رواية حطام امرأة الفصل السادس عشر 16 بقلم دعاء سالم

حطام امرأة

البارت السادس عشر

رضوان: ادخلى يابنيتى حور بصت ليه بخوف ومسكت فى يوسف اكتر واستخبت وراه يوسف قربها منه واخدها فى حضنه

يوسف: اهدى احنا كلنا جمبك بداء يتقدم وهى معاه ورضوان وراهم

صخر: تعالى يا حور تعالى وامرى بالى انتى عايزه عشان نعمله فى ********* ده وقعد يضرب فيه

رضوان: بس يا صخر بس يا ولادى هيموت فى يدك سيبه صخر سابه ووقف جمبيه

يوسف هو كمان كان هاين عليه يقتله هو دلوقتى واقف قدام الشخص الى عمل فى حبيبته ومعشوقته ومراته ده
ده هو الى وصلها للحاله ديه هو الى منع حبها ليه هو السبب فى انها مش راضيه تديه فرصه يقرب منها فيها

هو السبب فى حاله حور هو السبب فى حاجات كتيره اووووى حصلت لحور هو مكنش يتمناها ابداااااااااا

صخر فقه ومسكه ورماه تحت رجل حور لا حوله ولا قوه له

صخر: الى هتامرى بيه هنعمله ياخيتى ولو عايزنا نقتله هنقتله ومحدش هيقدر يوصل لجدته الى انت عايزه يا حور هيحصل

حور بصت لجاسم عمرها ما هتنسى نظراته ليها فى اليوم المشئوم ده ولا انه عمل فيها كل ده ولا انه هو السبب

الرئيسى فى الى وصلتله ده خلها توصل انها تبقا حطام امراه او بقايا امراه بتحاول تعيش فى وسط العالم الموحش ده

بعدت عن يوسف وبصت لجاسم الى مرمى تحت رجلها لا حوله له ولا قوه له مش قادر يرفع عنيه فيها ومش قادر يتحرك ولا يحرك حتى ايديه حصله نفس الى حصلها بالظبط بس هى كانت بمفعول دواء اما هو فبمفعول الضرب الى اخده من صخر جاسم الالفى تحت رجليها مذلول منهان مين كان يتخيل ان ده ممكن يحصل فشت غلها ولو شويه لما شافته بالحاله ديه بصت ليه بكره وحقد وجمود

حور: سبوه يمشى

جاسم رفع دماغه وبص ليها بصدمه وزهول بعد كل الى عمله فيها ده مش عايزه تنتقم منه

صخر قرب منها: كيف يعنى نسيبه يمشى انتى اتجننتى يا حور ولا ايه

حور بصت لجاسم: لا متجننتش ومتقلقش يا صخر انا مش هسيب حقى بس مش بالطريقه ديه انا حقى هجيبه بالقانون بالقانون يا جاسم بالقانون الى مش هتقدر تشتريه مهما عملت

صخر: بس ياخيتى

حور بصت ليه: من غير بس يا صخر ديه رغبتى وانت قولتلى هعمل الى انتى عايزه وانا عايزه اخد حقى بالطريقه
ديه انا كفايه ليا انى اشوفه مذلول قدامى كده وحقى انا هجيبه بالقانون بالقانون يا صخر مش بالطريقه ديه ابداااااا

صخر بعصبيه: بس

رضوان: خلاص يا ولادى سيبه ديه رغبتها

صخر بص لحور وجده بحيره وعصبيه وقرب من جاسم الى مرمى فى الارض تحت رجل حور

صخر: ادعى ربنا انك هتطلع من اهنى على رجيلك لو الامر كان بيدى ولا بقا ليا كنت خلصت عليك

دلوقتى حالا بس تقول ايه نصيب صخر بعد عنه ووقف قصاده جاسم اتحامل على نفسه وقام وقف قصاده

صخر: بس هنتقابل تانى فى المحكمه متقلقش انت بس

جاسم مسح الدم الى على بوقه وبص ليه وضحك: بس ايدك جامده اووووى

صخر: تصدق انك ******** ولا يسواء وضربه من تانى

رضوان: صخر بس سيبه بعد عنه

صخر وبص لجده بحده: انا ماشى وسايبلكم المكان كله اصل انى مش هقدر استحمل خلقته ديه وطلع من المكان كله وهو مش شايف قدامه

جاسم بص لحور الى يوسف كان اخدها فى حضنه وبص ليوسف هو كمان وابتسم بهدوء وطلع هو كمان من المكان

رضوان: اهم حاجه تكونى مبسوطه ولسه يابنيتى الفرحه الكبيره يوم ما يترمى فى السجن

حور بصت لجدها وابتسمت بتعب اليوم ده كان صعب عليها اووووووى

رضوان: مالك يا حور شكلك تعبانه

حور: لا مرهقه شويه بس يا جدو

رضوان: طب يا يوسف خد مراتك وروحوا يا ولادى

يوسف: وانت يا حج مش هتيجى معانا

رضوان: لا يا ولادى انا هرجع البلد انا وصخر فى شويه امور اكديه محتاج اعملها معلش يابنيتى بقا بس اول ما هيبقا فى فرصه هجيلك على طول

حور: لا عادى يا جدى روح شوف مشاغلك ومتقلقش عليا يوسف هيكون معايا

رضوان بابتسامه: وانا واثق من ديه مع السلامه يا حبيبتى استاذن انا بقا طلع رضوان وسابهم لوحدهم

يوسف بص لحور وابتسم ليها وحور ابتسمت ليه بهدوء يوسف طلع قدامها وفتح الباب بس هى لحقته ومسكت ايديه بسرعه

يوسف بص ليها باستغراب بس هى ردت عليه بابتسامه اثرته مالت على كتفه وحضنت ايده وابتسمت

يوسف على قد ما كان مستغرب من موقفها ده على قد ما كان مبسوط اووووى ان علاقتهم بدات تاخد الشكل ده

وحور بدات تطمن ليه وتحس معاه بالامان والامان بيجيب حب والحب بيجيب سعاد كل حاجه جايه جايه بس الصبر الصبر هو مفتاح الحل

ركبوا العربيه وانطلقوا لبيتهم حور مالت على الكرسى وغمضت عنيها لعلها تهرب من واقعها ده فى احلامها السعيده احلامها هى وبس

################################################################

ريتاج قاعده فى كافيه مستنيه شخص معين ثوانى وجيه الشخص ده وقعد قصادها وكان امجد

امجد: سورى انى اتاخرت بس بجد غصب عنى

ريتاج: عادى ولا يهمك

امجد: خير بقا يا انسه ريتاج

ريتاج: طب تشرب ايه الاول انا الى عزماك

امجد بضحك: ماشى ياستى واحد قهوه

ريتاج ابتسمت ونادت على الجرسون وادته الطلبات ورجعت تبص لامجد

ريتاج: ده اول مره نتقابل فيها

امجد: فعلا بس اعرف انك صاحبه عشق

ريتاج: وهو ده الموضوع عشق

امجد: مالها عشق

ريتاج بصت ليه: عارفه انى كلامى هيضايقك وقطع كلامهم الجرسون ابتسمت ريتاج ليه والجرسون حط الحاجات

ريتاج: مرسى مشى الجرسون وسابهم

امجد: كملى يا انسه ريتاج ايه الى هيضايقنى

ريتاج: وكلامى ممكن يجرحك كمان بس انا مقدرش اقف واتفرج على صحبتى وهى بدمر حياتها وحياه انسان تانى

امجد: مش فاهم يا انسه ريتاج ممكن توضحيلى اكتر من كده

ريتاج سكتت شويه مش عارفه تبداء من فين وبعدها اتكلمت: عشق بتحب شخص تانى

امجد: عارف وهى قالتلى انها ناسته وانها هتدى علاقتنا فرصه

ريتاج: عشق عمرها ما هتنسى ياسين ده حب طفولتها ومراهقتها وشبابها وهيبقا عمرها كله صدقنى عشق بالى بتعمله ده بتظلم نفسها وبتظلمك انت كمان معاها

امجد: انتى عايزه توصلى ليه يا انسه ريتاج

ريتاج: عايزه افهمك ان مهما الخطوبه ديه طولت او قصرت نهايتها معروفه وهى الانفصال فليه تكملوا فيها وانتوا هتطلعوا منها مدمرين نفسينا وجسديا خاصه انت يا امجد بص يا امجد انا مش عايزه اجرحك بس عشق مش ليك وعمرها ما هتكون ليك عشق لياسين ولو عدى 100 سنه
قدام فارجوك قدر كلامى ده وافصخ الخطوبه ديه فى اسرع وقت لانها مش هتقدر تعمل كده لان بابها موافق عليك ومصمم كمان

امجد ملامحه اتحولت للحزن والزعل والانكسار وخيبه الامل كل ده حس بيه امجد فى الحظه ديه يعنى من بعد ما عشق ادته امل جات ريتاج واخدته منه

ريتاج: امجد عارفه انى كلامى ده جرحك بس ده هو الى كان لازم يحصل امجد انا بجد اسفه انى بقولك الكلام ده بس باذن الله ربنا يجمعك بالى قلبك يحبها ويعشقها كمان

امجد بص ليها: شكرااا ليكى اوووى يا انسه ريتاج انك قولتيلى الكلام ده ومتقلقيش الخطوبه انا الى هفسخها بس ممكن اطلب منك طلب

ريتاج: طبعاااا

امجد: ممكن رقم ياسين

ريتاج باستغراب من طلبه: ليه يعنى

امجد: حابب اقابله

ريتاج اتردد انها تديه الرقم بس قالت هو هيعمل ايه يعنى وكمان كفايه الى قولتهوله هترفضى طلبه ده كمان ادته رقم ياسين وهو شكرها واستاذن منها ومشى وهى كمان مشيت لشغلها

#########################################################################

الليل جيه على ابطالنا حور وصلت بيتها مع يوسف ودخلوا الشقه

حور: احضرلك العشاء

يوسف باصص ليها باستغراب من تصرفاتها ومن طريقه كلامها واسلوبها الى اتغيروا معاه فاجه

حور: بتبصلى كده ليه

يوسف: مستغرب

حور: من ايه

يوسف: من تصرفاتك وطرقتك الجديده معايا ديه

حور: واتغريت للاحسن ولا للاوحش

يوسف: لا الصراحه للاحسن

حور: طب كويس بقا ودخلت المطبخ

يوسف ابتسم بحيره: شكلها بدات تحبنى ولا ايه الصراحه انا اتحب اماال واتجه لاوضه غير هدومه وطلع لقاء العشاء جاهز وحور قاعده ومستنياه ابتسم ليها واتقدم وقعد قصادها وبداءوا ياكلوا

يوسف بص ليها: حور

حور بص ليه: افندم

يوسف: مكنش فى وقت اسالك هو ايه الى حصلك وانتى كنتى فين

حور سابت الاكل وبصت ليه وحاولت تبقا جامده ودموعها متنزلش

حور: معرفش انا فوقت لقيت نفسى فى الشارع قومت واخدت تاكسى وجيت على البيت على طول

يوسف: والدم الى كان فيكى وليه دخلتى تحت الدش وازاى اغمى عليكى وليه مرنتيش عليا اول ما وصلتى انا كنت هتجنن عليكى

حور بارتباك بسيط: معرفش انا لما فوقت لقيت على هدومى شويه دم بس مش منى انا كنت سليمه واول ما وصلت مجاش فى بالى انى ارن عليكى لانى كت تعبانه اوووى ودخلت تحت الدوش بسرعه ومعرفش ازاى اغمى عليا وانا جوه بجد

يوسف بعدم اقتناع: نسيتى ترنى عليا وهى ديه حاجه تتنسى حور انتى كنتى مخطوفه

حور حاولت تغير الموضوع: معرفش بقا يا يوسف اهو الى حصل المهم ايه رائيك فى الاكل

يوسف فهم ان فى حاجه وهى مش عايزه تقولها ففضل السكوت عشان متتعبش اكتر

يوسف: يجنن تسلم ايديكى

حور: ده كلها حاجات جاهزه وبسيطه زى لانشون وجبنه وعسل وزتون ومربه وطماطم وكده يعنى فتسلم ايديا فى ايه

يوسف: ما انتى سوالك ذكى برضه يا حور وبعدين حبيت اجاملك بس انتى مينفعش معاكى المعروف ابداااااااا

حور: لا خلاص مرسى ده اقل حاجه عندى

يوسف: لا والله

حور: والله امممم يوسف

يوسف: نعم

حور: هى خديجه عارفه بموضعنا

يوسف: للاسف لا متعرفش

حور: امممم طب هى هتيجى امتى

يوسف: لا خلاص قربت يومين تلاته كده

حور: تمام ورجعت تكمل اكل

##################################################################

عمر قاعد على الشط بيفكر فى خديجه هى فعلا اثرته اثرته بكل تفاصلها بنظراتها وضحكتها وكلامها وحراكتها وكل حاجه فيها اثرته وسيطرت على كيانه

عمر: وهتفضل كده لحد امتى يا عمر لا طايل سماء ولا طايل ارض مش قادر تاخد خطوه انت عمرك ما كنت كده عمر انتى حبتها اعترف لنفسك بده انت عشقتها مش حبيتها لازم تصارحها بحبك ده لازم تاخد خطوه مينفعش كده ديه ممكن تضيع منك وتخسرها للابد

لقاء شاب جيه وقعد جمبه من غير اى استاذن بص ليه باستغراب: افندم خير

الشاب بص ليه ومد ايديه: امير امير احمد الشاذلى

عمر: اهلا بس برضه لسه مش عارف انت عايز ايه

امير: تقدر تقول عليا فاعل خير

عمر: اه جو المسلسلات القديمه بقا وانت شاكلك طالعلى من فلم ابيض واسود طب وعايز ايه يا فاعل الخير

امير: عايزك تشوف الفديو ده وتدعيلى

عمر: هات ياسيدى لما نشوف اخد منه الفون وشغل الفديو واتصدم اول ما شاف صوفيا وهى بترمى خديجه فى البحر وصلت بيها انها تعمل كده وخديجه ليه خبت عليا ده ليه مقالتليش كلها ديه اساله كانت فى عقل عمر الفديو خلص وعمر قفل الفون بعصبيه

امير: والله انا بس حابب اوعيك على الى بيحصل من وراك مش اكتر من كده

عمر اتعصب اووووى من صوفيا لدرجه انه لو شافها قدامه دلوقتى كاه هيقتلها ديه كانت هتقتل هتقتل لمجرد حب امتلاك حبها المتلملك لعمر

##################################################################

الاء قاعده فى اوضتها مش عارفه تنام الساعه عدت 11 الليل مش عارفه هى ليه خايفه عليه كده ده اكتر واحد اذاها وزلها ودمرها ليه احساس القلق والخوف ده جواها ليه حاسه بده كرهت نفسها اوووى بسبب الشعور الى جواها ده يعنى بدل ما تفكر ازاى تنتقم منه قاعده سهرانه وخايفه عليه

باب الاوضه اتفتح وتلقائيا عنيها جريت على الباب نفسها تشوفه ومستنياه يدخل لحد ما دخل بهيئته الى خلتها تنسى كل الكلام الى كانت بتسمعه لنفسها ولقلبها ده وجريت عليه بسرعه ووقفت قصاده هو اول ما شافها ابتسم ليها ووقع عليها وبين ايديها

الاء بخوف: جاسم جاسم فوق مالك ايه الى حصلك جاسم فوق سندته بصعوبه لحد السرير ونموته وجريت على الحمام جابت علبه الاسعافات الاوليه

وطلعت ليه بسرعه وقعدت جمبه على السرير وبدات تنظف كل الجروح الى كانت فى وشه الى كان متبهدل اصلا

الاء: ايه الى حصلك ده

جاسم بضحك: من دعاءك عليا اهو جابنى الارض

الاء داست على جرحه بعصبيه خلته يتالم

جاسم: اااااه حرام عليكى يا شيخه ده انا حتى مريض

الاء: لا ما هو واضح نظفت الجروح الى فى وشه وبصت لصدره لقت فى جروح كتيره اوووى

الاء بصت ليه بجمود: اقلع

جاسم بابتسامه اعجاب: يااااه اقلع مره واحده لا ده انتى اتطورتى اوووى وشكلى عجبتك وغمزلها

الاء: كلمه تانى انا الى هكمل عليك واقتلك واخلص العالم منك اتفضل اقلع القميص عشان الجروح ديه

جاسم: خلاص خلاص اهدى اهو عدل نفسه وبيحاول يفق الزراير

جاسم: مش قادر

الاء: بطل استهبال يا جاسم واقلع القميص

جاسم بالالم ونظره عجز: بجد مش قادر بصت ليه الاء وشافت فى عنيه نظره العجز والالم

قربت منه فى هدوء وبدات تفق زراير القميص جاسم غمض عنيه وشم ريحتها لما قربت منه وكانها اثرته وودته عالم تانى الاء قلعته القميص وبعدت عنه ونومته وبدات تطهر الجروح ليه

الاء: من ايه ده كله

جاسم: لا عادى تصفيه حساب كده مع واحد اذيته قبل كده

الاء: وهتوقع ايه منك يعنى بس للدرجه ديه اذيته

جاسم: لا بس هو عشان صعيد فايده جامده اووووووى

الاء: والله تسلم ايديه

جاسم: يااااااه طب بتعالجينى ليه دلوقتى بقا يا ست هانم

الاء: تعرف حاجه اسمها انسانيه انا بعمل كده من باب الانسانيه بس انا بقول لمين انت اكيد متعرفهاش

جاسم: فى اى كلام تانى عايز تقوليه ليا

الاء: الكلام مش هيسكت ولا انا هسكت

جاسم: كل ده ومتكلمتيش

الاء بصت ليه: الجرح الى جوايا ولا الف كلمه هتقدر توصفه

جاسم حس باحساس كان اول مره يحسه او يعيشه احساسه بالندم الاحساس ده كان منعدم من عنده جاسم عمره ما ندم على اى حاجه عملها قبل كده ديما كان بيعمل كل حاجه نفسه فيها ولا عمره كان بيحس باى شفقه او ندم ليه المره ديه حس بيها ليه حاسس بالندم دلوقتى ما هو عمل كده قبل الاء وفى اكتر واحده اخوه كان بيحبها الى كان بيعتبرها اكتر من اخته ومحسش بده ليه لما بيبص عليها بيلعن نفسه ان وصلها لكده ان دمرها من كل الجوانب ودمر مشاعرها وقلبه بس هو متاكد انها هتيجى فى يوم من الأيام وهتسامحه

احساس اول مره يحسه واول مره يعيشه الاء سكتت ورجعت تكمل تنظيف جروحه من غير كلام

#####################################################

صخر وصل الصعيد هو وجده وكان تعباااان اوووى الساعه كانت ٤ الفجر البيت كله نايم طلع على اوضه وفتح الباب بهدوء عشان ميسحيش اسراء دخل

بهدوء وبص على السرير بس لقاه فاضى قفل الباب بهدوء وبص فى الاوضه لحد ما وقعت عنيه عليها وهى واقفه بين ايدين ربنا وساجده

ليه وقف مكانه ومتحركش وسابها تكمل صلاتها بس سجدودها طول قرب منها ووقف قصادها وسمع دعواتها وهى بتدعى ربنا بترجى

اسراء: يارب يارب انت الى عالم بيا وبالى جوايا انت الى عالم وعارف بكل حاجه حوصلت ليا انى مش بعترض على قضائك وحكمتك لا سمح الله بس انا عبدالله وحشنى قوووى قوووى الحياه من غيره صعبه قوووى يارب البيت اهنى صعب ومرت عمى مش عايزانى ولا حبانى وبتمسكلى على كل كلمه وكلمه وانى مش قداها يارب انا بدعى ان ربنا يرحمك ياخوى ويغفرلك كل ذنبوك ياااارب بس انى
اتوحشتك قووووى انا اهنى عايشه فى خوف ورعب لما بسمع اسمه بترعب ولما بسمع صوته ودقات رجليه لما بيقرب من اهنى قلبى بيوقع فى رجلى يمكن يكون عصبى وقاسى فى كلامه وتصرفاته وغضبه وحش قووووى بس انا راضيه راضيه بكل ديه يااااااااااارب يااااااااااااارب انصفنى واقف جمبى وخليك معايا ومتسيبنيش واصل انا مليش غيرك ياااااااااارب يااااااارب خليك معايا ياااااااااارب

خلصت اسراء دعائها ورفعت دماغها وشافت صخر واقف قدامها اترعبت اول ما شافته ومسحت

دموعها بسرعه وقامت لمت المصليه وشالت الطرحه وسندتها على الكرسى ورجعت تبص ليه

اسراء: احضرلك الوكل

صخر: انا من الصبح مقالتش

اسراء: هبابه والاوكل يكون جاهز واتجهت للباب عشان تنزل

صخر: استنى اهنى اسراء وقفت مكانها

صخر: انتى هتنزلى اكديه

اسراء بصت لنفسها: ومالى اكديه يا واد عمى ما انا لبسه اسدال الصلاه اهو

صخر اتقدم منها بعصبيه ومال جاب الطرحه من على الكرسى ووصل لحد عندها وحطها على شعرها

صخر: ديه تانى مره

اسراء: مختش بالى

صخر: المره التالته هيكون فيها حساب اسراء سكتت وبصت فى الارض

صخر: اتفضلى انزلى فتح الباب ليها وهى نزلت بسرعه من قدامه

####################################################

امجد فى كافيه مستنى ياسين دقايق وجيه ياسين ودخل الكافيه امجد شاورله وياسين جيه ليه وقعد معاه

ياسين: خير يا استاذ امجد فى ايه

امجد: اول شئ انت متعرفنيش

ياسين: ده فعلا

امجد: انا امجد ابقا خطيب عشق

ياسين ملامحه اتحولت للحزن اول ما افتكر عشق بس حاول يبان عادى

امجد: ياسين انا عارف ان عشق بتحبك

ياسين اتفاجأ انه عارف وحاول يبرر موقفه: ده من فتره بس صدقنى

امجد: متبررش متبررش يا ياسين انا سبت عشق خلاص

ياسين ابتسم تلقائيا اول ما سمع الخبر وهنا امجد اتاكد انه هو كمان بيحب عشق ويمكن اكتر منه كمان وعرف انه هو جيه غلط فى الحكايه ديه وانها مش حكايته

امجد: طول ما بتحبها كده سابتها ليه ليه خلتنى اخدها منك ليه

ياسين بص ليه: خايف خايف اظلمها معايا يا امجد

امجد: بعدك عنها هو العذاب بعينه يا ياسين عشق بتحبك يا ياسين ولو سابتها سورى فى الكلمه يعنى تبقا اكبر حمار الى يسيب حد بيحبه بالشكل ده يبقا غبى يا ياسين

ياسين: بس خلاص انا بالى عملته اخر مره مستحيل ترجعلى من تانى

امجد: عشق لما اسمك بيجى فى الكلام عيونها بتلمع من الفرحه والحب فاكيد لو اعتذرتلها هتسامحك الحب اقوى من كل حاجه ومن اى حاجه

امسك بايديها واوعى تسيبها اوعى مهما حصل تسابها ومين عارف مش يمكن انا ظهرت فى حياتكم عشان تعرفوا قيمه بعد وان الحب لو دخل فيه طرف تالت بيدمره لو بتحبها بجد يا ياسين يبقا هتاخدها وهتحارب عليها مهما حصل ومهما جرى هتوصل ليها حتى ولو الدنيا كلها وقفت

قصادكم امسك ايديها واقفوا قدام الاعصار مع بعض ايديكم فى ايدين بعد حبكم اقوى من اى حاجه حبكم مش بالسهل يدمر واستحمل مهما كانت النتائج والظروف صدقنى ساعتها هتحس بقيمه الكلام ده كويس اووووى ياسين بص لامجد كل كلمه بيقولها صح هو معاه حق فى كل حاجه بيقولها هو الى غلط من الاول هو بيحب عشق يبقا خلاص ميبعدهاش عنه مهما حصل وهتبقا ليه يعنى هتبقا ليه ليه هو

السابع عشر من هنا

مدونة مكتبة حـــواء

رواية حطام امرأة الفصل السادس عشر 16 بقلم دعاء سالم