رواية الحب المفاجيء الفصل الثامن عشر 18 بقلم امل بكر
-همس متزعليش مني علي الطريقه السخيفه الي كلمتك بيها
"همس فهمت انه يقصد لما كانو في الشاليه"
سألته بخبث ،
-تقصد انك مكنش قصدك حاجه بكلامك ؟!
-فعلاً بس انتي كمان مسكتيش
-طبعاً عايز تقولي الكلام وانا اقولك برافو كمل!!!
ضحك بهدوء علي انفعالها الي بيحبه ،
-طب خلاص شرسه دي اخوكي مش زعلانه يعني
قالت وهي بتهرب من عيونه ،
-طالما مكنش حقيقي يبقي خلاص
ابتسم علي احراجها ،
-مش حقيقي اكيد والا مكناش هنا دلوقتي
-اممم
-طب اي شكلك لسه زعلانه اجي اقعد جمبك ؟!!
رفعتله حاجبها ،
-اقعد مكانك وخليك محترم
-الله مانا محترم اهو انا بس قلبي عليكي لتكوني لسه زعلانه
ضحكت غصب عنها علي كلامه ،
-لا مش زعلانه انا جعانه
-اقوم اساعدهم متهونيش عليا
-ياعم انت عايز تقوم وخلاص خليك قاعد
بهمس لنفسه ،
-عم!!! الله اكبر
-بتقول حاجه ؟؟؟
الاكل نزل وبدؤ ياكلو في هدوء بعد لما خلصو اكل
همس بعد لما شربت بوق مايه ،
-يزن انا كان نفسي لما اتجوز او ارتبط عموماً يبقي شريك حياتي يعني علي طاعه ربنا وياخذ بايدي مش احس نفسي مسحوبه معاه في المعصيه او مش بتقدم خطوة وواقفه مكاني محلك سر
-تعرفي اني انا كمان كان نفسي في كده وكنت بفكر في النقطه دي وكنت شايل همها اوي بس كنت عارف انك بتحاولي وبتجهادي نفسك علشان كده اختارتك انتي اوعدك اني مش هعينك علي المعصيه ولو وقعت فوقيني وفكريني وقولي ان فيه رب شايفينا
ابتسمت بفرحه انه هو كمان فيه جزء عايز يبقي احسن واقرب لربنا
-طب عايزة اقولك حاجه كمان
-سمعيني
-ثواني بس الاول انت عمرك ماهتمل من كلامي
-لا هصدع بس
كشرت ملامحها اتكلم بابتسامه ،
-خلاص متبوزيش بس ممكن نعمل حاجه تانيه
يحماس،
-اي ؟!!!
-اخدك فـ
وقف كلام ،
-لا بلاش هتخلينا نقول كلام عيب بوريكي وقتها
اتنفست بخجل
-كنتي عايزه تقولي اي الاول ؟
-ا احم اه اي رائيك تحفظ قرأن وانا الي اسمعلك
-طب ده حلو موافق طبعاً بس يعني الشغل
-ماهو الشيطان بيفضل بقي يقولك الشغل ومفيش وقت نام احسن انت تعبان وانت لازم تعانده كأنك في تحدي ومتديهوش فرصه واعمل الي يرضي ربنا وبس هو ده الاجتهاد بمجتهد في حاجه ممكن تكون صعبه بالنسبه للانسان علشان لسه في اول الطريق
-اقنعتيني
<<<<<<<<<<<<<<<<<<<<<<<<<<<<<
وانا علي الطريق وببص علي الي قاعده جمبي وفي سابع نومه اجي مطب مختش بالي منه العربيه اتهبدت جامد وراسها مالت عليا بلعت ريقي من قربها المفاجئ اخد نفسي بسرعه وانا مش عارف اعمل اي فوقت علي صوت تزمير العربيات الي ورايا
شكلها هتفوق عملت نفسي مش واخد بالي ومركز في الطريق
عقد حواجبي وانا بفتح عيوني حاسه حاجه غريبه رفعت راسي لقيت حد قريبه منه هو مين ده!!!!
اتعدلت في قعدتي بسرعه وانا مش مركزه سألت وانا بفرك في عيني ،
-اي ده انا فين؟!!
-مخطوفه
-نعم!!! انت مين ؟!
-هنهزر بقي عبد الامين
-انا بعمل معاك اي هنا !!
-كنا بنشرب قهوة ومروحين
ضحكت غصب عني دمه تقيل بس عسل بصلي وهو مبتسم ومش فاهم بضحك لي اصلاً اي ده!!!
بصيت ورايا ومكنش فيه همس ويزن كنت هعيط ،
-اي ده فين همس ويزن انا مخطوفه بجد !!!
-انتي هبـ.له حقيقي هتعيطي فعلاً!
لقها لسه مش مستوعبه قال ،
-هما بيتعشو في مطعم وانا هروحك
بطفوله ،
-اي ده بياكلو من غيري انا جعانه
معرفش ميضحكش علي كلامها
-انت بتضحك علي اي نزلتي هنا
-نعم انزلك فين ؟!
-نزلني هنا هروح لوحدي
-لا معلش خليكي معايا
-نعم ياعيون خالتك
-لاء انتي تعبانه رسمي
-انت ازاي اصلاً تكلمني كده
-انتي مين انتي علشان نسيت
-انت تعرف انك مستفز ودمـ.ك تقيل
-اي ده بجد وانتي شوفتي دمي فين بقي
-غلز غلز يعني
-معلش اشتمي كمان اصل محتاج حسنات
سكت بغيظ منه وانا بستغفر ربنا
-ممكن تسوق بسرعه عايزة اكل
-لا
-طب ممكن تخليني اسوق بجد نفسي اسوق
-هو انتي اول لما بتصحي بتبقي تعبانه في مخك
-لا ابداً ببقي كويسه
-اكشفي احسن
-لا مش عايزه بقولك نفسي اجرب اسوق
-بس يا شاطره
-متكونش تنـ.ح لمره واحده
-انا تنح!!!
-اه جداً
-وانتي بتعصبي الواحد وغتـ.ته
-فشر ده انا رقيقه موت
-مين الكذاب الي كذب عليكي
-خليك في حالك
ضحك وبعدين بص قدامه وهو بيقول،
-اوف حـمله !!!
-الله اول مره اقف في حمله
-هو احنا رايحين الملاهي دي حمله !!!
ببساطه،
-وماله اهو تغير جو
-لا ده انتي عبيـطه بقي !!
بطي العربيه واحنا بتقرب منهم واحد وقف عند شباك سُلميان
-بطاقتك
سُلميان فتح المحفظه وادهاله
-وريني الرخصه
سُليمان قاله مش معايا لانه مش عربيته وهو قاله اركن العربيه علي جمب وانزلي وشاور عليا وانتي كمان
بلعت ريقي بخوف اي ده هنتحبس اي الي بيحصل ده!!!
ركن العربيه علي جمب ونزلنا فعلاً سُليمان فتح موبايله ورن علي حد
قربت منه ،
-بتكلم مين؟!
بصلي .
-صاحب العربيه ده
-طب اي مش بيرد
-لاء مش بيرد
-يلهوي يلهوي هنتحبس كده !!!
اتنفس وهو بيبصلي ،
-هخليكي تروحي ممكن تهدي بقي
قفل الموبايل ،
-ولا يزن بيرد علي موبايله
الظابط قرب مننا وقال،
-بقالك نص ساعه فين الي هيجي
-مش بيرد خليها تروح واجي انا معاك
الظابط وافق ولكني قربت من سُليمان
-بقولك اي انا مش همشي هروح معاك
-لي خايفه عليا !!
-اكيدا لاء انا متحمسه اعرف اي الي هيحصل
باندهاش من كلامي قال،
-اكيد انتي عبيـ.طه ياعبيـطه برده
-الله يسامحك برده هاجي معاك
-لا هتروحي وبلاش كلام كتير
-يعني يرضيك اروح في الًقت ده لوحدي
"طبعاً كنت بتحجج علشان اروح معاه "
-ميرضتنيش تدخلي القسم ولا الامكان دي برده
-مانا دخلته قبل كده محصلش حاجه
-انتي اخدي منعا ولا اي !
-طلما معاك مش مهم
-اي!!
-اي!! اقصد طالما مع حد فعادي
بص علي فستاني وهز راسه ،
-لا لا استحاله تيجي بالفستان ده
-مش مناسب تقصد
-ملفت واحمر لاء مينفعش
-بليزر بقي
قاطعنا صوت الظابط،
-يلا حضرتك
روحنا وبعد زني اخدني وحط عليا شاكت البدله بتاعته ده كان شرطه وبقي لابس القميص بس وشكله بقي احلا اه ياربي علي الحلاوي وو انا بقول اي !!
كنا عمالين نحاول نتصل بيزن بس مش بيرد ولا صاحب العربيه كمان وهمس اتصلت عليها لقيت مراتٍ عمو الي ردت واظهار اخدته معها مرضناش نقولها علشان متقلقش
بص عليا بعدم رضا ،
-اقفلي الشاكت اكتر
ضميته عليا بنفاذ صبر كان وصلي قبل الركبه بشويه
بضيق وهو بيبص حواليه ،
-انا مش عارف سمعت كلامك ازاي وخليتك تيجي
بتطنيش كلامه ،
-بقولك هو احنا هنفضل قاعدين تعالي نستكشف باقي المكان
فضل باصصلي شويه وانا هزيت راسي بمعني في اي ؟؟!
-امسحي الروچ
-لا بقي كده كتير
-طب يلا قومي روحي
بصتله بقرف ،
-معيش منديل
ببرود وهو بيطلع منديل من جيبه ،
-امسكي
فركت عيني وانا عايزه انام ،
-هو مفيش سرير هنا
بسخريه
-لاء فيه بطنيه
-اه ياريت الجو برد
-عايزه تنامي ؟
-ممم هنروح امتي
-استني هحاول اتصل بيزن
بعد محاولات لقيته قام وقف وهو بيكلم يزن الي رد عليه واخيراً قفل معا وقعد جمبي
-موبايله كان صامت
-هيجي يعني
-اة هيوصل همس ويجي
"قولت بهدوء وانا بحاول امسك نفسي ومنامش "
-طيب
كان واقف مستني يزن يجي بص عليها لاقها بتنام علي نفسها وراسها بتميل
قرب منها ،
-أبرار فوقي
بصتله بنوم ،
-سُليمان عايزة انام اوي
"بصلها وهو متنح من طريقتها وشكلها وهي عايزه تنام "
-طيب قومي معايا
-هنروح فين
-تعالي ادخلي الحمام اغسلي وشك
بطفوله وانا بفتح عيني بالعافيه ،
-لا خلاص فوقت اهو
"ضحك علي منظرها "
-طب خليكي فايقه اقولك اتكلمي معايا
-واتكلم معاك لي سبني في حالي
-يابنتي انتي تعبـانه اعترفي وبعدين مش انتي الي عايزه تيجي وتتفجرجي اتفرجي ياختي مبسوطه !!
اتكلمت وهي عايزه تعيط ،
-هو انت بتكلمني كده لي
اخد باله انها عايزه تنام ومش مجمعه اتكلم وهو بياخدها علي قد عقلها "
-معلش ياست هانم مش قصدي ازعقلك
-طيب خلاص مسامحاك
"اتنفس وهو حاسس انه قاعد مع بنت اخته وبيهاودها لقاها هتنام علي نفسها من تاني اتتكلم بسرعه ".
-فوقي الله يسترك
-خلاص بقي انت بتخضني والله
"اتعدلت في قعدتها علشان تفوق ".
بعد 15m
يزن اجي والظابط شاف الرخصه الي يزن عطهاله واخيراً هيمشو يزن قرب من أبرار وهو بيمسكها من دراعها
-يلا ياحبيبتي قومي
اتكلمت بنوم ،
-سيبني انام
يزن وجه كلامه لسُليمان الي واقف مستني
-انت جبتها معاك لي
-كانت عايزه تيجي وبعدين كنت اشيبها تروح لوحدها بليل كده وبالفستان ده
يزن ضحك بعد اخد باله من الجاكت ،
-ياخرييتك انت د ملبسها الجاكت بتاعك ده جايلها فستان
ضحك سُليمان هو كمان ،
-اعمل اي بقي لونه احمر
-هو انت عندك عقده من اللون ولا اي!!!
-اخلص ايزن شيلها هروح افتح العربيه
-اشيل اي ياعم هي مش ميته يعني قومي يابنتي
-يابني البت مش بتصحي اشيلها انا ؟!!!
