رواية امرأة في حجر الثعبان الفصل السابع والعشرين 27 بقلم رانيا جابر حسن

رواية امرأة في حجر الثعبان الفصل السابع والعشرين 27 بقلم رانيا جابر حسن

الحلقة السابعة والعشرون..
(طرد)
نافع:بصرامة..خلاص يا بنتي واحنا مش هنقف ضدد سعادتك،بس لازم نقبله علشان يعرف إن ليك أهل
ملك:اللي تشوفه يا جدو
مصطفي:هو فين !
نادية:أنا هندهله
هارون:بس أنتي هتعيشي معانا يا 'ملك'
ملك:بتعجب..ازاي يا جدو!
هارون:يعني مش هتبعدي عننا،وهو كمان هيبقي معاكي
نادية:اهو طالع اهو
جاء 'رياض' وهو ينظر إليهم باستغراب..سلام عليكم
رد الجميع السلام
نادية :بضيق..دول أهل ملك
رياض: بابتسامة..أهلا وسهلا
هارون :أهلا بيك يابني
نافع:بجدية.. اللي حصل ده من شوية مش أسلوب الرجالة،بس..
رياض:وهو يرفع حاجبه..أنا راجل ومغصبتش عليها علشان توافق ودخلت من الباب قدام العالم كله
نافع:بضيق..متقاطعنيش أنا لسه ما خلصتش كلامي
رياض:بغيظ..اتفضل
نافع:عذرك إنك ماكنتش تعرفنا ولا تعرف طريقنا،ولو إن اللي شاري حد بيعمل المستحيل علشانها،أنت اتجوزت بنتنا خلاص واللي حصل حصل، ومش عايز اعرف كتبتلها مؤخر أد إيه والحاجات دي،لأن بنتنا عندها اللي يكفيها وذيادة،ولو هي مش عايزاك ساعتها الماديات دي ولا هيبقي ليها قيمة عندها
رياض :ملك لو طلبت عمري كله ميغلاش عليها
هارون:باين عليك ابن أصول يا ولدي
نافع :احنا عايزين بنتنا تعيش معانا
رياض:لا،أنا ماحبش أقعد في ملك مراتي
يوسف:بابتسامة..أنت وهي بقيتوا واحد دلوقتي
رياض :معلش أنا أحب أختار المكان اللي أعيش فيه براحتي،وعلي العموم أنتوا تشرفونا في أي وقت، وأنا مش همنع ملك عنكم
نافع:بنبرة تهديد..طيب بص بقي ياولدي،احنا عيلتنا كبيرة أوي تحتار في عدها،ماعندناش حاجة اسمها واحد يمد ايده علي مراته،خصوصا ملك الغالية دي،لو في يوم طلعت زعلانة بس من بيتك مش هترجعلك تاني مهما حصل
رياض :ملك في عيوني من جوه
نافع:عيشت ياولدي،الفرح أمتي إن شاء الله!
رياض :لو النهاردة أنا جاهز
ملك:لا ياجدو أنا مش عايزة فرح ولا هيصة
نافع:ليه يابنتي مستكترة علينا نفرح بيكي كمان!
ملك:معلش يا جدو أنا حابه كده
مصطفي :خلاص يا ملك اللي تشوفيه
نافع :خلاص يا ملك،هنمشي احنا دلوقتي،وبكره نجيلك كلنا
نادية :وده ينفع يا حاج أنتوا هتباتوا معانا هنا النهاردة،وأنا هبات عند جارتنا ست كبيرة وقاعدة لوحدها
هارون:ربنا يخليكي ياكريمة،بس اعفينا بقي
رياض :وده ينفع برده بيتي تحت أمركم كلكم اتفضلوا معايا
نافع:لا لا،احنا هنسافر دلوقتي علشان نجيب الجماعة معانا بكره،أنت هتاخد مراتك أمتي!
رياض:وهو ينظر إلي ملك،زي ما هي عايزة
ملك:شوية كده يا جدو
نافع:وهو يقبلها..عايزة حاجة اجبهالك معايا بكره باذن الله!
ملك:وهي تحتضنه..عايزاك أنت ياجدو
نافع:من الصبح هتلاقيني عندك
يوسف:يلا بينا يا جماعة علشان نوصل بدري
هارون:وهو يحتضن ملك..مع السلامة يا حبيبتي
ملك:مع السلامة يا جدو
نافع :سلام عليكم
خرج الرجال واوصلهم رياض،وصعد مجددا إلي شقة نادية..
نادية:بحزن..أنت هتاخدها دلوقتي!
رياض :بضيق..لا
ملك:امال جيت ليه!
حجاج:وهو ينادي علي رياض..يا معلم
رياض:تعالي يا حجاج ادخل
حجاج :بغيظ..اتفضل اللي أنت طلبته
رياض :وهو يأخذ منه الأشياء..أفرد وشك ده مش ناقصة كآبة
حجاج:أنا هنزل
رياض :ماشي
نادية:بتعجب..إيه الحاجات دي!
رياض :بابتسامة وهو ينظر إلي ملك..ده فستان الفرح بعت جبتهولك،ودي شبكتك ياست البنات علي الله تعجبك
ملك:بابتسامة حزينة..شكرا
رياض:هنزل أنا عقبال ما تجهزي نفسك
ملك:طيب
______________________
في منزل عبد القادر..
حمزة:سلام عليكم يا حاجة
الأم :يا أهلا بالغالين
مازن:وهو يقبل يدها..ازيك يا حاجة عامله إيه!
الأم :الحمد لله يا ولدي،تسلم من كل شر
حمزة:وهو يسلم علي زوجته..ازيك يا زوزه!
زهرة:بابتسامة..الحمد لله أنت عامل إيه!
حمزة:بخير..العيال فين!
زهرة :في الأوضة فوق
هايدي:ازيك يا ماما الحاجة!
الأم :بغيظ..أهلا يا مرات الغالي
مازن:ازيك يا أم عبد القادر!
زهرة:الحمد لله يا مازن أنت أزيك!
مازن :تمام،امال فين أبلة سمر!
الأم :في اوضتها فوق الدكتور قالها متفرقش السرير
حمزة:ربنا يقومها بالسلامة
مازن:امال الحاج فين وحشني!
عبد القادر:وهو يخرج من حجرة المكتب..ياواد يا بكاش عامل إيه!
مازن:وهو يقبل يده..بخير يا حاج
حمزة؛وسع يالا علشان احضن أبوي وحشني
عبد القادر :ايوه ايوه كل عقلي كمان
حمزة:حبيبي والله يا حاج
هايدي :ازيك يا حاج!
عبد القادر :أهلا يا بنتي
مازن:يوسف فين صحيح!
الأم :نزل مصر
حمزة :ليه!
الأم :راح مع الحاج نافع
حمزة:بقلق..هو في حاجة حصلت!
الأم :أما ياجي هنعرف
حمزة: والجماعة ماجوش ليه!
الأم :مش راضين يا جو إلا لما نافع ياجي
مازن:البت سعاد مجتش ليه صحيح!
الأم :تعبانة ومش قادرة تيجي
مازن:الف سلامة عليها
حمزة :أنا هطلع أشوف العيال وأنزل
مازن :خدني معاكي اغلس عليهم شوية
الأم :تعالي يا زهرة نخلص اللي ورانا لحد ما يوسف ياجي هو والجماعة
عبد القادر :اتاخروا قوي ربنا يستر
هايدي:أنا هطلع أسلم علي أبلة سمر
الأم :بابتسامة غيظ..اتفضلي
_____________________
في منزل 'نادية '..جاء رياض
ليأخذ ملك..
رياض :ها ياست البنات مش يلا بينا!
ملك:وهي ترتدي اسدالها،وتنظر إلي نادية بحزن..أنا جاهزة
رياض:باستغراب..ما لبستيش الفستان ليه!
ملك:وهي تتهرب من الحقيقة..مش عايزة البسه
رياض :بقلق..ليه ذوقي مش عجبك!
ملك:بتلعثم..ها، لا بس مش عايزة البسه
رياض :بحزن..خلاص زي ما تحبي
نادية:قومي يا ملك البسيه
ملك:بتعجب..إيه!
نادية:ببكاء..نفسي أشوفك بالفستان الأبيض يا ملك دي كانت أمنية حياتي
ملك:ببكاء..حاضر يا خالتو
نادية:وهي تمسح دموعها..تعالي أنا هلبسهولك
رياض:بفرح..ايوه ياست نادية لبسيها
دخلت ملك ترتدي فستانها،وبعد وقت خرجت وهي ترتدي فستانها وحلياتها..
رياض:وهو يقوم من جلسته بإعجاب..بسم الله ما شاء الله إيه الجمال ده!
ملك:بخجل..أنا جاهزة
نادية:خلي بالك منها يا رياض
رياض :دي في عنيا،وبعدين ما أنتي هتبقي تيجي تزوريها، ده البيت قدامك
نادية :ربنا يسعدكم
ملك:وهي تحتضنها..مع السلامة يا خالتو
نادية:ببكاء..مع السلامة يا قلب خالتو
رياض :يلا بينا
ملك :يلا
______________________
في سيارة نافع..
يوسف:احنا نطلع علي عندنا بقي ونبعت حمزة يجيب الجماعة
نافع:لا يا ولدي مش هينفع،اعفينا بقي النهاردة وابقي بلغ اعتذاري للحاج،معلش اخرناكم وضيعنا عليكم الغدا
يوسف:أنت بتقول إيه يا حاج! ده لا يمكن يحصل أبدا،كلنا هنتعشي مع بعض
نافع:بغيظ..مش هياجيني نفس لحاجة إلا لما أعرف ابني عمل كده ليه
يوسف:أنت عارف أبوي يا حاج هيصعب عليه منك لو مجتش
هارون:ابقي احكيله علي اللي حصل،وقوله كمان إنه هياجي معانا بكره عند ملك
يوسف:خلاص اللي تشوفوه
-مر الوقت ووصلوا إلي منزلهم..
هارون:وصلنا الحمد لله
مصطفي :تعالي يا يوسف اتعشي معانا
يوسف:لا أنا يدوبك أروح للجماعة زمانهم علي أخرهم
نافع:خلي بالك علي نفسك يا ولدي
يوسف :بترجي..براحة يا حاج ومتحاولش تخسر أحمد
نافع:إن شاء الله
يوسف:سلام عليكم
دخل نافع المنزل،كان الجميع جالسين في استقباله
أحمد :اتأخرتوا كده ليه!
نافع:بعصبية..ملك مشيت ليه يا أحمد!
أحمد وهو ينظر إلي تحية في خوف..هي قالتلك إيه يا حاج!
نافع:بصراخ..رد عليا مشيت ليه!
أحمد :بكذب..ياحاج دي بت مش محترمة كانت بتدخل لحسن ابني في نص الليل الأوضة،كمان كانت هتسرق دهب تحية،مش كده يا تحية!
نافع:وهو يصفعه بقوة علي وجهه..وكمان بتتهم بنت أخوك في شرفها يا كلب
الأم :بفزع..ولدي
حسن:ايوه يا جدو حصل
نافع:باشمئزاز وعصبية..أخرس يا كلب،بنت عمك أشرف من الشرف،العيب مش عليك العيب علي رباك تربية زفت زي أخلاقه
تحية:يا حاج..
نافع:وهو يقاطعها..اخرسي يا حرباية أكيد أنتي اللي حرضتيه يعمل كده من كتر زنك عليه
أحمد :يا حاج البت دي مش مننا
هارون :يا أخي اتقي الله دي يتيمة ،هتروح من ربك فين
نافع:زي ما طردت بنت أخوك وسبتها ترجع مصر لوحدها في وقت متأخر، أنت كمان مالكش قعاد في بيتي،وتحرم عليا لحد ما أموت يا أحمد
أحمد :بترجي..يابوي..
نافع:بغضب..أخرس أوع تنطق أسمي علي لسانك تاني أنا ابني من النهاردة مات وخدت العزا فيه كمان،روح قلبي وربي غضبنين عليك ليوم الدين
تركه نافع وصعد إلي غرفته،وتفرق الجميع من أمام أحمد وجلسوا ينظرون إلي الأرض،صعد أحمد وزوجته وولده إلي غرفتهم يلملمون أشيائهم
______________________
في منزل عبد القادر..
يوسف :سلام عليكم
رد الجميع السلام
عبد القادر :بقلق..إيه ياولدي التأخير ده كله،وفين الجماعة!
يوسف:وهو يرتاح ويلتقط أنفاسه..أرتاح يا حاج وأقولك
حمزة:بضيق..يا أخي حرام عليك انا قاعد أكل سلطة كأني عامل ريجيم
مازن:بدعابة..يا شيخ ده أنت خلصت الأكل كله
يوسف :وهو يريد إخراج النساء..إيه يا جماعة ما تروحوا تجهزوا الأكل علشان نأكل
الأم :حاضر يا ولدي
عبد القادر :ها يا يوسف إيه اللي حصل!
يوسف :وهو يقص عليه ما حدث..
عبد القادر :باشمئزاز..اخس عليك يا أحمد
حمزة:طيب وهي هتروح بيت جوزها !
يوسف:اه وبكره هنروح نزورها إن شاء الله
مازن:لا حول ولا قوة إلا بالله،البت دي حظها وحش كده ليه!
يوسف:نصيب يا مازن
عبد القادر :بحزن..ربنا يعينك يا نافع علي اللي أنت فيه
الأم :الأكل جاهز يا حاج
يوسف:بصوت هامس..غير الموضوع يا حاج
حمزة :ياعم احنا عيلة واحدة
مازن:لا طبعا،أنا ما حبش إن مراتي تسمع حاجة زي دي علشان متفتكرش إن عيلتها أحسن،مش علشان إني بتكبر وكده،لكن علشان أنا عارف إن مراتي بتاعة المظاهر شوية
يوسف :بس خلاص بقيت من عيلتنا يا مازن
مازن:بحزن..ماحدش عارف بكره في إيه
حمزة:بضحك..ربنا يعينك علي ما بلاك
عبد القادر :يلا بينا يا ولاد
________________________
في منزل رياض..
خلع رياض بذلته وابدل ملابسه،أما ملك فظلت بفستانها كما هي
رياض :بتعجب..أنتي ليه ما غيرتيش هدومك!
ملك:هقوم أغير اهو
رياض:تحبي أساعدك!
ملك:لا شكرا
رياض :امم،طيب تحبي نتفرج علي البيت أنتي مشفتهوش من جوه خالص
ملك:لا
رياض :وهو ينظر إلي الأرض ويكتم غيظه..طيب خلصي بسرعة علشان الأكل هيبرد
خرج رياض،واوصدت ملك
وراءه الباب وابدلت ملابسها..
رياض:وهو يحاول فتح الباب..هو مش بيفتح ليه!
ملك:وهي تقوم بفتح القفل من الداخل..اتفضل
رياض :بابتسامة..اه أنتي خفتي ادخل عليكي وأنتي بتغيري هدومك
ملك:بضيق..مش بحب أغير قدام حد
رياض :بتعجب..حد! أنا بقيت جوزك علي فكرة
ملك:أنا كده بقي
رياض:طيب يلا نأكل
خرجوا من الغرفة لتناول الطعام..رياض:مش بتاكلي ليه!
ملك :بحزن..بأكل اهو
رياض :طيب اشربي عصير
ملك:أنا شبعت الحمد لله
رياض :وأنا كمان شبعت
ملك:طيب أنا هقوم أشيل الأكل
نظفت ملك المكان من بقايا الطعام،فهي لم تذق شئ،ولكن رياض هو الذي أكل..
عاودت إلي غرفتها واتبعها رياض.قائلا:بابتسامة وهو يقترب منها..مش هتقومي تغيري الاسدال ده بقي
ملك :وهي تبتعد عنه وجسدها يرتجف..لا أنا كويسه كده
رياض :بابتسامة..طيب بتبعدي ليه!
ملك:بضيق..لو سمحت ابعد عني،أنا مش بحب حد ينام جنبي
رياض:بضحك..حد تاني،وحياة ربنا أنا بقيت جوزك خلاص مش واحد غريب
ملك:أنت مش هتلمسني
رياض :بتعجب..نعم!!
ملك:أنا رضيت بالجوازة دي من غير ما فكر أنا بعمل إيه، فسبني بقي أما أخد عليك واقتنع بيها
رياض :بلين..أنا عارف إن جوازنا جه علي طول،بس أنتي متعرفيش أنا بحبك اد إيه،وهحاول أسعدك وحققلك كل اللي بتحلمي بيه متخافيش مني
ملك:لو سمحت سبني دلوقتي
رياض :طيب تعالي نتفرج علي التليفزيون بره
ملك:لا،أنا هدخل أنام في الأوضة التانية
رياض :بتعجب..أوضة تانية ليه!
ملك:لحد ما أتقبل الوضع اللي أنا فيه
رياض :لا مش هلمسك النهاردة زي ما أنتي قولتي، بس أنسي حكايات نوم لوحدك ده
ملك :وهي تنظر إليه بضيق
رياض:وهو يتجه نحو الباب،ويضغط علي شفتيه من الغيظ..خلي في بالك أنا عملت كده علشان مانكدش عليكي في يوم زي ده،زي ما أنتي نكدتي عليا،وعلي فكرة أنا مش بحب اتحايل علي حد،تصبحي علي خير
ملك:وهي تقوم وتغلق الباب ورائه مجددا،وتبكي
رياض:وهو يجلس علي الأريكة..رجعنا تاني لنوم العزاب حاجة تأرف
_____________

الثامن والعشرين من هنا 

تعديل المقال