رواية ليتني واجهتك الفصل الخامس عشر 15 بقلم مريم الطائي
بارت 15
الكاتبه؛:مريم الطائي
علي ؛: سدورتي تعالي مشتاقلج
سدره؛؛ اي حبيبي هسا اجي
كملت مكياجي وجيت ابخ عطر لعبت نفسي تركتو رحت انام بحضن علي
اول من اتقرب وبداء يبوس بيا بارده ولامثل كل مره من يجي استقبلو بحب وشوق
علي؛: شبيج حبيبي
سدره؛؛ مادري مالي نفس
ابتعد عني وخلى راسو ع التخت
ضجت حبي
لا ها هيا مادام مالج نفس ماحاجه
اريد انام
نامي يابا تعالي بحضني
اتقربت يمو وصار يلعب ب شعري خليت راسي يم ركبتو ولعبت نفسي من ريحتو رغم اني اموت ع عطرو كمت ع سريع وسحبت الحجاب مال صلاه وركضت بره لحمام اذب من راسي هو لحكني
شبيج يابا
كملت وغسل وارجف اشكد مامعدتي قويه صارلي شهرين متزوجه وماجتني العاده من قبل الزواج بعشر ايام اتنظفت وماجتني بعدها كلت يجوز لان اتزوجت صار خربطه
ماعرف علي نفسي دا تلعب
تعالي كلبي اخذج لمستشفى
لا ماحاجه اريد انام نعسانه
اخذني علي لغرفه واتمددت وضل يلعب ب شعري الى حد مانمت اول من كعدت الصبح لكيت علي حاضني ويبوس بيا
دفعتو وركضت اتقيأ
عمتي وعمي ولؤي وهدير كلهم كاعدين بل صاله يتريكون
لؤي؛: هاي شبيها سدره
كلها كامت عليه غسلت وجهي وهدير سحبت الخاولي تمسح بوجهي
هدير؛: شبيج سدوره
علي ؛:ماعرف شبيها من البارحه اتذب من راسها
عمتي؛:؛ اللهم صلي ع محمد امي اخذها لمستشفى
هدير ؛: يالا امشي اساعدج بدلي
اخذتني هدير لغرفه بدلت وطلعنا اني وعلي لمستشفى متت من لعبان النفس مالي ودوخه سالتني الدكتوره
شوكت اخر مره جان اكو العاده
اخر مره 29/8 يعني قبل لاتزوج بعشر ايام
روحي سوي هذا الفحص احتمال حمل
اخذت الورقه وعلي يبتسم رحت اخذت فحص وانتظرت ع ماطلع من صيحو اسمي ركض علي اخذ الفحص وجاني يضحك
هههه سدروتي راح يصير عندي بنوته مثلج
حامل
اي يروحي حامل شوفي مكتوب positive
ههه
يحضني وفرحان ويبوس بيا اتكولين صارلو سنين متزوج وماعندو اطفال
ماريه؛: هيجي بابا جان فرحان من طلعتي حامل بيا
سدره ؛: اي كومه شلون يابنتي حلو واحد يصير اب لو ام
الاطفال حلوين مثلج ومثل حسوني
ماريه؛: بس ماما اني يوميا اشوفج ادحكين ع الصور وتبجين ع قبل ليش هيجي تفاركتو انتي وبابا ليش ماعايشين بيت واحد مثل خالو عمر وعمه اسراء وخاله اسماء
سدره؛: من تكبرين راح تعرفين لاتساليني بعد هذا السؤال
برطمت ودنكت عبالك اني من تضوج اتقربت عضيت خشمها وتضحك والغمازه اتبين
حسوني ؛؛ واني بابا اش سوى من طلعتي حامل بيا
سدره؛: انت بلوه ماردتك اتصير ههههه جان عندي دراسه
بس الله انطنياك فدوه لرب العالمين ع ويلادي الحلوين
حسوني ؛: نحنا هم فدوه لرب العالمين ع امنا الحلوه
سدره؛:ههههه اوف يمه الله لايحرمني منكم
حسوني ؛: يالا ماما احجيلي شنو سوى بابا من جيت لدنيا اني
ماريه؛؛ لاماما كملي بعدين شنو صار
حسوني ؛: اني ماعليه اريد اعرف
سدره:؛ حبيبي بل دور احجيلكم اشويه اشويه هسا احجي ع ماريه وبعدين انت اوكي ماما
حسوني ؛: اوكي
سدره؛: وين وصلنا
ماريه؛: كلتي بابا حضنج وفرحان حييل جان
سدره ؛: عفيه بل ذكيه
جنت فرحانه صح ونفس الوقت خايفه ع مود دراستي بس علي جان كل اشويه بل طريق يضحك ويتشاقه معايا ومره يسحب ايدي يبوسها
شبيج يروحي مافرحانه
هههه شلون مافرح بس دراستي شلون
لايهمج حبيبتي الله ماكثر بل مربيات وبعدين اني وعدتج اخليج اتكملين دراسه انتي كومي بل سلامه والله كريم لوكتها
بل طريق اشترينا بقلاوه ورجعنا لبيت اول من دخلنا سلمنا عمتي كبل كالت
ها بشرو
علي؛: يمه هاي حلو وانتي افتهمي الباقي
عمتي كامت اتهلهل واتبوس بيا
عمتي؛: اللهم صلي ع محمد جنج عمتج
الف مبروك حبيبتي
سدره؛: الله يباركلج يوم ولايحرمني منكم
باركلنا الكل وعمتي كالت لعلي اخذها العصر ع دكتوره نسائيه جانت ب شكل معدتي تتقلب من علي اصلا ماجنت اكدر انام معا بفراش واحد احس بي ريحه ماطيبه كل العطور طلعتها من الغرفه ماخليت ولاعطر
لؤي؛: منو بيكم ميس لو سدره اتجيبولي بنت اني اربيها
ميس:؛لاوالله يامن تعب يامن شكه يامن ع اخر لكه
لؤي؛: لعد ليش عمهم اني ها هيا اني وجناتي انربيها
سدره؛: والله مادام اتريد اطفال اتزوج جناتك وخلف منها
الكل؛:هههههه
هدير؛: اي والله صحيح
جنات؛: ولايهمك ابو لاوي بس نزوج والله اجيبلك لاوي وعشره مثلو
لؤي؛: شوف مرتي حبيبتي قبان عيونها الحلوات
علي سحبني من ايدي واخذني لغرفه من دخلنا حضني ويبوس بركبتي
سدوره مشتاقلج
دست ع نفسي ماردت اكسر فرحتو
بادرتو بل حضنه وباسني خله ايدو ع بطني
دير بالج ع نفسج حبيبتي وع بنوتنا الحلوه
شمعرفك بنت
ان شاء الله بنت يارب مثلج ومثل عيونج وخصوصه غمازتج
اريد حسوني اني
يمعود الويلاد شكو بيهم حلو يشلعون الكلب
هههه
اش يجي من الله الحمدالله المهم انتي سلامتج حبيبي
كام يدقدقني ويضحكني
شالني ويبوس بيا مددني ع التخت غمضت عيوني ونفسي تلعب ماسكه روحي بل كوه
خلى شفتو ع شفتي وكام يبوس بيها بعد ماتحمل دفعتو وطلعت اركض اتقيأ اموت من اذب من راسي غسلت وجهي لكيت عمتي وهدير وعلي يمي
هدير ؛: شلون صرتي
سدره؛: عفيه عوفوني من اتقيأ لاتجون يمي
ام علي؛: ليش امي
سدره؛: ماحاجه يوم
علي؛: تستحي ادري بيها
ام علي؛: تعالي ابنيتي لاتستحين انتي بنتنا
مسكني علي من ايدي ودخلنا لغرفه اول من دخلت كعدت بل كاع وخليت راسي بين رجليه وكمت ابجي اتقرب عليه علي ويمسح ع راسي
شبيج حبيبتي ليش كل هذا البجي متوجعه
لا هييي هييي
لعد حبي كوليلي
اذا كتلك ماتزعل
واني يهون عليه ازعل منج حبيبتي
مادري والله ليش هيجي نفسي
وسكتت استحيت اكمل
نفسج تلعب مني
هزيت براسي وابجي
كام يضحك
هههه صحيح تحجين سدره وازعل منج فوك ماانتي حامل والله اعلم اش راح اتشوفين ازعل واكولج تعالي اريد حقي انعل ابو هيجي حق حتى الله مايقبلها كومي كلبي كومي ليش كل هذا البجي عمري
يعني ماراح اتضوج مني وماراح تجي يمي
ماراح اضوج ولاراح اجي يمج
مسح دموعي وكومني كعدني ع التخت طلعلي ملابسي ولبسني همه وغطاني
اتنامين حبيبتي
اي نعسانه
مامشتهيه شي
لا حياتي
يالا كلبي نامي
غطاني وراح واني نمت حسيت بي دا يكعدني
سدوره حبيبتي كومي
امممم
كومي عيني انروح لدكتوره حجزتلج
همم اي حبي جيت
كمت رحت لكنتور طلعتلي ملابس بدلت وطلعنا لدكتور اخذتلي فحوصات وسونر وكالت كلشي تمام وكتلها اني هيجي وحامي كالت عادي جثير بنات اكو وحام بعد انطتني اشويه مقويات ورجعنا لبيت
حبيبي ماردتي ملابس ع مود الكلية
امبله
انروح نشتري ونتعشى ونرجع لبيت عندج وهس
بكيفك
انروح يعني
اي
يدلل الحلو مالي
ابتسمت بوجهو وطلعنا لسوك اشتريت اشويه ملابس وشفت ليمون عيني ضربت عليه وكمت اتمطك حكيت ايدي علي انتبه
سدره لاتحكين
ها
شبيج
نوم 
تدللين حبيبتي
اشترالي علي ليمون وكملنا ورحنا اتعشينا وبعدها رجعنا لبيت جانت سلوى وامها موجودين دخلنا سلمنا
سلوى؛: لازم جنتي تشترين ملابس لكلية
سدره؛: جنت اشوف ابني شلون وضعو
سلوى فكت عيونها وادحك عليه
سلوى ؛؛ حامل ؟؟؟؟؟
سدره؛: امم حامل
ام سلوى ؛: الف مبروك حبيبتي والله فرحتلكم من كل كلبي والله تستاهلون انتو
سدره؛: تسلمين خاله فدوه اشكد لسانج حلو
علي؛؛ سلوى شكلج مافرحتينا
سلوى؛ها امبله مبروك بس مو بعد وكت
سدره؛؛ علوشتي يحب الجهال واني موافقه شنو الي بعد وكت شكو ورا الزواج
سلوى؛: تهنون
ميس؛؛ يوم الج تزوجين وتحبلين
ام سلوى ؛: الله يسلمج حبيبتي
سلوى اتريد اطك عيونها كل عين هل كبر فتحتها علينا بس راحو عمتي اتعصبت عليه
ام علي؛: ليش اتكولين حامل مو سالتني وكتلها مصار عندها شي بعد
سدره؛: ليش يوم والله ماعرف كن سالتج
ام علي؛؛ انتي اتشوفين شلون هاي عينها ع رجلج وكل عين فتحت عليج ماريد الناس تعرف انتي حامل
علي؛:؛ يوم دعوفيها على الله
ام علي؛؛ ياابني مايصير هذا الحجي
سدره؛: هيا جلبه شنو اسويلها شكو امخليه عينها ع علي والله الي يتقرب من عند رجلي اعرف شنو اسوي جلبه بلا غيره
كمت احجي وابجي
ميس؛: عمه بعينج شكو تبجين ولي لاتصيرين ضعيفه صيري قويه خلي اصبعتج بطن عينها واتحديها وكوليها اذا بيج خير اخذي انتي واثقه من علي يموت عليج ليش اتغارين هيجي وتبجين
سدره؛: هيا امخليه عينها ع رجلي شكو ماتولي تزوج لو الله ماخلق غير علي
علي؛؛ احم غير اني شخصيه وكذا ههههه
سدره؛: دروح انت هم موزين راضيه بيك
الكل؛:هههههه
ام علي؛: روحي امي ارتاحي اني اخاف عليكم من العين
دخلت لغرفتي بدلت وجيت اتصلت بماما فرحتها حيييل وباركتلي وخابرت اسماء هم وكتلها رجعت دكيت ع اماني
حجينا اشويه وبعدين كتلها
اكولج حب
اي عيوني
راح اتصيرين خاله
جذذذب كولي والله
اي والله هليوم بين حملي
الف الف مبروك سدي سدي اروح اخابر صهيب اكولو هسا يفرح راح يصير عندو ابن اخت
ههههه خبله
سدت من عندي وكمت اعزل اغراضي هذا الاسبوع زواج هدير وفؤاد وكمنا انحضر وملتهين بل تحضيرات وكذا
صادف يوم الجمعه زواجها صهيب من الاربعاء جاب اماني عدنا يباتون اني الى حد الان علي مايتقربلي واصل مرات ينام بل كاع اسالو يكولي ماكدر انام يمج بل ليل اشم عطرج واشتاقلج عوفيني براحتي اني هم تركتو براحتو
واكفين كلنا صارو يحجون ع الاسماء
اماني ؛: شنو راح اتسمينها اذا بنت
سدره؛: والله اني مفكره باسم وحده غاليه عليه حييل ولها فضل جبير بحياتنا
جنات : عرفتها
اماني؛ منو امج
سدره؛:بعدين تعرفون واذا ولد حسين اكيد
جنات؛: ميس انتي
ميس؛؛ صفاء
اماني؛: حلو عاشت الاسامي
جنات؛: امونه وانتي وصهيب اذا اتزوجتو وجاكم ولد او بنت شنو اتسمونهم
اماني؛؛ بكيف صهيب اني احب البنات واني اسميهم
علي؛: بله البنات مو احلى من الويلاد
اماني: اي والله يخبلون هيجي علاوي خصوصه من اتلبسهم كلها مشلح وايدها سمان مال عضه
علي؛؛ اي والله يارب بنوته من عندك
جنات؛؛ يعني صهيب يسمي صدك صهيب انت ابو شنو
جان صهيب يشيل ايدو ويضربها ع كتف لؤي ويكول
صهيب؛: ماعيب اخلي اسم غير اسم حبيبي وصديقي لؤي
جنات؛؛ صحيح صهيب قبانو اسم حبيبي اكولكم وحده منا لازم اتسمي بنتها جنات حتى تاخذ ابن صهيب فدوه اشكد حلوين
الكل. :هههههه
سدره؛؛ وانت لؤلا شنو اتسمي ابنك صهيب
لؤي؛؛ ماعيب اسمي صهيب
الكل؛:ههههههه
ابو علي ؛: لا ابني وحده بوحده هو يسمي انت اتسمي
صهيب؛: نذل مايفيد معاك
لؤي؛؛ لاوالله جديات هاي كدام الكل اذا سميت ابنك صدك لؤي اني راح اسمي بنتي جنات ع اسم امها ومن همه اصغار واحد لثاني
اماني؛؛ شلون يصير اتسمي ع اسم امها
لؤي؛؛ يصير عادي من كثر حبي بامها
صهيب؛؛ واني موافق
لؤي؛: اذا الله رزقني ب و يلاد اسميهم واحد لاوي واحد صهيب
سدره؛؛ شنو يعني لاوي
لؤي؛: مره قريت قصه النبي يوسف واحد من خوتو اسمهم لاوي وعجبني الاسم حتي يصير لاوي لؤي وهو بي جثير معنا واحد منهم الذكي
صهيب.... مااحاجه اتسمي ذكي هو راح يطلع غبي ع ابو
الكل... هههههه
صهيب كال هيجي ولؤي سحب الدولكه مال ماي طش فوك صهيب
صهيب... اطش ماي عليه والله الي اطش ديزاب عليك
لؤي... اذا رجال تكوم
صهيب ركض ع مطبخ شال القوري مال جاي بارد ع طباخ وطشه ع لؤي ونحنا ميتين من الضحك
وعمتي تصيح البيت انعدم
صهيب ركض صعد ع الدرج ولؤي شال الجدريه مال مرك وركض ع صهيب صبها فوك راسو
يوم بكثر ماضحكت بطتني توجعني
ام علي.... ولكم انتو ماتستحون عدمتو البيت
ابو علي... لؤي والله مازوجك ع هاي سويتك
الكل....ههههههه
نزلو اثنينهم من الدرج ويضحكون ورجلينهم مدبكه من المرك والجاي
محمد... اطباء اخر زمن مو نعمة الله هاي اتخبلتو
صهيب... يكولي اذا انت رجال كوم رجال وغصب عنك
لؤي.... قرداش والله شكلك حلو صاير احمر
صهيب.... وانت اسود
الكل.... ههههههه
دخلو سبحو وشطفنا البيت وكعدنا
ام علي؛: لؤي ابني بعد زواج اختك اريد اسوي خطوبتك
لؤي؛؛ اي يوم ان شاء الله بس اني عندي قتراح صهيب هم يسوي خطوبتو ونفس اليوم وانسويها بل قاعه
صهيب؛: والله خوش فكره اني موافق اذا الاهل يوافقون
ابو علي؛: شكو بيها وليدي صهيب اخوك
اماني؛؛ مو اني اخاف اهلي مايقبلون لان كالو بس عقد
ابو علي؛؛: ابوج عليه اني احجي معا مايكول شي
اماني،؛: براحتك عمو
كمت رحت ع الثلاجه طلعت ثلاث ليمونات وكل وحده سويتها اربع قطع واكلها وصهيب جسمو يكش من اليمون
صهيب ؛: كاافي خرب بنصج
سدره؛؛هههه مطك مطك يمه يخبل صهيب
غمض عيونو ويكش بجسمو وكام طلع راح لاستقبال
ونحنا نضحك على مثل المخبله اكل اليمون
اماني؛: دكافي كلنا سبلنا من وراج
سدره؛؛هممم دعوفوني كلبي هيجي هيجي رايح ع اليمون
الكل؛:ههههههه
ابو علي؛: ههه اكلي باباتي بل عافيه
سدره؛: اممممم
حتى مابيا حييل اجاوب عمي ههههه بدينا بل تحضيرات هدير صارت هيا حنه هيا خطوبه يعني سوى
جان اكثار كلش الي اجوي لبست فستان احمر امخصر وبدون ردن وقصير لركبه ولبست كعب اسود وخليت مكياج وشعري بس كبستو وعفتو مفتوح صار يجنن واكفه كدام المرايا البس ذهبي دحكت ع روحي بل مرايا كلبت شعري بيدي
اووف جمال قبان نفسي امممواحح وابوس بروحي هههه
والبنات بره امشغلين اغاني بعد ماجوي اهل فؤاد الى هسا
وكمت اركص واهز بخصري واميل ب شعري واغني مع الاغنيه فجئه علي فتح الباب وجفلت
ليش وكفتي
ها
كملي
لا علي حباب
ابتسم بوجهي وكعد ع التخت
يالا كملي عجبني ركصج
استحي والله
ماتركصلي ماتحضرين الحفله
بس حبي
يالا سدوره شبيج تستحين بل حفلات مو نركص كلنا سوى
اي
وبديت اركص كدامو وهو يدحك عليه ويبتسم ويدزلي بوسه بل هوى
جا اتقرب عليه وحاوط خصري ويركصني شالني ع خصرو كصتي ع كصته وفرني واني اضحك
ههههه حبيبي
ياكوني سدورتي
احبك
اموت عليج.... سدره
ها حبي
بعد ماتحمل اشتاقيتلج صار اسبوع
دنكت
بكيفك
بعد الحنه انتظرج
اوكي
باسني من خدي وطلعت وهو هم طلع بره اشويه واجوي اهل العريس وانكلبت الدنيا وهدير هلكد فرحانه وتركص مع فؤاد دكتور فؤاد ثكيل وكل بنت اتشوف تمنى يدحك عليها من يخلص لبس الذهب لازم يبوسها من راسها هو باسها من شفتها بوسه خفيفه وهدير مدنكه وخجلانه
كل مااكوم اركص عمتي ماتقبل اتكول اخاف عليج اكعدي وحده من اقارب فؤاد شافتني دا اصيح لامي
ماما موبايلي عندج
اي امي هذا هو
عرفت المره هاي امي وجت عليها سلمت عليها وكعدت يمها
هاي الحلوه بنتج
اي بنتي
تدرس
اي تدرس طب عام
مشاء الله الله يحفظها
تسلمين
بس هاي البنت عندج
لاوالله هذيجه بنتي اسماء معلمه ومتزوجه وعندي بنتي صغيره تلعب بره مع الجهال
اها الله يحفظهم والله اني عندي بنات اثنين ع ولد واحد جان يدرس بل خارج طب وهاي السنه كمل ورجع وكالي يوم لكيلي مره ع ذوقج واني شفت بنتج وحبيتها واريد اخطبها لابني
اني وجنات جنه كاعدين يم امي بس سمعنا المره كالت هيجي جنات طكتها بضحكه وخلت ايدها ع حلكها واني ضحكت بس مسكت نفسي وماما خنزرتنا كبل
يابنت قصدج
حجيت شي يضحك
لا حشاج بس يابنت قصدج
هاي
جنات؛: خاله فدوه هاي سلفتي ترى لايسمعج رجلها
المره؛؛ههههه صحيح يعني متزوجه والله مايبين عليج
جنات؛: يمعوده خاله متزوجه وراح تصير ماما هم
المره؛: صحيح الف مبروك حبيبتي اعذروني والله
ام سدره؛: انتي اعذريني ضحكو البنات لان خطبتي سدره وهيا متزوجه
المره؛؛ هههه عادي يمعود اني ماسالتج متزوجه لو لا حبيتها وجيت كبل اخطبها حتى ماركزت ع ايدها ع الحلقه هسا يالا شفتها اعذروني
معذوره
ابتسمت وكامت راحت من يمنا واني جناات نضحك
ام سدره؛: كاافي فضحوتنا
جنات؛: هههه خاله هليوم اكول لعلي خطبو مرتك
ام سدره؛:هههه اوف منج جنو
جت اماني شافتنا نضحك
شبيكم تضحكون ضحكوني
جنات؛: ولي خطبو سدره
اماني؛؛ههههه صحيح مبروك جددي علي صار قديم
سدره؛؛ عمه بعينج الى اكولو عليج
جنات؛: اتحضري راح يصير عدنا عرس
اماني؛: والله هليوم الى علي يزفج مكروده
اشكد ضحكنا ع هاي المره خلصت الحلفه واكفين اماني وصهيب كلنا جنات كالت
جنات؛: وييي علاوي ماعرفت
علي؛: شنو عيني
جنات؛: هليوم خطبو سدره
علي كبل التفت عليه
سدره؛: شبيك ادحك عليه
علي؛: صحيح خطبوج
سدره؛؛ خربيج جنو اي المره عبالها مامتزوجه
علي؛؛ جان وافقتي
الكل؛: ههههههه
ركضت وراء وضربتو ع كتفو
وانت شنو اسوي بيك
اماني؛؛ والله اني كتلها جددي علي صار قديم
علي؛؛ دا امشي امشي عجوز هاي سدره الاصيله ماتبدلني بالف واحد
سدره؛: مابدلك ب زلم الدنيا كلها بس والله هذا الولد دارس بل خارج خوش قسمه انت شنو اتكول
علي؛: اني اكول وافقي ليش لا اذا خوش قسمه شكو بيها
الكل؛؛هههههه
ميتين من الضحك علينا
ابو سدره؛ بنتي بيت ابو شنو همه حتى اروح اسال عليهم
عمر؛: لا يابا ماعاد هيجي اكوملج سدره وانت علي كاعد تضحك
علي؛:ههههه يمعود شنو اسويلها المره شافتها وماتعرف متزوجه وخطبتها دا نشاقه
ابو علي؛: انت موافق اكيد
علي؛؛ ابصملك بل عشره
الكل؛:ههههههه
رحت سبحت وبدلت وطلعت لغرفة هدير اني والبنات وكاعد نحجي علي دزلي رساله تعالي انزلي
جنات حست عليه ضجت
شبيج حبيبتي
علي يريديني
وشلون بعدج ع هذا الوحام
ماريد يجي. نفسي بس تلعب من هذيجه الشغله ومن علي
شلون خلي يقدر اشويه خمه اش صار
هاي صارلو اسبوع من طلعت حامل ماجا يمي وهليوم كالي مشتاقلج اش اسوي بعد هو هم خطيه
والله ماعرف سدره هو هم رجال وحقو والزلم هم نفس الوقت يريدون من المره كومي روحي علىه مايصير حرام
شنو اسوي راح اروح
كمت رحت لغرفه واني اتضجر وصلت لباب الغرفه جريت نفس ودخلت ابتسمت بوجهو
ها حبيبي
تعالي سدورتي وين رحتي
جنت كاعده مع البنات
تعالي قزومتي
اتقربت يمو وكعدت يمو حضني وصار يشم ب ركبتي ويطبع بوسات خفيفه كام يسوي ع سريع لان شاف نفسي بداء تلعب من عندو سوى واني ماسكه نفسي هستوى كمل دا يحضني ودفعتو ركض هو جاب السطل وكمت اذب من راسي
متت معدتي موتنتي حركه مو طبيعه ومن اذب من راسي احس روحي تطلع
جاب ماي وغسلي وشربني اتعصبت حيييل وانقهرت صرت اصيح بوجهوو
شنو انت ماتحس بيا المهم اتلبي رغبتك واني اموت
سدره لاتصيحين بوجهي
يمعود دروح
ها عليه اروح
اي عليك لعد ع ابويا انت ماتحس بيا
ترى ع فكره نحنا بعدنا عرسان واني ماشفت شي منج
ومن حقي
جان لاخليتني احبل
واني شمعرفني حبلج هيجي صعب هسا انتي كل الوحام ومالعبت نفسج الي مني
هاي انت اقرب الناس الي وماتحس بيا
يابا بعد ماجي ولااريد و لاتصيحين بوجهي
سحب المخده والغطه وذبهم بل كاع وشال السطل مالي نظفو ورجعو بل غرفه بصفحه اني كن خليتو بل ليل البس ومالحك عاد عمتي كالت خلي سطل عاد اكثر المرات خطيه علي يحس عليه وينظفو هو
راح اتمدد بل كاع
كمت طلعت فوك سبحت استحيت اسبح جوى وادخل لحمام كدامهم
طلعت من الحمام ونزلت جوى لغرفتي لكيت علي نايم ع بطنو وامغطي بس رجلينو مايحب يتغطى كامل جيت اتقربت وغطيتو كامل فز
ياعيني يعني ماتعرفين ماحب الغطا بس رجليه
زعلان
تصبحين ع خير
يعني زعلان
مو نفسج تلعب مني عليش تحجين معايا وبس يخلص زواج هدير اكوم حتى مانام بل غرفه
حتى تعرف روحك اشكد مصلحجي
كمت ابجي واشهك ورحت اتمددت ع التخت كام هو يضحك جا اتقرب عليه ويمسح على شعري
شبيج ياحبيبتي تبجين هيجي
انت هيييي انت ماتحس بيا
الله يعمي عيوني اذا ماحس بيج انتي هم اعذريني ياكلبي اني رجال واني يمج ويم جمالج اضعف ماكدر بس وعد احاول اسيطر ع نفسي امر لله المهم ماشوفج تعذبين حبيبي
هههههه
هههه قبان ضحكتج اني يالا ارتاحي ونامي
راح اتنام بل كاع
اي ع مود راحتج حبي
سامحني عفيه اخاف حرام
لا حبيبتي امسامحج وانتي عندج عذر كلبي
ماخلاني انام وشعري ماي كاعد ينشف شعري ويسشور بي وغطاني ونمت
ثاني يوم زواج هدير طلعت كلش حلوه وزواجها صار راقي خلص الزواج وزفهم لفندق .....
بديت شهر بعد شهر بطني تكبر وعلي مرات يسيطر ع نفسو مرات مايتحمل واني هم انقهر علي الى حد ماعبرت الاربع اشهر نفسي بطلت تلعب من علي سبحانه الله من دخلت بل خامس راح الوحام مني بس جنت دائما ادوخ واكع ب كثر ماكل ليمون ويخلولي مغذلي اخر مره وكعت وغمى عليه بل جامعة وعلي حلف يمين ماخلى الليمون بحلكي بعد خلالي مغذي ومتمدده بل هول دخل لؤي
السلام عليكم هاي سدوره جبتلج صندوك ليمون
علي: ولاعليكم السلام
لؤي؛: ليش شبيها سدره هم داخت
ام علي:؛: اخوك مايقبل بعد ادخل ليمون ع البيت
لؤي:؛ يالا راح اخذو لعد بغرفتي حقهم سدره
برطمت ودحكت ع علي بزعل
سدره؛: بس وحده حباب كلبي رايح
علي؛: ولانص وحده
ابو علي؛؛ ابني انطيها وحده
علي!؛ يابا دحك ع وجها وماتكدر تدرس بسبب الدوخه
ابو علي؛: حقو بنتي مو زين عليج
ضجت حيييل ولؤي اخذ الصندوك وطلعو ع ثلاجتو خلص المغذي ودخلت نمت بل غرفه واني ماحجي مع علي زعلانه نام وحضني من بطني انتظرتو ينام وشلت ايدو عن بطني على كيفي وطلعت امشي مثل الحراميه
دخلت لمطبخ اخذت ملح وسكينه وصحن معايا وطلعت ع لؤي دكيت الباب
فوتي سدره
فتحت الباب لكيتو يحجي مع جنات
شمعرفك اني
عرفت بل ليل راح تجين ع ليمون افتحي الثلاجه واكلي
احجي مع جنات مالك دخل بيا هسا اخلص واطلع
اخذي راحتج
فتحت الثلاجه وطلعت ليمون اثنين كصيتهم اربع قطع كل وحده ورشيت فوكهم ملح واكل حتى مابيا حييل اكشرهم
كل ماتخلص اثنين اطلع اثنين اكلت اربعه رجعت طلعت وحده الخ كلت اخر مره
دا اكصها وماحس الى علي كال
اش دا اتسوين هينا
ضليت جامده بمكاني ادحك ع لؤي امغطي راسو وامسوي روحو نايم
ها
اش جابج هينا اني مو حلفت يمين ماتاكلين ليمون
مو والله اول وحده هاي حباب
وهاي الكشور شنو تعال اعرف شلون اعقبج وانت بعدين حسابك لؤي اضحك جوى البطانيه اضحك
لؤي يضحك جوات البطانيه
مسكني علي من ايدي وطلعني من الغرفه بس طلعنا من غرفة لؤي... شالني ونزلني من الدرج
اني شنو كتلج
علي والله ماتحمل
كمت ابجي وخليت راسي بصدرو
سدورتي تبجين ع مود ليمون
اني شعليه ابنك يريد
انعل ابو ابني
اخذني لغرفي ونزلني ع التخت وباسني واني زعلانه ودا يضحكني ويبوس بيا ووووو.......
كمل وكام
وين تروح حبي
هسا اجيج
راح واني لفيت نفسي بل غطه اشويه وجاب ب يدو صحن ليمون وراش عليه ملح يمه كلبي راح
هاج حبيبتي
يمه كلبي راح حبيبي الله لايحرمني منك حيااتي
اش اسوي انقهر عليج اكلي عيني
كمت اكل وهو يضحك عليه خلصت
عوافي
الله يعافيك بعد بيتي
جيبي الصحن
علي اكو صحن فوك بغرفه لؤي نسيتو
اي اعرف جبتو وغسلتو
اخذ الصحن وراح لمطبخ اشكد حلو طبعو....
هاي كم مره اخذ سونر ومايبين نوع الجنين خليتها ع نص الخامس واروح ميس طلعت حامل ب ولد اشكد انقهرت هيا وحمودي ورجعت كالت الحمدالله اخويا عمر صار عندو بنت وسمها فرح واني بعد فتره اخذت سونر وطلعت حامل ب بنت هلكد علي فرح ب يومها ويبوس ب بطني
الله حقق امنيتو
يوم من الايام كاعدين العصريه بل حديقه اني وجنات وميس وعمتي وعلي ولؤي عمي جان طالع بره
فاتت سلوى سلمت وكعدت
ها سدره ماخذتي سونر
امبله اخذت ليش
هيجي والله اريد اعرف بنت لو ولد
علي؛: بنوته وان شاء الله يكون نسخه من امها
سلوى؛؛ انقهرت عليك علي
علي؛؛ وليش يابا احد كالج اني مقهور بلعكس طرت من الفرح
سلوى؛؛ بس راح اتصير ابو فلانه مو ابو فلان
جنات؛؛ اكولج دا يكولج اني فرحان انتي شعليج
سلوى ؛: واني ماكن وجهت الحجي الج ترى دا احجي مع ابن عمي
لؤي:؛ سلوى احترمي نفسج ولاتحجين بهاي الطريقه مع خطيبتي لا فوكها نزل وهم يدبج ع السطح
سلوى ؛؛ عشتو خطيبتك هم فرحان جنها سحليه شنو شفت بيها حلو اشو اتخزي
سدره؛: صحيح انتي ماتستحين والله احلى منج ومثقفه ودكتوره وتاج راسج هم
سلوى؛: بللللله عشتو
جنات؛؛ اني سحليه واخزلي سلوى
سلوى؛؛ والله الي سمعتي
جنات سمعت هيجي وشالت الكلاص وضربتو بوجه سلوى وجا ع حاجبها وجها كلو صار دم اتخبلنا
ميس؛: مكروده اش سويتي
ام علي!؛ عمه بعينج ياجنات راحت البنت
جنات؛؛ ان شاء الله اتموتين جلبه امخليه عينج ع علي سكتنا وماكلنا بس جاي ب بيت رجلي وتسبين بيا اموتج والله
كلنا ركضنا ع سلوى نمسح بعينها انريد نعرف عينها صار بيها شي اخر شي علي ولؤي ماتحملو غطو الجرح واخذوها لمستشفى وعمتي راحت معاهم وجنات كاعده ولاكنو صاير شي وكاعده تاكل حب وتلعب بل مويايل
نحنا كاعدين ع نار
اشويه ورجعو وسلوى ما معاهم
سدره؛: ها يوم اش صار
علي!؛ خيطو حاجبها طعنتين وعينها مابيها شي واخذنها لبيت وامها خطيه فقيره ماكالت شي تعرف بنتها مو راحه
لؤي ؛؛ انتي مخبله اكو بعقلج شي لو عينها رايحه
جنات؛؛ الله يرحمها عود
لؤي؛؛ عمي بعد ماعرف راح يكلب البيت ع راسنا هليوم
جنات؛؛ اني مو ضعيفه واسكت ع حقي لؤي جان عمري خمس سنوات وضربت جام السياره مال جيرانه لان كتل اخويا لان اتعارك مع ابنو عاد مو هسا كبرت وكاعده تغلط عليه واسكتلها وتريد تخرب حياة سدره والله الي يمس الي احبهم ب ريشه اموتو بنت عمك حيه وخلي عمك يعرفها زين واني رايحه لبيت اذا عمك راح يتكاون خلي يجي علينا مع السلامه
لؤي ابتسم وهيا طلعت ضايجه راح هو وكف بل باب الى حد ماوصلت بيتهم ابو عبدالله رجع وعرف بلي صار وجا يتكاون مع ابو جنات وعمي حاول يهدي الامر وحجى مع ابو عبدالله كومه يالا هدأ وطلع من البيت ضايج ويحجي ع ابو جناات
جنات اتكول ابويا طلب مني اعتذر منها وكتلو راح اعتذر بس اذا اعتذرت عمرك كلو ماراح اتشوفني اروح لكلية وابويا مستعد ينطي نص عمرو ع مود اكمل اتكول سكت وماكال شي لان يعرف الحق معايا ....
هليوم اني دخلت ب شهري ادحك ع بطني اشكبرها صايره مشاء الله علي يوميا يحجي مع بنتي الكل يسالني شنو راح اتسميها ماكلت اسمها حتى علي جان يلكي اسماء وجنت ماقبل
سدره دكولي اش راح اتسمين
اممم حبيبي اريد اسمها ماريه
ايي شكو بيها طلعتي اتحبين امي اكثر مني
هههه اموت ع عمتي واريد بنتي تطلع مثلها طيبه وحنونه
هههه فدوه حبيبي تدللين ماريه ماريه هاي هيا
صار 20 يوم من التاسع واني الى حد الان ماجبت
واكفه بل حديقه والجوى حار نار لؤي واكف وجنات وهدير
اندك الباب راح ابن حمودي يفتح الباب دكتور فؤاد بل باب لؤي كبل كالو اتفضل فؤاد لؤي ميانه قويه مع فؤاد ومرات بل كلية هو دا يمشي يصيحلو ول فؤاد وهذاك يكوم ينطز يكول ع اقل احترمني كدام الطلاب يكول بس اصيحلك دكتور اخذ اختي منك وهذاك خطيه يسكت
فات جوى سلم وكال لهدير اتحضري حتى نرجع
لؤي؛: ها عكره شنو اتريد
فؤاد؛؛ ول دحك انت ابد ماتصير مثل صهيب ولامثل البنات اشكد يحترموني بس انتي فاضحني اكو احد يكول لدكتور مالو عكره
لؤي؛:محد كالك اخذ اختي
الكل؛: ههههههه
لؤي؛؛ تذكر من جنت ماتخليني اكعد يم جنات جنت اكول عليك عكره مايفيد معاك جنت غاثني حييل فؤاد كن دمرتني عبالك ماكو بل قاعه غير اني وجنات
فؤاد ؛؛ ههههه ول لؤي اذكرك مر اش سويت لجنات
لؤي؛؛ ذكرني
فؤاد؛؛ اني كاعد اشرح ولمحتك تكرص جنات
لؤي؛:ههههه مو دا اريد امسك ايدها وهيا ماقبلت وكرصتها
الكل؛؛ هههههه
فؤاد ؛؛ واتريد ماكومك من يمها ياعكره انت مو اني يالا عيني هدير اتحضري
كلنا حجينا معا ماخلينا يروح كلنا بعد العشه روحو
جيت ع لؤي كتلو
لولا حباب
كولي اش عندج مصلحه
غير انت اخويا واحبك
شوفي جنو شلون راح تطلب من عندي مو بلاش هذا الكلام
بس طلب بسيط
اي شنو كولي
هليوم عيد ميلاد علي واريد تاخذو واتلهي بين مانسوي من اتصل بيك تجيبو وتجي
لؤي؛؛؛ شفتي اش كلتج
جنات؛؛ امشي روحي مالكيتي غير حبيبي
سدره؛؛ عابت منج ومن حبيبج قابل اش طلبنا من عندو ترى هذاك اليوم جان يكول بس ادخل الجنه ماريد جنات هناك اكو حوريه احلى من جناات
جنات برطمت
صحيح لؤي
لؤي؛: لاوالله انتي جناتي الى بل دنيا وبل اخره حقيره سدره
ولحك خلفي لؤي ويسحبني من شعري واني اركض واني بطني علي يسميني بطه
سدره؛؛ اخخخ توبه والله وجعتني
لؤي؛: ليش اتجذبين
سدره؛؛ ليش ماتقبل اتساعدني
لؤي:؛ اتسويلي قالب كيك صغير وحدي الي ولجناتي
سدره؛:؛ موافقه والله راح اكول لحمودي يجيب
لؤي؛: بكيفج روحي حبي جنات حضرلي ملابس
جنات؛: ماشي عيني
راحو جناات اتحضر ملابس ل لؤي وهو راح كال لعلي اريد نطلع اني وانت
جانت ساعه خمس العصر او اكثر اشويه لؤي بدل وطلع واخذ علي معا محمد راح ع ابو الكيك يجيب كيك وببسي وجانو ب يومها البنات رغيد وعبير هم موجودين لان همه كلهم ينجمعون سوى واتصلت ب ميس نزلت معانا
وخابرت اهل اماني وكتلهم يجون وصهيب راح يجي ياخذهم وافقو واجوي ابو اماني وامها واختها وهيا
وكعدنا اني والبنات لفينا جدر دولمه وحلويات وبعض منهم اشترينا اشترينا دجاج شوي وكباب وحمودي وصهيب وفؤاد كعدو يزينون البيت
جنت قبلها امحضره هديه لعلي قاط وساعه وامخليتو ب صندوك جبير وكن غلفتو وامخليتو ب غرفه البنات حتى لايشوفو
عمتي كالت اندز ع بيت اهل عبدالله اني ضجت بس عمي هم ماقبل كال عيب مايصير وكام دز عليهم بس ماقبلو يجون بس جا عبدالرحمن ومرتو
خوش ناس مابيهم قصره
جبنا ميز من بيت اهل جنات جبير والميز مالنا وخلينا علي الاكل والحلويات والكيك كله مره وحده واتصلت ب لؤي كال جينا بل طريق كلنا منجمعين لبست كلابيه وتوربون ونزلت خصل شعري اشويه ومكياج يخبل وذهبي واني وبطني فؤاد واكف يصور ب كامرتي وصهيب ركض طفى الجوزه من جوى وكف يمها لؤي رمش يعني وصلنا سمعت صوت الباب انفتح واسمع علي يكول ليش ماكو كهرباء
اول من وصلو الهول صهيب شغل الجوزه وكلنا كمنا انغني هبي بير ذي تو يو ابويا وابو جنات وعمو قصي وابو اماني كاعدين ب صفحه ويضحكون علينا
علي دحك ويبتسم اتقربت علي وبستو من خدو
كل سنه وانت سالم يااغلى شي صار بحياتي
كل سنه وربي لايحرمني منج وحبنا يكبر ويكبر سدورتي انتي نعمه جبيره من رب العالمين شنو اسوي حتى اوفي ربي
حضني وباسني كدام الكل
صهيب؛:احم احم نحنا هنا
ابتعدت عن علي خجلانه سلمو الكل علي ويهنونو ب عيد ميلاده راح سلم ع بابا وعمي وابو جنات وابواماني
ماقبل يقطع الكيكه اذا ماني معا قطعنا الكيكه وطعمتو ورجع طعمني ونضحك واحد يدحك ع الثاني ب حب ولفه
اتعشينا كلنا وفتحو الموضوع مع ابو اماني يقبل يسون خطوبه لان جان مايقبل يكول ع ماتخرج من حجو معا وافقو وانتفقو بس اكوم بل سلامه اني يسون الخطوبه
علي ؛: ب مناسبه هاي المه الحلوه قررنا انسمي بنتنا الي بل طريق وطبعا الاسم سدره اختارتوو ع اسم وحده الها فضل جبير بحياتنا واكيد زوجه خالي هم ماقصرت بس سدره رادت هذا الاسم كولي عيني شنو هو الاسم
سدره!؛ راح انسميها ماريه ع اسم عمتي الغاليه وحبيبتي
كلها كالت مبروك وان شاء الله اتكومين بل سلامه
ام علي؛؛ بس اسمي قديم اني ماريد احد يسمي هذا الاسم
علي؛؛لا بلعكس حلو هذا الاسم
سدره؛ يوم فدوه وافقي والله اني حييل احبج واحب اسمج
كلنا حجينا مع عمتي واخر شي كالت مبروك
خلصت الحفله وكل واحد بداء ينسحب صهيب واماني ضلو عدنا ماراحو وطلبنا من ابو جنات يخلي جنات ماكال شي
كلهم راحو حتى البنات اني اخذت علي انطي هديتو
اول من دخلنا لغرفه نزل ع بطني باسها وحضني
اشكرج حبيبتي ع كلشي قدمتي الي
لو اقدملك روحي هم قليل ياعمري انت حبيبي هاي هديتك
انتي هديتي ابويا
فتح الهديه وحييل عجبتو باسني واتشكرني بدلت وطلعت اساعد البنات لكيت اماني وميس يتشغلون
ها بنات جيت اساعدكم
اماني؛؛ بعد وكت خلصنا اخذتي رجلج ورحتي وهذيجه العوبه هم اخذت حبيبها وراحت فوك
سدره؛: اشتغلي امونه اخدمج ب يوم زواجج
ميس؛؛ واني ب شنو تخدمين
سدره؛: اخدمج من تجيبين البنت
ميس:؛: ماريد بعد هاي اخر ولد جبتو بعد صفاء ماجيب
نزلت جنات من فوك واتعدل ب شالها كالت لعلي
جنات؛: عفيه علاوي بس وصلني اروح اجيبلي ملابس واجي لؤي مايقبل يجي
علي؛: ماشي ياباتعالي انتظرج يم الباب
طلعو جنات وعلي واني واماني نصب عليها انوخر الشال انشوف لؤي اش امسوي بيها خارطه ميس طلعت فوك واني واماني دخلنا لغرفتي هستوي فتحت باب الغرفه وصار انفجار هز البيت هز اماني حضنتي كبل
سدره راح انموت
ع علي جنات علي وجنات ماتو
صرت اصيح مثل المخبله واركض بره صرت مجنونه طلعت اركض بل كراج والدنيا اكلتها الطوز
صهيب يسحبني ويكول شظايا فوتي الخاطر الله ولؤي يصيح جنات علي وينكم الخاطر الله جاوبوني وعمتي تضرب وع وجها واتصيح وصهيب اتخبل مايعرف وين يروح ويدخل منو العبوة طكت ب باب حوشنا وعلي جان واكف بل باب يعني ماتو يعني راحو خسرت اغلى اثنين ع كلبي.......يتبع
السادس عشر من هنا
