رواية الحب المفاجيء الفصل الثاني والعشرين 22 بقلم امل بكر
بس بصيت علي سُليمان بدهشه لمًا قال ،
-بعد اذنك ياعمي بس عايز نكتب الكتاب علطول
رديت بسرعه ،
-لاء مش موافقه
بصلي وقال بثبات ،
-كده هيبقي افضل لينا
بصتله بغيظ لاني معرفتش ارد عليه اتنفست بضيق ولفيت وشي عنه
بابا اتكلم ،
-خلينا نعمل خطوبه الاول يابني
باصرار،
-معلش ياعمي شايف ان كده افضل
بابا بصلي ،
-موافقه ياأبرار ؟!!
همس ضبطب علي كتفي ،
-خلاص ياعمي سيبها انهارده تفكر علي رواق
ادخل يزن بهزار،
-طب كويس انكو فتحتو الموضوع وانا كمان عايز اكتب الكتاب
همس ،
-اييي!!!
-اي مش موافقه؟!
-لاء فاجئتني
يزن بفرحه ،
-علي بركه الله موافق ياعمي ؟!
ضحك بغلب ،
القرار قراركم
نزلو وانا دخلت غيرت هدومي وانا بفكر مسحت ضحكتي بسرعه لما افتكرت وهو عايز نكتب الكتاب علطول مش فاهمه لي عايز يعني يعمل كده
صحيت الصبح وماما فضلت تقنعني ان كده افضل وهمس وشيرين وبابا ويزن بليل بعد تفكيري مع نفسي وافقت
<<<<<<<<<<<<<<<<<<<<<<<<<<<<
يوم كتب الكتاب كنت متوتره جداً لبست دريس ابيض هاند ميت وطرحه البنت عملتهالي بشكل حلو اوي والميكب كان رقيق
دخلت همس ،
-يلهوي علي القمر الله اكبر سكر
ضحكت وانا ببص في المرايا ،
-بجد شكلي حلو؟
-اوي اوي عايزة اقولك سُليمان تحت اخليه يطلع ؟!
-يطلع فين لاء خليه
ضحكت ،
-ده بقاله ساعه بالظبط موقفا بالعافيه
الباب خبط قولت مين وطلع سُليمان فتح الباب ودخل خطوة فضل باصصلي وهو مبتسم بهدوء شكله يهبل في الاسود ينهاري انا بسيح
قرب خطوة وهو مش شايف اخته الي جمبه !!
اتكلمت همس ،
-طب انا هستناكو تحت بس مطولوش
طلعت وسابتنا فعلاً ثواني هو بيقرب لي !!!
رجعت خطوة وانا بصاله،
-بتقرب ليه !!!
اتكلم بعد لما بصلي من فوق لتحت.
-هي الحلاوي دي بجد ؟!!!
ضحكت بكسوف وانا بوطي راسي
-اي ده انتي بتتكسفي!!
رفعت راسي ،
-طب اطلع بقي لو سمحت مينفعش كده
-هتبقي مراتي يعني عادي
-لسه مبقتش اطلع بقي
-طب يلا انا جاي اخدك
نزلت معاه قعدنا ورا ويزن ساق العربيه وهمس جمبه وصلنا المكان كان قريب من البحر والشمس قربت تروح قعدنا علي التربيزه وانا عماله افرك في ايدي بتوتر رهيب
الكتب الكتاب بدء والماؤذن يقول وبابا وسُليمان يرددو وراه وانا مع كل كلمه قلبي بيدق
لغيت لمًا كتب الكتاب تم ويزن حضن سُليمان وبعديه احمد همس حضنتني وهي بتعيط ضبطب عليها
-بس ياحبيبي بس
اتكلمت وهي لسه في حضني ،
-مبروك ياحبيبتي الله يسعدك
شيرين قربت وحضنتني كمان ،
-اي ياجماعه بتعيطو لي مش الفروض انا الي اعيط
قولت كده علشان يفكو كانو متأثرين اوي هو مفيش غيري الي جبله ولا اي انا متوتره بس يعني مش اكتر اععععع انا عايزه اعيط
عيني اجت علي يزن الي بصصلي قرب مني واخدني في حضن قوي مكنتش عايزة اطلع منه،
-حبيبت قلبي وعيني مبروك
-حياتي انت يايزونه الله يبارك فيك
بابا وماما حضنوني كمان بعد لما خرجت من حضنهم شوفت سُليمان وهو واقف حاطط ايده الاتنين قدامه وشبكهم في بعض
وهمس صورته وهي بتضحك علي وضعيته دي
قرب مني وانا برقتله ،
-اي ده هتعـ …
مكملتش كلامي ولقيته شاددني من وسطي ناحيته ودخلت في حضنه ثانيه و لقيت نفسي بحاوطه بايدي انا كمان طلعني من حضنه وفضلنا نتصور كتير مع العيله ولوحدنا
بعد شويه مسكني من ايدي وقال لبابا اننا هنتعشي برة وبابا وافق
ركبت العربيه جمبه كان الطريق هادي ده الي حسيته وطويل اوي كمان وصلنا ومسك ايدي واحنا داخلين قاعدنا
اتكلم وهو باصصلي بنظره اول مره اشوفها ،
-بعيداً عن كلامنا القديم خلينا نتكلم جد شويه
كمل كلامه ،
-انا عايز اسأل سؤال واحد انتي مرتاحه معايا ؟!!
شبكت ايدي في بعض وقولت،
-عادي بس انت لسه فاكر تسألني السؤال ده قبل لما تحطني قدام الامر الواقع علي كتب الكتاب !!
نهيت كلامي بسخريه اتكلم ،
-يعني انتي دلوقتي مجبرة!!!!
رفعت كتافي وقولت برفض لكلامه،
-انا محدش بيجبرني علي حاجه انا صليت وارتحت والكل شجعني بس كده مش اكتر
-يعني فيه فرصه
-معرفش بقي انت شخص كويس ولا اي لسه هنشوف
ضحك وقال،
-اكيد مش هطلع بتاع مخـ.درات
-مش شرط يمكن تكون اخلاقك وحشه
-انتي عارفه اني مش كده يزن يعرفني اكتر واحد اسالي
رفعت حاجبي ،
-اممم يعني لو انا عيط وبنتك عيطت هطبطب علي مين الاول ؟!!
بصلي لثواني بدهشه ورد ،
-هو اي علاقه ده بالأخلاق !!!
-هو كده مش هترد ؟!!
ضحك بهدوء ورد،
-لا وماله نرد طالما الموضوع في طفل يبقي فيه امل
خلص كلامه وهو بيغمزلي وانا بعد نظري باحراج
-بس اشمعنا بنت لي مش ولد ؟!!
-علشان البنت حساسه اكتر واكيد هتحبها اكتر مني
-مش هيحصل هي بنتي وانتي مراتي
ثواني اي ده انا لي قلبي بيدق كده واي الحوار الي احنا بنتكلم فيه ده!!! ازاي وصلنا لهنا اصلاً!!
الاكل وصل وقطع كلامنا حمد ربنا مش عارفه انا الي جبته لنفسي وبسأل اسأله هبله
اكلت بجوع خلصنا ولفينا بالعربيه شويه
-انا عايزة انام ممكن نروح
-ماشي
بعد شويه وصلنا فعلاً وانا طلعت وانا متروخه وهموت وانام وقفني بسرعه وهو بيقفل العربيه
-استني هاتي رقمك
-لي ان شاء الله ؟!
-حبيبتي انا جوزك!!!
اديته رقمي وطلعت علطول اي ده !!! هو قال حبيبتي !!! جوزك !!!! غيرت هدومي ونمت بتعب من رجلي بسبب الهيلز
صحيت تاني يوم اخد شاور ولبست علشان الشغل لقيت موبايلي بيرن من رقم غريب قفلته بملل اكيد حد معرفهوش سألت علي يزن ماما قالتلي مشا
نزلت ولقيت سُليمان الي ماسك الموبايل وعمال يتمتم بكلام رفع راسه واول لما شافني اتكلم ،
-كل ده تأخير ؟!
بصتله باستغراب وانا مش مفوقه ،
-وانت مالك !!
رفعلي حاجبه اه صح هو جوزي دلوقتي ،
-اقصد يعني عايز اي ؟!
-سجلي الرقم الي بتقفلي عليه ده واركبي هنروح الشغل مع بعض
بصيت علي الموبايل ،
-اي ده هو انت ؟!
بتنهيدة،
-اه انا ياختي
-طيب خلاص… ثواني هو انت متعصب ؟!
شاور علي نفسه وغير نبرته ،
-انااا !!! انا اصلاً مش بحب العصبيه
ضحكت عليه ده اكتر انسان شوفته بيتعصب اصلاً
ركبت وهو دور العربيه واتحركنا واول لما وصلنا الشركه وقفني وهو بيقول
-بصي عمر ده لو قربلك ولا اتكلم معاكي تعرفيني ولو اتحاجتي حاجه قوليلي
هزيت راسي بماشي وانا مش قادره علي النقاش
بصلي باستغراب ،
-غريبه مش هتجادلي ؟!!
-يعني انت ولا عاجبك كده ولا كده ؟!!
-انتي كويسه ؟!
-اه لي ؟!
-حاسك تعبانه
اتكلمت وانا بمشي خطوه قدامه ،
-انا زي الفل
مسك ايدي وهو بيتكلم ،
-ايدك متسبش ايدي لغيت ماندخل
اول ما دخلنا شوفت الكل الي لاحظ قرب سُليمان مني لاول مره طبعاً اكيد مستغربين وصلني لمكتبي ومشا
كنت بشتغل وكله تمام بس حسيت بوجع بطني مكنتش عارفه أوازن نفسي قومت اروح اشرب ماية كنت سانده علي الحيطه وماشيه ببطئ من الوجع
عمر كان بيكلم حد ولما شافني قرب ،
-انتي كويسه ؟!
هزيت راسي بأة ومكنتش قادره اتكلم
-بس انتي شكلك تعبان تحبي انده لمستر يزن
رديت وانا بمشي خطوة
-لا لا
شوفت سُليمان وهو رايح علي مكتبي بس لما شافني اجي ناحيتي وهو بيبص علي عمر بضيق
قرب مني وهو شايف وقفني الي مش طبيعيه
-أبرار مالك ؟!!
اتنفست بوجع من بطني الي بيشد اكتر ،
-سُليمان مش قـادره اتـنفس حاسه انـي بمـ.وت
ملامحه اتغيرت بقلق ومسك دراعي الاتينين وهو بيقف قدامي ،
-اهـدي امشي معايا نروح المستشفي
-لا لا م
مكملتش كلامي وانا بـرجع علـي الارض وبعد عني وانا بدقه بايدي في صدره علشان ميتعكش
عيط لانـي مبحبش حد يشـوفني كده وعمر كمان الي واقف
طلع منديل بسرعه من جيبه مسك وشي ومسحلي بوقي مكنتش مستوعبه بيعمل اي اخده منه ومسحت انا
عمر راح جاب مايه وعطها لسِليمان مسك وشي بايده وهو بيشربني بعدها ايده الي ماسكه المايه
-بس كفا يه
-قومي معايا لازم نروح المستشفي
-انا كو يسه عايزه اروح
-مفيش مرواح قبل لما اطمن عليكي انتي تعبانه !!
يزن قرب وشكل حد قاله من الي متلمين وبيتفرجو
مسك وشي بايده
-ابرار مالك في اي ؟!!
بتعب وانا بحاول مقفلش عيني ،
-كو
ومكلمتش كـلامي وانا بقـع علي الارض ..
يزن لحقها وسُليمان شالها علطول اتكلم بخوف ،
-يزن افتح الباب بسرعه
فتحله باب العربيه ويزن ركب جمبه وسُليمان ساق بسرعه
<<<<<<<<<<<<<<<<<<<<<<<<<<<<<
||في المستشفي||
سُليمان ،
-هاا يادكتور مالها ؟!!
يزن وقف جمبه وهو مستني الدكتور يتكلم
-متقلقوش ده برد في المعده ولكنه قوي شويه محتاجه غذا كتبتلها علي حقن وعلاج ربنا يشفيها
سُليمان ،
-طيب ممكن ندخلها
-الممرضه بتحط المحلول وادخلو عادي
الممرضه الي واقفه جمبي خلصت تركيب المحلول وقالت قبل لما تطلع ،
-بالشفا ان شاء الله
ابتمستلها بتعب ،
-شكراً
طلعت من هنا ويزن دخل علطول
يزن قرب وهو بيقعد علي السرير جمبي
-حبيبتي انتي كويسه ؟!
-شويه هو مالي ؟!
-برد قوي شويه في معدتك
-بطني كانت بتوجعني اوي ودماغي
-معلش هتاخدي الحقن والدوا وهتبقي كويسه
"قال كده ونسـي انها بتترعب من الحقـن "
اتعدلت في قعدتي بخوف،
-حقـن !!!! لا انا مبحبهاش
حاول يهاودني ،
-طيب خلاص مفيش حقن
-يزن بلاش تضحك عليا انا استحاله اخد حقـنه
-طيب خلاص اهدي
غير الكلام وهو بيفكها،
-بس انتي بهدلتي الشركه بترجـ.يعك ده
بضيق وانا بحط ايدي علي وشي ،
-اسكت يايزن سُليمان شافني انا بجد محروجه
-واي يعني مش جوزك خلي يشوف قرفك
بصتله بدهشه وانا بضحك،
-قرفي يامعفن وبعدين ولو انا محروجه اوي
-معلش ياحبيبتي مسيره هو كمان يـ.رجع وتشوفي
-اي القرف ده اسكت يايزن الله يسترك
ضحك اتكلمت ،
-هو فين ؟!
-بيجيب اكل علشان تاكلي
بنفور ،
-لا انا مقدرش احط لقمه بطني مش متسحمله
-بلاش دلع هتاكلي علشان تخفي
-يززرززن
-نعم
-قوم روح
-انا ماشي اصلاً علشان الشغل بس مستني سُليمان يجي يقعد معاكي
-ندل والله
-الله يسترك
-انت اخ انت!!!!!
-امر واقع بقي
دخل سُليمان وهو في ايده شنط يزن اتكلم ،
-اهو اجي همشي انا خلي بالك منها هكلمك اطمن عليها
-ماشي متقلقش
-خلي بالك منها ياسُليمان
-خلاص ياعم مش هاكلها
-انا بس بقولك خلي بـ..
قاطعه وهو بيزقه للباب ،
-امشي يايزن امشي
قفل الباب ورا وقعد علي الي محطوط جمبي
-حاسه بإيه ؟!!
باحراج منه ،
-الحمدلله
-بطنك لسه بتوجعك ؟
بلعت ريقي بتوتر من اهتمامه ،
-خفت عن الاول
-طيب دلوقتي بقي تاكلي علشان تخفي
-لا لا مقدرش دلوقتي
-طب حاجه صغيره
-لا برده مش قادره
-طب شويه ؟!
هزيت راسي باستسلام ،
-ماشي
سكت شويه وهو باصصلي وانا قولت بارتباك،
-بتبصلي كده لي ؟!
بص بعيد وكأنه فاق علي نفسه
-مفيش
ضيقت عيوني لما لمحت عيونه الي مدمعه ولف وشه الناحيه التانيه عني قولت بدهشه،
-سُليمان انت بتعيط !!!!!
اخد نفس وبصلي ايوا باين اوي انه عيونه مدمعه ،
-اعيط اي !! لا مفيش حاجه
ضحكت بمناكشه استغربتها انها مني ولمين لسُليمان !!!
-بتعيط علشاني ولا اي ؟!!
بصلي وهو مبتسم بهدوء خلا قلبي يدق ،
-اة
كمل كلامه وهو بيتكلم بجديه ،
-مبحبش حد بحبه يتعب لاول مره اقولها لحد بس انا بخاف اوي بخاف ومش بقدر اشوفه في حاله وحشه حتي لو التعب بسيط
اتنفست بسرعه وانا بصاله ومش عارفه انطق
اتكلم وهو بيطلع الاكل لما ملاقش مني رد ،
-فات شويه حلوين اهو يلا بقي كلي
اكلت وهو كمان اكل معايا ،
-خلاص الحمدلله شبعت
-شبعتي اي بس !!!
-بجد خلاص شبعت
مد ايده بالسندوتش
-طب خدي القطمه دي
اخدها منه وبعد شويه قولت بملل من قعده السرير ،
-هو احنا هنمشي امتي ؟!
-يخلص المحلول وتاخدي الحقنه وهنمشي
عدلت قعدتي وانا بهز راسي برفض ،
-انا مش بحب الحقن ، ولا شكلها ،ولا شكتها، انا مقدرش اشوفها حتي ممكن اموت فيها قولهم يكتبو برشام بداله
-ماهو الدكتور كاتب كده وبعدين ماهو كاتب برده برشام
-والله هصوت وهلم الدنيا لو عطتوهالي
اتنهد وهو بيضحك بخفوت عليها،
-طب ممكن تهدي مش هتاخديها خليني اقولك حاجه هي شكه صغيرة وو
قاطعته بخوف مش هيقدر يخليه يقل حتي ،
-انا مش صغيره هتضحك عليا ازاي يعني هي شكه صغيره ومش هتحسي وبتاع لا انا بحس وبتوجعني اوي كمان
-ممكن تهدي لسه شويه علي المحلول لما يخلص متخافيش بدري كده
بصتله بدهشه ،
-يعني انت هتخليهم يدوهالي برده؟!!!
-لو علشان صحتك فااكيد هربطك علشان يدوهالك
بغيظ منه ولكني اتكلمت برعب ،
-علشان خاطري قولهم لاء والله بترعب بقولك… اي معندكش قلب حس بيا
ضحك بصوت عالي بصتله بضيق،
-انتي شويه وهتشحتي مش كده ممكن تهدي انا معاكي مش هتحسي
-لي ان شاء الله مش هحس لي كنت مين !!
-دي منظر واحده تعبانه ونايمه علي السرير بذمتك ؟!!
-اعوذ بالله عليك كمان هتحسدني في دي
-ممكن تسكتي شويه تقريباً كده انتي تعبانه يعني !!
فضلت قاعده بفكر اهرب ازاي من الحقته وكل لما ابصله الاقي باصصلي ومربع ايده عند صدره ومبتسملي هو بيبصلي كده لي فيه فيلم علي وشي ؟!!!
الممرضه دخلت وانا اتعدلت في قعدتي بسرعه وببص علي ايديها اكيد مخبيه الحقنه ورا ضهرها بصت علي المحلول وشالته
اتكلمت بابتسامه،
-المحلول خلص اكلتي كويس ؟!!
سُليمان رد عليها،
-اه اكلت
-طيب دلوقتي هنـاخ…
سُليمان قاطعها وهو بيقوم يقف ،
-معلش ثواني كلمتين بره
طلعت معا فعلاً اكيد هيقولها ازاي تضحك عليا بالحقنه
""""""""""""""""""""""""""
سُليمان ،
-بصي هي بتخاف من الحقن
-بس مينفعش لازم تاخد الحقنه
-طب مفيش اي بديل
-للاسف لاء
-ماشي هدخل اقنعها ودقيقه وادخلي اديهالها
-ماشي
دقيقه ودخل هو بس بصتله وانا بقوم اقف علي الارض ،
-كنت بتقولها ازاي تضحك عليا وتديني الحقنه ؟!!
اتكلمت من تاني ،
-يلا نمشي مش المحلول خلص
وقف قدامي ،
-بصي انتي هتاخدي الحقنه مفيش نقاش
مسكت ايده يمكن اصعب عليه ،
-بليزززز ياسُليمان والله العظيم بترعب افهمني
بص علي ايديها الي مسكها وحاوطهم بايده الاتنين ،
-علشان خاطري هي شاكه بسيطه وخلصت الحكايه
بصتله بنفاذ صبر من اصراره الي مش هيغير خوفي
اتكلم من تاني وهو بيمسك وشي ،
-انا هقف جمبك عضي فيا اعملي الي تعوزيه بس المهم تاخديها
بخوف ،
-طب هتبقي جمبي بجد ؟
هز راسه وهو مبتسم ،
-اه والله هقف جمبك بالظبط
دخلت الممرضه قعد علي السرير وهو واقف جمبي محاوط كتفي اول ما شوفت الحقنه خبيت وشي في صدره وحطيت ايدي علي ضهره وانا بضغط عليه بخوف
همسلي بهدوء ،
-اهدي متخافيش
اول لما الممرضه دخلتها في ايدي لفيت راسي وانا بعض دراعه مسمعتش نفسه حتي
عطتهالي وطلعت،
-بالشفا يارب
سُليمان طلعني من حضنه وهو بيقلع القميص وانا بصيت علي مكان الحقنه الي وجعني
اتكلم بعد لما قلع التيشرت وبص علي العضه ،
-ينـهارك اسووود اي العضه دي !!!!ده انا الي اخد الحقنه ياشيخه
قومت وقفت وانا بقرب منه وببص علي العضه معاه بصتله ،
-يلهوي انا اسفه والله مش انت الي قولت عضي؟!!
غمزلي بخبث،
-انتي تعملي الي عايزا
حطيت ايدي علي العضه ،
-طب دي هتعلم حط مرهم ولا اي حاجه
-ممكن تعملي حاجه زي المرهم بالظبط
هزيت راسي بعدم فهم ،
-اييي!!!
-تجـيبي بوسـه
برقت وانا بشـهق،
-ياقليل الادب ياسـا….
حطه ايده علي بوقي بسرعه ،
-يخربيتك صوتك هتفضحينا
شال ايده بسرعه بعد لما عضتها ،
-بابـت العضاضه
بابتسامه ،
-احسن انا هطلع البس هدومك ياسافل وتطلع خلينا نمشي
طلع بره الاوضه وهو بيبصلي بقرف وانا ببصله نفس النظره
حطيت ايدي علي مكان الحقنه بوجع
بصلي وهو بينقل نظره علي الطريق من تاني ،
-بتوجعك ؟!!
-اااا ه انت السبب منك لله
رفع حاجبه بدهشه ،
-ده انا اتعضيت واتبهدلت وكمان ماخدش البوسـ.ه
_احترم نفسك والله هنزل من العربيه دي اصلاً مش مطمنه معاك
بصلي وهو بيشاور علي نفسه بتمثيل ،
-ده انا محترم جداً
-اه ماهو واضح فعلاً
بصلي وهو بيرفعلي حواجبه بمناكشه ،
-بس معاكي لاء
ضحكت غصب عني وانا ببص جمبي من الشباك وضحك هو كمان
واقف العربيه علي جمب ،
-وقفت لي
قال قبل لما ينزل،
-هروح واجي
فضلت متابعاه ودخل محل ايس كريم !!!!
دقيقتين ورجع وهو ماسك كوبايه كبيره فيها ايس كريم فراوله وفانيليا
مدلي ايده بيها ،
-اتفضلي
ابتسمت باستغراب وقولت ،
-ده علشاني !!!!
الثالث والعشرين من هنا
