رواية علي الهامش الفصل العاشر 10 بقلم جمانه السعيدي
اسامه...تعلقت بعلاوي تعلق مو طبيعي امي تموت علي
تحبه اكثر مني ومن احسان
بحيث الصبح عبير تنزله جوه وتصعد تنام
يبقى يم امي بس يشوفني ادخل للبيت يرفع ادي اليه
من اكعد اكل يكعد بحضني
اذا شاله احسان يصرخ مايريده
احسان حتى الطفل ما يحبه ومايريده
بيوم بلمدرسه واني جاي افتر على الصفوف
اشوف كلشي تمام خاف اكو مدرس ماموجود او اكو مشكله
وصلت صف اول متوسط لكيتهم هوسه
دخلت عليهم سئلت شنو هاي الهوسه
وين المدرس او المدرسه
الطلاب كالو هاي حصة ست وجدان
اسامه...ست وجدان وين المراقب تعال اوكف عليهم
الحد ما تجي المدرسه
اسامه.....اني متأكد شفتها الصبح موجوده
وسجلت حضور
رحت للاداره اسئل عنها
الاداره فارغه مابيها اي احد المدرسات كلهن طالعات ياخذن حصصهن
سئلت العامله
اسامه...وين ست وجدان حصتها فارغه
العامله...شفتها راحت ورا المدرسه
اسامه...ورا المدرسه شسوي
العامله...مااعرف بس شفتها عبرت من الحديقه
وراحت ورا المدرسه
اسامه...رحت امشي اريد اشوف كلام العامله صحيح
اذا صحيح ليش عايفه حصتها
رحت لكيتها كاعده تبجي
اكو صبه عاليه تقريبا متر بصف الصفوف من ورا
كاعده عليها ومنزله رجليها وتبجي
قربت عليها بس شافتني مسحت دموعها
اسامه....شلونج
وجدان...زينه
اسامه...تقبلين اكعد هنا اقصد اكعد قريب عليها
اكعد مثل ما هيه كاعده
وجدان....اي
..اشرتلي اي ومسحت دموعها
اسامه...شكووو
وجدان...ماكو شي بس تعبت تعبت حيل تعبت واريد اقدم استقاله
اسامه...استقاله مره وحده
جمانه السعيدي
طلعت تليفوني واتصلت على استاذ رائد
اسامه...استاذ رائد اعرف عندك شاغر بس ممكن تدخل
على الأول شعبة (( أ )) لان ست وجدان عدها ضرف
واني راح أسد بمكانك الدرس الاخير
استاذ رائد....اي ممكن ليش لا
اسامه...ممنون منك
خليت التليفون بجيبي
اسامه... سمعت استقاله
وجدان...اي بعد مااكدر اكمل
اسامه...ممكن اعرف السبب
وجدان...اسباب مو سبب واحد اهم سبب مازن
الي مايقبل يعوفني بحالي
انسان بلاشرف ولا غيره اني انسانه بحالي
شيريد مني عوفني يااخي انت ما تعرف ضروري شنو
مو كل الناس مرتاحه مثلك مو كل الناس عدها وقت فراغ مثلك شنو هو كوه
اني شردت من القال والقيل ناس ماترحم ولا تعوف رحمة الله تنزل
اسامه...والى متى راح تبقين تنهزمين كل مدرسه تسمعين بيها كلام تنهزمين إلى متي
مادام انتي ما مسويه شي غلط اوكفي بوجه اكبر واحد
ودافعي عن نفسج
هاي حياتج خاصه بيج مو بيهم
وجدان... مااكدر احس طاقتي خلصت تعبت
اني موكد هاي الحرب الي انفرضت عليه
اسامه....بسم الله الرحمن الرحيم لا يكلف الله نفسا إلا وسعها ماكو انسان يشيل فوك طاقته
اكيد انتي قويه وتكدرين ادافعين عن نفسج
وتوكفين بوجه اكبر واحد وتخلين اصابعج بعينه
واني اللج مني راح أقدم علي شكوى بلتربيه
وجدان.....ليش الانسان الي محترم نفسه وفقير كلها ادوس علي يعني اله اصير وكحه يله اخذ حقي
اسامه...صيري وكحه ويا الناس الغلط وصير انسانه واعيه
ويا الناس الي تقدرج وتفهمج
وجدان...وشلون راح اكدر اعيش هيج كل شويه بشخصيه
اسامه ...تكدرين انتي قويه وتكدرين
وجدان...وشلون عرفت اني قويه اصلا اني ماكو
أفقر مني وبسرعه اخاف وانهزم
عفت مدرستي الي متعوده عليها وصار اكثر من أربع سنوات ونهزمت بسبب كلام الناس
اسامه...اذا تبقين تنهزمين من مكان المكان راح اتاكدين الإشاعات الي تطلع عليج
وجدان...مااكدر اتحمل كلام الناس ونضراتهم الحقيره
ليش الناس ما تهتم كلمن بأموره كل واحد.يهتم بحياته
ليش شاغلين نفسهم بحياة غيرهم
كل واحد لو اهتم بحياته جان نجح وتطور
اسامه....والشيطان يعزل اذا الناس كلمن اهتم بنفسه
الشيطان شنو شغله
يله كومي أمسحي دموعج روحي انتي مجازه باقي اليوم
واريدج باجر ترجعين قويه
وما تهتمين الاي احد باجر الصبح نكتب شكوى اني وياج
وندزها للتربيه
اكو ناس ماتحترم نفسها وتوكف عد حدها اله واحد
يهينها ويوكفها عد حدها
لا تخافين اني وراج وراح اساعدج
وجدان...شكرا انت انسان محترم
اسامه....روحي اغسلي وجهج وأخذي جنطتج واطلعي
وجدان....الله يحفظك
جمانه السعيدي
طلعت وجدان من المدرسه واني قررت فعلا اساعدها
لوجه الله هذا مازن مومال احترام
لازم يوكف عد حده كافي سكتتله هواي
رجعت للبيت لكيت ام عبير عدنا هيه وخواتها
سلمت وصعدت الغرفتي
امي حابتلي الغده الغرفتي
اسامه...شعدهن كل أسبوع جايات انتي عازمتهن
امي...لا ولله لا عازمتهن ولا شي مااحس اله دخلن علينا وكت الغده قابل اطردهن
اسامه...ولله اكره دخلتهن علينا
امي...خطيه ام عبير الرجال يريدهم يطلعون من البيت
تكول صار شهرين مادافعه الايجار والرجال يريدهم يشيلون من البيت يكول اريد اهد البيت واسحب علي سلفه وابني ازوج ولدي بي
اسامه...واحنا شعلينا
امي.. هيه المره ماكالت شي جاي تحجي ضيم كلبها
اسامه...يمه لا تنطيها وجه
هاي المره مو راحه اطرديها ثكلي وجهج عليها
امي...هسه يرحن هيه وبناتها قابل يبقن عدنا
اسامه...يمه علاوي كاعد جيبي اليه
امي...ستوه نام
اسامه...اريد اللعب وياااا
امي...خلي ستوه نام
اسامه...تغديت وطلعت وأم عبير وخواتها بعدهن كاعدات
وماخذات راحتهن
قبل مايجن اله بالشهر مره يتغدن ويرحن من كشفت عبير تبوك مواد ومسواك وتنطيهن
كامن كل أسبوع كامزات علينا غده وعشى وبعدين يرحن البيتهن
هسه ياخوفي من يطلعهن المؤجر
يجن يكعدن على كلبنا
بس بشرفي اذا كعدن عدنا اله اطردهن من البيت وياهن احسان وزوجته
كافي خلص صبري منهم بعد مااكدر اتحمل اكثر
جمانه السعيدي
بليل...تمددت استرجعت كل الكلام الي دار بيني وبين وجدان
مبينه مسكينه بس هيه كالت اني انهزمت من ذيج المدرسه بسبب الاشاعات
يعني الكلام الي سمعه عنها مازن صحيح
بس شلون معقوله وجدان وحده موزينه
اذا هيه فعلا موزينه جان قبلت تدخل علاقه ويا مازن
وما تنطي مجال يحجي عنها
ماادري قصتها تحير ياترى شنو المشكله الي واجهتها وخلتها تنهزم من مدرستها القديمه
فتحت التليفون طلعت رقمها كتبت
....شلون صرتي
راسا ردت عليه
وجدان...الحمد لله احسن
اسامه...بعدج ضايجه
وجدان....لا صرت احسن هواي لان حجيت وياك
حسيت فهمتني
كلامك انطاني جرعة قوه وثقه بلنفس
اسامه....الحمد لله اذا تحتاجين شي دزيلي رساله
وجدان...بعدك على وعدك تساعدني اقدم شكوى على مازن
اسامه...اكيد اول ما توصلين الصبح
نكتب الشكوى اني وياج
ثاني يوم الصبح كتبنا الشكوى اني ووجدان ودزيناها ويا البريد للتربيه بدون مايعرف مازن
يومين واجا بلاغ المازن من التربيه يحضر بعد يومين
علمود التحقيق ويااا
ونفس البلاغ وصل الوجدان حتى تحجي تفاصيل
الشكوى
دزيت على وجدان للاداره
وجدان...نعم استاذ
اسامه...وصل بلاغ المازن وانتي لازم تحضرين
وجدان...اروح وحدي اخاف
اسامه...لا تخافين اني اجي وياج بس منا اليوم التحقيق
لا تكولين اسامه يروح وياي
وجدان...خايفه من ردة فعل مازن
اسامه...لا تخافين مازن بس بوخه قبل هم اكو علي دعوه تحرش قديمه
تحرش بواحد من الطلاب وكوه سدها
هسه راح تنفتح ذيج وهاي وراح ياخذون بكلامج
لا تخافين هاي الجوله محسومه اللج
وجدان....واذا اجاني شكول
اسامه...اوكفي بوجها وكوليله اني حذرتك قبل
بس انت ماسمعت كلامي واني الي يرشني بماي ارشه
بتيزاب
لا عبالك خايفه منك الي مثلك لازم يوكف عد حده
حتى يعرف هو شنو
وجدان....ولله خايفه يمكن اذا زمخ عليه ابجي
اسامه....لا تخافين هو ليش طمع بيج لان خايفه
لا تخافين اوكفي ودافعي عن نفسج كتلج اني وياج
جمانه السعيدي
وجدان...يصير اخذ اجازه منا اليوم التحقيق
اسامه...لا مايصير ومراح اسمحلج تنهزمين مره ثانيه
لازم توكفين بوجه المشاكل وتصيرين قويه
وجدان...احاول الله يخليك استاذ كل شويه
تعال افتر على الصفوف والاداره
خاف يصير شي حتى تساعدني
اسامه....ميخالف يله روحي
مازن من سمع بالشكوى حار بزمانه ووين يروح يعرف نفسه غلطان
كل شويه داز وحده من المدرسات على وجدان يتوسل
بيها تسحب الشكوى
قبا يوم التحقيق وهيه كل س يه جايتني
فدوه استاذ شلون
اسامه...ابقي على رائيج لازم يتأدب ويعرف شلون يتصرف
منا وهيج
قبل يوم التحقيق اجاني مازن
مازن....محتتج مساعدتك هاي اشتكت عليه اكيد انت تعرف
اسامه...مو حذرتك هواي
مازن....مابقى واحد مادزيته عليها تسحب الشكوى ما تقبل
بلكت انت تحجي وياها
اذا قبلت اني اقدم نقل الغير مدرسه
اسامه...ميخالف اني احجي وياها
مازن...ممنون منك استاذ ماانسالك هذا الفضل طول عمري
اسامه...عاد كون تتعض
مازن....اخير مره
اسامه...قررت احجي ويا وجدان بليل ونروح اني وياها نسحب الشكوى مقابل مازن ينقل الغير مدرسه
بهذا اليوم كنت صاعد الغرفتي سمعت عبير
تحجي بعصبيه ويا امها
اني صح ماسمعت الحديث بينهن
بس سمعت عبير تكول اااي ااي فهمت فهمت
ولله فهمت لا تخافين راح اسوي مثل ما كلتي
بس شافتني صعدت على الدرج
كالت مع السلامه مع السلامه اتصل عليج بعدين
