رواية بداخلي حياة اخري الفصل التاسع 9 بقلم ولاء بدر
☆الفصل التاسع☆
اسر:ممكن اسالك على حاجة
مي:هممم وهي تنظر أمامها وهي تلعب بالرمال
اسر:لو في ايدك آخر رصاصه و تقدري تقتلي حد هتقتلي مين?!
لتنظر له مي و هي تضيق حاجبيها:ايه السؤال دا
اسر:عادي من غير سبب
مي و هي تضحك بقهر و تنظر أمامها :اقولك و متسالنيش ليه
ليحرك أسر رأسه بالموافقة
مي: انت يا أسر
ليتفاجأ أسر باجابتها إلى هذه الدرجه تكره
مي و هي تنظر له:مش كره على فكره
اسر:طيب اديلك رشوه و تقوليلي ليه
مي:همم على حسب
اسر:طيب استني
ليقف و يذهب إلى سيارته و يأتي و يديه خلفه
مي و هي تنظر له باستغراب:مخبي ايه
اسر بإبتسامه:الرشوه
مي و هي تمد يديها:طب يلا هات
اسر:لا يا حلوه تقوليلي اديلك الرشوه علطول
مي:مش لما اعرف هي ايه الاول
ليجلس هذه المره أمامها على حجر آخر ثم يخرج يديه من خلفه
مي بفرحه كبيره:ايسكريم واااو هات هات
ليشرد أسر بضحكتيها التي تجعل قلبه يذوب
اسر:اقعدي مش هديلك غير لما تقولي
لتعبث مي وتجعل وجهها مثل الاطفال:طب هات و هقولك وعد
اسر لنفسه:يخربيت جمال امك..اثبت يا أسر مالك
مي:بقولك وعد
اسر:ضمنت انا كدا
مي:كلمه وعد عندي مفيهاش كلام قولت وعد يبقا لازم أنفذ
ليقدم لها علبه الآيسكريم وهو يبتسم لها
لتخطفها من يده و تفتحها و تأخذ معلقه منها
مي و هي تحرك رجلها بطريقه طفوليه:تحفه هيهيهي
اسر بإبتسامه حب:مغلطتش لما قولت طفله
مي:لا مش هتضايق دلوقتي لا
اسر: الوعد
لتغلق مي الآيسكريم و تضعه بجانبها ثم تنظر لأرض و هي تحرك رجليها
مي:اممممم تقدر تقول علشان انت اكتر واحد فاهمني يا اسر و انا كرها الشعور دا
اسر :و علشان كدا مش عايزاني ابقا جنبك و بتعمليني ببرود و عايزاني ابعد عنك
لتقف مي من مكانها:يلا بينا يا أسر
ليجذبها بقوه من يديها و يجعلها تقف أمامه مره آخرى
اسر:لا يا مي مش كل مره تهربي من الكلام مش كل مره هسيبك
مي بالم:أسر سيب ايدي
اسر:ليه بتبعديني عنك مع اني عايزك متبعديش عني
مي:اسر لو سمحت مينفعش كدا
اسر بصوت مرتفع:بطلي عند بقا
مي بصوت مرتفع و عيون تملائها الدموع:ملكش دعوه بيا يا أسر سمعني انت متعرفنيش ولا انا اعرفك فياريت تشلني من دماغك و صدقني كدا اريح ليك وليا
اسر:اتاخرتي يا مي و لو عليا نفسي اعرف كل اللي جواكي
افتحيلي قلبك يا مي
لتسحب مي يديها منه و هي تشير برائسها بالرفض
مي:سلام يا أسر
لتترك أسر و تذهب من أمامه هو فقط يقف ويرفع شعره لأعلى بيديه لا يعرف ماذا يفعل
لتصعد مي سيارتها و تتحرك لتعود مره آخرى ليصعد هو الاخر الي سيارته و يستند برائسه على مقعده بتعب
اسر و هو يضع يده على قلبه:وبعدين معاك...وبعدين معاكي يا مي
ليتحرك هو الاخر
مي و هي تسوق بسرعه و تحاول ان تكبح دموعها ولكن الدموع رفضت و تحررت من عينيها
لتضرب قلبها العديد من المرات بخفه و هي تبكي بحرقه:وقعت ليه مش من حقك ليه هو بالذات ليييه
لترد على نفسها من الداخل: و هتفضلي متعقده لغايت امتى ليه مش عايزة تسيبي لنفسك فرصه
مي:انتي اكتر واحده عارفه ليه مش هتسحمل وجع تاني مش هستحمل جرح تاني
بداخلها:و انتي ليه بتفكري في الوجع و بس ليه متفكريش ان هو دا اللي هيعوضك عن كل حاجة انتي ديما بتخلي نفسك الامان للكل خليه هو امانك احنا محتاجين دا متنكريش
مي بصراخ:كفاااايه بقا اخرسيي
☆☆☆☆☆☆☆☆☆☆☆☆☆☆☆☆☆☆☆☆☆☆
نعود مره آخرى في النادي
ثرايا:هو أسر و مي فين كل دا
سميره:متقلقيش أسر معاها
لتأتي روان و طارق لهم
روان بفرحه :خالوا انت جيت لتذهب له و تحتضنه بشده
منصور:قلب خالوا وحشتيني يا روني
و انت كمان اوي يا خالوا
لتجلس بجانبه
طارق:إزيك يا عمي
منصور الحمدلله...انت عامل ايه يبني
طارق:تمام الحمدلله
ليذهب و يجلس بجانب روان
طارق بصوت منخفض:انا مبسوط اوي اني اتكلمت معاكي
روان:و انا كمان
طارق:بس احنا لسه مخلصناش كلامنا ولا ايه
روان:اكيد
طارق بمرح:طيب هاتي رقمك بقا
روان:ها!!
طارق:علشان لما تبقي في الجامعة اعرف اوصلك
روان و هي تضحك:اوكيه ماشي
لتجد ثريا هاتفها يعلن عن اتصال
ثرايا:الو ايوه يا مي
مي:ايوه يا ماما انا هروح
ثريا:ليه تعالي دا احنا كلنا هنا و خالوا كمان
مي:هو خالوا جيه
ثرايا:ايوه تعالي دا هيموت و يشوفك
مي:خلاص حاضر انا جايه
سميره باستغراب اومال أسر فين لتقف من مكانها
ثرايا: رايحه فين يا سميره
سميره:هروح اعمل مكلمه كدا و اجي
لتذهب سميره و تهاتف اسر
اسر:الو
سميره:ايه يا حبيبي فينك
اسر:انا راجع اهو
سميره:انت مع مي
اسر:لا مي في عربيتها و انا في عربيتي
سميره:في حاجة حصلت
أسر بضيق:بعدين يا ماما
سميره:طيب تعالى عمك منصور عايزك
اسر:حاضر
☆☆☆☆☆☆☆☆☆☆☆☆☆☆☆☆☆☆☆☆☆☆
ليصل أسر و مي في نفس الوقت أمام باب النادي
اسر بقلق:مي انتي بتعيطي
مي و هي تبعد وجهها :لا طبعا
اسر بعصبيه:مش هيحصل حاجة لو عيطتي وخرجتي اللي جواكي
مي:ولاخر مره بقولك ميخصكش
لتذهب هي و أسر للمكان الذي يجلس به الجميع
اسر:السلام عليكم ليرد عليه الجميع لتذهب مي و تلقي بنفسها داخل أحضان منصور
ليحتضنها منصور و هو يضحك بشده:مجنونتي..ولا اقول سيده الأعمال
لتجلس مي بجانب طارق
اسر:إزيك يا عمي
منصور:بخير يبني انت عامل ايه
اسر:الحمدلله
منصور:عامله ايه في الشغل يا ميمو
مي:الحمدلله
اكرم:بصي بقا يا ست مي احنا هنسافر ٣ ايام شرم ماشي
مي:طيب تمام تروحوا و تيجوا بالسلامه
اكرم:لا يا حبيبتي بقولك هنروح كلنا شايفه كل الناس دي هنروح سوا
مي:لا مش عايزة يا اكرم مره تانيه روحوا انتو
لتذهب ندي و تجلس على رجلها
ندي بترجعي: علشان خاطري يا ميمو علشان خاطري
روان:مي انتي لو مطلعتيش انا مش هطلع
طارق:لا يا مي بالله عليكي اطلعي بقا الرحله من غيرك هتبقى وحشه اوي
مي و هي تهمس له في اذنه:انا بردوا
طارق:ما تصلي على النبي بقا يا ميمو
مي بارهاق:خلاص ماشي يا جماعه
منصور:مالك يا أسر يبني
ليعود أسر مش شروده
اسر:لا ابدا يا عمي مفيش
لتنظر له مي لتجده ينظر لها و عيناه تشتعل
لتبعد نظرها عنه فورا
منصوره:طب يلا نروح بقا علشان نجهز
ندي:تعالي معايا يا ميمو جهزيلي حجتي و اجي ابات معاكي
مي:ماشي يا وردتي انتي تؤمري
ليقف الجميع و يعودون إلى منازلهم
☆☆☆☆☆☆☆☆☆☆☆☆☆☆☆☆☆☆☆☆☆☆
في سياره أسر
طارق و هو ينظر إلى سميره التي تجلس في الخلف
طارق بفرحه شديده:ماما انا عايز اتجوز
سميره:يبني اتهد بقا انت كل ما تشوف روان تقولي كدا
طارق:ايه يا ماما دا مش المفروض تفرحي و تزغرطي و كدا و تقولي ابني عايز يتجوز ولا انا لقتيني عند باب جامع
سميره:اخرس دلوقتي خلينا نشوف اخوك ماله و هي تنظر لأسر
طارق باستغراب:ايه يا معلم مالك في ايه
كان أسر في مكان آخر لا يسمع حديثهم
طارق و هو يرفع صوته:أسر
اسر:بتقولوا ايه
طارق:اوبااا الي واخد عقلك
اسر:طارق صدقني مش ناقص هزارك
سميره:خلاص يا طارق مش وقته
ليعودوا إلى المنزل و يدخل أسر بسرعه و يصعد إلى غرفته
☆☆☆☆☆☆☆☆☆☆☆☆☆☆☆☆☆☆☆☆☆☆
*في فيلا اكرم*
اكرم:خدي نودي يا اسماء عايز مي شويه
ندي باعتراض لا انا عايزة مي تحضرلي حاجتي
مي:اطلعي و انا هجيلك يا نودي
نودي:اوكيه
لتصعد ندى و اسماء لأعلى لتجهيز حقائبهم
ليمسك مي من ملابسها مثل المجرمين
اكرم:قدامي يا اوزعه
مي بمرح:اهدي يا باشا هعترف على كل حاجة
لياخذها ال الصالون و يجلسها
اكرم:في ايه بقا ما انا افهم في ايه
مي:طب مش افهم عايز تفهم ايه علشان افهمك
اكرم:ايه كميه الفهم دي..المهم مالك بقا انتي بقالك فتره مش انتي
مي:الشغل و..
اكرم:بقولك ايه مش عاليا انا ها انا اخوكي و صاحبك انجزي و قولي في ايه
مي:لا فعلا انا مضغوطه من الشغل و كمان عايزة اسيبه
اكرم:دا بسبب أسر
مي بسرعه:لا خالص و ايه داخل أسر في الموضوع
اكرم بابتسامه:بصي يا مي الشغل دا انتي لقيتي نفسك فيه فمدخليش الشغل في حياتك الشخصيه
مي:ايه يبني اللي انت بتقوله دا
اكرم:سمعتي اديني قولت و مفيش شغل هيتساب
مي:هفكر يا اكرم هفكر
اكرم:اة و حاجة كمان
مي:هو يوم باين من أوله ارغي يا سيدي
اكرم:و لما اقصلك لسانك اللي اطول منك دا
مي:انجز
اكرم:هنسافر بعربيتي و مش هتاخدي عربيتك
مي:انسي يا اكرم انا طلعه اصلا غصب علشان الكل ميزعلش و مخدش عربيتي كمان لا انسي
اكرم:مي ندى هتشبط فيكي زي كل مره و انتي سوقتك زباله و انتي مش مظبطه الفتره دي و انا هخاف على بنتي
مي:والله هيا بقت كدا
لينظر لها اكرم بطرف عينه و يبعدها
مي:ماشي يا اكرم ماشي
اكرم:و بعدين انتي لو حصلك حاجة ههزق مين
مي بدراما:خلصت يا معلم عرفت اللي فيها خلاص
اكرم:قومي يا بت من هنا ناقصك على المسا
مي و هي تقف بطرقه دراميه:انا ماشيه يا اكرم بيه
ليضحك اكرم عليها و تصعد هي لندي
مي:ها خلصتي يا نودي..
اسماء:اة خلصنا...روحي يا نودي لبابا شويه
ندي:لا عايزة اقعد مع مي بقا
اسماء:ما انتي هتروحي تباتي معاها ولا تقعدي بقا
ندي:لا خلاص خلاص همشي
لتخرج ندي بسرعه
مي:هو في ايه انهارده كل واحد يستلمني شويه
لتفتح اسماء أحضانها لمي
لتبتسم مي و تذهب إليها سريعا وتلقي نفسها بإحضانها
اسماء و هي تمسح على شعرها بحنان:شعنونتي شكلها مش كويس
مي:انا زي الفل يا سوو
اسماء:اتكلمي يا مي اشكي و لو لمره واحده في حياتك
مي:اسماء انا كويسه يا قلبي كفايه انكوا حواليا دا عندي بالدنيا كلها
اسماء بتنهيده:هتفضلي عنيده لغايت امتى
☆☆☆☆☆☆☆☆☆☆☆☆☆☆☆☆☆☆☆☆☆☆
اكرم:الو
اسر:اديني نودي
اكرم:الله الله من امتى الحب دا كله...ندى خدي كلمي عمو اسر
ندي بحماس:هات يا بابا
ندي بصوتها الطفولي:عمو أسر جبتلي الشوكولاته
اسر:اة طبعا يا نودي زي ما اتفقنا
ندي بفرحه:الله
اسر:بصي بقا يا نودي لو عملتي اللي هقولك عليه هجيلك بوكس كبير فيه كل أنواع الشكولاتة اتفقنا
ندي بسرعه:اتفقنا اتفقنا
اسر:بصي يا نودي....
☆☆☆☆☆☆☆☆☆☆☆☆☆☆☆☆☆☆☆☆☆☆
غرفه روان
يرن هات روان معلن عن اتصال
روان و هي تبتسم:الو
طارق:ايه دا انتي صوتك في التليفون حلو اوي
روان بخجل:والله هقفل
طارق:لا لا خلاص..انا بس حبيت اقولك تصبحي على خير
روان:بضحك:يعني متصل علشان كدا..و انت من اهلو يا طارق
طارق:بصراحه بقا بصراحه يعني كنت عايز اسمع صوتك في التليفون
روان بجديه و هي تحاول كتم ضحكتها:تصبح على خير يا طارق ثم تغلق الهاتف
لتضعه على قلبها و تدور حول نفسها بفرحه شديده
ليضع طارق يده على قلبه هو الاخر:هممموت من جمالها ياما
☆☆☆☆☆☆☆☆☆☆☆☆☆☆☆☆☆☆☆☆☆☆
تذهب سميره إلى غرفه أسر و تتطرق عليه
أسر:أدخل
لتدخل سميره له:ليشير لها بالانتظار لحظه
اسر:اتفقنا يا قلبي يلا سلام
سميره:بتكلم مين?!
اسر:كنت بكلم ندي
سميره:ندى بنت اكرم!!
اسر:اة خلاص بقينا اصحاب
سميره:كان مالك يا أسر..ايه اللي حصل مع مي
أسر:مشفتش في عنادها يا ماما بجد طفله و عنيده
سميره بابتسامه حنان:لحقت تزهق
اسر بحب:مستحيل...ماما احكيلي ايه اللي تعرفيه عن مي
سميره بحزن:بكره تعرف يا أسر لما تقرب منها
أسر بفضول:لا يا ماما انا عايز اعرف علشان اقدر افهمها اكتير صدقيني انتي كدا هتساعديني اكتر
تنهدت سميره و بدأت تقص عليه الحادثه الغامضه التي حدثت مع مي ووالدها
ليقف أسر من مكانه و هو يشتعل و يتحرك بسرعه في الغرفه و هو يرفع شعره لأعلى في غضب شديد :يبن الكلب...انا لو شفته هقتله..هقتله يا امي
لتقف سميره امامه:اهدي يا حبيبي..للدرجادي يا أسر حبتها ولا انت حاسس بشفقه نحيتها دلوقتي
أسر و عيناه كالدماء: انا دلوقتي بس اتاكدت اني بحبها يا ماما
سميره و هي تمسح على ضهره:هتعرف تكسبها يا أسر و اوعا تعرف انك عرفت حاجة كدا هتحس بضعف و هتبعد
ليحرك رأسه بالموافقة
لتخرج سميره و يظل أسر يحاول كبح غضبه هو هو يفكر
كيف تحملت صغيرته هذا الكم الهائل من الألم ماذا حدث معها ما هو سرها..و يفكر أيضا في هذا الكائن الوحشي الذي اقسم اذا رائه سوف يجعله يندم أشد الندم على ما فعله بصغيرته منذ طفولتها حتى الآن
☆☆☆☆☆☆☆☆☆☆☆☆☆☆☆☆☆☆☆☆☆☆
في صباح يوم جديد
ثريا:يلا يا بنات كلهم واقفين بره
روان:انا جاهزة
مي:و انا كمان جهزت انا و نودي..يلا بينا
اما باب الفيلا خرجت ثرايا و روان و مي و ندي
ليجدوا الجميع في الخارج
ليذهب اكرم لهم و يحمل حقيبه روان و ثرايا
يذهب بهم إلى سياره منصور
مي:هو خالوا هياخد كل الشنط معاه
اكرم و هو يضع الشنط: اة
لتجري ندي الي أحضان أسر ليرفعها من الأرض و يحتضنها
ندي:بابا انا هركب مع عمو أسر يلا يا ميمو
مي بجديه:لا يا ندي مش هينفع لتنزل ندي إلى الأرض
ندي بطفوليه وهي تضرب الأرض برجليها:مليش دعوه عايزة اركب مع عمو أسر
اكرم:خلاص يا مي روحي معاهم عادي
مي:في ايه يا اكرم ما عندنا مكان عربيتك فيها كنبتين
اسر:خلاص يا نودي تعالي انتي معايا
ندي بعند:لا عايزة ميمو...علشان خاطري يا ميمو بقا
لتنظر إلى أسر لتجده يقف بكل ثقه و هو يبتسم تلك الابتسامه اللعينه
مي:اووووف يلا
ندي بفرحه:انتي احلى ميمو في الدنيا كلها
ليصعد أكرم سيارته و ينطلق بها و خلفه منصور و يليهم طارق ثم أسر
في سياره أسر
اسر:نودي بصي تحت رجليك كدا
ندي بسعاده:وااااااو
اسر:زي ما اتفقنا و دي هديتك
مي باستغراب: اتفتقتوا على ايه
ليبتسم أسر و هو ينظر للطريق
*فلاش باك*
اسر:بصي بقا يا نودي لو عملتي اللي هقولك عليه هجيبلك بوكس كبير فيه كل أنواع الشكولاتة اتفقنا
ندي:اتفقنا اتفقنا
اسر:بصي يا نودي بكره لما نيجي كلنا علشان ناخدكوا تقولي انك عايزة تركبي معايا و تاخدي مي معاكي و تفضلي تقولي كدا لغايت ما مي توافق اوكيه و اوعي تقولي لحد
ندي:اوكيه اتفقنا
اسر:اتفقنا يا قلبي سلام
*باك*
مي:بشهقه...يعني كل دا كان تمثيل ثم تنظر لندي ماشي يا ندى انا زعلانه
ندي بحزن و بسرعه و على وشك البكاء:لا لا علشان خاطري متزعليش مني والله انا كنت عايزة اركب مع عمو أسر و انتي معايا والله
اسر:ايه يا ميمو نودي ملهاش دعوه
مي و على وجهها:علامات الغضب و من بين اسنانها:متقوليش يا ميمو تاني سمعني
أسر بنبره خبث جذابه و هو ينظر لها بتمعن:اقولك ايه طيب
مي:ما تظبط يا أسر مالك
اسر:يخربيتك هتاكلني
ندي و الدموع في عينيها:انا اسفه يا ميمو
لتنظر مي للخلف و تمسح دموعها:خلاص يا نودي مش زعلانه
لينظر لها أسر بحب:فهي تعطي كل حنانها و حبها لهذه الطفله لكنه اقسم انه سوف يعوض طفلته عن كل معاناتها
اسر:وقد وصل إلى الكرته جميعهم يعبرون من الجهه المخصص للجيش و الشرطه
ليهتف الرجل الذي يجلس في الكرته:أسر باشا صباح الفل تحب احضرلك قاعدتك في نفس المكان
اسر:لا شكرا انا مسافر
الرجل:تروح و تيجي بالسلامه يا باشا
لينطلق أسر خلف طارق و منصور و اكرم
اسر:تحبي تاكلي حاجة
مي:لا شكرا مش جعانه..نودي جعانه
ندي و هي تاكل الشوكولاته:لا يا ميمو
مي:كفايه اكل شوكولاته بقا
لتغلق ندي بوكس الشكولاتة
ندي و هي تتثائب:ميمو انا هنام صحيني اول لما نوصل علشان ألعب كتيير
مي:حقك ما انتي منمتيش للصبح و مرمتيني من كتير الفرحه نامي نامي
لتخلد ندي إلى النوم فورا و هي تفرد جسدها على الكنبه
اسر:لو حبه تنامي عادي
مي:لا انا بحب طريق السفر و يسلام بقا لو بليل
اسر:انا كمان بحب السفر بليل
مي:يووه هيفضل يقلدني
اسر:مين اللي خد التاني للنيل الاول
لتنظر له مي بطرف عينيها
ليوصل أسر هاتفه بالسياره و يبدأ في تشغيل بعض الاغاني
مي بإبتسامه:ايه دا دي الاغنيه اللي بحبها
أسر:من ساعه ما سمعتها معاكي و انا تقريبا مبسمعش غيرها
مي:هي حلوه فعلا
لينظر أسر لها ثم ينظر إلى الطريق:هي فعلا حلوه اوي
☆☆☆☆☆☆☆☆☆☆☆☆☆☆☆☆☆☆☆☆☆☆
المتصل1:ايوه يا باشا هما على الطريق اهو
المتصل3:اول ما يوصلوا تبلغني..و تبلغني بكل تحركاتهم
المتصل1:اوامرك يا باشا
