رواية الحب المفاجيء الفصل الحادي عشر 11 بقلم امل بكر
وصلني وقبل لما انزل قالي ،
-أبرار لما تطلعي تطمنيني عامله اي دلوقتي
هزيت راسي باستغراب انه مهتم بس قولت عادي بنت عمنا ،
-ماشي هو انت كويس؟!!
-انا تمام يلا ادخلي
دخلت المستشفي وروحت عند الاوضه خبط ودخلت لقيتها سانده ضهرها علي السرير بملل وهي باصه في الفراغ
بصت علي علي الباب ابتسمت لمًا شافتني قربت عليها وانا بحضنها،
-وحشتيني جداً ياهموسه
ضحكت وهي بترد عليا ،
-وانتي جداً يابيرو والله
قعد علي السرير قدامها وانا ببص حواليا ،
-امال اخوكي المستفز فين ؟!
ضحكت وكانت هترد بس سمعت صوته من ورايا ،
-ماشاء الله علي الإحترام هو القرأن علمك تجيبي في سيره حد من ورا ؟!!!
لفيتله كان طالع من الحمام الي في الاوضه ماخدش بالي منه اتكلمت وانا عقده حواجبي بضيق من كلامه
-واي علاقه القرأن يعني!!!
اتكلم ببرود وهو بيرفع كتفه ،
-مش انتي بتحفظي ومتدينه ؟!!!
اتنفست بعصبيه من كلامه ،
-اي متدينه دي !!!ما ده الطبيعي إن الإنسان يحفظ قرأن وبعدين ياريت ابقي متدينه هو انا اطول ؟!
-لا ماهو فعلاً انتي موصلتيش نهائي للنقطه دي
بلعت ريقي من كلامه الي خلاني احس ان انا معرفتي في الدين قليله اتكلمت بهدوء عكس الي جوايا تماماً
-لما توصل انت الاول
بصلي وهو بيرفع حواجبه من طريقه كلامي طنشته ووجهت كلامي لهمس الي كانت باصلنا وهي مندمجه ،
-انتي كويسه الممرضه حطتلك المحلول؟!
-ايوا لسه حاطا من ساعه
-كويس اكلتي ؟!
ضحكت وهي بترد ،
-انتي غلبتي ماما يابيري بس تصدقي دلع بيرو حلو برده ابن خالتك أمير ليه ذوق
هو الحقيقه انا كنت بلهي نفسي علشان معيطش من طريقته السخيفه هي مش اول مره يعني بس انا اطلاقاً مش بحب الطريقه دي وبحس كمان اني فاشله في الرد يا إما هقول كلام يجرح بس انا مش بحب اجرح حد!
ابتسمت ،
-هو أمير لطيف وبحسه طفل في نفسه
ضحكت ،
-جدعه موتني ضحك وهو بيقول انه يتجوزك بس كنت مش مفوقه اوي والا كنت هيصت معا في الهيصه
سُلميان علا صوته فجأة وهو بيقول ،
-يلا أمير يلا بتنجان مش هيبقي هنا وفي الشغل
خلص كلامه بضيق واضح رديت عليه
-انت بتتكلم عليه كده لي !!!
بصلي بحده فتح بوقه وكان هيرد بس همس اتكلمت وكأنها بتهدي الجو،
-ممكن خلاص بلاش شكل
رديت عليها بكل بساطه،
-شكل اي!! هو انا لو هتشاكل هتشاكل مع الكأن ده ؟!!!
اتكلم ،
-وانتي مين اصلاً علشان اسيبك تقلي ادبك ؟!!
ببرود وانا ببصله بقرف،
-انا اصلاً محترمه ومش بتكلم غير مع المحترم وبس
نفخ بغيظ وهو بيقول ،
-الصبر يارب
طلع بره الأوضه خالص وانا اتكلمت وانا بضحك،
-احسن مشا
همس ،
-يلهوي عليكي انتي عصبتي
-معلش يعني ياهمس هو يستاهل مستفز اوي محدش بيطلعني عن شعوري قد كلامه البايخ
-متزعليش منه هو فعلاً كلامه بايخ
-قولتلك مش فارقلي
-اه اه ماهو واضح كنتي هتعيطي خلاص
-ماهو اي ده الي لسه موصلتيش !!!
اتكلمت من تاني بنبره ضيق وانا بسألها،
-همس هو انا مش كويسه؟!! يعني انا عارفه ان في حاجات كتير برده غلط فيا بس بحاول
مسكت ايدي،
-بيري انتي احسن صاحبه وبنت عم وطبيعي كلنا بنحاول ومحدش مش عايز يبقي كويس بس في الي مش عارف الطريقه وبعدين ده انا بسبب تشجعيك حفظت جزئين اسرع انتي ونعمه الصديقه يابيري والله سيبك منه انا معرفش لي كلامه دبش كده مع إنه مش بيكلم قرايبنا كده بس فكك
مسحت دمعتي الي نزلت لما افتكرت كلامه ،
-علفكره هو كلامه وحش اوي
ضحكت عليا وهي بتحضنني طلعتني من حضنها وهي بتقول ،
-طيب حقك عليا بلاش تعيطي بقي
مسحت دموعي زي الأطفال وانا بقول ،
-مش فاهمه هو بيكرهني لي مع إن والله يابنتي اول مره شوفته فيها كان بيبتسم وقالي تعالي اوصلك الكورس ومش عارف اي
ضحكت وهي بترفع حواجبها وبتمسح دموعي ،
-لا لا سُلميان بيضحك وتعالي اوصلك!!! بس لاء هو هيكرهك لي بس متقوليش كده
قومت علشان ادخل الحمام ده اغسل وشي اتكلمت وانا بقعد قدامها من تاني ،
-همس متتعبيش تاني بجد خوفت جدًا
-بجد خوفتي اوي ؟!
هزيت راسي ،
-اوي اوي كمان
تلفوني رن طلعته من الشنطه وكان يزن رديت
بضيق،
-أبرار مرنتيش لي ؟!!!
-نسيت
-طب هي عامله اي
بصيت علي همس وانا برد ،
-كويسه الحمدلله
سكت شويه واتكلم تاني بصوت اهدي ،
-اكلت ؟!!
-ايوا اكلت
-والمحلول محطوط؟!
بصيت علي المحلول وانا برد ،
-ايوا محطوط والله اي الأساله دي
-مفيش ماشي سلام دلوقتي
باستغراب ،
-ماشي سلام
همس كانت بصالي وهي بمعني في اي ؟!
اتكلمت،
-ده يزن بيطمن عليكي وبيسأل اسأله غريبه
اتكلمت وهي عندها فضول ،
-بيقولك اي ؟!
-بيسأل اكلتي ،كويسه ،المحلول محطوط ؟!!!
-اممم
-باين انه مخضوض من امبارح فاشكله كده مأثر عليه
سألتني باستفسار وهي بتتعدل في قعدتها،
-هو كان مخضوض امبارح !!!
-ايوا جداً يابنتي ده ….
حكتلها علي موقف الدكتور وهو بيقوله قولي انها كويسه بقولك وعلي توتره وهو رايح جاي في الطرقه
ضحكت وهي عنيها بدمع،
-ضحكتيني قولي انها كويسه بقولك
خلصت كلامها وهي بتقلد الطريقه الي اتكلمت بيها وانا بقلد نبره يزن
وقفت ضحك ونفسها بقي اهدي وكأنها بتفتكر حاجه ،
-همس انتي كويسه؟!
بصتلي بانتباه،
-ايوا تمام انا زهقت ماتيجي نمشي
-مش هينفع خلاص معتش غير بكره وهنمشي
-طيب
شويه وأحمد اجي باس راس همس ،
-حبيبتي عامله اي
همس ،
-الحمدلله بخير
اتكلم بضحكه،
-متتصىوريش البيت وحش من غيرك ازاي
همس ردت عليه بسخريه ،
-لا ماهو واضح من ضحكتك من محتاجه شرح
ضربها في كتفها بخفه ،
-طب والله وحش
حطت ايديها علي دراعها بوجع مزيف،
-دراعي ياأحمد الله انا تعبانه
-طب بلاش تمثيل بس … عايزه شاي ياأبرار ؟!!
-قهوة ماشي
-يلا ياهمس قومي اعمللنا
همس بغيظ،
-اي !!! انا تعبانه علفكره هو هنا وفي البيت
ضحكت عليهم اتكلم احمد ،
-يعني اي تعبانه!!! معتش فيه قهوة وشاي
هزت راسها ،
-بالظبط بقولك اي انا تعبانه وبيقولو زياره المريض خفيفه يلا امشي
-انا غلطان قولت مفيش مشاوير انهارده علشان اختي حبيبتي اشوفها
-بس بس ياأحمد مش لايق عليك
-ا احم اي ده بجد ؟!!!
تلفوني رن وسيبتهم وطلعت بره علشان ارد
-ايوا ياشيرين
-أبرار اخبارك مش بتيجي لي
-عادي يعني انتي بتبقي مشغوله مع صحابك
-تعالي واقعدي معانا القعده معاهم تحفه اوي ياأبرار
-شيرين انتي عارفه اني مش بحب كده وبعدين انا نصحتك وانـ
وقفت كلامي وهي بتقول ،
-طب بصي سيبك من الكلام ده خلينا نتكلم في حاجه ليها لازمه
-حاجه ليها لازمه!!!
-طب خلاص هقفل انا دلوقتي عشان بيتصل
قفلت وانا باخد نفس اتصلت علشان تزعلني وتقفل دخلت تاني لهمس وأحمد شويه ومشي
تاني يوم همس طلعت من المستشفي عل خير وبقت كويسه وماما وخالتو نزلو علشان يطمنو عليها
وانا اخد شاور ولبست الاسدال ونزلتلهم
كنا قاعدين في الصاله خالتو وماما وطنط حياة وانا وهمس بس جرس البيت رن اتعدلت في قعدتي علشان كنت مستربعه واتفتح بالمفتاح وطلع سُليمان اتنفست بضيق وجوده بقي بيضايقني
دخل اوضه ورجعو يتكلمو عادي من تاني وبصيت علي همس الي متنحالي ويبتسم ابتسامه صفرا مشكوك فيها هزيت راسي الي هو اي؟!!
رفعتلي حواجبها بمشاكسه اتكلمت،
-انتي تعبانه لسه مش كده ؟!
ردت علي نفس ابتسامتها،
-تؤتؤ
خلص اليوم وطلعت انا وماما وخالتو البيت <<وفات اسبوع
لقينا عمتو اجت بعد العشا
عمتو نسرين ،
-وحشتيني ياأبرار والله
-حبيبتي ياعمتو وانتي اكتر
اتكلمت ،
-فرح ان شاء الله يمني بنتي يوم الخميس الجاي
ماما ،
-الف مبروك ربنا يتمملها علي خير
خالتو ،
-مبروك ياحبيبتي ربنا يسعدها
-يارب هستناكي انتي كمان وعيالك وجوزك
خالتو ،
-طبعاً ان شاء الله
فرحت جداً ليمني بنت عمتي وكلمت همس بسرعه
-همس انا مش عارفه البس اي ؟!!
-ولا انا تعالي ننزل نشوف حاجه
-ياريت بكره
-تمام ماشي
-اتفقنا
نزلنا تاني يوم كلنا ودخلنا كذا اتيليه لغيت مااستقرينا واجرنا انا جبت فستان لونه زيتي وهاند ميد من فوق وواسع من تحت وعليه حته مغطيه الايدين خلته شكله تحفه وواسع وهمس اجرت فستان لونه موف غامق لايق عليها جداً قماشته تل ومنفوش من تحت ومن فوق هاند ميد وماما وخالتو ومرات لون عمو اسود بيلمع وجبنا الطرح الي تليق عليهم
روحنا واحنا مبسوطين واجي يوم الخميس وكنت انا وهمس في اوضي وخلصنا تجهيز ولبست الهيلز الي مش هيبان اصلاً من الفستان
كله جهز والرجاله كلها كانت مخلصه من بدري
بصيت علي ماما ،
-انتي حاطه روج احمر!!!
-حلو مش كده ؟!!!
-بابا هيموتك بس ياحبيبتي
خالتو اتكلمت واحنا علي الباب ،
-أبرار الطرحه بتاعتي مظبوطه؟؟
-قمر ياخالتو
بعتتلي بوسه في الهوا ونزلنا كان كلهم مستنين بفراغ الصبر
نزلنا علي يزن وهو بيرفع راسه واول لما شاف همس فتح بوقه وساب الموبايل الي ماسكه مفتوح ومتعلق في الهوا ضحكت عليه وانا ببص جمبي عيني اجت علي سُليمان الي بيبصلي بضيق انا مش فاهمه عملتله اي بس !!!!
وأحمد الي عمال يزمر علشان عايز يمشي من الزهق وانه مستني
يزن لابس بدله كاچوال كحلي وتحتها اندر شيرت ابيض ..وسُليمان بدله كاچول اسود وتحتها اندر تيشرت اسود ..وأحمد زي سُليمان بس لابس اندر شيرت ابيض.
بصيت علي أمير الي كان لابس بدله لونها زيتي اتكلم وهو بيغمز،
-لا لا انتي أبرار!!!
ضحكت،
-تقصد اي ياض!!!
-ياض!!! مش لايق عليكي
-زيني ياأمير !!!
ضحك وهو بيحط ايده علي البدله،
-بذمتك مش حلوه؟!!
-لا ياسيدي حلوه
-ده انتي الي حلوه ياعسل
بابا ،
-طب يلا نتقسم علشان نمشي
ماما وخالتو وجوز خالته ركبو في عربيه بابا
وأمير ركب مع يزن وسيدرا ومعاذ وسيف معاهم وبابا ركب قدام جمب يزن
وانا وهمس عاملين نبص ومش لاقين مكان العربيتين مشو من قدامنا واجي دور سُلميان نفيت براسي وانا ببص لهمس بضيق،
-استحاله اركب معاه
همس بمسايره،
-معلش يابيري ماهو كلو مشا هنركب فين دلوقتي ؟!!!
-معرفش بس مش معاه استني احمد همشي اهو تعالي نركب معاه
سُلميان نزل راسه وهو في العربيه ،
-خير ماتركبو!!!
همس نزلت راسها من عند الشباك
-خلاص امشي انت احنا هنركب مع احمد.
سُلميان اتكلم وهو بيشاور علي احمد الي مشا اصلاً،
-هتجرو ورا ولا اي مش فاهم ؟!!
همس بصتلي وهي بتقول ،
-يلا نركب معتش فيه غيرو
نفخت بضيق ،
-يوووه ياهمس انا مش هعرف اهيص براحتي واخوكي ده كئيب موت
-لا لا احنا هنهيص سيبك منه
ركبنا ورا احنا الاتنين وكل شويه اشوف نظراته ليا في المرايا الي كان معناها البرود وبس مشينا في الزفه
وصلنا القاعه كلنا والأجواء في الأول كانت هاديه الرجاله كلها واقفه يعتبر علي الباب واحنا قعدنا علي تربيزه قريبه من الكوشه معروفه علشان يشوفو العروسه كويس
قمنا وقفت انا وهمس مع العروسه وصحابها وبعد شويه دخلت الحمام لوحدي وانا طالعه لقيت واحد قدامي وبيزقني علشان ادخل جوه من تاني برقت بصدمه
اتكلمت برعب،
-انت بتعمل اي!!!
اتكلم وهو بيبص ورا وكأنه بيراقب وبعدين بصلي وابتسم ابتسامه خبيثه اترعبت منها ،
-ولا حاجه ياقطه هنتسلي مش اكتر
قلبي فضل يدق جامد وانا مش عارفه اعمل اي زعقت جامد وانا بقول ،
-ابعد عني لو سمحت
ضحك وهو بيقرب مني ومسك دراعي وانا عماله أبعده مش عارفه ،
-بس بس ملهوش لازمه الي بتعملي محدش هيسمعك
بلعت ريقي وانا بتنفس بصعوبه لان فعلاً الاغاني عاليه واستحاله حد يسمعني
قرب وشه مني وانا عماله اصوت وابعده عني بس ضربني بالقلم خلاني انهار من العياط
اتكلمت بشحتفه ،
-بالله عليك سيبني والله حرام الي بتعمله ده
بعصبيه اتكلم ،
-والله لو مسكتي هموتك مكانك اخرسي بقي خليني اشوف شغلي
فضلت اهز راسي بعنف واصوت يمكن حد يسمعني
اتكلم بزهق ،
-ماخلاص بقي ده اي الأوفر ده!!!
فضلت ازقه وافرك بس هو كان قوي جداً لدرجه قوتي ضعفت وانا دموعي عماله تنزل وقلبي الي عمال يدق وانا خلاص حاسه اني هموت
بصيت علي الباب الي حد بيخبط عليه ابتسمت بأمل وانا عماله اصوت بس هو شدني وبعدني علشان محدش يسمع بصلي واتكلم بعصبيه ،
-ابو صوتك ده انتي دلوقتي هتطلعي عادي وانا هبقي هنا لغيت ما تمشي والله والله كمان مره لو فتحتي بوقك لاكون قاتلك انا مش بهزر
هزيت راسي ومخوفتش ابداً من تهديده روحت جريت فتحت الباب وانا بتنفس بصعوبه وانصدمت لما شوفت سُليمان
بصلي بدهشه من منظري وسألني،
-ماله شكلك !!!!؟
بلعت ريقي وانهارت في العياط وانا بشاور علي جوه الحمام ،
-فـي ح حـد جوه
بعدم فهم ،
-مش فاهم حاجه ممكن تهدي
مسحت دموعي بايدي وانا بتكلم ،
-واحد جوه دخل ورايـه الحمـ.ام
برق وهو بيدخل جوه ولقيته جايبه من هدومه وبينهال عليه بالضرب وانا عماله اعيط ،
-خلاص بالله عليك كفايه
قام من فوقيه وهو بيتنفس بسرعه وايده الي احمرت من كتر الضرب سيبته وطلعت بره خالص القاعه لاني مكنتش قادره اتنفس حاسه بخنقه ومن وشي السخن من كتر العياط
قعد علي رصيف عالي وقف جمبي وهو بيسأل بحديه ،
-عملك حاجه ؟!!!!!
نفيت براسي وانا بحاول امسك دموعي
اتنفس بصوت عالي وبعدين اتكلم ،
-متخافيش قولي عملك حاجه ؟؟
خبيت وشي بايدي وانا بشحتف من العياط
اتكلم وهو مش عارف يعمل اي ،
-طب خلاص انا اسف اهدي
مكنتش قادره اوقف عياطي الموقف صدمني وده اول مره يحصل معايا ومش بعرف اتصرف وخوفت جدا خوفت
-طب هدخل انده يزن يشـو
وقبل لما يكمل كلامه وقفته وانا ببصله ،
-لا لا متقولهوش لو سمحت
بصلي شويه وقال،
-طيب خلاص بس عرفيني عملك حاجه؟! أذاكي انا اصلاً عايز اكمل ضرب
كان هيدخلوا تاني فعلاً اتكلمت بسرعه ،
-لا بالله عليك كفايه هتتأذي كده
-انا كويسه هو بس الموقف صدمني وانا خوفت اوي
لفيت وشي عنه وانا بمسح دموعي ويحاول اتحكم فيها بس مش بايدي
-طب خلاص امسحي دموعك موقف وعدي علي خير
بصتله ،
-الحمدلله شكراً ياسُليمان
اتكلم وهو بيحسس علي ايديه المحمرا،
-مفيش حاجه انتي شبه همس طبيعي هعمل كده
هزيت راسي وانا بشاور علي ايديه ،
-متأسفة بسببي
حط ايديه في جيوبه ،
-ولا حاجه يومين وهيروح
قومت وقفت ،
-طب ممكن متقولش لحد
-اشمعنا
-مش عايزاهم يقلقو ويزن لو عرف مش هيسيبو
-ماشي
كنت همشي بس سألته،
-هو انت عرفت ازاي اني في الحمام
-شوفتك عادي صدفه وانتي داخله وحسيتك طولتي فا روحت اشوف ومطمنتش يعني كنت حاسس ان فيه حاجه
-حاسس ان فيه حاجه!!!
حط ايده علي قفا وقال ،
-اه ماهو علشان شبه همس فا قلوب الاخوات بقي
باستغراب من كلامه الي مش مترتب ولا مفهوم بالمره ،
-اه اه فهمت طيب
-هو ممكن تيجي تقفلي بره الحمام عايزه اغسل وشي
هزلي راسه وهو بيمشي قدامي وكل شويه يلف يشوفني ورا
دخلت وغسلت وشي بسرعه وكنت مرعوبه حد يطلعلي مع إن هو بره واطمنت بصراحه ولكن الموقف مخوفني اوي عدلت الطرحه ومسحت تحت عيني من بواقي المسكرا وطلعت
-شكراً ياسُليمان
اتكلم بصوت يكاد مسموع،
-شكلك كده احسن
عملت نفسي مسمعتش وبلعت ريقي بتوتر وهوب لقيت يزن الي جاي علينا وهو بيبصلي بتفحص،
-خير مالك؟!!
بتوتر،
-مالي مفيش
بص علي سُليمان،
-هو ماشي قدامك لي وشوفته واقف قدام الحمام خير !!!
اتنفست بتوتر سُليمان اتكلم ،
-مفيش الباب مش بيقفل وانا كنت واقف علشان مفيش راجل يدخل بالغلط
خلص كلامه بثبات رغم نظرات يزن الي مش واثقه في كلامه بصلي من تاني وانا خوفت يسألني وانا مش بعرف اكذب ابداً
-طب روحي اقعدي علي التربيزه ومتقوميش
روحت فعلاً قعد معاهم وكلهم عمالين يقولولي كنتي فين والي يقول ماله وشك اصفر كده لي
ووووو
خلص الفرح واحنا طالعين من القاعه اتكلمت همس ،
-بيري انتي مالك حساكي فيكي حاجه؟!!!
-بعدين بقولك مش قادره دلوقتي
-انتي كويسه علي الاقل
-اه
بصتلي باستغراب من ردي المختصر وانا بصيت قدامي وانا الموقف عمال يتعاد من تاني
صوت بخضه لما أمير اجي جمبي وهو بيقول ،
-مالك يابنتي
حطيتي علي قلبي وبصيت علي الكل الي اخد باله بلعت ريقي وانا بقول ،
-خضيتني ياأمير مش كده
-سلامتك من الخضه مالك ؟!!
نفيت براسي ،
-مفيش
-بقولك اي ماتيجي تقنعيهم معايا اننا نتعشئ بره
-لا مش ياقادره عايزه انام اصلاً
سُليمان قرب علينا وهو بيسأل همس بس عنيه كانت معانا ،
-همس تلفوني معاكي
-سُليمان تلفونك في ايدك!!!
بص عليه وكأنه اخد باله،
-اه مأخدش بالي
اتكلم ليا انا وهمس ،
-طب يلا تعالو اركبو
أمير اتكلم ،
-بنفكر نروح نتعشى
سُليمان وهو بيعقد حواجبه باستفهام،
-تتعشو لوحدكو!!!
أمير ضحك،
-كلنا اقصد كلنا
برفض وهو بيشاور علي العربيه،
-لا محدش عايز يلا اركبو
أمير اقترح علي الكل ومحدش رفض وسُليمان بصله بغيظ من بروده وانا بصراحه كنت عايزه اعجن أمير لاني فعلاً كنت عايزه انام
قولت خلاص هروح انا البيت بس أمير عايز كلنا نبقي نتعشئ مع بعض
قولت خلاص هروح انا البيت بس أمير عايز كلنا نبقي نتعشئ مع بعض
روحنا مطعم عائلي وقاعدنا علي تربيزه كبيره طويله وهمس كانت جمبي ويزن وسُلميان واحمد قدامنا وماما جمبي من الناحيه التانيه وجمبها أمير وبعدين خالتو ومرات عمو وبابا جمب همس من الناحيه التانيه وعمو قدامه جمب يزن
نزل الأكل وبدائنا ناكل تحت كلامهم بس انا مكنتش مركزه خالص معاهم لحد مابصيت علي أمير الي بينده بإسمي
-اي؟!
أمير ،
-اي يابنتي بقالي ساعه بنده
حطيت ايدي علي جبهتي ،
-معلش مسمعتش
اتكلم يزن بضحك ،
-قوليلو ياأبرار كنت بعمل اي فيه وهو صغير
ضحكت بهدوء لمًا افتكرت ،
-كان بيعجنك بصراحه ياأمير
أمير ،
-طب بس بس وانا مكنتش بسيبه علفكره
يزن بيشوحله ،
-ياعم روح نام
أمير بصلي وهو بيسألني،
-فاكره كنت بجبلك اي ؟!
-بتجبلي اي !!!
خبط بايديه الاتينين علي بعض وهو بيقول،
-والله ناكره الجميل يابنتي كنت بجبلك مصاصه بالفراوله علشان خالتو مكنتش بترضي
افتكرت وقولت،
-اه اه افتكرت دي احلا مصاصه بالفراوله كنت بحبها اوي فاكرها يايزن
يزن ضحك وهو بيفتكر ،
-كنت بحب بالبرتقال
ضحكت،
-ايوا صح بس اشهد ياأمير كنت طيب وبتجبلي منها كتير
سُليمان اتعدل في قعدته بضيق ،
-يزن هات المخلل الي عندك ده
يزن عطهوله وحسيته مستغرب انه كلمه !
احمد ،
-طب اي ياجماعه مش هنروح شاليه اسبوع كده ؟!!
عمو اتكلم ،
-اه والله كنت عايز اقول من وقت لما الصيف دخل
اتكلمت انا كمان بحماس ،
-الله بجد ياريت نروح
خالتو،
-ماشي ظبطو بقي لان اسبوعين كمان وهنمشي
بصيت لخالتو بدهشه،
-اسبوعين!! طب ماتخليكو شويه كمان
أمير ،
-الشغل هناك وكل حاجه فالازم نرجع
خالتو ،
-وكمان علشان مدارس سيدرا ومعتز
سكت بحزن اكتر حاجه بكرها الوداع بعد ماتعود علي وجوده
خالتو اتكلمت بمرح ،
-متزعليش ياحبيبت خالتو بهنيجي وعد
-ان شاء الله
سُليمان اتكلم بارتياح ،
-احسن الحمدلله
أحمد بصوت واطي ،
-لي ياعم كده!!! دي عيله محترمه
-بس ياأحمد بالله عليك انا مش طايق نفسي
الثاني عشر من هنا
