رواية حطام امرأة الفصل الخامس والعشرين 25 بقلم دعاء سالم

ربّ امنحنا من سعة القلب، وإشراق الروح، وقوة النفس ما يعيننا على ما تحبه من عبادك؛ من مواساة الضعيف والمكسور والمحروم والملهوف والحزين، واجعل ذلك سلوة حياتي، وسرور نفسي، وشغل وقتي، وقرة عيني".

حطام امرأة

البارت الخامس وعشرون

عمر دخل القاعه وجلنار مش عارفه ابنها ايه إلى جابه هنا

خديجه بفرحه: كنت متاكده انه هيجى

حور: انتى إلى قولتيله يا خديجه

خديجه: مش مهم مين قاله المهم انه جيه

حور: بس ده اخوه

خديجه: وانتى اخته ولا ايه

حور: مش هتفهمى يا خديجه مش هتفهمى

حور بصت لعمر بشفقه هو دلوقتى عايش اصعب لحظه فى حياته كلها واصعب احساس ممكن يعيشه

القاضى: مين حضرتك

عمر: انا عمر احمد الالفى وحابب انى اقول اقوالى حضرتك

القاضى: قول والله العظيم هقول الحق

عمر: والله العظيم هقول الحق

عمر بص لاخوه: والله العظيم هقول الحق

القاضى: انت كنت موجود يوم الحادثه

عمر: ايوه كنت موجود

القاضى: وايه إلى حصل احكى

عمر: انا إلى اخدت حور ليه

القاضى: يعنى انت بتعترف انك ساعدت أخوك فى جريمته

عمر بثبات: ايوه بعترف

جلنار: انت كذاب انت كذاب ده محصلش ابنى برئ

القاضى: سكوت كمل يا عمر

عمر: اليوم ده انا قولت لحور انها تيجى معايا عشان تتعرف على خطيبتى وهى عشان كانت زى اختى واكتر كمان وافقت بكل بساطه طلعنا وانا اديتها منديل عشان تمسح بيه وشها المنديل كان مخضر وفعلا فى خلال ثوانى كانت فقدت الوعى وبعدها اخدتها وودتها الفندق لجاسم وبعدها سبتهم ومشيت وبس هو ده آلى حصل

القاضى: انت اكيد عارف ان انت كمان هيكون ليك عقوبه لانك ساعدته فى تنفيذ الجريمه

عمر: عارف

القاضى: طب انت بتقول انك كنت بتعتبر حور زى اختك ليه تعمل فى اختك كده

عمر: غباء منى وزى ما بتقولوا القانون لا يحمى المغفلين

القاضى: الحكم بعد المداوله

قام القاضى ومشى عمر وبص لخديجه لقاها مبتسمه ليه هو كمان ابتسم ليها

جلنار جاءت لابنها وبدأت تضرب فيه بكل غل

جلنار: انت انت السبب انت إلى دخلت ابنى السجن انا بكرهك بكرهك انت مش ابنى ولا اعرفك انت واحد كداب وحقود عايز تاخد ابنى منى

المحامى: مدام جلنار احنا لسه فى المحكمه مينفعش إلى بتعمليه ده

جلنار: بكرهك بكرهك يا عمر المحامى سحب جلنار وطلع بيها بره احمد قرب من ابنه

احمد: هو ده ابنى هو ده عمر

عمر: بابا انا عملت كده عشانى انا انا مكنتش هقدر اكمل وانا كده كان لازم اتحاسب كان لازم

احمد: ومتقلقش يابنى انا معاك وفى ظهرك وهحاول اطلعك من هنا باقل الخسائر الممكنة يابنى

عمر: سامحتنى يا بابا

احمد: مش مهم انا اسامحك المهم دول يسامحوك وشاور على حور وخديجه

عمر: طول طريقهم طويل وصعب اوووى يا بابا

احمد: وابنى قدها وهيقدر يعملها

عمر: يااارب يا بابا يااارب

رجع القاضى وقعد وعمر دخل القفص مع أخوه جاسم

جاسم: شكرا يا عمر شكرا انك عملت كده ده الصح

عمر قعد جمبه وبص قدامه: انا معملتش كده عشانك انا عملت كده عشان نفسى يا جاسم فاهم

جاسم: مش هتفرق المهم ان النتيجه واحده عمر بص قدامه ومتكلمش قعدوا كلهم فى هدوء وترقب للى هيقوله القاضى

القاضى: تواجل إلى تاريخ .................... من تاريخ اليوم رفعت الجلسه

الكل بص لبعض بخوف

يوسف: متقلقيش ربنا مش هيخذلك

حور: يااارب يا يوسف يااارب

طلعت جلنار وبصت لحور: انا ابنى مش هيبعد يوم واحد فى السجن هطلعه مهما كانت الطريقه يا حور اوعى تنسى ده

طلعت جلنار وهى مش عارفه تفكر ولا تعمل اى حاجه ابنها بيروح من بين ايديها طلعوا كلهم بره حور بصت لعمر هى وطالعه بحزن وألم هى عمرها ما كانت تتمنى أن ده هو إلى يحصل انها فى يوم تدخل إخوها السجن بايديها طلعوا كلهم بره المحكمه ووقفوا

ياسين: متقلقيش يا حور هى كلها اسبوع وكل واحد هياخد جزاته

حور بابتسامه خفيفه: باذن الله يا ياسين

نجاه: شكلك مش مبسوطه يا بنتى

حور: لا يا ماما ازاى اكيد مبسوطه بس تعبانه شويه

يوسف: طب يالا بينا يا حور

حور: تمام يا يوسف

يوسف: خديجه

خديجه: ها بتقول حاجه

يوسف: بقول يالا بينا

خديجه: تمام مشيوا كلهم بس عمار مسك ايدين ريتاج

ريتاج: فى ايه سيب ايدى

عمار: عايز اتكلم معاكى

ريتاج: لا والله

عمار: ريتاج انا مبهزرش بجد عايز اتكلم معاكى

ريتاج بصت ليه وسحبت ايديها ومشيت

عمار: اوووف عليكى يا ريتاج اوووف

لف وركب عربيته ولسه هيطلع لقاها فتحت الباب وركبت جمبه عمار بص ليها باستغراب

ريتاج: هتفضل باصصلى كده كتير اتفضل اطلع انا معنديش وقت

عمار ضحك على عندها الى زى الحجر ده وشغل العربيه وانطلق بيها

###################################################################################################

عشق واقفه قدام عربيه ريتاج قرب منها ياسين

ياسين: عشق عشق

عشق بصت ليه وابتسمت: نعم

ياسين: هتروحى ازاى

عشق رفعت مفاتيح العربيه ليه: بعربيه ريتاج

ياسين: وهى فين

عشق: مشيت مشوار وادتنى مفتاح العربيه وانا هروح بيها وهى تبقا تيجى تاخدها

ياسين: امممم تمام انا جيت بس عشان اقولك حاجه

عشق: ايه

ياسين: بحبك

عشق ضحكت بخفه وبصت ليه: طب ماشي يا سيدى يالا وسع بقا عايزه اروح

ياسين: استنى بس

عشق: ايه تانى

ياسين: بكره تكونى جاهزه على الساعه ٤ فى مكانا تمام

عشق: ليه بقا انشاء الله

ياسين: من غير ليه هاجى اخدك على الساعه ٤ فاهمه

عشق: فاهمه لما نشوف

ياسين: هتشوفى يالا سلااام مؤقت بقا ياسين لسه هيمشى لفها ليها تانى وآه بحبك ومشى من قدامها

عشق ابتسمت بحب: وانا بعشقك وركبت العربيه وانطلق بيها على بيتها

###################################################################################################

يوسف وصل ياسين وامه لبيتهم وانطلق على بيته وصل ونزلت خديجه وطلعت على طول

حور: مش هتنزل ولا ايه

يوسف: لا همشى المستشفى عندى شويه شغل هخلصهم واجى بسرعه

حور: تمام وانا هستناك

يوسف: تمام يا حبيبتى

نزلت حور ودخلت البيت ويوسف انطلق للمستشفى

###################################################################################################

فرحه نزلت تحت ودخلت المطبخ

سعاد: ايه إلى نزلك دلوقتى يا ابنيتى

فرحه: زهقت من القعده فوق ياماى قولت انزل اساعد شويه وياكوا

سعاد مسكتها وطلعت بره وقعدتها على الكنبه

سعاد: انتى تقعدى اهنى وكل حاجه تجيلك لحد عنديكى

فرحه: بس

سعاد: مبسش يا ابنيتى فاطنه فاطنه يا فاطنه

فاطمه: فى ايه سرعتينى

سعاد: تعالى شوفى ابنيتك يا خيتى

فاطنه: عملتى ايه يا فرحه تانى

فرحه: والله ياماى معملتش حاجه

سعاد: لا كيف ابنيتك عايزه تدخل المطبخ يا فاطنه

فاطمه: حاضر ما هو ده آلى ناقص انتى تقعدى اهنى ومتتحركيش

أسراء جات ومعاها كبايه عصير

فاطمه بصت ليها: والناس تيجى تخدم ليكى يا ابنيتى

أسراء ادتها كبايه العصير وسكتت فرحه قامت وسحبت أسراء وقعدتها مكانها

فرحه: لا وليه ديه الناس هى إلى تقعد وانى إلى اخدم عليها وادت أسراء كبايه العصير

أسراء: بس

سعاد: مبسش يا ابنيتى

فرحه: اشربى يالا

أسراء بصت ليهم بحب وشربت كبايه العصير فاطمه بصت ليهم بغيظ وراحت على المطبخ

سعاد: اشربى اشربى يا ابنيتى ومتاخديش فى بالك يا حبيبتى أسراء بصت ليها وابتسمت بحب

سعاد: همشى اشوف انى الوليه ديه قبل ما تحرك البيت كله

فرحه بضحك: روحى ياماى روحى

دخلت سعاد المطبخ لفاطمه وفرحه قعدت جمب أسراء

أسراء: مش عارفه اقولك ايه يا فرحه

فرحه: متقوليش حاجه يا عبيطه احنا اخوات ولا ايه

أسراء بضحك: لا اخوات واكتر من الاخوات كمان

فرحه: ايوه اكديه هى ديه أسراء خيتى أسراء بصت ليها وابتسمت

###################################################################################################

عمار واقف على النيل وريتاج قاعده وراه على الكرسى

ريتاج: ها هو ده الكلام احنا من اول ما جينا متكلمناش كلمه وبعدين ايه المكان ده ده مفهوش حد غيرنا اوعى تكون هتخطفنى لا ده انا افضحك اقسم بالله وبعدين

عمار: بس بس بقا صدعتينى

ريتاج: ايه ده انت بتعالى صوتك عليا ليه ها الجاريه إلى اهلك شروهالك انا ولا ايه

عمار بص ليها: نفسى فى مره مره واحده بس مره واحده تتكلمى بجد نفسى

ريتاج: ليه شايفنى هبله ولا هبله

عمار: يادى النيبله مش هتخلصى بقا

ريتاج: انت جايبنى هنا عشان تقولى الكلمتين دول لو كده يبقا معطلكش يا دكتور وقامت عشان تمشى بس عمار مسك ايديها ومنعها

عمار: استنى متمشيش

ريتاج وقفت وبصت ليه: سيب ايدى

عمار ساب ايديها: سبتها اهو ممكن بقا تسمعينى من غير هزار ولا ضحك

ريتاج: تمام لما نشوف مشيوا وقعدوا على الكرسى

ريتاج: ها مش هتتكلم

عمار بص للنيل وسكت

ريتاج: يابنى هو انت اخرس قولى ايه الهم ده ياربى بصلى ياعم انت

عمار: اهدى بقا

ريتاج: اهو هديت

عمار: يضئ يا ريتاج انا مش هعيد الكلام ده تانى وديه اخر مره هتكلم معاكى فى الموضوع ده ريتاج انا حبيتك حبيتك من اول مره شوفتك فيها مش عارف حبيتك ازاى لانك أبعد ما يكون عن شخصيتى وابعد شخصيه كان ممكن انى انجذب ليها كان من سابع المستحيلات انى افكر انى شريكه حياتى هتكون بالصفات ديه او بالشكل ده مش قصدى ان صفاتك او شخصيتك مش حلوه بس انا شخصيتى مكنتش تسمح انى احب واحده بشخصيتك انتى

ريتاج: وحبتنى ليه طول ما انا مش مناسبه ليكى

عمار بص ليها: تصدقينى لو قولتلك معرفش معرفش ليه وازاى وامتى حبيتك معرفش معرفش غير انى بحبك بحبك وبس يا ريتاج بحبك وعايز اكمل حياتى معاكى بحب جنونك بحب هبلك بحب قلبك إلى ديما على كل الناس وبيعمل إلى شايفه صح حتى ولو كان هيجيب المشاكل ليكى حبيتك بكل صفاتك الوحشه قبل الحلوه يعنى يطبق عليا مثل مرايه الحب عاميه حبيتك برغم انك أبعد ما يكون عنى بس يمكن اختلافك ده هو إلى جذبنى ليكى معرفش بس كل إلى اعرفه انى بجد بحبك وعايز اجابه منك دلوقتى يا ريتاج يا ايوه يا لا بتحبينى يا ريتاج بتحبينى وتقبلى تكونى شريكه حياتى وافضل معاكى باقى عمرك واكون ليكى سندك وظهرك إلى فى الدنيا

ريتاج بصت ليه مش عارفه تقول ايه هى بتحبه ايوه بتحبه

ريتاج: عمار

عمار: اه ولا لا

ريتاج بصت ليه وابتسمت بحب: ايوه يا عمار ايوه بقبل انى اكون شريكه عمرك وحياتك

عمار وقف وبص ليها: بجد يا ريتاج

ريتاج ابتسمت ليه: بجد يا عمار

عمار لسه هيقرب منها

ريتاج: اثبت مكانك بدل ما اشلوحك

عمار: اشلوحك !!! عمار ضحك على كلمتها وبص ليها

عمار:انا عمرى ما كنت اتوقع انى فى يوم هتعمل كده

ريتاج: يعنى انا استثنائيه على كده

عمار: فى كل حاجه استثنائيه في كل حاجه

ريتاج: عشان كده حبتنى

عمار: معرفش حبيتك لانك انتى حبيتك بكل حاجه فيكى

ريتاج: وانا مبسوطه من انجازى ده

عمار: الحب بالنسبالك انجاز

ريتاج: تؤتؤتؤ حبك ليا بالنسبالى إعجاز

عمار ضحك وقرب منها بهدوء وحضنها: مشلوحتنيش يعنى

ريتاج: لا اصل لقيت الموضوع حلو

عمار بضحك: بحبك يا مجنونه

ريتاج: ومجنونتك بتحبك

###################################################################################################

صخر طلع اوضه بعد ما جيه من بره دخل بس ملقاش حد فى الاوضه مشى للحمام وخبط بس برضه مفيش حد فتح الباب وفعلا ملقاش حد قفله ومشى قعد على السرير ثوانى ولقاء الباب اتفتح ودخلت أسراء وشافته قاعد مشيت ووقفت قصاده

أسراء: قبل ما تقول حاجه امك هى إلى خلتنى انزل من الاوضه وانى قلتلها مقدريش بس سمعتنى حديت يسد البدن وانى الصراحه مرضيتش اقولها على عقابك ليا واكديه لان امى ربنا يرحمها علمتنى حاجه الحاجات إلى بين الراجل ومراته بتفضل جو اوضتهم سوا كانت مشاكل او غير اكديه كل حاجه بتحصل بيناتهم هتطلعش من باب اوضتهم وانى مشيت بكلام اماى ومحدتش حد واصل فى إلى حصل بيناتنا

أسراء سكتت وخافت من رد فعله صخر قام ووقف قصادها ورفع ايديه فهى غمضت عنيها بسرعه فاكره انه هيضربها بس لقته ضمها ليه بهدوء وبقت في حضنه اول مره تحس بالإحساس ده اول مره تبقا فى حضنه كده مشاعر كتيره متلخبطه جواها امان حب خوف شوق كل دول كانوا جواها محستش بنفسها غير وهى بدفن وشها فى حضنه وبتتكمش فيه كانه هو بيتها وأمانها وبس

صخر ضمها ليه اكتر وهمس: عشان اكديه بحبك يا فرحه عمرى

حس بيها وهى بتبتسم فى حضنه أسراء كانت اول مره تسمع منه الكلام ده احساس جديد بيتبنى جواها شعور جميل اوووى حاسه انها ملكت الدنيا وما فيها حاسه ان ربنا عوضها عن كل إلى حصلها حاسه انه خلاص بقا امانها وبيتها وحضنها إلى بتستخبى فيه من الدنيا كلها قد ايه الشعور ده جميل

صخر بعد عنها ومسك وشها بين ايديه قد ايه هى جميله وبريئه بأس دماغها وديه كانت اول مره صخر يقرب بالشكل ده بس هى مكنتش خايفه ولا كانت حاسه بالخوف ولا الرعب زى الأول لما كان بس بيكلمها بالعكس دلوقتى حاسه بالأمان والاطمئنان فى حضنه بقت تهرب من خوفها فيه هو فى حضنه صخر رجع حضنها بحب وشال الطرحه من على شعرها وساب شعرها حر وهمس ليها: جاهزه يا أسراء

أسراء مردتش عليه غير بانها لفت ايديها حوالين رقبته وهو شالها بحب وحضنها

###################################################################################################

آلاء فى بيتها وقاعده فى اوضتها على السري

آلاء: النهارده كانت محكمه ابوك وعمك يا حبيبى مش عارفه ليه حاسه انك هتكون ولد بس انا متاكده من احساسى ده قدرك انك تعيش وتكبر من غير اب بس اوعدك اوعدك انى مش هحسسك بنقص باباك ابداااا هكون ليك الأب والأم والأخت والأخ وكل حاجه انت خلاص بقيت حياتى كلها معرفش ازاى فكرت انى ممكن اتخلص منك معلش ديه لحظه ضعف من مامتك واكيد هتسامحها مش كده يا حبيبى ولا ايه واوعدك انى هحبك اكتر من أي حاجه واى حاجه وده وعد من مامتك يا حبيبى

###################################################################################################

حور قاعده هى وخديجه فى الصاله

حور: ليه يا خديجه ليه خلتيه يشهد ضد اخوه اكيد هو دلوقتى مدمر اكيد محتاج حد جمبه

خديجه: حور انتى واعيه للى بتقوله حور عمر ده هو السبب فى كل إلى حصلك

حور: عارفه عارفه مش لازم بقا كل شويه تفكرونى

خديجه: لا يا حور نفكرك لو انتى ناسيه نفكرك

حور: بس انتى ذنبك ايه

خديجه: ذنبى انى حبيته يا حور ايوه حبيته وعشقته كمان

حور: وليه تعيشى باقى حياتك كده

خديجه: لأنى انا حكمت على نفسى بكده حكمت على نفسى بكده من يوم ما حبيته

حور: بس

خديجه: ملوش لازوم الكلام دلوقتى يا حور خلاص إلى حصل حصل وكل واحد اخد عقابه

حور لسه هتتكلم بس الباب اتفتح ودخل يوسف حور بصت ليه وابتسمت: حمدالله على السلامه

يوسف قرب منها وراء دماغها: الله يسلمك وباس اخته

خديجه: ادخل غير لحد ما احضر العشاء

يوسف: تمام يا ديجه دخل يوسف وحور قامت

خديجه: رايحه فين

حور: هحضر العشاء

خديجه: لا والله يابت انتى هبله

حور: ليه

خديجه: امشى يا حور امشى يا حور بدل ما اضربك

حور: امشى اروح فين بس

خديجه: تركيا يا ماما تركيا

حور: بس ديه بعيده اوووى

خديجه: صبرنى يااااارب يابت روحى لجوازك شوفيه ازاى كان عايز حاجه

حور: ما هو لو عايز هيقول

خديجه: معلش انا هبله خدينى على قد عقلى وادخليله

حور: خلاص خلاص هدخل اهو

خديجه: ياريت مشيت حور لاوضتهم ودخلت وخديجه اتجهت للمطبخ تحضر العشاء

حور دخلت ليوسف يوسف كان بيلبس التيشرت بص ليها

يوسف: خير يا حور فى حاجه

حور: لا انا بس جايه اشوف لو عايز حاجه

يوسف: لا يا حور مرسى

حور: تمام وكانت هتطلع

يوسف: حور

حور بصت ليه: نعم

يوسف قرب منها وحضنها: محتاج ده

حور ابتسمت بحب وحضنته: وده مفتوحلك ديما يا يوسف فى اى وقت واى مكان

يوسف بعد عنها: يالا نطلع لخديجه

حور: يالا طلعوا بره لقوا الاكل محطوط وخديجه قاعده

خديجه: يالا الاكل هيبرد قعدوا كلهم مع بعض وبداءوا ياكلوا

حور: يوسف

يوسف: نعم يا حور

حور سابت الاكل وبصت ليه: كنت عايزه اتكلم معاك فى موضوع كده

يوسف: خير

حور: كنت عايزه اروح اقابل جاسم بكره

يوسف ساب الاكل وبص ليها: نعم عايزه تقابلى مين

حور: جاسم يا يوسف

يوسف: انتى اتجننتى طب وعمر وقولنا انك بتعتبريه اخوكى اما جاسم ليه

حور: يوسف ارجوك احترم قرارى انا عايزه اقابله بجد

يوسف: ولو قولت لا يا حور هتعملى ايه

حور: هحاول اقنعك لحد ما توافق

يوسف: حور

حور: يوسف انا كده كده هروحله فأنا عايزك تيجى معايا ارجوك مترفضش ارجوك

يوسف شاف فى عنيها نظره تحدى وعزيمه وإصرار

خديجه: خلاص بقا يا يوسف وافق

يوسف بص ليهم: هعمل ايه هوافق وامرى لله بس هاجى معاكى مفيش كلام

حور: وانا موافقه يا يوسف

السادس والعشرين من هنا

مدونة مكتبة حـــواء

رواية حطام امرأة الفصل الخامس والعشرين 25 بقلم دعاء سالم