رواية قلوب من حجر الفصل الثامن 8 بقلم الكاتبة رانية ماهر
#قلوب_من_حجر
#البارت_الثامن
باب ألعتب
ما أفتح أبد باب ألعتب وياك
حالف ما أفتحه بقفل سديته
سنتين ألعمر من عندي عده وراح
بس هم وحزن وجروح گظيته
رغم هاي ألسنين وگلبي عايش نار
جرحي بالصبر كل يوم شديته
ما أسأل وأگولن أنته ليش أتصير
وي شامت عليه أبضحك خليته
ولا أسأل وأكولن ليش ماوافيت
لأن أني ألأحبه أسنين وافيته
وافيت أشكثر بس خانوا ألأحباب
وگلبي أشگد حنين وناسي ماذيته
ماعندي بغض وي كل بشر مخلوق
وسلاحك بحر وياي هديته ...
أذا هذا ألبشر يرميني كومه أحجار
أني بالورد وألياس جازيته
عمار....سدي الكامره واخذت الموبايل منهه والله والله لو شفتچ بعد اشوفيهه كرستين لاكسر راسچ
اريج....انقهرت حيل على روى گلت بس لو ياذيهه بسببي وعمار اعرفه ميرحم احد
روى.....عمار ليش هلگد اصير قاسي ولك ام تريد اشوف بنتهه حراام عليك
عمار....لعد لو تريد بنتهه ليش ذبتهه
روى....هيه مذبتهه ابوهه ماخذهه من
عدهه بلغصب انته اصدگ ام تعوف ضناهه انته مو تعرف اريج شگد اتحب جهالهه واشگد تحملت لخاطرهم
عمار...بلا حچي زايد روى لظل تعبي براسچ واچذب عليچ
روى.....لا والله بس انته الظاهر ماعندك گلب ولا تحس اني هم ام حرمتني من ابني وجبرتني اذبه لك حراام عليك خلي بگلبگ
رحمه بس زين سوت اريج وعافتك لان متستاهل واحد يقدرك ويحترمك انته واهلك
عمار.... هاي منو گااعد يحچي روى خانم(وجريتهه من راسهه) حبيبتي لتنسين مو انتي نفسچ الركضتي ورايه ومن وراچ راحت اريج
روى....لتذبهه براسي انته من البداية مچنت رايد اريج وانته لوهمتني بحبك الي وخليتني ازوجك
عمار....معاجبچ ذاك الدرب چلبة تروح وچلبة تجي بس مع الاسف اني صوچي عفته لاريج لخاطر وحده مثلچ
روى...ومنو گلگ راح ابقى وياك اصلن چان المفروض من البداية اعوفك وظل بهذا
تفكيرك دشوف وين توصل بيك عبالك النزوات هاي راح ادوملك عفته ورحت
لميت غراضي شفته طلع عرفته راح للمحل
راسن اتصلت 🗣📲📞باريج
اريج....الوووو
روى...الو اريج اني روى
اريج...استغربت ليش متصله بيه عبالي كرستين بيهه شي او عمار سوه شي
الهه....روى فدوة كرستين مخو بيهه شي
روى...لا كرستين كلشي مابيهه لتخافين
عليهه بس اريج اتصلت بيچ حته اگلچ على شي
اريج...گولي
روى....اريج انتي مو تريدين اشوفين كرستين
اريج....اي فدوة بس عمار
روى...عوفي عمار هسه واسمعيني اريج اني هسه راح اطلگ من عمار بس گلت قبل ما
اعوفه اريد اصلح الشي السويته حته لو
بس اسامحيني لذلك راح احاول التقي وياچ يمكان واشوفين كرستين
اريج....اي فدوة روى بس اشتم ريحتهه گوليلي وين واني جايه
روى....اكوو محل بلشارع الثاني مال بيت اهل عمار تعالي اهناك بس لتتعطلين لان اخاف عمار يرجع
اريج...اوكي دقايق وجايتچ گمت بسرعة شغلت السيارة ورحت للمكان الگالتلي عليه
چنت متشوقة كلش حته اشوف بنتي واخيرا بعد كل هاي المده راح اشوفهه
وصلت للمحل ولمحت روى من بعيد وشايله كرستين اريد بس انزل رحت ركض عليهه وشبگتهه واشتم بريحتهه...يمه وين
عفتيني ورحتي والله اشتاقيتلچ اباوع عليهه كبرانه وصايره نسخه مني عيونهه
ابتسامتهه ظليت العب وياهه وطگيت وياهه صور وچانت احلى لحظات بعمري
روى....فدوة اريج كاافي اريد ارجعهه والله اخذتهه بدون ميحسون عليه لو عرفو يموتوني
اريج....روى ما راح انسالچ وگفتچ هايه ويايه ابد
روى...كلشي ما اريد منچ بس اسامحيني علشي السويته والله حيل اتندمت على
كلشي سويته ونحرمت من ابني وهاي كلهه حوبتچ
اريج....لا يمعودة هذا امر الله واصلن من البداية عمار چان ميستاهل ابقة وياا لا
حيل اذاني هوه واهله وچان المفروض من البداية اتركه بس اني صوچي
روى....الله يوفقچ بحياتچ انشالله وترجعلچ بنتچ
اريج...تسلمين يعمري
روى....يلا هسه اني رايحه قبل ميحسون عليه
اريج.....حضنت كرستين حيل وگمت ابچي عليهه وبعدهه راحت بس ظل گلبي
محروگ عليهه ميستاهلهه عمار ابد
وظلت علاقتي بروى مستمره ودائما تتصل بيه وعرفت بيهه اطلگت من عمار
يوم من الايام اجني عماتي كلهن وچان
يگولن ...اريج تدرين بسالفه نور
اريج...اشبيهه؟؟....نايمه ورجلچ بشمس مو عمار مسوي وياهه علاقة وطباتهم وطلعاتهم كلهه سوه
اريج....وشريد منهم يتهنون استغربت من عمار وتصرفة عاف الناس كلهه وراح على
نور بنت عمي ديريد يقهرني ويذلني فوگ كل السواا بيه يربي شيريد مني هذا الرجال بعد بس عباله راح اتاثر لو انقهر بلعكس
ميدري بهذا تصرفة خلاني اصير اقوة من قبل
بعدهه قررت ادور على شغل غيره لان چان المصرف ميكفيني وچنت اريد اكون نفسي
اشتغلت بشركه امنية عراقية تتعامل ويه
سفارات اجنبيه بس چانت لازم شهادة قررت اكمل دراستي گمت اشتغل وادرس
واعتمد على روحي وصرت انسانه قوية مو ذيچه اريج التعرفوهه ودخلت معهد قدرات الاعلام وصارت لغتي الانكليزية
كلش زينة والمدير مال شركة قبل يوظفني عنده وكلش ساعدني وشغلني سكرتيرة
عنده وچنت معتبرته مثل ابوية وبعدهه صرنه مثل الاصدقاء وحچيتله عن حياتي كلهه وطلب مني انو يلتقي بابوية وشافه
وحچه وياا وحمد بيه گدامه والصراحة قنعه الابوية انو ابقى اشتغل لان ابوية چان يشك بيه من اطلع اشتغل بس من تعرف
علية وعلى الشركة امن وبعدهه خطيه المدير علمني على الحاسبة وگمت اشتغل
بشركتين اجنبية وعراقية وچان ينطيني
راتب كلش زين 19 ورقة بلشهر وراهه جمعتهن واشتريت سيارة ودخلت دورة
سياقة وگمت اروح واجي بيهه احسن من التكسيات ودوختهه والدنيه ما تتامن اول
ما اشتريت السيارة رحت للمحل ليشتغل بي عمار وراقبته من بعيد ما اعرف شنو
چنت افكر من رحتله معقولة بعدني احبه بس بذاك الوكت ردت احرگ گلبه شوية
خابرت على كمال ابن عمي وچنت اشوية امن بي وسراني ودائما خطيه چان يجيبلي
غراض
كمال...الوو
اريج...الو كمال اشونك
كمال...هلا اريج الحمدلله شو ماكو مختفيه
اريج...والله موجودين بهلدنيه بس انته ماكو
كمال...والله مشغول وتدرين بابوية
ميخليني ساعه اعوف الشغل
اريج... الله يساعدك بس كمال اريد منك طلب
كمال...اتفضلي عيوني الچ
اريج... هسه انته وين
كمال....بلمحل
اريج...راح اجي عليك واحچي وياك
كمال..اوكي انتظرچ
اريج....رحت على كمال
كمال... هاا اريج اي احچي انشالله خير
اريج...لا انشالله ماكو غير الخير
كمال الصراحه انته تعرف اشگد امن بيك واسرك واعتبرك اخ اليه لان ماعندي اخوه
كمال....ادللي اني اخوچ
اريج...تسلم والله والنعم منك...كمال اريد
من عندك تجي ويايه نروح على عمار واريد احرگ گلبه اشويه
كمال....وشنو ناوية اسوين
اريج....حچيتله كلشي وگتله شدگول
كمال....هههه😂😂 والله عليچ عقل اوكي تمام موافق ونضحك اشويه
اريج....رحت اني وكمال للمحل مال عمار
بسيارتي ونزل كمال ضرب التاير مال سيارة عمار بسچينه وبنچره ونهزم
كمال.....ارتاحيتي
اريج....😂😂 افيش نزل مي بارد على گلبي
كمال..وهسه شراح نسوي
اريج...راح ننتظره من يطلع ونفوت من يمه اني وياك
كمال...اوكي
اريج...وفعلا طلع عمار وشاف السيارة مبنچرة وظل يعيط ويصيح تخبل
تعمدت لزمت ايد كمال وفتنه من يمه نتمشه
عمار....اريج😲
كمال....خير خويه اشبيك عينك نزلهه
اريج....طبعا عمار چان ميعرف كمال ومشايفه لذلك تعمدت اسوي هيچ اباوع
عليه اشون يباوع عليه من فوگ ليجوه ومستغرب بيه
عمار.... شي ميخصك انتي شگاعد اسوين اهنا وهذا منو الوياچ وشكو لازمه ايده
اريج...هذا حبيبي وخطيبي وعن قريب زواجنه عندك مانع 😌
كمال...اريج هذا منو تعرفي
اريج....اي حبيبي هذا شخص عتيگ من زمان اعرفة
عمار....شنو هذا الحچي ومن شوكت وبعدين ليش متعترفين ودگليله اني زوجچ
اريج....شنو مسمعت عيد شگلت بلا زحمه
زوجي 😂😂😂😂ههههاي عيوني شكلك متوهم اني ما مزوجة وهذا زوجي
المستقبلي هوه تخبل واحس عيونه گامت تجدح من النارر
عمار.....انتي كل عقلچ تحچين ولچ اريج اني احبچ ومحد راح يحبچ بگدي عوفي ايده لهذا
اريج....لا حبيبي انته غلطان انته عمرك محبيتني ولا راح تحبني انته تحب بس
نفسك وراح اضل بهذا كبريائك ومراح ينكسر خشمك بس اني اعرف اشون راح
اكسره مثل مكسرتني وهسه من رخصتك باااااي(وسويتله هيچ)🖐😉
عمار....مرجوعچ اليه هسه اشوفين
كمال...ولچ انتي مو قليله والله راح بيهه الرجال گام يمشي ويتعثر😂😂😂
اريج.....هههههههاي 😂😂 حيل بي اشويه ريحت گلبي
مرت الايام وتغيرت حياتي
وتونست حيل گمت اطلع واتونس واتغير شكلي كلش وصرت احله من قبل بهواي
ودائما اروح ازور امي وانطيهه مصرف لحد ما فد يوم گاعدة بلمكتب مالتي وچان
يطب واحد للمكتب مال مدير مالتي بدون ميستأذن وصيحت عليه...مو عيب عليك تدخل بدون متسأذن اشون احترام
انور....وانتي منو عيني حته تتامرين عليه😒
اريج...اني سكرتيرة المدير اريج
انور.....بما انو انتي السكرتيرة وين المدير ليش مموجود بلمكتب
اريج...لا وفوگاهه اشون عيون وگحه وليش گاعد يسال يلا اتفضل برره رجاا
انور.....تدرين اني منو دتحچين ويايه هذا الحچي وهاي الشركه المن
اريج.....وقابل منو انته عيني ابن
المدير(وباوعت علية باستصغار😏)
انور....اي ست اريج اني ابن المدير وچنت مسافر وهسه رجعت وهاي شركتي😒
اريج...😨😨 ابن المدير ....
(توقعاتكم للبارت الجاي وبرئيكم شنو راح يصير باريج)
