رواية انت البارود وانا النار الفصل الثالث 3 بقلم الكاتبة شمس
﴿وَلَسَوْفَ يُعْطِيكَ رَبُّكَ فَتَرْضَىٰ ﴾
~~~ ✧ ✧ ✧ ✧ ✧ ~~~
علـــى لحــــن الدمــع نــــامت عيــــوني الليـــل
و علــــى صــــوت القهـــر فـــز الصبــح گلبــي
لا ظــــــالم بشـــــر لا قاهــــــر أحـّــــــد يــــوم
ليـــــــــش يصــــير هيــــچ ويـــاي يـــا ربــي
...
مخنــــــوگة الســـــوالف تطــــــلع من الـــــروح
مـا أدري إشعجـب ؟ و شصـار ؟ و شذنبــي ؟
~~~ ✧ ✧ ✧ ✧ ✧ ~~~
أسعد: تعاي ويـااااي للغرفه
يمامه: اسعد الله يخليك خلي افهمك
ماهتم كلامي ولازم ايدي حيل ودخلني للغرفة وقفل الباب وكف كدامي وعيونه تجدح عصبيه هنا ماضل دم بوجهي واحس گلبي راح يوكف
أسعد:ليش بصوت ناصي بس حاد.ونبره تختلف
"ليش تباوعين شتريدين تعرفين شعندج واكفه احجي صدك ما أذيج لاتجذبين عليه بحرف
يمامه: ما ما اريد اعرف شي بس هيچ ردت اشوفه لان كلها تحچي بي والله ماعندي شي
أسعد:هذا مو شغلچ هاي سوالف كبار، مو لعب بنات."لان چاي نحجي ونسولف بشي مايخصچ
يمامه: بين وبين نفسي
ياريت لو تعرف أني اعرف شي انتَ ماتعرفه بخصوص ضرغام وهذا السر جبير تعبني
أسعد:يمامه اخر مره ينعـاد هذا شي خليني أثق بيچ مره ثانية عيونچ ينعمن ماتلومين اله نفسج
يمامه: صار
عافني اسعد بالغرفه وحدي وضچت وكرهت كلشي اني سويت بس باوعت الة من بعيد سمعت صوت سعاد وتكلة
سعاد: ها شسويت الها ولگ جتلتها
أسعد:عليش اكتلها فضول بنات
ضليت بالغرفة ابجي
خديجه: لاتبجين يمة لادخلين روحچ بسوالف كبار فدوه اروحلچ تعرفين ابوچ مسودن
يمامه: مسره ليش تحچي يما ليش اني سويت
خديجه:تعرفين اختچ ماضم شي يلا گومي ازهب الغده تغدي
يمامه: طلعت من الغرفه وكلش حاقده ع مسره بس هاي طبعها لازم تفتن علية كعدنا ع السفره وناكل بس اصوات مواعين ينسمعن ابوي مايحچي وملتهي بامور شيخة وعركات وأسعد مايحچي وي احد وسالم ياگل حته يرجع يطلع فجاة بنص الاكل كالت سعاد
سعاد: أي كاضم عرفت بتك شمسويه لا
كاظم: ياهي منهن؟
سعاد: يمامه
- أسعد يخنزر ب سعاد بس هيه ولااهتمت مسيطره لان يم أبوي
سعاد: البارحه من اجانه شيخ ضرغام بتك فاتحه شباك وكاعده صافنه علية
سالم؛ شننييييييي ج... شني هاي سوايتج ولج
أسعد: صوتك نصي من تحجي وياها
سالم: ليش ولك شوف شمسويه شني انت كواد....
كام اسعدد من عصبيته وجر سالم من الغده
أسعد: ولككك ناقص الغيره مو اطيح حضك هنا شايفني أنا عار مثلك
سالم:هدني خلي اكسر ضلوعها هل كل...
بهل أثناء غلط سالم علية أسعد طكه بوكسي
كاظم: طايحيننن الحض ولكم ماتحترمون موش انا يمكم
أسعد:شوفه شلون يحچي عن بتك وانت ساكت يستاهل اجتله بمكانه ناقص هذا
ولك اذا فكيت حلكك بعد ع وحده من خواتك وعلي اجتلكككككككك
دفع ابوي أسعد وكله
كاظم:انا موش ميت وانته طكه هيج
أسعد: بوية لاتخليني احجي وياك غير حجي طك ابوي أسعد راجدي وانا ضليت بس ابچي من الخوف وصار كلشي بسبي
كاظم:يلا شتريد سوي تريد طكني مثل ماطكيت اخوك سالم
وانتي يمامه كبل للغرفه ولج اكسر رجليچ
أسعد:شسوووتتت وتگلها هيچ انا اخوها جبير وحاسبتها
كاظم: اليوم شباچ باجر باب
يمامه:كعدت ابجي وأحس ابوي ماعنده حنيه علية ماچاي يكدر يلمني بحضنه
- والله ماسويت شي بس ردت أشوفه فدوه بابا
أسعد:كافي يمامه سكتي محد راح يأذيچ وأنا موجود
كاظم:غلطان أكسرها تكسر وچدام عينك
أسعد:وإذا كتلتهاا اليوم راح تندم إنت أول واحد
كاظم؛هاي آخر مرّه تسمعيننننن آخر مرّة ينذكر اسمچ بهيج سوالف
يمامه:أي يبأ صار رحت لغرفتي لليل ماطلعت وحته عشة ماتعشيت ضليت بالغرفه وأسعد ماموجود وسالم طالع بس ابوي بالبيت خفت اطلع من الغرفة ويرجع يحجي علية
كعدت ع جربايتي وافكر وكلام بداخلي مايسكت
- ليش كلشي أسويه ينفهم غلط
ليش أحس نفسي دوم غلطانة حتى لو ما سويت شي يمكن فعلاً آني مو زينة
يمكن أبوي عنده حق يمكن لازم أسكت وما أحس ولا أشوف يا ريت أگدر أصير غير وحدة
وحدة ما تخاف وما تبچي بهالشكل
حاولت انام واول ماغمضت عيني
اجه بالي صورته ألشيخ حتى ريحته بعدهي أحسها لسه موجوده
غريبة شلون شي بسيط هيج يضل نعلت الشيطان ع كولت أهلنا ونمت
ثاني يوم ألصبح كعدت لكيت أسعد وامي يتريكون
يمامه: صباح الخير
الكل- صباح النور
خديجه:ماكعدت اختچ
يمامه:لا لسه نايمه
خديجه:يلا تعالي تريكي فتحي ريكچ شويه
يمامه:أسعد أنا ماعرف شكول ع كلام صار البارحه أعتذر منك
خديجه:موضوع كله كبرته سعاد هيه حطت حجي بحلك أبوچ ولا ماصار شي
وسعاد ذكرنه قط كام نط سبحان الله بس نجيب اسمها بيناتنا تطلع من غرفتها
سعاد:هااا خديجه بعدج تمثلين دور المظلومة من الصبح
خديجه:وإنتي بعدج تمثلين دور البطلة
لو بس تحبين الصوت العالي والفتنه
أسعد: البلبل الفتان يطير في البستان قصدچ
سعاد:الصوت العالي مو مني هذا من القهر الي خلّتينا نعيشه وياج ومشاكل
خديجه: كل مشاكلنا من وراچ
يمامه:شسالفة لو أدري ماحجيت شي
أسعد: انا اكوم وراي روحه
خديجه:وين يما
أسعد:شيخ ضرغام عنده كعده بـ لعماره.. ومأيكدر يروح عنده شغل هنا لذالك خابرني وگلي روح بمكاني
خديجه:حفيد يعقوب بعد شيخه والبخت حقه يكلك روح
أسعد:خلي ابدل يمه
يمامة: شلت الريوك ونضفت مطبخ
طلعت وشفت أسعد.
مو أسعد الي أعرفه لا، هذا واحد ثاني
لابس دشداشة بيضه وبشت،
وعلى راسه عكال، واگف شامخ كأنه أكبر من عمره سنين.حتى الهوا يمه تغيّر
والناس من تمر يمه، تبعد شوي لاان چان هيبة.اليوم رايح لمكان مو سهل
ديوان الشيخ ضرغام
مكان تنحل بيه سوالف أو أكبر مشكله
بس الي اعرفه أخوي كدها وكدود
قبل لايطلع اسعد اجه عليه لكاني صافنه عليه
أسعد: ها يمامه شبيچ صافنه عليه
يمامه: أليوم مو مثل أي يوم
يبتسم ابتسامة خفيفة
أسعد:واضح عليّه
يمامه:إي حتى مشيتك غير
حاسيتك شايل شي چبير
وأسمعني أسعد تره مو كلشي بالقوة ينحل
إنت عندك عقل وعندك كلمة
وكلهم يسمعونك
أسعد: واذا ماسمعو گلام ويمشون شورهم
يمامه:راح يسمعون لأنك تحچي من قلبك مو بس من لسانك إنت مو رايح بس تمثل شيخ ضرغام لاتنسه أنت ابن شيخ يعقوب
إنت رايح لأنك تستاهل تكون بهيچ بمكان
شبكني وشبكته بحضن ولهفة
أسعد: ديري بالچ ع روحچ
يمامه: لاتتاخر فدوا
سلمنا علينه گل احنه عده ابوي چان يكلة انت شتفهم بأمور الشيخه بس اسعد اخذ دعوات امي وراح
كاظم: ياهو ضاحگ عليه هذا وكله روح لشيخه هوه ماعلي عتب أذا ضرغام زعطوط
خديجه:هيج تحچي عن ولدك هذا من دمك كاظم
سعاد: اي والله صدگت ياكاظم أسعد رافك ضرغام وخربو هوه ضرغام وينه وين شيخه
تعصب امي على مرت ابوي
خديجه:انتِ لاتدخخلين هذا ابني موڜ ابنچ
وسعاد طبعا ماتسكت وتحاول تنرفز امي
سعاد:وإحنا هم نعرفه وكلنا شفنا تصرفاته
والله عجيب أبوي شلون يكدر يحچي عن أسعد وهوه أحس حته جدران البيت يخاف منه ودائما يعرف شيحچي وكلامه موزون وزن وصاحب كلمه
منا لليل مسره طبعا ضلت لازم تلفون قنعت أبوي يشتري النا
انا مو كلش استخدمه لان ماعرف بي شي وگذالك مابي شي فارغ مجرد نغمات ولطميات أسمع چنت دائما اسمع لطمية باسم الكربلائي ولطميه لو أعيدها ألف مره مايطيب جرحي
*يريح ألهاب لو تدري*
*شحملت هموم بغيابة*
*غزاني الشيب من صغري*
"وححم بمشاي لهابه*
*شبيه الطير دلالي*
*خفق الغياب أحبابه*
*لفاني ألليل بالحسره*
*كضيتة بروح مرتابه*
أسمع ب الكلام الطميه وأشوف مسرة تراسل وتكتب بتلفون
مارتاحيت ألها وقبل فتره لكيت بملابسها عندها رصيد بس ماهتميت حاولت احچي وياها بس مايفيد كلام شي اكيد تنكر اشوف شكو بنفسي وبعدين احاچيها
بعد شوية، مسرة تنام وتخلي تلفون چوه مخدتها التلفون مالها مسرة، شاشة تصير بي ضوه يعني اكو احد چاي يدز الها رسايل احاولت اخذ تلفون وكدرت اخذه وهية ماتدري ونايمه بطرف چرباية
افتح واشوف الرسائل كلها من ولد نعرفه ابن وسام الي أبوي رمه عليهم رمانه هذاا عدنه عداوة وياهم وي أبوي
الرسائل الاخيره بينهم
"تجيين اشوفج، لو تحبين أو انام ويا...چ" قصص ماي هوبس
مسرة:أجي اشوفك
معتز:للچن شلون مأريد طلعيلي عذر
مسرة:أخوي ماموجود بالعماره واخوي ثاني مطفي مايدري بالدنيا وصار شكد ندور على هيج فرصه واليوم اجت هاي الفرصه وراح اشوفك بي
معتز:تمام شوفيلچ يوم وحته نلقتي قبل لايجي اخوچ شيفه
مسره: هاي هيه انا اردلك خبر راح انام بعد لاتراسل خاف يمامه تشوف ضوه تلفون
يمامه - شنو هذا شلون يجرؤ على هاي الكلام نگس شلونننن اختي هيچ تقبل تسوي باخوي ياريت اختي تحبه لو حب شريف لو طاهر لو يخاف الله بيها يريدها تريد تن.... وياااا
احاولت انام واسوي وضع طبيعي بس ماكدر انام أسعد لو يدري بيها يذبحها
غفيت وأنا مادري بروحي من مصيبه شفتها
كعدنا ألصبح وروتين طبيعي
خديجه: سالم ماخابرتك اخوك
سالم:لا
خديجه:شبيكم ماعبالك خوان عدوان ولك بدرب بعيد غير تخابره
سالم: والله هوه يمشي بشور ضرغام خلي يفيده
خديجه: هوه شني يمشي بكيفه هيه غير عشيره وشيوخ شنهي لعب!!
سالم:اهوو يما نكيتي حسره علية اكل لكمه بالبيت لازم أسعد أسعد
طبعا من راح لسة أسعد نتصل عليه مايرد
وكذالك أبوي مايقبل يسئل شيخ ضرغام ومانعرف شنو صار ماصار هناك يچي ألليل وواحاول أسوي نفسي نايمه بس فجاة
ساعه ب١٢ بليل أشوف مسره تكوم تجاهي سويت روحي نايمه حتى لاتحس عليه تقربت يمي ضلت تباوع عليه لمن تأكدت نايمه
كامت طلعت ملابس ولبست شي قصير
وخلت حمره سحريه ومسحت خدودها وفتحت شعرها وتريد تطلع من غرفة ع كيف ماتحس بكل حركه منها لو مأاني كاعده چان ماعرفت شي مافكرت باي شي غير ب أسعد اذا سوت هيچ ونامت ويا شصير بينه
يمامه: مسررره اوكفي وين رايحه وبهيج لبس وين تريدين تطلعين ليش عود ساتره نفسج بعبايه
مسره:شنهو شمالچ انتِ تخبلتي لو حلمانه
يمامه: لامسره لامخبله ولاحلمان كلشي ادري واصلان منايمه انتضرج شتسوين
:لج شفت كلشي رسائلج شفتهنننن شتردين سوينننننننن
احجي واعصب وهيه ولاهمه جريتها من أيدها وركعتها براچدي
مسره: اخخخخ يبااااا
يمامه: أيي صيحي اله صيحيييي خلي اكله عنده علاقه وي معتززز عدوه يلااا
شنو عبالج اسكت ماكله
مسره: ماعندج دليل عليه واصلان ابوي يحبني ومايرفضلي طلب مراح يصدك بيج
يمامه: اي بس من يشوفجج بهل منضر اكيد ميسكت
مسره: اشو وخري عني والله بطرانه
عافتني وطلعت ولاهتمت راحت مسره ورجعت وره ساعه واني مانمت لاكدرت اكل لابوي ولااحجي لاحد
خفت تنكتل وانا سبب ضليت اكل بروحي مثل بلاع الموس لايكدر يبلعه ولايكدر يطلعه
مسره: شنو بعدج كاعده شعندج
يمامه: ولج انتي شسويتي ماتفكرين بأبوي پخوانج لج انتي شنو منين جايبه هاي الصلافه ولج شني انتي واحجي وياها بعصبيه وهيه ولامهتمه
نزعت ملابسها بدلت واوشوف اثر بجسمها
لطمت خدي ولج يمصخمه شمسويه ولج سوده بوجهج على هل دكه
مسره: هي هي لاتصيرين براسي كلش تره هاي ركعت بلنخله ماكو شي حجينه وبس كال راح اجي ازووجج
يمامه: ولج كل عقلج يكره ابوي يريد ياخذ ثاره
والله وعرف طعم وين
لفت راسها ونامت ولاجن مسويه شي
حاولت بأي طريقه افتح تلفونها ماكدرت هيه نامت
وانا اليل كله مانمته حسبه تاخذني وحسبه جيبني افكر باسعد الي مانعرف عنه شي افكر بهاي الي ماندري شراح تسوي بعد
كعدت الصبح وعيوني مورمه
خديجه: شبيج يمام يمه شصاير وياج
يمامه: بقيت صافنه ماعرف شحجي اكلها لا
زين هيه مو دوم تفتن عليه خلي اكل لامي احجي وي نفسي لا يمامه نجبي هل شي مو عادي
خديجه: شبيج يمه وكفتي گلبي احجي من عيونج بيهن حجي ولج صاير اسعد بي شي
يمامه: لايمه كلشي ماكو مابي شي انتي تريكي انا ماشتهي
خديجه: تعالي ماتروحين امشي وياي
اخذتني امي للبستان وضلت تحجي وتلح عليه اني دموعي وحدن ينزلن
شالت ايدي على راسها
خديجه: يمه گلبي مامرتاح صاير شي احجي احلفج بروحي
يمامه: بجيت بصوت عالي وختنكت حضنته وكتلها يمه مسرررره
خديجه: شبيها ولج احجي وكفتي گلبي
يمامه: مسررررررره يمه سوت شي مو زين اخاف احجي يمه
خديجه: ولج تحجين لو اروح اسحها هسه واكعد ابوج
يمامه: لايمه لا احجي بس اسمعيني يمه الله يخليج
احجي ولج اااااااحجي
يمامه: مسره يمه لبارحه طلعت من البيت للبستان
شنو طلعت شعدها
يمه شافت ابن وسام معتز بينهم علاقه
خديجه: ولك بويه فااااضل يمه شلون وضلت تلطم على خدها وعلى صدرها كوه لزمتها
ولج يمه حبابه لاتجي سعاد يمه وتكل لابوي ونصير سالفه بحلوك العالم يمه
خديجه: ولج ياهو كلج ماصرنه سالفه ها ياهو كلج ولج طمس راسنا بلكاع ولج هذا س...... يمه ياربي اخذ روحي ياربي اخذهاااا الهيييي ولج شسوي هسه
وين اطي وجهي وين اولي
يمامه: يمه الله يخليج خلي يطلعون كلهم واحجي وياها بس مو يم سعاد
كوه سكتت امي جاي تبجي واجت سعاد
ها خديجه شمالج من الصبح تبجين شنهي ذكرتي ابوج اليوم
خديجه: وخري من يمي روحي طالعه
يمامه: ماتشوفين وضعها تعبان مريضه انتي شنو من مره
سعاد: يمه حيايه يمه وراجن سالفه
يمامه: كومي يمه كومي هاي ناويه على مشكله وكومت امي حجيت بذانها يمه بروح ابوج عديها وانتي حسابيها مو يم سعاد
سعاد: شتهمسين بذانها ولج
يمامه: ماكو شي ارتاحي
دخلنه انا وامي جوه وجان يدك تلفون رقم اسعد يمه اسعد يمه يتصل ولج ركضي اله ركضت على تلفون كبل كتله ها يماي عيوني وين انته
جاوبني ولد السلام عليكم خويه
يمه هذا. ولد مو اسعد
خديجه: شوي طيني
الوووو
...... الووو بيت ابو أسعد
اي يمه انا امه شنهي كول وينه اسعد
جان يكلها يمه اسعد سوه حادث وحالته خطره
كبل طاحت امي ونغمى عليها
يممممممممه
