رواية نبض المراد الفصل الرابع عشر 14 بقلم لينة

يوم السفر (١٤)

* في جهاز المخابرات *

العسكري : سيادة اللوا عايز سعتك في مكتبه
نبض: طيب روح انت

* خرج العسكري مؤديا التحية العسكرية ، لبست نبض كابها و اتجهت لمكتب اللواء و دقت الباب و دلفت عندما سمعته يأذن لها *

نبض: تحت امرك يا فندم
مهاب: اقعدي يا نبض * جلست علي الكرسي المقابل للمكتب * المفروض انك تسافري انهاردة بليل عشان المأمورية
نبض: بسرعة كدا
مهاب: ايوا المفروض السفر يكون قبل كدة بس احنا مكناش نعرف لسة مكان المافيا دول
نبض: تمام ، اية الخطة بقا انا كل دا معرفتهاش بالظبط
المهاب: الخطة انكوا بعد ما تنزلوا من المطار هتروحوا علي بيت الراجل اللي خطف فارس اسم الراجل دا داغر المنشاوي مصري لكن عايش في تركيا بقاله فترة و قدر انه يعمل عصابة كبيرة و بيهدد بعض رجال الاعمال في دول كتير عشان يمشوله شغله جوا البلد في اللي بيوافقه خوفا منه و في اللي بيوافق مصلحة و في اللي بيرفض و ساعتها بيتأذي
نبض: طب و احنا هنروح بيته بصفتنا اية
مهاب: هتروحوا اكنكوا تايهين و معرفتوش توصلوا للفندق و تستأذنوه انكوا تباتوا عنده الليلة دي ، و في قوات تركية هتكون مستنياكو برة هتحاول علي قد ما تقدر تخلص علي الرجالة اللي محاوطة البيت و انتو تحاولوا تعرفوا مكان فارس فين جوه و تاخدوه و تمشوا و القوات هتقبض علي داغر
نبض: تمام فهمت ، استأذن انا عشان الحق اجهز
* اتجهت نحو الباب و فتحته و لكنها سمعت مهاب يخبرها *
مهاب: علفكرة الظابط اللي هيسافر معاكي اتغير
نبض(عقدت حاجبيها بتساؤل): مين الظابط الجديد
مهاب: هتعرفي بليل
نبض: تمام عن اذنك

********************

* خرجت نبض من المبني و ركبت سيارتها ذاهبة للبيت لتحضر حقيبتها ، دلفت القصر و بحثت عن والدتها وجدتها بالمطبخ تحضر طعام الغداء *
نبض: هموووس
همس: نبض ؟ جيتي بدري يعني
نبض: جيت اجهز شنطتي
همس(بقلق): لية
نبض: هو هوبا مقلكيش و لا اية
همس: لاء ما انتي عرفاه مبيحبش يقولي حاجة في الشغل
نبض: طيب انا مسافرة انهاردة بليل عندي مأمورية
همس: لوحدك ؟
نبض: لاء معايا ظابط تاني
همس: ظابط مين
نبض: معرفهوش لحد دلوقتي بابا مقليش اسمه قالي بليل هتعرفي ، المهم انا جيت اقولك بس اني مسافرة هطلع احضر شنطتي
همس: نبض انتي ضروري اووي تروحي المأمورية دي
نبض: ايواا اسطوانة كل مرة دي
همس(بقلق): لا يا نبض المرادي قلبي مقبوض جامد و خايفة
نبض(و هي تقبل جبين والدتها): حبيبتي متقلقيش عليا ان شاء هرجعلك زي القردة و اناكف فيكي
همس: ربنا يحفظك ليا يارب
نبض: ايوا كدة ادعيلي ، انتي تعرفي اني عايشة لحد دلوقتي بدعاكي
همس : و انا مش هبطل ادعيلك
نبض: هطلع انا بقي اجهز
همس: ماشي و انا هجهز الاكل بسرعة و هعملك الاكل اللي بتحبيه
نبض: ايوا بقااا لحسن انا هيوحشني اكلك اوووي

* صعدت نبض لغرفتها و بعد دقائق دلف مراد القصر و بحث ايضا عن همس و ذهب لها *

مراد(و يقبلها من رأسها): همستي عاملة اية
همس: الحمدلله يا حبيبي ، بس اية اللي جابك بدري انت كمان
مراد: جيت احضر شنطتي عشان مسافر
همس: انت كمان مسافر دي نبض كمان جت تحضر شنطتها عشان تسافر
مراد: ايوا منا الظابط اللي مسافر معاها بس هي متعرفش
همس: بجد
مراد: ايوا
همس(براحة) : طمنت قلبي دا انا كنت قلقانة عليها لم قالتلي انها هتسافر مع ظابط متعرفهوش
مراد: ما هي متعرفش ان انا اللي مسافر معاها
همس: طب لية ؟
مراد(بغمزة): مفاجأة ، يلا اسيبك انا بقا و هطلع اغير هدومي

* بعد فترة اجتمع الجميع علي مائدة الطعام ليتناولوا طعامهم و بعد ان انتهو *

نبض: انا هروح اسلم علي ماسة و نور عشان هيزعلوا لو مشيت منغير ما اسلم عليهم و هاخد الكسندر معايا و هسيبه عند نور
همس: لية يا نبض ما تسبيه هنا
نبض: ما كدة كدة انا مسافرة هخلية يقعد مع قمر كام يوم
همس: طيب

********************

* خرجت نبض و ركبت الكسندر و لكن بدون سرج فهي فقط تلبسه السرج عندما تكون غاضبة ، خرجت به من القصر و ذهبت اولا الي ماسة *

ماسة(بغضب): اية مسافرة كمان شوية ؟ ازاي و لية مقولتليش من بدري جاية تقوليلي قبل ما تسافري بسعات
نبض : ماسة اهدي انا زي زيك بالظبط عرفت ان السفر بليل انهاردة الصبح ، روحت جهزت الشنطة بسرعة و اكلت و جيتلك اهو يعني منستكيش
ماسة: لاء كنتي انسيني كمان عشان كنت عملتك بطاطس محمرة * و جذبتها من ذراعها بقوة و احتضنتها و بكت * هتوحشيني يا كلب البحر و هتوحشني منقارتك فيا و كلامنا مع بعض
نبض: ماسة حبيبتي دول هما كام يوم بس و هرجع اناقر فيكي عادي
ماسة(وهي تبعد نبض عنها): تصدقي ابت انك مبتحسيش يعني انا اقولك هتوحشيني تقوليلي دول هما كام يوم ؟ انتي عارفة الكام يوم دول هعيشهم منغيرك ازاي ؟ هكلم مين احكيله يومي و اتعارك مع مين و اخد رأي مين ها قوليلي ؟
نبض: ابقي اعملي كل دا مع حبيب القلب يختي

* ضربتها ماسة بخفة علي كتفها * : امشي ابت من هنا انتي اية اللي جابك
نبض: يوه جيت اسلم عليكي
ماسة : و اللي بيجي يسلم علي حد بيرمي دبش كدة
نبض: ايش حال مكنش متعودة علي كدة * اردفت بنبرة حنونة * هتوحشيني ابت و الله
ماسة: و الله بعد اية
نبض: يبنتي ما لازم اناقر فيكي الاول * و احتضنتها * ماسة خلي بالك من آسر لو جرالي حاجة

* دفعتها ماسة بغضب و رفعت سبابتها في وجهها * : نبض متقوليش كدة تاني انتي فاهمة انتي هترجعي بإذن الله زي ما كل مرة بترحعيلي
نبض: مش عارفة يا ماسة حاسة ان المرادي غير
ماسة: نبض اللي اعرفها بتضحك في وش المخاطر و مبتخفش و بتنجح في اي مأمورية تروحها
نبض(تغير مجرى الحديث ): انا احتمال كبير معرفش اكلمك بس كل فترة كدة هبعتلك مسدج ماشي
ماسة: تمام بس حاولي تبعتيلي كزا مرة في اليوم عشان اطمن
نبض: حاضر هحاول ، متنسيش تدعيلي
ماسة: انا عمري ما نسيت ادعيلك
نبض: يلا اشوف وشك علي خير
ماسة: في رعاية الله يا نبضي

* خرجت نبض و اتجهت الي بيت نور و ادخلت الكسندر الاسطبل و ودعته ثم دخلت البيت لتسلم علي نور *

نور: مسافرة ؟ فجأة كدة منغير ما تقولي
نبض: لاء بقولك اية مش اخلص من ماسة تجيلي انتي ، انا جيت اسلم و اجبلك الكسندر و امشي علطول
نور (بدموع): هتسبيني لوحدي يا نبض
نبض: يادي النيلة السودا يبنتي دول هم كلهم كام يوم بس

* كادت نور تتكلم و لكن اوقفتها نبض بيدها *

نبض: ايوا هتقوليلي بقا انتي متعرفيش الكام يوم دول هيعدوا عليا ازاي هكلم مين و مش عارف اية كلام كتير كدة ، هقولك كلمي حبيب القلب لحد ما اجي ، بقولك اية هاتي حضن يلا عشان انا مستعجلة

* ضمتها بقوة * : خلي بالك من نفسك لحد ما ارجع ماشي و ادعيلي كتير
نور: حاضر و الله هدعيلك كل دقيقة ، بس انتي متتأخريش
نبض: حاضر هحاول علي قد ما اقدر اخلص بسرعة و اجي * و ابتعدت عنها * يلا انا همشي بقا خلي بالك من الكسندر انا مش هطمن علية مع حد غيرك عشان كدة جبتهولك
نور: متقلقيش في عيني
نبض: اشطا يلا لا إله الا الله
نور: مُحمد رسول الله

* رجعت نبض الي بيتها سيرا و دخلت القصر و صعدت لغرفتها و احضرت حقيبتها و نزلت للاسفل و رأها الجميع *

همس(ببكاء): خلاص هتمشي
نبض: يا حول الله ياربي يا امي ابوس ايدك كفاية عياط متعمليش زي الاتنين الهبل اللي كنت عندهم دول ، دا هم كام يوم و هتلاقيني نطالك هنا تاني
همس: هتاخدي بالك من نفسك ؟
نبض: ايوا يا ماما ان شاء الله * اقتربت منها و ضمتها ثم ضمت مهاب الذي قبلها من جبينها و نظر لها نظرة ثقة ثم ضمت آسر الذي قال : اينعم البيت هيبقى هادي و انت مش هنا بس مش هيبقى ليه طعم منغيرك تروحي و ترجعي بالسلامة * ثم قبل جبينها و اتجهت بعدها ل تميم الذي قفز عليها و قامت بحمله و وجدته يبكي بشدة و متمسك في ثيابها بقوة *
نبض: تميم حبيبي اهدا
تميم(ببكاء): متسبنيش و تمشي
نبض: حبيبي دول هم كام يوم و هاجي ، بعدين مش انت عارف ان اختك مينفعش تقول مش هتروح الشغل صح ؟
تميم: ايوا بس انا مش عايزك تمشي خليكي معايا
نبض: حبيبي مش هينفع بص انا مش هتأخر هرجع بسرعة ماشي
تميم: هترجعي بسرعة وعد
نبض: وعد * ثم قبلته و انزلته علي الارض * جماعة و الله تصدقوا انا غلطانة اني قولت اني مسافرة كنت مشيت منغير ما اقول لحد احسن من الفيلم العربي دا ، يلا يا ابني عشان توصلني المطار

* و جاءت لتحمل حقيبتها و لكن اوقفها آسر و حملها هو و اتجه بها للخارج و هي خلفه و لكنها وقفت و استدارت تنظر للداخل تنتظره يخرج و يودعها او يمنعها من الذهاب و لكنه لم يأت استدارت ثانيةً و خرجت و ركبت السيارة بجانب آسر و اتجهوا الي المطار*

*************************

* وصلوا المطار و ادخلها آسر للداخل و لكنها اوقفته نبض *

نبض: آسر خلاص مش هينفع تدخل معايا اكتر من كدة
آسر: يبنتي انا ظابط عادي
نبض: انا عارفة بس احتمال كبير نكون متراقبين ف مش عايزين نلفت النظر
آسر: ماشي يا نبض خلي بالك من نفسك كويس
نبض: حاضر متقلقش عليا

* ذهب آسر و اكملت نبض باقي الاجراءات بمفردها ثم جلست في الانتظار لوقت وصول الطائرة و لكنها تذكرت امر الضابط الذي من المفترض ان يُسافر معها ف هاتفت والدها *

نبض: ايوا يا بابا ، بقولك هو الظابط فين انا مشفتهوش انت كلمته
مهاب: ايوا كلمته و وهو في المطار
نبض: طب هو فين انا مشفتهوش لدلوقتي

* سمعت صوت نحنحة خلفها ف استدارت و عندما رأته شهقت بصدمة *
مهاب : اظن ان بالشهقة دي انتي لقيتي الظابط
نبض: انت لية مقولتليش
مهاب: و الله مراد هو اللي قالي مقولكيش ، يلا انا هقفل بقا خلو بالكوا من نفسكوا
نبض(بصدمة): انت اللي هتسافر معايا ؟ عشان كدة مكنتش موجود و انا ماشية
مراد(بخبث): و انتي كنتي عيزاني ابقى موجود
نبض(بارتباك): مش قصدي بس ازاي دا حصل
مراد:........

*Flash back*

* خرج مراد في ذلك اليوم في قمة غضبه و ظل يفكر كيف يمنعها من الذهاب و لكن هو يعرف كم هي عنيدة و لا تغير رأيها خاصة و هي الان تفعل هذا عِندا به ظل يجول بالسيارة الا ان جاءته فكرة و عزم علي تنفيذها ، في اليوم التالي ذهب الي مكتب والده*
مهاب: سيادة المقدم خير
مراد: خير ، انا كنت عايز حضرتك تساعدني اني اطلع انا المأمورية مع الرائد نبض
مهاب(بخبث): لية يا سيادة المقدم
مراد(بغضب): هو اية اللي لية عشان مراتي و انا مش هسيبها تسافر مع واحد غريب لوحدها
مهاب: طيب خلاص اهدي انا هحاول و هقولك
مراد: تمام * و خرج من مكتب اللواء *

* back *

نبض: و انت اية اللي خلاك تعمل كدة
مراد: قولتلك قبل كدة عشان انتي مرااتي و مش هسمحلك تسافري مع حد غريب فاهمة

* سمعوا صوت النداء للطائرة المتجهه لتركيا فذهبا ليركبا الطائرة تاركين ارض الوطن *

*************************

* في القصر *

همس: بس انت ازاي قدرت انك تخلي مراد يسافر بدل الظابط التاني
مهاب(بضحك): اصلا مكنش في ظابط تاني
همس : اية ؟ ازاي
مهاب: الحكاية كلها دي لعبة انا و آسر لعبناها و ساعدنا فيها كام ظابط كدة عشان نشعل غيرة مراد و نشوفه هيعمل اية و اللي كنت مخططله حصل
همس: يسلام علي دماغك يا مهاب ، بس دا لو مراد عرف هيضايق اوووي
مهاب: مش مهم المهم ان خطتنا نجحت

***************************

* هبطت الطائرة مُعلنة وصولها الي اسطنبول عاصمة تركيا *
* اتم مراد اجراءات الخروج و اخذ الحقائب و خرجوا من المطار ثم اوقف سيارة اجرة و وضع الحقائب في الخلف و ركب هو و نبض *
نبض(بتساؤل): احنا هنروح علي فين
مراد: هنقابل ظابط هيساعدنا في المهمة
نبض: ظابط تركي يعني
مراد: ايوا
* توقفت السيارة امام احد الفنادق المشهورة التي توجد امام البحر فترجل منها كلا من نبض و مراد و اخذ الحقائب من السيارة و دخل الفندق و نبض خلفة و وقف امام موظف الاستقبال و سأله عن الضابط ف اخبره الموظف ان يجلس و ينتظره و هو سيبلغه بقدومه ، و بالفعل جلسوا قليلا ثم جاء لهم رجل طويل القامة عريض المنكبين ذو بشرة فاتحة و شعر بني فاتح يميل الي الاصفر و عيون زرقاء *
الضابط(وهو يمد يده ليصافح مراد): اهلا بك سيد مراد انا الضابط ايمره سأساعدكم في المهمة
مراد: اهلا بيك تشرفنا ، كويس ان حضرتك بتكلم عربي هتوفر عليا كتير الحقيقة
ايمره: اجل فا وظيفتي تجعلني اتعامل مع جنسيات كثيرة لذلك انا اتكلم عدة لغات
مراد: شئ حلو * ثم شاور علي نبض* اعرفك الرائد نبض معانا بردو
ايمرة(وهو يمد يده لها ): نبض ؟ انه اسم جميل ، مرحبا بك نبض هانم في اسطنبول
* مد مراد ليصافحه هو بدلاً منها *
مراد: معلش اصل نبض مش بتسلم علي رجالة
ايمرة(بإعجاب): رائع انا لم أرى امرأه بمثل هذه الاخلاق من قبل
نبض: شكرا
مراد: نتكلم في الشغل
ايمرة: بالطبع
مراد: امتي التنفيذ
ايمرة(بأسف): للاسف داغر بدل مكانه امس و لم يتم العثور علية للان
مراد(بغضب): اية ازاي دا يحصل ، احنا جاين و عاملين حسابنا اننا هنفذ انهاردة او بكرة بالكتير
ايمرة: اهدئ سيد مراد
نبض: مراد اهدى دي حاجة غصب عنهم اكيد ، حضرتك طب انتو هتقدروا تلاقوا مكانهم بسرعة
ايمرة: اجل نحن الان نبحث عنه بكل جهدنا و سنعثر علية في أسرع وقت
نبض: اتمني تلاقوه بسرعة عشان نرجع بسرعة
ايمرة: لا تقلقوا سنبذل كل جهدنا ، اريد منكم الان ان تذهبوا لغرفتكم و تنالو قسطا من الراحة و ان تقضوا الوقت الذي نبحث نحن فيه عن داغر تقضوه انتم في التنزه و الاستمتاع
مراد: تمام ، اتمني تتواصل معايا علطول
ايمرة: بالطبع سيد مراد
* ذهب مراد الي موظف و حجز غرفه لهم *
نبض: مراد احجز اوضتين
مراد: لاء
نبض: مراد لوسمحت احجز اوضتين بلاش فضايح هنا
مراد: و انا قولتلك لاء
* حجز مراد الغرفة و حمل الحقائب و اتجه للمصعد و دخل به و هي خلفه تزفر بضيق من تصرفه ، وصلوا للغرفة و فتح الباب و دلفوا للداخل و وضع الحقاب بجانب الباب *
نبض(بغضب): ممكن افهم لية محجزتش اوضتين
مراد: عشان احنا جاين في مهمة اننا متجوزين ، و ثانيا احنا فعلا متجوزين ف فين المشكلة
نبض: مراد انت بتضحك عليا و لا على نفسك ؟ احنا مش بنطيق بعض هنقعض في اوضة واحدة ازاي
مراد: ما انتي كنتي هتوافقي مع الظابط التاني
نبض(بغضب): مراد الزم حدودك انا مستحيل كنت اقعد معاه في اوضة واحدة مهما كانت الظروف
مراد: و الله ؟ دا انتي تلاقيكي كنتي طايرة من الفرحة
نبض: انا مش هرد عليك عشان انت الكلام معاك بقا لا يُطاق ، يارب يلاقوا الزفت دا بسرعة عشان ارجع بقا
* اخذت حقيبتها و وضعتها علي الفراش و اخذت منها بيجامة لها و دخلت المرحاض لتغير ثيابها ، و دخل هو الشرفة ينظر للبحر و جماله و ظل يتأمل به قليلا ثم سمع صوت باب يُفتح فعرف انها خرجت من المرحاض فذهب هو ايضا ليبدل ثيابه ف وجدها تستلقي علي الفراش و توليه ظهرها فدخل المرحاض و بدل ثيابه ثم خرج و استلقى بجانبها ف شعرت به فانتفضت و نهضت مسرعة *
نبض(بغضب): انت بتعمل اية
مراد(بلامبالاة): هنام
نبض: هنا؟
مراد(ببرود): لاء هناك
نبض(بغضب): مراد قوم نام علي الكنبة متنامش جمبي
مراد: نبض انا جسمي متكسر و مش هنام علي الكنبة عايزة انتي تنامي روحي
نبض: ما انا كمان تعبانة مش هقدر انام ع الكنبة
مراد: خلاص خليكي مكانك بس انا مش هقوم
نبض: اوووووووووف
* اولته ظهرها بغضب و بعد دقائق انتظم نفسها دليل علي نومها ف اقترب منها مراد و حاوطها بين يديه و دفن وجهه في شعرها و استنشق عطرها الذي اشتاق له و بعد دقائق ذهب هو ايضا في نوم عميق*

*****************************

* استيقظت بعد عدة سعات و جدت ثقل عليها فنظرت وجدت يد مراد تحطها و تقربها منه ، فرحت في داخلها من قربه لها و لكن لمعت عينها بالدموع عندما تذكرت معاملته لها فنزعت يده عنها برفق حتي لا يستيقظ فهي ليست بمزاج جيد للمشاجرة معه ، نهضت و دخلت المرحاض و توضأت و ارتدت ازدالها و صلت فروضها التي فاتتها كلها ثم دخلت الشرفة تنظر للبحر و جاءتها فكرة ان تبدل ثيابها و تنزل لتجلس علي البحر قليلا ، و بالفعل بعد دقائق كانت تجلس علي الرمال امام البحر *
* استيقظ من نومه و لم يجدها بجانبه ف طن انها تقف في الشرفة فنهض و دخل المرحاض و توضأ و صلى و خرج ليبحث عنها و لكنه لم يجدها ف انخلع قلبه قلقا عليها ف الي اين ذهبت في ذلك الليل و هي لا تعرف شئ هنا ، جاء بباله انها نزلت للبحر فهو يعرف عشقها له ، ف اتجه مسرعا للباب و خرج و نزل للاسفل ركضا و بحث عنها حتي وجدها تجلس وحيدة و تُمسك بيدها شئ و تبكي ف ركض لها *
مراد: انتي ازاي تنزلي كدة منغير ما تقوليلي
* عندما سمعت صوته اغلقت هاتفها سريعا الذي كان مفتوحا علي صورة لهم اثناء عقد قيرانهم و مسحت دموعها و نظرت له *
نبض: كنت نايم و انا كنت عايزة انزل اشم هوا مأجرمتش يعني
مراد: كنتي صحتيني انزل معاكي احنا في بلد غريبة و انتي متعرفيش حاجة هنا
نبض: انا مخرجتش برة الفندق بعدين انا بعرف اتصرف
مراد: طب قومي يلا نروح ناكل اكيد جوعتي
نبض: اه جوعت
مراد: طب يلا قومي
* صعدوا اولا الغرفة ليأخذ مراد النقود فهو نزل بدون اخذ معه شئ ، ثم نزلوا ثانية و خرجوا من الفندق و ظلوا يتجولون حتي وقفوا امام مطعم راقي و دخلوا للداخل و جلسوا علي الطاولة و بدأوا بقراءة قائمة الطعام *
نبض: احم بقولك اية انت فاهم حاجة
مراد: احم مش اوووي يعني
نبض: استني اطلع الموبيل و اترجم * صورت نبض قائمة الطعام و قامت بترجمتها و نادى مراد علي النادل و طلبوا الطعام ، بعد ثواني رن هاتف نبض و كان والدها *
نبض(بفرحة): هوبااا وحشتني و الله
مهاب: و انتي كمان و الله عاملين اية
نبض: الحمدلله بخير
مهاب: اية التنفيذ امتي
نبض: للاسف لسة منعرفش الهدف غير مكانه امبارح
مهاب: ازاي دا حصل
نبض: معرفش بس الظابط اللي هنا قالنا انهم بيدوروا و في اقرب وقت هيلاقوه
مهاب: طيب خُدي كلمي همس
همس: نبض حبيبتي عاملة اية طمنيني عليكي
نبض: انا بخير يا ماما متقلقيش عليا
همس: خلي بالك من نفسك يا نبض
نبض: حاضر يا ماما
همس: اديني مراد
نبض(وهي تمد يدها له بالهاتف): خد ماما
مراد(اخذ الهاتف منها): همووس حبيبتي
همس: حبيبي عامل اية
مراد: انا بخير يا ماما انتو عاملين اية
همس: احنا بخير طول ما انتو كويسين يا حبيبي ، مراد خلي بالك من نبض يا مراد انا قلبي مقبوض اووي المرادي و خايفة عليها
مراد: متقلقيش يا ماما هرجعهالك صاخ سليم مفهاش خدش بإذن الله
همس: بإذن الله يا حبيبي و انت كمان خلي بالك من نفسك
مراد: حاضر يا ماما
همس: في رعاية الله يا حبيبي لا إله إلا الله
مراد: مُحمد رسول الله
* اغلق مراد الخط و اعطا الهاتف لنبض و بعد فترة جاء النادل و معه الطعام و بدأوا بالاكل *
مراد: عجبك الاكل
نبض: اه حلو اووي
مراد : طيب كويس
* انهو طعامهم و عادوا للفندق ثانيةً و بدلوا ثيابهم و نامو ، و هذه المرة لم تتكلم معه نبض ف هي فقدت الامل في الحديث معه ، و انتهى اليوم علي ذلك

الخامس عشر من هنا

مدونة مكتبة حـــواء

رواية نبض المراد الفصل الرابع عشر 14 بقلم لينة