رواية علي الهامش الفصل الثالث عشر 13 بقلم جمانه السعيدي
اسامه....قررت هلمره ماافكر بااي احد افكر بنفسي وبس
اتصلت على امي ماترد عليه
خوش لكت ورقه تضغط بيها عليه هيه متأكده اني احبها ومااستغني عنها ومستحيل اقبل بزعلها
بس اني هلمره قررت افاجئها
راح تشوف اسامه ثاني ماتعرفه ابد
هلمره راح تتغير الأدوار وراح اني الي ازعل ومااصالح اي احد على حساب حياتي
ثاني يوم جمعه كعدت سبحت تريكت طلعت للسوك
اشتريت قفاله جدد الكل الأبواب مو بس الباب الخارجي
طبعا احسان نايم ولا على باله
بديت اغير بلاقفال واحد واحد
بعدين حضرت الغده تغديت اتصلت عليه وجدان تطمن
وجدان...شلون صرت اليوم
اسامه...الحمد لله احس هواي من امس
وجدان...الحمد لله والشكر بقيت بقلق عليك
اسامه....البارحه شويه وانجلط بس رب العالمين رحم حالي
وجدان....الحمد لله على سلامتك
وجدان....شراح تصرف
اسامه....احجيلج بعدين من اكمل كلشي
وجدان...تمام
جمانه السعيدي
طلعت للشغل المغرب اترخصت منهم ورجعت للبيت
كعد احسان المغرب من النوم
نزل جوه ماكو عشى امي ماموجوده واني جبت عشى وياي من بره
ماحجه وياي اي شي سبح وبدل وطلع
بس طلع اني قفلت الباب
حتى من يرجع مايكدر يدخل للبيت
عندي أوراق ودفاتر كعدت اصححهن بعدين
اتصلت وجدان
وجدان...رجعت امك
اسامه...لا مارجعت جاي تضغط عليه حتى اقبل
اعوف البيت
وجدان...شلون راح تخليها تبقى بيت خالتك
اسامه....بكيفها اذا تريد ترجع هله بيها
وجدان....الله يساعدك اصعب شي واحد يعيش حرب وياا اهله
اسامه.. هاي الحرب اني متعود عليها من زمان
بس جنت أكابر واتحمل علمود امي بس هسه كافي
لهنا وبس هلمره اريد اغير كلبي بحجاره
بعد مااخلي المشاعر تتحكم بيه مادام امي ماحسبت حساب المشاعري ولا فكرت بيه اني راح افكر بنفسي وبس
واني جاي احجي وياها دك عليه حمودي ابن خالتي
اسامه...اجتني مكالمه
وجدان...اخذ راحتك
عرفت هاي حركه من امي تريد تعرف اني شقررت
وليش سكتت هيج وماارحت وراها اصالحها
حتى تكعد تتشرط عليه علمود ترجع وياي
اسامه....اهلا وسهلا هلو حمودي
حمودي...هلو بيك شلونك
اسامه...الحمد لله
حمودي.... وحدك بلبيت تعشيت لا
اسامه...اي تعشيت جبت اكل جاهز
حمودي...وخالتي
اسامه....شبيها خالتك
حمودي...مراح تجي تصالحها
اسامه...اني مامزعلها حتى اصااحها
حمودي....تبقى امك ولاتنسى رضا الله من رضا الوالدين
اسامه....اني ماقصرت وياها بشي طول عمري عايش خادم الها اذا تريد ترجع خل ترجع هله بيها
بس كللها اسامه غير مفاتيح البيت إذا تريد ترجع تتصل عليه انتظرها افتح الباب واذا ماتريد ترجع براحتها اني مااضغط عليها
حمودي...الهلدرجه وصلت غيرت مفاتيح البيت
اسامه... اي غيرت كل النفاتيح هذا البيت بعد محد يسكن بي بس الي اني اقبل يسكن وياي
حمودي....واحسان
اسامه....شبي احسان صدره اعرض مني يشوفله بيت ويأجر اني شنو ابتليت بي
حمودي...مبين الزعل هلمره صعب
اسامه.....لا مو صعب بس كلشي لازم يرجع المكانه
حمودي...براحتك
اسامه...سديت التليفون ونمت
الساعه ٣ونص سمعت الباب الخارجي يندك
اكيد احسان رجع بس اني غيرت المفتاح حتى بعد لا يدخل للبيت
بقا يدك بلباب اكثر من نص ساعه
الدنيا ليل وهدوء والصوت جان حيل واضح
تعب من الدك وسكت
كملت نومتي كعدت الصبح صليت وسبحت وتريكت وطلعت بس فتحت الباب لكيته كاعد بلشارع بصف الباب ونايم
عفته على وضعه قفلت الباب وطلعت خلي يحس ولو مره وحده بلمسؤلبه
الساعه عشره اتصل عليه حمودي ابن خالتي
حمودي...صباح الخير
اسامه...صباح الخير
حمودي....احسان عدنا ويكول اريد ادخل للبيت اغير ملابسي
والمفتاح مايفتح
اسامه...اي مو كتلك اني غيرت المفتاح
حمودي...وهسه احسان وين يروح
اسامه...واني شنو علاقتي وين مايريد يروح خل يروح
حمودي....ترا هذا اخوك اسامه
اسامه...اني ماعندي اخوان كافي تحملته صار ٢٥ سنه
واني شايل مسؤليته
بعد مااكدر اتحمل اكثر
جمانه السعيدي
اسامه...اسمع امي تحجي بعصبيه
امي...... اي بعد مايريدنا
متغير شايفله شوفه شمر اخو بلشارع
الله لايوفقه جهولنا كل واحد بيت
اسامه...مع السلامه
طبعا امي تحجي هيج لان هلمره خطتها فشلت
واسامه ماراح وراها يصالحها ولا عاف البيت الإحسان
اكيد مقهوره ومصدومه مني
قبل لا ينتهي الدوام بدرس واحد دخل عليه احسان للاداره
اسامه...هااا خير
احسان....انت شايف نفسك شلون تغير مفاتيح البيت
اسامه...بيتي واني حر بي
احسان...شنو بيتك هذا بيتنا كلنا
اسامه....لا بيتي وحدي اني الي اخذت قرض من راتبي اشتريت الكاع واني الي بنيته طابوكه طابوكه
انت جنت ملتهي تفتر على الملاهي بوقتها
روح ااجر بيت ورجع زوجتك واشتغل حالك حال
الزلم ليش مخلص عمرك نوم وسهر بلملاهي
احسان...هذا اخر كلام عندك
اسامه....اي هذا اخر كلام وماارجع بكلامي ابد
طلع احسان عصبي الساحة المدرسه وكام يصيح ياناس ياعالم ياااستاذه بإطلاق المدرسه وينكم
تعالو شوفو حقيقة الاستاذ الفاضل
الي طرد امه المريضه واخو وزوجته وابنه بلشارع
طردهم من بيتهم
خلاهم طلعو وغير مفاتيح البيت
اسامه...طلعو كل الاستاذ يباوعون علي وهو مستمر يحجي عليه ويهوس
المدير....اطلع برا شنو هذا الحجي
احسان.. مااطلع اله تعرفون حقيقته مسوي نفسه ملاك
وهو احقر واحد شافته عيوني
اسامه...خلصت كلامك يله اطلع كلامك مايهز شعره مني
لو مو تصيح وتحجي انت منو مايعرفك وواحد.سكير وماعندك عقل
اني بعد مالي شغل بيك ولا اشيل مسؤليتك
روح اشتغل وعيش عائلتك
كل هذا الكلام ماله داعي
بقا يهوس عليه بالساحه واستعراض ماله مثيل كدام كادر المدرسه والطلاب الي يسمعه يكول ولله مسكين ومضلوم
بعدين العامل طلعه برا المدرسه
المدير...شبي هذا اخوك تخبل
اسامه...لا ما تخبل بس وعا على نفسه وشاف الحمل ثكيل علي ومايكدرله قرر يجي يهوس عليه
بلكت اتفضل وارجع اشيل الحمل عنه
كل المدرسين سئلوني شكوووو كتلهم ماكو شي مشاكل عائليه
جمانه السعيدي
رجعت للبيت سويت اكل بسيط تغديت وطلعت للشغل
بس وصلت اتصل عليه حمودي كال خالتي اتخربطت
واخذناها للمستشفى
اسامه...اي هسه اجي
اترخصت من جماعتي وطلعت للمستشفى
لكيتها بالطوارئ وبيدها كانونه ومعلكيلها محلول
وياها احسان وحمودي وخالتي بس باوعت بلغرفه
طلعت كبل للدكتور
سئلت الدكتور عن حالتها
كال ماكو شي بس ضغطها صاعد
دخلت عليها سلمت بس خالتي وحمودي ردو السلام
امي واحسان ماردو السلام
اسامه...شلونج يمه
دارت وجها وماردت عليه
اسامه....اني سئلت الدكتور كال ماكو شي الضغط صاعد
خالتي...اكيد يصعد ضغطها من القهر
اسامه....سلامتها الف سلامه تحتاجين شي
امي...كلشي مااريد منك اني ماعندي ولد اسمه اسامه
اسامه...يا ولد يمه عمري ٣٨ الي مثلي هسه يفكر يزوج ابنه
بس شسوي الضروف جانت صعبه عليه
اترخص منكم اذا احتاجيتو شي اتصلو عليه
خالتي...ياا تعوف امك وتروح
اسامه....انتم ماشاء الله كلكم وياها وما مقصرين منها
راسا امي كامت تبجي
اسامه...ليش تبجين ترا مابيج شي شوية ضغط
وهسه تاخذين علاج وتصيرين زينه
امي...شلون اطاك كلبك تشمر اخوك بلشارع
اسامه.. اخوي موزغير رجال ماشاء الله يكدر يعتمد على نفسه
اني تعبت من هاي المسؤليه اريد ازوج واستقر
اعتقد ماقصرت ويا بشي
احسان....انت شمسويلي اني عايش براتب ابوي
لا خلفله عليك
اسامه...صح اني كلشي ماسويت علمودك
انت الي جنت شايل عيشتك وعيشة زوجتك وابنك
اني كلشي ما سويت علمودك
انت انسان مكافح عايش بكد ذراعك
بعد شتريد مني كمل بطولتك وأجر بيت وأسكن انت
وزوجتك
امي...اذا يأجر بيت انت تدفع الايجار هو مايكدر
يدفع الايجار والعيشه
جمانه السعيدي
اسامه...ربع شايفه الربع الي مايقبل بي المجدي
ماادفع اني اصرف علي صار خمسه وعشرين سنه وهسه يكول انت مامسويلي شي
اني عايش براتب ابوي ليش ادفعله الايجار مثلا
هو زغير معوق مايدبر
هاي اني مدرس واشتغل شغل ثاني ورا الدوام
علمود العيشه
بعمري ما نايم الضهر ولا مرتاح من المدرسه اطلع للشغل
وهو ينام من الصبح لليل
وبعدين يطلع للملاهي يسهر ويصرف فلوسه
حتى حفاضة ابنه عليه
اني بعد ربع ماادفع الاي واحد تعبي اني أولى بي
وخل يكون بعلمكم راح ازوج قريبا
اسامه.....يمه سلامتج الف سلامه اذا تردين ترجعين للبيت
اهلا وسهلا ارجعي باي وقت تحبين
واني راح اشيلج فوك راسي وادللج
بس احسان وزوجته مالهم مكان بيتي
مع السلامه حمودي طمني على امي
امي.. انت منيلك ام امك الي شمرته بلشارع
روح لا خلفله عليك كلبي ماراضي عليك
بعد لا تشوفني ولا اشوفك اني واحسان راح نااجر بيت ونسكت وحدنا ما محتاجينك
اسامه...ولله افرحلكم من كل كلبي
بعدها بيومين اتصل عليه حمودي
اسامه...هلو حمد شلون امي
حمودي....زينه الحمد لله خالتي دزتلك رساله بأيدي
تكول لكينا بيت خل اسامه يدفعلنا مال ست اشهر مقدم
وبعدين احنا ندفع الباقي
اسامه...اعتذرلي منها اني مقبل على زواج وماعندي فلوس تكفي ادفعلهم اجار
اريد ألم نفسي واستقر
خل يدفعون الراتب ايجار واحسان يشتغل ويدبر العيشه
كللهم بنك اسامه عزل بعد ماكو فلوس
طبعا اني بهذا التصرف خليتهم واحد يردم واحد
لاعبير نجحت خطتها لان هسه هيه مهدده هيه واهلها ينشمرون بلشارع
وحطتها تاخذ بيتي فشلت
ولا خطة احسان نجحت من هوس عليه بلمدرسه حتى يحرجني وارجعه للبيت
ولا خطة امي نجحت من سوت نفسها مريضه حتى اتأثر عليه وارجعها للبيت هيه واحسان وعبير
كل خططهم فشلت حقهم مايعرفون اسامه الجديد
مو كتلكم راح افاجئهم
او اكثر من هيج مفاجئات
انتظرونا
