رواية امرأة في حجر الثعبان الفصل الثلاثون 30 بقلم رانيا جابر حسن
الحلقة الثلاثون..
(قتل عمد)
مر اليومين سريعا وعاد 'رياض' من سفره في الليل،كان متشوق إلي 'ملك' ولكنها عاملته بجفاء..
رياض:بلين..قومي غيري هدومك لحد ما أشرب سيجارة في البلكونة
ملك :وهي تجلس علي الفراش..لا مش هينفع
رياض :وهو يكتم غيظه..تاني يا 'ملك'،أنا المفروض جاي من سفر يعني أرجع الاقيكي في استقبالي ومحضرة نفسك
ملك:بخجل..عندي ظروف
رياض:بضجر.اوف،وده وقته
جلس 'رياض 'علي الكرسي ورفع ساقيه علي الفراش،محاولا إثارة 'ملك 'ومعرفة رد فعلها..
رياض :بمكر..تعرفي إن الستات الأجانب حلوين أوي
ملك:وهي تنظر إلي الكتاب..بلا مبالاة،والله !
رياض :بابتسامة مستفزة..اه ستات مفرفشة مش نكدية،ومهملة،وعصبية،ومتمردة
ملك:باستفزاز..مفيش ست نكدية إلا بوجود زوج كائيب،ومفيش ست مهملة إلا بوجود زوج شحيح العاطفة،ومفيش ست عصبية إلا بوجود زوج غير متفاهم، ومفيش ست متمردة إلا بوجود زوج متسلط
رياض:باستفزاز..بس الست الأجنبية حاجة تانية خصوصا علي السرير
ملك:وهي تعلم تماما إنه لا يحب العلاقات النسائية مثلما قالت لها 'نادية'،ولكنها ظلت تجاريه في الحديث.. طيب كنت خليك يومين كمان معاهم
رياض :وهو يشعل سيجارته ويشرب الخمر..كان نفسي بس ورايا مصالح هنا بقي أعمل إيه
ملك:يلا بقي تتعوض
رياض :باستفزاز..فعلا هم دول الستات اللي تتعاشر صحيح،مش اللي ماسكه الكتاب في ايديها طول اليوم
ملك:بسخرية..لو ركز الرجال في الكتب كما يركزون في أجسام النساء لأصبحنا في عالم العلماء
رياض :بتكبر..بفلوسي اشتري شهادات العالم دي كلها
ملك:باستفزاز..قصدك فلوس المخدرات اللي بتبيعها!
رياض :وهو يرفع حاجبه..الله ينور عليكي ما أنتي عارفة كل حاجة اهو،شدي حيلك بقي واحملي علشان أعرفك علي سر محدش يعرفه غيري وبس
ملك:وهي تحاول أن تري رد فعله..اممم،تقدر تقول إني قريت معظم ملفاتك اللي في المكتب
رياض :ومش خايفة لموتك!
ملك:بتعجب..ليه بقي!
رياض :لأن مفيش مخلوق ممكن يتجرأ ويعمل كده، دي حاجة تخصني أنا وبس
ملك :بثقة..أنا مش بخاف من الموت،كده كده كلنا هنموت
رياض :أنتي الوحيدة اللي مسموحلك تعملي أي حاجة في حياتي،لأني أنا حابب كده،للأسف أنتي معاكي قلبي،اللي مفيش واحدة قدرت تشده ليها غيرك
ملك:بذهول..معقولة دي كلها كميات مخدرات دخلت البلد واتوزعت علي الشباب
رياض :بثقة وتكبر..تقدري تقولي كده إني بحاول ابقي نمرة واحد مش في مصر بس لا في الشرق الأوسط كله،تسمعي عن 'بابلوا اسكوبار'!
ملك:اها،من أكبر تجار المخدرات في العالم،يقال عنه إنه كان شاب طموح دفعته رغبته في الثراء وتحقيق ثروة إلي زيادة نشاطاته الإجرامية إلي القتل بالايجار،بالإضافة إلي إنه كان شديد الذكاء،كان بيمد 80% من المخدرات.
رياض :بإعجاب..لا برافو عليكي ده أنتي موسوعة بقي
ملك :بتعجب..ماله بقي!
رياض :ده ياستي فيا شبه كبير منه تقدري تقولي إني خدته مثل أعلي ليا
ملك:بابتسامة ساخرة..أكيد طبعا تجار مخدرات زي بعض امال يعني هتخدوا الغزالي قدوة ليكم مثلا!
رياض :المفروض تبقي فخورة بيا
ملك:باستغراب..فخورة بتاجر مخدرات!
رياض :تاجر المخدرات ده ليه كلمة مسموعة الكل بيعمله حساب
ملك:باشمئزاز..هو أنت مفكر نفسك كده عايش!
رياض :بسخرية..امال شايفاني ميت قدامك!
ملك:أنت كل حاجة فيك ماتت ضميرك،وقلبك،واحساسك،وعواطفك،أنت يوميا بتقتل أبرياء بسبب الزفت اللي أنت بتبيعه ده،ذنبهم إيه!
رياض :بلا مبالاة..ذنبهم إنهم دماغهم خفيفة فبيشربوا،أنا مش بضرب حد علي ايده علشان يشتري مخدرات
ملك :الناس للأسف بتهرب من مشاكلها بالمخدرات علشان تخرجهم من اللي هم فيه ومايحسوش بالمشاكل دي،وده وهم وغير صحيح بالمرة،المخدرات بتزود مشاكلهم وهمومهم
رياض :اديكي قولتي احنا بنحاول نخرجهم من اللي هم فيه،بنساعدهم ونهون عليهم
ملك :أنتوا بتدمروهم،أكتر جرائم العنف بسبب المخدرات
رياض :واحنا مالنا،هم اللي بيسطلوا علي طول،دماغهم خفيفة
ملك:باشمئزاز..أنت واللي زيك شر البرية،بشفق عليكم فأنتم مرضي
رياض :بسرعة بديهة..بالظبط كده وليس علي المريض حرج،مش كده برده!
ملك:بحزن..للأسف كده
رياض :طيب كفاية كلام بقي لأني صدعت وعايز أنام
ملك:باشمئزاز..قوم خدلك شاور ريحة الخمر مقرفة
رياض :بوهن..تصبحي علي خير
ملك:بترجي..يارب اخرجني من هذا الضيق
في الصباح..
رياض:صباح الخير
ملك:بضيق..صباح الخير
رياض :نمتي امبارح أمتي!
ملك:صليت الفجر ونمت
رياض :اممم،طيب أنا هنزل القهوة
ملك:مش هتفطر!
رياض:لا أنا محتاج افوق علشان تقلت في الشرب امبارح بسببك
ملك:بتعجب..وأنا مالي!
رياض :خلتيني خرفت بالكلام وما كنتش أحب أن الحوار بينا في الموضوع ده يطول كده
ملك:اهو اللي حصل بقي
رياض :طيب أنا هنزل،سلام
ملك:بضيق..من غير سلام
______________________
في منزل أحمد..
تحية:بقولك يا 'أحمد ' ابن خالي..كلمني وقالي إنه ماشي في الإجراءات بتاعة القضية
أحمد :بتأنيب..طيب كنتي استنيتي شوية
حسن:يابابا خير البر عاجله،نستني لحد أمتي بس
تحية:قوله يا 'حسن' شكله كده هيحن تاني بعد كله اللي عملوه فيه ده
أحمد:خلاص اللي تشوفوه
تحية:ايوه كده
(في منزل نافع)..
عبد القادر :عامل إيه يا حاج!
نافع:الحمد لله عال،والله نورتنا ياحاج
عبد القادر :الله يخليك
هارون:الشاي يا حاجة
عبد القادر :بص بقي يا حاج 'نافع' أنا جاي النهاردة وعشمان إنك ماتكسفنيش
نافع:بقلق..خير يا حاج
عبد القادر :عايزين نصالحك علي أحمد
نافع:بضجر..يا حاج قفل علي الموضوع ده،أنا مش طايق اسمه
عبد القادر :الواد غلط يا'نافع' وأعترف بكده واحنا انبناه،فكفاية كده بقي
نافع :وهو يرضيك اللي عمله يا عبد القادر!
عبد القادر :لا مايرضنيش،بس المسامح كريم بقي
نافع:لا يمكن
يوسف:يا حاج متنشفش دماغك بقي الواد هياجي يبوس رجلك،وهيروح لحد 'ملك' في مصر ويطيب خاطرها،قولت إيه!
نافع:صمت ولم يجب
عبد القادر :والله يا 'نافع' لو ما صالحت ابنك ما أنا داخلك بيت تاني ولا لساني يخاطب لسانك لحد ما موت
نافع:إيه اللي بتقوله ده،بعد الشر عليك
عبد القادر :صالح ولدك يا 'نافع' أنت تعبت علشان تربيه وتكبره ماتخليش حد تاني ياخده منك
نافع :وقد فهم ما يشير إليه 'عبد القادر '..خليها تشبع بيه،بكره تلدغه من سمها
يوسف:يا عمي احنا مالنا بقي هي مراته،احنا اللي يهمنا هو وابنه،لازم يعيشوا معاك
عبد القادر :ها يا 'نافع ' قولت إيه!
نافع :رأيك إيه يا 'هارون'!
هارون:الرأي رأيك يا حاج
عبد القادر :'هارون' مش هيرضيه إن العيلة تتفكك لازم نكون ايد واحدة
نافع:ماشي هيرجع البيت بس علي شرط
يوسف:إيه هو!
نافع :يروح عند 'ملك' في مصر ويراضيها،ولو هي سامحته ساعتها بس يبقي يرجع البيت غير كده أنا مش عايز أشوفه هنا
عبد القادر :ماشي اعتبره حصل،بكره يروح 'لملك' ويجيبها تتغدي كمان معانا هي وجوزها
هارون:ياريت والله يا حاج
عبد القادر :يلا بينا يا 'يوسف '
نافع:ما لسه بدري
عبد القادر :بدري من عمرك،هنروح نشوف مصالحنا بقي
هارون :في حفظ الله
عبد القادر :سلام عليكم
نافع:وعليكم السلام ورحمة الله وبركاته
------------------------------------
في القهوة..
ارتفع صوت نقاش 'رياض' والتجار فقد تذمروا علي سعر البضاعة العالية،وقفت 'ملك 'تشاهد ما يحدث من النافذة..
رياض :أنا اللي عندي قولته مش عجبكم اشتروا من بره
التاجر:يا معلم مفيش بضاعة بره أنت الكل في الكل
رياض:وأما أنت عارف كده بتلك كتير ليه!
التاجر:بتلعثم..أنا بقول بس..
رياض:ماتقولش
قال أخر :بس أنا مش موافق علي السعر ده!
رياض:بلا مبالاة..اشرب من البحر
التاجر:يعني إيه يا معلم!
رياض:بغضب..حجاج اتكلم أنت معاه لحد ما روح بيت الراحة
حجاج :ماشي يا معلم
اسمعوا يا رجالة البضاعة وأنتوا وعارفين إنها مضمونة فليه بقي الفصال ووجع القلب
التاجر:ياحجاج أنت مايرضكش تبقي فلوسي كلها في السوق والمعلم ما يصبرش عليا،وعايز كمان يغليها
حجاج:خلاص أنا هكلم مع المعلم يستني عليك شوية
التاجر الآخر :بس أنا بقي مش هاخد البضاعة بالتمن ده
حجاج:خلاص أنت حر،أبقي أشتري من بره
التاجر:بنبرة تهديد..أنا لو مشيت دلوقتي ماضمنش رد فعلي هيكون إيه!
حجاج:بتعجب..قصدك إيه!
التاجر:بخبث..يعني في ظابط جديد بيقولوا بيتنشق علي معلومة،وأنا بصراحة بحب أكسب الظباط
حجاج:بغضب..أنت بتهددنا يا..
التاجر:بتحدي..عليا وعلي أعدائي،أنا ماخسرش لوحدي
جاء 'رياض ' من ورائه وهو يسحب السكين ويمررها علي رقبته،قائلا في غضب:متخلقش اللي يهدد 'رياض سليم' يا كلب
سالت الدماء في الأرض أخذه 'رياض ' وهو يجره (وقد خرجت روح التاجر وتوقف النبض تمام) في وسط الحارة حتي يكون عبرة لغيره..
رياض:بصراخ،وهو يتوجه ببصره إلي أرجاء الحارة..ده جزاء أي كلب يفكر يتعدي حدوده ويعلي صوته علي أسياده
وبينما هو يلتفت يمينا ويسارا وقعت عينيه علي نافذة منزله التي كانت تقف بها'ملك'،أخذ ينظر إليها نظرة طويلة وهي في ذهول لما حدث لم تصدق ما تراه،ثم خفض رأسه إلي الأرض ووجه كلامه إلي حجاج،قائلا :خلي حد يشيل اللي حصل ده ويعترف علي نفسه بس مايكونش عنده عيال
حجاج:بلوم..ما كانش لازم أنت اللي تخلص بايدك يامعلم العيال كتير اهي
رياض:بعصبية..عايز واحد يدخل منطقتي ويجي عندي واسيبه من غير ما أعلم عليه!
حجاج:القتل القضية الوحيدة اللي بتهز الداخلية يامعلم،واحنا كنا في غني عن كده
رياض:بسخرية وتحدي..أنت قلبت حرمه كده ليه! هي دي أول مرة يعني، وبعدين أنا قد أي حد حتي لو الحكومة نفسها
حجاج:يا معلم...
رياض :وهو يقاطعه بغضب..روح نفذ اللي قولتلك عليه يلا
حجاج:حاضر
رياض :أنا هطلع أخد حمام،تكون خلصت
صعد 'رياض ' إلي المنزل ليبدل ملابسه،كان يتحاشي الاصطدام ب'ملك' التي كانت تجلس علي المنضدة في شرود تام ولا تصدق ما حدث،بدل ملابسه سريعا وعاد إلي القهوة،وجلس واضعا
ساق فوق الأخري،قائلا :الشيشة ياواد
الصبي:بخوف..حاضر يا معلم
التاجر الذي كان يجلس معهم..أي خدمة أنا يا معلم
رياض:بخبث ليري رد فعله..الله يرحمه كان طيب
التاجر :يستاهل يا معلم هو اللي جابه لنفسه،كان لازم يعرف بيتكلم مع مين
رياض :عمره بقي
التاجر:لو تحب الواد اللي يشيل عندي يا معلم،واضمنهولك برقبتي
رياض :بابتسامة..عيشت يا معلم،وبضاعتك هتوصلك لحد عندك
التاجر:وهو يقبل ذراع 'رياض'..ربنا يخليك لينا يا كبير
رياض:بالسلامة أنت
جاء الشاب الذي سيعترف علي نفسه بأنه هو القاتل..خدامك يا معلم!
رياض :عندك عيال يالا!
الشاب:لا يا معلم
رياض :طيب اسمع هحاول اجبلك حكم خفيف،المحامي مش هيسيبك،ده غير اما تخرج هتلاقي مبلغ محترم مستنيك
الشاب :يا معلم أنا فداك في أي حاجة
رياض :أنت قتلته دفاع عن النفس جه اتهجم عليك وسط ناسك هنا،والحارة كلها شاهده بكده متقلقش
الشاب:ماشي يامعلم
رياض :روح لحجاج وهو هيفهمك علي كل حاجة
الشاب :بالأذن يا معلم
جاءت الشرطة وملأت المكان،و'رياض ' لم يتحرك من مكانه وأخذ يحتسي قهوته..
مروان:وهو يسأل أهل الحارة..إيه اللي حصل!
رياض :اتفضل أشرب القهوة الأول يا باشا
مروان :بابتسامة ..مين معلم رياض!
رياض:..
(قتل عمد)
مر اليومين سريعا وعاد 'رياض' من سفره في الليل،كان متشوق إلي 'ملك' ولكنها عاملته بجفاء..
رياض:بلين..قومي غيري هدومك لحد ما أشرب سيجارة في البلكونة
ملك :وهي تجلس علي الفراش..لا مش هينفع
رياض :وهو يكتم غيظه..تاني يا 'ملك'،أنا المفروض جاي من سفر يعني أرجع الاقيكي في استقبالي ومحضرة نفسك
ملك:بخجل..عندي ظروف
رياض:بضجر.اوف،وده وقته
جلس 'رياض 'علي الكرسي ورفع ساقيه علي الفراش،محاولا إثارة 'ملك 'ومعرفة رد فعلها..
رياض :بمكر..تعرفي إن الستات الأجانب حلوين أوي
ملك:وهي تنظر إلي الكتاب..بلا مبالاة،والله !
رياض :بابتسامة مستفزة..اه ستات مفرفشة مش نكدية،ومهملة،وعصبية،ومتمردة
ملك:باستفزاز..مفيش ست نكدية إلا بوجود زوج كائيب،ومفيش ست مهملة إلا بوجود زوج شحيح العاطفة،ومفيش ست عصبية إلا بوجود زوج غير متفاهم، ومفيش ست متمردة إلا بوجود زوج متسلط
رياض:باستفزاز..بس الست الأجنبية حاجة تانية خصوصا علي السرير
ملك:وهي تعلم تماما إنه لا يحب العلاقات النسائية مثلما قالت لها 'نادية'،ولكنها ظلت تجاريه في الحديث.. طيب كنت خليك يومين كمان معاهم
رياض :وهو يشعل سيجارته ويشرب الخمر..كان نفسي بس ورايا مصالح هنا بقي أعمل إيه
ملك:يلا بقي تتعوض
رياض :باستفزاز..فعلا هم دول الستات اللي تتعاشر صحيح،مش اللي ماسكه الكتاب في ايديها طول اليوم
ملك:بسخرية..لو ركز الرجال في الكتب كما يركزون في أجسام النساء لأصبحنا في عالم العلماء
رياض :بتكبر..بفلوسي اشتري شهادات العالم دي كلها
ملك:باستفزاز..قصدك فلوس المخدرات اللي بتبيعها!
رياض :وهو يرفع حاجبه..الله ينور عليكي ما أنتي عارفة كل حاجة اهو،شدي حيلك بقي واحملي علشان أعرفك علي سر محدش يعرفه غيري وبس
ملك:وهي تحاول أن تري رد فعله..اممم،تقدر تقول إني قريت معظم ملفاتك اللي في المكتب
رياض :ومش خايفة لموتك!
ملك:بتعجب..ليه بقي!
رياض :لأن مفيش مخلوق ممكن يتجرأ ويعمل كده، دي حاجة تخصني أنا وبس
ملك :بثقة..أنا مش بخاف من الموت،كده كده كلنا هنموت
رياض :أنتي الوحيدة اللي مسموحلك تعملي أي حاجة في حياتي،لأني أنا حابب كده،للأسف أنتي معاكي قلبي،اللي مفيش واحدة قدرت تشده ليها غيرك
ملك:بذهول..معقولة دي كلها كميات مخدرات دخلت البلد واتوزعت علي الشباب
رياض :بثقة وتكبر..تقدري تقولي كده إني بحاول ابقي نمرة واحد مش في مصر بس لا في الشرق الأوسط كله،تسمعي عن 'بابلوا اسكوبار'!
ملك:اها،من أكبر تجار المخدرات في العالم،يقال عنه إنه كان شاب طموح دفعته رغبته في الثراء وتحقيق ثروة إلي زيادة نشاطاته الإجرامية إلي القتل بالايجار،بالإضافة إلي إنه كان شديد الذكاء،كان بيمد 80% من المخدرات.
رياض :بإعجاب..لا برافو عليكي ده أنتي موسوعة بقي
ملك :بتعجب..ماله بقي!
رياض :ده ياستي فيا شبه كبير منه تقدري تقولي إني خدته مثل أعلي ليا
ملك:بابتسامة ساخرة..أكيد طبعا تجار مخدرات زي بعض امال يعني هتخدوا الغزالي قدوة ليكم مثلا!
رياض :المفروض تبقي فخورة بيا
ملك:باستغراب..فخورة بتاجر مخدرات!
رياض :تاجر المخدرات ده ليه كلمة مسموعة الكل بيعمله حساب
ملك:باشمئزاز..هو أنت مفكر نفسك كده عايش!
رياض :بسخرية..امال شايفاني ميت قدامك!
ملك:أنت كل حاجة فيك ماتت ضميرك،وقلبك،واحساسك،وعواطفك،أنت يوميا بتقتل أبرياء بسبب الزفت اللي أنت بتبيعه ده،ذنبهم إيه!
رياض :بلا مبالاة..ذنبهم إنهم دماغهم خفيفة فبيشربوا،أنا مش بضرب حد علي ايده علشان يشتري مخدرات
ملك :الناس للأسف بتهرب من مشاكلها بالمخدرات علشان تخرجهم من اللي هم فيه ومايحسوش بالمشاكل دي،وده وهم وغير صحيح بالمرة،المخدرات بتزود مشاكلهم وهمومهم
رياض :اديكي قولتي احنا بنحاول نخرجهم من اللي هم فيه،بنساعدهم ونهون عليهم
ملك :أنتوا بتدمروهم،أكتر جرائم العنف بسبب المخدرات
رياض :واحنا مالنا،هم اللي بيسطلوا علي طول،دماغهم خفيفة
ملك:باشمئزاز..أنت واللي زيك شر البرية،بشفق عليكم فأنتم مرضي
رياض :بسرعة بديهة..بالظبط كده وليس علي المريض حرج،مش كده برده!
ملك:بحزن..للأسف كده
رياض :طيب كفاية كلام بقي لأني صدعت وعايز أنام
ملك:باشمئزاز..قوم خدلك شاور ريحة الخمر مقرفة
رياض :بوهن..تصبحي علي خير
ملك:بترجي..يارب اخرجني من هذا الضيق
في الصباح..
رياض:صباح الخير
ملك:بضيق..صباح الخير
رياض :نمتي امبارح أمتي!
ملك:صليت الفجر ونمت
رياض :اممم،طيب أنا هنزل القهوة
ملك:مش هتفطر!
رياض:لا أنا محتاج افوق علشان تقلت في الشرب امبارح بسببك
ملك:بتعجب..وأنا مالي!
رياض :خلتيني خرفت بالكلام وما كنتش أحب أن الحوار بينا في الموضوع ده يطول كده
ملك:اهو اللي حصل بقي
رياض :طيب أنا هنزل،سلام
ملك:بضيق..من غير سلام
______________________
في منزل أحمد..
تحية:بقولك يا 'أحمد ' ابن خالي..كلمني وقالي إنه ماشي في الإجراءات بتاعة القضية
أحمد :بتأنيب..طيب كنتي استنيتي شوية
حسن:يابابا خير البر عاجله،نستني لحد أمتي بس
تحية:قوله يا 'حسن' شكله كده هيحن تاني بعد كله اللي عملوه فيه ده
أحمد:خلاص اللي تشوفوه
تحية:ايوه كده
(في منزل نافع)..
عبد القادر :عامل إيه يا حاج!
نافع:الحمد لله عال،والله نورتنا ياحاج
عبد القادر :الله يخليك
هارون:الشاي يا حاجة
عبد القادر :بص بقي يا حاج 'نافع' أنا جاي النهاردة وعشمان إنك ماتكسفنيش
نافع:بقلق..خير يا حاج
عبد القادر :عايزين نصالحك علي أحمد
نافع:بضجر..يا حاج قفل علي الموضوع ده،أنا مش طايق اسمه
عبد القادر :الواد غلط يا'نافع' وأعترف بكده واحنا انبناه،فكفاية كده بقي
نافع :وهو يرضيك اللي عمله يا عبد القادر!
عبد القادر :لا مايرضنيش،بس المسامح كريم بقي
نافع:لا يمكن
يوسف:يا حاج متنشفش دماغك بقي الواد هياجي يبوس رجلك،وهيروح لحد 'ملك' في مصر ويطيب خاطرها،قولت إيه!
نافع:صمت ولم يجب
عبد القادر :والله يا 'نافع' لو ما صالحت ابنك ما أنا داخلك بيت تاني ولا لساني يخاطب لسانك لحد ما موت
نافع:إيه اللي بتقوله ده،بعد الشر عليك
عبد القادر :صالح ولدك يا 'نافع' أنت تعبت علشان تربيه وتكبره ماتخليش حد تاني ياخده منك
نافع :وقد فهم ما يشير إليه 'عبد القادر '..خليها تشبع بيه،بكره تلدغه من سمها
يوسف:يا عمي احنا مالنا بقي هي مراته،احنا اللي يهمنا هو وابنه،لازم يعيشوا معاك
عبد القادر :ها يا 'نافع ' قولت إيه!
نافع :رأيك إيه يا 'هارون'!
هارون:الرأي رأيك يا حاج
عبد القادر :'هارون' مش هيرضيه إن العيلة تتفكك لازم نكون ايد واحدة
نافع:ماشي هيرجع البيت بس علي شرط
يوسف:إيه هو!
نافع :يروح عند 'ملك' في مصر ويراضيها،ولو هي سامحته ساعتها بس يبقي يرجع البيت غير كده أنا مش عايز أشوفه هنا
عبد القادر :ماشي اعتبره حصل،بكره يروح 'لملك' ويجيبها تتغدي كمان معانا هي وجوزها
هارون:ياريت والله يا حاج
عبد القادر :يلا بينا يا 'يوسف '
نافع:ما لسه بدري
عبد القادر :بدري من عمرك،هنروح نشوف مصالحنا بقي
هارون :في حفظ الله
عبد القادر :سلام عليكم
نافع:وعليكم السلام ورحمة الله وبركاته
------------------------------------
في القهوة..
ارتفع صوت نقاش 'رياض' والتجار فقد تذمروا علي سعر البضاعة العالية،وقفت 'ملك 'تشاهد ما يحدث من النافذة..
رياض :أنا اللي عندي قولته مش عجبكم اشتروا من بره
التاجر:يا معلم مفيش بضاعة بره أنت الكل في الكل
رياض:وأما أنت عارف كده بتلك كتير ليه!
التاجر:بتلعثم..أنا بقول بس..
رياض:ماتقولش
قال أخر :بس أنا مش موافق علي السعر ده!
رياض:بلا مبالاة..اشرب من البحر
التاجر:يعني إيه يا معلم!
رياض:بغضب..حجاج اتكلم أنت معاه لحد ما روح بيت الراحة
حجاج :ماشي يا معلم
اسمعوا يا رجالة البضاعة وأنتوا وعارفين إنها مضمونة فليه بقي الفصال ووجع القلب
التاجر:ياحجاج أنت مايرضكش تبقي فلوسي كلها في السوق والمعلم ما يصبرش عليا،وعايز كمان يغليها
حجاج:خلاص أنا هكلم مع المعلم يستني عليك شوية
التاجر الآخر :بس أنا بقي مش هاخد البضاعة بالتمن ده
حجاج:خلاص أنت حر،أبقي أشتري من بره
التاجر:بنبرة تهديد..أنا لو مشيت دلوقتي ماضمنش رد فعلي هيكون إيه!
حجاج:بتعجب..قصدك إيه!
التاجر:بخبث..يعني في ظابط جديد بيقولوا بيتنشق علي معلومة،وأنا بصراحة بحب أكسب الظباط
حجاج:بغضب..أنت بتهددنا يا..
التاجر:بتحدي..عليا وعلي أعدائي،أنا ماخسرش لوحدي
جاء 'رياض ' من ورائه وهو يسحب السكين ويمررها علي رقبته،قائلا في غضب:متخلقش اللي يهدد 'رياض سليم' يا كلب
سالت الدماء في الأرض أخذه 'رياض ' وهو يجره (وقد خرجت روح التاجر وتوقف النبض تمام) في وسط الحارة حتي يكون عبرة لغيره..
رياض:بصراخ،وهو يتوجه ببصره إلي أرجاء الحارة..ده جزاء أي كلب يفكر يتعدي حدوده ويعلي صوته علي أسياده
وبينما هو يلتفت يمينا ويسارا وقعت عينيه علي نافذة منزله التي كانت تقف بها'ملك'،أخذ ينظر إليها نظرة طويلة وهي في ذهول لما حدث لم تصدق ما تراه،ثم خفض رأسه إلي الأرض ووجه كلامه إلي حجاج،قائلا :خلي حد يشيل اللي حصل ده ويعترف علي نفسه بس مايكونش عنده عيال
حجاج:بلوم..ما كانش لازم أنت اللي تخلص بايدك يامعلم العيال كتير اهي
رياض:بعصبية..عايز واحد يدخل منطقتي ويجي عندي واسيبه من غير ما أعلم عليه!
حجاج:القتل القضية الوحيدة اللي بتهز الداخلية يامعلم،واحنا كنا في غني عن كده
رياض:بسخرية وتحدي..أنت قلبت حرمه كده ليه! هي دي أول مرة يعني، وبعدين أنا قد أي حد حتي لو الحكومة نفسها
حجاج:يا معلم...
رياض :وهو يقاطعه بغضب..روح نفذ اللي قولتلك عليه يلا
حجاج:حاضر
رياض :أنا هطلع أخد حمام،تكون خلصت
صعد 'رياض ' إلي المنزل ليبدل ملابسه،كان يتحاشي الاصطدام ب'ملك' التي كانت تجلس علي المنضدة في شرود تام ولا تصدق ما حدث،بدل ملابسه سريعا وعاد إلي القهوة،وجلس واضعا
ساق فوق الأخري،قائلا :الشيشة ياواد
الصبي:بخوف..حاضر يا معلم
التاجر الذي كان يجلس معهم..أي خدمة أنا يا معلم
رياض:بخبث ليري رد فعله..الله يرحمه كان طيب
التاجر :يستاهل يا معلم هو اللي جابه لنفسه،كان لازم يعرف بيتكلم مع مين
رياض :عمره بقي
التاجر:لو تحب الواد اللي يشيل عندي يا معلم،واضمنهولك برقبتي
رياض :بابتسامة..عيشت يا معلم،وبضاعتك هتوصلك لحد عندك
التاجر:وهو يقبل ذراع 'رياض'..ربنا يخليك لينا يا كبير
رياض:بالسلامة أنت
جاء الشاب الذي سيعترف علي نفسه بأنه هو القاتل..خدامك يا معلم!
رياض :عندك عيال يالا!
الشاب:لا يا معلم
رياض :طيب اسمع هحاول اجبلك حكم خفيف،المحامي مش هيسيبك،ده غير اما تخرج هتلاقي مبلغ محترم مستنيك
الشاب :يا معلم أنا فداك في أي حاجة
رياض :أنت قتلته دفاع عن النفس جه اتهجم عليك وسط ناسك هنا،والحارة كلها شاهده بكده متقلقش
الشاب:ماشي يامعلم
رياض :روح لحجاج وهو هيفهمك علي كل حاجة
الشاب :بالأذن يا معلم
جاءت الشرطة وملأت المكان،و'رياض ' لم يتحرك من مكانه وأخذ يحتسي قهوته..
مروان:وهو يسأل أهل الحارة..إيه اللي حصل!
رياض :اتفضل أشرب القهوة الأول يا باشا
مروان :بابتسامة ..مين معلم رياض!
رياض:..
