رواية علي الهامش الفصل الثامن 8 بقلم جمانه السعيدي
اسامه....امي من سمعتني احجي هيج بعصبيه
ضاجت لحكتني للباب
امي...لا تزعل مني ولله اني احبك واموت عليك
انت اول فرحه بعمري
اني مااحسك ابني احسك اخوي ابوي مسؤل عني
من انت زغير وانت حاس بلمسؤليه بدون مااعلمك لو احجي وياك مرات اكول اني شلون ام اسامه
اسامه اعقل وافهم مني
اني بس احسك كد المسؤليه وتكدر اطلعنا من كل الازمات
وعندك صبر وقوة تحمل الاي ضرف
اني مااريدك تعوف اخوك هذا احسان اذا عفنا
راح يضيع يضيع وبعد مانكدر نساعده
اسامه....احسان ماخذ كل تفكيرج وناسيتني ميخالف
اني كد المسؤليه واكدر اتحمل بس إلى متى
تعرفين اصدقائي يعيروني لان وصلت الهذا العمر وبعدني مامزوج يكولون اكيد انت بيك شي
ماكو شاب بهذا العمر ومامزوج جماعتي يشكون برجولتي
ساعديني حتى ارتبط اكون اسره العمر يركض واني واكف بمكاني
امي...لاتزعل مني اني اعرف مقصره بحقك ومحملتك فوك طاقتك
بس انت الي بعمرك ماكلت لا ولا رديتلي طلب
الله يحفظك اليه حبيبي
بيومها اني جنت مسوك للبيت ومرجع بجيبي ٣٧ وربع
اني متحذر من احسان وزوجته
مااخلي فلوس بجيبي هواي
واذا غيرت ملابسي ولبست تراك او كلبيه أحول الفلوس بجيبي
دخلت اسبح بلحمام الفوك طلعت شغت عبير طلعت من غرفتي
صحت عليه شعندج بغرفتي
عبير...ماكو جنت ارتبها
دخلت للغرفه جنت حاس اكو شي
دورت فلوسي مالكيتهن
لان ماانطيت امي فلوس علمود تنطيها قررت تبوك فلوسي
طلعت من الفرفه دكيت باب غرفتها
طبعا احسان نايم
عبير....اجيت فتحت الباب
اسامه...فلوسي طلعيها لو اشمرج من السطح
عبير...اي فلوس شنو اني حراميه
اسامه...اي انتي وامج حراميه
ردت عليه بصوت . عالي رج البيت رج
انت ما تستحي عيب عليك شنو هذا الحجي
اسامه.قربت ولزمتها من شعرها خلت اضافرها بايدي
وضغطت حيل حتى اعوفها
جمانه السعيدي
على صوت عياطها احسان فتح عيونه
اسامه....طلعي الفلوس احسن مااخرب وجهج
عبير...عوف شعري انت مخبل عوفني اي فلوس
اني ماخذه منك شي انت شنو تريد تبوكني كوه
عيب عليك
اسامه...ما تخوفيني بصوتج العالي طلعي فلوسي
لو اموتج خلص اني مو احسان تصيحين علي ويسكت
صعدت امي لكتني احجي و اغلط عليها وهيه تريد تخلص شعرها مني
طفر احسان عوفها ليش هيج لازمها شبيك تخبلت
اسامه...اطلع فلوسي واعوفها
امي...يمه ياا فلوس عوف البنيه حامل ليش هيج لازمها
اسامه.. مااعوفها اريد فلوسي
عبير...اذا مااشتكي عليك واخليك تخيس بلسجن
مااسمي عبير
عفتها وكمت ادور بلغرفه اكلب بلغراض بعصبيه
اني ما تهمني الفلوس
بس مااريدها تقرب عليه ولا تاخذ مني فلوس
كلبت الفراش فتحت الكنتور
امي.. يمه عيب اطلع من غرفتهم
احسان...صدك انت ما تستحي اطلع من الغرفه
اسامه...بقيت ادور بلغرفه وما مهتم الكلامهم
عبير...اطلع برا ترا اشتكي عليك
اسامه..اخر شي سحبت الجلد فوك الميز جان يوكعن
خالتهم جود الجلد وفوكهن نفاظة جكاير جبيره حتى ما يبينن
فلوسي اعرفهن فتحتهم لكيتهن فلوسي
اسامه...من اكول باكتني بعني باكتني اني مو غشيم
ماكدرت تخلي امي تاخذ مني فلوس قررت تبوكني
عبير...شنو بكتك صدك ما تستحي ذني الفلوس انطلنياهن
احسان
احسان...اي اي اني انطيتهن الها
اسامه...شكد انطيتها
احسان.. هااا مااذكر
اسامه.. تعرف ليش ماتذكر لان ثنيبنكم حراميه
هسه تكدرين تشتكين عليه بعد ما طلعت فلوسي منكم
ديرو بالكم واحد منكم يقرب عليه
اخذت فلوسي دخلت غرفتي بدلت وطلعت
عبير صوتها يلعلع تغلط عليه وتفشر اكو مثل يكول فوك شينه كواة عينه
هذا المثل ينطبق عليها حراميه وصوتها عالي
احسان....خيلي يولي شايف نفسه كاتلته الغير لان مامزوج
يغار من عدنا لان ازوجنا وراح يصير عدنا اطفال
جمانه السعيدي
اسامه...وصلت للشغل كلش عصبي وضايج
اذا واحد بيته ما ياامن منيين الكاها من احسان
لو عبير لو امي الي تاخذ وتنطيهم بدون احساب
اسامه...من بعد زواج احسان المسواك زاد والمواد الغذائيه
حدث ولا حرج بحيث مجاي اللحك
اسامه...يمه شنو القصه ترا احنا زدنا نفر واحد ليش
هلكد نصرف
امي...ولله يايمه على ايدي الطبخ وحتى زوجت احسان ماتقرب للمطبخ
مااعرف ليش
اسامه...يمه ترا اني كاعد اتسوك مواد ومسواك
بكد قبل اتلث مرات واكثر ماكو هيج حجي
شويه اقتصدي ترا اني تعبان بهاي الفلوس مو لاكيها بلشارع
امي.. اني اطبخ على كدنا ومااكثر ولا اشمر طبخ بلشارع
اسامه...شويه اقتصدي رحمه الاهلج
امي. صار
اسامه...ماخليت بعقلي هاي السالفه كلت ايجوز
امي كامت ازود بلطبخ علمود عبير ولو الصرف هواي صار
الحد مايوم كان عدنا اجتماع الاباء للطلاب
بيومها طلعنا من وكت بس خلص الاجتماع
اني هم تعبان كيفت اروح اتغده وانام ساعتين قبل لا اطلع للشغل
بس دخلت بشارعنا وقربت من بيتنا شفت بنيه شابه واكفه بابنا
طلعت عبير ونطتها علاكه
من شفت عبير انطتها ركزت على البنيه هاي اخت عبير شفتها بعرسها
العلاكه جانت شفافه مبين داخل العلاكه
بطلين زيت وشكر بجيس ابيض وبطل زاهي وبعد علاكه ثانيه
بيها دجاجه وبعد شغلات ماركزت عليهن
من كد الصدمه ماكدرت احجي ولا اسوي اي شي
صدك عود تاخذ المسواك والمواد تنطيهن الاهلها
وصل بيها البوك والجساره للمسواك والمواد لا هاي خطره مومال واحد يخليها بيته
البنيه واكفه بلشارع مادخلت عبيرانطتها العلاكه
ودخلت للبيت
اسامه.....البنيه بس شافتني دنكت اكيد عرفتني دنكت وخلت العلاكه ورا ضهرها ومشت بسرعه من وصلت يمي درت وجها للجهه الثانيه
تعرف نفسها حراميه هيه واختها توني فهمت
المواد والمسواك وين يرحن وتعال اسامه اشتري
اني طلعت مبيوك الضهر الأحمر واني ماادري
دخلت للبيت عبير تغير لونها لان اني دخلت بعد ما طلعت اختها بشويه
اسامه...وين امي
عبير...بالحمام
اسامه...وانتي استغليت الفرصه وعبيتي العلاليك الاختج
عبير...شنو هلحجي قابل اختي محتاجتلكم
اسامه...شفتها بعيني ومااجذب عيني واني اكول ليش المصرف زاد ليش المواد تخلص بسرعه
طلعتي ادزيهن الاهلج
عبير...انت صدك ما تستحي اختي لا جايه ولا شفتها
واحنا ما محتاجيكم بشي لا يعوزنا الكم
جمانه السعيدي
طلعت امي من الحمام
امي.. ها يمه ليش أصيح
اسامه...من اسئلج اكلج وين المواد الغذائيه وين المسواك يروح تكولين مااعرف
تفضلي اختها اجت حملتها علاليك
مواد ومسواك اخذتهن وراحت البنيه واكفه بلشارع
مادخلت للبيت خاف تشوفيها
وتعال اسامه جيب
امي.. يايمه عيب تكول هيج ميخالف ايجوز ماعدهم
اسامه...واني شنو ذنبي هما ماعدهم اني شكووو
امي...ميخالف اعتبر احنا اليوم عازميهم عدنا
اسامه...هاي السالفه مو مال يوم هاي من اول العرس
واني اكول ليش مصرفنا زاد واحنا مازدنا غير نفر واحد
وامي الي تطبخ
طلعت الحراميه اتصدر الاهلها مواد ومسواك
براسي
عبير....انت شكد مسموم شكد حاقد شكد بخيل
احنا ما محتاجينكم
شنو اخذت مواد شنو مسواك
اني اعرفك زين اتريد اطلعني من هذا البيت بمصيبه
حتى احسان يكرهني ويطلكني
انت ضايج لان هو ازغر منك وزوج قبلك
تريده يطردني حتى يرجع عزابي مثلك
بس اني واحسان واحد يحب الثاني ومراح يعوفني
ولا تحاول اطلع عليه حجي
بيك خير روح ازوج واستقر
اسامه...سمعتي يمه سمعتي زين اخذتي فلوسي زوجتي بيها احسان
وهسه هاي الحراميه تعيرني
كله بسبج مااسامحج لا دنيا ولا اخره
امي...كول يالله البنيه حامل ومريضه وانت تحجي عليها
ايجوز اهلها اليوم ماعدهم مسواك اعتبرها بميزان حسناتك
اسامه...الحسنات الي تجيني من ورا عبير واحسان مااريدها
ووين الحصه انطيني اقفل عليها واني منا وغاد اشرف على الطبخ
المسواك يكون يومي طبخ على كد يوم واحد
ماكو بعد مسواك زايد اني رجال اريد ازوج
ليش اهلك نفسي ويا ناس مثلكم
اذا اهلها ماعدهم زوجها يتسوك الهم مو اني
اليوم اجيب ميز واقفله على المواد الغذائيه بعد منا وهيج كلشي بحساب
حياتي وياكم صارت مثل حياة الذيب اينام فاتح عين ومغمض عين
بقت عبير ادردم عليه لان كشفتها كدام امي
بليل من رجعت لكيت احسان منتظرني الضاهر زوجته
مزوده ملح وبهارات على المشكله
احسان.. انت ليش تغلط على عبير وشلون تكول عنها حراميه
اسامه...وهيه مو حراميه باكت فلوسي وطلعتهن
وصار فتره اتسوك وما ملحك
طلعت ادز المسواك والمواد الاهلها محد حجالي شفت هذا الشي بعيني
احسان.. احترم نفسك لا اعلمك الاحترام عبير خط أحمر ممنوع تقرب عليها
ترا ولله البسك قضيه واخليك تخيس بلسجن
اسامه...هههه اي ولله كلشي اتوقع منك
واحد سكير ساقط وزوجته حراميه قابل شمنتظر منكم
انت بس جرب وشوف شلون اشمرك بلشارع انت وياها
كاعد بيتي واصرف عليك انت وياها
هسه جاي تهددني تعرف شنو اكبر غلط غلطته
من جبتكم تعيشون وياي بهذا البيت
جان عفتكم هنا واني اجيت ازوجت هنا وعشت حياتي
بس كل هذا الي جاي يصير وياي بسبب امي
جمانه السعيدي
احسان...باع ما تخاوفني بكلامك اذا اشتكت عبير منك
ماتلوم اله نفسك
اسامه...ماتاكل خره انت وياها ماكو غيركم يهددني
اسامه...فعلا انهاريت صدك جذب شنو ذوله من بشر كلشي ما يغزر وياهم
تمددت بغرفتي فوك وقفلت الباب
صعدو ثنيبنهم يحجون ويغلطون عليه بصوت عالي
بس اني مارديت عليهم
كلشي مايكدرون يسسون لان اني الي معيشهم ومافيها بهذا بلبيت
اي حركة غدر منهم اطردهم بلشارع
كافي سكتت وتحملت هواي
طاقتي خلصت بعد ماعندي صبر اكثر
شغلو التلفزيون بااعلى صوت خليت مخده على راسي
حتى لا اسمعهم
سمعت اجتني رساله على الواتس
فحت التليفون واني مخده فوك راسي ومخده جوه راسي
....السلام عليكم شلونك استاذ
نزلت المخده وكعدت
اسامه...عليكم السلام منو
وجدان...اني وجدان مدرسه وياكم
اسامه...اهلا وسهلا
وجدان....ممكن اطلب اجازه باجر عندي ضرف مااكدر اداوم امي مريضه ومضطره اخذها للطبيب
اسامه...اي ممكن سلامتها الف سلامه
انتظرونا......يعني ابقى ساعتين كاعده اكتب وتعبانه
تالي تكتبون بارت قصير
اذا تردون بارت طويل يكون النشر بين يوم ويوم بارت كلش طويل
