رواية حكاية زينة الفصل السابع 7 بقلم سلمي تامر
البارت 7
حكاية زينه
Part7
(انت ياللي خدت قلبي من الزمان ومن اللي فيه..خدت قلبي لدنيا تانيه احلى من اللي حلمت بيه..احلى عمر انا عيشته جنبك والحنان عندك كتير هو فيه كده زي قلبك لسه فيه فالدنيا خير..عمري منسى انا قبلك كنت فأيه ومعاك بقيت انا اي ..انا باقي ليك ولحد ماعمري ينتهي هفضل ياحبيبي معاك وهعيش واموت بهواك..انا ليا مين غيرك حبيب عمري 
)
)°°°^
زينه بصتله بخضه:زي..زينه مين انت اتجننت ابعد عني
تايجر بسخريه وغضب:انا هبقى ظابط يازينه..مش اسمك زينه برضه؟! انا اكتشفت من اول مشوفتك انك بنت مش ولد ..قوليلي بقااا مين اللي حضنك ده..قولي
زينه زقته وقالت بتوتر:وانت مالك انت؟!
تايجر مسك وشها بغضب وقربها منه تاني وقال بغضب جحيمي وغيرة:مييين دههه يازينه
زينه زقته بغضب:ابعد عني قولتلك وبعدين ده اخويا فالرضاعة،سيبني بقا لو سمحت
تايجر بعد عنها وبصلها بسخريه:واي اللي انتي عملاه ف نفسك ده بقا ،لازمته اي الفيلم الهندي ده
زينه وهي بترجع شعرها لورا بتوتر
:عندي اسبابي الخاصة علشان كده لازم اتنكر ومحدش يعرف شكلي الحقيقي
تايجر بضحك
:هتطلعي جاسوس ف الاخر ولا اي يابت انتي
زينه ضحكت هي كمان
:لأ اكيد مش للدرجادي يعني
تايجر بجدية
:طب ما تقوليلي يازينه الحقيقة انتي ليه مش واثقه فيا
زينه بحزن
:صدقني مش حكاية ثقة، بس اللي انا هربانه منه ده بتاع مشاكل وانا خايفه عليك منه
تايجر بخبث وابتسامه
:يعني انتي بتخافي عليا وواقعه فيا وكده
زينه بإرتباك
:هه ،ومين اللي قال الكلام ده لأ طبعا
تايجر بهزار
:اهربي براحتك مسيرك تعترفي بحبك ليا وعيونك تفضحك
زينه جريت من قدامه بضحك وقفلت الباب ف وشه
تايجر من برا بسخريه
:مش معقولة كمية اللطافه والذوق اللي فيك دي يازين ،الف شكر ليك يغالي
**
الصبح
مؤمن:يلا ياشباب بابا بعت عربية تانيه وهنقسم نفسنا فالعربيتين علشان معانا شنط لأسبوع
تايجر:احم انا وزين وكنان وخالد فعربيه
وادهم وانس وانت فعربيه
خالد برفض:طلاق تلاته ابدا..وراح حضن مؤمن:احنا مفيش حد يقدر يفرقنا عن بعض ابدااا
مؤمن:ياااعمررري
كنان:طيب تعالى انت وخالد ومؤمن وزين ياتايجر..وادهم وانس والحاجات فعربيه تانيه
ادهم:اشطا..يلا ننزل الشنط جيبوا شنطكم
زينه شالت شنطتها لكن لقيتها بتتسحب منها بصت لقيت تايجر اخدها منها وشال شنطته وشطنتها
زينه بضحك واستفزاز
:لأ راجل اوي
تايجر بنظرات ناريه
:غصب عنك يا عسل ،وبعدين تصدقي انا غلطان اني بجاملك
زينه وهي بتصالحه
:خلاص يا بوده بهزر معاك متبقاش قفوش كده
تايجر وهو عنيه بتطلع قلوب
:قولي اسم الدلع ده تاني كده
كنان اللي كان بيراقبهم جالهم بسرعه
كنان بخبث:خير يا رجاله فبه حاجه
تايجر بصله بغضب علشان قطع لاحظته مع زينه واخد الشنط ونزل
وزينه بصتله بخجل وسكتت
كنان:لااا ده هيبقى فيه تعامل تاني بقا
زينه:هو انت كنت عارف ان تايجر عرف اني بنت؟!
كنان:انتي عارفه عبدالرحمن ابن عمي اسمه تايجر ليه؟! علشان عندو قوة ملاحظه عاليه وسريع البديهة زي النمر..مفيش حاجه هتعدي عليه..انا متأكد ان تايجر لاحظك من اول يوم..ده انا لاحظت وتايجر اذكى مني بمراحل..يبقى مش هيكشفك؟!وبعدين كمل بمكر:وحسيت بنظراته ليكي وشكله كده واقع..ده انا هذله
زينه ابتسمت بخل وكنان بصلها بحنان اخوي:اسمعي يازينه..انا كمان لاحظت نظراتك ليه..وعارف ان فيه مشاعر مبينكم..بس عايزك تحافظي على نفسك..انتي هتبقي فحمايا يازينه واعتبريني اخوكي واسمعي كلامي..وتايجر لما يتخرج هيجيب عمي وابويا وعيلتنا كلها وهييجي يطلبك مني وانا ساعتها مش هوافق
زينه بصتله بخوف وكنان ضحك عليها:طب هوافق بس هذله شويه
تايجر طلع ليهم تاني وبصلهم بغضب:مش يلا ولاا ايي
كنان بصله بمكر وخبث:يلا طبعا يخويا جايين وراك
**
فعربية تايجر بعد ساعه على الطريق الصحراوي
تايجر كان سايق ومقعد زينه جنبه وكنان ومؤمن وخالد ورا
خالد بملل:انا زهقت يجدعان الصعيد بعيده اوي شغلوا اغاني
كنان برفض:لأ عندي صداع اسكتوا شويه
مؤمن:ماتشغل احسن
كنان برفض:قولت لأ
خالد ومؤمن بصوا لبعض بإبتسامه خبيثه وخالد مسك بلاستيك من العربيه وطبل عليه ومؤمن سقف
خالد بغنا: ايوه ياواد ياولعاااة
مؤمن وهو بيسقف:ايوه ياواد ياولعة
خالد:خدها ونزل الترعه
زينه غنت معاهم :ايوه ياواد ياولعه
خالد:وعند بيت ام فاروق
زينه ومؤمن:آي آي
خالد بتطبيل:الشجرة طرحت برقوق
زينه ومؤمن:آي آي
كنان بصراخ:بس ياض انت وهو اييييي
خالد بغنا وتطبيل وصوت عالي:ياطبلة رني ياطبلة ياطبلة رني انا عندي جارة ياولا هتطق مني
مؤمن وزينه بضحك:ياطبلة رني ياطبلة ياطبلة رني انا عندي جارة ياولا هتطق مني
خالد:يلا ياحارة هس هس ده احنا اللي عملنلكم حس
كنان بصراخ لتايجر:انت سايبهم ليييه ياعم متتكلم
تايجر:سبني دلوقت وحياة امك علشان بسابق انس
خالد رمى البلاستيك بلهفه:فين سباق فين وريني كده فين فين
كنان:صبرني يااارببب
خالد ومومن طلعو دماغهم من الشباك
وشافوا عربية انس جنبهم وبيحاول يسابقهم وجنبه ادهم بياكل
خالد وهو مطلع راسه من الشباك لأنس:ده احنا هقطعوكم النهاردة
ادهم وهو بياكل: ادخل ياروحمك لتستهوى
كله اندمج فالسباق اللي عملينه الشباب وفالآخر تايجر كسب وغمز لأنس
كنان بفخر:الاسماعلوية مش بيخسروا يجدعاااان
تايجر:حبيبي يابن عمي
خالد رجع مسك البلاستيك تاني وطبل:يلي عالترعه حود عالمااالح
كنان بصراخ:قسما بالله لو مخرست ياخالد هرميك من العربيه
خالد بتذمر:طب انا عايز ادخل الطوليت دلوقت
كنان بقرف:الطوليت..ووجه كلامه لتايجر:اقف يابني على جنب حبيب ماما عايز يدخل الحمام
تايجر بسخريه
: اعمل فالبوتي دلوقتي يا لوده علشان مش هينفع اقف هنا ياننوس عين امك
مؤمن:وانا جعان
كنان:يابني انت وهو ارحموني بقاا انت ياض مش فاطر خمس مرات النهاردة؟!
تايجر:فكك منهم ياعم مش هتخلص
**
بعد مده وصلوا لبيت كبير جدا فالصعيد
نزلوا من كلهم معادا زينه من العربية وشافوا راجل وست مستنينهم بإبتسامه جميله
اميرة بترحاب:اهلا اهلا ياحبايبي وحاشني والله
خالد:اهلا بكراشي حبيب قلبي وحشاني يامزه..ااااه اهدى ياعم وجيه
أضف تعليقاً
وجيه بغيرة وهو ماسكه من تيشرته:طب اديني فرصه طب ارحب بيك بتغتت من اول منزلت من العربيه؟انا عرفت مؤمن مصاحبك ليه
خالد بهيام:مؤمن ده قلبي هيححح
وجيه سابه وضحك عليه وراح سلم على باقي الشباب واستقبلهم
تايجر وكنان ومؤمن بصوا وراهم لما لحظوا ان زينه مش موجوده
تايجر راحلها العربيه بقلق:مالك يازين فيه حاجه ولا اي؟!
زينه نزلت من العربيه:لأ كنت بدور على فوني
مؤمن:تعالى يازين اعرفك على ماما وبابا
مؤمن لوجيه:ده زين يابابا صاحبنا الجديد
وجيه بإبتسامه حنونه:اهلا وسهلا يابني اتفضل نورتنا
مؤمن لأميرة:ودي ماما يازين
زينه واميرة عيونهم اتقابله لأول مرة..اميرة حست بشعور غريب نحيتها وبصتلها بحنان
:اهلا يابني نورت بيتنا والله اتفضل
زينه ببسمه خجوله
:شكرا ليكي ياطنط
دخلوا البيت وقعدوا كلهم عالسفره يتغدوا
زينه بصت حواليها بإعجاب وحبيت البيت ده اوي واستغربت ازاي مؤمن سايب بيت زي ده وعايش مع صحابه فشقه يعتبر صغيرة..بس بعدين بصتله وشافت علاقته بخالد والشباب..شافت ضحكه وكلامه وهزاره معاهم وحبه ليهم..السته بينهم علاقه غريبة وجميله اوي..واتسعت ابتسامتها لما عرفت انها بقيت واحده منهم
فجأه ابتسامتها اتحولت لألم ومسكت جنبها و.....
تفتكروا اي اللي هيحصل لزينه؟
استوووووب
