رواية علي الهامش الفصل السادس 6 بقلم جمانه السعيدي
اسامه...رجعنا للبيت واني طول الطريق ساكت
مااعرف هاي مصيبه جديده يريد يوكعنا بيها احسان
لو هاي البنيه فعلا مسكينه وماتعرف حقيقته
بس دخلنا للبيت
اسامه...هاي البنيه ماتفيدنا
امي...ليش شبيها بنيه يتيمه ويحبها وتحبه
احسان...خل يكون بعلمك اني غير عبير ماازوج
اسامه....خل نحجي وحده وحده
اولا ...جبيره اكبر منه بثمن سنوات
ثانيا...موحلوه
ثالثلا....البيت مابي رجال نحجي وياا شلون نتفق ويامره
امها مبينه وكيحه
احسان...اني اصلا اعرف هيه اكبر مني وماعندي مشكله
ثانيا اني عاجبني شكلها واحبها وتحبني
ثالثلا...اذا ماعدها اب بعد احسن بس نسوان ونكدر عليهن
امي....يمه هو مقتنع بيها وهيه مقتنعه بي ليش تخرب فرحتهم
اسامه....يمه ما تلائمنا
امي...بلعكس يتيمه وفقيره وأم بيت قابل نخطب بت الوزير هاي البنيه من طبقتنا
اسامه...وشلون راح يعيشها
احسان...بس ازوج ادور شغل واشتغل
امي...هااا مو كتلك بس يزوج ينصلح حاله من هسه
كام يفكر بلشغل
اسامه...خل اسئل عليهم خوما ندخل عليهم عمياوي
امي...ميخالف
احسان...شنو ميخالف اني سئلت عليهم واعرف كلشي عنهم
مقتنع بيهم
اسامه...اذا هيج طلع فلوسك وازوج شمنتظر
احسان....لا تبقى تعيرني فهمت لو لا اني راح اشتغل وارجعلك كل فلوسك
اسامه...اسئل عليهم ويصير خير
ثاني يوم بديت اسئل عنهم بلشارع وسئلت عليهم بلمنطقه
كلفت ولد صديقي بيت خالته بنفس الشارع
يسئلهم عنهم
اربع ايام واني اجمع عنهم معلومات
امي اكلت راسي كل يوم تسئلني هااا سئلت عنهم
هااا نروح نخطب
واني اكلها انتظري اريد وقت اسئل عنهم واتأكد
اليوم الخامس عرفت كلشي عنهم
الناس كلها تشكي من ام عبير وكحه وصاحبت مشاكل
بحيث تتعارك ويا الرايح والجاي
على كلشي تتعارك حتى على الزباله تكرمون
واكو ناس كالو عليها ايدها طويله
اذا شافت اي باب من أبواب الجوارين مفتوح
تدخل تاخذ اي شي برا ملابس على الحبل
حذاء شحاطه مره ماخذه تراك من جوارينهم شارينه على الحبل وثاني يوم طالعه بتها لابسته
والجوارين شايفيها ومتعاركين وياها بس مارجعته
تحلف مشتريته
اذا راحت محل لو سوبر ماركت تبوك اي شي
حتلو صابونه ايدها خفيفه حيل
الشارع كله يكرها وما يحبها لو تعاركت وياا واحد بناتها
يهدن كلهن وياها
تغلط وتفشر بلشارع ماعدها مانع
لا تخاف ولا تستحي
رجعت للبيت بس دخلت
امي....الله يساعدك
اسامه....هله يمه
امي...اليوم اخوك زعلان يكول اسامه مايريد يزوجني لان الفلوس منه يكلي روحي اتقرضي من اي أحد
واني اشتغل وارجع الفلوس ورا العرس
جمانه السعيدي
اسامه...مادام فتحتي الموضوع خل احجيلج كلشي عرفته عن أهل العروس
امها صاحبت مشاكل على اي شغله تسوي مشكله
وايدها طويله حراميه
وبناتها كلهن نفسها لو هدت على اي وحده كلهن يهدن
وياها
امي...لان ماكو رجال بلبيت طايشات
اذا ازوجت وصارت بحكم اخوك واني وياك فوك راسها
تبطل هاي السوالف
واذا امها موزينه على نفسها
اسامه...يمه احنا شنو نعالج الغلط بلغلط
هاي البنيه وعائلتها ماتكدر تعيش بيتنا
وابنج مو كفو يوكفها عد حدها هيه الي راح تلعب بي وبينا طوبه
شنو البنات خلصن ماكو غير هاي دوريله وحده غيرها
بت ناس اوادم يتعاتبون
امي...غير كون يقبل يكول احبها وماازوج غيرها
اسامه...انتي احجي ويااا فهمي احجيله عن امها
او خلي يروح يسئل عنهم بلشارع حتى يتأكد
امي...احجي ويا ميخالف
اتغديت وطلعت للشغل
من رجعت بليل لكيت امي ضايجه
اسامه...هااا يمه خير
امي...اخوك زعل وكام يحجي حتى صينية الاكل كلبها
يكول هاي السوالف مو صحيحه
اني سئلت عنهم واعرف همه شنو قبل لا احجي بلخطوبه
هاي الناس الي يحجون عنهن يكرهوهن
لان نسوان وكاعدات وحدهن الناس مستقويه عليهن
اني اذا ما تخطبوها اليه اكتل نفسي اني احبها
لو اروح اعيش وياها بيت اهلها
وبعد مااخليكم تشوفون وجهي
اسامه...انتي كتيله نخطبلك غيرها خاف عباله علمود الفلوس
امي...اي كتله مايقبل يريدها
اسامه..... هذا شبي اثول خوما اثول اكو واحد يجيب وجع الراس النفسه
بنيه هيه واهلها موزينيبن ليش هيج متمسك بيها
امي...يمه الله يرضا عليك اخطبها اله خل يزوجها
بس يزوج احنا بعد مالنا شغل بي
هو وياها يتلائمون احنا نطلع منها خليها تصير بركبته
بلكت يحس بلمسؤليه شويه ويطلع يشتغل
اسامه...بس باجر وبعدها نروح نخطب
قررت اروح باجر الام عبير واحجيلها عن وضع احسان
اكلها يشرب ومايشتغل بلكت تطلع ما تعرف
وتبطل من هاي الزواجه
ثاني يوم من طلعت من الدوام طلعت كبل على بيتهم
دكيت الباب طلعت ام عبير لابسه دشداشه نص ردن وبدون حجاب
اسامه...شلونج خاله عرفتيني
ام عبير...اي اعرفك انت اخو العريس
لا دخلت ولا لبست حجاب واكفه فاتحه الباب وتسواف عليه
ام عبير...تفضل ليش واكف برا
اسامه...لا بس ردت اكلج كلمتين واروح
ام عبير...اي تفضل
اسامه...اني للامانه ماريد اضلم بتج ويا اخوي
ترا احسان مايشتغل ويشرب ويدخن وهاي بنتج امانه
لازمه تخلينها بلمكان المناسب
ام عبير....اي اعرف كلشي اعرف عنكم اني هم سئلت
عنكم واذا يشرب بس يصير اب ومسؤل عن عائله يبطل
والتدخين حتى البنات ادخن
اذا على الشغل هو عنده راتب ابوك يعيشون بي
واذا اشتغل زايد خير
وانت هم موجود انشاء الله ما تقصر وياهم
هو اخوك الوحيد قابل تعوفه
وبيتكم ملك يعني احسن من عدنا عايشين بيت خرابه
وايجار
بلكت ينصلح حاله بعد الزواج
أسامه...يعني انتي تعرفين كلشي عنه وراضيه بهاي الوضعيه
ام عبير...اي مادام يحبها وتحبه
اسامه...زين خل اكلج شي كلش مهم بلنسبه اليه
اني مامسؤل عن هذا الزواج
باجر يصير بينهم خلاف يتعاركون يطردها يضربها
لا تجين تعاتبيني اني مالي شغل
ام عبير...طبعا رجال ومره انت شلك علاقه بيهم
اسامه...اني هيج خلصت ذمتي كدام الله انتي مسؤله عن هذا الزواج مع السلامه
ام عبير...الله وياك
جمانه السعيدي
اسامه...رجعت للبيت اتغديت وطلعت ماجبت طاري الامي
عن هاي السالفه
لليل من رجعت لكيت امي زعلانه عليه
اسامه...شكوووو ليش زعلانه
امي...شلون تروح الام عبير تكول اخوي يشرب ومايشتغل
اسامه...وانتي ليش زعلانه قبل لا ندخل بهذا الزواج
لازم تعرف كلشي عن احسان
حتى لا تعاتبنا باجر
هيه قابله بي بوضعه هذا هاي بتها محد متقدملها
ولا واحد داك بابها بس طلبها احسان كيفت
وين اكو وحده تقبل تنطي بتها الواحد سكير ولا شغل ولا عمل
لكت احسان كدامها كيفت
اني كتلها مالي شغل بيكم ولا تجين باجر تعاتبيني
وهيه وافقت
باجر اسحب الفلوس من المصرف وانطيج حتى تجهزين
للعرس اني العليه سويته وبعد بكيفكم
ثاني يوم طلبت زمنيه من المدرسه وطلعت سحبت الفلوس وانطيتهن الامي حتى تدفع المهر وجهز غراض العرس اباقي الفلوس
يومين وامي كالت اشترينا ذهب للعروس
وباجر نمشي على أهل العروس حتى نكطع مهر
اسامه .....اخذت مشيه جماعتي وولد عمي وابن خالي ورجال سيد من منطقتنا ورحنا مشيه عليهم
كاعدين بلمشيه بس خال البنات وواحد صديقه
بعد ما خلصنا طلعنا بس احسان بقى بيت العروس
يومين ونصبت غرفة النوم غرفة تركيه بمليون
طبعا اني كلش ضايج واني اشوف امي تهتم بعرس احسان وناسيتني
تشتري وتحضر للعرس واني مو بعينها ولا كالت كبر
لازم يزوج تعب ويانا هواي شايل المسؤليه على جتافه من يوم مات ابو لليوم
شنو ذنبه ليش يتحمل فشل احسان
بقت غصه بكلبي مااكدر احجي منو يسمعني ومنو يفهمني ومنو يحس بيه
اجا يوم العرس واحسان الي جان ينام من الصبح للمغرب ب
كاعد وكاشخ وفرحان شلون مايفرح وهو كاعد وكلشي يريده يجي بدون تعب
حتى العرس اجا على الجاهز
بيومها نزلت فراشي ونمت جوه حتى استاذ احسان ياخذ راحته هو العروس
اسبوع واني نايم بغرفة امي علمود العرسان
صعدت الغرفتي نضفتها حتى ارجع انام بيها
بليل ماكدرت انام
صوت التلفزيون بغرفتهم عالي وصوت الضحك واصل للشارع واني اريد انام عندي دوام
صحت بصوت عالي صوت التلفزيون اريد انام
عندي دوووام
عبالك مايسمعون
طلعت من غرفتي دكيت الباب عليهم
اسامه...احسان نزل صوت التلفزيون اريد انام عندي دوام
احسان...انزل نام جوه احسلك
اسامه...شنو انام جوه اريد انام بغرفتي
احسان...واحنا نريد نسهر شلون ماناخذ راحتنه
اسامه...اي التلفزيون بغرفتك اذا نزلت الصوت تسمع
احسان...ماانزله اذا ما يعجبك انزل نام جوه
اسامه...ضربت الباب بقوه افتح اذا مااكسر التلفزيون على راسك
صعدت امي على صوت الصباح
امي...شكووو
اسامه...اريد انام باجر عندي دوام مايقبل ينزل صوت التلفزيون
امي...يمه عيب بعدهم عرسان تعال نام بغرفتي
مايصير هيج لازم الباب عيب
اسامه...شلون مااخذ راحتي بيتي
امي...هسه كم يوم ويملون وواحد من الثاني
بعدهم فرحانيين بعرسهم
سحبتني امي حتى انزل اسمع عبير تكووول
...اكيد يغار من عدنا لان بعده مامزوج
ردت ارجع ارزلها امي ماقبلت نزلت نمت بغرفة امي
خلصن اسبوعين وهما على نفس الطربكه والهوسه
واني نايم جوه بغرفة امي
انتظر الفرج
ممكن تعلقون اكثر
