رواية ليتني واجهتك الفصل الثالث عشر 13 بقلم مريم الطائي
أنا أوشك على الجنون من فرط تفكيري بك.
صلينا الفجر ورحنا اتمددنا وعلي حضني ونمنا
كعدت الصبح لكيت علي كاعد يصفن بوجهي وامخلي ايدو جوات راسو ابتسمت بوجهو
صباح الخير عروستي
صباح النور يروحي من يمته كاعد
قبل نص ساعه حبيبي
وليش ماكعدتني
ماجا من كلبي دا ادحك ع هذا وجه الحلو
باسني من راسي وسحبني بحضنو
سدورتي اعشقج
وسدورتك اتموت عليك
صارلي سبع سنوات احلم بهذا اليوم والحمدالله اتحقق بس شلعتي كلبي هههه
هههه اخاف والله
ههههههه كومي يالا بدلي حتي نتريك ونطلع لبيت
وشال المخده وضربني بيها ويكصرني ويعضني ويضحكني اخر شي انهزمت من عندو ورحت لحمام غسلت وطلعت لكيت علي يبدل كبل درت وجهي
علي:هههه اشو دايره وجهج منو سبحني الفجر ابويا
سدره؛:علي حباب
علي؛:لا حباب ولا دباب ههه
اتقرب عليه وحضني
مادام سبحنا سوى ماضل مستحى بينا ماريدج تستحين مني
بس بل بدايه انطيني وقت اتعلم
تدللين كلبي يالا بدلي
بس دير وجهك
ههههه اش كلنا هسا
يالا راح اكمل واخلي مخده ع وجهي
ادحك بعدين اروح لحمام ابدل
والله ماتروحين مادحك يابا بدلي
كمل ملابسو وراح كعد ع التخت وخلى مخده ع وجهو وكل اشويه يضحك عليه يكول راح ادحك واني اصيح لا حباب لادحك
طر المخده ولحكني اني اركض هو يركض ورايا صعدت ع التخت وجا شالني شيل من رجليه ومددني ع التخت
كام يدقدقني
ليش تنهزمين ها ليش
ههههه علي ع علي متت غصيت
ههههه تنهزمين بعد كولي توبه
هههه توبه والله مانهزم
ماكو مستحه بعد
اي اي هههههه يمه كلبي راح
ههههه حياتي
باسني من شفتي وبادرتو ونزل ع ركبتي وباسني منها عرفت شنو يريدد
علي علي
شبيج
ابو بريص بل زوايه دحك
علي التفت ماكو شي واني انهزمت من جواتو
ههههه ماكو شي
هههه تضحكين عليه قزومه
هههه اريد ابدل حتى انروح
ههه يالا بدلي عيني
بدلت وكملت جنت اخلي مكياج وعلي يدحك عليه وكلشويه يدزلي بوسه بل هوى لبست حجابي ومسكني من ايدي وطلعنا بل مطعم جوى طلبنا ريوك واتريكنا وكملنا
حبي انتظريني هينا بس اخذ الجنطه وارجع عليج ناخذ صور بل حديقه
ماشي عيني
نزل الجنطه وسلم المفتاح وراح اخذهم ورجع عليه مسكت ايدو وطلعنا نمشي بل حديقه وناخذ صور اني وهو كملنا وطلعنا بل سياره شغل المسجل وعلى صوتو
جان الطريقه كلو يغني وماسك ايدي من وصلنا فرعهم اصدقائو الي بل منطقه كلها كامت اتصيح وصل العريس ويهلون بيهم وعلي يدك هورن ويركص معاهم وصلنا بيت عمتي لؤي وحمودي وعمر ومختار وعبدالله واخوان عبدالله ويلاد عمات علي لؤي ماسك الدنبك يدك وهذوله يهوسون نزلنا من السياره وكامو يهوسون ويركصون ماعد عمر ومختار واكفين ب صفحه بس كلت السلام عليكم ودخلت نحنا عدنا عيب انبوس الرجال بل شارع
بس دخلت بل كراج وعمر ومختار دخلو وبوستهم وحضنتهم وعمتي وامي والبنات طلعو يهلهلون بل كراج
بوسوني وباركولنا علي بعدو واكف بره
ام علي؛: فوتي امي سلمي ع عمج والزلم جوى
سدره؛: اي يوم صار
دخلت لاستقبال وسلمت ازواج عمات علي كاعدين وعمي وبابا وابو عبدالله سلمت عليهم وطلعت عمي صاح حضرو الذبيحه دخلت لغرفتي حتى ابدل جت جنات عليه تحضن بيا
الف الف مبروك ان شاء الله والله فرحتلج كومه
حياتي ان شاء الله يوم الي نفرح بيج انتي وهذاك المخبل
اوف ان شاء الله ها كوليلي شلونو علي معاج
ولي قبانو يخبل
رومانسي
اي يبوووو وحباب معايا
هههه حياتي ربي يحفظكم ان شاء الله يالا بدلي ع مود عمي امحضرلكم الذبيحه
اي حياتي هسا اكمل واجي
طلعت جنات واني بدلت لبست كلابيه بيضه وعدلت شعري ومكياجي امي جت عليه هيا واسماء
ها امي سدوره كملتي
اي ماما كملت
اسماء؛: الله يعلم اش سويتي ب علي البارحه
خجلت ماما واكفه استحي كدامها
سدره؛: اسماااء
اسماء:؛دحقي ماما اغشعي خدودها اشون احمغو
ام سدره؛: قبانها بنتي الي تستحي لاتخجليها وركي (ولي او ولج ) سدره ماما وين نيشانكي عمتك ماقبلت تغشعو اتقول حتى انا حتي من ميس ماخذتونو بس لازم اعطيها هو عيب مايصيغ
سدره؛: اي
رحت ع الجنطه طلعتو وانطيتو لماما وماما اخذتو وراحت واني واسماء طلعنا وراها شفت راحت ع عمتي كالتها
ام سدره؛؛ ام حمودي هذا نيشان سدره
ام علي؛؛ يمعوده ام عمر صحيح تحجين شيلي اني ماحب هاي السوالف
ام سدره؛؛ قلتو ع مود العيب واخاف اتضوجين
ام علي ؛: لا والله ابد
عمات علي كامو يهلهلون ويبوسون بيا يمه متت خجل
اهل جنات هم اجوي جان عمي عازمهم
هدير ؛: يالا سدره تعالي اطلعي راح يذبحون
سدره؛؛ اي هدوره جيت
خليت الشال ع راسي وطلعت الويلاد كلهم واكفين سلمو علي واخوان جنات هم سلمو وباركلو عبدالله اتقدم عليه
عبدالله ؛: ع خير زواجج سدره
سدره؛: خير الي يصيبك يوم الي نفرح بيك
عبدالله؛: بعد وكت بعيد
جان علي يجي ضربو ع كتفو
علي؛: ليش بعد وكت يمعود اني وانت نفس العمر يالا اتزوج
عبدالله؛: ان شاء الله
عبدالله جانت نظراتو الي مليانه قهر وحزن اكو جوات عيونو كلها اسود صاير من الشرب والجكاير خله ايدو ع كتف علي وكالو
دير بالك ع سدره هاي اختي
مامصدكه عبدالله كال هيجي جريت نفس وابتسمت يعني عبدالله بعد مايفكر بيا اوف ياعبدالله من زمان اعرف انت مايصير ادحك ع حصة غيرك
علي؛: الله يعزك عبود الورده اخليها بعيوني ها سدورتي الغاليه
عبدالله ؛: الله يهنيكم اخويا
علي؛: غالي وغالي حبيبي الحلو
فرحت حييل لان عبود حجى هيجي كلت اكيد عقل عمي ذبح وعمتي شالت دم ودا اتخلي ع كصتي
لايوم اش دا اتسوين
تعالي ع مود العين
لا يوم الله يخليج
تعالي دا اشوف
مسكتني وخلت دم ع كصتي ويع اشهل تقاليد
لؤي؛: والله من طلعنا لهند شفنا نسوانهم هيجي ها سدره الهنديه
سدره ههههعه
كامو الويلاد يكصكصون بل لحم ويسون تكه ويشون والباقي سوينا طبخات و وزعنا
الويلاد همه سوو الغده والبنات بس حضرو المقبلات ميس من شافت يذبحون كامت بس اتذب من راسها ودوخ
سدره؛: شبيج ميس
ميس؛؛ ماعرف سدره راح اموت نفسي بس تلعب
سدره؛: اخاف حامل ماخذه حذرج
ميس؛؛ لا صار شهرين فكيت المانع يمكن حامل
سدره؛: خلي اندز احد ع صيدليه يجيب فحص حمل
ميس؛: ها محمد ملتهي مايروح منو ادز
سدره؛: انكول لجنات اتكول ل لؤي
ميس؛؛اوكي
جت عمتي كالو ميس داخت جت تركض خطيه
ام علي؛: شبيج امي ميوسه
ميس؛: ماعرف يوم دايخه
ام علي؛: تعالي عوفي الشغل تعالي اتمددي ب غرفتي ارتاحي
ميس؛؛ مو خطيه البنات وحدهم
ام علي؛؛ البنات كثار تعالي اكعدي
عمتي سحبت ميس من ايدها وكعدتها واني رحت كلت لجنات وجنو كالت اي بعيني هسا اكولو
واكفه يم البنات بل مطبخ ولؤي جا جنات كالتو
حبيبي بس روحي اشتري فحص حمل
ليش راح اصير بابا
البنات كلهم كامو يضحكون جنات ضربتو ع ايدو
يعني منين احبل مثله
ليش اني مابعينج جنو
يبووو اصلا انت عيوني كلها اقصد مامتزوجين
استغفر الله البنات واكفين جان حجيت كلمه بس اطلعها بيج من نزوج الله كريم
جنات كالت بمياعه
تدلل يروحي
لؤي خلى اصبعتو بحلكو مثل الواحد من كركز ع شخص يحبو وعض اصبعته
اخخخ يمعود عمي ابو جنات خلينا نزوج رحمه لدينك
الكل:؛ههههههه
رغيد؛: عمه بعينك لؤي شبيك اتصيح هيجي فضحتنا
لؤي؛: مو هاي بنت استغفرالله بنت جيرانه كاعده تميع اريد اتزوج
عبير!؛ هههههه فصحتنا ول مكرود
ابو جنات واكف بل كراج لؤي طلع علي كالو كدام الكل ماكو احد غريب بينا بس القصاب ويصير جيرانه
لؤي؛: اكولك عمي ليش ماتنطيني جنات ترى حرام عليك
ابو جنات يموت ع لؤي حييل يحبو وهو ماعندو بس هاي البنت الوحيده
ابو جنات ؛: ههههه شبيك هيجي جاي اتهد عليه
الكل؛:ههههههه
علي؛: فضحنا يمعود اصبر ع ماتتخرجون
لؤي؛: خليني ساكت ابو حسوني انت اخذت الي اتحبها واني كاعد انتظر لازم
اخو جنات؛: اكولك لؤي راح اشيل هذا الكرون مال طلي واخلي ع راسي ب سببك طوختها ترى
الكل؛:ههههههه
لؤي؛: انجب انت خلي ابوك ينطيني جنات لا اذبح روحي هسا
ابو جنات؛: هههههه تدلل بس من تتخرجون
لؤي؛: موت ياكديش ع مايطلع الحشيش
الكل؛:ههههههه
ابو علي؛: اصبر ابني هيا كم سنه وتخلص وتزوجون ان شاء الله
لؤي كام يصيح لجنات
لؤي؛: ول جناتي والله طلعلي شيب من وراج ورا ابوج
وهاي نحنا كلنا ميتين من الضحك ع لؤي وابو جنات يضحك ع لؤي اخر شي سحب لؤي وباسو
حبيبي لؤي انت الله يرضى عنك فخور انطيت بنتي لواحد مثلك
سختجي مو
هههههههه ابو ضحكه الحلوه
الله يخليك النا عمو
راح لؤي اشترى فحص حمل ورجع وجابتو جنات وجت انطينا لميس راحت دخلت لحمام وبعد اشويه طلعت
ها بشري
ميس؛: ايجابي حامل
جنات؛: كلللللوووووش
ميس؛: عمه بعينج قابل اول واحد
جنات؛: مبروك يروحي فرحتلج
سدره؛؛ مبروك حبيبتي
ميس؛: الله يبارك بيكم يارب
عمتي صيحت شنو هاي الهلاهل
ميس؛؛ يوم راح يصير عندي بنت ان شاء الله
عمتي فرحت كامت اتهلهل والنسوان يباركون لميس خطيه صيحت محمد وبشرتو وكام يضحك همه يريدون بنت لهذا فرحو حييل ان شاء الله يرزقهم
كملو الغده وعمي كال صبو مكان واحد الحلو من يصير هيجي جمعه الشباب مايخلون البنات يخلون الاكل ع سفره همه فقط يحضرون بل مطبخ والشباب يشلون الاكل ويرتبون السفره يكولون ماحلو صح كلنا اقارب بس عيب بنت ادنك شي حلكها يبين بابا يكول جدكم جان هيجي طبعو وعلمنا وعمتي وبابا علمو الكل ع هاي الطبيعه
خلينا السفره مكان واحد زلم ونسوان كلنا كعدنا سويه لؤي اخذ الكاميره مالتي ويصور وكل اشويه يصور ويصيحلها جناتي وهيا تبتسم ودحك علي
كعدنا كلنا ع الاكل اكلنا وخلصنا راحو البنات لمطبخ والويلاد شالو المواعين لمطبخ وجابو الجاي يوزعون
كلنا كاعدين ابو عبدالله كام يحجي الكل سكت
ابو عبدالله؛: اخويا ابو حمودي مادام الكل مجتمع اريد اطلب منك طلب كدام الحاضرين واتمني ماتخجلني
ابو علي؛: ماعاش الي يخجلك ابو عبدالله بعيوني كول
ابو عبدالله :؛ اني اريد بنتك هدير لابني عبدالله ع سنه الله ورسوله
الكل واحد ضل يصفن بوجه الثاني هدير وين وعبدالله وين هدير مثقفه وحلوه واخلاق اشجاب حتى جاب
عمي سكت ماكال شي هدير جانت تغسل مواعين بل مطبخ وماسمعت
ابو عبدالله؛: اشوفك صفنت ابو حمودي
ابو علي؛؛ والله يابو عبود ماعرف شنو اكولك بس اني ماجبر بنت ع زواج اشاور بنتي ويصير خير
ابو عبدالله؛؛ ماجنت متوقعها منك ابو حمودي اتوقعت راح اتكول خلي عبدالله يكبعها وياخذها
ابوعلي؛: اني ماغلطت ب شي اخويا اني ماجبر بنت ع زواج الزواج نفسياات وبلكي هيا مانفسها ب ابن عمها اكولها الي تزوجينو كلامي صح لو غلط ياجماعه
بابا وابو جنات ونصهم. كالو صحيح كلامكم وحده من عمات علي كالت
عمة علي ؛: لا غلطان قصي بلحك اتكولو كبعها واخذها عبدالله ابنك وهدير بنتك شنو تاخذ رايها
وكامو يحجون وارتفعت الاصوات بيهم حلو بيهم علي واخوتو مايحجون ابد حتى ابوهم يسمحلهم صوتهم صار عالي عمي وابو عبدالله يصيح وعمة علي صارت مع ابو عبدالله عبدالله واكف بصفحه وقابض ايدو احسو ماراضي ع هذا الشي ع صوتهم جوي البنات يركضون من المطبخ
جنات ؛؛ وي شكو سدره
سدره؛؛ ابو عبدالله خطب هدير لعبدالله وعمي كال اخذ رايها واتعصب
هدير ؛: شنووو
هدير ضلت مستغربه
وكامت ترجف ادحك ع ايدها ترجف وهذوله يصيحون اخر شي عمي كال
هسا اجيبها اذبحها كدامك وماتغلى عليك بس اني ماجبرها ع زواج ياخي الزواج نفسيه والشخص يكعد بينو وبين نفسو يفكر خمه كوه
ابو سدره؛: يابو عبدالله ترى كلام قصي مابي شي انت ليش متعصب
ابو عبدالله؛: اني ما متعصب انطى بناتو لغريب واخذ لويلاد من الغربه ومااخذ من اقارب الغريب منو حتى ياخذ بناتو منهم
ابويا وابو جنات اتعصبو لان كلام ابو عبد الله مو منطقي وحييل عيب كدام ازواج عبير ورغيد جانو كاعدين وكدام اهلي واهل جنات
ابو سدره؛: ابو عبدالله منو الغريب اني لو ابوجنات الى ربه لؤي ب يدو لو سدره الي اتربت عندكم
ابو عبدالله:؛ كلكم غربه حتى انت غريب عنا وماتستاهل يكون علي نسيبك ولا لؤي نسيبكم
ابو عبد الله من يتعص يكوم يخربط بل الحجي
طلع ابو عبدالله هيجي حقدو ع عمي لاعتب ع عبدالله ابو عبدالله شايل بكلبو شلون عمي رفض سلوى لعلي
ابو علي؛: كاافي ابو عبدالله انت تعرف روحك اش دا تحجي
عمة علي؛؛: ماكال شي غلط بنتو جانت احق من سدره وجناات وحتي ميس
ادحك ع الويلاد صايرين نار ثلاثتهم بس يريدون يحجون بس مايكدرون يعرفون عمي يسكتهم عبدالله اتعصب وطلع بره ابو جنات وكف ع حييلو وكال
ابو جنات؛: الحمدالله ياابو عبدالله وضحتلي من هسا ومشكور ع كل كلمه كلتها مع السلامه يابا ويالا بنتي جنات امشي الله يعوضج باحسن من لؤي
لؤي فك حلكو مصدوم
ابو جنات؛؛ لؤي ابني بنت عمك احق بيك من جنات جنات غريبه عنكم
سحب جنات من ايدها وجنات كامت تبجي ويمشي ابوها ويسحبها
جنات؛؛ بابا
ابو جنات؛: كدامي يالا صارنا سنين جيران واهل ومااحترم هذا الشي
ابو علي؛: يمعود ابو جنات كول يالله شبيك
ابو جنات؛: ماعندكم مره عندي وهاي هيا
ابو جنات طلع من البيت وب يدو جنات ولؤي ركض وراهم وكف كدام الباب
لؤي؛: ودين محمد مااتطلع من البيت زعلان
ابو جنات؛: لؤي ابتعد عن طريقي اني احبك واحترمك ابتعد
لؤي؛: مابتعد انت صحيح تحجي عمي صارلي من الخامس علمي احبها واريدها وهسا اتكول جنات مالكم
ابو جنات؛: نحنا غربه ومانستاهل روح اخذ بنت عمك
محمد؛: عمو كول يالله نحنا اهل وعمي من يتعصب كلشي يحجي انت تعرفو اني اكولك بعدين شنو السالفه بس هسا استهدي بل رحمن
ابو علي؛: ابو جنات كول يالله حقك عليه وامسحها بوجهي
ابو جنات من طلع كلنا لحكنا وراء بس ابو عبدالله ضل كاعد هو وهاي عمة علي جنات بس تبجي وابوها ماسكها من ايدها
اخو جنات؛: عمو قصي هسا خلي ابويا يهدأ وبعدين يصير خير لان ضغطو ارتفع وجهو صار احمر انخاف على لايصير بي شي
عمي باس ابو جنات من راسو وكالو حقك علينا لاتزعل
ابو جنات؛: مازعلان منك لؤي اطلع يالا اريد اروح
لؤي؛ : بس عمي
اخو جنات؛: لؤي اطلع ابويا راح يصير بي شي
ابو علي؛: خلي ع راحتو ابني مانخلي ابو جنات يزعل وجناتك الك
لؤي ابتعد عن الطريق وكف بصفحه وجنات ابوها اخذها وهيا تبجي وطلعو كلهم لبيت ولؤي يدحك عليها وهيا ادحك على لؤي اتعصب وكام يصيح بل كراج بس يريدون يدخلونه الويلاد جوى
لؤي؛: هليوم اكلب الدنيا ع راس هدير وعبدالله اختي وين وهذا السكير وين
علي ؛: ول فضحتنا بس فوت يمعود
لؤي؛: اقسم بذات الله اذا جنات راحت مني وابوها عند الي اكلب الدنيا ع راسكم كلكم واولهم ياعمي انت السبب
عبدالرحمن اخو عبدالله كال
عبدالرحمن؛:حقك لؤي علينا بس فوت انفضحنا
دفعو لؤي جوى ولؤي يصيح
ابو عبدالله ؛: احترم نفسك ادبسززز تكلب الدنيا ع راسي ب سبب مره
لؤي؛: اذا بنتك محمضه ع كلبك واتريد اتخليها براسي لو راس اخوتي تحلم بهذا الشي ترى لو حتي نسوانه راحت من عدنا اخر وحده انفكر بيها هيا بنتك
ابو علي؛؛ لؤؤؤؤؤؤؤؤؤؤي لاتحجي بهاي الطريقه مع عمك
لؤي؛: عمي شايل حقد عليك شلون رفضت سلوى لعلي
بعدين تعال اكولك جاي تخطب اختي لواحد مايستاهل اظفرها يوميا نايم مع بنت والشرب مالتو اختي وين وهو وين
عمة علي :؛ اسكتت حيوان تحجي هيجي مع عمك هاي تربيه ماريه ماعرفت اتربي
لؤي:؛ جان انتي ربيتي احسن منها ماسمحلج تحجين ع امي امي ماجت اكلت من ماعونج
عمي اتعصب وكام يصيح ع لؤي
ابو علي ؛: طلعو اخوكم بره يالا لؤي اطلع بره
لؤي؛؛ صار يابا صار
طلع لؤي بره مانعرف وين راح علي لحكو ورجع بعد اشويه كال كاعد بل باب مع الشباب
كلها تحجي واحد يجر ب طول واحد يجر بل عرض وهدير بس تبجي وترجف واخر شي ابو عبدالله طلع من البيت متعصب ويحجي
ابو عبدالله ؛: لابارك الله بيكم اي والله اخ مايحن ع اخو
ابو علي؛: ترى انت حييل طوختها ابو عبدالله اش كتلك اني كفرت كتلك اخذ رايها وبعدين
عمة علي؛: اي غلطان من سما لكاع هذا ابن عمها عليش تاخذ رايها
ابو علي:؛ انتي بس اتزيديني الطين بله يااختي كولي كلمة خير
عمه علي ؛: هو هذا الصحيح ابن العم لبنت عمو
امشي اخويا امشي
اخذت اخوها وطلعو لبيت اهل عبدالله الكل كام يهدي عمي ويحجي معا وبعدها شافو الجو متوتر كامت كلها تنسحب اشويه اشويه وطلعو راحو لبيتهم عمي دخل لغرفتو يرتاح
ولؤي صعد لغرفتو وهديرنفس الشي وميس اخذت رجلها ويلادها وراحت لشقتها
دخلت لغرفتي غسلت واتمددت جا علي ضايج ححيل اتمدد ع التخت وسحبني بحضنو
شلونج حبيبي
مقهوره والله ع لؤي
لؤي ابو جنات خوش رجال مايكف بطريقهم بس عمي حاقد ع ابويا
ليش علي حاقد ع مود سلوى مو
لا
لعد
شوفي راح احجيلج سالفه
اي
ابويا وابو عبدالله اخو بس كل واحد من ام
صحيح اول مره اسمع بيها
اي والله همه ماجانو يحجون هذا الشي كدام احد
جدي جان يحب ام عمي جثير وجان يريد يتزوجها جان طالب يدرس ب غير محافظه وهناك شافها وحبها
جان ابو جدي مايزوج ولد غريبه ولاموظفه جان معقد جثير
من تخرج جدي جا ع ابو كالو اريد اتزوج ابو كال اي راح اخطبلك بنت عمك فلان
كال يابا ماريد كرايب
ابو جدي اتعصب وشلون ابنو يكسر قانون وهاي بنت عمو كال تزوجها يعني تزوجها لااتبرا منك ليوم الدين وجدي يخاف الله واذا ابو غضب على شلون كام رجع وحجي مع ام عمي الي هيا حبيبة
كالها اني راح اتزوج بنت عمي ابويا غصبني عليها وراح يغضب عليه وسامحيني وكعد يقنع بيها كالتو روح اخذها تزوجني ثاني وحده واضل هينا ب محافظتي
جدي اقتنع ورجع لموصل اتزوج بنت عمو الي هيا ام ابويا
وخلف منها بنات بل بدايه خلف بنت وحده وهيا جانت حامل كال لابو طلعت وظيفتي ب مكان الي ادرس بي كال اخذ مرتك معاك جدي عارض وكام سافر لام عمي وتزوجها يروح عليها طلعت حامل وجابت عمي بس كل هذا الحجي ابو جدي مايعرف بي ابد
بعدها ابويا جا لدنيا عمي صار عمرو سبع سنوات يوم من الايام جدي سافر لمرتو ام عمي وجان يلكي عمي كاعد ب باب بيتهم يبجي طبعا هاي الفتره كلها ام عمي جانت دائما تطلب فلوس ذهب من عندو يعني بين قوسين اخذتو ع طمع لان عرفت بي زنكين
اي
اي وياسدورتي اكمل لو اتنامين
لا كمل ليش جان يبجي عمك بل باب
من اتقرب جدي ع عمي سالو ليش تبجي
كالو امي ضربتني وطلعتني بره بل برد اتكولي روح ع ابوك
سدره؛؛ ياخطيه
جدي هينا اتخبل شاف جسمو يتفحص جسمو يجوز طفل دا يكذب وشاف ظهرو كلها طبع مكان الضرب اخذ ابنو ودخل لبيت يصيح ع مرتو ومسكها كتل ودزها لبيت اهلها ودخلو ناس بينهم وصالحهم ورجعت لبيت رجلها وطبيعي الامر جان يطلب من عندها اتخلف هيا ماجانت تقبل اتكول اني موظفه وماريد جدي جان ابو يلح علي ينقل الموظفه لموصل وكام انقل لموصل وكام يطول ع مايروح عليها يعني اذا جان يروح كل شهر هسا صار يروح كل ثلاثه اشهر وهاي مره اتريد رجال ومو كل مره عندها تحمل اكو نسوان اتعيش سنين وماتفكر اتخون زوجها وهو ميت واكو نسوان زلمهم كدامهم ومامقصر عليها اطلع بي ست الاف عيب
سدره:: زين علي جدك ليش ماحاول يحجي الصراحه لابو
علي؛: ماجان يكدر جان يعرف ابو يتبره من عندو وياخذ من عندو املاك الي كاتبها باسم جدي لان هو اتمرض وكام وزع املاكو المهم ب يوم من الايام جا جدي من الموصل وصل هذيجه المحافظه الوقت جا متاخر من اليل وعندو مفتاح البيت فتح الباب ودخل والدنيا تمطر وبارده وصوت الرعد هينا صار عمر عمي 9سنوات
من دخل لبيت سمع صوت ضحك وصوت كلام وشغلات تعرفينها
سدره؛: لا تكولها خانتو
علي؛؛ اي والله مع الاسف مايعرف اش يسوي لحظتها اتخبل بس هو جان ذكي راح لسياره مالتو طلع دبيه بانزين ورشها بل بيت ونسى عمي جوى ولحظتها دا يحرك البيت عمي جان نايم بغير غرفه وكعد طلع شاف ابو ركض ع ابو يحضن ويبوس بي وصوت بابا جا يصيح لامو ولحظتها هينا اخذ ابنو وطلع يركض بره خلى بل سياره
ورجع لبيت من باب المطبخ بس شعل النار واخذت البيت كلو وطلع ركض لسيارتو وركب بيها وراح وابو عبدالله يبجي يكول امي اشتعلت بابا خلي نرجع اطلع امي بس جدي ماجان يسمعو صرخ بي وسكتو وكالو نام جدي هذيجه اليله ضل ينتظر حتى يصير الصبح ويروح ع البيت ويكولو مرتك وابنك احتركو وماتوو وبل فعل صار الصبح وراح جان عندو صديق حييل امين شلون صهيب حط ابنو عندو وكالو لاتسالني ليش وهذا الصديق الحقيقي من اتمني مايكولج ليش
رجع لبيت والجيران بلغو مرتك وابنك ماتو والبيت اشتعل جدي طبعا سوى روحو مقهور طلعو الجثث من البيت صايره كل وحد بكد القوطيه ودفنهم وسولهم فاتحه عشر ايام وجدي اخذ عمي ورجع لموصل ودخل ع ابو وكال يابا اني تزوجت حبيبتي وخلفت من عندها هذا ابني والبارحه من وصلت البيت لكيت البيت يشتعل وماكدر اساعدها واطلع بس ابني ابو بل بدايه رفض يستقبلو بس بعدين جان يشوف جدي مقهور وكف معا هيا وجدتي ام ابويا جدي هدد عمي اذا يحجي يشعلو مثل ماامو اشتعلت وطفل ويخاف بعد جدي جان مايحب عمي ب شكل وجان دائما يفرق بينهم ويحب ابويا اكثر وجان دائما يصيحلوو انت ابن الاصيله جان عمي ينقهر ححييل ومن يجي يتقرب ع جدي جدي مايحبه ويصيح على عكس جدتي جانت اتكول مايصير يارجال حرام عليك هذا يتيم جدي جان يتوقع ويشك هذا مو ابنوو حتى هو وع فراش الموت وزع كل املاكو لبنات وابويا بس مانطى منهم لعمي وحجى هاي السالفه لابويا قبل مايموت بس ابويا طيب وحنون وجان يساعد عمي بكلشي وينطي ويصرف وساعدو اشترى هذا البيت وساعدو اشترى جمله وضعهم صار زين دائما يطلب من ابويا فلوس بس ابويا ابد مايضوج ودائما يكول بعيني تدلل كم اخ عندي ابد يوم من الايام ابويا ماحس وكال يجوز هذا ماخويا يجوز هذا ابن حرام بس عمي شايل حقد ع ابويا لان جدي جان يحب ابويا اكثر من عندو وجان يفرق
سدره:: وانت عمي حجالك هاي السالفه
علي؛: اي ابويا كالي لان جنت دوم اشوف ابويا ينطي فلوس لعمي ويساعدو وجنت اني اكولو ليش عمي ماعندو فلوس مثلنا وكعد ابويا
وحجالي هاي السالفه بس دير بالج سدره محد يعرف
سدره؛: ماسمعت شي يروحي بس عماتك ويلاد عمك اكيد يعرفون
علي؛: تعالي حبيبتي يعرفون بس يعرفون اشتعل البيت وعمي طلع وامو ماطلعت مايعرفون خانتو وجدي حركهم
نمت بحضنو وكلت وهيجي ابو عبدالله زرع حقد بكلب عبدالله لعلي لان ابو مايحب عمي كيف ابن العم يحب ابن عمو اكيد عبدالله جان يشوف ابو يغار من عمي ويضوج ويحسدو واتحول هذا الحقد لعبدالله ابو عبدالله جان يريد هو كلشي يصير احسن من اخو وهم جان يضوج لان ابو ماجان يحبو
علي
ها كلبي
زين عمك شنو ذنبو
مو كتلج جدي جان يشك بي هذا مو ابنو
بس عمي وابو عبدالله جثير اكو شبه بينهم
اي صحيح يالا تعالي نامي بحضني
اول من حضني علي ودا يبوس بيا سمعنا صوت صياح لؤي يصيح وهدير
علي على سريع سحب البجامه ولبسها واني سحبت دشادشتي وطلعنا نركض فوك
لؤي؛: هدير احجي الصراحه لاابتلي بيج هسا اقسم بالله
هدير ؛: لاجاي اطلع قهر جنات بيا كتلك ماكو شي ليش ماتصدك
لؤي؛: مو اذا جنات راحت مني احرك هذا البيت
هدير؛: علاوي شوف لؤي اش دا يسوي بيا
علي؛: شكو اش صاير شبيك لؤي صوتك
لؤي؛: خلي تحجي اذا هيا وعبدالله اكو شي بينهم وليش عمي مصر ع هدير
علي؛: نذل اتشك باختك
لؤي؛: كاعد اسالها وخلي اتجاوب
هدير ؛: واني جاوبتك كتلك والله ماكو شي وحق الله
لؤي ؛: جيبي موبايلج عجل افتش بي
هدير ؛: هذا شي خاص بيا وماقبل احد يمد ايدو على موبايلي
لؤي؛: لاوالله لازم الشغله بكيفج عايشه ب اوربا انتي مو جيبي كتلج
هدير ؛: مانطي مانطي خمه كوه
صوتهم فد مره صار عالي وانريد انسكتهم مايقبلون هدير ماتقبل تنطي جهازها ولؤي متحلف الي ياخذو والمشكله هيا امخليتو ب صدرها عمي وعمتي طلعو علينا ع صوتنا
ابو علي؛: اش صاير هينا شبيكم اتخبلوتو انتو لؤي كتلك جنات ماتروح من ايدك ان شاء الله
لؤي؛؛ خلي هدير تنطي الموبايل اتاكد
هدير ؛: ماعندك ثقه بيا لؤي
لؤي ؛: هليوم عمي الي سوى خلى العشيره كلها اتكول بين هدير وعبدالله
اكو شي
علي؛: انتي ليش ماتقبلين تنطين الموبايل مادام ماعندج شي معا
هدير؛: موبايلي وخاص بيا ومانطي خمه الشغله كوه
ابو علي؛: هدوره بنتي انطي موبايلج ل لؤي
هدير ؛: بس بابا
ابو علي ؛: انطي موبايل بنتي واكسري الشر اني واثق منج
هدير دنكت براسها واحسها اتريد تبجي رادت تدخل لغرفه اطلع الموبايل لؤي ماقبل
لؤي؛: انداري وطلعي مو فدشغله
هدير اندارت وطلعت الموبايل ودموعها بس تنزل وانطت الموبايل ب يد لؤي لؤي كعد يفتش بل موبايل وخنزر هدير
لؤي؛: حلوووو
هدير كبل دخلت لغرفه وقفلت الباب ع نفسها لحظتها متت بدمي معقوله هدير وعبدالله اكو بينهم شي مستحيل هدير ادحك ع واحد مثل عبدالله ......يتبع
