رواية الحب المفاجيء الفصل الثالث والعشرين 23 بقلم امل بكر
ابتسمت باستغراب وقولت ،
-ده علشاني !!!!
-اه علشانك مكأفاة انك اخدي الحقنه
اخد الكوبايه من ايده بفرحه بنت صغيره اخذت الجائزه
اتكلمت بعد لما اكلت منها ،
-شكراً جداً سُليمان طلعت لطيف والله
ضحك ،
-للدرجه كنت شايفاني وحش ؟!
رفعت كتافي وانا مازالت باكل من الايس كريم ،
-لا هو فعلاً انت كنت لاتطاق
رفع حاجبه بدهشه كملت ،
-ايوا متبصليش كده اكذب يعني !!!
بسخريه ليا،
-لا طبعاً الكذب حرام
-اممم الايس كريم ده حلو اوي اسم المحل اي
-لما تحبي تاكلي بقوليلي واجيبك عادي
-موافقه
-ا احم عايز اقولك حاجه
رفعت عيني ليه ،
-قول
-في حقنتين لسه لازم تاخديهم
-انت بتهزر معايا!!!
-لا والله بتكلم جد
-مش هاخدهم وبعدين انا كويسه خلاص
-مينفعش الدكتور قال لازم تاخديها علشان المناعه
حطيت كوبايه الايس كريم في ايده وبصيت قدامي بتكشيره
-اي ده مش هتكلميها ؟!!
-لاء مش عايزه
-كل كده علشان الحقنه !!!
-مش هاخدها اخدها بس انهارده علشان كنت معايا لكن بعدين هخاف
-طب مانا هبقي موجود معاكي
بصتله ،
-بس برده هكون خايفه
-هتخافي في الاول وبعدين شكه وخلص الموضوع زي النهارده
حطيت ايدي علي مكان الحقنه ،
-لا علفكره بقي لسه وجعاني
-هتخف بكره
-انت بتاخد بعقل عيله صغيره !!!!
-ابداً بحاول اطمنك
ابتسمت بس اتكلمت بسرعه ،
-طيب
-امسكي بقي كلي الايس كريم ده
اخده منه وكملته وصلني تحت البيت وقبل لما اطلع قال،
-كلي كويس ونامي بدل مااكلم امك تأكلك بالعافيه
ضحكت بهدوء ،
-طيب حاضر
-ماشي يلا اطلعي
قبل لما انزل لفتله وسألته،
-انت هتروح فين دلوقتي ؟!
قال وهو بيضيق عينه،
-اي ده عايزه تعرفي !!!
-خلاص متقولش سلام
-استني ده انتي قفوشه راجع الشركه
ضحكت بعد لما عطيته ضهري وطلعت اخد شاور ونمت علي السرير بتعب
فات اسبوع وانهارده خطوبه احمد واخيراً لبست فستان موف رقيق موت تليق علي الخطوبه الي في الجنينه
ماما،
-ابرار خلصتي
-خلاص اهو ثواني
-طيب همشي انا مع ابوكي
-طيب ماشي
-هشوفك هناك
خلصت وطلعت من الاوضه كان يزن بيلبس الجزمه
بصلي بعد ما بص للمرايه اخر مره
-انتي بتعركي كده لي ؟!
بصيت علي الكعب بقله حيله،
-مبعرفش امشي فيه
-تعالي ياختي اسندك
ضحكت بانكشاح ومسكت دراعه واحنا نازلين كان سُليمان وهمس واقفين مع بعض بيتكلمو
يزن زقني بخفه ،
-يلا امشي خلي حبيبتي هي الي تسند عليا
-امشي ياحبيبي ندل طول عمرك
بصيت لسُليمان بحزن قرب مني وهو بيهمس،
-هي البصه دي ليا
تجاهلت كلامي ،
-هركب فين قررت؟!
-اه في عربيتي
بصتله بترجي ،
-طب مانركب في العربيه الي مأجرها احمد
-لا مبحبش غير عربيتي
فتح باب العربيه ،
-يلا اركبي
"فضلت مكشره طول الطريق "
-هتفضلي مكشرة كده كتير ؟!!!
-بس متكلمنيش
-متكبريش الموضوع
لقيت بجسمي وانا بقول بعدم رضا ،
-شيرين صحبتي وملهاش غيري وعايزاني اركب معها
-يعني عايزاني اسيبك تركبي جمب واحد !!!!
-ماقولتلك تعالي سوق
-احمد مش عايز يركب في عربيتي خلاص براحته
-ممكن تقفل الموضوع لانه بجد معصبني
-طب لما نوصل مش عايزك ترقصي
بصتله بدهشه،
-واي كمان !!!!
-تقفي جمبي يااما تقعدي مع همس وامي وامك
-واي كمان!!!!
-بس خلاص لو فيه حاجه هقولك
-اربطني احسن في ايدك
-اه والله فكره هايله
-فكرة طين
-هو انت متعصبه؟؟
-ابداً مبسوطه جداً
بغتتاته ،
-ديماً ياحبيبتي
وصلنا ودخلنا وهو متبت علي ايدي برفق
وبعد شويه اجت واحده وقفت قدام سُليمان وانا واقفه جمبه
اتكلمت باندهاش ،
-اي ده!!! سُليمان ؟!!
-نور
-اخبارك فينك بس كل المده دي
-شغل بقي
-وحشتنا جداً مروان مكنش عارف يوصلك
ضحك وهو بيفتكر،
-اه والله وحشني جداً مروان وادم لسه بتتكلمو ؟
-اه بنتقابل هات رقمك ادخلك الجروب مروان وادم مش هيصدقو ونسرين كمان ورنا
اتنفست بخنقه ومشيت من جمبه روحت اقف جمب همس
بص جمبه ومخدش باله انها مشت ،
-ماشي خدي الرقم ابعتي لمروان بس مدخلنيش جروب مليش في كده
غمزت ،
-هي الي كانت جمبك خطيبتك؟
-مراتي
-الف مبروك ياسيدي
-شكراً
-طب صالحها بقي لان شكلها اضايقت
اتكلم وهو باصص علي ابرار،
-ماشي بسلميلي علي الشباب
-يوصل
همس،
-مالك يابنتي عماله تنفخي كده ليه؟!
-اخوك المحترم المتربي بيكلم واحده قدامي
-واحده مين ؟!!
-معرفش زميلته ولا الاكس المهم انها واحده البجح بيكلمها عيني عينك
-طب خلاص روحي هزقي
رفعت كتفي ببساطه ولا اكنه هاممني،
-لا طبعاً ولا يشغلني
قالت وهي بتكتم ضحكتها،
-اممم طب هتعملي اي ؟!!!
نفخت بضيقق واضح،
-معرررفش سيبيني في حالي دلوقتي
-طب خلاص روقي وروحي هاتيلك عصير
-ماشي اجبلك
-لا شربت
روحت اجيب وشوفت سُليمان بيتكلم مع ناس بصتله بقرف وكملت طريقي جبت عصير وشوفت الي اسمها نور اتعصبت اكتر ومشيت يكاد يكون بسرعه
شهقت لما العصير اتكب علي واحد
-اوووف انا اسفه جداً
-انتي مش شايفه!!!!!
-اسفه جداً مختش بالي
بصلي من فوق لتحت ،
-طيب خلاص علشان خاطر عيونك مفيش حاجه
بصتله بقرف من كلامه وكنت همشي ولكنه مسك ايدي بطريقه تقزز بسرعه ،
-استني ياعسل لسه متفهمناش
شديت ايدي بسرعه وقولت بعصبيه وصوت عالي ،
-انت ازاي تتجرء وتمسك ايدي
بعصبيه هو كمان بسبب صوتي الي علا وبعض الاشخاص اخدت بالها،
-انتي ازاي تتكلمي كده !!!!
تجاهلته ومشيت خطوة لقيت سُليمان قدامي وباصص علي الي ورايه
-ماله ده!!!
-مفيش
"كنت همشي واسيب سُليمان هو كمان بس الولا ده اتكلم "
-الانسه دي قليله الذوق كبت عليا عصير وبجحه كمان
لفيت بجسمي ورفعت حاجبي بعدم رضا لكلامه ده سُليمان قرب منه بهدوء وقال بثبات خوفت منه
-هو الكلام ده كله ليها !!!!!
رد بعصبيه ،
-ايوا ليها مفكره نفسها سندريلا علشان مسكت ايديها
برقت لبجاحته وبصيت لسُليمان الي بص جمبه وهو بيضحك بسخريه وبرقت بشهقه وهو بيضربه بونيه خلته يرجع لورا
-ازاي ياابن****** تمـسك ايديـها ده انا هموتك
بصله بغضب اكبر وضربه نفس البونيه يزن ادخل بسرعه هو وعمي وبابا وبعض الشباب
عيط بخوف وهمس اخدتني بعيد والخطوبة اتقلبت لان الولا من طرف العروسه وحصل شد بينهم وبين عمي والاغاني اتقفلت
اتكلمت وانا بعيط ،
-همس انـا خايفه اوي
اخدتني في حضنها وهي بتهديني ،
-بس ياحبيبتي بس مفيش حاجه ان شاء الله
بصيت عليهم وانا في حضنها شوفت لمتهم كلهم ويزن وكام واحد ماسكين سُليمان بالعافيه سمعته اتكلم بعصبيه مفرده قلبي اتهز منها ،
-ده انا هوريك علي عملت دي وربنا ماهسيبك
يزن وهو مش فاهم الحوار اتكلم بعصبيه ،
-عمل اي ماتحكي ؟!!
سُليمان مردش عليه ومشا من قدامهم كلهم وطالع بره المكان خالص طلعت من حضن همس
-استني راحه فين ؟!!
اتكلمت وانا بمشي من قدامها،
-هروحله
طلعت برة المكان وشوفته وهو بيتنفس بعصبيه ورايح جاي كأنه لسه عنده طاقه عايز يطلعها ومش مكفيه الي عمله
قربت عليه بخوف خفيف من غضبه مسحت خدي الي عليه دموع واتكلمت بهدوء ،
-سُليمان
بصلي ،
-انت اي الي طلعك ادخلي جوه
اخد نفس ومعرفش حركتي صح ولا.. مسكت ايده بعد ماقربت منه ،
-ممكن تهدي محصلش حاجه يعني انا رد…
عقد حواجبه بضيق من كلامي،
-ازاي يعني محصلش حاجه!!!!!…. ابرار ادخلي جوه لاني بجد علي اخري
ساب ايدي وعطاني ضهره وقفت قدامه ،
-طيب خلاص انت رديت عليه وضربته وزياده
بصلي وقال برفض ،
-لا لسه معملتش حاجه ومرتحتش برده
ضحكت بخفوت مش مناسبه للموقف ابداً بس لحظت وشه الي محمر من البونيه الي اخدها
-سُليمان انت مش حاسس بوشك ؟!
حط ايده ،
-ماله؟!!
-محمر اوي لازم مرهم
بعدم اهتمام ،
-عادي خشي جوه ممكن بقي
-طب تـ…
مكملتش كلامي لما عمي جاي علينا وهو بيزعق ،
-انت ازاي تعمل الي عملته ده؟!!!
اتهزيت اول مره اشوف عمي متعصب كده سُلميان رد عليه بضيق مكبوت بعد لما لفله،
-المفروض كنت اسقفله ياحج؟!!!
بعصبيه قال،
-المفروض مكنتش تعمل الي عملته دي خطوبه اخوك انت بوظت شكلنا !!
رفع حاجبه بسخريه ،
-يعني شكلنا اهم من الي عمله !!! يمسك مراتي ويتكلم بطريقه زفت ومردش عادي ؟!!!!
-بالعقل مش كده الخطوبه جوه متوقفه حضرتك بسبب تهورك وهو مش عايز يسيب حقه
بعصبيه اكبر قال بكل بساطه ،
-وماله بلاش يسيب حقه خليه يجي علشان اموته خالص
زقه في كتفه ،
-سُليمان !!! شوف انت بتقول اي خطوبه اخوك اتقلبت بسبب تهورك
اتنفس بفراغ صبر ،
-انت عايز اي ياحج دلوقتي ؟!!!
-عايزك تدخل دلوقتي ونتصافي مش عايزين مشاكل هو ولد طايش وممكن يأذيك باين عليه بتاع مشاكل
برفض تام،
-استحاله ده عيل ابن ***** اي ياحج عايز تقل مني !!! مش علشان شكلو اعدي الموقف ده عادي
عمي كان متعصب اوي لدرجه ان مكنتش اتخيل انه يمد ايده علي ابنه ضربه بالقلم
حطيت ايدي علي بوقي بصدمه يزن اجي علي المنظر جري بسرعه وهو بيقف بينهم ،
-بس ياجماعه استهدو بالله
سُليمان عض علي شفايفه وهو بيتنفس بسرعه
يزن اتكلم من تاني ،
-تعالي خش ياعمي مشيت الدنيا جوه
عمي دخل ويزن بص لسُليمان ،
-تعالي يلا ادخل انت كمان
مشا من قدامه ،
-لا انا ماشي
مسكه من ايده بسرعه ،
-بس ياعم دي خطوبه اخوك تعالي ادخل ياسُليمان وتف علي الشيطان
اتنهد يزن لما مردش عليه وقال ،
-هدخل انا وانت اهدي كده وتعالي
بصلي وقال ،
-خلي يدخل
هزيتله راسي بماشي يزن دخل وهو مضايق علي سُليمان
مكنتش عارفه اتكلم واقوله اي بعد الي حصل اكيد مضايق اني كنت واقفه وابوه بيضربه بالقلم
-سُليمان انا اسفه انا السبب في كل ده
مردش عليا وهو حاطط ايده في جيبه بضيق واضح من نفسه العالي
-طب ممكن دلوقتي ندخل دي خطوبه اخوك اكيد مش هتسيبه مش كده ؟!!!
بصلي ومسك ايدي ودخلنا مع بعض كنت واقفه مع همس بس كنت مضايقه اوي علي سُليمان انه شد مع ابوه وحصل مشكله بسببي وخوفت اكتر من كلامي عمي ان الولد ده بتاع مشاكل وخايفه علي سُليمان لإذيه كنت طول الخطوبه بفكر في كده وخوفي مش بيقل ابداً
الخطوبه خلصت وكنا واقفين كلنا بره سُليمان وجهلي الكلام ،
-اركبي انتي مع يزن انا رايح مشوار
-مشوار اي ده ؟!!!
-شغل
بعدم اقتناع ،
-شغل اي دلوقتي لي بتكذب ؟!!!
-ابرار انا مش قادر ادخل في نقاش
قاله كلامه وراح ركب العربيه ودورها قومت فتحت الباب بسرعه وركبت جمبه
بصلي ،
-بتعملي اي ؟!!!
رفعت كتافي ،
-هاجي معاك
-ابرار مش وقت عند بالله عليكي انزلي لو سمحت
بعند اكبر ،
-مش هنزل هاجي معاك وبلاش نقاش كتير لاني مش هغير رائي هتروح للولا يعني؟!! ماشي خلينا نروح مع بعض
-هو مين ده الي اروحله هو انا اعرفه ولا اعرف مكانه !!!!!
-اه صح امال رايح فين بقي ؟!
-هلف في الشوارع واروح ارتحتي ؟!
-طب ماتقول كده ماشي انا فاضيه عادي
"هز راسه يمين وشمال بغلب منها "
في الطريق اتكلمت وانا بواسيه ،
-انا مش عارفه اقولك اي بس بلاش تزعل من ابوك هو اكيد مش قصده
كان مركز في الطريق ومردش بس عيونه كان باين عليها الزعل
-الي حصل بسببي وانت ملكش اي ذنب انك تشد انت وعمي انا بجد حاسه بالذنب ومبحبش حد يزعل من التاني واكون انا السبب الرئيسي
بصلي وقال باستغراب من كلامي ،
-انت بتقولي اي !!!! اكيد كان لازم ده يكون ردي ومش ندمان ولو رجع الموقف تاني هعمل كده تاني وتالت انتي مراتي يمكن انتي مش بتحبيني لسه بس انتي تخصيني ومفيش حاجه هتغير ده.
"قلبي دق وضحكت جوايا من كل كلمه طلعت منه اما من اني لسه مش بحبه فا ولا مره سألت نفسي هو انا بحبه ولا عادي ؟!!!"
كمل كلامه ،
-انا لسه مش مرتاح وعايز اعجنه تاني
بترجي لفيت بجسمي ليه وقولت ،
-علشان خاطري ياسُليمان بلاش تعمل مشاكل علشان خاطر اهلك علي الاقل
-مش هعمل حاجه هو لو مش مرتاح وعايز يتعجن تاني انا معنديش مشكله
بزهق من اصراره ،
-سُليمان انت عنيد بشكل فظيع
بعد شويه وهو ماشي بالعربيه معرفش احنا فين حتي قطعت السكوت وانا بتكلم وباصه قدامي
-دلوقتي نور زعلانه عليك
بصلي وقال باستغراب ولكني فضلت باصه قدامي ،
-نور مين ؟!!
-نور البنت الحلوه الي فضلتو تتكلمو
افتكر وقال ،
-اه دي كانت زميلتي وكنا شله يعني فيها ولاد برده
-اممم
-انتي مشيتي لي اصلاً ؟؟
بسخريه ،
-علشان كنتو بتتكلمو وانا زهقت ومشيت
-متكلمناش كتير اخدت رقمي علشان تديه لمروان وادم صحابي مش عارف اوصلهم وبقالنا كتير متقبلناش
بصتله وانا مش راضيه بكلامه ده،
-اخدت رقمك!!!!! طب كويس اهو تتواصل مع صحابك
بهدوء ،
-ايوا
اتنفست بغيظ من بروده وانا مش عارفه اتعصب عليه ازاي …اصل انا مالي !!!
بصلي وقال بهدوء ،
-انتي كويسه ؟!
-زي الفل
-كنتي مضايقه من نور يعني ؟!
-لا وااضايق لي زميلتك القديمه عادي يعني مانا اكيد كان عندي زمايل قدام
قولت كده وانا اصلاً عمري ماكلمت ولا ولد
-زمان بقي
قولت لاغاظته معرفش لي بس هو كده ،
-لو شوفنا بعض اكيد هنسلم يعني مش ازمه
-طب اظبطي كلامك
-ياسلام واشمعنا انت بتسلم عادي وبتتكلمو في حوارات كمان
-انا متكلمتش غير كلمتين وبعدين لما جابت سيره صحابي علشان كده عطتها الرقم تخليهم يكلموني
-حجه فاشله كان ممكن تاخد انت رقم صحابك
سكت ثانيه لما لقي كلامي مقنع ،
-مجاش في بالي فعلاً بس خلاص مش مهم
-مش مهم طيب ماشي
-خلاص متضايقيش مكنش قصدي
بكذب قولت ،
-لا عادي اي الي هيضايقني يعني !!!
-انت شايفه كده؟!!
-مش شايفه غير كده
سكت وشويه ووقف تحت العماره ،
-مش هتطلع انت كمان ؟!
-شويه وهطلع
-ماشي براحتك
بصلها باستغراب وقال لنفسه ،
-هي مالها دلوقتي قالبها وشها لي !!!!
طلعت وغيرت هدومي بعصبيه كان عايز يكسر الاوضه كلها فات يومين والامور مكنتش احسن حاجه سُليمان لسه مش بيكلم ابوه ولا عمي بيكلمه
بليل الساعه 11:00
كنت قاعده رزهقانه اتصلت علي سُليمان ،
-ا احم انت فين ؟!!
-طالع البيت اغير ونازل تاني
بفضول بقي بيجيلي ناحيته مؤخرا،
-هتروح فين؟!
-مروان وادم والباقي هقابلهم علي القهوة
-هو في بنات في القعده دي ولا اي يعني مش دول زمايلك القدام حبايب قلبك ؟!!!
-بنات !! في القهوة ؟!!
-يعني المشكله في القهوة لكن لو في مكان تاني عادي !!!
-لا طبعاً في كل الاحوال مشكله
-انت بتاخذني علي قد عقلي ؟!!
-لا طبعاً برده مقدرش
-بلاش تتكلم بالطريقه دي بتعصبني
-طيب حاضر
بغيظ منه فاض مني ،
-سلااام هقفل
-لي بس كده
-هو كده
رميت الموبايل علي السرير بغيظ منه بيفضل يقولي متزعليش ، لا عندك حق ، ماشي ،حاضر ،من عيوني
ولما بيقول اتكلم ده انا بتعصب ومش بعرف اطلع غيظي بقول لنفسي طب وانا مالي ؟!!!
طلعت قعد في الصاله يزن طالع من اوضه وهو لابس ونازل وبيتكلم في الموبايل ،
-سُليمان انا عايز عربيتك معلش عربيتي عطلانه
رد عليه معرفش بايه
ويزن قال ،
-ماشي هقابلك علي السلم تديني المفتاح
كمل بهزار ،
-ماتخلي همس هي الي تدينهولي
ضحك وقفل معاه بصتله ،
-نازل ؟!!!
-اه صاحبي في المطار هروح اخده
قولت وانا باصه عليه وهو بيلبس الكوتش ،
-ماشي خلي بالك من نفسك
-حاضر
-قول دعاء الخروج
-من عيوني
نزل وانا فضلت قاعده بتفرج علي التلفزيون جمب ماما لغيت لما بقت الساعه 1:20
ماما قالت بقلق،
-اخوكي أتأخر كل ده بيوصل صاحبه ؟!!
-ممكن يكونو قاعدين مع بعض
-طب اتصلي بيه شوفي كده
روحت اجيب موبايلي من الاوضه وارن باب الشارع رن فتحت وكانت همس
باستغراب ،
-مالك في اي ؟!!
اتكلمت بقلق واضح،
-بيري يزن بكلمه مش بيرد
ماما قامت بخضه وكأنها ماصدقت حد يأكد علي قلقها
-مش بيرد ازاي رني تاني
-رنيت كتير والله يامرات عمو بس برده مفيش رد
بصتلهم هما الاتنين وقولت وانا بطمنهم،
-ممكن تهدو هو يمكن قاعد مع صاحبه شويه ياهمس
-لا هو كلمني وقالي انه مروح ومن وقتها فات نص ساعه وبرن مش بيرد
القلق دخل قلبي اتنفست بخوف ،
-ان شاء الله خير ادخلي هحاول اتصل بيه تاني
<<<<<<<<<<<<<<<<<<<<<<<<<<<<<
في التلفون من رقم مجهول ،
-عملت اي ؟!!
-انا ورا ياباشا اهو
-انا مش عايز يبقي للعربيه ملامح
كمل بقسوه،
-دوس جامد انت فاهم ؟!
-حاضر الي تأمر بيه
-يلا ركز واوعك تضيعه
<<<<<<<<<<<<<<<<<<<<<<<<<<<<<<<<
في الطريق كان يزن مستغرب من الي ماشي ورا وبيحاول يقفل عليه الطريق
العربيه اجت جمبه وعماله تخبط العربيه اتكلم يزن بعصبيه ،
-انت ياعم الغبـي بتعمل اي ؟!!!!
يزن كان بيدوس بنزين علشان يبعد عنه فكره واحد شـ.ارب في الوقت ده يزن بص علي الموبايل صدفه شاف سُليمان الي بيرن عليه مكنش واخد باله علشان كان صامت
مسكه وفتح الاسبيكر ،
-ايوا ياسُليمان ؟
-اي يابني اتأخرت والبيت متصل بيا قلقان عليك ومش بترد عليهم
اتكلم وهو باصص علي العربيه الي بتحاول تلحقه
-في الطريق اهو بس في واحد شكله شـ.ارب عايز يقفل عليه الطريق
-ازاي يعني !!طب خلي بالك
-ماشي يـ…
مكملش كلمته وداس بنزين علشان العربيه قربت منه داس فرمال بسرعه قبل لما يخبط في الحيطه جاي يرجع لورا العربيـه
اجت من ورا بسـرعه وخبطته خبطه جامده في الحيـطه
سُلميان لمًا سمع صوت ،
-يزن الوووو يززززن
العربيه رجعت لورا من تاني وخبطت العربيه باقوي من الاول هربت العربيه بسرررعه لما الناس اتلمت والي راكب عربيه نزل منها يشوف الي حصل
الناس فتحت الباب ونزلو منها يزن وواحد زعق وهو بيقول لحد يطلب الاسعاف
واحد اخد باله من التلفون الي مرمي تحت وفي صوت جاي منه مسكه ورد
سُليمان قلبه وقع في رجليه اول لما سمع صوت مش يزن
-ايوا حصلت حـادثه والاسعاف جاي
سُليمان قام وقف بخوف،
-المكان قووولي بسرررعه
<<<<<<<<<<<<<<<<<<<<<<<<<<<<<<
||في البيت||
موبايلي رن وكان سُليمان رديت بسرعه وانا بقف ،
-اي رد عليك
اتكلم بنبره هاديه خوفتني ،
-اهدي علشان خاطري
بخوف اكبر وانا ببص لماما وهمس الي مستنين كلمه مني ،
-سُليمان قول في اي ؟!!
-يزن في المستشفي عمل حـادثه وو
قاطعته بشهقه،
-اي مستشفي !!!! ابعتيلي المكان بسرعه
ماما علت صوتها بخوف،
-مين ده الي في المستشفي اخوكي كويس ردي عليااااا
همس برعب ،
-ابرار ردي يزن كويس
بصتلهم وقولت،
-يزن في المستشفي
لبسنا وروحنا بسرعه المستشفي الي سُليمان قال عليها وعمو وبابا واحمد اجو وطول الطريق همس وماما بيعطو بخوف عليه وانا كنت باصه قدامي بصدمه اكيد يزن هيبقي كويس مستحيل مين هيرازي فيا مين هيصدعني بكلامه وبحكايته مين هيقولي حدوتات تضحك مين مفيش غيره
وصلنا المستشفي وسُليمان كان واقف قدام باي بصيت عليه مكتوب العمليات !!!!!
بصدمه وانا ببص لسُليمان من تاني ،
-عمليات!!!! هو ماله قولي بالله عليك
خلصت كلامي بسرعه وبصدمه ومش مستوعبه اي حاجه
قرب مني وهو بيمسكني من وشي ،
-اهدي هو جوه لسه محدش قال حاجه انا لسه واصل حالاً
ماما بعياط،
-ابني كويس مش كده؟!! حد يرد علينا
بابا ضبطب عليها وهو مصدوم وعيونه باين عليها الكسره
همس قربت من سُليمان،
-سُليمان يزن كويس اي الي حصل
-بس ياحبيبتي هيبقي كويس اكيد اهدو ياجماعه ان شاء الله خير
"كان بيطمنهم بس قلبه مش مطمن محتاج الي يضبطب عليه حاسس باحساس مش حلو ابداً "
ممرضه طلعت بابا سألها بخوف ،
-ابني كويس اي الي بيحصل جوة
اتكلمت بسرعه وهي عايزه تمشي ،
-الحاله حرجه جداً ادعلو
ماما وهي بتهز راسها بعياط ،
-يعني اي !!!!
الممرضه بأسف ،
-احنا بنعمل الي علينا خليني امشي متعطلنيش
بابا حاوط كتف ماما ،
-بس يانجاة هيبقي كويس ده يزن ديماً بيخوفنا عليه
قال كلامه وهو بيحاول يمسك نفسه من الانهيار
بعدهم عنهم مسافه وانا باصه للحيطه بصدمه ودموعي عماله تنزل قعد علي الارض وانا منهاره
وقولت لنفسي بصوت واطي ،
-يزن علشان خاطري خليك كويس اموت من غيرك والله العظيم يارب قومه بالسلامه يارب احفظه يارب ان كان هذا بسبب ذنب فا استغفرك واتوب اليك بس بلاش في اخويا بلاش في عيلتي ولا اي حد بحبه يارب يارب احفظه يارب يرجع البيت بخير ومش مضرور في حاجه يارب يزن يكون بخير يارب
سُليمان مسك ايدي وهو بيقومني من علي الارض بصلي بعيون حزينه مسح وشي من الدموع
-هيبقي كويس ادعيلو وخليكي واثقه في ربنا
بصتله وانا دموعي بينزل غيرها وهو يمسحها ،
-هيبقا كويس صح ؟!
هز راسه حضني دخلت راسي في صدره وانا منهاره وتمتمت بكلام مش مفهوم من العياط ،
-انا خـايفه اوي
ضبطب علي ضهري وقال بصوت مكتوم من الحزن ،
-اهدي ياحبيبتي هيبقي بخير هيبقي بخير
بعد شويه طلعت من حضنه مسك وشي ،
-يزن هيبقي كويس
هزيت راسي بايوا وانا بحاول معيطش تاني
""بعد ساعتين
جرينا اول لما الدكتور طلع وقفنا كلنا قدامه واحنا عايزك يقول كلمه واحده بس ان يزن بخير ولكن قلبي دق بعنف اول لما قال للأسف
مقدرتش اخد نفسي ووقعت علي الارض علطول وماما الي عيطها زاد اخر حاجه سمعتها صوت
سُليمان ،
-ابراررررررر
