رواية لعنة اختي والعقرب الفصل الرابع والعشرين 24 بقلم منه محمد
البارت 24 والعشرون
لعنه اختي والعقرب
✿ قصص منه محمد كاتب ✿
وقفنا لحد ما جميله جريت ودخلت اوضتها تبكي بدموع زي المطر
اسير دخل وقعد قدامها: حبيبه قلبي ليه بس زعلانه
جميله: بجد مش عارف ليه زعلانه
اسير : متنزليش دموعك الغاليه ع حاجه صغيره هشتريلك فستان غيره
جميله بزعل شديد : المسأله مش مجرد فستان , اسلوب رباب معايا , ملاحظه اسلوبها من مده وكنت دايما بسكت وببلع المر , في ليله فرحنا حـ رقت طرحتي , ورفضت الرز باللبن لما عملته , وطبخت شويه بطاطس لبابا لما كان هنا يوم واحد حطت كيس الملح كله في الاكل
اسير: عارف المشكله لا في الرز ولا الفستان , المشكله في حسره قلب اختي وتفكيرها اعذريها هي عدت 30 سنه ومتجوزتش فحاسه بالنفقص لما بتشوف سعادتنا بتشيل جواها وبتعمل الي بتعمله
جميله: وانا ذنبي ايه لو هي متجوزتش ها ,ده هيكون رد فعلها كل ما تشوف سعادتنا
اسير: انتي زعلانه اوي بلاش تفكري فيها كدا
جميله: امال افكر ازاي , ده بيتي , واختك بتكرهني يا اسير , جايز انا لازم احسن اسلوبي يمكن لو قربت منها وصاحبتها القي مكان جوه قلبها
اسير: صعب معتقدتش كده, بس لو عايزه تعملي ده اعمليه , عشان راحتك انتي , مش همنعك
.............قصص منه محمد كاتب..............
في بيت ذكي يوم الافتتاح
حمو جاب المقص: يله يا ابله جميله قصي الشريط
جميله بمسايسه: رباب تعالي خدي سمي بالله
رباب شاورت ع نفسها بدهشه: انا
جميله ببتسامه صافيه: ايوه انتي لانك اكبر مني ومن اسير
ذكي بغيظ: لو المسأله بـ الاكبر فأنا اكبر وفيه ام اسير
خيريه برقتله بغيظ وهو خاف وكمل يصلح : قصدي اكبر مني في المكانه مش في السن وبس
خيريه: اه يا جميله ابوكي معاه حق فيه اتنين اكبر من رباب
اسير: انا شايف انك ياجميله احق تقصيه
رباب بحقد: اسير
اسير: انا بقول الحق اختي ليها اهميه ومراتي ليها احترامها هي تعبت وواجهت مشاكل كتيره لحد ما وصلت لهنا واتحملت حزن كتير ولازم تفتتح مصنعها بنفسها, حتي لو صغير دي اول خطوه نجاحك
ذكي بفخر: دي تربيتي
اسير بصله وكرمش ملامحه وخيريه بصت لملامح رباب الي كلها بتشع حقد وغيره
اسير ناولها المقص: يله سمي بالله
جميله بصتله بحب وقالت: كان الوقت ده لما حسيت بالاهانه ع الباب هنا خرجت من بيت ابويا راسي لتحت وقتها كنت معايا واليوم معايا وبحط حجر اساس نجاحي لازم تشاركني ده مش نجاحي لوحدي( حطت المقص في ايدهم هما الاتنين_ نجاحنا احنا الاتنين هنقص الشريط سوي
اسير باس جبينها بحب: حبيبتي
ذكي: يله
حمو مبتسم : قربي يا ابله جميله
اسير بص لذكي: وانت تعال
ذكي: تعالي يا ام اسير معانا
رباب لقت نفسها واقفه وري نزلت دموعها وطلعت تجري من المكان
حمو: يله الاكل جاهز يله يا بنات
اسير بيبص ع رباب ملقهاش في البيت طلع يمد وراها لقاها ركبت توكتوك و تلفونها مشغول رجع دخل البيت
جميله قربت عليه بستفسار: ايه الي حصل
اسير: اختي مشت
جميله: ايه
اسير: اتمني تكون روحت البيت , وتلفونها مقفول, اتمني متعملش فعل غبي
جميله: بعيد الشر اكيد روحت
اسير اتحرك بقلق: هروح اشوفها لو حد سأل جوه اتعاملي مع الموقف انا رايح
جميله بتمد وراه: تمام بس اتصل بيا بعد ما توصل
خيريه طالعه : بجد الاكل كان حلو
ذكي مسح شعره بغرور: طبعا دي هوايتي اشتري اكل حلو
خيريه رفعت عيونها بضجر: الحمد لله ان هوايتك كانت نافعه في حاجه جميله انتي مأكلتيش
جميله ابتسمت: اسير بس يرجع هناكل سوي
خيريه: وهو راح فين وساب الليله
ذكي برخامه: بنت جوزك هربت
خيريه: ايه
جميله برقتله وهي بتجز ع اسنانها: بابا بتقول ايه
ذكي: قصدي الحقد والغيره راحوا وهربوا ع البيت , عشان كدا اسير راح وراها صلي ترجع البيت شكلها مـ ولعه
خيريه : البت دي خلت حياتي صعبه اتصلي يا جميله بأسير
جميله: اسير قالي هيتصل بس لما يعرف متقلقيش
خيريه مسكت دماغها بضجر منها : اه ياني
ذكي: ايه ضغطك علي
خيريه بصتله بغيظ: لا قدر الله
جميله: حمو خد ماما جوه وهتصل بأسير
حمو: تعال يمه هعملك كوبايه شاي
جميله لفت وبحده: ايه الداعي تقول الكلام ده قدامها
ذكي: انتي قلقانه عشان حماتك , لو خلصتي منها , ومن اخته فلوس اسير هتبقي كلها ليكي
جميله بغضب: حماتي دي احسن منك الف مره, ع الاقل مطلبتش تأجرلي اوضه بالساعه
ذكي : حلو ده انا علمتك تنحتي في الصخر , ودلوقت بتحكمي البيت ولا الملكه دي نتيجه تربيتي وبقيتي مراه الابن اللطيفه وبالنسبه 16 الف هيعملولي ايه في فاتوره كهربا وشاي وقهوه اي مبلغ فدايا
حمو طلع: ها عم اسير اتصل
خيريه: لاء انا هروح
جميله: استني بس يا ماما
خيريه جريت ناحيه الباب: سبوني اشوف حصل ايه
حمو: انا هروحها اطمني
جميله: ماشي ابقي طمني ياحمو
.............قصص منه محمد كاتب.............
في منزل اسير
رباب: انا قولت لك تعال نتجوز ودلوقت , وهات المأذون معاك عشان اعرف امي واخويا ع الي اقدر اعمله جايه بطولك
ايمن انتي اتصلتي بيا وجيت لكن الجواز ده مش لعب عيال
رباب: بس لعب بالنسبه لـ اسير , ده دمـ ر حياتي , ورفض الجواز البدل, واتجوز برغبته وعارفه انه مش هيوافق نتجوز بسهوله
ايمن: تمام اهدي
رباب اتحركت بحقد: مقدرش, اسير بيعشق مراته واقسموا ع العيش والملح , مقدرش اتحمل يفضلوا سوي انا عايزه ادمـ ر كل ده وافصلهم عن بعض
ايمن: حتي لو اتجوزتك واخدتك ده مش هيأثر ع حياه اخوكي , ولا حتي امك , بالعكس هيقفلوا الباب في وشك , الصح لو لعبتي في الساحه وتهزميهم
رباب احمرت خدودها من شدة الانفعال وقالت : المفروض اعمل ايه
ايمن: اعملي الي اقولك عليه, انا بحبك ومش هقبل تخسري انا عايز مصلحتك
اثناء كلامهم الباب خبط ورباب وقفت بقوه وقلب جامد
ايمن اتوتر: مين ممكن يكون جه
رباب: ممكن اسير
ايمن: ايه اسير انتي قلتي انك خرجتي بعذر
رباب: لاء طلعت ع اخري ومشيت بعد ما كلمت قفلت موبيلي
ايمن: طب لو شاف العربيه هتحصل مشكله ده اكيد ممكن يشك
رباب: اي شك هقوله انك اخو واحده صحبتي
ايمن: بتقولي ايه لو شافك معايا هتحصل مصيبه
رباب بصت لرتباكه الملحوظ
ايمن بلع ريقه: قصدي يعني من 12 سنه شافك مع المدرس , والنهارده معايا جايز يفكر فيكي حاجه وحشه
رباب: استخبي
ايمن: ع السطح
رباب مسكته: بلاش السطح ادخل اوضتي بسرعه
رباب راحت فتحت الباب لقته عيل ابن الجيران كلمته وقفلت الباب
رباب بصوت عالي : مؤمن اطلع تعال كان عيل من الحته مرجع الحله
ايمن اتنهد برتياح: الحمد لله , تمام هتصل بيكي واعملي الي قولتهلولك, انا دايما معاكي هتصل بيكي
ايمن خرج زي الحرامي واختفي واسير رجع شاف باب المدخل مفتوح فضل يبص شمال ويمين وبعدين زق الباب ودخل
اسير بينادي عليها : يا رباب رباب
رباب: ايه
اسير نفخ براحه: انتي كويسه ايه التصرف الغـ بي ده, تروحي البيت من غير ما تبلغينا وقفلتي التلفون قلقت جدا واتوهمت حاجات كتيره
رباب: ليه قولت هنتـ حر ياريت عندي الشجاعه اقدر حتي اعيط ع اهانتي, بس انا بحاول اعيش بصعوبه بين القريب والغريب , وايه عن حياتي
اسير هرش جنب شفايفه: انسي الي حصل, اسف
رباب بغضب: انسي الناس شافت الي عملته معايا , طالما انا مش جزء من العيله كنت بعمل ايه هناك, مليش قيمه بالفعل لما جات جميله للدرجه مليش قيمه عندك
اسير: ايه الي بتقوليه ده ياحبيتي , مفيش حاجه من دي, انتي غاليه عندنا جدا , مستعد اضحي بحياتي عشانك ازاي اقدر اقنعك
رباب: مش محتاجه لحياتك , عايزه التقدير والاحترام تقدر تدهولي
سير: المره الجايه هفكر كويس في اللامور دي , تعالي معايا الكل مستني
رباب : مش هقدر اروح ولا ارد ع الناس
اسير بتفهم : تمام هروح اجيب امي وجميله اهتمي بنفسك
رباب: لما الام بتـ موت مفيش حياه ولا اهتمام , ولا حد يصلي ويدعيلي
..............قصص منه محمد كاتب................
في منزل ايمن
ذكي شافه بعصبيه: تعال هنا كنت فين بتصل بيكي اهل البنت جم ومشوا
ايمن: التلفون كان صامت ومعرفش انهم هنا غير كده انا مش هتجوز الي انت جايبها
سعيد: والله منا عارف الي في دماغك كويس جميله بنت ذكي
ايمن: حبيت انتقم وانتقمت وحطيت في ايدك 50 الف
سعيد: عشان كدا مش بتكلم في الموضوع وكنت عايز اخد اكتر منه
ايمن: ولسه نقدر نعمل ده ونكبش لاني اعجبت ببنت
سعيد: لو بنت فقرانه مش هسمعك
ايمن: يا بابا دي مفتاح كنز عندها محل ملكها بأسمها وهتدعمني جدا في انتقامنا
سعيد ضم حواجبه: مين الي بتتكلم عنها
ايمن: اسير له اخت
سعيد: صاحب الدكان الي اتجوز جميله
ايمن: هو واخته غرقت في حبي لدرجه مستعده تعمل اي حاجه عشاني
سعيد بعصبيه: انت اتهـ طلت في نفـ وخك , هتعمل ايه تاني علاقه مع الشحاتين , ارحمني واتجوز بنت عليها القيمه واهتم بشغلي
ايمن : انا مهتم بيها رجعتلك خمسين الف بدل 30 وبرباب هناخد دكان من دكاكين اسير والبهدله الي عملها اسير في بيتي هعمل اكتر منها في حياته صدقني هعمل اكتر منه
سعيد بصله ووسعت ابتسامته الخبيثة
