رواية ليتني واجهتك الفصل السادس 6 بقلم مريم الطائي

ليتني واجهتك

الكاتبه :مريم الطائي

مسكني علي من ايدي وطلعنا لهول بعد مالكل باركلنا شغلو الاغاني وبداء الركص

البنات جانو يركصون من فرحتهم بينا بس سلوى غير جت وكفت كدامنا وصار تركص حتى تلفت نظر علي

علي نزعني الشال وسحب خصله من شعري وشمها

علي

ياقلب علي

مادا اصدك صرت الي

لاحبي صدكي اني كد الوعد

انت احلى شي صار بحياتي

حضني من كتفي وباس راسي ام سلوى كل اشويه اتخنزر ب سلوى اتريدها تكعد مايفيد وماجت غير كدام علي تركص مو البنات دا يركصون ب صفحه

علي شافني ضجت شفتو ياشر لاماني

ها علاوي

امونه وين هدير

دا يحضرون البقلاوه لزلم

كوليها علي يكول خلي تجي تسحب سلوى طوختها

اوكي

راحت امونه وبعد اشويه اجت هدير كالتها تعالي ساعدنا بل مطبخ من راحت علي سحبني من ايدي وكمنا نركص

علي اشر ل لؤي يركص مع جنات

كام لؤي يركص مع جنات وهيا خجلانه وتبستم

اشويه وطفينا الاغاني وعلي طلع مع الزلم بره

صار المغرب الكل راحت

علي

جان اسعد يوم بعمري اخذت الي احبها من وعدتها راح اخذها يعني راح اخذها ليش اخلف بوعدي الها ليش اخليها اتحبني وتولع بيا وبل اخير اتركها وكلبها ينكسر اذا حبيت حب بصدق واذا وعدت اوفي انت رجال لازم توفي بوعدك

سدره

رحت غسلت وبدلت ومن فرحتي حتى اكل ماريد اكل

دك الموبايل علي جاوبت اجت باذني اغنيه هيثم يوسف

عيونك حلوه صوبن كلبي

ماخلني اندل دربي

النظره الهفاتك

اتمني اسمع كل همساتك

عيونك حلوه محلاها

سبحان الرب السوها

دا تسمعين حبيبي

اي دا اسمع حيااتي

فرحانه

اي حييل فرحانه

اخخ انفاسج قزومتي

علي احبك لاتعوفني ابد

ماعوفج وعد ابد

تحبني

اخخخ هو هذا هم سؤال

احبها اسمعها منك كل وقت وكل دقيقه وكل ساعه

شلون ماحبج ياكلبي والله اعشق التراب الي تمشين علي انتي

انت حبيبي وسندي وكلشي حلو بهاي الدنيا

امممواح ع خدودج الحلوه وثمج الي يخبل وخشمج الي ينوكل

ههههه

حبيبي تلحكين ااذا انسوي الخطوبه الجمعه الي تجي

اي عادي ماعندي شي

جيد عجل باجر اجي اخذج واخذ امي وعمتي ونروح لسوك ماشي نتشري ذهب

حبيبي والله عندي كومه

لا حياتي هذا حقج ونحنا اتنفقنا وهذا اقل شي اقدم الج

بس اريد من الله يحفظك الي ماريد شي ثاني

امين يارب اتعشيتي

لاماريد

ليش

من الفرح ماجوعانه هههه

ههه لا مايصير كومي اكلي يالا

هسا من اجوع اكل

سديت الموبايل من علي حان تعبان واني هم تعبانه دك عليه عبدالله حفظت الرقم مالتو ع الغيب حتى كل مايتصل ماجاوبو

دك تقريبا ثلاثه مرات اخر شي قرارت اجاوبو

الو نعم شنو اتريد

سدره

وجع ابو سدره بكلبك انت صدك ماتستحي

سمعت صوت ضحك يمو وصوت عبدالله جان يحجي ب ثكل امبين سكران سمعتو كام يبجي ويحجي

ليش وافقتي ع علي

عبدالله ليش هيجي دا اتسوي بروحك

اني اني عبالي اتحارش بيج وافلش كلشي مع علي واخليكم تاذون اريد انتقم من علي بس طلعت احبج سدره والله احبج

ليش ليش هلكد تكرهو شنو سوالك علي عبود نسيت نسيت انت وعلي من جنتو اتنامون ب فراش واحد نسيت من يكولك عضيدي

بس اني اكره هاي الدنيا كلها حتى امي ماحبها حبيتج انتي وبس

واني مو مالكك

سدره راح اندمج حييل راح تاذين ب سببي

ماتكدر اتسوي شي انت اناني انت تكره علي وماحبيتني ردت نتقم من علي عن طريقي شلون علي مرتاح بحياتو شلون ابوك جان دائما يكول علي احسن منك ردت تاخذ كلشي حلو بحياة علي وتحلم ياعبدالله......انعيش سوى اني وعلي وانموت سوى وماتاذي غير نفسك الله يهديك تصبح ع خير

سديت الموبايل وكمت ابجي عبدالله ضاع ب سبب كرهو لعلي هذا صديقينا هذا عشنا معا ايام حلوه ليش هيجي صار بي ليش لغز ماكدرت احله الى حد هذا اليوم ليش عبدالله يكره علي معقوله كلمة علي احسن منك هيجي خلته يصير

كعدت ثاني يوم الصبح غسلت وتريكت وبدلت جا علي علينا هو وعمتي وطلعنا اني وماما معاهم

من دخلنا بل سوك علي ماسك ايدي ماعافها دخلنا لصايغ

وكمنا نختار ذهب بوكتها جان موديل شعار ينلبس ع شكل قران وهم اكو غير فصال اني عجبني القران وعلي اختار واحد ثاني هم

وطلب من ابو الصايغ يسويلينا اسم علي

اخذت زوجين تراجي جان بامر من علي طبعا واخذت ست اسوارات ومحابس اثنين وحلقه جان ذهبي حييل حلو بوكتها

رحنا افترينا ع فساتين علي عجبو لون احمر

سدره هذا الاحمر حلو

هم احمر

اي طبعا احمر اكو احلى من لونو اخذي احمر واخذي واحد ثاني هم

اوكي

اخذت لون احمر منفوش واخذت واحد فصال سمكه لونو ذهبي

علي ماقبل نرجع لبيت الي نتغده بعدين

اتغدينا ورجعنا لبيت تعبت حييل بس ردت افوت اسبح وانام نمت وكعدت نظفت غرفتي وامخليه سماعات باذني وعلي يحجي معايا

سدره بعد الخطوبه راح اروح لبغداد

ليش هم لبغداد

هناك راح ادوام ب قناة

علي ماريدك تبتعد عني الله يخليك

سنه وارجع ونتزوج

يعني هم راح اتعوفني

ماعوفج والله بس اجاني شغل سدره ماريد اعوفو

بكيفك حبي

ضجتي

طبعا اضوج عليك

لاتضوجين حياتي ارجعلج بحييل الله

ان شاء الله

مش الاسبوع ب تحضيرات الخطوبه وملتهين واني واماني وجنات نركض هينا وهينا مره لؤي يجي ياخذنا لسوك مره علي ياخذنا لصالون

هليوم واكفه اني ب فستاني الابيض كدام المريا واتامل تفاصيلي شكد حلوه طالعه اكيد حبيبي راح يتخبل بيا هليوم

جنات واكفه اتعدل ب فستاني وتبتسم فجئه عبدالله وفستاني صار دم اتخبلت كمت ابجي ليش صار دم ليش

جنات دحكي ع فستاني صار دم

هذا عبد الله سوى هيجي بيج دحكي

التفتت عبدالله

ركضت عليه وصرت اضربو حقير ليش هذا الدم ع ملابسي ليش هليوم راح اخذ حبيبي خربت كلشي لا انت ماتكدر اتخرب شي مستعده اتزوج علي لو حتي ب دشداشتي

كتلج اكلب حياتج جحيم

ماتكدر ماتكدر

جنات:سدره سدره

جنو شبيج

جنات تبجي واتصيح

شوفي ثوبي كله دم اني هم

ركضت ع جنات واريد اهدي بيها صارت اتصيح عليه

كلو ب سببج فستاني صار دم لؤي ماراح ياخذني بعد

جنات حياتي

انتي السبب انتي السبب

وسحبت ثوبي وشكتو

لااااا جنات لااااا

فزيت من النوم وجنات واماني يحضنون بيا وجنات تقراء عليه ايات

واني بعد اكولها

لا جنات لا حباب لاتشكين ثوبي

اماني::سدره هذا كابوس كابوس

سدره؛:كابوس اي كابوس صحيح

جنات؛ شبيج يروحي هذا كابوس

خليت ايدي ع وجهي وكمت ابجي

شفت حلم موزين شفتج جنات دا تشكين فستان عرسي

اماني ؛اشش حبي لاتكملين مو زين تحجين الحلم

سدره؛:امونه اني خايفه

جنات::من شنو خايفه حبي اتعوذي من الشيطان ونامي

سدره؛:اريد علي

جنات؛:سدره ساعه 4 الفجر علي هسا نايم

اتعوذت من الشيطان وشربت ماي وقريت ايات خايفه من هذا الحلم خايفه لاحلمي يتحقق بهاي الليله هذا الحلم جان رساله من رب العالمين بس اني مافتهمت هذا الشي وبل اصح كلبي هو الي خلاني امشي

جانو جنات واماني نايمين عدنا لان جانت ليلة الخطوبة مالتي

ماكدرت انام ضليت افكر يارب شنو هذا الحلم اخخ عبدالله خايفه لايسوي شي معقوله يسوي لا اني دا اشوف هذا كابوس ب سبب التفكير

صارت الساعه 6 الصبح دكيت ع علي بعد ماتحمل

طلعت لحديقة وصرت احجي معا

علي

ها سدره صاير شي

لا ماصاير شي وكمت ابجي

سدره شبيج كولي منو مات احد صار بي شي خالي بي شي سدره

علي شفت كابوس

لاحوه ولاقوه الى بالله ترى سدره وكعتي كلبي اني نايم فزيت

اوكي اسفه يالا باي

تعاالي كلبي تعالي لاتزعلين بس جفلت شبيج شفتي كابوس

اي شفت جنات دا اتشك ثوبي ماكدرت اكمل الحلم اخاف يشك بيا

لاتحجين الكابوس حيااتي موزين

كام علي يحجي معايا ويهديني ويضحكني تقريبا فوك الساعه يحجي معايا هديت اشويه ارتاحيت سديت الخط من علي

اماني وجنات واسماء وامي كلهم كعدو تقريبا

اماني:؛خاله البارحه سدره شافت حلم مو زين

ام سدره؛ ياستار خمه حجيتي ماما

سدره::مو كلو بس اشويه حجيت من عندو

ام سدره:: اقري ايات ماما قبل ماتنامين هذا من التفكير

حضرنا الريوك وكعدنا كلنا اتريكنا كملنا الريوك ونظفنا البيت واماني راحت تسبح ب بيتهم وجنات سبحت عدنا واني وراها وحضرنا اغراضنا

وعمر اخذنا لصالون دخلنا لصالون ومسكتنا ام الصالون واشتغلت بينا تسريحات ومكياج ماخلصتنا الي العصر

رحت لبست فستاني لبسوني البنات الفستان وكفت كدام المريا وكلبي كام يدك سريع اتذكرت الحلم خايفه لا هذاك جان مجرد كابوس

غمضت عيوني واتخيلت علي من راح يشوفني شكد راح يفرح فتحت عيوني واسماء واسراء واماني وجنات وخوات علي واكفين كلهم

هدير ؛:يالا سدره علي بل طريق

هزيت براسي مبتسمه

حلوه طالعه مو

جنات::اتخبلين كبدي

دك موبايل هدير كالت علي ولؤي بره

لبسوني الشال مال عروس وطلعت والبنات ورايا رفعت راسي علي كدامي ويضحك

باسني من راسي

طالعه ملاك

رفعت عيوني اتامل ملامحو حلاقتو ولبسو طالع يخبل

حبيبي طالع اتخبل

عيونج الحلوه ياروحي يالا امشي لمصور

لؤي؛:اني اخذ البنات لبيت

سدره؛بس خلي وحده تجي معايا

لؤي؛:لا ماحاجه روحو وحدكم اذا احتاجيتي شي علي معاج

اماني ؛:اجي اني

لؤي ؛:سحبها من حجابها امشي كدامي لا صايره راس بصل بكل قصه الج حصه

الكل؛:ههههههه

اماني::ههههه دا اتشاقه والله

علي؛:يالا كلبي

فتح باب السياره علي وصعدني وركب هو يسوق جان امزين السياره اشكد حلوه

الطريق كله امشغل اغاني ونركص ومره يمسك ايدي ونركص مره يبوسها ومره يتغزل بيا

اخذتها ولكم اخذتها هاي حب طفولتي ومراهقتي هاي

وصلنا الاستوديو مسكني علي من ايدي ودخلنا المصور سلم ع المصور وشال الغطه كامل وكفت عدلت شعري ونفسي جا المصور

يالا مستعدين

اي

يالا اكفو

كام يسوي المصور حركات ونحنا انسويها وناخذ صور كصينا جثير صور بوكتها

كملنا الصور وعلي اخذني لبيت وصلني وهو راح لبيتهم

قبل من انزل باسني من خدي

شنو هذا الجمال سدره

هذا كله الك

اني الج بعد الحفلة

ضحكنا ونزلت رحت لبيت استقبلوني البنات بل هلاهل جان الكل موجود كعدوني بمكاني

جانو البنات امسوين كوشه حييل حلوه وترتيب

كعدت بمكاني بل حديقه وكامو يركصون علي راد بل قاعه انسوي الخطوبه بس اني ماقبلت لان نحنا بس حديقتنا 200 يعني حلوه ومرتبه واني دائما اهتم بيها وصار بيها خطوبة اختي اسماء حبيبت اني هم اتصير خطوبتي

كامو يركصون البنات اشويه وصوت الهورنات كلبت الدنيا اتكول زفه مو خطوبة

دخل علي وويلاد عمي ويلاد عماتي وهو ويلاد عماتو وعمو ماعزمنا احد غربه بس صهيب وصهيب معاهم يهوسون ويغنون عبدالله الوحيد ماشفتو ارتاحيت من ماشفتو

جا علي اتقدم واتصافح معايا المصور يصور وعمتي تركص معاهم محمد ولؤي يركصون مع امهم

اتصافح علي معايا وباسني وكعدنا واشتغلت الحفله كلبوها كلب الويلاد صارت مختلطه اشويه وسحبو علي كام يركص معاهم ورجع علي سحبني وكلنا كمنا نركص وندبج صار وكت يلبسني الذهب لبسني الذهب وباسني متت بدمي من الخجل ورجعو جابو الكيكه قطعنها وطعمنا هدير وصهيب واماني وبعض من العزابيه الي موجودين حتى يتزوجون وبعدين بدلت جانو ملابسي حييل حلوين

صار وكت العشه وزعو العشه دخل بابا وعمو قصي سلمو علينا وباسونا

ابوسدره ؛: انطيتك اغلى شي عندي قطعه من كبدي لاتفرط بيها

علي؛:الموت اهون من اني افرط بيها خال

ابوسدره؛:الله يرضى عنكم ويسعدكم ويلادي

من شفت بابا يوصي علي بيا دموعي بس تنزل علي دحك عليه مسح دموعي وابتسم

خلصت الحفله جت اخت صهيب باركتلي واختو فدوه اشكد حلوه

صهيب :: سدوره هاي اختي صفا الي جنت احجيلكم عنها تدرس قانون

شكد نازوكه وحلوه باستني وباركتلي

صفا:ان شاء الله شايفه الخير حبيبتي

سدره؛:حياتي يوم لجه نفرح بيج

صفا؛:بوجودج ياروحي مبروك عليك سدره اخويا

علي؛:الله يسلمج اختي يوم لحضرتج

صهيب؛: هاي الوالده كاعده مع ام اماني

علي؛:يعني انكول مبروك

صهيب؛:ههههه ان شاء الله عن قريب

صفا::اشكد حلو كروبكم حيل عجبني ماعبالك اصدقاء عبالك اخوه بيت واحد

سدره؛:اي صح نحنا كلنا اتربينا سوى ومن دخلنا لكلية صهيب ولؤي اتعرفو بل كلية وصارو اصدقاء وعرفنا على وصار واحد منا وبينا

جت ام صهيب سلمت علينا وبوستني جانت خوش مرة حبابه وطيبه لؤي جا اتقرب دحك ع اخت صهيب

لؤي::منو هاي القشطه الي هينا

صهيب مسكو من ياختو

ول مطي هاي اختي

لؤي؛ لا ياربي اشجب حتى جاب قشطه وطحينه (راشي )

الكل ؛:هههههه

ام صهيب ؛:هههه انت ماتبطل من سوالفك

لؤي؛والله حجيه اذا ماضحك وشقه ماتمشي الدنيه مو تمام ياقشطه

سدره؛:ههههه تررى اصيحها

لؤي؛:اكولج انتي وجهج وج عبسي ياقشطه يابطيخ

لؤي كال هيجي وكلنا متتنا من الضحك

صفا؛:هههه هيجي عليه

لؤي؛:يمعود اسكتي صار بيها جنو هسا اتاجل عرسنا من هينا عشر سنوات الخ

صفا؛هههه تستاهل

لؤي؛:لاصحيح طلعتي عبسي جنو جنات تعالي

جت جنات تمشي ومبتسمه لؤي واكف كدام الكل يدلع بيها

جنات وصلت يمو وحضنها من كتفها

صهيب؛:جنو لايغرج الحجي ترى جذاب صار ساعه يكول قشطه وماقشطه لصفا

جنات رفعت عيونها دحكت ع لؤي

صحيح لؤي

لؤي ؛:خرب بنصك صهيب هليوم اش راح ينومها راح تكضيها بس تبجي

صفا::ههههه فدوه الله يحفظكم حبي ولايحرمكم من بعض

جنات؛:تسلمين كلبي

جناات ؛:اني راح اروح افوت جوى اخذو راحتكم

عرفت جنات ضاجت لان لؤي كال لصفا قشطه لان هو دائما يصيح لجنات قشطه

لؤي؛:جنو وين رايحه

رايحه احضر اغراض

راحت جنات

لؤي؛:خرب بنصك صهيب هسا تزعل من عندي واني مايهون عليه ازعلها

صهيب ؛:هههه تستاهل

ام صهيب؛:روح يوم راضيها خطيه امبين حييل اتحبك

علي؛:اتحبو ب شكله بس اتغار فدمره من يطلعون لكلية مويترتب تتعارك معا ليش طالع حلو حتى البنات يدحكون عليك

الكل::هههههههه

راح لؤي ع جنات وكامت العالم اتسلم وتطلع

اسماء؛:يالا حبي ادخلي جوى انتي وعلي

مسكني علي من ايدي ودخلني لغرفتي اول من دخلنا شالني ويحضن يبوس بيا

مالتي ملكي ياناس ملكي

احبك علوشتي

يروحلج فدوه علوشتج

نزلني حبيبي

نزل ويبوس كل مكان بوجهي وب ايديا

خلى وجهي بين ايديو وقرب شفتو وطبع بوسه خفيفه رفع راسو ورجع باس اقوى وبداء يبوس بل لفيت ايديني ع ركبتو وبادرتو

سدره احبج

احبك موت

حضني وباسني من راسي ورجع باسني من ركبتي

علي تعبت اريد ابدل فستاني

بدلي كدامي

لا استحي عفيه راح افوت لحمام

لا راح اطلع بره من تخلصين كوليلي

ماشي حبي

طلع علي ونزعت بدلتي وغسلت بس جسمي عفت المكياج بوجهي وطلعت لكيت علي كاعد بل صاله الي فوك

حبي خلصت

جا دخل بل غرفه وحصرني خلف الباب

من نزوج اموتج اذا كتيلي اطلع بره اريد ابدل اريدج اتبدلين كدامي اريد اشوف جمالج

دنكت مستحيه رفع وجهي ب يدو وبوسني من شفتي ورجع بوس ركبت

علي فدوه كافي

اخخ سدره موتنيي احبج قزومتي

اعشقك حبيبي

هو دا يبوس ويشم بيا اندك الباب كبل علي كام واتعدل ع السريع

هدير؛؛يالا علي بابا يكول دا انروح

علي؛: احم اي هدوره جيت

دحكت ع روحي يااا شنو امسويه ب نفسي شعري امكنفش وبطني وصدري كله طالع متت بدمي من الخجل ع السريع وكفت اعدل بروحي وعلي يدحك عليه

المرايا صارت مقابيلي اركبتي كل صار مكانها

علي شوف اركبتي شلون يروح هذا والله استحي مانزل جوى

غطي بل مكياج

اخذت مكياج وكعدت اغطي يخف بس مايروح

علي ماراح شلون

البسي حجاب بركتبج كم يوم بين مايروح

راح يعرفون

وخلي يعرفون انتي حلالي حبي

قرب عليه كرصني من خصري وباس خشمي وشفتي ودعني وراح استحيت انزل جوى اتججت بل حمام لان دا اسبح قبل مايروح سالتو شعجب عبدالله ماحضر خطوبتنا كال عبدالله هليوم الصبح سافر لسوريه وكالي مضطر اروح راح اشتغل ب سوريه واعيش هناك

بكلبي فرحت وكتلو الله معا ويوفقو ان شاء الله

الحمدالله اخير خلصت من عبدالله ان شاء الله يكون ابد مايرجع ثاني يوم الصبح جا علي ودعني وطلع لبغداد كومه بجيت ورا وهو يهدي بيا لاتبجين حبي راجعلج وراح نتزوج وانعيش سوى لاتضوجين لاتنزل دموعج

راح وابجي وادعيلو الله يسهل امرو جان الوضع ابد مو زين بوكتها واغتيالات كومه جان تمشي بل شارع وموت يمشي معاك خصوصه الاعلاميه والمنتسبين

علي صار كل بين فتره وفتره يجي لموصل كم يوم ويرجع جان يطلع ع قناة ويقدم نشرات اخبار او يسوي تغطيه بمكان

جنت انتظر بس اريد يجي وقت الاخبار حتى اشوف علي شلون يقدم نشرة الاخبار واشكد حلو يحجي

قربت موعد نزول علي وجنت من يجي اروح لبيت عمتي اضل عندهم كم يوم وارجع

رجعت الكلية وصرنا دوام مرحله ثانيه كلنا اخويا مختار راح هندسه

جنت اروح ب سيارتي اني واماني لكلية ولؤي ياخذ جنات

وصهيب هو عندو سياره

يوم من الايام جنت كاعده بل سياره اريد اطلع لجامعة الصبح خابرت علي

صباح الخير حبي

صباح النور قزومتي

يمته تجي اشتاقتلك

هسا كلبي دا اريد اتريك واخلي اغراضي بل سياره واجي

وانتي وينج

دا انتظر اماني تطلع ونروح لكلية

ماشي كلبي دير بالج ع نفسج

وانت هم حبيبي من الطريق خايفه عليك

لاتخافين كلبي

ياروحي انت

سدره لاتنسين اني احبج

شلون انسى ليش دا اتكول هيجي

لاولاشي هيجي كتلج وانتي

اموت بحبك واحبك

عمري انتي يالا حبي لاتحجين وانتي اتسوقين يالا روحي دا اروح اخابر لؤي عندي شغله يمو

ماشي كلبي باي

بابات حب

سديت من علي وجت امونه

اتاخرت مو

جان نمتي

وي ع مارتب نفسي

ديلا كولي جنت نايمه

ههههه

طلعنا لكليه وهناك التقينا كلنا نحنا الخمسه دخلنا لمحاضرة خلصت المحاضرة وطلعنا ناكل فد شي جعنا لؤي وصهيب ابد مايقبلون نحنا ندفع كل مره همه يدفعون

واكفين كلنا والطلاب كومه كل واحد امسوي مجموعه الي كاعد والي واكف

دك موبايل لؤي

ها هذا علي مالحك يصل

سدره؛؛اي صح شوف شبي

جاوب لؤي بس شفت لؤي واكف مصدوم ومايكدر يحجي بعد متت بدمي بس اريد اعرف شنو الي صاير

بس شفت لؤي ياشر لصهيب ب يدو ع الموبايل يعني اخذ الموبايل ماكدر احجي

صهيب اخذ الموبايل واني جسمي كله جمد اريد اسال لؤي شكو بعد ماكدر احجي

صهيب؛:شلون يمته صار هذا الشي هو عايش شلون ماتعرف فهمني لااله الى الله متاكد انت رحمه لاهلك الموبايل خلي يمك نحنا جاين بل طريق نحنابل موصل بعيدين

بس اتاكد اذا عايش لو لا

صهيب فك حلكو وضل صافن علينا عرفت لحظتها علي مات حبي حياتي

اتقربت ع لؤي وصرت اصيح واضرب ع كتفو الكلية كلها كامت ادحك علينا

لؤي احجي علي بي شي مابي مو مابي هو هو والله كالي جاي بل طريق شوف اني هسا دا اروح ع البيت واحضر نفسي مثل كل مره

البنات مسكوني ولؤي غطى وجهو ويبجي

عوفوني عوووووفوني كتلكم

اتقدمت ع صهيب

صهيب حباب اني مو اختك الله عليك كولي علي عايش حباب كولي دا يسوي بينا مقلب

صهيب؛:انتي مؤمنه وهذا قدر مكتوب

البنات يبجون واتجمعو الطلاب يريدون يعرفون شكو اش صاير

اماني؛: سدره لاتسوين هيجي بروحج

جنات؛والله مايهون علينا انشوفج هيجي كولي يالله لؤي عفيه انت رجال كوم

مسكت صهيب من ياختو وهو طويل واني قصيره بلكوه اصلو

احجي صهيب علي عايش لو لا احجي علي شبي

مسكني صهيب هو والبنات واجوي بعض من البنات الي بل كلية

صهيب:سدره علي اختالو مجموعه مسلحين طلعو علي الطريق وكتلو

وكعت بل كاع وصرت ابجي واضرب ع نفسي واخرمش بروحي كل الطلاب الي واكفين يبجون ع بجي لؤي مات من البجي الطلاب مسكو ويهدون بي واني التمو الطالبات عليه

عللللي حبيبي شلون عفت خطيبتك وحبيبتك ورحت شلون فهمني انت وعدتني ماتعوفني وعدتني ياعلي ياروحي يادنيتي لؤؤؤي علي مات مات يالؤي لااااااا ياربي دخليك لااااا اخذني اني اخذني اخذني اخذني

اتهسترت اعصابي واضرب ع وجهي وخرمشت وجهي كله والبنات يمسكون ايدي مايكدرون بعد من قوه اعصابي

جناات؛: فدوه لؤي سدره شبيكم الخاطر الله قوه نفسكم

اماني ؛:سدره لؤي الله يخليكم لازم اتقون نفسكم

جنات؛عمي وعمتي اذا شافكم هيجي راح يتخبلون

سدره؛: اويلي ع عمتي عمممممه راح علي راح

صهيب ؛:لؤي اشجالك كول يالله انت رجال

لؤي؛:ص صهيب هذا علي هذا اخويا

الطلاب كلها الي واكفه اتهدي والي واكفه تبجي ع بجينا هلكد ما ضربت نفسي بعد حتى حييل ماضل بيا طالبات واكفات يحضنون بيا همه واماني وجنات ماتعرف بعد وين اتروح عليه لو ع لؤي وحده من الطالبات واكفه سحبت راسي ع كتفها واتهدي بيا

اريد ماي ماي كلها كامت اتصيح جيبولها ماي قدمو البطل ع حلكي وبعدها ماحسيت ع شي .......يتبع