رواية صبر الجبال الفصل الثامن 8 بقلم حمدي محمد
صبر_الجبال. الفصل. ٨
نزل محمد يشتري ميه وعصير
ركبت عيشه والحاج حسن القطر
كانو راجعين من عند الدكتور في قنا
وراجعين بلدهم
قعدو في اخر كرسي في الخلف
ومحمد ولوجين كانو في وسط الصف
اللي يفصل بينهم
اربع كراسي ورا بعض
رجع محمد. وقعد جمب لوجين
واتحرك القطر
وصل القطر مركز في سوهاج
وهدّي قبل دخوله المحطه
بص محمد من شباك القطر
شاف راجل ومراته بيروو الارض
قال ل لوجين. شوفي العيشه والمشاركه
الست والراجل بيساعدو بعض اذاي
عيشه في نفس اللحظه
بصت. وقالت للحاج حسن
شوف مني وحسين. اهم في ارضك يابوي
الحاج حسن. قال.
انا قلت لهم. يروحو يروو الارض بدالي
اللي شافها محمد مع جوزها في الارض
كانت اخته مني وجوزها حسين
وقف القطر.
وقامت. عيشه. والحاج حسن ينزلو.
عدت عيشه من جمب الكرسي اللي قاعد عليه محمد ولوجين
وراها الحاج حسن.
خبطت عصايت الحاج حسن اللي بيتسنّد عليها
رجل لوجين
قال لها معلش يابتي
لوجين قالت ولا يهمك ياجدو الف سلامه عليك
قام محمد مسك الراجل العجوز ده
اللي هو جده حسن
وسنده. ونزله. من القطر
وفضل الحاج حسن يدعي له
وكانت عيشه. واقفه تعدل ملايتها. ماشافتش
اللي حصل
ولا شافت محمد
ومحمد رجع مكانه تاني.
واتحرك القطر
كمّل علي اسيوط
نزلو في اسيوط
محمد وقّف تاكس
وركب معاه
وفضل يسأله. عن الموالد اللي بتبقي في القري
سواق التاكس
قال لهم انا تحت امركم
اوصلكم لكل الاماكن اللي عايزين تروحوها
محمد اتفق معاه
وقال له.
دلوقت ودينا فندق
علشان الموالد بتبدء باليل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كل يوم كان سواق التاكس
ياخدهم مولد وهيفضل معاهم
لاخر اليل. لما المولد يخلص ويرجعهم الفندق
وكان محمد بيسال
كل الناس
عن ست اسمها عيشه
كان عندها تلات اولاد
واحد غرق في النيل
والتاني استشهد في الحرب
والتالت. تاه في القطر
لكن للاسف
الخمس ايام عدو
وماقدرش يوصل لحاجه
رجعو مصر وكان محمد حزين جدا
وبدئت الدراسه
وانشغل محمد في دراسته.
،،،،،،،،،،،،،،،،،،،،،،،،،،،،،،،،،،،،،،،،،،
بعد مرور فتره.
محمد ولوجين. اتخرجو من كلية. الطب
وبقو دكاتره.
في يوم كان محمد ولوجين. قاعدين في النادي بيتغدو
جات امل
لقتهم قاعدين مع بعض
راحت لهم.
وقالت ل محمد
ايه يادكتور. هو اللي هنعيدو هنزيدو
محمد:- اتفضلي ياماما اقعدي اتغدي معانا
امل:- اتغدي ايه
ماكفايه الدكتوره اللي مخلياك.
ولا بتتغدي ولا بتتعشي معانا
لوجين سمعت كلامها.
قامت. مشيت
وهنا وقف محمد. وقال لها
انتي بتعملي كده ليه
هو ايه اللي حصل لكل ده
امل:- ماهو انت بقيت دكتور خلاص
ماعودتش بتتقبل كلامي معاك
محمد:- وهو انا عملت ايه
وايه ذنب الغلبانه دي تحرجيها كده
امل:- دي زي مامتها.
سهنه. وبتلف عليك من زمان
محمد. مدام امل.
اعتقد اني عمري ماقصرت في حقك
ولا في حق الاستاذ احمد
ولا عملت حاجه تزعلكم
دايماً بحترمكم وبتقبّل كلامكم
امل. :- اندهشت. واترعشت. وقالت
ايه اللي انت بتقوله ده
اذاي تقول علي مامتك وباباك كده
محمد:- انا امي اسمها عيشه
وابويا. ماعرفش اسمه ايه
انا مقدر. تعبك وسهرك معايا
ومقدر كل اللي عملتيه علشاني
بس انا طول عمري عارف الحقيقه
بس ماحسستكيش انك مش امي في يوم من الايام
لاكن. انا بقيت راجل
واللي حضرتك بتعمليه معايا ده
مش مقبول
مشي محمد
وامل وقعت علي الكرسي من الصدمه
وحطت ايدها علي دماغها
محمد . روح البيت
لم شنطة. هدومه.
وهو خارج
قابله احمد
قال له. خير يامحمد. ايه اللي حصل
محمد قال له كل اللي حصل
احمد قال له طيب هتروح فين
محمد قال له
هروح الاستراحه. في المستشفي
هاقعد فيها
وانت ياعم احمد
ارجوك روح شوفها.
هي في النادي مصدومه
ولو فيه حاجه اتصل عليا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عيشه في الوقت ده.
كانت تشتكي من عنيها.
وكانت حبيبه حالتها زي ماهي
علي طول راقده
مابتتحركش
في يوم جالها الحاج حسن
وقال لها.
ان حسين جوز مني
قابل الدكتوره اللي متابعه حالة حبيبه في مصر
وقالت له
ان العلاج طول المده دي ماجابش نتيجه
يبقي مافيش حل غير التدخل الجراحي
عيشه قالت له
وهتتكلف كم العمليه
الحاج حسن قال
خمسين الف جنيه
عيشه قالت. ودول هاجيبهم منين
مانت عارف يابوي
ما امتلكش غير الدار اللي قاعده فيها
وماينفعش ابيعها واترمي في الشارع
الحاج حسن قال
كلام ايه ده يابتي
ان شاء الله حسين
هيعمل لها اوراق تتعالج علي حساب الحكومه
عيشه:- يارب يابوي
البت كبرت ياعيني
وبقالها سنين في رقدتها دي
والبنات اللي من سنها
معاهم اولاد
ربنا يشفيها ويزيل عنها المرض
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لوجين راحت المستشفي الصبح
شافت محمد نازل من الاستراحه
عملت نفسها مش شايفاه
راح وراها.
وقال لها صباح الخير
بصت له بزعل وقالت صباح النور
محمد:- مالك يافقريه لاويه بوزك ليه عالصبح
هتتعبي نفسية العيانين بتوعك
لوجين. مامسكتش نفسها من الضحك
وقالت له. كده بوظت دور الزعل اللي كنت عايشاه بكلامك الصعيدي ده
محمد:- طبعا. انا عارف انك مابتقدريش تقاومي اللهجه
لوجين. بس يامحمد طنط. امل
مش متقبلاني في حياتك مش عارفه ليه
محمد:- انا قولت لها. بعد ما مشيتي
اني عارف انها مش امي
وسبت البيت.
وجيت قعدت في الاستراحه فوق
لوجين. انا اسفه ان كنت سببت لك مشاكل
محمد. :- بالعكس يالوجين
الموقف اللي حصل اداني الجراءه
اني اخليها تبطل تحكماتها فيا
اللي زادت عن حدها وانا في السن ده
كل مشكلتها ان مامتك. كانت تنافسها في احمد
ومش عايزه اي كلام يكون بينا بسبب كده
وهم بيتكلمو.
جات ممرضه قالت ل لوجين.
يادكتوره. عايزينك في قسم الطوارء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
امل قاعده في البيت
احمد بيقولها.
ماكانش صح اللي انتي عملتيه ده
امل:- وهي بتبص ل احمد بطريقة شك
هو اذاي عمل كده
مين اللي حط في دماغه الموضوع ده
احمد:- انتي فاكره انه من يوم ماجبتيه معاكي
مش فاكر ولا عارف اللي حصل
دانتي جبتيه كان عنده ست سنين
يعني كان ساعتها عارف كل حاجه
ماكانش طفل علشان يكبر وهو مش عارف
اللي حصل معاه
امل:- بدئت تبكي وتقول ل احمد. ارجوك روح له المستشفي
وقوله يرجع
وانا مش هاتدخل في حياته
ولا هدايقه ولا ازعله تاني
احمد. قام. وقال لها. الكلام ده اعتقد لو سمعه منك انتي. هيرجع
روحي له.
اكيد هيرجع معاكي. محمد برغم كل اللي عملتيه معاه
الا انه بيحبك
وعمره مازعلك. بس كل انسان له طاقه
وانتي. ضغطتيه. اكتر من اللزوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عيشه راحت تاني للدكتور تكشف علي عنيها
وخدو اليوم كله في قنا
رجعت اخر النهارعيشه هي والحاج حسن
كانت مني وجوزها قاعدين
وجات يامنه تتطمن عليها
اول مادخلت عيشه
لقت حبيبه جايه تزحف من جوا اوضتها
لما سمعت صوتها
جريت عليها عيشه
ومني
وشالوها وقعدوها وسطيهم
قالت حبيبه. سلامتك ياغاليه الدكتور قال ايه علي عنيكي
عيشه:- طول مانا شايفاكي يا قلبي عنيا بخير
دانتي واختك مني النور اللي بشوف بيه
والعشيه دي حلمت. بواحد لابس ابيض
اداني شال رميته علي كتفك.
الحاج حسن. :- اللهم اجعله خير يارب
ان شاء دا خير جاي ل حبيبه
وبأذن الله تعمل العمليه. وتمشي علي رجليها.
يامنه؛- قلت لك وديها. للشيخ نور الدين ياواكله امك
لايكون البت معمول لها عمل
الكل فضل يضحك علي كلام يامنه
وفضلو يهزرو ويضحكو علشان يواسو حبيبه
واللي هيا فيه
وهم بيتكلمو.
سمعو صوت عربيات. قدام البيت
والباب خبط
،،،،،،،،،،،،،،،،،،،،،،،،،،،،،،،،،،،،،،،،،،،،،،،
امل. راحت المستشفي.
وسألت. علي محمد.
قالو لها انه. في العمليات
فضلت امل مستنيه. قدام غرفة العمليات
اكتر من ساعه ونص
فجأه الباب اتفتح
وشافت محمد ولوجين خارجين. يتكلمو مع بعض ويضحكو
لوجين شافتها. الضحكه اختفت من علي وشها.
ورجعت.
ندهت عليها امل
لوجين تعالي
رجعت لوجين ووقفت هي ومحمد قدامها
امل. فضلت. تعيط وتقول لهم
انا اسفه
خوفي عليك يامحمد. وحبي ليك يابني
خلاني اكون قاسيه معاك
انا بجد اسفه
محمد:- راح ناحيتها. وخدها في حضنه
وقال لها. اهدي ياماما.
وتعالي نتكلم في مكتبي
الناس بتبص علينا
خدها المكتب
وكانت لوجين معاهم.
امل:- محمد البيت من غيرك. مالوش طعم
ارجوك ارجع. وعمري ماهسالك تاني عن حاجه
ولا هفرض عليك حاجه
محمد:- ياماما. مافيش حاجه حصلت.
انا بس بجد محتاج اليومين دول اكون متواجد هنا اكبر وقت ممكن
ومجرد تغيير جو فتره وهرجع
امل:- بدء صوتها بالعياط يعلي
لا انت ماسامحتنيش
لو سامحتني كنت وافقت ترجع
ارجوكي يالوجين خليه يرجع
البيت من غيره بقي ضلمه
لوجين كانت دمعتها قريبه
قربت منها.
وفضلت تطبطب عليها
وقالت لها. ان شاء الله
كم يوم كده. ونخلص الحالات اللي عاملين لها عمليات
وهجيبهولك بنفسي ياست الكل
بصت لوجين ل محمد. وقالت.
اخص عليك ياوحس
حد يزعل القمر ده. في محاوله منها للتخفيف عن امل
محمد:- قعد جمبها.
وباس علي دماغها. وقال
زي مالبت المفعوصه دي قالت لك
هنخلص الحالات اللي معانا
ونتطمن عليها
وهكلمك قبل مانيجي
تعملي لنا الاكل الجميل اللي بحبه
من ايديكي الحلوين دول
ومسك ايدها باسها
،،،،،،،،،،،،،،،،،،،،،،،،،،،،،،،،،،،،،،،،،،،،،،
في دار عيشه
سمعو صوت عربيات. قدام البيت
والباب خبط
قام حسين فتح الباب.
دخلو اتنين ستات.
حسين مايعرفهمش
ومجرد مادخلو
جريو علي الحاج حسن ويامنه بالاحضان
دول اخوات عيشه.
فوزيه وفتحيه
اتجوزو في اسوان
من ساعة ما اتجوزو. ماجوش ولا مره بيت ابوهم
وساعتها ماكانش فيه تليفونات
كانو متجوزين اتنين اخوات
وازواجهم . سافرو السعوديه
وبقو اغنيا جدا
وجم بعربيات. اولادهم. يزورو يامنه والحاج حسن
راحو دارهم مالقوهمش
عرفو انهم عند عيشه
دخلو وبعد ماسلمو.
قعدو جمب عيشه
كانو يحبوها اكتر من امهم يامنه
لان عيشه كانت حنينه عليهم
فضلو يتكلمو مع عيشه
وقالولها. اومال اولادك فين
سمعت عيشه الكلمه دي
ودمعتها نزلت
وبقت تمسح في دموعها بالشال اللي لابساه
الحاج حسن. فضل يحكيلهم. علي اللي حصل
هو يحكي وهم يبكو.
قلبهم اتقطع من اللي حصل لأختهم
بعد ماخلّص الحاج حسن كلامه
فضلو يضّحكو في عيشه وينسوها
الوجع
قالت فوزيه. فاكره ياعيشه
لما كنتي بتجيبي لنا التين
من غير امي ماتعرف
من الشجره اللي كانت في زرعنا
اللي كانت امي مش بتخلي حد يقرب ناحيتها
وكانت تروح تجنيها وتبيع التين في السوق
قالت يامنه. اه ياولاد الجزمه
دانا كنت اروح الاقي الشجره فاضيه
اروح لجارنا في الزرع بيومي الاقرع
وانزل فيه ضرب بجريدة النخل
كنت فاكراه هو اللي بيسرق التين
كان اخرس الله يرحمه
اول ما انزل فيه ضرب كان يقعد ساعه يشرح لي ان مش هو وانا ماكنتش افهمه
قالت فتحيه اومال لو عرفتي ان عيشه
كانت تودينا الكتاب من وراكي
يامنه:- بصت ل عيشه وضربتها بهزار
وكانت اول مره يشوفو ضحكتها
وقالت. قولي كنتي تعملي ايه تاني من وراي
اوعي تكوني انتي اللي كنتي تاخدي الفراخ
وتقولولي اكلهم التعلب
فضلو يفتكرو في ايام زمان
ويضحكو
بعد شويه. فوزيه وفتحيه.
نامو علي حجر عيشه
زي ماكانو يعملو زمان
واخر النهار.
لما عرفو ان حبيبه عايزه عمليه
ادو عيشه تمن العمليه
وادوها فلوس زياده
عيشه فضلت تبكي من الفرحه
والحاج حسن قال لها.
شفتي يابتي
ربنا بيسبب الاسباب.
وبيجازي الاحسان بالاحسان
عيشه قالت. الحمد لله. علي كل حال
كل يوم وانا ادعي ربنا يفك الكرب
ويرزقنا من فضله
الحاج حسن. قال.
الصبر علي ابتلاء ربنا. علامه من علامات الايمان
استغفري ربنا كتير ياعيشه يابتي
زمان راح واحد للحسن البصري
قال له المطر مابينزلش
واحنا بنعيش علي النبت اللي بيتكون من المطر
قال له الحسن البصري استغفر
جاله واحد تاني قال لهاشكو الفقر
قال له استغفر الله
جاله واحد تالت قال له زوجتي مابتخلفش
قال له استغفر الله
جاله واحد رابع. قال له النبت بيموت
والزرع مش بينبت
قال له استغفر الله
اللي كانو قاعدين قالو للحسن البصري
هو كل اللي يسالك تقوله استفغر الله
قال الحسن البصري
وهو انا جبت حاجه من عندي
دا ربنا بيقول كده
وتلي عليهم قوله تعالي
بسم الله الرحمن الرحيم
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا) نوح 1
صدق الله العظيم
الاستغفار يابتي
ثمرته. زي ثمرة الصبر
لازم تجنيها.
وانتي ماشاء الله عليكي
صبرتي صبر_الجبال
وربنا بيرد لك جزائك
ان شاء الله مريضك هيشفي
وغايبك هيعود
وربنا هيعوضك باللي فقدتيه خيرص
نزل محمد يشتري ميه وعصير
ركبت عيشه والحاج حسن القطر
كانو راجعين من عند الدكتور في قنا
وراجعين بلدهم
قعدو في اخر كرسي في الخلف
ومحمد ولوجين كانو في وسط الصف
اللي يفصل بينهم
اربع كراسي ورا بعض
رجع محمد. وقعد جمب لوجين
واتحرك القطر
وصل القطر مركز في سوهاج
وهدّي قبل دخوله المحطه
بص محمد من شباك القطر
شاف راجل ومراته بيروو الارض
قال ل لوجين. شوفي العيشه والمشاركه
الست والراجل بيساعدو بعض اذاي
عيشه في نفس اللحظه
بصت. وقالت للحاج حسن
شوف مني وحسين. اهم في ارضك يابوي
الحاج حسن. قال.
انا قلت لهم. يروحو يروو الارض بدالي
اللي شافها محمد مع جوزها في الارض
كانت اخته مني وجوزها حسين
وقف القطر.
وقامت. عيشه. والحاج حسن ينزلو.
عدت عيشه من جمب الكرسي اللي قاعد عليه محمد ولوجين
وراها الحاج حسن.
خبطت عصايت الحاج حسن اللي بيتسنّد عليها
رجل لوجين
قال لها معلش يابتي
لوجين قالت ولا يهمك ياجدو الف سلامه عليك
قام محمد مسك الراجل العجوز ده
اللي هو جده حسن
وسنده. ونزله. من القطر
وفضل الحاج حسن يدعي له
وكانت عيشه. واقفه تعدل ملايتها. ماشافتش
اللي حصل
ولا شافت محمد
ومحمد رجع مكانه تاني.
واتحرك القطر
كمّل علي اسيوط
نزلو في اسيوط
محمد وقّف تاكس
وركب معاه
وفضل يسأله. عن الموالد اللي بتبقي في القري
سواق التاكس
قال لهم انا تحت امركم
اوصلكم لكل الاماكن اللي عايزين تروحوها
محمد اتفق معاه
وقال له.
دلوقت ودينا فندق
علشان الموالد بتبدء باليل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كل يوم كان سواق التاكس
ياخدهم مولد وهيفضل معاهم
لاخر اليل. لما المولد يخلص ويرجعهم الفندق
وكان محمد بيسال
كل الناس
عن ست اسمها عيشه
كان عندها تلات اولاد
واحد غرق في النيل
والتاني استشهد في الحرب
والتالت. تاه في القطر
لكن للاسف
الخمس ايام عدو
وماقدرش يوصل لحاجه
رجعو مصر وكان محمد حزين جدا
وبدئت الدراسه
وانشغل محمد في دراسته.
،،،،،،،،،،،،،،،،،،،،،،،،،،،،،،،،،،،،،،،،،،
بعد مرور فتره.
محمد ولوجين. اتخرجو من كلية. الطب
وبقو دكاتره.
في يوم كان محمد ولوجين. قاعدين في النادي بيتغدو
جات امل
لقتهم قاعدين مع بعض
راحت لهم.
وقالت ل محمد
ايه يادكتور. هو اللي هنعيدو هنزيدو
محمد:- اتفضلي ياماما اقعدي اتغدي معانا
امل:- اتغدي ايه
ماكفايه الدكتوره اللي مخلياك.
ولا بتتغدي ولا بتتعشي معانا
لوجين سمعت كلامها.
قامت. مشيت
وهنا وقف محمد. وقال لها
انتي بتعملي كده ليه
هو ايه اللي حصل لكل ده
امل:- ماهو انت بقيت دكتور خلاص
ماعودتش بتتقبل كلامي معاك
محمد:- وهو انا عملت ايه
وايه ذنب الغلبانه دي تحرجيها كده
امل:- دي زي مامتها.
سهنه. وبتلف عليك من زمان
محمد. مدام امل.
اعتقد اني عمري ماقصرت في حقك
ولا في حق الاستاذ احمد
ولا عملت حاجه تزعلكم
دايماً بحترمكم وبتقبّل كلامكم
امل. :- اندهشت. واترعشت. وقالت
ايه اللي انت بتقوله ده
اذاي تقول علي مامتك وباباك كده
محمد:- انا امي اسمها عيشه
وابويا. ماعرفش اسمه ايه
انا مقدر. تعبك وسهرك معايا
ومقدر كل اللي عملتيه علشاني
بس انا طول عمري عارف الحقيقه
بس ماحسستكيش انك مش امي في يوم من الايام
لاكن. انا بقيت راجل
واللي حضرتك بتعمليه معايا ده
مش مقبول
مشي محمد
وامل وقعت علي الكرسي من الصدمه
وحطت ايدها علي دماغها
محمد . روح البيت
لم شنطة. هدومه.
وهو خارج
قابله احمد
قال له. خير يامحمد. ايه اللي حصل
محمد قال له كل اللي حصل
احمد قال له طيب هتروح فين
محمد قال له
هروح الاستراحه. في المستشفي
هاقعد فيها
وانت ياعم احمد
ارجوك روح شوفها.
هي في النادي مصدومه
ولو فيه حاجه اتصل عليا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عيشه في الوقت ده.
كانت تشتكي من عنيها.
وكانت حبيبه حالتها زي ماهي
علي طول راقده
مابتتحركش
في يوم جالها الحاج حسن
وقال لها.
ان حسين جوز مني
قابل الدكتوره اللي متابعه حالة حبيبه في مصر
وقالت له
ان العلاج طول المده دي ماجابش نتيجه
يبقي مافيش حل غير التدخل الجراحي
عيشه قالت له
وهتتكلف كم العمليه
الحاج حسن قال
خمسين الف جنيه
عيشه قالت. ودول هاجيبهم منين
مانت عارف يابوي
ما امتلكش غير الدار اللي قاعده فيها
وماينفعش ابيعها واترمي في الشارع
الحاج حسن قال
كلام ايه ده يابتي
ان شاء الله حسين
هيعمل لها اوراق تتعالج علي حساب الحكومه
عيشه:- يارب يابوي
البت كبرت ياعيني
وبقالها سنين في رقدتها دي
والبنات اللي من سنها
معاهم اولاد
ربنا يشفيها ويزيل عنها المرض
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لوجين راحت المستشفي الصبح
شافت محمد نازل من الاستراحه
عملت نفسها مش شايفاه
راح وراها.
وقال لها صباح الخير
بصت له بزعل وقالت صباح النور
محمد:- مالك يافقريه لاويه بوزك ليه عالصبح
هتتعبي نفسية العيانين بتوعك
لوجين. مامسكتش نفسها من الضحك
وقالت له. كده بوظت دور الزعل اللي كنت عايشاه بكلامك الصعيدي ده
محمد:- طبعا. انا عارف انك مابتقدريش تقاومي اللهجه
لوجين. بس يامحمد طنط. امل
مش متقبلاني في حياتك مش عارفه ليه
محمد:- انا قولت لها. بعد ما مشيتي
اني عارف انها مش امي
وسبت البيت.
وجيت قعدت في الاستراحه فوق
لوجين. انا اسفه ان كنت سببت لك مشاكل
محمد. :- بالعكس يالوجين
الموقف اللي حصل اداني الجراءه
اني اخليها تبطل تحكماتها فيا
اللي زادت عن حدها وانا في السن ده
كل مشكلتها ان مامتك. كانت تنافسها في احمد
ومش عايزه اي كلام يكون بينا بسبب كده
وهم بيتكلمو.
جات ممرضه قالت ل لوجين.
يادكتوره. عايزينك في قسم الطوارء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
امل قاعده في البيت
احمد بيقولها.
ماكانش صح اللي انتي عملتيه ده
امل:- وهي بتبص ل احمد بطريقة شك
هو اذاي عمل كده
مين اللي حط في دماغه الموضوع ده
احمد:- انتي فاكره انه من يوم ماجبتيه معاكي
مش فاكر ولا عارف اللي حصل
دانتي جبتيه كان عنده ست سنين
يعني كان ساعتها عارف كل حاجه
ماكانش طفل علشان يكبر وهو مش عارف
اللي حصل معاه
امل:- بدئت تبكي وتقول ل احمد. ارجوك روح له المستشفي
وقوله يرجع
وانا مش هاتدخل في حياته
ولا هدايقه ولا ازعله تاني
احمد. قام. وقال لها. الكلام ده اعتقد لو سمعه منك انتي. هيرجع
روحي له.
اكيد هيرجع معاكي. محمد برغم كل اللي عملتيه معاه
الا انه بيحبك
وعمره مازعلك. بس كل انسان له طاقه
وانتي. ضغطتيه. اكتر من اللزوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عيشه راحت تاني للدكتور تكشف علي عنيها
وخدو اليوم كله في قنا
رجعت اخر النهارعيشه هي والحاج حسن
كانت مني وجوزها قاعدين
وجات يامنه تتطمن عليها
اول مادخلت عيشه
لقت حبيبه جايه تزحف من جوا اوضتها
لما سمعت صوتها
جريت عليها عيشه
ومني
وشالوها وقعدوها وسطيهم
قالت حبيبه. سلامتك ياغاليه الدكتور قال ايه علي عنيكي
عيشه:- طول مانا شايفاكي يا قلبي عنيا بخير
دانتي واختك مني النور اللي بشوف بيه
والعشيه دي حلمت. بواحد لابس ابيض
اداني شال رميته علي كتفك.
الحاج حسن. :- اللهم اجعله خير يارب
ان شاء دا خير جاي ل حبيبه
وبأذن الله تعمل العمليه. وتمشي علي رجليها.
يامنه؛- قلت لك وديها. للشيخ نور الدين ياواكله امك
لايكون البت معمول لها عمل
الكل فضل يضحك علي كلام يامنه
وفضلو يهزرو ويضحكو علشان يواسو حبيبه
واللي هيا فيه
وهم بيتكلمو.
سمعو صوت عربيات. قدام البيت
والباب خبط
،،،،،،،،،،،،،،،،،،،،،،،،،،،،،،،،،،،،،،،،،،،،،،،
امل. راحت المستشفي.
وسألت. علي محمد.
قالو لها انه. في العمليات
فضلت امل مستنيه. قدام غرفة العمليات
اكتر من ساعه ونص
فجأه الباب اتفتح
وشافت محمد ولوجين خارجين. يتكلمو مع بعض ويضحكو
لوجين شافتها. الضحكه اختفت من علي وشها.
ورجعت.
ندهت عليها امل
لوجين تعالي
رجعت لوجين ووقفت هي ومحمد قدامها
امل. فضلت. تعيط وتقول لهم
انا اسفه
خوفي عليك يامحمد. وحبي ليك يابني
خلاني اكون قاسيه معاك
انا بجد اسفه
محمد:- راح ناحيتها. وخدها في حضنه
وقال لها. اهدي ياماما.
وتعالي نتكلم في مكتبي
الناس بتبص علينا
خدها المكتب
وكانت لوجين معاهم.
امل:- محمد البيت من غيرك. مالوش طعم
ارجوك ارجع. وعمري ماهسالك تاني عن حاجه
ولا هفرض عليك حاجه
محمد:- ياماما. مافيش حاجه حصلت.
انا بس بجد محتاج اليومين دول اكون متواجد هنا اكبر وقت ممكن
ومجرد تغيير جو فتره وهرجع
امل:- بدء صوتها بالعياط يعلي
لا انت ماسامحتنيش
لو سامحتني كنت وافقت ترجع
ارجوكي يالوجين خليه يرجع
البيت من غيره بقي ضلمه
لوجين كانت دمعتها قريبه
قربت منها.
وفضلت تطبطب عليها
وقالت لها. ان شاء الله
كم يوم كده. ونخلص الحالات اللي عاملين لها عمليات
وهجيبهولك بنفسي ياست الكل
بصت لوجين ل محمد. وقالت.
اخص عليك ياوحس
حد يزعل القمر ده. في محاوله منها للتخفيف عن امل
محمد:- قعد جمبها.
وباس علي دماغها. وقال
زي مالبت المفعوصه دي قالت لك
هنخلص الحالات اللي معانا
ونتطمن عليها
وهكلمك قبل مانيجي
تعملي لنا الاكل الجميل اللي بحبه
من ايديكي الحلوين دول
ومسك ايدها باسها
،،،،،،،،،،،،،،،،،،،،،،،،،،،،،،،،،،،،،،،،،،،،،،
في دار عيشه
سمعو صوت عربيات. قدام البيت
والباب خبط
قام حسين فتح الباب.
دخلو اتنين ستات.
حسين مايعرفهمش
ومجرد مادخلو
جريو علي الحاج حسن ويامنه بالاحضان
دول اخوات عيشه.
فوزيه وفتحيه
اتجوزو في اسوان
من ساعة ما اتجوزو. ماجوش ولا مره بيت ابوهم
وساعتها ماكانش فيه تليفونات
كانو متجوزين اتنين اخوات
وازواجهم . سافرو السعوديه
وبقو اغنيا جدا
وجم بعربيات. اولادهم. يزورو يامنه والحاج حسن
راحو دارهم مالقوهمش
عرفو انهم عند عيشه
دخلو وبعد ماسلمو.
قعدو جمب عيشه
كانو يحبوها اكتر من امهم يامنه
لان عيشه كانت حنينه عليهم
فضلو يتكلمو مع عيشه
وقالولها. اومال اولادك فين
سمعت عيشه الكلمه دي
ودمعتها نزلت
وبقت تمسح في دموعها بالشال اللي لابساه
الحاج حسن. فضل يحكيلهم. علي اللي حصل
هو يحكي وهم يبكو.
قلبهم اتقطع من اللي حصل لأختهم
بعد ماخلّص الحاج حسن كلامه
فضلو يضّحكو في عيشه وينسوها
الوجع
قالت فوزيه. فاكره ياعيشه
لما كنتي بتجيبي لنا التين
من غير امي ماتعرف
من الشجره اللي كانت في زرعنا
اللي كانت امي مش بتخلي حد يقرب ناحيتها
وكانت تروح تجنيها وتبيع التين في السوق
قالت يامنه. اه ياولاد الجزمه
دانا كنت اروح الاقي الشجره فاضيه
اروح لجارنا في الزرع بيومي الاقرع
وانزل فيه ضرب بجريدة النخل
كنت فاكراه هو اللي بيسرق التين
كان اخرس الله يرحمه
اول ما انزل فيه ضرب كان يقعد ساعه يشرح لي ان مش هو وانا ماكنتش افهمه
قالت فتحيه اومال لو عرفتي ان عيشه
كانت تودينا الكتاب من وراكي
يامنه:- بصت ل عيشه وضربتها بهزار
وكانت اول مره يشوفو ضحكتها
وقالت. قولي كنتي تعملي ايه تاني من وراي
اوعي تكوني انتي اللي كنتي تاخدي الفراخ
وتقولولي اكلهم التعلب
فضلو يفتكرو في ايام زمان
ويضحكو
بعد شويه. فوزيه وفتحيه.
نامو علي حجر عيشه
زي ماكانو يعملو زمان
واخر النهار.
لما عرفو ان حبيبه عايزه عمليه
ادو عيشه تمن العمليه
وادوها فلوس زياده
عيشه فضلت تبكي من الفرحه
والحاج حسن قال لها.
شفتي يابتي
ربنا بيسبب الاسباب.
وبيجازي الاحسان بالاحسان
عيشه قالت. الحمد لله. علي كل حال
كل يوم وانا ادعي ربنا يفك الكرب
ويرزقنا من فضله
الحاج حسن. قال.
الصبر علي ابتلاء ربنا. علامه من علامات الايمان
استغفري ربنا كتير ياعيشه يابتي
زمان راح واحد للحسن البصري
قال له المطر مابينزلش
واحنا بنعيش علي النبت اللي بيتكون من المطر
قال له الحسن البصري استغفر
جاله واحد تاني قال لهاشكو الفقر
قال له استغفر الله
جاله واحد تالت قال له زوجتي مابتخلفش
قال له استغفر الله
جاله واحد رابع. قال له النبت بيموت
والزرع مش بينبت
قال له استغفر الله
اللي كانو قاعدين قالو للحسن البصري
هو كل اللي يسالك تقوله استفغر الله
قال الحسن البصري
وهو انا جبت حاجه من عندي
دا ربنا بيقول كده
وتلي عليهم قوله تعالي
بسم الله الرحمن الرحيم
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا) نوح 1
صدق الله العظيم
الاستغفار يابتي
ثمرته. زي ثمرة الصبر
لازم تجنيها.
وانتي ماشاء الله عليكي
صبرتي صبر_الجبال
وربنا بيرد لك جزائك
ان شاء الله مريضك هيشفي
وغايبك هيعود
وربنا هيعوضك باللي فقدتيه خيرص
