رواية كسرتني قوتك الفصل العاشر 10 بقلم سهيلة سعيد
الحلقة العاشرة { ١٠ } 
( تتوتر ريناد اكتر تلف عشان تخرج ، يحط ايده ع الباب يخضها ، تجري ع جوة ، يقرب عليها وهي تبعد وراها حيطة )
سليمان : انتى لية مش عاملة ل نفسك شخصية ودايماً ماشية ورا اختك ؟!
ريناد : ملكش دعوة بيا وب أختي 
( تمشي يشدها يلف ايده ع رقبتها تزقه يزقها ع الحيطه ب عنف ويحط ايده عشان متمشيش )
ريناد ب خوف : ابعد عنى ي متخلف 
سليمان : اهدى بس .. انا جاي ناوى خير متقلقيش بنصحك .. انتى احسن منها ف كل حاجة .. بطلي تطاوعيها دايماً 
ريناد : قلتلك ملكش دعوة وابعد بقا 
( تزقه ف صدره ، يقرب عليها اكتر ويفضل باصصلها ، يبتسم )
سليمان : خايفة 
ريناد بتوتر : لا
( يقرب عليها اكتر )
ريناد : ابعد عنى بقا 
( تزق فيه ، يمسك ايدها )
سليمان: انا محدش يؤمرني .. مباخدش اوامر من حد .. كل م تعوزينى ابعد .. كل م هقرب اكتر
ريناد : انت مجنون والله .. ابعد عني 
سليمان : خليكي كدة زقي كمان وانا مش هسيبك
( يزقها ع الحيطة ويقرب اوى ، ريناد باصة ف عينه ومرعوبة خلاص هتعيط )
سليمان : كنتى هديتى م الاول .. انا محدش ف البيت دة بيقدر عليا ماشي ي شاطره .. ولا حتى ابويا عشان تكونى عارفة 
( يحط ايده ع خدها )
سليمان : لكن لو بقيتى بنت هادية ومؤدبة 
( يقرب ب أيدة ع شفايفها ، تعضه وتبعد بسرعة )
سليمان ب انفعال : انتى اجننتى بتعضينى ي شحاته 
ريناد : ايوة عشان مش عايزة اسمع باقي كدبك .. انت لو اخر انسان ف الدنيا دى مستحيل اصدق منك كلمة واحدة
( يبتسم )
سليمان: ماشي هنشوف 
( يقرب عليها )
ريناد : بطل بقااااا انت ايه ي اخي دة الحيوان احسن منك ي شيخ 
( يزقها ع السرير تقوم بسرعة تقعد ، يقرب عليها )
سليمان : نامى كويس انهاردة .. عشان مظنش هيجيلك نوم الايام الجاية .. ومنورة لا منوره جداً يعني 
( يغمزلها ويمشي ، تجري ريناد بعد م يخرج تقفل عليها ب المفتاح ، يوم الفرح الصبح ، ريناد ف جنينة الڤيلا مع صحابها م المحل بيرتبوا الورد والاشكال عشان الفرح ، يصحى سليمان وينزل ، يشوفها ، يقرب عليها ، ريناد واقفة جنب ترابيزة عليها الورد وزهريات وحاجات ، يقرب منها ويخبط فيها قاصد ، تقع ع الترابيزة تدخل ايدها ف المقص تتعور )
ليلى ب خضة : يلهوي ايدك بتجيب دم 
سليمان ب ابتسامة انتصار : عشان تعرفي تعضى كويس .. كدة متعادلين
( يمشي ، ريناد واقفة ماسكة ايدها عمالة تنزف وبصاله ب غيظ ، ييجي الليل ، يتكتب الكتاب ويبدأ الفرح ، جودى وعابد بيرقصوا slow ، يوصل سليمان وف ايده صندوق ملفوف هدية ، يدخل ويمسك المايك )
سليمان : احم احم 
( يسكت الكل ويتخضوا يعرفوا ان حاجة هتحصل ، يوقفوا رقص )
سليمان : انا حابب ابارك ل بابا و ل عروسته الجديدة .. وجايبلها هدية كمان تليق ب مكانتها العالية .. اصلها ليها معزة خاصة ف قلبي .. خاصة اوي
( يغمزلها ، تتوتر )
سليمان : الف مبروك
( يقرب عليهم ، يفتح العلبة ويطلع منها زي جايزة اوسكار 
يستغرب الكل )
عابد : ايه الي جايبه دة ؟!!!!!
سليمان : دى جايزة احسن واحدة بتعرف توقع رجالة 
( تتخض جودى والمعازيم يبصوا لبعض )
سليمان : ومش احسن بس دى اسرع كمان .. مش خسارة فيكي والله 
( يقرأ من ع الجايزة )
سليمان : مبروك جوديييييي .. مش عارف اسم العيلة ما علينا مبروك .. امسكي
( تنزل دموع جودى من كتر الاحراج )
عابد ب عصبية : احترم نفسك واتلم ف ليلتك دى
سليمان: انا معملتش حاجة انا بديها الهدية امسكي بس متتكسفيش ي عروسه
( يحطها ف ايدها يمسكهالها )
عابد : انت اتمديت فيها اوى
( تجري جودى ع جوة ، يروح وراها عابد ، يقرب حسام )
حسام : ايه اللي بتعمله دة ؟!!
سليمان : شفيت غليلي 
( يقرب ع ريناد ، يقف قصادها ويبتسم ويعدى من جنبها يخبط كتفه ف كتفها قاصد ويمشي ، تدخل جودى البيت )
عابد : جودى .. جودى استنى
( يمسك ايدها يوقفها ، تترمي ف حضنه وتعيط )
عابد : ولا تشغلي دماغك بيه .. متزعليش
جودى ب عياط : انا غلطانة .. مكانش ينفع اوافق اتجوزك 
عابد : متقوليش كدة انتى مغلطيش .. هو اللي حيوان وحقير .. ياريتنى م خلفته اصلاً .. انا هعاقبه ع اللي عمله دة .. متزعليش
( تانى يوم الصبح ، ناس ف الجنينة بتلم حاجات الفرح ، تنزل ريناد ، تشوف الجايزة ف الارض ، تقرب تاخدها ، جودى واقفة عند شباك الاوضة سرحانة ، بتفكر ف الي حصل امبارح من سليمان ، يصحى عابد ، يقرب عليها )
عابد : صباح الخير ي قلبي 
جودى : صباح النور
عابد : ايه الي مصحيكي بدري كدة .. اوعي تكوني لسة زعلانة م الي حصل امبارح
جودى : لا لا مش زعلانة
( تسكت شوية )
جودى : انا بفكر ف الي حصل امبارح .. اظن المفروض اساعدك ان دة ميحصلش تاني
عابد : ازاي ؟!
جودى : نحاول نغيره للاحسن .. نأدبه شوية .. يمكن يتعدل 
عابد : متأكدة .. كتير حاولوا قبلك ومعرفوش .. اتعقدوا ف حياتهم بس 
جودى : ادينى فرصة اجرب
عابد : اوك زي م تحبي 
( يعدى الوقت ، ريناد واقفة بتظبط زهريات الورد ف البيت ، يقرب سليمان يقعد ع الترابيزة الي هي بترتب عليها )
سليمان : بقالك اد ايه شغالة ف محل الورد ؟
( تبصله وتضير وشها )
ريناد : 7 سنين
سليمان : انتى عندك كام سنة ؟
ريناد : وانت مالك ؟
سليمان : خلاص سبينى اخمن .. انا اكبر من اختك ب سنة .. وانتى اختها الصغيرة .. اختك اتجوزت واحد عنده 50 سنة وكل م يبقا سنك صغير كل م سن جوزك يكبر .. 21 22 مثلا ؟
ريناد : عرفت منين !!!
سليمان : م قلتلك هخمن .. وبالتخمين بردوا جوزك يبقا حواليييي اممم 70 سنة .. اهو يموت بسرعة وتورثي اسرع مش كدة
( تمسك ريناد الورد تحطه ف الزهرية )
ريناد : تعرف ان انت ضعيف اوى ع فكرة .. متغاظ من اختى وهتولع منها وف نفس الوقت ومش قادر تعملها حاجة .. ف بتطلع كل غلك فيا انا 
سليمان : وانتى معندكيش لا زوق ولا دم .. عشان جيتى تقعدى هنا وانتى عارفة ان مش مترحب بيكي 
ريناد : انا جيت هنا عشان اختى مش اكتر
سليمان : وانتى هتفضلي دايماً ديلها كدة ملكيش رأي ف اي حاجة
ريناد : ملكش دعوة 
سليمان : ماشي .. بس خلي بالك لو فضلتى ماشية وراها انتى الي هتتأذى ف الاخر
( يقوم يطلع اوضته ، يبص ف المراية يتخض ، يلف وراه بسرعة يلاقي الجايزة اللي اداها ل جودى ع السرير ، يقرب يمسكها ، ملزوق فيها ورقة مكتوب عليها *جايزة اسوء ابن ف العالم* ، يتغاظ ، يطلع م الاوضة ، جودى وعابد نازلين من ع السلم ، يقرب يشد جودى من دراعها تتخض )
سليمان : انتى الي عملتى كدة صح ؟؟
( عابد يشدها منه )
سليمان ب زعيق : ردي
عابد : في ايه ؟!!!!
سليمان : بص وانت تعرف
( يديله الجايزة ، يقرا الي عليها )
سليمان : اكيد هي اللي عملت كدا
( يبتسم عابد )
عابد : وفيها ايه .. مهى عندها حق دة ميجيش حاجة مقارنة ب الي انت عملته معاها
سليمان : انا مش هاممنى شغل العيال دة .. ازاي قدرتي تدخلي اوضتى من غير اذني ي معفنه
( يقرب عليها وهي تبعد )
سليمان : متفكريش انك عشان اتجوزتى ابويا هتملكي البيت دة لا انسي ي ماما
عابد : وانت ايه اللي مأكدلك ان جودى الي عملت كدة .. شوفتها بنفسك ؟؟
سليمان : لا مشوفتهاش .. بس محدش غيرها يقدر يعمل كدة
( يبصلها )
سليمان: م تتكلمى .. قوليلوا ان انتى خليه يعرفك ع حقيقتك ي شحاته
( تقرب ريناد ع الجايزة وتقراها ، تفتكر وهي طالعة اوضتها بالجايزة ندهت عليها جودى واخدتها منها وقالت انها هتتصرف فيها )
سليمان : طبعاً رغم بجاحتك معندكيش الجرأة انك تقولي
ريناد : انا الي حطيطها 
( يتخض الكل )
ريناد : عملتها كدة ك هزار معرفش انك هتاخد الموضوع بجد
سليما : كدابة .. انتى اجبن من انك تعملي كدا !!!!
ريناد : انت مستهون بيا اوى ع فكرة .. ليه معملش كدة كان سهل عليا ادخل اوضتك زي م كان سهل عليك تدخل اوضتى
( يتخضوا )
عابد : نعم .. دخل اوضتك ؟!!!
