رواية تحدت الطوفان الفصل السادس والعشرين 26 والاخير بقلم اسماء ابو شادي
الحلقة الاخيرة من الجزء الأول ( تحدت الطوفان) بقلم:- اسماء ابوشادي Ana Amera Habeby
_________________________________
الناس اللي بتقول ليه هتعمليلها جزء تاني. حضراتكوا ده مش بمزاجي الرواية لسه ماخلصتش في أحداث كتير وكان لازم اقفل الجزء ده كدة والباقي اكملهم في جزء جديد
لأن طريقة السرد هتختلف كتير عن الجزء الأول و زي ما قولت في الكومنتات اللي فات ده حمادة واللي جاي حمادة تاني الاقتباس اللي نزل دا من الجزء التاني والهدوء اللي كلمتكوا عنه برضوه في الجزء التاني
اسيبكوا مع الأحداث
وقفت تستنشق بعض الهواء فقد شعرت أنها تختنق وبأن جسدها يتصلب
شردت بذهنها إلى عام مضى فهي نفس تلك الأيام بعد يوم ميلادها. تتوالى الأحداث فقد أقسمت تلك الأيام على ألا تأتي عام دون تؤلمها وتضعفها
وقفت وبتحاول تحرك أصابع ايديها وتفك جسمها لأنها حاسة أنهم بيتشدوا جامد وبتلعن الظروف اللي هي فيها دلوقتي لأنها كانت مخططة أنها في الوقت ده هتهرب وتروح أي مكان تقضي الشهر ده كله لوحدها وبتفكر هل هي غلطت لما رجعت لحياتها وسط العيلة قبل ما تسترد قوتها كاملة وتنسى كل حاجة طيب وجودها وسطهم دا كويس ليها ولا ضرر اكتر
وهل سنة كاملة مش كافية لأنها تنسى وليه هي في الأيام دي حاسة اللي كل اللي حصل كأنه بيحصل ادامها وهي عايشة فيه. بكل كيانها
وأسر بعد ماشافها إمبارح في الحالة اللي كانت فيها بيفكر في ايه. ممكن تكون صعبت عليه وهو ممكن يكون فهم الحالة اللي كانت فيها اصلا
آسر / حبيبتى انتي كويسة
بصت وراها بسرعة لما سمعت صوته وبتحاول تكون طبيعية ادامه
سيلين بقوة ولكن قوة واهيه / أيوة كويسة
آسر ماصدقش لأن مش دي الحقيقة. وكمان هو شايف في ملامحها ألم بس هو مش فاهم حاجة وبيتمنى أنها تفتح قلبها وتتكلم معاه علشان ترتاح وهو كان يرتاح لكن هي خايفة تظهر ضعفها ادام إي حد حتى هو
آسر / طيب يا حبيبتى بس انا مش عايزك تقلقي. من أي حاجة انا عارف ان منار واخوها صعبانين عليكي بس
قاطعته هي بدون وعي / هما مش صعبانين عليا. بس انا تخيلت نفسي مكانها
احنا عندنا منافسين كتير واكيد أي حد ناجح له أعداء فأنا خايفة في يوم أكون انا مكانها. وحد من عيلتي هو مكان أخوها
( هي محتاجة تتكلم وتقول حاجات كتير بس ماكنتش عايزة تتكلم. ولما قالت الكلام ده كان غصب عنها خرج منها بطلقائية . هي إمبارح أدركت وتأكدت أنها مستحيل تنسى حبه لأنه بمجرد ماقرب منها ضعفت واستسلمت لكن هي فسرت ضعفها ده للفترة الحالية اللي هي بالنسبالها فترة ضعف مش اكتر )
آسر بأبتسامة / اطمني حبيبتى مافيش حاجة من دي هتحصل وأنا جنبك وعمري ماهسيبك خليكي قوية
( برغم أنها محتاجة تسمع الكلام ده لكن الكلام عراها ادام نفسها اوى )
سيلين بقوة / ومين قالك اني ضعيفة عشان تقولي خليكي قوية ها. انا قوية وقوية جدا كمان ومش محتاجة لحد جنبي
آسر لاحظ في ايديها برضوه أن العروق ظهرت بشكل مش طبيعي وحتى وشها برضوه وطريقة كلامها مش طبيعية ابدا
آسر بقلق / انتي مالك حاسة بأية
سيلين بتوتر تخفيه / وانت مالك انا حاسة بأيه انا الحمد لله كويسة بس انت خليك فى حالك
آسر بضيق لأجلها / ماهو انتي حالي. ردي عليا وقوليلي فيكي ايه بالظبط. ( مسك ايديها ولاحظ تيبس حركتهم ) والحالة اللي كنتي فيها إمبارح بالليل و دلوق
قاطعته بقوة / انت تنسى اللي شوفته بالليل خالص مفهوم
آسر بمراوغة / قصدك على ايه بالظبط . انا مستحيل انسى انك كنتي في حضني إمبارح بين ايديا وبدون ماتقاومي يمكن الحضن مادامش ولا تطور. لكن حتى لو لحظة واحدة تكفيني انها برضاكي
سيلين/ اللي حصل ده كان ضعف مش رضى ابدا
آسر / تعبتيني يا دلوعتي. لسه كنتي بتقولي انك قوية ومش ضعيفة. ازاي دلوقتي بتقولي أنه كان ضعف
( هو مش فاهم أنه اللي بيحاول يعمله ده ما ينفعش يعمله دلوقتي ابدا هو بمعنى اصح مش فاهم حالتها بس بيحاول يخليها تتكلم تتعصب لأن منظرها قلقه جدا
وهي حاسة ان كل كلمة بتنطقها بتسحب من طاقتها فخلاص هي قررت تهرب من ادامه وتحاول على الأقل طول الفترة دي أنها تتجنبه )
سيلين / الظاهر انك فاضي وأنا للأسف ورايا حاجات كتير وحمل اتحط. على اكتافي لازم أكون اده و زي ماقولتلك. أي حاجة حصلت إمبارح انساها خالص
( قالت كدة وماشية من جنبه علشان تخرج بس هو مسك ايديها قبل ماتمشي وهي رفعت وشها تبص له وهو بص في عيونها )
آسر بعشق / هسيبك دلوقتي ومش هضغط عليكي بس خلي بالك انا مش هرتاح غير لما اعرف انتي فيكي ايه وتتكلمي وتخرجي كل اللي في قلبك
( ساب ومشي جنبها واتخطاها بس وقف بدون مايبصلها )
يلا لو هتمشي تروحي شركة الجاسر لأني مش هسيبك تقفي تتكلمي مع الناس دي هنا لوحدك
@@@@@@@@@@@@@@@@@@@@
أمام غرفة العناية المشددة
خرجت منار بعد ما شافت أخوها وهو طمنها لما ابتسملها
بكر / اخوكي كيفه يا بت عمي
( منار بصتله من فوق لتحت وماردتش عليه لأنه سألها بأسلوب مش كويس وهي اصلا مابترتحلهوش وبرغم أنها مابطقهوش لكن هو تنح وعايز يتجوزها وطلبها من هشام اكتر من مرة لكن هشام بيرفض لأنه عارف انه انسان طماع وهيتجوزها علشان الفلوس )
بكر بعصبية/ انتي بتبصيلي أجده ليه وماهترديش عليا ليه
سيلين وهي تقترب منهم / مابتردش عليك عشان مش عايزة تكلمك. يبقى تسكت وماتوجهلهاش كلام وسيبها باللي هي فيه
أبو بكر / خبر ايه مش بت عمه وبيتحدت معاها دخلك ايه انتي
سيلين/ دخلي كتير اوى.
منار مسؤولة مني لحد ما اخوها يقوم بالسلامة
بكر / وانتي تبجيلها ايه عشان تبجا من مسؤوليتك
رشوان / خلص يا ولد. كن ماحدش فيكوا عاملي اعتبار ولايه
سيلين بقوة / عن اذنك يا حج اصلي مشغولة و ورايا مسؤوليات وأمانة في رقبتي لازم اصونها لحد ما صاحبها يستلمها يلا منار
منار / انا عايزة أفضل هنا مع هشام
سيلين / حبيبتى هتبقى نيجي تاني اخر النهار بس انا لازم اروح الشركة دلوقتي وكمان ما ينفعش اسيبك لوحدك. يلا
منار / يلا
بكر / شركة ايه اللي عم تحكي عنها ياك جصدك شركاتنا
سيلين بتهكم / ش ايه يا بابا شركاتكوا لا يا حيلتها انا قصدي على شركات هشام الجاسر اللي أنا معايا منه توكيل عام بأدارة كل حاجة فيها. ( وابتسمت بأستفزاز ومسكت ايد منار ومشيت وأسر كان مراقب كل ده وفي عيونه نظرة فخر بحبيبته اللي برغم كل اللي هي فيه لكن قوية وماحدش يقدر يهزمها ولا يقف قصادها وفعلا يُعتمد عليها
مشي ورا سيلين بس قبل مايمشي بص لبكر وأبوه نظرة قوة وتحذير في نفس الوقت لأنه اصلا مش مرتاحلهم من اول ماشافهم.)
الحارس مشي مع سيلين شوية لادام لأن هي بصتله وهو فهم أنها عايزة تكلمه
وأدام باب الأسانسير
الحارس / اؤمريني يا فندم
سيلين/ فتحوا عنيكوا كويس وبعد شوية تقول لراجل الكبير ده هو اسمه الحج رشوان قوله في عربية تحت جاهزة توصلهم لبيت هشام بيه. وخلي الاتنين اللي معاه دول تحت عنيك طول الوقت لحد مايرجعوا بلدهم
الحارس / تحت أمر سيادتك
زاد افتخاره بها وبزكائها فهي أيضا لم تثق ببكر وأبيه
ركبوا الأسانسير ونزلوا والحارس رجع مكانه تاني
@@@@@@@@@@@@@@@@@@@@
وصلت سيلين شركة الجاسر و معاها منار
دخلت بهيبة تليق بسيلين تاج الدين اللي الكل بيتكلم عنها وعارفين هي مين في الوسط كله
من اول ما دخلت الكل بيبصلها في منهم اللي عارفها وعارف هي مين وبنت مين وأخت مين وفي اللي ميعرفهاش لكن هي لفتت انتباهه بقوة حضورها وجمالها وشياكتها
ومنار ماشية جنبها علشان تعرفها فين مكتب هشام أخوها
و وصلوا عند السكرتيرة الخاصة بهشام
السكرتيرة / آنسة منار. هشام بيه عامل ايه و اخباره ايه دلوقتي
منار / كويس الحمد لله
سيلين / انتي سكرتيرة هشام الخاصة
السكرتيرة / أيوة يا فندم
سيلين دخلت المكتب وقالت لها / تعالي ورايا
السكرتيرة / هو حضرتك بتعملي ايه ما ينفعش كدة
( هي بطبيعة عملها مع هشام عارفة ان دي سيلين تاج الدين. )
سيلين بجدية / بصي من اللحظة دي انا مديرة الشركة ومطلوب منك تسمعي اللي اقوله وتنفذيه بالحرف الواحد وده ( مدت ايديها بورق ) توكيل ليا من هشام اني اقدر اتصرف في اي شئ
السكرتيرة اخدت الورق واتاكدت من صحته واستغربت جدا. وبصت لمنار وبعد كدة قالتلها / طيب حضرتك انا هكلم المحامي الخاص لهشام بيه
سيلين / مافيش داعي هو دقيقة واحدة وهيكون هنا دلوقتي بس عايزاكي تروحي وتجهزي اجتماع لكل رؤساء الأقسام والموظفين بعد نص ساعة وتجيبيلي ملفاتهم هنا فورا
( المحامي وصل. وطبعا هو على علم بكل حاجة لأن هو اللي جهز الورق لهشام واتكلموا وسيلين طلبت إنه يحضر الاجتماع وفعلا عمل كدة. وفي الاجتماع سيلين أظهرت قوتها وحزمها ونبهت على الكل الالتزام بشغله وإلا اللي هيقصر ملهوش مكان هنا وقدرت أنها تزرع الخوف في نفوسهم ومافيش حد خرج من الاجتماع إلا وهو خايف على وظيفته وخايف من سيلين نفسها وخصوصا بعد ماعرفوا أن هي دي سيلين اللي بيسمعوا عنها دايما
وعن عيلتها أنهم مابيرحموش ابدا
( يعني سمعتهم سبقاهم )
وأغلبهم ظنوا ان عيلة تاج الدين استولوا على شركات الجاسر والافظع أن في منهم ظنوا برضوه أن اللي حصل لهشام ده وراه عيلة تاج الدين
@@@@@@@@@@@@@@@@@@@@
في شركة تاج الدين
آسر وصل الشركة ودخل مكتبه وقعد علشان يشتغل وقبل مايبدأ دخل محمود عليه بعصبية وغضب
محمود بعصبية /فين سيلين يا اسر.
آسر بغضب / انت ازاي تدخل بالشكل ده وتتكلم معايا بالطريقة دي
محمود سخرية / رد عليا مراتك فين. ولا ماتعرفش هي فين وبتعمل ايه
آسر بغضب اشد / لا اطمن انا عارف مراتي فين وبتعمل ايه يا محمود وماسمحلكش تتكلم بالطريقة دي عنها
محمود بعصبية/ عارف أنها في شركة الجاسر وبتشتغل عنده وغير ما كانت في المستشفى إمبارح طول اليوم معاه وانت كمان كنت معاها. وسيبتها تاخد اخته كمان البيت بتاعها
آسر ببرود / أيوة عارف وموافق على كل اللي هي بتعمله لأنها مابتعملش حاجة غلط وهي مابتشتغلش عند حد هي بس بتساعده
محمود / تساعده. مابقاش غير الواطي ده اللي تروح وتساعده انا هروح دلوقتي واهد الدنيا كلها
سامي ( دخل ورا محمود هو وأحمد / اهدا يا محمود ما ينفعش تتصرف بالطريقة دي ولا ينفع تروح هناك اصلا اتصل بيها وهي تيجي هنا إنما ماتروحش الشركة دي بتاتا
محمود / اتصل يا احمد بيها وقولها اخوكي بيقولك تكوني ادامه دلوقتي حالا
آسر قعد على الكرسي بتاعه وبيبصلهم بترقب هو ماكنش متخيل ان الموضوع بالحجم ده بالنسبة للعيلة هو اتعصب واتضايق لكن ده من غيرته على حبيبته هما بقى ليه مكبرين الموضوع اوي كدة وكأنها جريمة وافتكر كلام سيلين قبل كدة لما كانت تسخر من تكبره وتصرفاته وتقوله ( ما انت ابن عيلة تاج الدين ) دلوقتي بس فهم هي ليه كانت بتقول كدة وقصدها ايه
هو طول عمره بعيد عن كل العيلة حتى من قبل مايسيب القصر ويعيش لوحده ويدخل كلية الشرطة
حتى لما كان بيزورهم كان بيبقى زيه زى اي ضيف مالهوش دعوة بأي حاجة بتحصل ولا فارق معاه حاجة المهم هو وبس
أحمد اتصل على سيلين وبعد شوية ردت عليه وتقريبا سيلين كانت شبه منتظرة المكالمة دي لأنها عارفة أنهم مستحيل يتقبلوا الموضوع ده خاصة لأن محمود بيستحقر هشام وبينهم منافسة قوية جدا
سيلين / الووووو
أحمد / ايوة يا سيلين محمود بيقولك تيجي الشركة علشان هو عايزك
سيلين / طب قول حتى ازيك عاملة ايه صباح الخير ولا اي حاجة
أحمد / إحم.مش وقته ازيك ولا صباح الخير خالص
محمود بصوت عالي / اخلص انت كمان و قولها تيجي دلوقتي
سيلين ببرود / قوله مش لازم يعلي صوته اوى كدة انا سمعت وللأسف مشغولة دلوقتي ومش هقدر اجي
أحمد بتوتر / ما ينفعش يا سيلين لازم دلوقتي
محمود بعصبية/ افتح الزفت السبيكر وسمعني هي بتقول ايه
( أحمد فتح مكبر الصوت وطبعا سيلين اتكلمت لأنها سمعت صوت محمود )
سيلين ببرود ولكن حازم / بقول مش فاضية دلوقتي يا محمود بيه. وأن شاء الله لما اخلص اللي في ايدي هبقى افوت على حضرتك في البيت لأني عندي شغل كتير وهخلص متأخر
سلام
( محمود أتضايق جدا من برود سيلين وهي فعلا استفزته جدا بس برغم ذلك سكت واتوعد لها بينه وبين نفسه وخرج من المكتب بنفس الطريقة اللي دخل بيها وأحمد وسامي خرجوا وراه برضوه.
أما اسر فبص عليهم وهما بيخرجوا ومن منظر محمود عرف أن الموضوع مش هينتهي بسهولة خصوصا أن سكوت محمود مايطمنش بعد كلام سيلين )
@@@@@@@@@@@@@@@@@@@@
سيلين في مكتب هشام الجاسر طلبت من السكرتيرة كل الملفات الخاصة بالموظفين و الصفقات والمناقصات اللي بتتم في شركات الجاسر وقعدت أعلى المكتب وبدأت شغل. في الحاجات المهمه الأول
بس حست أنها مش بخير ابدا خصوصا بعد اتصال أخوها
مسكت تليفونها واتصلت بصديقتها ( نها ) و ردت عليها علطول
نها / الوووووو يا سيلووو
سيلين / أيوة يا قلب سيلووو عاملة ايه
نها / تمام الحمد لله طمنيني انتي على هشام الجاسر. فارس قالي إنه اتصاب إمبارح وانتي ماكلمتنيش ولا جيتي عندي علشان كنتي معاه طول اليوم
سيلين بتنهيدة / كويس الحمد لله الدكتور بيقول أن حالته استقرت شوية وكمان فاق النهاردة
نها / طيب هو ايه اللي لّم الشامي على المغربي. مش ده هشام اللي جالك البيت ساعة ما اخته اختفت و زعق وعمل حوار كدة واتهمك انك خطفتيها وكما
قاطعتها سيلين / نها مش وقت الكلام ده بعدين لأني مشغولة دلوقتي. انا بس عايزاكي تجيبلي حاجة ضروري
نها / من عنيا يا قلبي اللي انتي عايزاه
سيلين بتمهل / عايزة اقراص الدوا البرشام ده اللي كنتي بتديهوني قبل كدة
نها بترقب وتوجس / اقراص دوا ايه
سيلين / أيوة يا نها. اللي في بالك. البرشام المهدئ اللي كنت باخده الفترة اللي تعبت فيها
نها بلهفة / ليه يا سيلين انتي رجعتي تتعبي تاني الحالة دى جاتلك.و
قاطعتها بنفاذ صبر / نها نها أهدي شوية. هي ماجتليش بس حاسة بنفس الأعراض وكمان ..... كمان جاتلي شبهها كدة بس مش اوى. وحاسة ان جسمي بينمل أوقات وأوقات تاني بيجيلي شد في ايديا و رجليا
نها / طيب قوليلي انتي فين و انا هجيلك دلوقتي
سيلين/ يا حبيبتى ماتقلقيش انا كويسة دلوقتي.وبعدين انا طلبت البرشام هاخده لحد مالفترة دي تخلص وأحس بتحسن وخلاص.
نها بخوف / ماشي يا سيلين طيب هو انتي فين دلوقتي وأنا اجيبلك البرشام
سيلين / مش لازم دلوقتي يعني انا كويسة هاتيه معاكي وانتي راجعة من العيادة بتاعتك وأنا هبقى تفوت اخدها منك مالبيت أو انتي هاتيهولي لما ارجع
نها / طيب حاضر. هجيبهولك بس انتي خلي بالك من نفسك ولو احتاجتي أي حاجة كلميني انا هخلي التليفون ادام عنيا
سيلين / ماتشغليش بالك بيا بس وركزي في العيانين بتوعك. سلام
وعادت سيلين إلى عملها مرة أخرى وفصلت بين حياتها وعملها كما تفعل دائما
@@@@@@@@@@@@@@@@@@
##########################
آخر النهار
آسر اتصل بسيلين عشان يعرف هي هتروح تشوف محمود امتى وهي استغربت سؤاله لكن قالتله أنها هتروح البيت الأول توصل منار وتغير. هدومها وبعد كدة تروح
سيلين رجعت البيت هي ومنار و معاها الاوراق المهمه اللي أخدتها من الشركة لأن فيها معلومات هي عايزة تحملها على اللاب توب بتاعها عشان تسهل شغلها. وكمان مناقصات وصفقات مهمه هي لسه ماخلصتش مراجعتها.
راحت لنها. اخدت منها البرشام وطمنتها عليها وحكيتلها على هشام وظروفه وعلى منار وقالتلها تبقى تخلي بالها من منار لأنها رايحة لاخوها لأنه عايزها بخصوص موضوع هشام
نها قلقت جدا لأنها عارفة طبع محمود بس طلبت منها تتكلم بهدوء
وسيلين طمنتها و راحت بيتها و
جهزت الأكل وغيرت هدومها الرسمية بهدوم بسيطة جدا بنطلون جينس برمودا أزرق وتيشرت كمه قصير ابيض وسابت شعرها حر على اكتافها وضهرها وبرغم بساطة لبسها ومظهرها إلا أنها كانت جميلة جدا
نزلت من أوضتها لقيت آسر كمان مستنيها
آسر بأبتسامة/ ايه القمر ده
سيلين ببرود / شكرا
آسر / لا شكر على واجب يا حبيبتى. يلا
سيلين/ يلا فين هو انت جاي معايا
آسر بأبتسامة/ أيوة. في عندك مانع ولا حاجة
سيلين بتأفف / مافيش. اتفضل. ( بصت لمنار ) منار قومي ذاكري بقى وكفاية تركيز مع التليفون عينك هتوجعك ولو زهقتي من القاعدة روحي لنها صحبتي زي ماقولتلك ماشي
منار / حاضر. بس ماتتأخريش بس انتي
سيلين بأبتسامة حنونة / ماشي هحاول مش متأخرش عشانك. خلي بالك من نفسك ولو احتاجتي حاجة اتصلي عليا
منار / حاضر. انا هظبط الهدوم بتاعتي والحاجة اللي جبتها من البيت وبعد كدة اذاكر
@@@@@@@@@@@@@@@@@@@@
رامي كان بيكلم نها في التليفون وقالها ان الوضع عندهم متكهرب وهما كلهم في قصر يوسف تاج الدين وشكل محمود عصبي جدا والعيلة كلها متجمعة. لأن في أخبار نزلت على صفحات النت مش حلوة خالص. بتقول ان عيلة تاج الدين استولوا على شركات الجاسر كلها وأن في احتمال يكونوا هما اللي ورا إصابته بطلق ناري واخبار واشاعات كتير عن العيلة وعن سيلين بالأخص
نها قلقت بزيادة خصوصا انها عرفت ان سيلين خلاص مشيت وأسر معاها وكمان هي عارفة حالة سيلين. اللي ماحدش يعرفها غيرها هي و رامي و فارس بس وأن العصبية أو الزعل مش كويس علشانها ابدا
طلبت من رامي إنه يفضل على تليفون معاها. وهي قعدت رايحة جاية في الليفينج بتاع بيتها وماسكة التليفون في ايديها وقلبها مقبوض جدا على سيلين لأن الأعراض اللي فيها حاليا بتقول انها ممكن ترجع لحالات ( التشنج ) اللي جتلها قبل كدة وقت خلافتها مع اخواتها ( نها وفارس مايعرفوش الخلافات دي ولا سببها ولا حقيقة أم سيلين )
@@@@@@@@@@@@@@@@@@
##########################
سيلين وصلت القصر هي وأسر ودخلوا وكان كل كبار العيلة موجودين
( عادل وسامي ومحمود ومحمد وأحمد ورامي وسناء وصافي و رانيا. )
أما هاجر مرات محمود ونورا مرات محمد راحوا بملك الصغيرة القصر التاني يقعدوا مع رحمة وليلى
ودا اللي بيحصل لما بيكون في مشكلة في العيلة. أو بالادق من وقت ماسيلين عرفت الحقيقة بتاعة والدتها
أول ما دخلوا آسر اتفاجئ بالموجودين ومستغرب ليه كل ده علشان ساعدت حد محتاج مساعدتها . أما سيلين فهي عارفة ان ده هيحصل وعارفة رد فعل عيلتها اللي أكبر صفة فيهم الكبرياء والغرور حتى لو طيبين أو مابيأذوش حد لكن كمان بيعاملوا الناس كلها بكبرياء وكأنهم بشر من نوع تاني وليهم هيبة ماحدش يقدر يواجههم في اي حاجة
ممكن سيلين تكون متكبرة شوية. بس مش على أي حد ولا مع أي حد. وكمان هي بتحب تساعد الناس ولو اي شخص محتاج مساعدتها لازم تساعده طلاما تقدر وكمان بتتكلم مع الناس بتلقائية حتى الموظفين في شركاتهم أو العمال أو الخدم في بيتها ودا اللي محمود دايما بيرفضه وبيلومها عليه زي ماهي كمان بتلومه على حاجات كتير ومن ضمنها قسوته في التعامل مع الناس
محمود بسخرية / أهلا أهلا نورتي يا بشمهندسة سيلين
سيلين ببرود/ دا نورك يا محمود بيه
محمود بعصبية/ ايه البرود اللي فيكي ده. بعد المصايب اللي عملتيها وعادي جدا ولا كأنك عملتي حاجة خالص
سيلين / وأنا عملت ايه عشان تتعصب كدة
محمود بصوت عالي / عملتي ايه
آسر / محموووووود. اهدا على نفسك شوية وماتنساش أنها مراتي وأنا ما اسمحش لأي حد يكلمها بالطريقة دي حتى لو كان أخوها
عادل / في ايه اهدوا أنتوا الاتنين شوية. الأمور ماتتحلش كدة
سيلين ببرود/ أمور ايه اللي تتحل أنتوا محسسني ان في كارثة حصلت
سامي / وهو اللي انتي عملتيه ده مش كارثة انتي ازاي تروحي تشتغلي في الشركات الجاسر وتتولي إدارتها كلها
سيلين/ عادي. صديقي في شدة وأنا وقفت جنبه واتوليت إدارة شركاته لحد مايبقى كويس
عادل / صديقك ازاي يا سيلين وهو عدو للعيلة وانتي بنفسك شوفتي هو كان بيعمل ايه علشان يهزم شاركتنا ويكسب المناقصات بطرق غير مشروعة
سيلين / والله يا عمي الحاجات اللي انت بتتكلم فيها دي اسمها منافسة مش عداوة و انا صداقتي بيه مالهاش علاقة بمنافسة العمل ولا المناقصات ولا الشاركات كلها
محمود بعصبية / صديقك. ده يبقى صديقك اتجننتي ولا ايه مخك لسع خلاص مابقاش غير الصعيدي الجربوع ده اللي يبقى صديقك هو نسي أبوه لما نزل مصر كان ايه بحتة الشركة اللي كان فاتحها
( محمود قال كلام كتير استفزها جدا. خصوصا أن سواء هشام أو أبوه من قبله ناس مكافحين وابتدوا من الصفر ومش معنى أن هشام كان بيدفع رشاوي ويكسب المناقصات. أنه يحتقره بالشكل ده. وكمان هي اصلا أعصابها مذبذبة وكل حاجة بتضغط على أعصابها اكتر واكتر وتقريبا كل اللي حواليها نسيوا أن من سنة بالظبط في نفس اليوم ده كانوا قاعدين وفي نفس المكان ده وبيتكلموا بنفس الطريقة بس في موضوع مختلف
ونسيانهم للأحداث دي وللذكرى الأليمة دي مش في صالحهم ابدا )
سيلين بعصبية / هتفضل طول عمرك كدة كلكوا هتفضلوا كدة. بتبصوا للناس من فوق. مع ان أنتوا مش أحسن من حد
فيها ايه لما يكون واحد زي عشان بيعتمد على نفسه وبيبني اسم لنفسه ولعيلته وبيكافح يكون صديقي
صحصح وفوؤ بقى بتشتمه هو وأبوه
سناء / سيلين حبيبتى أهدي
سيلين بعصبية اشد / ماتقوليش أهدي
أبوه ده أحسن من ابوك ميت مرة على الأقل ما
صمتتتتتتتتتت
سيلين ماكملتش كلامها لأن محمود رفع ايديه ونزلها على وشها بكف شديد و قوي مفاجئ لدرجة أن صوته أتردد في المكان زي الصدى
_______________________________________
نكمل في الحلقة الأولى من الجزء التاني
_________________________________
الناس اللي بتقول ليه هتعمليلها جزء تاني. حضراتكوا ده مش بمزاجي الرواية لسه ماخلصتش في أحداث كتير وكان لازم اقفل الجزء ده كدة والباقي اكملهم في جزء جديد
لأن طريقة السرد هتختلف كتير عن الجزء الأول و زي ما قولت في الكومنتات اللي فات ده حمادة واللي جاي حمادة تاني الاقتباس اللي نزل دا من الجزء التاني والهدوء اللي كلمتكوا عنه برضوه في الجزء التاني
اسيبكوا مع الأحداث
وقفت تستنشق بعض الهواء فقد شعرت أنها تختنق وبأن جسدها يتصلب
شردت بذهنها إلى عام مضى فهي نفس تلك الأيام بعد يوم ميلادها. تتوالى الأحداث فقد أقسمت تلك الأيام على ألا تأتي عام دون تؤلمها وتضعفها
وقفت وبتحاول تحرك أصابع ايديها وتفك جسمها لأنها حاسة أنهم بيتشدوا جامد وبتلعن الظروف اللي هي فيها دلوقتي لأنها كانت مخططة أنها في الوقت ده هتهرب وتروح أي مكان تقضي الشهر ده كله لوحدها وبتفكر هل هي غلطت لما رجعت لحياتها وسط العيلة قبل ما تسترد قوتها كاملة وتنسى كل حاجة طيب وجودها وسطهم دا كويس ليها ولا ضرر اكتر
وهل سنة كاملة مش كافية لأنها تنسى وليه هي في الأيام دي حاسة اللي كل اللي حصل كأنه بيحصل ادامها وهي عايشة فيه. بكل كيانها
وأسر بعد ماشافها إمبارح في الحالة اللي كانت فيها بيفكر في ايه. ممكن تكون صعبت عليه وهو ممكن يكون فهم الحالة اللي كانت فيها اصلا
آسر / حبيبتى انتي كويسة
بصت وراها بسرعة لما سمعت صوته وبتحاول تكون طبيعية ادامه
سيلين بقوة ولكن قوة واهيه / أيوة كويسة
آسر ماصدقش لأن مش دي الحقيقة. وكمان هو شايف في ملامحها ألم بس هو مش فاهم حاجة وبيتمنى أنها تفتح قلبها وتتكلم معاه علشان ترتاح وهو كان يرتاح لكن هي خايفة تظهر ضعفها ادام إي حد حتى هو
آسر / طيب يا حبيبتى بس انا مش عايزك تقلقي. من أي حاجة انا عارف ان منار واخوها صعبانين عليكي بس
قاطعته هي بدون وعي / هما مش صعبانين عليا. بس انا تخيلت نفسي مكانها
احنا عندنا منافسين كتير واكيد أي حد ناجح له أعداء فأنا خايفة في يوم أكون انا مكانها. وحد من عيلتي هو مكان أخوها
( هي محتاجة تتكلم وتقول حاجات كتير بس ماكنتش عايزة تتكلم. ولما قالت الكلام ده كان غصب عنها خرج منها بطلقائية . هي إمبارح أدركت وتأكدت أنها مستحيل تنسى حبه لأنه بمجرد ماقرب منها ضعفت واستسلمت لكن هي فسرت ضعفها ده للفترة الحالية اللي هي بالنسبالها فترة ضعف مش اكتر )
آسر بأبتسامة / اطمني حبيبتى مافيش حاجة من دي هتحصل وأنا جنبك وعمري ماهسيبك خليكي قوية
( برغم أنها محتاجة تسمع الكلام ده لكن الكلام عراها ادام نفسها اوى )
سيلين بقوة / ومين قالك اني ضعيفة عشان تقولي خليكي قوية ها. انا قوية وقوية جدا كمان ومش محتاجة لحد جنبي
آسر لاحظ في ايديها برضوه أن العروق ظهرت بشكل مش طبيعي وحتى وشها برضوه وطريقة كلامها مش طبيعية ابدا
آسر بقلق / انتي مالك حاسة بأية
سيلين بتوتر تخفيه / وانت مالك انا حاسة بأيه انا الحمد لله كويسة بس انت خليك فى حالك
آسر بضيق لأجلها / ماهو انتي حالي. ردي عليا وقوليلي فيكي ايه بالظبط. ( مسك ايديها ولاحظ تيبس حركتهم ) والحالة اللي كنتي فيها إمبارح بالليل و دلوق
قاطعته بقوة / انت تنسى اللي شوفته بالليل خالص مفهوم
آسر بمراوغة / قصدك على ايه بالظبط . انا مستحيل انسى انك كنتي في حضني إمبارح بين ايديا وبدون ماتقاومي يمكن الحضن مادامش ولا تطور. لكن حتى لو لحظة واحدة تكفيني انها برضاكي
سيلين/ اللي حصل ده كان ضعف مش رضى ابدا
آسر / تعبتيني يا دلوعتي. لسه كنتي بتقولي انك قوية ومش ضعيفة. ازاي دلوقتي بتقولي أنه كان ضعف
( هو مش فاهم أنه اللي بيحاول يعمله ده ما ينفعش يعمله دلوقتي ابدا هو بمعنى اصح مش فاهم حالتها بس بيحاول يخليها تتكلم تتعصب لأن منظرها قلقه جدا
وهي حاسة ان كل كلمة بتنطقها بتسحب من طاقتها فخلاص هي قررت تهرب من ادامه وتحاول على الأقل طول الفترة دي أنها تتجنبه )
سيلين / الظاهر انك فاضي وأنا للأسف ورايا حاجات كتير وحمل اتحط. على اكتافي لازم أكون اده و زي ماقولتلك. أي حاجة حصلت إمبارح انساها خالص
( قالت كدة وماشية من جنبه علشان تخرج بس هو مسك ايديها قبل ماتمشي وهي رفعت وشها تبص له وهو بص في عيونها )
آسر بعشق / هسيبك دلوقتي ومش هضغط عليكي بس خلي بالك انا مش هرتاح غير لما اعرف انتي فيكي ايه وتتكلمي وتخرجي كل اللي في قلبك
( ساب ومشي جنبها واتخطاها بس وقف بدون مايبصلها )
يلا لو هتمشي تروحي شركة الجاسر لأني مش هسيبك تقفي تتكلمي مع الناس دي هنا لوحدك
@@@@@@@@@@@@@@@@@@@@
أمام غرفة العناية المشددة
خرجت منار بعد ما شافت أخوها وهو طمنها لما ابتسملها
بكر / اخوكي كيفه يا بت عمي
( منار بصتله من فوق لتحت وماردتش عليه لأنه سألها بأسلوب مش كويس وهي اصلا مابترتحلهوش وبرغم أنها مابطقهوش لكن هو تنح وعايز يتجوزها وطلبها من هشام اكتر من مرة لكن هشام بيرفض لأنه عارف انه انسان طماع وهيتجوزها علشان الفلوس )
بكر بعصبية/ انتي بتبصيلي أجده ليه وماهترديش عليا ليه
سيلين وهي تقترب منهم / مابتردش عليك عشان مش عايزة تكلمك. يبقى تسكت وماتوجهلهاش كلام وسيبها باللي هي فيه
أبو بكر / خبر ايه مش بت عمه وبيتحدت معاها دخلك ايه انتي
سيلين/ دخلي كتير اوى.
منار مسؤولة مني لحد ما اخوها يقوم بالسلامة
بكر / وانتي تبجيلها ايه عشان تبجا من مسؤوليتك
رشوان / خلص يا ولد. كن ماحدش فيكوا عاملي اعتبار ولايه
سيلين بقوة / عن اذنك يا حج اصلي مشغولة و ورايا مسؤوليات وأمانة في رقبتي لازم اصونها لحد ما صاحبها يستلمها يلا منار
منار / انا عايزة أفضل هنا مع هشام
سيلين / حبيبتى هتبقى نيجي تاني اخر النهار بس انا لازم اروح الشركة دلوقتي وكمان ما ينفعش اسيبك لوحدك. يلا
منار / يلا
بكر / شركة ايه اللي عم تحكي عنها ياك جصدك شركاتنا
سيلين بتهكم / ش ايه يا بابا شركاتكوا لا يا حيلتها انا قصدي على شركات هشام الجاسر اللي أنا معايا منه توكيل عام بأدارة كل حاجة فيها. ( وابتسمت بأستفزاز ومسكت ايد منار ومشيت وأسر كان مراقب كل ده وفي عيونه نظرة فخر بحبيبته اللي برغم كل اللي هي فيه لكن قوية وماحدش يقدر يهزمها ولا يقف قصادها وفعلا يُعتمد عليها
مشي ورا سيلين بس قبل مايمشي بص لبكر وأبوه نظرة قوة وتحذير في نفس الوقت لأنه اصلا مش مرتاحلهم من اول ماشافهم.)
الحارس مشي مع سيلين شوية لادام لأن هي بصتله وهو فهم أنها عايزة تكلمه
وأدام باب الأسانسير
الحارس / اؤمريني يا فندم
سيلين/ فتحوا عنيكوا كويس وبعد شوية تقول لراجل الكبير ده هو اسمه الحج رشوان قوله في عربية تحت جاهزة توصلهم لبيت هشام بيه. وخلي الاتنين اللي معاه دول تحت عنيك طول الوقت لحد مايرجعوا بلدهم
الحارس / تحت أمر سيادتك
زاد افتخاره بها وبزكائها فهي أيضا لم تثق ببكر وأبيه
ركبوا الأسانسير ونزلوا والحارس رجع مكانه تاني
@@@@@@@@@@@@@@@@@@@@
وصلت سيلين شركة الجاسر و معاها منار
دخلت بهيبة تليق بسيلين تاج الدين اللي الكل بيتكلم عنها وعارفين هي مين في الوسط كله
من اول ما دخلت الكل بيبصلها في منهم اللي عارفها وعارف هي مين وبنت مين وأخت مين وفي اللي ميعرفهاش لكن هي لفتت انتباهه بقوة حضورها وجمالها وشياكتها
ومنار ماشية جنبها علشان تعرفها فين مكتب هشام أخوها
و وصلوا عند السكرتيرة الخاصة بهشام
السكرتيرة / آنسة منار. هشام بيه عامل ايه و اخباره ايه دلوقتي
منار / كويس الحمد لله
سيلين / انتي سكرتيرة هشام الخاصة
السكرتيرة / أيوة يا فندم
سيلين دخلت المكتب وقالت لها / تعالي ورايا
السكرتيرة / هو حضرتك بتعملي ايه ما ينفعش كدة
( هي بطبيعة عملها مع هشام عارفة ان دي سيلين تاج الدين. )
سيلين بجدية / بصي من اللحظة دي انا مديرة الشركة ومطلوب منك تسمعي اللي اقوله وتنفذيه بالحرف الواحد وده ( مدت ايديها بورق ) توكيل ليا من هشام اني اقدر اتصرف في اي شئ
السكرتيرة اخدت الورق واتاكدت من صحته واستغربت جدا. وبصت لمنار وبعد كدة قالتلها / طيب حضرتك انا هكلم المحامي الخاص لهشام بيه
سيلين / مافيش داعي هو دقيقة واحدة وهيكون هنا دلوقتي بس عايزاكي تروحي وتجهزي اجتماع لكل رؤساء الأقسام والموظفين بعد نص ساعة وتجيبيلي ملفاتهم هنا فورا
( المحامي وصل. وطبعا هو على علم بكل حاجة لأن هو اللي جهز الورق لهشام واتكلموا وسيلين طلبت إنه يحضر الاجتماع وفعلا عمل كدة. وفي الاجتماع سيلين أظهرت قوتها وحزمها ونبهت على الكل الالتزام بشغله وإلا اللي هيقصر ملهوش مكان هنا وقدرت أنها تزرع الخوف في نفوسهم ومافيش حد خرج من الاجتماع إلا وهو خايف على وظيفته وخايف من سيلين نفسها وخصوصا بعد ماعرفوا أن هي دي سيلين اللي بيسمعوا عنها دايما
وعن عيلتها أنهم مابيرحموش ابدا
( يعني سمعتهم سبقاهم )
وأغلبهم ظنوا ان عيلة تاج الدين استولوا على شركات الجاسر والافظع أن في منهم ظنوا برضوه أن اللي حصل لهشام ده وراه عيلة تاج الدين
@@@@@@@@@@@@@@@@@@@@
في شركة تاج الدين
آسر وصل الشركة ودخل مكتبه وقعد علشان يشتغل وقبل مايبدأ دخل محمود عليه بعصبية وغضب
محمود بعصبية /فين سيلين يا اسر.
آسر بغضب / انت ازاي تدخل بالشكل ده وتتكلم معايا بالطريقة دي
محمود سخرية / رد عليا مراتك فين. ولا ماتعرفش هي فين وبتعمل ايه
آسر بغضب اشد / لا اطمن انا عارف مراتي فين وبتعمل ايه يا محمود وماسمحلكش تتكلم بالطريقة دي عنها
محمود بعصبية/ عارف أنها في شركة الجاسر وبتشتغل عنده وغير ما كانت في المستشفى إمبارح طول اليوم معاه وانت كمان كنت معاها. وسيبتها تاخد اخته كمان البيت بتاعها
آسر ببرود / أيوة عارف وموافق على كل اللي هي بتعمله لأنها مابتعملش حاجة غلط وهي مابتشتغلش عند حد هي بس بتساعده
محمود / تساعده. مابقاش غير الواطي ده اللي تروح وتساعده انا هروح دلوقتي واهد الدنيا كلها
سامي ( دخل ورا محمود هو وأحمد / اهدا يا محمود ما ينفعش تتصرف بالطريقة دي ولا ينفع تروح هناك اصلا اتصل بيها وهي تيجي هنا إنما ماتروحش الشركة دي بتاتا
محمود / اتصل يا احمد بيها وقولها اخوكي بيقولك تكوني ادامه دلوقتي حالا
آسر قعد على الكرسي بتاعه وبيبصلهم بترقب هو ماكنش متخيل ان الموضوع بالحجم ده بالنسبة للعيلة هو اتعصب واتضايق لكن ده من غيرته على حبيبته هما بقى ليه مكبرين الموضوع اوي كدة وكأنها جريمة وافتكر كلام سيلين قبل كدة لما كانت تسخر من تكبره وتصرفاته وتقوله ( ما انت ابن عيلة تاج الدين ) دلوقتي بس فهم هي ليه كانت بتقول كدة وقصدها ايه
هو طول عمره بعيد عن كل العيلة حتى من قبل مايسيب القصر ويعيش لوحده ويدخل كلية الشرطة
حتى لما كان بيزورهم كان بيبقى زيه زى اي ضيف مالهوش دعوة بأي حاجة بتحصل ولا فارق معاه حاجة المهم هو وبس
أحمد اتصل على سيلين وبعد شوية ردت عليه وتقريبا سيلين كانت شبه منتظرة المكالمة دي لأنها عارفة أنهم مستحيل يتقبلوا الموضوع ده خاصة لأن محمود بيستحقر هشام وبينهم منافسة قوية جدا
سيلين / الووووو
أحمد / ايوة يا سيلين محمود بيقولك تيجي الشركة علشان هو عايزك
سيلين / طب قول حتى ازيك عاملة ايه صباح الخير ولا اي حاجة
أحمد / إحم.مش وقته ازيك ولا صباح الخير خالص
محمود بصوت عالي / اخلص انت كمان و قولها تيجي دلوقتي
سيلين ببرود / قوله مش لازم يعلي صوته اوى كدة انا سمعت وللأسف مشغولة دلوقتي ومش هقدر اجي
أحمد بتوتر / ما ينفعش يا سيلين لازم دلوقتي
محمود بعصبية/ افتح الزفت السبيكر وسمعني هي بتقول ايه
( أحمد فتح مكبر الصوت وطبعا سيلين اتكلمت لأنها سمعت صوت محمود )
سيلين ببرود ولكن حازم / بقول مش فاضية دلوقتي يا محمود بيه. وأن شاء الله لما اخلص اللي في ايدي هبقى افوت على حضرتك في البيت لأني عندي شغل كتير وهخلص متأخر
سلام
( محمود أتضايق جدا من برود سيلين وهي فعلا استفزته جدا بس برغم ذلك سكت واتوعد لها بينه وبين نفسه وخرج من المكتب بنفس الطريقة اللي دخل بيها وأحمد وسامي خرجوا وراه برضوه.
أما اسر فبص عليهم وهما بيخرجوا ومن منظر محمود عرف أن الموضوع مش هينتهي بسهولة خصوصا أن سكوت محمود مايطمنش بعد كلام سيلين )
@@@@@@@@@@@@@@@@@@@@
سيلين في مكتب هشام الجاسر طلبت من السكرتيرة كل الملفات الخاصة بالموظفين و الصفقات والمناقصات اللي بتتم في شركات الجاسر وقعدت أعلى المكتب وبدأت شغل. في الحاجات المهمه الأول
بس حست أنها مش بخير ابدا خصوصا بعد اتصال أخوها
مسكت تليفونها واتصلت بصديقتها ( نها ) و ردت عليها علطول
نها / الوووووو يا سيلووو
سيلين / أيوة يا قلب سيلووو عاملة ايه
نها / تمام الحمد لله طمنيني انتي على هشام الجاسر. فارس قالي إنه اتصاب إمبارح وانتي ماكلمتنيش ولا جيتي عندي علشان كنتي معاه طول اليوم
سيلين بتنهيدة / كويس الحمد لله الدكتور بيقول أن حالته استقرت شوية وكمان فاق النهاردة
نها / طيب هو ايه اللي لّم الشامي على المغربي. مش ده هشام اللي جالك البيت ساعة ما اخته اختفت و زعق وعمل حوار كدة واتهمك انك خطفتيها وكما
قاطعتها سيلين / نها مش وقت الكلام ده بعدين لأني مشغولة دلوقتي. انا بس عايزاكي تجيبلي حاجة ضروري
نها / من عنيا يا قلبي اللي انتي عايزاه
سيلين بتمهل / عايزة اقراص الدوا البرشام ده اللي كنتي بتديهوني قبل كدة
نها بترقب وتوجس / اقراص دوا ايه
سيلين / أيوة يا نها. اللي في بالك. البرشام المهدئ اللي كنت باخده الفترة اللي تعبت فيها
نها بلهفة / ليه يا سيلين انتي رجعتي تتعبي تاني الحالة دى جاتلك.و
قاطعتها بنفاذ صبر / نها نها أهدي شوية. هي ماجتليش بس حاسة بنفس الأعراض وكمان ..... كمان جاتلي شبهها كدة بس مش اوى. وحاسة ان جسمي بينمل أوقات وأوقات تاني بيجيلي شد في ايديا و رجليا
نها / طيب قوليلي انتي فين و انا هجيلك دلوقتي
سيلين/ يا حبيبتى ماتقلقيش انا كويسة دلوقتي.وبعدين انا طلبت البرشام هاخده لحد مالفترة دي تخلص وأحس بتحسن وخلاص.
نها بخوف / ماشي يا سيلين طيب هو انتي فين دلوقتي وأنا اجيبلك البرشام
سيلين / مش لازم دلوقتي يعني انا كويسة هاتيه معاكي وانتي راجعة من العيادة بتاعتك وأنا هبقى تفوت اخدها منك مالبيت أو انتي هاتيهولي لما ارجع
نها / طيب حاضر. هجيبهولك بس انتي خلي بالك من نفسك ولو احتاجتي أي حاجة كلميني انا هخلي التليفون ادام عنيا
سيلين / ماتشغليش بالك بيا بس وركزي في العيانين بتوعك. سلام
وعادت سيلين إلى عملها مرة أخرى وفصلت بين حياتها وعملها كما تفعل دائما
@@@@@@@@@@@@@@@@@@
##########################
آخر النهار
آسر اتصل بسيلين عشان يعرف هي هتروح تشوف محمود امتى وهي استغربت سؤاله لكن قالتله أنها هتروح البيت الأول توصل منار وتغير. هدومها وبعد كدة تروح
سيلين رجعت البيت هي ومنار و معاها الاوراق المهمه اللي أخدتها من الشركة لأن فيها معلومات هي عايزة تحملها على اللاب توب بتاعها عشان تسهل شغلها. وكمان مناقصات وصفقات مهمه هي لسه ماخلصتش مراجعتها.
راحت لنها. اخدت منها البرشام وطمنتها عليها وحكيتلها على هشام وظروفه وعلى منار وقالتلها تبقى تخلي بالها من منار لأنها رايحة لاخوها لأنه عايزها بخصوص موضوع هشام
نها قلقت جدا لأنها عارفة طبع محمود بس طلبت منها تتكلم بهدوء
وسيلين طمنتها و راحت بيتها و
جهزت الأكل وغيرت هدومها الرسمية بهدوم بسيطة جدا بنطلون جينس برمودا أزرق وتيشرت كمه قصير ابيض وسابت شعرها حر على اكتافها وضهرها وبرغم بساطة لبسها ومظهرها إلا أنها كانت جميلة جدا
نزلت من أوضتها لقيت آسر كمان مستنيها
آسر بأبتسامة/ ايه القمر ده
سيلين ببرود / شكرا
آسر / لا شكر على واجب يا حبيبتى. يلا
سيلين/ يلا فين هو انت جاي معايا
آسر بأبتسامة/ أيوة. في عندك مانع ولا حاجة
سيلين بتأفف / مافيش. اتفضل. ( بصت لمنار ) منار قومي ذاكري بقى وكفاية تركيز مع التليفون عينك هتوجعك ولو زهقتي من القاعدة روحي لنها صحبتي زي ماقولتلك ماشي
منار / حاضر. بس ماتتأخريش بس انتي
سيلين بأبتسامة حنونة / ماشي هحاول مش متأخرش عشانك. خلي بالك من نفسك ولو احتاجتي حاجة اتصلي عليا
منار / حاضر. انا هظبط الهدوم بتاعتي والحاجة اللي جبتها من البيت وبعد كدة اذاكر
@@@@@@@@@@@@@@@@@@@@
رامي كان بيكلم نها في التليفون وقالها ان الوضع عندهم متكهرب وهما كلهم في قصر يوسف تاج الدين وشكل محمود عصبي جدا والعيلة كلها متجمعة. لأن في أخبار نزلت على صفحات النت مش حلوة خالص. بتقول ان عيلة تاج الدين استولوا على شركات الجاسر كلها وأن في احتمال يكونوا هما اللي ورا إصابته بطلق ناري واخبار واشاعات كتير عن العيلة وعن سيلين بالأخص
نها قلقت بزيادة خصوصا انها عرفت ان سيلين خلاص مشيت وأسر معاها وكمان هي عارفة حالة سيلين. اللي ماحدش يعرفها غيرها هي و رامي و فارس بس وأن العصبية أو الزعل مش كويس علشانها ابدا
طلبت من رامي إنه يفضل على تليفون معاها. وهي قعدت رايحة جاية في الليفينج بتاع بيتها وماسكة التليفون في ايديها وقلبها مقبوض جدا على سيلين لأن الأعراض اللي فيها حاليا بتقول انها ممكن ترجع لحالات ( التشنج ) اللي جتلها قبل كدة وقت خلافتها مع اخواتها ( نها وفارس مايعرفوش الخلافات دي ولا سببها ولا حقيقة أم سيلين )
@@@@@@@@@@@@@@@@@@
##########################
سيلين وصلت القصر هي وأسر ودخلوا وكان كل كبار العيلة موجودين
( عادل وسامي ومحمود ومحمد وأحمد ورامي وسناء وصافي و رانيا. )
أما هاجر مرات محمود ونورا مرات محمد راحوا بملك الصغيرة القصر التاني يقعدوا مع رحمة وليلى
ودا اللي بيحصل لما بيكون في مشكلة في العيلة. أو بالادق من وقت ماسيلين عرفت الحقيقة بتاعة والدتها
أول ما دخلوا آسر اتفاجئ بالموجودين ومستغرب ليه كل ده علشان ساعدت حد محتاج مساعدتها . أما سيلين فهي عارفة ان ده هيحصل وعارفة رد فعل عيلتها اللي أكبر صفة فيهم الكبرياء والغرور حتى لو طيبين أو مابيأذوش حد لكن كمان بيعاملوا الناس كلها بكبرياء وكأنهم بشر من نوع تاني وليهم هيبة ماحدش يقدر يواجههم في اي حاجة
ممكن سيلين تكون متكبرة شوية. بس مش على أي حد ولا مع أي حد. وكمان هي بتحب تساعد الناس ولو اي شخص محتاج مساعدتها لازم تساعده طلاما تقدر وكمان بتتكلم مع الناس بتلقائية حتى الموظفين في شركاتهم أو العمال أو الخدم في بيتها ودا اللي محمود دايما بيرفضه وبيلومها عليه زي ماهي كمان بتلومه على حاجات كتير ومن ضمنها قسوته في التعامل مع الناس
محمود بسخرية / أهلا أهلا نورتي يا بشمهندسة سيلين
سيلين ببرود/ دا نورك يا محمود بيه
محمود بعصبية/ ايه البرود اللي فيكي ده. بعد المصايب اللي عملتيها وعادي جدا ولا كأنك عملتي حاجة خالص
سيلين / وأنا عملت ايه عشان تتعصب كدة
محمود بصوت عالي / عملتي ايه
آسر / محموووووود. اهدا على نفسك شوية وماتنساش أنها مراتي وأنا ما اسمحش لأي حد يكلمها بالطريقة دي حتى لو كان أخوها
عادل / في ايه اهدوا أنتوا الاتنين شوية. الأمور ماتتحلش كدة
سيلين ببرود/ أمور ايه اللي تتحل أنتوا محسسني ان في كارثة حصلت
سامي / وهو اللي انتي عملتيه ده مش كارثة انتي ازاي تروحي تشتغلي في الشركات الجاسر وتتولي إدارتها كلها
سيلين/ عادي. صديقي في شدة وأنا وقفت جنبه واتوليت إدارة شركاته لحد مايبقى كويس
عادل / صديقك ازاي يا سيلين وهو عدو للعيلة وانتي بنفسك شوفتي هو كان بيعمل ايه علشان يهزم شاركتنا ويكسب المناقصات بطرق غير مشروعة
سيلين / والله يا عمي الحاجات اللي انت بتتكلم فيها دي اسمها منافسة مش عداوة و انا صداقتي بيه مالهاش علاقة بمنافسة العمل ولا المناقصات ولا الشاركات كلها
محمود بعصبية / صديقك. ده يبقى صديقك اتجننتي ولا ايه مخك لسع خلاص مابقاش غير الصعيدي الجربوع ده اللي يبقى صديقك هو نسي أبوه لما نزل مصر كان ايه بحتة الشركة اللي كان فاتحها
( محمود قال كلام كتير استفزها جدا. خصوصا أن سواء هشام أو أبوه من قبله ناس مكافحين وابتدوا من الصفر ومش معنى أن هشام كان بيدفع رشاوي ويكسب المناقصات. أنه يحتقره بالشكل ده. وكمان هي اصلا أعصابها مذبذبة وكل حاجة بتضغط على أعصابها اكتر واكتر وتقريبا كل اللي حواليها نسيوا أن من سنة بالظبط في نفس اليوم ده كانوا قاعدين وفي نفس المكان ده وبيتكلموا بنفس الطريقة بس في موضوع مختلف
ونسيانهم للأحداث دي وللذكرى الأليمة دي مش في صالحهم ابدا )
سيلين بعصبية / هتفضل طول عمرك كدة كلكوا هتفضلوا كدة. بتبصوا للناس من فوق. مع ان أنتوا مش أحسن من حد
فيها ايه لما يكون واحد زي عشان بيعتمد على نفسه وبيبني اسم لنفسه ولعيلته وبيكافح يكون صديقي
صحصح وفوؤ بقى بتشتمه هو وأبوه
سناء / سيلين حبيبتى أهدي
سيلين بعصبية اشد / ماتقوليش أهدي
أبوه ده أحسن من ابوك ميت مرة على الأقل ما
صمتتتتتتتتتت
سيلين ماكملتش كلامها لأن محمود رفع ايديه ونزلها على وشها بكف شديد و قوي مفاجئ لدرجة أن صوته أتردد في المكان زي الصدى
_______________________________________
نكمل في الحلقة الأولى من الجزء التاني