رواية حفيدة منسية وقاتلة مأجورة الفصل الثاني 2 بقلم يارا محمد
دليلة بهدوء و برود
مش مهم كلامك المهم السعر تخول ليا 100الف ع حسابي و تبعت اسم الهدف و الباقي بعد التنفيذ .
قفلت من غير ما تسمع الرد و قعدت ع السرير بتعب من اللي بتشوفه و خوف ف نفس الوقت محدش يعرف انها قاتلة مأجورة الكل مفكر أن بنت عمران المراغي طالبة طب تخصص تشريح و بس لكن الجانب التاني من حياتها محدش يعرفه عايشة ف بيت محدش بيحبها فيه خصوصا جدها ؛ شايفها عالة و بس عمره ما اهتم بيها زي باقي أحفاده الرجالة .
لكن لا هتثبت أنها مهمه و مش مهمشة ابدا و خصوصا للشخص اللي بتحبه ابن عمها الكبير مهدي الدكتور الجامعي اللي محدش يعرف انها بتحبه بس هيحصل اي لو اكتشف سرها لا.
دليلة بقوة و هدوء
لا يا دليلة مش تضعفي و لا حد هيعرف انك قاتلة مأجورة بعد منتصف الليل .
و هي بتفكر انتبهت للي فتح الباب و كان ابوها .
عمران
دليلة محتاجين نتكلم شوية ممكن. ؟!
دليلة بهدوء
عايز تتكلم ف ايه لو جاي تقنعني ب ابن الدرياني ف لا يا بابا انا مش هكون كبش فداء ل حد .
عمران بغضب و من غير تفاهم .
دليلة انا مهدد باني هتمنع من ميراثي لو ما اتجوزتيش انتي فاهمة و انا مش هتخلي عن ورثي علشانك افهمي بقي .
دخلت مراته شهيرة ب مكر و هدوء و اتكلمت
و كمان احنا محتاجين نركز علي ولادنا .
دليلة باستغراب
ولاد مين . ؟!
شهيرة
ولادنا يا بنت جوزي حبيبي اطلع انت و انا هقنعها احنا زي بعض و هنفهم .
عمران خرج و سابهم يمكن تقنعها و يعرف يسيطر عليها .
شهيرة بابتسامة رجعت شعرها لورا بهدوء و بصت ليها .
اسمعي يا بنت جوزي انتي خلاص كبرتي و بقي عندك 25 سنة يعني ان الاوان تتجوزي و بصراحة احنا عايزينك تتجوزي علشان مش عايزين دم و اصارحك بحاجة اوضتك هتبقي كبيرة اوي ل اخواتك .
دليلة
اخواتي ؟! انا معنديش اخوات يا زوجة ابويا .
شهيرة
لا ما هيبقي عندك اصل انا حامل في اربع شهور و الكل يعرف ما عداكي علشان انتي مش شخص مهم ف العيلة علشان نبلغك و كمان هما اتنين بنت و ولد عايزة الحقيقة هخلي جدك يحب البنت اللي هجيبها هخليكي تتحسري علي نفسك و ع الحب اللي مش طولتيه طول عمرك اصل محدش هينسي انك بنت اليونانية المصرية ماراي انطوان اللي الكل و حتي جدك كان بيكرهها و فضل ورا ابوكي و عمل مشاكل علشان يبعدهم و نجح فعلا و اتجوزني انا البنت اللي استنيته بس للاسف فرحتي مش كملت امك دخلت علينا بعد تسع شهور وكانت شايلاكي انتي جدك أمر انك تتربي ف وسطنا ربيت بنت بكرهها و خليت الكل يكرهها المهم سيبينا من الماضي هتتجوزي الشاب و الا .
دليلة بهدوء و تحدي
و الا ايه ؟! ما تكملي يا زوجة ابويا .
شهيرة قربت و بعدت شعرها ل ورا
هقول للكل انك بتحبي مهدي ابن عمك و يمكن كمان اتبلي عليكي و اقول شفتك طالعة من أوضاع الساعة 2 بالليل و اخلي حدك يقتلك و اريح منك ها قلتي ايه يا قمر .
دليلة بثبات
موافقه حاضر هنفذ أوامرك بس اياكي تجيبي سيرة حبي ل مهدي .
شهيرة
اتفقنا ع الغدا بلغيهم انك موافقة سلام بقي هروح ل جدك أصله بيختار هيكتب أيه من أملاكه لولادي .
سابتها و قناع القوة اللي كانت دليلة لابساه انهار و هي معاه ووقعت ع الأرض
هخليكي تندمي و قوي كمان مش انت اللي جدي يهتم بولادك و انا ابقي منسية .
نزلت ل تحت و بلغت الخدم بأنها هتحضر العسل عملته بهدوء وغرفت الاطباق و طلعتهم الكل كان بيتكلم بس مش شكروها ع الاكل كالعادة و بلغتهم بموافقتها لكن الفرحة مش دامت لأن شهيرة بدأت تصرخ و حست بأن الدم بينزل منها اخدوها بسرعة ع المستشفي .
بعد ساعتين الدكتور خرج بعلامات تدل ع الحزن .
