفش انك تركي هيفكرك مصري
إيمره(بغرور): كل الناس بتقولي اني بتعلم بسرعة و ذكي
نبض: طب متتغرش اووي كدة بس
إيمره: يوه يعني حلو ليكي و وحش ليا
نبض: الله يرحم لم كنت بتقول نعم انا لا افهمك
* ضحك الاثنين علي كلام نبض ، في الوقت ذاته دخل مراد عليهم و رأهم و هم يضحكون باستمتاع ف اشتعل غيرة اكثر و اقترب منهم و وقف امامهم و ربع يده و ينظر لها بغضب ، توقفت عن الضحك سريعا عندما رأته امامها و شحب لون وجهها عندما وجدت الغضب بعينيه اقسمت ان لو النظرات تقتُل لكان إيمره الان واقع امامهم فاقد للحياه *
إيمره( بابتسامة ودودة): مراد اهلا بيك
مراد( و هو يجز علي اسنانه ): اهلا
إيمره : خير في حاجة
مراد: جاي اخد مراتي عندك مانع
إيمره ( باحراج ): احم اكيد لاء يعني ، عن اذنكوا
* خرج إيمره و تركهم بمفردهم *
نبض: انت اية اللي قولتوا دا ؟
مراد: اية قولت حاجة غلط ؟
نبض( بهدوء ): مراد انا كام مرة هقولك تبعد عني و تطلقني بقا ؟؟؟؟
مراد( ببرود): لسة هتقوليها كتير الفترة الجاية
نبض( بعصبية): مراد كفاااية بقااا انت لية مش عايز تفهم اني رافضة العيشة معاك مش هتجوزك افهمها بقا انا بكرهكك بكرهك * هزت تلك الكلمة جدران المكان من علوها ، كانت ذاهبة و لكن امسكها مراد من خصرها و قربها له و نظر بعينيها بقوة *
مراد: بصي في عيني و قولي انك مبقتيش تحبيني و بتكهريني ، بصي في عيني يلا و قولي ..... سكتي لية عشان تعرفي ان كل الكلام دا مش طالع من قلبك يا نبض ، لو قدرتي انك تبصي في عيني و تقوليلي انك بتكرهيني هطلقك
نبض( و قد استجمعت كل قواها و نظرت في عينه فهي لا تستلم بسهولة و عنادها اكبر شئ تمتلكه ): انا بكرهك يا مراد بكرهك ، استريحت ؟ ورقتي توصلي بقا
مراد( بألم ): للدرجادي كرهتيني يا نبض كرهتي مُراد ؟ ..... تمام زي ما انتي عايزة هطلقك و اخلصك مني بس مش دلوقتي بعد جواز آسر عشان منعكننش علية
نبض( بجمود ): تمام
* تركها مراد و خرج دون اضافة كلمة اخري ، بعد ان خرج و تركها سقطت ارضا علي ركبتيها تبكي بألم و هي تقول * : لاء متطلقنيش متسمعش كلامي انا غبية و القلب المُهزء دا رغم كل حاجة لسة بيحبك متطلقنيش مش هقدر اعيش منغيرك مش هستحمل بُعد تاني يا مراد

* يقف بعيد يراقبها * : و اخيرا اعترفتي يا نبض متقلقيش مفيش طلاق من انهاردة في افراح و سعادة و بس

" الأمر اشبه بأنني اريدك ان تعلم ، و لا اود اخبارك "
- جبران خليل جبران

الثامن والعشرين من هنا

مدونة مكتبة حـــواء

رواية نبض المراد الفصل السابع والعشرين 27 بقلم لينة