رواية حكاية زينة كامله وحصريه بقلم سلمي تامر
«حكاية زينة»
المقدمة
:عماد انا عايزه اكلمك ف موضوع مهم
شارك
حكاية زينه
بصلها عماد بإهتمام وكملت
:زينه كبرت وبقيت تقدر تعتمد على نفسها وانا شايفه ان خلاص مفيش داعي تقعد ف بيتنا من بعد النهارده ولو جرالنا حاجه تورث مع عيالنا
بصلها عماد بعصبيه
:انتي من ساعة مخلفتي وانتي بتكرهيها ومعاملتك معاها متغيرة جرى اي يشوقيه هي قاعده فوق دماغك
:مش عايزاها فبيتي انا حره
:جايه تقولي الكلام ده بعد عشرين سنه ياشوقيه
شوقيه بحده:مهو بصراحه يعني البنت دي مستحيل تورث زيها زي عيالي..انا لما اتبنيتها كنت علشان مبخلفش..لكن خلفت بعديها بسنه على طول وفضلت اربيها..لكن توصل انها تورث كمان يبقى لأ لأ ياعماد لأ
عماد بزهول وتعجب:انتي بتتكلمي عن زينه؟؟زينه؟دي أول فرحتي
شوقيه بعصبيه:متغووور فستين داهية قولت مش عايزاها يعني مش عايزاها ..انا حرة فبيتي وبعدين انت اللي صممت اننا نتبناها
عماد بغضب:لأ ياشوقيه ده مش بيتك..ده بيتي انا وأقعد فيه اللي انا عايزه وزينه دي بنتي ومكتوبه على اسمي
شوقيه بغضب:مش بنتي،مش بنتنا يا عماد وقسما بالله يانا ياهي فالبيت ده
شارك
حكاية زينه
:انتي طبعا ياماما ومفيش داعي لكل الكلام اللي بتقوليه لبابا ده
عماد بصدمه:زينه!
زينه وهي بتمسح دموعها:انا همشي يابابا وهريحكم مني ،
وكملت بحزن وهي بتبص لشوقيه
بجد مش قادره اتخيل ان الست اللي ربيتني تكون بتكرهني بالشكل ده ،الواحد لو ربى قطه او كلب وحصلهم حاجه بيتقهر عليهم ومش بقدر يفرط فيهم ،ما بالك بقا ب بني آدمه سلام يا
وضحكت بسخريه وكملت
ياماما
عماد بحزن:استني يابنتي رايحه فين
شوقيه مسكت ايده بحده وبرقتله وعماد شد ايده منها بغضب
:خلاص عملتي اللي انتي عايزاه يا هانم اتمنى تكوني ارتاحتي
شوقيه بغضب
:يخويا والنبي متعملش فيها الاب الحنين اوي بلا خيبه ده انت بتربيها شفقه من بعد مخلفنا
قسما بالله لو رجعتها لهاخد العيال وابعد عنك ومش هتشوف وشي تاني
عماد نفخ بضيق وجرى ورا زينه يلحقها لكن لقاها اختفت ومعرفش يوصلها وهنا اتأكد ان كده زينه خلاص ضاعت منه وطلع بيته بحزن وغضب انه ملحقهاش
**
زينه طلعت من البيت ومشيت
هي كانت عارفه انها مش بنتهم وان شوقيه مش بتحبها وعماد بيربيها شفقة مش اكتر وكل اهتمامه لعياله ،بس متوقعتش انهم هيمشوها بالطريقه دي
شارك
حكاية زينه
مكنتش عارفه تروح فين بس بعد مده وصلت لحارة شعبية وطلعت لبيت بسيط وخبطت على الباب
فتحتلها بنت في سنها تقريبا: زينه !
مالك يا بت بتعيطي كده ليه ادخلي
زينه دخلت وجرت على ست قاعده عالكنبه
زينه ببكاء:ماما طرديتني ومش عايزاني ياطنط ميرفت
ميرفت بحنان وهي بتحضنها:مانتي عارفه يابنتي انها مش بتحبك،وقولتلك اكتر من مرة سبيهم وتعالي عيشي معانا انا بعتبرك زي رشا بنتي
زينه ببكاء:انا صعبان عليا نفسي اوي ياطنط ميرفت لي الدنيا بتعمل فيا كده؟
ميرفت:ولا يهمك ياحبيبتي انتي بنتي التانيه يازينه واعتبريني امك وبكره تتجوزي وتخلفي وتنسي كل اللي حصل وتعملي عيلة ومتحتاجيش لحد يا روح قلبي
**
عند شوقيه
شوقيه وهي بتتكلم فالفون:بقولك اي يارجب..انا عملت كل اللي قولتلي عليه وزينه طردتها واكيد راحت عند الزفته ميرفت اختي كده خالصين وهاتلي باقي فلوسي
**
بعد يومين
شارك
حكاية زينه
رجب راح بيت ميرفت وخبط عليهم
رشا فتحتله واتضايقت لما شافته لأنها مش بتحبه نهائي واتكلمت بضيق
:خير يا رجب فيه حاجه؟
رجب ببسمه خبيثه:امك فين يارشا
رشا ببرود:جوه , افندم
ميرفت طلعتلهم:عايز اي يارجب؟
رجب:طب دخليني الاول ياخالتي طب
رجب دخل وقعد مع شوقيه ورشا
وزينه حبست نفسها فالأوضه بخوف لما سمعت اسمه لإنها بتخاف منه جدا
رجب بمكر:انا عرفت اللي خالتي عملته مع زينه ومعجبنيش,علشان كده انا جيت اتقدملها للجواز
زينه لما سمعت كده حطت ايديها على بقها بصدمه ورعب وهزت دماغها بنفي:لأ، لأ مستحيل ده لو آخر واحد ف الدنيا
ميرفت بهدوء ومراوغه: طب اديني فرصه افكر يابني وهرد عليك واللي فيه الخير يقدمه ربنا
**
بعد فترة رجب مشى وزينة طلعت من أوضتها وهي مرعوبة من رجب وفكرة انها تتجوزه
شارك
زينة لميرفت:انا مستحيل اتجوزه ياطنط البني آدم ده
حكاية زينه
ميرفت بتفكير:اسمعي يازينه رجب ده بني آدم مريض ومجرم ومش هيسيبك ف حالك ،انا ابني عنده شقة فاضيه،روحيها واقعدي فيها يابنتي واهربي من رجب وشره بدل ما يأذيكي
زينه بتفكير:بس ازاي يطنط مهو اكيد هيلاقيني
ميرفت بصتلها بتقييم:انتي لازم تتنكري يازينه..لازم تبقي ولد وتغيري شكلك ده خالص وتعيشي بعيد عنه
زينه بصدمه:ازاي؟
**
بعد فتره زينه بصت لنفسها بصدمه..هدومها...لون بشرتها...شعرها..كل حاجه فيها بقيت ولادي
زينه بعدم تصديق:انا شكلي اتغير خالص بجد ده رجب لو شافني مش هيعرفني
ميرفت بأسف:معلش ياحبيبتي احنا مضطرين نعمل كده،رجب مش هيرحمك،كمان علشان الناس لو شافوا بنت قاعدة لوحدها ف شقه مش هيرحموها وكلاب السكك كتير، لكن كده انتي ف آمان اكتر وهبقى مطمنه عليكي
***
ميرفت عطيت لزينه عنوان الشقه وهي راحتها
ووصلت لداخلة العمارة ولقت تلت شباب واقفين وبيتكلموا مع البواب وشكلهم صغير ف السن
:ياعم ابراهيم الشقه فالدور الكام
ابراهيم:انتوا شباب الجامعه اللي سي مسعد قال عليكم؟
ابراهيم :فالدور الخامس
:تسلم ياراجل يا طيب
:ايوه
زينه قربت عالبواب وطلعت بس البواب وقفها:انت مين يابيه
التلت شباب بصه لزينه بإستغراب من هيئتها
زينه بتوتر حاولت تتداريه وطخنت صوتها وقالت بثقه مصطنعه:انا..انا زين
استوووووب
وكده حكايه زينه هتبدي مع التلت شباب
تلت شباب بصه لزينه بإستغراب من شكلها..مقدروش يعرفوا هي بنت ولا ولد
شارك
حكاية زينه
زينه اتكلمت بصوت طخين:أنا زين
ابراهيم بترحيب:ااه اهلا ياسي زين مدام ميرفت اتصلت بيا وقالتلي انك جاي ،شقتك فالدور الخامس في وش شقه الشباب
زينه بصتلهم بقلق وهزت دماغها وطلعت والشباب طلعوا وراها
ركبوا الاسانسير و اتصدمت انه ضيق اوي واتوترت
:واد يا أدهم فيه ريحه برفان حريمي انت حضنت سوسو تاني ياض؟!
ادهم وهو بيشم:تصدق فعلا ،والله ابدا ده انا توبت
:يبقى انت ياكنان
كنان بضيق:مش نقصاك ياعم انس اخرس شويه تلاقي كانت واحده ست ركبت وطلعت ودي ريحتها مش حوار يعني
زينه كانت واقفه مزنوقة بسبب ضيق المكان وبتحاول تبعد عنهم
انس بصلها:مالك ياغالي واقف كده لي
زينه بصوت طخين:احم عادي ياكابتن الجو حر وانا بتخنق من الاماكن الضيقه
واحد فيهم التلاته بصلها بمكر وخبث ودور وشه وحاول يكتم ضحكته
شارك
حكاية زينه
طلعوا من الاسانسير زينه دخلت شقتها بسرعه مبالغ فيها وهما استغربوها ودخلوا شقتهم
**"
في شقه الشباب
كنان بإستغراب:هو ماله الواد ده؟
انس:قصدك على زين؟شكله خجول ومش اجتماعي خالص كده
أدهم :فعلا،تحس انه مريض نفسي تصرفاته مش طبيعيه،المهم خالد ومؤمن فين
انس:قالوا انهم جايين،كل مفتكر ان خالد جاي بطني بتوجعني
أدهم بضحك:دمه استغفر الله العظيم مش عارف طالع لمين،رغم انك ياكنان عاقل وراسي ده اخوك ازاي
كنان بقرف:وحياة امك متجبليش سيرته ده حاجه استغفر الله ابويا بيطرده من البيت عشر مرات فاليوم من رخامته
انس بضحك:فاكر ايام الثانوية لما قال نكته من بتوعه فالميكروباص اللي كنا راكبينه والسواق وقف العربية وحلف انه مش هيسوق طول مخالد راكب معاه
أضف تعليقاً
كنان بتذكر:ده كان حتة يوم وبسببه اتأخرنا عالدرس والمستر بيسأله اتأخرت ليه قاله امي كانت بتولد رغم انها ميته من عشر سنين والمستر عارف
ادهم بضحك:ذكائه بيبهرني،المهم يلا ناكل بقا علشان همووووت من الجوع
شارك
حكاية زينه
الشباب حضروا الأكل وانس افتكر حاجه:بقولكم اي يشباب متيجوا ننادي لزين ياكل معانا..ده لسه جاي النهاردة واكيد مش عامل حسابه
ادهم بموافقه:اشطا روح ناديه
كنان:لأ استنى هناديه أنا
**
عند زينه كانت قالعه لبسها ولابسه حجات خفيفه وبتنضف الشقه..سمعت خبط عالباب اتوترت وخافت
زينه بصوت طخين:م مين
كنان:انا كنان جارك يازين تعالى اتغدى معانا
زينه:لأ شكرا يا أستاذ كنان مفيش داعي انا عملت غدا
كنان بإستغراب:متيجي يابني فيه اي؟!
زينه خافت ليشكه فحاجه :طب اديني خمس دقايق وهجيلك
كنان بخبث:انت معاك حريم جوا يا شقي ولا اي
زينه بهمس:حريم اي الله يخربيتك ياعم روح وانا جاي وراك بقا
كنان مشى من عند زينه ودخل بيتهم
أضف تعليقاً**
بعد شويه زينه راحتلهم وهما فتحولها
شارك
حكاية زينه
ادهم بترحيب:اهلا اهلا اهلا اهلا بأعز الحبايب اهلا
انس:ادخل ياض البيت بيتك
زينه دخلت وقعدت بخجل
كنان:اعرفك على نفسي ياسيدي..انا كنان نور من الاسماعليه ٢٠سنه كليه هندسه
ادهم :وانا ادهم المنياوي من الاسكندرية ٢١سنه كليه هندسه برضه
انس:وانا انس الجنزوري ٢٠سنه وفكلية طب
زينه: وانا زين عماد ٢٠سنه
ادهم بإبتسامه:تشرفنا ياسي زين..تعالى بقا نتغدى
قعدوا مع بعض كلهم واكلوا وزينه اتعرفت عليهم ولقت انهم شخصيات جميله اوي ونضيفه
بعد شويه زينه قررت انها تروح شقتها :طب استأذن انا بقا ياشباب
كنان برفض:استنى ياعم رايح فين اسهر معانا
ادهم:متخليك ياض مالك مكسوف كده ليه
انس بضحك:دي البت سوسو فيها رجوله عنك ياعم متقعد ده احنا كنا بنكرشها علشان تمشي
زينه بإستغراب:هي مين سو سو دي اخت حد فيكم؟!
شارك
حكاية زينه
الشباب بصوا لبعض وانفجروا فالضحك
ادهم بضحك:دي مدرسه الالعاب بتاعتنا
كنان بضحك:اختنا قال
انس بغمزة:هجبهالك بكره وتبقى تتعرف عليها ياشقي
وفضلوا يضغطوا على زينه لحد ماقعدت
ادهم بزهق:اووف كل مفتكر ان الجامعه هتبدأ بحس بخنقه
انس:وربنا وانا...بس يارب خالد يعديها على خير علشان دي تالت شقه نروحها ولو كرشونا منها هنتسوح ده احنا لقيناها بالعافيه
زينه:هو مين خالد ده؟!
انس:ده مرات كنان
زينه بتصديق:هو انت متجوز راجل؟طب ازاي
وكملت بصدمه وهمس لنفسها:هما منهم ولا ايه
كنان وأدهم وانس بصوا لبعض وانفجروا من الضحك تاني
ادهم بضحك:يخربيتك يازين انت خام اوي ياض..لا ياعم ده اخوه
انس بمرح:احلى حاجه انك خام...ده انا هفسدك
كنان برفض:لا ياعم احنا هندردحه شويه بس هنسيبه محترم..كفاية مؤمن واللي عملناه فيه
شارك
حكاية زينه
زينه:مين مؤمن ده كمان؟!
ادهم:ده ام نواف للتعارف الجاد بتاعنا ده
الباب خبط وانس راح فتح
:يمساء العناب عالناس الاحباب..اي يابيبي امك هنا ولا مشيت وهتيجي تطب علينا زي كل مره هيهيهيي
انس بإستحقار:يابني ارحمني ارحمنااااي فقعت مرارتي يخربيتك رخم ادخل انت والبيه اللي جنبك
خالد:اي ياعم مبراحه علينا شوية ..وشاف زينه:اوباااااااااا مزز سمرا ياحلاوة
مؤمن بحده:انت اتجنيت ياض ده شاب
خالد بصلها وبعدين بص لمؤمن:طب طلاق تلاته منك دي بنت
مؤمن:اقسم بالله شاب
خالد:وربنا دي بت
مؤمن:شاب
خالد:بت
أدهم بصراخ:بس يا بابا انت وهو اي يا جحش انت وهو ده شاب مش ناقصه ظرافتكم عالمسا
زينه بصتله بخوف ليكشف امرها واتوترت
كنان شد خالد وبعده عن زينه
:اهدى ياعم بقى علشان زين ميزعلش
وقعد هو جنبها
خالد بص لزينه وابتسم بمكر:أقولك نكته
زينه بصتله وهزت دماغها
خالد بإبتسامه مرحه:مرة واحد عقله وقف نزل يزقه هعهع...اااااه
الشباب كلها اتلموا عليه وفضلوا يضربوا فيه
وبعد شويه قعد عالكرسي وهو حاطط تلج على عنيه:منك لله يا أدهم يابن الك** ..وانت ياحيوان ياللي اسمك مؤمن بتعض
مؤمن بشماته:تستاهل علشان تافه
خالد بسخريه:اسم الله عليك ياللي مش اتفه مني وهتنافس مجدي يعقوب ف المستقبل، ياض ده انت مثلك الاعلى بهجت صابر
بعد فتره كنان جاله تليفون وقام وبعد كده رجعلهم تاني واتكلم بتساؤل
:بقولكم اي ياشباب..عمي كلمني وقالي انه هيفتح كافيه جديد بكره وعايز شباب يشتغلوا معاه..وبما اننا كلنا بعدنا عن أهالينا وقررنا نعتمد على نفسنا ونكون بعيد عنهم وعن شغلهم اي رأيكم نشتغل معاه ؟
ادهم بموافقه:انا معاك
انس:انا راشق
مؤمن:خلصانه يابرنس
خالد:انا روحت اصلا خلاص
زينه بصتلهم وفكرت فحاجه واتكلمت: وانا كمان عايز اشتغل معاكم فالكافيه
واحد من الشباب بصلها بقلق من قرارها
