رواية صبر الجبال كامله وحصريه بقلم حمدي محمد
صبر الجبال . الفصل. ١
اهداء الي بطلة. الروايه
الانسانه. اللي حبها. لو اتفرق علي الخلق
بيكفيهم واحد واحد
ولو ورقي. ياغاليه. يكفي
:-لأعبيلك. نهر النيل والله بكفي.
قصه شبه حقيقيه.
بطلتها عاشت وماتت مغموره
ماحدش عرف قصتها
وجه الوقت اللي تكون فيه بطله.
وتعرفو اللي عانت منه
وتستفادو من صبرها. في حياتكم.
واسألكم. الدعاء ليها.
عيشه. بنت الحاج حسن
كانت. البنت. الكبيره والتالته. للحاج حسن
كانت تلبس جلابية. راجل.
وتطلع. مع الحاج حسن. بعد مايصلو الفجر
تركبه. علي الحماره.
وتشده. وتطلع. عالزرع
تزرع. وتقلع. واخر النهار. ترجع
مع ابوها عالبيت.
كانو اخواتها. فتحيه. وفوزيه. صغيرين.
وكانت امها. يامنه. ست. شديده
يمكن ماكانتش تضحك. ابداً
وبعد رجوعهم من الغيط.
تبدء. يامنه. في المجادله معاهم
الزرع ليه. مش اخضر
مش بتراعوه. ليه
والنبات اللي جايبينه مش هيكفي.
البهايم.
طول النهار. وجايبين دول وجايين ترمحو
تضحك. عيشه. وتقول لامها. معلش
اصلنا. علي قدنا.
والحاج. حسن. يقول لها. ارضي يا يامنه بالمقسوم
الحمد لله غيرنا مش لاقي
تدخل. عيشه علي اخواتها. فتحيه وفوزيه
وتطلع. لهم من جيبها. التين. اللي جنته. من الشجره. اللي علي اول زرعهم
كانت تديهم التين دس عن امها
لو شافتها يامنه هتطين عيشتها
لانها. بتخلي الشجره. لما تطيب
وتروح تقطفها. في القفه
وتطلع. تبيعها في السوق
ماكانش. ساعتها. فيه نور
كانو عايشين علي لمبه. بجاز. وفتيل
كان الحاج. حسن معاه راديو
كل يوم باليل. يشغله.
ويتلمو بناته. حواليه
اللي تدعك له دراعه
واللي تحط رجليه في ميه وملح
ويامنه. مشغوله. بتدخل الطير العشه
وتلم البيض من تحت الفراخ
وتحلب الجاموسه
وتخش عليهم. تقول ل عيشه
قومي نامي. انتي وابوكي.
علشان تقومو الفجريه.
الحاج حسن يقول لها.
هنسمع السيره الهلاليه. في الراديو.
ونخش ننام
مرت. الايام. وعيشه. كبرت
والكل كان عشمان.
عيشه في العصر ده.
كانت مثال. للزوجه المرغوب فيها. من كل الامهات
بت بمية. راجل. وجميله حتي وهي لابسه خلقات واد
بدئت. الخطاب. تروح. ل يامنه.
لانهم عارفين ان الشوره شورتها
وان الحاج حسن راجل طيب
لكن. كانت يامنه. تقول لاء
كانت ترفض
مش هاين عليها. عيشه اللي فاتحه البيت. تفارق
كانت تملي تقول لسه صغيره
وعيشه. ماكانش في بالها. غير ابوها. واخواتها.
والارض
الحاج حسن. كان يقعد مع عيشه في الارض
ويحكيلها. علي بطولاته في الحرب
وتسرح. وتتخيل وتركز في ايديه. وهو بيشرح
بيهم
وفي الاخر. صوته العالي وهو بيشرح. يضعف
وتبان علي وشه الحسره من تجي علي لسانه سيرة النكسه
تضحك عيشه. وتحاول تنسيه الهم
ف تقول له ياعم. انت في شبابك. كنت جميل ومجند عال
طاب ايه قالك تاخد يامنه بت عبد العال
يضحك. الحاج حسن
وتعود البسمه علي وشه.
ويتابع. بحماسه. ويشرح. اذاي اتجوز يامنه
والمهر بتاعها. اللي كان. عشرين قرش
وتوبين. وحصيره.
وتلات بطات
عيشه. بتضحك. من شكل ابوها اما بيشرح.
يضحك. تفرح.
وتقوم. وتسنده. وتروح. قبل اما الشمس تغيب
بيخافو الضلمه اما تضلم
يقابلهم ديب
يوصلو عالبيت زي العاده.
تقابلهم. يامنه. بموالها.
وتخش. عيشه علي اخواتها.
وتقعد تحكيلهم. علي الاولاد. اللي شافتهم.
جوا الكتاب. وبتتعلم
ماسكين اقلام. واللوح. والحبر.
وبيقرو ويكتبو زي عيال البندر
فتحيه وفوزيه. قالولها.
كلمي لنا ابوكي ياعيشه. يودينا الكتاب
قالت. عيشه. المشكله. في امي مش هتوافق ولا ترضي
وابويا ماهيقدرش. يقنعها. ولا يخلي دماغها تلين
فضلو يتحايلو عليها.
ويقولو لها. امانه. ياعيشه
تشوفي لنا حل
عيشه. راحت. لابوها.
قالت له اخواتي يابوي نفسهم يروحو الكتاب
يتعلمو يقرو ويكتبو.
الحاج. حسن. قال لها. العلم نور ياعيشه
وكان نفسي اعلمك
انتي ذكيه. لو دخلتي العلام كنتي بقيتي حاجه كبيره
بس امك. رمتك. للطين.
قالت عيشه.
واخواتي اهم مالهمش في الارض.
قاعدين في البيت
كلمها تخليها توافق يروحو الكتاب
علي العشا.
الحاج حسن قال ل يامنه.
فتحيه. وفوزيه. هيروحو من بكره. الكتاب
بدال القعده الصبحيه.
يروحو يستفادو ويتعلمو
يامنه. كتاب ايه. يا حسن
البنات. مالهاش علام
هو احنا كنا اتعلمنا.
ولا شفنا علام
البت اخرتها الجواز.
بلا علام. هتستفاد ايه منه
الحاج حسن. وهيخسرو ايه لو اتعلمو دا العلم نور.
يامنه:- مالكش صالح انت بيهم. خليهم زي ماهما.
عيشه. خلاص ياما.
انا من بكره. هاخدهم معاي الارض
اهو يتعلمو حاجه تنفعهم
قالت. يامنه ان كان كده. ماشي
الصبح. خدتهم. وابوها. وعدو من قدام الكتاب
وقفت عيشه
ونزلت. فوزيه وفتحيه.
وكانت مشتريالهم اقلام وحبر ولوح
ودخلتهم علي شيخ الكتاب
وقالت له. كل خميس راح اجبلك. صاعين قمح
وعاوزاك تعلمهم يقرو ويكتبو.
ويحفظو قران
وقالت لهم. اول ماتخلصو مالكتاب
تعالو لي الارض
علشان نروح مع بعض
وامي ماتعرفش انكم في الكتاب
قالو حاضر
وهما ماشيين. الحاج حسن. قال ياعيشه
امك. برغم شدتها.
وقسوتها. لكن معزوره
كان ابوها يابتي. معذبها.
وكانت شقيانه
وحتي امها اللي المفروض كانت حضن حنين
كانت اشد عليها من ابوها
صعبت عليا.
وكانت. جارتنا في الارض
ابويا الله يرحمه قالي.
خدها. ياحسن. ربنا يطرح لك فيها البركه
واكيد بعد ماتاخدها من الشقا
راح. تبقي معاك. سندك في الدنيا.
وما تسيبك.
وتراعي بيتك. وحلالك.
وخدتها. بس العيشه اللي عاشتها.
طبعت جواها.
اتشكلت. من السنين اللي عاشتها في بيتهم زمان
بس والله يا عيشه
قلبها ابيض
وضميرها سليم
لا تعرف تكره ولا تكدب.
بس الطبع شويه غشيم
وهم. ماشيين. كان فيه. واحد اسمه محمد
راجل جزار.
سلم علي الحاج حسن
وبص ل عيشه. وسلم عليها.
وقال له. ماشاء الله بقت عروسه
الحاج حسن قال له.
عاوز منك رطلين لحمه يوم الجمعه
قال له عنيا. ياعم الحاج.
وسابهم. ومشي
وصلو الارض.
وبعد الضهر. فوزيه. وفتحيه.
جايين يجرو
والفرحه جواهم مخلياهم. طايرين من علي الارض
وصلو عند عيشه وابوهم
ويقولو. ويشاورو. علي اللوح
ادي الالف
ودي الباء
ودي التاء
خدناهم اليوم. وحفظناهم
وبكره. راح نحفظ حروف تاني
والشيخ قال لنا.
بعد انخلص. الحروف.
راح نعرف نكتب ونتهجي
ونصير شطار
عيشه. كانت فرحانه لفرحتهم
خدت الالواح دستهم
وقالت اوعو تغلطو وتجيبو سيره قدام امي
طلعم عالبيت
وصلو. ودخلو.
وباليل. سهرو علشان بكره الجمعه مابيروحوش الغيط
قاعد. الحاج حسن كالعاده
وبناته. حواليه.
ومشغلين الراديو
وقاعدين.
علي رجلين ابوهم. مبسوطين.
غلبهم النوم. كلهم. نعسو
قبل الشمس ماتطلع. كانت يامنه. بتصحيهم
قومو يابنات. لصلاة الصبح
وانت ياحسن. ايه جرالك.
من امتي ياراجل بتنام. وتفوتك. صلاة الفجر في الجامع
وعبد الفضيل صاحبك. لما مالقاكش في صلاة الفجر. ماجاش ليه يسال.
لا تكون تعبان.
الحاج. حسن. والله يا يامنه. جسمي. تاعبني
وحاسس بمفاصلي بتألمني
قالت يامنه.
قومي يا عيشه.
خدي الجنيه. ده وروحي السوق
هاتي لحمه. وهاتي. سمنه بلدي.
علشان ابوكي. تعبان طول الاسبوع.
ضحكت. عيشه وقالت.
الله دا خايفه. عليك
يامنه قالت لها. يلا يامقصوفة الرقبه
روحي بسرعه ماتتاخريش
راحت. عيشه
السوق.
شافت. محمد الجزار.
راجل. شهم ودايماً ضحكان
شافها. وسلم.
وقطع لها افضل حتة. لحمه قدامه
واداها. بعد الميزان قلب بحاله
وقال لها. دا ليكي ياعيشه.
ضحكت. وقالت له. انشالله تسلم ياعم محمد
ومشيت. راحت اشترت السمنه
ورجعت عالبيت.
ادت. لامها. الحاجه. وراحت تطبخ
وعيشه دخلت. علي فوزيه. وفتحيه.
وفضلت. تحكيلهم علي محمد الجزار
باليل. قاعدين. يشربو الشاي ويتدفو من البرد
سمعو صوت حد بينده
طلعت عيشه جري تشوف مين
دا محمد الجزار يابوي.
الحاج حسن:- خليه يدخل. اهلا وسهلا
دخل وقعد سلم.
صبو له الشاي
وجات يامنه. سلمت. وكشرت في وشه
وقالت له اللحمه اللي باعتها. نصها عضم
والابيض فيها كتير
ضحك محمد وقال.
دي هي اللحمه اللي ليها طعم دي
مش اللحمه الحمرا. اللي بياكلوها العيانين
قعدت يامنه تساله عن امه.
واحوالها.
وتحكي معاه.
في الاخر. قال. انا جاي قاصدكم في طلب.
واتمني ماتردونيش
الحاج حسن قال خير يامحمد ياولدي
محمد. قال.
انت عارف ياحاج حسن.
اني كنت متجوز. وطلقت. قريب
علشان. كانت. متجلعه.
ومانافعاش ولا ثابته. وجودها عندنا في الدار
وعاوزه. كل يومين تروح بيت ابوها.
يامنه:- ماهي امها. دلوعه التانيه
ماعرفتش تربي
بتقوم من الضهر
دا عيشه. كل يوم. زي ديك. الفجر تقوم عالزرع
ماترجعش غير اخر اليوم
محمد :- ماهو هو ده الطلب. اللي انا جاي علشانه
عيشه سمعت الكلام
جريت. علي الاوضه
جريو وراها فوزيه وفتحيه. وهم بيضحكو....،،
وكفايه كده
اهداء الي بطلة. الروايه
الانسانه. اللي حبها. لو اتفرق علي الخلق
بيكفيهم واحد واحد
ولو ورقي. ياغاليه. يكفي
:-لأعبيلك. نهر النيل والله بكفي.
قصه شبه حقيقيه.
بطلتها عاشت وماتت مغموره
ماحدش عرف قصتها
وجه الوقت اللي تكون فيه بطله.
وتعرفو اللي عانت منه
وتستفادو من صبرها. في حياتكم.
واسألكم. الدعاء ليها.
عيشه. بنت الحاج حسن
كانت. البنت. الكبيره والتالته. للحاج حسن
كانت تلبس جلابية. راجل.
وتطلع. مع الحاج حسن. بعد مايصلو الفجر
تركبه. علي الحماره.
وتشده. وتطلع. عالزرع
تزرع. وتقلع. واخر النهار. ترجع
مع ابوها عالبيت.
كانو اخواتها. فتحيه. وفوزيه. صغيرين.
وكانت امها. يامنه. ست. شديده
يمكن ماكانتش تضحك. ابداً
وبعد رجوعهم من الغيط.
تبدء. يامنه. في المجادله معاهم
الزرع ليه. مش اخضر
مش بتراعوه. ليه
والنبات اللي جايبينه مش هيكفي.
البهايم.
طول النهار. وجايبين دول وجايين ترمحو
تضحك. عيشه. وتقول لامها. معلش
اصلنا. علي قدنا.
والحاج. حسن. يقول لها. ارضي يا يامنه بالمقسوم
الحمد لله غيرنا مش لاقي
تدخل. عيشه علي اخواتها. فتحيه وفوزيه
وتطلع. لهم من جيبها. التين. اللي جنته. من الشجره. اللي علي اول زرعهم
كانت تديهم التين دس عن امها
لو شافتها يامنه هتطين عيشتها
لانها. بتخلي الشجره. لما تطيب
وتروح تقطفها. في القفه
وتطلع. تبيعها في السوق
ماكانش. ساعتها. فيه نور
كانو عايشين علي لمبه. بجاز. وفتيل
كان الحاج. حسن معاه راديو
كل يوم باليل. يشغله.
ويتلمو بناته. حواليه
اللي تدعك له دراعه
واللي تحط رجليه في ميه وملح
ويامنه. مشغوله. بتدخل الطير العشه
وتلم البيض من تحت الفراخ
وتحلب الجاموسه
وتخش عليهم. تقول ل عيشه
قومي نامي. انتي وابوكي.
علشان تقومو الفجريه.
الحاج حسن يقول لها.
هنسمع السيره الهلاليه. في الراديو.
ونخش ننام
مرت. الايام. وعيشه. كبرت
والكل كان عشمان.
عيشه في العصر ده.
كانت مثال. للزوجه المرغوب فيها. من كل الامهات
بت بمية. راجل. وجميله حتي وهي لابسه خلقات واد
بدئت. الخطاب. تروح. ل يامنه.
لانهم عارفين ان الشوره شورتها
وان الحاج حسن راجل طيب
لكن. كانت يامنه. تقول لاء
كانت ترفض
مش هاين عليها. عيشه اللي فاتحه البيت. تفارق
كانت تملي تقول لسه صغيره
وعيشه. ماكانش في بالها. غير ابوها. واخواتها.
والارض
الحاج حسن. كان يقعد مع عيشه في الارض
ويحكيلها. علي بطولاته في الحرب
وتسرح. وتتخيل وتركز في ايديه. وهو بيشرح
بيهم
وفي الاخر. صوته العالي وهو بيشرح. يضعف
وتبان علي وشه الحسره من تجي علي لسانه سيرة النكسه
تضحك عيشه. وتحاول تنسيه الهم
ف تقول له ياعم. انت في شبابك. كنت جميل ومجند عال
طاب ايه قالك تاخد يامنه بت عبد العال
يضحك. الحاج حسن
وتعود البسمه علي وشه.
ويتابع. بحماسه. ويشرح. اذاي اتجوز يامنه
والمهر بتاعها. اللي كان. عشرين قرش
وتوبين. وحصيره.
وتلات بطات
عيشه. بتضحك. من شكل ابوها اما بيشرح.
يضحك. تفرح.
وتقوم. وتسنده. وتروح. قبل اما الشمس تغيب
بيخافو الضلمه اما تضلم
يقابلهم ديب
يوصلو عالبيت زي العاده.
تقابلهم. يامنه. بموالها.
وتخش. عيشه علي اخواتها.
وتقعد تحكيلهم. علي الاولاد. اللي شافتهم.
جوا الكتاب. وبتتعلم
ماسكين اقلام. واللوح. والحبر.
وبيقرو ويكتبو زي عيال البندر
فتحيه وفوزيه. قالولها.
كلمي لنا ابوكي ياعيشه. يودينا الكتاب
قالت. عيشه. المشكله. في امي مش هتوافق ولا ترضي
وابويا ماهيقدرش. يقنعها. ولا يخلي دماغها تلين
فضلو يتحايلو عليها.
ويقولو لها. امانه. ياعيشه
تشوفي لنا حل
عيشه. راحت. لابوها.
قالت له اخواتي يابوي نفسهم يروحو الكتاب
يتعلمو يقرو ويكتبو.
الحاج. حسن. قال لها. العلم نور ياعيشه
وكان نفسي اعلمك
انتي ذكيه. لو دخلتي العلام كنتي بقيتي حاجه كبيره
بس امك. رمتك. للطين.
قالت عيشه.
واخواتي اهم مالهمش في الارض.
قاعدين في البيت
كلمها تخليها توافق يروحو الكتاب
علي العشا.
الحاج حسن قال ل يامنه.
فتحيه. وفوزيه. هيروحو من بكره. الكتاب
بدال القعده الصبحيه.
يروحو يستفادو ويتعلمو
يامنه. كتاب ايه. يا حسن
البنات. مالهاش علام
هو احنا كنا اتعلمنا.
ولا شفنا علام
البت اخرتها الجواز.
بلا علام. هتستفاد ايه منه
الحاج حسن. وهيخسرو ايه لو اتعلمو دا العلم نور.
يامنه:- مالكش صالح انت بيهم. خليهم زي ماهما.
عيشه. خلاص ياما.
انا من بكره. هاخدهم معاي الارض
اهو يتعلمو حاجه تنفعهم
قالت. يامنه ان كان كده. ماشي
الصبح. خدتهم. وابوها. وعدو من قدام الكتاب
وقفت عيشه
ونزلت. فوزيه وفتحيه.
وكانت مشتريالهم اقلام وحبر ولوح
ودخلتهم علي شيخ الكتاب
وقالت له. كل خميس راح اجبلك. صاعين قمح
وعاوزاك تعلمهم يقرو ويكتبو.
ويحفظو قران
وقالت لهم. اول ماتخلصو مالكتاب
تعالو لي الارض
علشان نروح مع بعض
وامي ماتعرفش انكم في الكتاب
قالو حاضر
وهما ماشيين. الحاج حسن. قال ياعيشه
امك. برغم شدتها.
وقسوتها. لكن معزوره
كان ابوها يابتي. معذبها.
وكانت شقيانه
وحتي امها اللي المفروض كانت حضن حنين
كانت اشد عليها من ابوها
صعبت عليا.
وكانت. جارتنا في الارض
ابويا الله يرحمه قالي.
خدها. ياحسن. ربنا يطرح لك فيها البركه
واكيد بعد ماتاخدها من الشقا
راح. تبقي معاك. سندك في الدنيا.
وما تسيبك.
وتراعي بيتك. وحلالك.
وخدتها. بس العيشه اللي عاشتها.
طبعت جواها.
اتشكلت. من السنين اللي عاشتها في بيتهم زمان
بس والله يا عيشه
قلبها ابيض
وضميرها سليم
لا تعرف تكره ولا تكدب.
بس الطبع شويه غشيم
وهم. ماشيين. كان فيه. واحد اسمه محمد
راجل جزار.
سلم علي الحاج حسن
وبص ل عيشه. وسلم عليها.
وقال له. ماشاء الله بقت عروسه
الحاج حسن قال له.
عاوز منك رطلين لحمه يوم الجمعه
قال له عنيا. ياعم الحاج.
وسابهم. ومشي
وصلو الارض.
وبعد الضهر. فوزيه. وفتحيه.
جايين يجرو
والفرحه جواهم مخلياهم. طايرين من علي الارض
وصلو عند عيشه وابوهم
ويقولو. ويشاورو. علي اللوح
ادي الالف
ودي الباء
ودي التاء
خدناهم اليوم. وحفظناهم
وبكره. راح نحفظ حروف تاني
والشيخ قال لنا.
بعد انخلص. الحروف.
راح نعرف نكتب ونتهجي
ونصير شطار
عيشه. كانت فرحانه لفرحتهم
خدت الالواح دستهم
وقالت اوعو تغلطو وتجيبو سيره قدام امي
طلعم عالبيت
وصلو. ودخلو.
وباليل. سهرو علشان بكره الجمعه مابيروحوش الغيط
قاعد. الحاج حسن كالعاده
وبناته. حواليه.
ومشغلين الراديو
وقاعدين.
علي رجلين ابوهم. مبسوطين.
غلبهم النوم. كلهم. نعسو
قبل الشمس ماتطلع. كانت يامنه. بتصحيهم
قومو يابنات. لصلاة الصبح
وانت ياحسن. ايه جرالك.
من امتي ياراجل بتنام. وتفوتك. صلاة الفجر في الجامع
وعبد الفضيل صاحبك. لما مالقاكش في صلاة الفجر. ماجاش ليه يسال.
لا تكون تعبان.
الحاج. حسن. والله يا يامنه. جسمي. تاعبني
وحاسس بمفاصلي بتألمني
قالت يامنه.
قومي يا عيشه.
خدي الجنيه. ده وروحي السوق
هاتي لحمه. وهاتي. سمنه بلدي.
علشان ابوكي. تعبان طول الاسبوع.
ضحكت. عيشه وقالت.
الله دا خايفه. عليك
يامنه قالت لها. يلا يامقصوفة الرقبه
روحي بسرعه ماتتاخريش
راحت. عيشه
السوق.
شافت. محمد الجزار.
راجل. شهم ودايماً ضحكان
شافها. وسلم.
وقطع لها افضل حتة. لحمه قدامه
واداها. بعد الميزان قلب بحاله
وقال لها. دا ليكي ياعيشه.
ضحكت. وقالت له. انشالله تسلم ياعم محمد
ومشيت. راحت اشترت السمنه
ورجعت عالبيت.
ادت. لامها. الحاجه. وراحت تطبخ
وعيشه دخلت. علي فوزيه. وفتحيه.
وفضلت. تحكيلهم علي محمد الجزار
باليل. قاعدين. يشربو الشاي ويتدفو من البرد
سمعو صوت حد بينده
طلعت عيشه جري تشوف مين
دا محمد الجزار يابوي.
الحاج حسن:- خليه يدخل. اهلا وسهلا
دخل وقعد سلم.
صبو له الشاي
وجات يامنه. سلمت. وكشرت في وشه
وقالت له اللحمه اللي باعتها. نصها عضم
والابيض فيها كتير
ضحك محمد وقال.
دي هي اللحمه اللي ليها طعم دي
مش اللحمه الحمرا. اللي بياكلوها العيانين
قعدت يامنه تساله عن امه.
واحوالها.
وتحكي معاه.
في الاخر. قال. انا جاي قاصدكم في طلب.
واتمني ماتردونيش
الحاج حسن قال خير يامحمد ياولدي
محمد. قال.
انت عارف ياحاج حسن.
اني كنت متجوز. وطلقت. قريب
علشان. كانت. متجلعه.
ومانافعاش ولا ثابته. وجودها عندنا في الدار
وعاوزه. كل يومين تروح بيت ابوها.
يامنه:- ماهي امها. دلوعه التانيه
ماعرفتش تربي
بتقوم من الضهر
دا عيشه. كل يوم. زي ديك. الفجر تقوم عالزرع
ماترجعش غير اخر اليوم
محمد :- ماهو هو ده الطلب. اللي انا جاي علشانه
عيشه سمعت الكلام
جريت. علي الاوضه
جريو وراها فوزيه وفتحيه. وهم بيضحكو....،،
وكفايه كده
