رواية قلوب من حجر الفصل السادس 6 بقلم الكاتبة رانية ماهر
#البارت_السادس
#قلوب_من_حجر
غربنا الزمن بين المحطات
ولكينة الدمع واگف ينتظرنا
بعدنه صغار واكبر منا الهموم
وحزن بحزن جبناها وكبرنه
لابينة صبر نتحمل أهموم
وعلى العمر المضى شينفع صبرنه
لايازمن ارحم دموووع العين
و راوينه الفرح بـ آخر عمرنه
عمار .....اريج اني راح اروح سفرة لاربيل اني واصدقائي
اريج...شنو المناسبه
عمار... لان كلش مخنوگ وضايج والشغل تعبني
اريج...مگدرت اعارضه وگتله بكيفك روح غير جو وتونس بس لا تتاخر
عمار...لا انشالله ماطول
اريج....حضرتله غراضه وكويتله ملابسه
عمار...ها كملتي
اريج...اي عمري كملت بس خلي احطلك عطر وانطيني بوسه 😘
عمار....اموااح وبوسه لبنتوتي الحلوة حبيبة بابا 😘
اريج.... حيل فرحت من باس كرستين وگالهه بابا الله يهدي ويرجعه النه بلسلامه راح عمار لاربيل ودائما اخابر عليه من موبايل عمتي واطمن عليه
وصارله اسبوع تقريبا اهناك اتصلت بي
عمار....الوو
اريج...الوو حبيبي شخباركم
عمار...والله لو تدرين شحالي اريج اتعاركت ويه شرطي اهناك علمود مخالفة مال طرق وحبسوني وهسه لازم يجي حسام حته يتكفلني ويطلعني
اريج...يربي مين اجتك هاي السالفه رحت دتغير جو وطلعت عليك الروحه سم
عمار...اي والله يعمري شسوي
اريج...الله كريم الله يفرجهه
ثاني يوم الصبح راح اخو حسام ويه ولد من اقربائه ومرر عليهم تقريبا 3 اسابيع وماكو واتصل بي ميجاوب
ام عمار...ليظل بالچ عليه هوه يرجع
اريج....عمه والله خايفه عليه ليصير بي شي
ام عمار...لا عمه كلشي ميصير
اريج...ما اعرف ليش عمتي متاكده لهلدرجه ماكو شي وهيه امه المفروض تقلق عليه
اكثر مني صعدت يم كرستين لعبت وياهه وادغدغ بيهه وهيه تضحك الرعنه چانت
هديتي بلدنيه هيه هي الوحيدة لفرحتني بحياتي نزلت جوه دشرب مي ولگيت عيالي كلهم جوه و عمار جاي حيل فرحت بس
چانت گاعده بصفه صديقتي روى تفاجات هاي شجابهه اني رحت على عمار وحضنته لان كلش مشتاقتله وبعدهه رحت على روى
وسلمت عليهه وبوستهه الا هيه معاجبهه ودارت وجهه عني گتلهه اي روى شمعنى جايه واشون ندليتي بيتي
اندارت عليه وگلتلي
روى .... بيتچ( وتباوعلي بنظره استصغار 😏 ههه) حبيبي عمار گلهه هسه هذا بيت منو
اريج...اني ظليت مصدومة حبيبي عمار شنو انتي شگاعد تحچين وچان يگوم عمار على حيله وگلي
عمار..... اي حبيبهه وزوجهه واذا معجبچ تره الباب يوسع جمل واذا حابه تبقين
عاادي ابقى اهنااا حته اساعدين روى بكلشي وتخدميهه لان محد راح يلفيچ ويلفي بنتچ غير هذا البيت
روى... انته صدگ تحچي وفكيت عيوني على وسعهن😦 اني بهاي الحاله فقدت حسيت الدنيه اندارت بيه
روى.... لزمت عمار من ايده وگتلهه اي وهاذا الشهر چنه نقضي شهر العسل باربيل
اريج...ظليت مصدومة من الموقف(وگمت ابچي) ولك عمار هذا اليه الكلام تروح
وتزوج عليه لا وفوگاهه ومنو اقرب صديقة اليه ولك اشون انطاك گلبك
قصرت وياك بشي ولك وگفت وياك علحلوه والمره
واليوم وبعد مرفضتلك طلب هلگد صرت رخيصه بعينك هلگد نسيت فضلي عليك
ولك عاااد مو لخاطري لخاطر بنتك ولك اني الوحيدة التحملتك وگلت ميخالف رجلي
وابو بنتي تروح وتزوج عليه حسافه عليك والله بس العتب مو عليك العتب علية اني
الظليت وياك المفروض من اول يوم الاذيتني بي بعد ما ارجعلك ولك اجيت
تتوسل بيه بلمستشفى حته ارجعلك وهسه وبكل سهوله تروح وتزوج عليه لا وفوگاهه اهلك كلهم يدرون واني امدايه مثل الثوله
كلشي ما ادري صارلي شهر اكل بگلبي من خوفي عليه ولك صوووچي اني صوچي
اني(واصفگ على وجهي) وانتي روى هلگد رخيصه واخذتي رجال من فوگ مرته وعنده طفله ولچ اشون گلبچ انطاچ
شسويتلچ اني اذيتچ بشي (احچي ودموعي تجري)
عمار...رجاا بلا لغوة زايده هاي نهايه لتعاند رجلهه وبنتچ التحچين عليهه گتلچ انتي تتحملين نتائجهه لذبيهه براسي عااد
اريج...لا يابوو شيفيد الحچي بعد وظليت
افر بايدي بس ما اگلگ غير شي واحد ☝حسبي الله ونعم الوكيل على كلشي سويتة
بيه انته واهلك ومراااح انسى السويته بيه ابد ولظل طول عمري ادعي عليكم وساعه
وحده ما ابقه وياك ولتفكر تجي وتتوسل ارجعلك بعد لو على جثتي طلعت من گلبي
بعد ومستحيل راح تلگه وحده حبتك بگدي ومثل محبيتك من اول يوم شفتك بيهه
وظليت وفيه بحبي الك راح انساك بيوم واحد ومستحيل راح اذكرك ولا لحظه وهسه اشوف يا عمار اشون راح اندمك
ولتعظ اصابيعك ندم على كل ساعه اذيتني بيهه تفوووو عليك ياا عااار💦 ومسوي
نفسه رجال الرجال مو اليزوج على مرته الرجال ليصون عرضه وبنته لك انته لو رجال چان حافظت على عائلتك بالاول حساافه هاي الشوارب حساافه
رحت لغرفتي لميت غراضي اني وبنتي ودموعي تصب بلگوة وگفت على حيلي
وطلعت اني وبنتي الي عمرهه اشهر واني عمري 16 سنه والدنيه ظهر وحاره محد
من عدهم گلي خلي نوصلچ على الاقل ولا عبالك بشر گلوبهم من حجر وميستاهلون
اصلا اگول عليهم بشر لگيت تكسي علشارع اخذته ورحت لاهلي
وكلشي
محچيت من الصدمة لشفتهه ولا چنت محسبتهه نهائيا بعدهه حچيتلهم كلشي
وتخبلو وچان يظلون يلومون بيه كله من وراچ انتي
تحملتي ومن البداية گنالچ انطلگچ منه بس انتي عاندتي لو مطلگه احسلچ من البداية رحتي خدامه عدهم وخلفتي هاي البنيه
..كااااافي(بصوت عالي) كافي عوفوني بحالي محد مدمرني غيركم انتو السبب
عمري 13 سنه وزوجتوني المفروض انتو لترشدوني من ذاك الوكت مو بعد
موگعتوني بلمصيبة جايين هسه ادگولولي من وراچ لو ولو ولو كلشي صار وانتهه
والسبب من عندكم اني لو ادري عندي اهل يسندوني ومصافين ابيناتهم وراح يحموني
من كلام الناس چان من زمان اطلگت مو اول مزعلت اجه عليه ابوية يگلي اخليچ خدامه لمرتي
واجيت يمكم بس انتو مشاكلكم محاليهه شلتوني وشمرتوني وگلت ميخالف
استسلمت للامر الواقع و عبالي الله يهدي الرجال عليه بس الظاهر بعد ميفيد العتب ولا الندم وصار الي صارر
لُِلُِڪآتبَة رٍآنية مآهـرٍ
تعبت حيل وشكلي حيل تغير ووضعفت وره هل فترة صار الطلاك طلكت وبقيت يم اهلي بيت اهلي كلشي ما اعرف عنه
تزوجت بعمر صغير وجنت اجي خطار كل ٣ اشهر لو ٦ اشهر ويا عمار بس وقت
الاعياد وشيسألوني اگولهم كلشي ما عدنة اي شي يصير ويانة لازم ما احچي ونفتح
مواضيع دائما نكول البيوت اسرار. ونسكت ما اعرف كلشي عن امي من اتصل بيهه بس دگول زينين الحمد الله عشت يم اهلي
مطلقة وعندي بنت عمرها اشهر واني مواليد ٢٠٠٠ ابوية وامي مشاكل محد هتملي محد وكف وياية وأختي الكبيرة كلية
وامتحانات وكتب ودوام ومحاضرات وهل امور واختي الصغيرة مدرسة دروس
خصوصي امتحانات وچانت عندي اخت صغيرة عمرها ٢ سنتين امي جابتهه ورة زواجي وامي ملتهيه بيهه وابوية يجيب
لأكل لهاي ولذيچ واتزوج على امي مره ثانيه صارن 4 نسوان وتعرفون يومية بيت وحدة يطلگ منا ويزوج منا منعرف شكم اخ او اخت صار عدنه وليطلگهن مندري
جهالهن وين يصفه بيهن الدهر والله ياربي وفوگاهه يگولولي لو مطلگه على الاساس
انتو ما شالله واحد يعشق الثاني والحنيه ملتكم متخلص ورة فترة وكلعادة ابوية ظل
يتعارك ويه امي وهل مره امي بزعت منه وبعد متتحمل لان صعبه الرجال يزوج
عليهه كل يوميه المفروض من البداية تتركه فطلبت الطلاگ وفعلا بعدها امي
اطلگت لان چانت اصلن علاقتهم من زمان منتهيه راحت گعدت هيه واخواتي الصغار يم بيبتي (ام امي) واني واختي الچبيرة
بقتنه يم ابوية وگالتنه انتن بنات وما اگدر اصرف عليچن وعلى مسؤلياتچن وخصوصا انتي مطلقة وعندچ طفله يرادلهه حليب
🍼وحفاظات وطبيب واختچ ورود كلية ومصاريف وانتن كبار وفاهمات بس ذني
خواتچن بعدهن اصغار وكلشي ميفتهمن
بقينه يم ابوية وبعدهه جابلنه مرته سكنت ويانه لان البيت صار فارغ بقينه بس اني ورود وبنتي بلبيت
ابو اريج....ولچن هاي مرتي تحترمهن مثل متحترمن امچن وشدگول گولن حاضر
ولتردن اي طلب الهه فاهمات(بصوت عاالي)
اريج...فاهمات گلت بگلبي امي مچنت هيچي تحترمهه وگاعد ويگلهه شجيبلچ
وشتريدين عيني وگلبي بعدها صارت الاوامر علينه وگامت تتحكم بينه وخلتنه
خدامات جواهه اني اطبخ واختي تنظف والخطار نقيم بيهم ومابيدنه حيله ثانيه
واني كل همي انو اكبر كرستين وارفع راسي بيهه
ابو اريج...الله بلخير اشونكم گوليلي مخو متعباتچ البنات اكسرلچ راسهن والله
اريج...هاي فوگاهه والله يا الله شلنه الشغل العليهه كله
ابو اريج...اريج
اريج...ها يابه
ابو اريج...هاي الطفله مخو تبقى يمج ...يابه لعد وين تروح
ابو اريج...يابه ترره ابوهه يريدهه واكثر من مره گلي عليهه رجعيلهياا
اريج...يابه هوه يا يوم يحب الاطفال
ديريدهه شوفت عينك مو موت ابني
ابطني ومرفله رمش (اني ادري بابوية چذاب ديريد ياخذهه مني ويذبهه على عمار)
ابو اريج...لا ليش هسه شافهه نولدت
وحلت بعينه وبعد اني علمودچ باچر عگبه البنيه تزوج وتروح لرجلهه انتي تبقين طول
عمرچ ادارين بيهه وتكسرين ظهرچ عليهه انطيهياا وشوفي حياتچ احسن الچ والهه
هم بعدين همه اهلهه مو غربه وراح يضمنون مستقبلهه ويداروهه
