رواية عذبني حبك الفصل التاسع والعشرين 29 بقلم ايمووو كمال
الفصل التاسع والعشرون
توجهت نانسى الي المشفي محموله على ايدي حبيبها، غير مهتم بكل النظرات التي تحيطه من الجميع، فرفض ان يجلسها علي الكرسي المتحرك، وصمم واصر علي حملها بين احضانه، ليبث لها القوه والطمأنينة في قلبها، ويشعرها بحبه لها وتمسكه لها برغم كل ما حدث، حتي تم توصيلها الي غرفتها، وتم فورا عمل كونسولتوا من جميع التخصصات لعمل اللازم لها من تحاليل واشعات، لتحدد موعد بدء العمليه، فقد اصبحت المشفي بمجرد وصولها عملت كخليه نحل في نشاط وعمل دائم،
أدم ينظر لها ويردد،،،
كده كله تمام، هننتظر النتيجه، وباذن الله خير، هحدد علي طول معاد العمليه
نانسي تنظر له بثقه مردده،،،
وانا ثقتي فيك ملهاش حدود يا ادم، وان شاء الله ربنا هيقف معانا وهتنجح، انا عارفه انها صعبه بس انا راضيه بقضاء ربنا، وطول ما انت معايا هعدي الصعب
ادم يتشد بتمسكه بيدها، وانا عمري ما هسيبك ياعمري لحظه، وربنا هيقف جنبنا وكل حاجه هتهون بمشيئة تعالي
سمير يربت على كتفه مرددا،،
باذن الله يابني، ربنا يبارك فيك ياحبيبي
ادم مقبلا يداه احتراماً وحباََ له،،،،
ويباركلنا في حضرتك يا عمي يارب، هسيبك اشوف الاشعات خلصت ولا لسه، سلام مؤقتاً
نانسي؛ سلام ياادم
وينصرف ادم ليتوجه الي غرفة الاشعه، ليطلع علي النتيجه، فتوضح ان الكسور التي بالقدم التأمت مثل اشعه التي تم اخذها بمصر، والتحاليل ممتازة، فقرر عمل العمليه بعد يومين لتجهيزها
زهيرة توجه حديثها لابنتها مردده،،
ابن حلال اوي ادم والله، ربنا يكرمه ويجازيه خير علي اللي بيعمله معانا، واحد غيره مكنش عبرنا ولا سأل فينا بعد اللي حصل زمان
سمير ينظر لها مرددا،،،،
عشان ابن حلال مصفي، طول السنين دي عمره ما نسيها وانا كنت بتقطع من جوايا عشانه، بس كان ماباليد حيله، كنت بقول نصيبه كده وياما دعتله ان ربنا يعوضه باحسن من بنتي، بس هو عمره ما شاف غيرها، سبحان الله بعد كل البعد ده يرجعوا ويتقابلوا وفي الظروف دي، شوفي القدر والنصيب
نانسي تنظر اليه وترد،،،،
فعلا يابابا نصيب، يمكن لو كنا اتقابلنا في ظروف تانيه وانا سليمه مكنش قدر ينسي ويسامحني، الله اعلم
سمير؛ يمكن ويمكن برضو لأ ربنا وحده اعلم. عشان كده ياناسي مش عايز تزعليه وشيلي جميله ووقفته معاكي دي العمر كله، لانك بجد لو لفيتي الدنيا مش هتلاقي حد يحبك ويخاف عليكي زيه
نانسي مأكده له،،،،،
طبعا يابابا من غير ما تقول، انا اللي مريت بيه ده، غيرني اوي وحاسه اني مش انا نانسي بتاعت زمان خالص، برغم عجزي واحساسي بالعجز بس انا متقبلاه بنفس راضيه والبركه فيكوا كلكم، ربنا يقدرني واقدر اغير كل الحاجات السيئه اللي غلطتها يارب
سمير بنظرة حب وفخر،،
الحمدلله حببتي، ربنا باذن الله هيساعدك وهتتجاوزي كل الالم والعذاب؛ المهم بس هلي عندك ثقه في ربنا اولا ثم ثقه في نفسك
نانسي برضا؛ ونعم بالله العلي العظيم
#عذبني حبگ بقلم إيمووو كمال
تجلس نور في غرفتها، فيطرق والدها الباب يستأذن بالدخول، فتسمح له فيسألها مرددا ،،،
- ايه نور قاعده لوحدك ليه حببتي؟ وكمان مفروض الحفله معادها بكره ان شاء الله، وانا وامك مشغولين بتجهيز الفيلا وانتي مش معانا خالص
نور بنظرة اسف،،،
معلش يازيزو انت وماما الخير والبركه، انا مشغوله اوي في الشغل اليومين اللي فاتوا، وبختار اغاني الالبوم الجديد، غير اللقاءات التلفزيونيه، والحفلات، انت اعزم كل اللي عايزه، بس متنساش دهادي وفارس
زين مؤكد،،
عزمته بس اعتذر عشان عريس بقي ومش بيخرج لسه
نور بضحك،،
ربنا يسعده ويهنيه يارب
زين ينظر لها نظره فهمتها جيدا وردد،،،
ويهنيكي ويسعدك يارب انتي كمان
نور تنظر في مقلتيه هاتفه،،،
كله بأمر ربنا يا بابا
زين يربت علي كتفها ثم قال في حنو،،،
ونعم بالله، يارب يكون قريب
#عذبني حبگ بقلم إيمووو كمال
تسافر ليلي الي منزلها، تاركه ابنتيها بصحبة اخها لتجهز شقتها، بعد ان هاتفها ولدها ليخبرها ان زوجتة وضعت مولدها سيف ، ففرحت وسافرت له فورا، وطلبت منها جنة ان تقدم طلب اجازة بدون مرتب الي مدرستها يقدمه اخاها الي المدرسه، وقالت لها،،
- معلش ياماما خلي مصطفى والنبي مينساش يقدمه، ولو رفضوا يخليها استقاله، انا كده كده مش هينفع اعيش في اسكندريه، عشان شغل معتز، وحياتي هنا، وانا هرتب معاه بس الدنيا وهجي علي السبوع
ليلي :براحتك يا جنة، اللي تشوفيه ياحبيبتي، الحق احنا بقي اسافر عشان اوصل قبل الدنيا ما تضلم عليا
جنة محتضناها،،
توصلي بالسلامة يارب، وسلميلي علي الهام وسيووفه عقبال ما اجي اشوفة حبيب قلب عمتو
ليلي بحب :حاضر حببتي، ويارب عقبال ما اشيل عوضك انتي كمان
جنة بكسوف،،،،
ان شاء الله فى حياتك ياحببتي
وتوعد ليلي اخاها وزوجته وتذهب الي منزلها، وبعد مضي ٣ساعات وصلت الي المشفي وسألت على غرفه زوجة ابنها، ودلفت اليها محتضناها، وباركت لها بكل حب، وشاهدت حفيدها الاول، فكانت سعادتها لا توصف، وهتفت قائله،،،
- حفيدي حبيبي، ياااه انتظرتك كتير اوووي، فعلا صدق اللي قال اعز الولد ولد الولد، ربنا يبارك فيك وفيحفظك ياسووفه، عمتك بتسلم عليك اوي وبتقولك هتجيلك علي الاسبوع، ياقلب وروح ستك، ثم قبلته واعطته لابنها،، مردده، الف مبروك يابني يتربي في عزك
مصطفى بفرحه وهو محتضنه بحب،،،،
الله يبارك فيكي ياست الكل، اقعدي واقفه ليه
ليلي بتعبت تقول،،،،،
لا ياحبيبي انا جيت علي طول علي هنا، هروح ارتاح وهجيلك بكره، ولو احتاجت الهام حاجه قولي اجبهلها معايا
الهام تنظر لها بشكر،،
كتر خيرك ياماما، متتعبيش نفسك، انا علي بكره هروح مش هقعد اكتر من كده
ليلي تنظر لها بحب ثم تقول،،،،
خلاص تخرجي وتعالي عليا علي طول، متروحيش شقتك، اقعدي معايا لحد ما تستردي صحتك كده وتقدري تعتمدي علي نفسك، ولا انتي رايك ايه؟ انا مش عايزة افرض عليكي حاجه انا بدور علي راحتك يابنتي
الهام بنظرة حب لها،،،
انا بس والله مش عايزة اتعبك ياماما، ربنا يخليكي ليا يارب، انتي طول عمرك معوضاني عن امي الله يرحمها
ليلي بنظرة عتاب،،،
يابنت انتي عبيطه تتعبيني ايه بس، انتي غلاوتك من غلاوة جنة ربنا يعلم، انا هروح اجهزلك غرفتكم، واحضرلكوا الاكل عشان بكره اعرف اقعد مع سيوفه حبيب نانا
مصطفى يقبل جبينها مرددا،،،
ربنا ميحرمناش من عطفك يا امي يارب
ليلي؛ ولا منكوا ياحبيبي
#عذبني حبگ بقلم إيمووو كمال
يعيش هادي ونسمه اسعد لحظات حياتهم، وكل يوم يمر يزداد تعلقهم ببعض، وايضا تعيش جنة مع معتز نعيم الحب فهي اقتربت منه أكثر وتعرفت عليه وعلى شخصيته اكثر وهو ساعدها على ذلك فقد كان كتاب مفتوح امامها، واتشغلوا سويا بتجهيز وتوضيب شقتهم، وانشغل في عمله الاضافي في عياده د شريف وحقق نجاح كبير مع الحالات التي يقوم بمعالجتها، واصبح له شهره عاليه
#عذبني حبگ بقلم إيمووو كمال
يجلس ايهاب علي طاولة السفرة لتناول غذاءه، لكنه لم يستطع ان يأكل ولاحظت سالي، فامرها برفع الطعام، وعمل قهوة، فردت عليه قائله ،،،
- يا استاذ إيهاب حرام عليك نفسك كده، انت صحتك عدمة، وخسيت اوي، انت بتهمل في صحتك اوي، طول النهار قهوة، شوف تحت عينك اسود ازاي، روحلها يمكن ربنا يهدي الحال بينكوا
ايهاب بحزن شديد ينظر لها وهو ممسك برأسه يرد عليها بكل يأس مردد؛؛
- روحتلها كتير اوي ياسالي، ورافضة مش راضيه تغفر ولا تسامح انا تعبت معاها جامد اووي، ومش عارف اعمل ايه تاني
سالي تنظر له بنفس نظرته ثم تقول،،،،،
ايه رايك اكلمها، يمكن تحن
ايهاب بنظرة امل،،
ياريت ياسالي، يبقي جميل مش هنساه ابدا ليكي
سالي تنظر له بنظرة شفقه علي حاله، ثم تقول،،،
متقوليش كده يا استاذ ايهاب، ربنا يعلم معزتكم عندي ازاي، انا هكلمها وربنا يفعل الصالح
ينتبه ايهاب علي رنه هاتفه،،،
فيجده صديقه فارس فيرد عليه مرددا؛؛
-ازيك حبيبي، عامل ايه؟
فارس؛ انا بخير، بقولك والد نور اتصل يعزمتي على حفله عاملها بشفاء نور، والفيلا الجديده اللي نقل فيها
ايهاب متعجبا،. طب انت هتروح
فارس؛ اسمها هنروح، انت هتيجي معايا، الراجل موصيني ابلغك
ايهاب بفرحه انه سوف يراها،،،
بجد امتي الحفله
فارس : بكره ان شاء الله
ايهاب؛ تمام هكون جاهز علي ٨
فارس؛ اوك ياهوبا، غدا القاك، سلاموووز
ايهاب؛ سلام ياصاحبي
ويغلق معه وتنظر اليه سالي متحدثه،،
-اهي فرصه حلوه تكلمها، ولا تغنلها اغنيه حلوة كده تحنن قلبها
ايهاب؛ لما اشوف ياسالي، انا قربت ايأس بصراحه، تعبت والله
سالي؛ معلش اللي حصل مش قليل، صعب انها تنسى بسهوله طول انت بالك شويه
إيهاب بتنهيده؛ اكتر من كده يا سالي
سالي؛ معلش اصبر عشان تنول
وتنصرف تاركته يفكر في حفلتها وما سوف يقدمه ويقوله لها
#عذبني حبگ بقلم إيمووو كمال
ويمر اليوم بسلام الي ان ياتي موعد عملية نانسي، فنجدها بغرفتها تناجي ربها بكل خشوع له، تترجاه ان يوفقها في العمليه التي سوف تخضع لها بعد قليل،ببكاء شديد، وندم
مردده،،،
- يارب سامحني واعفو عني، انا عارفه اني مقصره في حقك، بس انا اخدت عقابي ورضيت به، ساعدني ان اعود اليك فتقبلني يا ارحم الراحمين يارب العالمين، وتمم نجاح العملية علي خير وارجع اقف علي رجلي من تاني، واصحح كل اخطائي، واعوض ادم علي ظلمي له، يارب
سامحني علي ظلمي لمعتز وعوضه خير، يارب انا عبدك رجعتلك باكيه نادمه علي كل ذنب عملته فسامحني وتقبلني تقبل صدق، يارب بدعوك بدموع عيني لتسمح كل ذنب عملته، والنبي يارب اعفي عني، واشفيني يارب
وهنا يدخل ادم فيجدها منهارة من البكاء، فيجفف لها دموعها، ويأخذها بين احضانه، ويربت علي كتفها مرددا،،
-اهدي ياحبيبي في ايه بس حصل لكل الدموع دي؟ بإذن الله تعالى هتنجح العمليه وهتتعافي وتبقي زي الفل، ولا انتي مش واثقه فيا ولا ايه؟ انا ياما عملت عمليات حالتها اصعب منك بكتير والحمدلله نسبه الشفاء كانت مرتفعه
نانسي تنظر اليه بنظرة امل وثقه فيه قائله،،،،
- انا طبعا ثقتي في ربنا وفيك كبيرة جدا يا ادم، بس فعلا انا خايفه اوي، والنبي في فعلا حالات زي حالتي نجحت معاهم العمليه، ولا انت بتقول كده عشان تطمني
أدم يبتسم لها، ويقول،،،،
والله مش بطمنك ياقلبي، فعلا في حالات كتير خفت وعفيت تماما، بس كله متوقف علي ايرادة المريض والروح المعنويه له هي سبب في سرعه نجاحها
نانسى بنظرة قوة وتحدي ردت عليه،،
وانا كلي عزيمه وايراده يا ادم، باذن الله طول ما انت جنبي هعدي كل صعب
ادم بنظرة حب؛؛
وانا عمري ما هقدر اسيبك بعد ما لاقيتك تاني حببتي، ممكن بقي النيرس هتيجي تجهزك، اجمدي كده
نانسي؛ حاضر، هي هتخلص امتى
ادم :العملية هتاخد حوالي ١٢ ساعه
نانسي بتعجب؛ ياااه ١٢ ساعه بحالهم، كتير اوووي
ادم بجديه يقول،،،،،
العمليه مش سهله خالص يانانسي وممكن تعدي كمان ١٢ ساعه، ربنا كبير حببتي، ادعي وقولي يارب، وخلي تواكلك علي ربنا
نانسي بنظرة رضا تقول،،
ونعم بالله، كل اللي يجيبه ربنا حلو، وانا راضيه بقضاءه
وهنا يدخل الاب والام ليطمأنوا عليها قبل ان تتوجه الي غرفه العمليات، فينظر الاب لادم قائلا،،،
- خااص يابني هتدخل دلوقتي
ادم ينظر له؛ اه ياعمي مفروض هتجهز حالا
سمير بقلق؛ هي هطول جوه يابني
ادم؛ ممكن ١٢ ساعة واكتر
سمير وزهيرة بذهول وتعجب؛
معقول كل ده!!
ادم موضحا لهم،،.،،
العمليه مش سهله ياعمي، دي عبارة عن توصيل بعض الأعصاب الجديدة إلى مكان الاصابه ويبدأ المخ يبعت إشارات إلى العصب الجديد ويبدأ يتحرك تاني، بعد شهور او اقل، كله متوقف علي استجابه المريض وايرادته
سمير بامل يقول،،،،
يارب يابني ربنا يجعل الشفا علي ايديك يارب وتنجح العمليه
ادم ينظر لها ويردد،،،،
ان شاء الله ياعمي، ربنا هيفرحنا جميعا، استاذن انا عشان اجهز، سلام ياقلبي
وبعد مضي حوالي خمسه عشر دقيقه كانت ترقد امامه متخدره تماما، وهو ينظر لها بكل حب مقبلا جبهتها مرددا،،
- يارب تقوميلي بمليون سلامه ياحب عمري كله يارب،،،، ثم يوجه حديثه بالانجليزيه طقم الاطباء المساعدين له مرددا،،
Please focus very much, the process of life or death to me, God bless us and succeed
الحوار مترجم،،، ارجوكوا ركزوا معايا جدا، العمليه دي حياة او موت يالنسبه لي، ربنا يوفقنا وتنجح
وبعد ذلك يبدأون في اتمام العمليه بكل دقه ومهارة
#عذبني حبگ بقلم إيمووو كمال
ومرت الساعات وجاءت موعد الحفله التي قام بتجهيزها زين لابنته احتفالا بعودتها الي الساحة الفنيه وايضا بشراءهم الفيلا الجديده، وبقدوم اشهر الفانيين والمطربين، في الوسط الفني، وكان هو وابنتيه في استقبال هؤلاء النجوم، واذا به يتقدم ليصافحتها بيده فنظرت له متعجبا من قدومه، فنظر لها والدها مرحبا به، فعلمت انه هو من قدم له الدعوه، فصافحته بابتسامة سمجه مردده،،،
- اهلا استاذ ايهاب اتفضل، شرفنتا
ايهاب بنظرة حب،،،،
الشرف ليا انا يانوري، ثم همس لها،، وحشيني اوووي
نور تنظر له صامته ولا تجيب، ثم وجهت نظرها لفارس مرحبه به بشده قائله،،
- اهلا اهلا يافارس نورت الحفله، وفيلتي المتواضعة
فارس ببتسامه،،
الحفله منورة بيكي يا نور، ايه مش ناويه تسمعينا حاجه حلوة من ابداعاتك
نور بتوتر من نظراته،،،
مش عارفه والله،احنا لسه في بدايه الحفله ربنا يسهل، عن اذنك البيت بيتك
ايهاب بتأفف بضيق،،،
يتوجه بنظره لفارس مرددا: شوفت بتكلمني ببرود ازاي، انا همشي يافارس، انا غلطان اني جيت اصلا
فارس محاولا تهدئته،،،،
اهدي بس ياهوبا، يعني عايزاها تقابلك ازاي يعني بالاحضان مثلا
ايهاب بتمني ونظرة حب،،،
ياريت، بس مش بالبرود ده يا اخي
فارس بهدوء،،،،
معلش يا صاحبي، انا ياما حذرتك، وقولتلك هتندم ومش من السهل هتسامحك وانت مصدقتنيش، استحمل بقي واسكت خالص
ايهاب بتنهيده عاليه،،،،،
عارف ياسيدي، واديني بدفع ثمن غبائي اهو، وبتعلمني الادب نور بنت عم زين
فارس يضحك عليه بشده؛؛؛
طب يالا قوم كده حاول تتكلم معاها، انا شايفها واقفه لوحدها اهي هناك، اتحرك ياعم قوم
ايهاب يركض نحوها مرددا،،
نور،،، نوري ممكن اتكلم معاكي
نور تلتفت اليه مصتنعه البرود، وهي بداخلها بركان يحرق الارض واليابس من شده عشقها واشتياقها له، فهي تصارع نفسها بين الغفران والبعد، لكنها تريد ان تعلمه درسا كيف ان تجعله يثق بها اكثر من ذي قبل، فنظرت له قائله،،
-نعم يا استاذ ايهاب خير في حاجه لسه مقولتهاش، لسه فاضل جرح تاني عايز تجرحه ليا
ايهاب ينظر لها معاتباََ،،،
يانور انسي بقي وسامحي، انا بقالي اد ايه بترجاكي وانتي مش قابله حتي تديني فرصه واحده
نور بحده تعجبت نفسها من اين اتت بها،،
ومش هديلك ولا هسمحلك تقرب وتخترق حصوني تاني، انا سلمتك قلبي وكسرته، معنديش استعداد ادهولك تاني يا ايهاب، نصيحه مني انساني
وتركته واقفا في دهشته وتعجبه مما هتفت به،، ثم انتبه اليها متحدثه الزائرين قائله،،،
-حبايبي طلبتوا مني اغني النهاردة وانا بصراحه مكنتش مستعده، لكن بما ان استاذ ايهاب شرفنا، فغني اغنيه علي شرفه اتمني تنال اعجابكم جميعا، ثم امسكت المايك وبدأت في غناء اغنيه نشدتها بأحساس عالي، تدمع له العين مردده،،،
انساني .. يا احلي كلمه علي لساني
انساني .. يا انا يا عمر عشته بالهناء
يا انا .. يا عمري رايح مش هيرجع تاني
انـسانـــي
مابقاش في ايدي الاختيار ..
يا شهد دايب في المرار ..
يانور ونار يا احلي نار ..
عارفه ان بعدك عني معناه انتحار ..
*كانت تنظر له بعيون بها الم وعتاب، ثم اكملت مردده،،
كل الحكايات .. انتهت من قبل حتي ماتبتدي
ياغنوه ضاع .. صوتك هدر من قبل ماتترددي
انساني .. يا احلي كلمه علي لساني
انساني .. يا انا يا عمر عشته بالهناء
يا انا .. يا عمري رايح مش هيرجع تاني
انـسانـــي
والي هنا صفق لها الجميع، وطالبوا ايهاب ان ينشد اغنيه ايضا، فتقدم وشكر الجميع وقام بالرد عليها مرددا،،،
غلطان فى غيرتى عارف.. علشان عليكى خايف
وهواكى اقوى منى.. ولا غيرك انتى شايف
غلطان فى غيرتى عارف.. علشان عليكى خايف
وهواكى اقوى منى.. ولا غيرك انتى شايف
لاداعى من وداعى..سامحينى فى اندفاعى
بهواكى يا ملاكى.. ومنايا لو تراعى
لا داعى من وداعى
سامحينى فى اندفاعى، بهواكى يا ملاكى
ومنايا لو تراعى
*ينظر لها بكل حب وترجي، وعينيه لا تفارقها، ثم يكمل،،،
ولإن انى روحى فيكى.. وشغلت عقلى بيكى
وملكت فيه قلبى،، من حقى اغير عليكى
ولإن انى روحى فيكى
وشغلت عقلى بيكى، وملكت فيه قلبى
من حقى اغير عليكى
لاداعى من وداعى، سامحينى فى اندفاعى
بهواكى يا ملاكى،ومنايا لو تراعى
لا داعى من وداعى
سامحينى فى اندفاعى،،،بهواكى يا ملاكى
ومنايا لو تراعى،لا داعى من وداعى
بهواكى.....ومنايا لو تراعى
ثم انهي كلماته وعينيه تنظر إليها في حب وترجي، ثم همس لها في اذنيها مرددا لها بعض الكلمات،،
- عمري ما هقدر انساكي ياحب عمري اللي اتمنيتة وفي لحظة غباء مني ضيعته، هتمسك بيكي لحد اخر نفس في عمري يانور،،،،
ثم انصرف في هدوء بدون وداع، فركض اليه فارس مسرعا ليلحق به، فطلب منه ان يكون بمفرده، فذهب الي مكانه المفضل مستند علي نفس الحائط التي كتبت عليه بدمها حروف اسمه، وعشقها له، يسترجع كل ذكرياته معاها ويلوم نفسه علي فقدانها، مرددا،،،
انا السبب.. انا اللي استاهل.. ازاي الومك واطلب منك تسامحي وانا المذنب... انا المجرم اللي يستاهل تعملي فيه اكتر من كده... بغبائي ضعيتك ياحب عمري... ازاي اصدق كدبهم، ازاي وانتي كل حاجه منك بتثبت عكس كلامهم، يارتي سألتك ومخلتش نار عشقك تحرقني.... يارتني ما ضعيتك من ايدي يانوري... ااااه يانوري
واستمر في البكاء والندم علي حب عمره، ثم سند براسه علي حروف اسمها وقلبه يعتصر من الألم
*********
رجع فارس إليها محدثها قائلا،،،
- ليه كده يانور، حرام عليكي اللي بتعمليه فيه ده
نور تنظر له بتعجب وقالت باندفاع وبحزن،،،،،
حرام عليا انا يافارس، ده كله كان علي ايدك، وانت اكتر واحد شاف العذاب والألم اللي عانيته، صعبان عليك اوي دلوقتي تشوفه بيتعذب، وانا مصعبتش عليك لما انتحرت بسببه، لما عشت اكتر من ٦شهور مش بنطق جثه نايمه، فاقده الحياة كلها، بأي منطق بتتكلم، ازاي عايزني اسامح بسهولة كده، ازاي
فارس يخجل من نفسه، فهو علي علم بكل هذه الحقائق، ولكن صديقه يتعذب اما عينه ويشفق عليه، فقال لها مردد،،،
- انا أسف يانور، انا عارف ومقدر بس انا فعلا مشفق عليه، ايهاب بيهد مستقبله بأيده بجد، مش بيشتغل خالص، ومكتئب وكل تفكيرة فيكي، وبيلوم نفسه الف مرة في اليوم الواحد، ارحميه يانور، وانتي النهاردة زودتي الدنيا باغنيتك اللي غنتيها، حسستيه انه فقدك للأبد
نور بحزن ودموع مردده،،،
يافارس انا زي ما بعذبه، بعذب نفسي قبل منه، بطعن نفسي بنفس السكينه في قلبي، عشان اشيل حبه وبرضو مش قادرة، لا انا قادرة اسامح، ولا قادرة ارجع صدقني مش قادرة
فارس ينظر لها بنظرة شفقه علي حالهم، ثم يقول،،،
- والله مش عارف اقولك ايه غير ربنا يهدي الحال بينكوا يارب
نور برجاء؛ يارب يافارس، بعد اذنك عشان اشوف الضيوف
ويمر الوقت وتنتهي الحفله، وتصعد نور الي غرفتها وتقوم باخذ حماما دافئا، ثم ترتدي ملابسها، وتجلس علي فراشها وتمسك حاسبها الالكتروني، وتكتب خاطرها اليوميه وتكون تكمله لما سبقت
من حوارها بين العين والقلب والعقل
تكملة لحوار الثلاثى العقل والقلب والعين
العقل : بامكانك ان تنسى ياصديقتى ولا تتذكرى غير من كان سبب في بكائك ..فإن من ابكاكى لا يستحقك فدعيه وانسيه وابحثى عن ينزف دموعك فرحا وليس حزنا
العين:ابحث عن احد يفرحنى هل انت عاقل ياصديقى لتقول هذا الحديث
العقل: بالطبع عاقل فأنا اسمى العقل
العين:ولكن انت من كثر العقل فقد اصابك الجنون
العقل: لماذا تقولين ذلك؟
العين: لان عيناى لا ولن ترى سواه حتى لو كان ظلمنى...وهل باقى من العمر ما يجعلنى ابحث عن من يفرحنى ..فالفرحة ماتت من قلبى حين انتهى وسقط من عينى مع دموعى الستُ لى الحق ياقلبى
القلب: طبعا يا ايتها العين العزيزة فاننا مرتبطون ببعضنا لبعض فانا اذا تألمت تبكين على الآمى
العقل: اانت ايضا موافقها ياقلب!! الست انت من تألمت وتوجعت من افعاله كم خذلك وسامحتة ..كم كنت اعقلك وانت لا تسمع لى وها هى النتيجة قلب يتالم من الوجع ،وعين تنذف دمعا على مالا يستحق
القلب والعين: ......
العقل:صامتين لان ليس لديكم رد فأنا محق فيما اقول ...فالنضع ايدينا سويا لنمر وننتصر وساعدنى ياقلب وانت ياصديقتى العين لداوى وجعك واساعدك لتجف عيونك فمن ابكاكى ووجع قلبك لا يستحق البقاء عليه
القلب والعين: يا ليتك تستطيع ان تخرجنا من هذه الدوامة ياصديقنا فنحن معذبون وهو لا يشعر بنا
العقل: فهذا اكبر دليل لمحاربتة والقضاء عليه وكل شئ وله علاج فتركونى اداويكم بعقلى فالعقل لا يخطأ مثلكما وانت ايها القلب الحزين اقفل عليه بابك ولا تفتحه ولا تسامحه ..كفاك وجع وألم ،وانتي ياصديقتى جففى دموعك، واجعليها غالية لا تنذف الا على من يستحق.
العين: وهل هو كان لا يستحق فهو كان اغلى الغالين
القلب: وما زال ياعزيزتى
العقل: ياااا اللهى منكما انتم لا مثيل لكما ..انتما تتلذون وتحبون العذاب ...انا استكفيت منكما فالحديث معكما بلا فائدة اقول لكما كفا تقولوا مازال ...هل انتم جوننتوا بحبه؟
القلب والعين بآسى: انه العشق الذى لا تعرفه انت يا أيها العقل العزيز
العقل: اى عشق يكون سبب في حزن ووجع من أعشقه واحبه، ياقلب وانت ياعين هل العشق يجعلكى من اجلة لا تتوقفى عن الدموع..لو هذا هو العشق فانا لا اريده ..انا اكره هذا النوع من العشق...فانا عشقى مختلف عنكما ..عشق عقلانى عشق لا يؤذى احد فينا ..عشق مبنى على الاحترام، لا على الاذلال مثلكم ..عشق يقوى لا يضعف صاحبه ...عشق يبنى ويزيد مع الايام والسنين ،وليس يضعف ويهدم مثلكم مع الايام والسنين...فهل فهمتوا مقصدى أنا عاشق مثلكم لكن بطريقتى وليس بطريقتكم انتم
القلب والعين: اقنعتنا يا ايها العقل فانت محق فيما تقول ودائما تنتصر علينا
وينتهى الحوار ويبقى السؤال من ينتصر في النهاية حقا ويعيش بسعادة العقل أم القلب والعين؟
فتسأل نور نفسها نفس السؤال الي متي ساظل في هذه الدوامه.؟ ثم تغلق حاسوبها وترقد لتنام،،،
يقرأ ايهاب خاطرها، اكثر من مره، ويكتب لها،،،
الا يكفيكي عذاب يانور بقلبك، وقلبي، الا يكفيكي حرمان، وبعد، وحيرة، هنفضل نلف في نفس الدوامه دي لحد امتي ياحبيبتي، ارحمي قلوبنا من العذاب، وتعالي نداوي جروحنا واحنا مع بعض، هنعرف نعدي اي مشكله خلي الحب اللي بينا هو اللي يعالج جروحنا، مش واحنا بعيد، لا واحنا مع بعض كل حاجه هتهون ياعمري
نور تقراها ولكنها عاجزة عن الرد، فتغلق حاسبها وترقد تبكي علي الام جراحها، متذكره ما مضي بينهم من ذكريات جميله، وما وصلوا به الان، فتبكي بشده حتي غفت علي حالتها
#عذبني حبگ بقلم إيمووو كمال
كان عادل يجلس علي فراشه يسترجع بذاكرته ما حدث في الماضي، ويلوم نفسه كثيرا لما تسبب فيه في اذية اعز صديق له، وايضا نور، فوضع يده علي راسه بألم وقال في نفسه مرددا،،،،
لازم اعمل اي حاجه مستحيل اخليهم كده مستمرين في خصامهم انا السبب، يارب قدرني اصلح غلطي ونور تقبل تسامحه، انا لازم احاول مع ايهاب يمكن يرضي يصالحني، مع اني عارف انه صعب بل مستحيل... اااه يارب ساعدني
وامسك بهاتفه وقام بالاتصال علي فارس، وانتظر لحظات حتي رد عليه مرددا،،،
ايوه ياعادل خير في حاجه
عادل بنبره حزينه قال،،،،
ازيك يافارس، كنت عايز اطلب منك طلب ومحرج منك اوي
فارس بقلق قال،،،
خير في اي اطلب
عادل بأرتباك وتوتر قال،،،،
كنت عايزك تكلم ايهاب بخصوص انه يسامحني
فارس بضيق قال،،،
بصراحه طلبك صعب بل مستحيل في الوقت الحالي ياعادل، إيهاب كل تفكيره دلوقتي ان نور تصالحه، منصحكش انك تحاول دلوقتي معاك، يمكن يحن لو اتصالح مع نور، غير كده مهمتك هتكون صعبه
عادل بنبرة بأمل قال،،،،
انا قولتلك قبل كده، وبأكدلك ان مفيش حاجه بيني وبين نور غير الاخوه والصداقه البريئه غير كده والله مفيش، ويادوب لسه هنبدأ شغل مع بعض في دويتو سوا
فارس بنبرة هادئه ردد،،،
ربنا يوفقوا ياعادل وينجح الدويتو ويكسر الدنيا
عادل بحب،،
يارب يافارس، شكرا واسف اني ازعجتك، مع السلامه يا اجدع صاحب
وأغلق معه ودعى الله ان يلم شملهم من جديد
#عذبني حبگ بقلم إيمووو كمال
وتشرق الشمس بضياءها معلنه يوم جديد مملوء بالامل والتفاؤل، فنجد والد نانسي، ووالدتها جالسين امام غرفه العمليات، منتظرين انتهاء العمليه، التي استغرقت اكثر من ١٢ ساعه كامله، والوقت يمر ببطئ شديد، والام جالسه تبكي وتدعي ربنا، ممسكه بيدها مصحفاََ تقرأ منه ايات قرانية، والاب يجلس يصلي ويدعو ربه في خشوع داعيا ربه ان يوفق وحيدته في نجاح العمليه، واذا به يخرج ادم، وعلي وجه علامات الارهاق والتعب، فيركضوا اليه مسرعين متسائلين عن حالة ابنتهم فيرد قائلا،،،،