رواية ليتني واجهتك الفصل الثامن 8 بقلم مريم الطائي
- لا أحد يفهم معنى أن تقابل الصدمات بصمت تام ، أن تبتسم أمام المواقف التي تستدرجك للبكاء ، لا أحد يفهم معنى أن تغلي بداخلك وأنت في قمة الثبات .!
اتخبلت شفت علي دخل بحالة وقوف النبض
الاطباء يسون مساج ورجعو سووا رجات كهربائيه ورجع الكلب كام يدك
صهيب ولؤي واحن يحضن الثاني وعمر وماما حاضيني ويبجون معايا حبيبي رجع كلبو يدك من جديد
نزلت ع ركبي وكمت ابجي ب هستيريه انهارت اعصابي بعد ماتحمل اتكول ملك الموت دا يلعب ب عصابنا ساعه يرجعو وساعه ياخذو
ام سدره؛:كومي ياروح امج
سدره؛:ماما تعبت والله تعبت
ابجي واحجي منهاره
صهيب؛:سدره كولي يالله هذا بي حكمة رب العالمين يريد يعرف نحنا صابرين لو لا
ابجي منهاره
المتصل؛:كولي يالله اختي ادعيلو
كومني عمر وكعدني ع الكرسي يهدون بيا ويشربوني ماي اشويه ارتاحيت عرفت هذا الرجال المتصل اسمو ابو حسن
طلع الدكتور من العنايه المشدده
سدره ؛:دكتور فدوه علي
دكتور؛:والله بصراحه ماغبي عليكم بس المريض حالته دا اتصير اسواء
سدره؛:يعني دكتور علي راح يموت
دكتور؛:استغفر الله هذا علم عند رب العالمين مايعلم الغيب الي هو ادعولو
راح الطبيب ورجعت ابجي منهاره حبيبي راح يموت راح يعوفني
يهدوني بيا وكلهم يحجون معايا بس حتى اهداء
ابو حسن؛:حضرت ......عمر لازم تجون عندي ترتاحون
عمر؛:مانريد انكلفك يابا
ابو حسن؛ كول يالله اذا البيت مايحملكم عيونا تحملكم
عمر؛:مشكور ماتقصر اخويا يالا سدره انروح
سدره؛:لا اني ماعوف علي
صهيب؛:كعدتكم هينا مابيها فايده روحو كلكم واني اضل يم علي
لؤي ؛:ولااني اعوف اخويا روحو انتو
سدره؛روحو اني ولؤي انضل هينا
ام سدره؛:شلون اعوفج وحدج ماماتي
سدره؛:ماعليه شي روحو كتلكم اني ولؤي واذا لؤي هم يروح ما مشكله
صهيب؛:روح انت واني اضل مع سدره
لؤي؛:هاي هيا صهيب روحو كلكم اني اضل معاها
ام سدره::اكيد تكدرين ماما
سدره؛:اي اكدر
عمر ؛:يالا لعد خلي انروح
ام سدره؛ ولو اعرف الي بيك يكفي لؤي عمه بس دير بالك ع سدره لاتخربط كلشي ماكن اكلت من الصبح
لؤي:هسا اجيبلها شي تاكلو ولاتخافين بعيوني
بوستني ماما وطلعو واني كاعده وبس ادموعي تنزل وادعيلو
لؤي؛:سدره كاافي تبجين
لؤي هذا علي يالؤي
اخخخ ياعلي اخخخ
انفجرت بل بجي ايديا ع وجهي وابجي منهاره خطيه لؤي حضني من كتفي ويهمس سدوره ادعيلو بل كوه يطلع الكلمه ويشهك
لؤي علي اذا صار بي شي اموت والله ماتحمل
اسم الله
لؤي كام من يمي ومشى ع سريع وهو يبحي ويشهك
لؤي لؤي وين رايح
طلعت الحكو لكيتو دخل بل حمامات استحيت ادخل لان
حمامات الزلم شفت ماكو احد دخلت وسمعت صوت بجي وشهكات لؤي داخل بوحده من الحمامات ويبجي ويشهك
اخخخ ولك ياكلبي لاتكسر ظهر اخوك ارجعلنا ياابن امي وابويا فدوه الك اني اموت بس ارجعلنا
جنت شبه كن ايسنا من علي اسمع لؤي يبجي ويشهك روحي اتكطعت ابجي معا
طلعت وعفتو وحده ورجعت مكاني ابجي وادعي واطلب من الرب العالمين يشافي ويعافي ماعندي غيرو
رحت ع وحده من الممرضات طلبت من عندها سجاده وقران وهيا خطيه انطتني
وانطتني مكان سديه اصلي بيها جانت فارغه
اتوضيت وفرشت السجاده مالتي وصليت العشه ماكدرت اصلي الي فاتوني جنت حييل تعبانه
وصليت بعدها ركعتين وفتحت القران وكعدت اقراء كل اياتين ادعي يارب شافي يارب لاتاخذو مني
موبايلي ماجان بي شحن طلعت الشااحنه وخليت موبايلي ع الشحن قبل ماقراء قران
اشويه ودك موبايلي دحكت لؤي خطيه نسيت اكولو ضل بالو
الو وين سدره رحتي ضل بالي يمج موبايلي خليته ع شحن بل استعلامات ودا اخابرج
لؤي اني بل ردها كاعده اصلي
اي ماشي جاي عليج هسا
اوكي
رجعت اقراء قران اشويه وجا لؤي جايب معا عشه
يالا سدره حسبك (كلمه تستخدم لقارى من يقراء القران ونريد نطلب منا ان يكتف عن القراءه)
سديت القران
لؤي مو جوعانه
سدره شنو راح اتموتين روحج مايصير هيجي كومي لو اقل لكمة
لؤي الله يخليك عوفني معدتي نار صايره
لان جوعانه يالا كومي اكلي الخاطر علي
حجها وغص بهاي الكلمه
خوفي يالؤي يجي يوم وانكول بروح علي
دنكت ابجي ولؤي يجر حسرات
سدره ماراح يصير شي ان شاء الله علي راح يرجع ان شاء الله يالا تعالي
اخذت كلينكس ومسحت دموعي وكمت كعدت يم لؤي اخذ صمونه وسوى لفه وخلها ب يدي
اكلي اختي
اكل انت اني اسوي
اكلي اكلي معليج بيا
جنات
بعد ماعرفت عمتي بلي صار اتخبلت بل كوه هدينها راحت لبيت واني لحكتها
قصي ياقصي
شكو ماريه شبيج
ابنك علي سوى حادث دا يكذبون عليه مايكولون الصحيح
عمي من سمع علي سوى حادث جان واكف وكع ع قنفه
عمو فدوه بيك شي
ابني علي مات مو
ابجي معاهم ماعرف اش اكولهم اش ارد عليهم طلعت هدير تركض ع صوت بجينا ومن هناك ميس ومحمد هم نزلو
محمد ؛:شكو جنات اش صاير
جنات؛:علي امسوي حادث بل طريق
محمد؛:شنو اش دا اتكولين وينو هو هسا
جنات؛:ب بغداد وراحو سدره ولؤي وصهيب وعمر وخاله ام سدره
محمد؛:ليش ماكلتي ليش ماحجيتي من الصبح ساكته ليش
جنات؛:والله عمر عمر ماقبل احجي
محمد::ليش تخليني اسب عمر ليش ماكلتي جان رحنا هسا علي شلونو
جنات:: مادري دا ادك عليهم لؤي مايجاوب لو مشغول وسدره مغلق وصهيب جنت ادك علي يدك وبعدين غلقو
ام علي ؛:يعني ابني بي شي يعني ابني مات
ميس ؛:كولي يالله عمه ليش اتكولين هيجي ادعيلو
ابو علي؛:دكو ع عمر
جنات؛:ماعندي رقمو
محمد يدك ع عمر مايجاوب اخر شي هم غلقو بس لو اعرف عليش يغلقون الموبايل مالهم
محمد::اني طالع لبغداد
ابو علي؛:اني معاك جاي
جنات؛:عمو الله يخليك وين طالعين الدنيا بدت اتغرب ومنع التجول راح يبداء
محمد؛:ان شاء الله مايقتلوني هسا اني رايح
ميس:؛عمو الله يخليك خلي نصبر اشويه بلكي يخابرون ونعرف الغايب عذرو معا
محمد ::ياعذر ياعذر دا اندك ودا يغلقون يعني اخويا بي شي ياناس بي شي اني متاكد جنات انتي تعرفين شي متاكده احجي
جنات؛:هذا الي اعرفو والله صدكني مامات
هدير؛:الله عليج جنو احجي الحقيقه علاوي بي شي
جنات؛:شبيكم انتو قلبتوها عزه اسم الله
هدي بعمي وعمتي امبدال ماتسووا هيجي حادث سياره صار معا ع طريق وهو عايش
ابو علي؛:لا اني متاكد الشغله مو شغله حادث الشغله شغله اغتيال لان ابني اعلامي
كلبي كام يدك ع السريع خوفي احجي ويروح يصير بيهم شي ويصير ذنبي كتلهم
بل كوة هديتهم وصيحت بابا جا حجى معاهم وكال باجر الفجر نطلع كلنا لبغداد
سدره
اكلت بل كوة لكمتين وكمت غسلت ولؤي ماكل اكثر مني اصلا بل كوة جان ينزلها الكمة
سدره اذا اتريدين ارتاحي ونامي
لالؤي اروح يم علي
براحتج
كمت رحت كعدت يم العنايه وادعي واقراء قران بلكي يصحى علي
ضليت ع كعدتي لصلاه الفجر كمنا صلينا الفجر اني ولؤي
خطيه لؤي هو وكاعد جان يغفي وكل اشويه يفز
لؤي ليش ماتنام
لا لا ماريد هيجي مرتاح
كوم انصلي الفجر
اي يالا
كمنا صلينا الفجر وتعبت حييل كعدت ع سجاده ابجي وادعي لعلي ربي يشافي
سدره اتمددي اشويه ارتاحي
ماكدر اغفى خايفه
لاتخافين ماكو شي ان شاء الله اتمددي ارتاحي واني يمو اذا يصير شي كبل اكولج
هزيت براسي وكمت اتمددت ع السديه ولؤي راح يم علي
نمت ماعرف اشكد وسمعت صوت صهيب يكعد بيا
سدره
فزيت كبل
علي صار بي شي صهيب
لاتخافين جيت ابشرج علي كعد
اتخبلت ماعرف اش اسوي اضحك وابجي ونزلت من السديه وطلعت اركض مثل المخبله حبيبي كعد عرفت حبيبي مايعوفني
لؤي
كاعد يم العنايه وادعي ربي يشافي اخويا ويكومو بل سلامه
صبح الصبح واجوي زوجة خالي وصهيب وعمر ومعاهم ابو حسن الرجال الي انتصل بيا
ام سدره؛ لؤي عمه وين سدره
لؤي؛:عمه نايمه تعبت حييل الى اذان الفجر يالانامت
عمر؛ماصحى علي
لؤي؛لاوالله مثل ماهو
واكفين ودخلو ممرضات اثنين يشوفونو وحده منهم ركضت وكامت اتصيح لدكتور انريد نعرف شكو
دكتور دكتور تعال شوف المريض
صهيب؛:شكو بس كوليلنا
الممرضه؛:المريض بداء يكعد
لؤي؛:الحمدالله يارب الحمدالله
كمنا اندحك علي من الشباك ودكتور راح يفحصو وعلي بداء يفتح اشويه اشويه فرحه جانت ماتنوصف ب يومها
صهيب حاضني من كتفي ومبتسمين
لؤي؛:مادا اصدك علي صحى
صهيب؛:الحمدالله اخويا
انريد بس يطلع الدكتور حتى نسالو ع حالتو
لؤي:؛صهيب عفيه سدره بهذيجه الردها اخر سديه روح كعدها وبشرها
صهيب؛:تدلل
راح صهيب كعد سدره وجتني سدره تركض مثل المخبله تضحك وتبجي وتتعثر وصهيب يكولها ع كيفج الله الله ههههه
سدره
صحيح علي كعد
عمر؛:اي حبيبي كعد
عموري حضني ويبوس براسي متت بس اريد الدكتور يطلع طلع الدكتور
لؤي؛: ها دكتور بشر
الدكتور؛:الحمدالله المريض عبر مرحله الخطر والطلقات الي ب بطنو ورجلو طلعنها صحى وتكدرون اتشوفونه بس مو هسا راح نقلو ع المستشفى الاهلي وبعدين
سدره: ماشي دكتور وزين الكبد
الدكتور؛: هيا الكبد ضلت المشكله الوحيده لازم من يطيب يسوي زرع كبد
صهيب؛ان شاءالله دكتور
راح الدكتور
جنت اشوف علي من الشباك تعبان حييل حياتي فدوه لهاي العيون الحلوه اصير اني
سدره؛:اني راح اروح هسا اجي
ام سدره؛: وين امي
سدره ؛: هسا اجي ماطول
رحت ع الدكتور وجانت اكو شغله ب بالي ويارب اتصير وتحقق رحت لدكتور دكيت الباب على ودخلت
اسفه ع الازعاج دكتور بس عندي سؤال ممكن
اتفضلي استريحي
كعدت تنهدت ورجعت حجيت
دكتور اني طالبه ادرس طب بجامعه الموصل
حلو مشاء الله عليج يعني انتي طالبتي انكول
اي نعم طالبتك واريد اسالك سؤال واعرف يصير بس اريد اتاكد
اتفضلي
