رواية امرأة في حجر الثعبان الفصل الثالث والثلاثون 33 بقلم رانيا جابر حسن
الحلقة الثالثة والثلاثون..
(حب،وخوف )
في منزل أحمد..
أحمد:بفزع..فوقي يا 'تحية' فوقي
جاء 'حسن 'في هلع..ماما مالها!
أحمد :كويسة متقلقش
تحية:بخداع وصوت واهن..شوفت يا 'حسن' أمك اتضربت واتشتمت من الصغير والكبير النهاردة
حسن:بغضب..ما عاش اللي يهينك يا ماما، مين عمل كده!
تحية:عبد القادر' وولاده
حسن :وهم ليهم إيه عندك علشان يضربوكي،وبابا كان فين!
تحية:ببكاء مصطنع..أبوك سابني ليهم ومتكلمش يا بني
حسن:بعتاب..ليه يابابا مطردتهمش بره!
أحمد :بارتباك..ما خلاص بقي يا'تحية ' الموضوع خلص
تحية:وهي تقوم من علي فراشها..لا ما خلصش والله لعلمهم الأدب
أحمد :بقلق..هتعملي إيه يعني!
تحية :هنزل اعملهم محضر بالتعدي عليا
أحمد :لمي الدور بقي يا 'تحية '،هم مشيوا خلاص
تحية :بقسوة،وغيظ..أبدا لازم أعلمهم الأدب كلهم،مش أنا بت بتاع العلف،ماشي أنا هوريهم
أحمد :بعصبية..يوووه شوف أمك يا 'حسن'
حسن:اللي هتعمله ماما ده هو الصح لازم توقفهم عند حدهم
أحمد :بلين..طيب علشان خاطري المرة دي يا'تحية '
تحية:بعناد..أبدا،تعالي معايا يا 'حسن'
أحمد :وهو يجلس علي الكرسي في خوف..يارب استر
_______________________
في منزل رياض..
مرت ساعات،'وملك،ورياض'،ينتظران مكالمة من الشاب الذي بعثه 'رياض ' لمعرفة أحوال 'نافع '..
رياض :وهو يجلس جلسته المعتادة علي الكرسي،وساقيه علي الفراش..متقلقيش دلوقتي الواد يتصل ويطمنا
ملك:بخوف..خير إن شاء الله
رياض :وهو يشعل سيجارته..أنتي بتفكريني بنفسي أنا كمان بحب أهلي كده
ملك:مفيش حد بيكره أهله
رياض :بخبث..يعني عمك 'أحمد' مش بيكرهك!
ملك:بتعجب..قصدك إيه!
رياض :أنا عارف كل حاجة،عارف إنك مشيتي من عند أهلك لأن عمك مش عايزك عندهم،وده كان السبب اللي أنتي أتجوزتيني علشانه، مش زي ما أنا كنت فاكر إنك بتحبيني زي ما بحبك
ملك :بذهول..أنت عرفت منين كده!
رياض :ساعة ما أهلك كانوا هنا بيزوروكي ومشيوا،بعت رجالتي وراهم كان لازم أعرف برده أنا مناسب مين، وأما سألوا هناك،عرفوا إن ليكي عم اسمه أحمد،فأنا بصراحة فضولي قتلني وكنت عايز أعرف ليه مجاش معاهم،ورجالتي قالولي السبب،إنه مش معترف بيكي ومش عايزك أصلا
ملك :بسخرية..برافو عليك والله،تاجر مخدرات،وبتشتغل في المباحث كمان
رياض :كلمة واحدة منك وعلمه الأدب هو ومراته وابنه
ملك:بتحذير،وخوف..ملكش دعوة بأهلي خالص سامع!
رياض :بابتسامة ساخرة..مش بقولك طيبة زيادة عن اللزوم
ملك:بضجر..أوف
رياض :باستفزاز،وهو ينظر إلي سيجارته..عارفة مش لاقي علاقة أوفي من علاقة المدمن بسيجارته،هي بتحترق علشانه،وهو يموت علشانها،شوفتي علاقة حلوة زي كده!
ملك:بزفر..أنا شايفة إنك تسكت خالص لأني..
رياض :وهو يشير إليها بيده..هشش
الووو،ها عملت إيه!
الشاب :الحاج 'نافع' تعب ونقلوه المستشفي
رياض :وقد تغيرت ملامح وجهه،واعتدل في جلسته..أنت متأكد من اللي بتقوله ده!
الشاب:أيوه يامعلم وده اسم المستشفي...
رياض :طيب اتكل أنت بقي،وخليك عندك متجيش
الشاب:تمام يامعلم
ملك:بقلق..في إيه!
رياض :وهو يغلق هاتفه..ها،مفيش
ملك:هو التليفون ده مش تبع جدو!
رياض :بارتباك..احم،إيه رأيك نروحلهم بكره ونعملهم مفاجأة!
ملك :بخوف..جدو حصله حاجة صح!
رياض :جدك اتنقل المستشفي
ملك:بفزع..ليه إيه اللي حصل!
رياض :باطمئنان..ياستي مفيش حاجة تلاقيها نوبة سكر،ولا ضغط مرتفع
ملك:ببكاء..علشان خاطري تعالي نروحلهم دلوقتي
رياض :الوقت متأخر خليها الصبح
ملك:بترجي..لو بتحبيني يا'رياض' خليني اروحله دلوقتي
رياض :طيب ألبسي عقبال ما جهز العربيات (فقد اعتاد 'رياض ' أن يتنقل ووراءه الحرس الخاص به)
ملك:حاضر
-أحضرت 'ملك' نفسها،وبدل 'رياض ' هو الآخر ملابسه وصعدا إلي السيارة،
رياض:بصي الطريق طويل ممكن تنامي وأما نوصل هصحيكي
أسندت 'ملك' رأسها إلي صدر 'رياض' والدموع تتساقط منها بانتظام،أحس 'رياض ' بأن قلبه يخفق يكاد يسمع صوته المارة،فتلك هي المرة الأولي التي تأتي إليه 'ملك ' بإرادتها.ضمها إليه وهو يضع ذقنه علي رأسها ونام هو الأخر
_________________________
في المستشفي..
(في الصباح )
آفاق 'نافع ' وهو ينظر إلي أركان الغرفة بوهن..
الدكتور:بابتسامة..حمد الله علي السلامة ياحاج
نافع:وهو يوما برأسه ولم يجب..
دخل 'هارون،وعبد القادر 'للاطمئنان عليه فقط
هارون:وهو يقبل يده..حمد الله علي السلامة ياخوي
نافع :بوهن..عايز أشوف 'ملك '
عبد القادر :هجيبهالك النهاردة يا حاج بس أنت شد حيلك كده وقوم
الطبيب:طيب كفاية كده ونسيبه نستريح شوية
هارون:طيب نقعد معاه شوية بس يا دكتور
الطبيب :لا مش هينفع احنا مصدقنا إنه عدي مرحلة الخطر وفاق
عبد القادر :اللي تشوفه يادكتور،يلا بينا يا 'هارون'
خرجا 'هارون،وعبد القادر ' من الغرفة..
يوسف:ها يا جماعة عامل إيه دلوقتي!
عبد القادر :الحمد لله فاق،بس بيسأل علي'ملك'
مازن:طيب حد يكلمها ويقولها تيجي
حمزة :أنا هبعت حد من الشركة عندي يديها خبر
وصلت 'ملك ' وزوجها،قائلة: جدو جدو
هارون :وهو يحتضنها..ازيك يا 'ملك'
الحمد لله إنك جيتي يا حبيبتي
ملك :جدو فين عايزة أشوفه!
هارون :في الأوضة دي،بس الدكتور مانع الزيارة
ملك:وهي تنظر إلي 'رياض '،بترجي..عايزة أشوفه يا 'رياض' أعمل أي حاجة
رياض :حاضر
يوسف :خليك أنت يا 'رياض ' أنا هروح أكلم مع الدكتور
هارون :ازيك يا ولدي معلش مش مركز من اللي أنا فيه
رياض :ولا يهمك ياعمي ربنا يكون في عونكم
مازن :بخوف..طيب بطلي عياط متقلقيش هو بقي كويس والله
ملك:يارب يارب
رياض :بغيظ..طيب تعالي يا 'ملك' نقعد هنا
عبد القادر :تعالوا ياولاد نشرب حاجة لحد ما 'يوسف ' ياجي
حمزة:بتعجب..أنتوا عرفتوا ازاي!
رياض :المفروض إن الجماعة كانوا هايجوا عندنا امبارح،وأما أتأخروا قولنا نروح احنا نشوفهم
حمزة :أنا والله كنت لسه هبعت حد من عندي في الشركة يبلغكم،لأن الحاج سأل علي 'ملك '
مازن :وهي يخرج من جيبه المناديل..خدي يا 'ملك' وأهدي
رياض :وهو يشعل سيجارته في ضجر..أوف
يوسف :تعالي يا 'ملك ' الدكتور وافق إنك أنتي اللي تدخلي بس
ملك :بلهفة..ماشي يلا بسرعة
رياض :أنا مستنيكي هنا
عبد القادر :تلاقيكم يا ولدي ما نمتوش من امبارح
رياض :لا نمنا شوية في الطريق واحنا جايين
هارون :مجيتكم عندنا غالية اوي ياولدي
رياض :ربنا اللي يعلم معزتكم عندنا إيه يا حاج
حمزة :قولي بقي يا 'رياض' أنت بتشتغل إيه!
-دخلت 'ملك ' إلي جدها،وهي تبكي وتقبله..
نافع :بوهن..'ملك' كان نفسي أشوفك قبل ما أموت
ملك :ببكاء..بعد الشر عليك يا جدو أوع تقول كده،أنت بقيت كويس اهو
نافع :بصوت متقطع..متخافيش يابنتي أنا شايلك حقك وعامل وصية بكده،محدش هياخد ورثك أبدا
ملك :أنا مش عايزة ورث ولا حاجة يا جدو،أنا عايزاك أنت بس تقوم بالسلامة،وتفضل جنبي،اوعدني ياجدو
نافع :أوعدك يا روح جدك
____________________
في منزل أحمد..
تحية:الفطار جاهز يا 'حسن'
حسن :أنا جيت اهو،امال بابا فين!
تحية:وهي تجز علي أسنانها في غيظ..ملوش نفس
حسن:امم،طيب نفطر احنا بقي
تحية:منك لله يا 'نافع'،ربنا يخدك ونرتاح منك
حسن:بتعجب..أنتي ليه بتكرهي جدو كده يا ماما!
تحية :بغيظ..الراجل ده أنا شوفت منه كتير
حسن:بفضول..ليه كان بيعمل إيه!
تحية :كان معارض علي جوازي من أبوك،وأما أبوك صمم إنه ياخدني وافق،عمره ما عطاني ريق حلو
حسن :طيب ليه كان رافض جوازكم!
تحية :بغيظ..قال إيه بيقول إننا مش قد المقام،ومينفعش نناسبهم
حسن :طيب ومال الحب ومال الكلام ده!
تحية:بابتسامة ساخرة..مفيش حاجة اسمها حب عند جدك،ده راجل قلبه زي الحجر
حسن :طيب وبعدين كملي يا ماما!
تحية :مفيش فضل يعاملني كأني جاية أخد حسنة منه،لحد ما حملت فيك،وكنت أنت علي الحجر عندهم،وأما أتجوز عمك 'محمد' وخلف بنته اللي أخدت الدلع كله منك،ساعتها قولت لازم اعلمك وخليكي مفيش حد زيك،علشان يعرفوا تربية 'تحية'
حسن :اممم،يعني أنتي بقي علشان كده بتكرهي جدو
تحية:بحقد وغيظ..وبدعيله إن ربنا ياخده ونخلص منه
خرج 'أحمد ' من غرفته قائلا :هو مين ده اللي ربنا ياخده
تحية:بارتباك..ها،ده بقول علي الواد اللي شغال عندنا في الغيط،مغلب أبويا
أحمد :اممم
حسن:بابتسامة خبيثة..اه فعلا هو الواد
تحية:هقوم اعملك القهوة يا أبو حسن
___________________________
في المستشفي..
عبد القادر:ما تجيب الفطار يا 'يوسف' خلي الجماعة يفطروا
يوسف:بعت والله أجيبه يا حاج
مازن:وقد أغمض عينيه من التعب،فلا أحد ذاق النوم حتي الآن..
هارون :صحي أخوك يا 'حمزة' وروحوا ناموا أنتوا قوم معاهم يا حاج 'عبد القادر '
عبد القادر :لا أنا هقعد أنا،وهم يروحوا
حمزة:ياحاج ما احنا قاعدين معاكم اهو
يوسف :لا روحوا ارتاحوا ونبقي نبدل مع بعض
حمزة :خلاص اللي تشوفوا،يلا يا 'مازن' قوم معايا
مازن :وهو يفتح عينيه بصعوبة..إيه هنروح فين!
حمزة :بمزاح..الملاهي يا حبيبي
مازن:بابتسامة ..ده وقت هزار يارخم
يوسف:خدوا معاكم الحريم بدل ما هم قاعدين يعيطوا في الأوضة كده،المرضي مش عارفة تنام منهم
حمزة :بمزاح..هي دي الست المصرية الأصيلة،لازم تعيط كده علي كل حاجة،والله لو فكرت تضحك مرة كل شيء هيبقي كويس
مازن:يعني هي اللي غلطانة يابارد إنها بتحب جوزها وبتخاف عليه،عايزها في الظروف دي تضحك مثلا!
حمزة:ياعم دول عرفوا إن الحاج فاق وبقى كويس،زادوا في العياط
رياض :بابتسامة..ربنا يخليه ليهم
هارون:يارب
حمزة:طيب ما تقوم معانا يا 'رياض '،وسيب 'ملك ' لأن جدها مش هسيبها النهاردة
رياض :لا أنا هقعد استني هنا
حمزة:براحتك،سلام عليكم
-أذن الظهر 'وملك' جالسة بجوار جدها،ولم تذق الطعام،أحس 'رياض' بغيابها وشوقه لها،فدخل إليها الغرفة ومعه الطعام..
ملك:وعينيها قد احمرت من كثرة البكاء..معلش أنا سايباك لوحدك بره
رياض :بابتسامة..بصي بقي أنا جبت سندوتشات علشان نأكل أنا وأنتي،لأني مش بعرف أكل من غيرك
ملك:لا لا مليش نفس
رياض :بتهديد..خلاص يلا بينا نمشي
ملك:خلاص هاكل
رياض :بابتسامة..ايوه كده بطلي عند واسمعي الكلام
ملك :بس جدو ماسك ايديا هاكل ازاي!
رياض :بخبث..مفيش غير إني أوكلك بايديا
ملك:طيب ما أنت مش هتعرف تأكل كده
رياض :بصي احنا هناكل أنا وأنتي من نفس السندوتش ماشي
ملك :ماشي
رياض:وهو يطعمها وينظر إليها بشوق،ثم يأكل هو من نفس السندوتش..بالهنا والشفا
ملك:الله يهنيك
رياض :بحبك أوي
ملك:وقد أحمر وجهها..احم،احم،تعبتك معايا
رياض :ماردتيش عليا
ملك:أنت عارف كويس هتعمل إيه علشان اقولهالك
رياض :بترجي..نفسي أسمعها منك،حتي لو مش من قلبك
ملك:من لم يستطيع أن يحب بصدق،ليس مجبرا أن يتصدق بمشاعره ليسعد قلب اليوم،ويحزنه غدا
رياض :وهو يقبل يدها...هعمل اللي أنتي عايزاه علشان بس اسمع الكلمة دي منك
ملك:ساعتها قلبي اللي هيقولهالك مش أنا
اقترب 'رياض' منها أكثر،ولكن استيقظ 'نافع' قائلا:ملك
ملك:ايوه يا جدو أنا معاك اهو
نافع:بوهن..خدي جوزك وروحي ارتاحي في البيت
ملك:بابتسامة..لا يا حبيبي أنا كده كويسة
رياض :حمد الله علي سلامتك يا حاج
نافع :الله يسلمك يا ولدي
ملك:هنده للدكتور يجي يشوفك
رياض :خليكي أنتي أنا هروح أجيبه
جاء الطبيب إليهم قائلا :أنتوا لسه هنا!
رياض :أنا كنت لسه رايح اندهلك يا دكتور
الطبيب:وهو يطمأن علي 'نافع '،أنا شايف إنك اتحسنت من ساعة ما شوفت العروسة الحلوة دي،أوع تكون خطيبتك يا حاج
رياض:وهو يهمس 'لملك' في غيظ..ظريف أوي الدكتور ده شكله كده هيوحشنا قريب
ملك:بابتسامة..اسكت
نافع:أنا عايز أخرج يا دكتور
الطبيب :لحقت تزهق مننا علي طول يا حاج
نافع:أنا مش بحب قعدة المستشفيات دي
الطبيب:حاضر، يومين بس كده واكتبلك علي خروج
نافع:ماشي
الطبيب :تعالوا بقي نخرج ونسيبه يرتاح
خرج 'رياض،وملك' من الغرفة..قال 'هارون':يلا يا 'ملك' روحي أنتي وجوزك استريحوا شوية
ملك:لا يا جدو أنا هقعد معاك هنا
عبد القادر :اسمعي الكلام يابنتي أنتوا جايين من سفر لازم ترتاحوا،وبليل تعالي اطمني عليه
ملك:حاضر اللي تشوفوا
هارون :وصلهم يا 'يوسف '
يوسف :حاضر يا حاج
اوصلهم 'يوسف' إلي منزل 'نافع،قال 'رياض ':طيب معلش بس الناس اللي معايا دي مفيش أي لوكندة قريبة من هنا يقعدوا فيها
يوسف :أنت بتشتمنا ولا إيه! ضيوفك هم ضيوفنا،هيقعدوا في الاستراحة دي
رياض :مش عارف أقولك إيه الحقيقة،متشكر جدا
يوسف :الشكر لله،ده بيتكم،اتفضلوا
دخلت 'ملك وزوجها' إلي غرفتها التي كانت تجلس فيها قبل مغادرتها للمنزل..
رياض :وهو يستلقي علي الفراش..مش بطال البيت ده كويس
ملك:أنا هروح اغيري لبسي والبس أي حاجة من عند تيتة
رياض :وبالمرة هتيلي جلابية من عند جدك أغير أنا كمان
ملك:حاضر
ابدلت 'ملك' ملابسها وعادت إلي غرفتها ثانيا..
ملك :اتفضل الجلابية اهي
رياض :وهو يبدل ملابسه أمامها..دي بقي كانت أوضتك
ملك:وهي تلتفت بوجهه سريعا في خجل..اه
رياض :بضحك..متخافيش ياست أنا محترم مش بقلع هدومي كلها عند حد غريب
ملك:بابتسامة..هروح أشوف تيته
رياض :طيب وهتسبيني لوحدي هنا!
ملك :مش هتأخر عليك
رياض :ماشي يا روحي
_______________________
-مر ثلاثة أيام وخرج 'نافع' من المستشفي،كانت 'ملك' هي التي تعطي له الدواء في مواعيده،وترعاه ،أما 'رياض' فكان يخرج إلي الأرض الزراعية ويستمتع بمنظرها الخلاب،الذي يشعره بالارتياح،وخلال هذه الفترة (التي قضاها 'نافع' في المستشفي)لم يذهب 'حمزة، ومازن' إلي عملهم،فهم يتناوبون السهر للاطمئنان علي 'نافع '،فهذه حقا هي نعم العائلة المترابطة الذي يخشي الآخر علي غيره،فهي مثل الشجرة التي تتطرح الثمار الطيب،حتي وإن مال جزع بها،فذلك لا يؤثر علي باقيتها...
____________
(حب،وخوف )
في منزل أحمد..
أحمد:بفزع..فوقي يا 'تحية' فوقي
جاء 'حسن 'في هلع..ماما مالها!
أحمد :كويسة متقلقش
تحية:بخداع وصوت واهن..شوفت يا 'حسن' أمك اتضربت واتشتمت من الصغير والكبير النهاردة
حسن:بغضب..ما عاش اللي يهينك يا ماما، مين عمل كده!
تحية:عبد القادر' وولاده
حسن :وهم ليهم إيه عندك علشان يضربوكي،وبابا كان فين!
تحية:ببكاء مصطنع..أبوك سابني ليهم ومتكلمش يا بني
حسن:بعتاب..ليه يابابا مطردتهمش بره!
أحمد :بارتباك..ما خلاص بقي يا'تحية ' الموضوع خلص
تحية:وهي تقوم من علي فراشها..لا ما خلصش والله لعلمهم الأدب
أحمد :بقلق..هتعملي إيه يعني!
تحية :هنزل اعملهم محضر بالتعدي عليا
أحمد :لمي الدور بقي يا 'تحية '،هم مشيوا خلاص
تحية :بقسوة،وغيظ..أبدا لازم أعلمهم الأدب كلهم،مش أنا بت بتاع العلف،ماشي أنا هوريهم
أحمد :بعصبية..يوووه شوف أمك يا 'حسن'
حسن:اللي هتعمله ماما ده هو الصح لازم توقفهم عند حدهم
أحمد :بلين..طيب علشان خاطري المرة دي يا'تحية '
تحية:بعناد..أبدا،تعالي معايا يا 'حسن'
أحمد :وهو يجلس علي الكرسي في خوف..يارب استر
_______________________
في منزل رياض..
مرت ساعات،'وملك،ورياض'،ينتظران مكالمة من الشاب الذي بعثه 'رياض ' لمعرفة أحوال 'نافع '..
رياض :وهو يجلس جلسته المعتادة علي الكرسي،وساقيه علي الفراش..متقلقيش دلوقتي الواد يتصل ويطمنا
ملك:بخوف..خير إن شاء الله
رياض :وهو يشعل سيجارته..أنتي بتفكريني بنفسي أنا كمان بحب أهلي كده
ملك:مفيش حد بيكره أهله
رياض :بخبث..يعني عمك 'أحمد' مش بيكرهك!
ملك:بتعجب..قصدك إيه!
رياض :أنا عارف كل حاجة،عارف إنك مشيتي من عند أهلك لأن عمك مش عايزك عندهم،وده كان السبب اللي أنتي أتجوزتيني علشانه، مش زي ما أنا كنت فاكر إنك بتحبيني زي ما بحبك
ملك :بذهول..أنت عرفت منين كده!
رياض :ساعة ما أهلك كانوا هنا بيزوروكي ومشيوا،بعت رجالتي وراهم كان لازم أعرف برده أنا مناسب مين، وأما سألوا هناك،عرفوا إن ليكي عم اسمه أحمد،فأنا بصراحة فضولي قتلني وكنت عايز أعرف ليه مجاش معاهم،ورجالتي قالولي السبب،إنه مش معترف بيكي ومش عايزك أصلا
ملك :بسخرية..برافو عليك والله،تاجر مخدرات،وبتشتغل في المباحث كمان
رياض :كلمة واحدة منك وعلمه الأدب هو ومراته وابنه
ملك:بتحذير،وخوف..ملكش دعوة بأهلي خالص سامع!
رياض :بابتسامة ساخرة..مش بقولك طيبة زيادة عن اللزوم
ملك:بضجر..أوف
رياض :باستفزاز،وهو ينظر إلي سيجارته..عارفة مش لاقي علاقة أوفي من علاقة المدمن بسيجارته،هي بتحترق علشانه،وهو يموت علشانها،شوفتي علاقة حلوة زي كده!
ملك:بزفر..أنا شايفة إنك تسكت خالص لأني..
رياض :وهو يشير إليها بيده..هشش
الووو،ها عملت إيه!
الشاب :الحاج 'نافع' تعب ونقلوه المستشفي
رياض :وقد تغيرت ملامح وجهه،واعتدل في جلسته..أنت متأكد من اللي بتقوله ده!
الشاب:أيوه يامعلم وده اسم المستشفي...
رياض :طيب اتكل أنت بقي،وخليك عندك متجيش
الشاب:تمام يامعلم
ملك:بقلق..في إيه!
رياض :وهو يغلق هاتفه..ها،مفيش
ملك:هو التليفون ده مش تبع جدو!
رياض :بارتباك..احم،إيه رأيك نروحلهم بكره ونعملهم مفاجأة!
ملك :بخوف..جدو حصله حاجة صح!
رياض :جدك اتنقل المستشفي
ملك:بفزع..ليه إيه اللي حصل!
رياض :باطمئنان..ياستي مفيش حاجة تلاقيها نوبة سكر،ولا ضغط مرتفع
ملك:ببكاء..علشان خاطري تعالي نروحلهم دلوقتي
رياض :الوقت متأخر خليها الصبح
ملك:بترجي..لو بتحبيني يا'رياض' خليني اروحله دلوقتي
رياض :طيب ألبسي عقبال ما جهز العربيات (فقد اعتاد 'رياض ' أن يتنقل ووراءه الحرس الخاص به)
ملك:حاضر
-أحضرت 'ملك' نفسها،وبدل 'رياض ' هو الآخر ملابسه وصعدا إلي السيارة،
رياض:بصي الطريق طويل ممكن تنامي وأما نوصل هصحيكي
أسندت 'ملك' رأسها إلي صدر 'رياض' والدموع تتساقط منها بانتظام،أحس 'رياض ' بأن قلبه يخفق يكاد يسمع صوته المارة،فتلك هي المرة الأولي التي تأتي إليه 'ملك ' بإرادتها.ضمها إليه وهو يضع ذقنه علي رأسها ونام هو الأخر
_________________________
في المستشفي..
(في الصباح )
آفاق 'نافع ' وهو ينظر إلي أركان الغرفة بوهن..
الدكتور:بابتسامة..حمد الله علي السلامة ياحاج
نافع:وهو يوما برأسه ولم يجب..
دخل 'هارون،وعبد القادر 'للاطمئنان عليه فقط
هارون:وهو يقبل يده..حمد الله علي السلامة ياخوي
نافع :بوهن..عايز أشوف 'ملك '
عبد القادر :هجيبهالك النهاردة يا حاج بس أنت شد حيلك كده وقوم
الطبيب:طيب كفاية كده ونسيبه نستريح شوية
هارون:طيب نقعد معاه شوية بس يا دكتور
الطبيب :لا مش هينفع احنا مصدقنا إنه عدي مرحلة الخطر وفاق
عبد القادر :اللي تشوفه يادكتور،يلا بينا يا 'هارون'
خرجا 'هارون،وعبد القادر ' من الغرفة..
يوسف:ها يا جماعة عامل إيه دلوقتي!
عبد القادر :الحمد لله فاق،بس بيسأل علي'ملك'
مازن:طيب حد يكلمها ويقولها تيجي
حمزة :أنا هبعت حد من الشركة عندي يديها خبر
وصلت 'ملك ' وزوجها،قائلة: جدو جدو
هارون :وهو يحتضنها..ازيك يا 'ملك'
الحمد لله إنك جيتي يا حبيبتي
ملك :جدو فين عايزة أشوفه!
هارون :في الأوضة دي،بس الدكتور مانع الزيارة
ملك:وهي تنظر إلي 'رياض '،بترجي..عايزة أشوفه يا 'رياض' أعمل أي حاجة
رياض :حاضر
يوسف :خليك أنت يا 'رياض ' أنا هروح أكلم مع الدكتور
هارون :ازيك يا ولدي معلش مش مركز من اللي أنا فيه
رياض :ولا يهمك ياعمي ربنا يكون في عونكم
مازن :بخوف..طيب بطلي عياط متقلقيش هو بقي كويس والله
ملك:يارب يارب
رياض :بغيظ..طيب تعالي يا 'ملك' نقعد هنا
عبد القادر :تعالوا ياولاد نشرب حاجة لحد ما 'يوسف ' ياجي
حمزة:بتعجب..أنتوا عرفتوا ازاي!
رياض :المفروض إن الجماعة كانوا هايجوا عندنا امبارح،وأما أتأخروا قولنا نروح احنا نشوفهم
حمزة :أنا والله كنت لسه هبعت حد من عندي في الشركة يبلغكم،لأن الحاج سأل علي 'ملك '
مازن :وهي يخرج من جيبه المناديل..خدي يا 'ملك' وأهدي
رياض :وهو يشعل سيجارته في ضجر..أوف
يوسف :تعالي يا 'ملك ' الدكتور وافق إنك أنتي اللي تدخلي بس
ملك :بلهفة..ماشي يلا بسرعة
رياض :أنا مستنيكي هنا
عبد القادر :تلاقيكم يا ولدي ما نمتوش من امبارح
رياض :لا نمنا شوية في الطريق واحنا جايين
هارون :مجيتكم عندنا غالية اوي ياولدي
رياض :ربنا اللي يعلم معزتكم عندنا إيه يا حاج
حمزة :قولي بقي يا 'رياض' أنت بتشتغل إيه!
-دخلت 'ملك ' إلي جدها،وهي تبكي وتقبله..
نافع :بوهن..'ملك' كان نفسي أشوفك قبل ما أموت
ملك :ببكاء..بعد الشر عليك يا جدو أوع تقول كده،أنت بقيت كويس اهو
نافع :بصوت متقطع..متخافيش يابنتي أنا شايلك حقك وعامل وصية بكده،محدش هياخد ورثك أبدا
ملك :أنا مش عايزة ورث ولا حاجة يا جدو،أنا عايزاك أنت بس تقوم بالسلامة،وتفضل جنبي،اوعدني ياجدو
نافع :أوعدك يا روح جدك
____________________
في منزل أحمد..
تحية:الفطار جاهز يا 'حسن'
حسن :أنا جيت اهو،امال بابا فين!
تحية:وهي تجز علي أسنانها في غيظ..ملوش نفس
حسن:امم،طيب نفطر احنا بقي
تحية:منك لله يا 'نافع'،ربنا يخدك ونرتاح منك
حسن:بتعجب..أنتي ليه بتكرهي جدو كده يا ماما!
تحية :بغيظ..الراجل ده أنا شوفت منه كتير
حسن:بفضول..ليه كان بيعمل إيه!
تحية :كان معارض علي جوازي من أبوك،وأما أبوك صمم إنه ياخدني وافق،عمره ما عطاني ريق حلو
حسن :طيب ليه كان رافض جوازكم!
تحية :بغيظ..قال إيه بيقول إننا مش قد المقام،ومينفعش نناسبهم
حسن :طيب ومال الحب ومال الكلام ده!
تحية:بابتسامة ساخرة..مفيش حاجة اسمها حب عند جدك،ده راجل قلبه زي الحجر
حسن :طيب وبعدين كملي يا ماما!
تحية :مفيش فضل يعاملني كأني جاية أخد حسنة منه،لحد ما حملت فيك،وكنت أنت علي الحجر عندهم،وأما أتجوز عمك 'محمد' وخلف بنته اللي أخدت الدلع كله منك،ساعتها قولت لازم اعلمك وخليكي مفيش حد زيك،علشان يعرفوا تربية 'تحية'
حسن :اممم،يعني أنتي بقي علشان كده بتكرهي جدو
تحية:بحقد وغيظ..وبدعيله إن ربنا ياخده ونخلص منه
خرج 'أحمد ' من غرفته قائلا :هو مين ده اللي ربنا ياخده
تحية:بارتباك..ها،ده بقول علي الواد اللي شغال عندنا في الغيط،مغلب أبويا
أحمد :اممم
حسن:بابتسامة خبيثة..اه فعلا هو الواد
تحية:هقوم اعملك القهوة يا أبو حسن
___________________________
في المستشفي..
عبد القادر:ما تجيب الفطار يا 'يوسف' خلي الجماعة يفطروا
يوسف:بعت والله أجيبه يا حاج
مازن:وقد أغمض عينيه من التعب،فلا أحد ذاق النوم حتي الآن..
هارون :صحي أخوك يا 'حمزة' وروحوا ناموا أنتوا قوم معاهم يا حاج 'عبد القادر '
عبد القادر :لا أنا هقعد أنا،وهم يروحوا
حمزة:ياحاج ما احنا قاعدين معاكم اهو
يوسف :لا روحوا ارتاحوا ونبقي نبدل مع بعض
حمزة :خلاص اللي تشوفوا،يلا يا 'مازن' قوم معايا
مازن :وهو يفتح عينيه بصعوبة..إيه هنروح فين!
حمزة :بمزاح..الملاهي يا حبيبي
مازن:بابتسامة ..ده وقت هزار يارخم
يوسف:خدوا معاكم الحريم بدل ما هم قاعدين يعيطوا في الأوضة كده،المرضي مش عارفة تنام منهم
حمزة :بمزاح..هي دي الست المصرية الأصيلة،لازم تعيط كده علي كل حاجة،والله لو فكرت تضحك مرة كل شيء هيبقي كويس
مازن:يعني هي اللي غلطانة يابارد إنها بتحب جوزها وبتخاف عليه،عايزها في الظروف دي تضحك مثلا!
حمزة:ياعم دول عرفوا إن الحاج فاق وبقى كويس،زادوا في العياط
رياض :بابتسامة..ربنا يخليه ليهم
هارون:يارب
حمزة:طيب ما تقوم معانا يا 'رياض '،وسيب 'ملك ' لأن جدها مش هسيبها النهاردة
رياض :لا أنا هقعد استني هنا
حمزة:براحتك،سلام عليكم
-أذن الظهر 'وملك' جالسة بجوار جدها،ولم تذق الطعام،أحس 'رياض' بغيابها وشوقه لها،فدخل إليها الغرفة ومعه الطعام..
ملك:وعينيها قد احمرت من كثرة البكاء..معلش أنا سايباك لوحدك بره
رياض :بابتسامة..بصي بقي أنا جبت سندوتشات علشان نأكل أنا وأنتي،لأني مش بعرف أكل من غيرك
ملك:لا لا مليش نفس
رياض :بتهديد..خلاص يلا بينا نمشي
ملك:خلاص هاكل
رياض :بابتسامة..ايوه كده بطلي عند واسمعي الكلام
ملك :بس جدو ماسك ايديا هاكل ازاي!
رياض :بخبث..مفيش غير إني أوكلك بايديا
ملك:طيب ما أنت مش هتعرف تأكل كده
رياض :بصي احنا هناكل أنا وأنتي من نفس السندوتش ماشي
ملك :ماشي
رياض:وهو يطعمها وينظر إليها بشوق،ثم يأكل هو من نفس السندوتش..بالهنا والشفا
ملك:الله يهنيك
رياض :بحبك أوي
ملك:وقد أحمر وجهها..احم،احم،تعبتك معايا
رياض :ماردتيش عليا
ملك:أنت عارف كويس هتعمل إيه علشان اقولهالك
رياض :بترجي..نفسي أسمعها منك،حتي لو مش من قلبك
ملك:من لم يستطيع أن يحب بصدق،ليس مجبرا أن يتصدق بمشاعره ليسعد قلب اليوم،ويحزنه غدا
رياض :وهو يقبل يدها...هعمل اللي أنتي عايزاه علشان بس اسمع الكلمة دي منك
ملك:ساعتها قلبي اللي هيقولهالك مش أنا
اقترب 'رياض' منها أكثر،ولكن استيقظ 'نافع' قائلا:ملك
ملك:ايوه يا جدو أنا معاك اهو
نافع:بوهن..خدي جوزك وروحي ارتاحي في البيت
ملك:بابتسامة..لا يا حبيبي أنا كده كويسة
رياض :حمد الله علي سلامتك يا حاج
نافع :الله يسلمك يا ولدي
ملك:هنده للدكتور يجي يشوفك
رياض :خليكي أنتي أنا هروح أجيبه
جاء الطبيب إليهم قائلا :أنتوا لسه هنا!
رياض :أنا كنت لسه رايح اندهلك يا دكتور
الطبيب:وهو يطمأن علي 'نافع '،أنا شايف إنك اتحسنت من ساعة ما شوفت العروسة الحلوة دي،أوع تكون خطيبتك يا حاج
رياض:وهو يهمس 'لملك' في غيظ..ظريف أوي الدكتور ده شكله كده هيوحشنا قريب
ملك:بابتسامة..اسكت
نافع:أنا عايز أخرج يا دكتور
الطبيب :لحقت تزهق مننا علي طول يا حاج
نافع:أنا مش بحب قعدة المستشفيات دي
الطبيب:حاضر، يومين بس كده واكتبلك علي خروج
نافع:ماشي
الطبيب :تعالوا بقي نخرج ونسيبه يرتاح
خرج 'رياض،وملك' من الغرفة..قال 'هارون':يلا يا 'ملك' روحي أنتي وجوزك استريحوا شوية
ملك:لا يا جدو أنا هقعد معاك هنا
عبد القادر :اسمعي الكلام يابنتي أنتوا جايين من سفر لازم ترتاحوا،وبليل تعالي اطمني عليه
ملك:حاضر اللي تشوفوا
هارون :وصلهم يا 'يوسف '
يوسف :حاضر يا حاج
اوصلهم 'يوسف' إلي منزل 'نافع،قال 'رياض ':طيب معلش بس الناس اللي معايا دي مفيش أي لوكندة قريبة من هنا يقعدوا فيها
يوسف :أنت بتشتمنا ولا إيه! ضيوفك هم ضيوفنا،هيقعدوا في الاستراحة دي
رياض :مش عارف أقولك إيه الحقيقة،متشكر جدا
يوسف :الشكر لله،ده بيتكم،اتفضلوا
دخلت 'ملك وزوجها' إلي غرفتها التي كانت تجلس فيها قبل مغادرتها للمنزل..
رياض :وهو يستلقي علي الفراش..مش بطال البيت ده كويس
ملك:أنا هروح اغيري لبسي والبس أي حاجة من عند تيتة
رياض :وبالمرة هتيلي جلابية من عند جدك أغير أنا كمان
ملك:حاضر
ابدلت 'ملك' ملابسها وعادت إلي غرفتها ثانيا..
ملك :اتفضل الجلابية اهي
رياض :وهو يبدل ملابسه أمامها..دي بقي كانت أوضتك
ملك:وهي تلتفت بوجهه سريعا في خجل..اه
رياض :بضحك..متخافيش ياست أنا محترم مش بقلع هدومي كلها عند حد غريب
ملك:بابتسامة..هروح أشوف تيته
رياض :طيب وهتسبيني لوحدي هنا!
ملك :مش هتأخر عليك
رياض :ماشي يا روحي
_______________________
-مر ثلاثة أيام وخرج 'نافع' من المستشفي،كانت 'ملك' هي التي تعطي له الدواء في مواعيده،وترعاه ،أما 'رياض' فكان يخرج إلي الأرض الزراعية ويستمتع بمنظرها الخلاب،الذي يشعره بالارتياح،وخلال هذه الفترة (التي قضاها 'نافع' في المستشفي)لم يذهب 'حمزة، ومازن' إلي عملهم،فهم يتناوبون السهر للاطمئنان علي 'نافع '،فهذه حقا هي نعم العائلة المترابطة الذي يخشي الآخر علي غيره،فهي مثل الشجرة التي تتطرح الثمار الطيب،حتي وإن مال جزع بها،فذلك لا يؤثر علي باقيتها...
____________
