رواية ضميني بعيونك الفصل السادس 6 بقلم منه محمد
بيت وجدان
لسه راجعين من بيت ابو عمر .. طلعت وجدان اوضتها ترتاح
ام وجدان : وليد فين اخوك فهد ؟
وليد " اه من فهد " اتنهد وجاوب امه : راح عند واحد صحبه
ام وجدان وهي رايحة اوضتها : ان شاء الله ما يتاخرش زي كل مرة
وليد : ماما استني عايزك في موضووع
ام وجدان لفت لوليد : خير يابني..؟؟
وليد بحرج : تعالي اقعدي الاول وهقولك
*********
بيت ريان
قاعدة مع ابوها وهي متردده ازاي تفتح معاه موضوع السفر : احم بابا
ابو ريان :خير يا شوق
شوق بتوتر : اممممم انا عايزة اكمل دراستي
ابو ريان بابتسامه : وحد قالك ممنوع تكملي دراستك ؟
شوق وهي خايفة من جواب ابوها : لأ .. بس .. بس انا عايزة اكمل دراستي برا
عقد ابو ريان حواجبه : برا مصر ؟
شوق بهمس : ايوه
ابو ريان وهو يرتشف من قهوته : لا يا شوق انتي بنتي الوحيدة ومستحيل اخليكي تسافري
دمعت عيونها : بس يابابا انا ..
قاطعها : شوق قلت لأ .. اقفليه موضووع السفر
نزلت راسها والدمووع اتجمعت بعيونها : امرك باباا
مشت طالعة اوضتها بس صوت امها اللي دخلت وقفها : استني شووق
شوق وهي بتحاول تضبط اعصابها : نعم ياماما
ام ريان بفرحة : خالتك حالا كلمتني وطلبت ايدك لابنها وليد
دموعها اللي كانت متجمعة بعيونها نزلت تجري على خدها وبصدمة وهمس : وليد ؟؟؟؟؟؟؟؟؟
**********
بيت وجدان
ام وجدان : حمد لله على سلامته .. ومبروك علي تخرجه وشهادته
ام عمر بابتسامه : الله يسلمك ويبارك لك .. عقبال تخرج فهد
عبير : وجدان تعالي نروح اوضتي
وجدان قامت وقفت : يلا
>>>>>>>>
وجدان قفلت باب الاوضه : ها ايه اخبارك ؟
عبير وهي تغمز لها : اخباري تمام .. انتي الي ايه اخبارك بعد استقبال حبيب القلب؟
وجدان رمتها بالمخدة : ابو شكلك
عبيربضحكة مصطنعه : هههههههه خلاص سكت
راحت عبير فتحت دولابها وطلعت منه علبة متوسطة الحجم .. وأأعدت جنب وجدان ومدت ايدها ليها : اتفضلي
وجدان باستغراب : ايه ده ؟
عبير بابتسامه : دي هديتك من عمر
وجدان بخجل : ليه كلف نفسه ؟
عبير : هههههه حبيبته لازم يجيب لها هدية من سفريته
وجدان بابتسامه : تسلم ايده .. بس مقدرش اخدها
عبير باستغراب : ليه بقا؟
وجدان اتتنهد : عبير انا دلوقت بقيت انسه كبيرة وميصحش اخد منه حاجه من غير ما يربطني بيه علاقة رسمية .. تصدقي اذا قلت لك اني ندمانه انه شافني بالبجامة
عبير : معاكي حق والله .. وجدان انا اسفة كان لازم اقولك تلبسي بس كان في بالي اعملك مفاجأة مش اكتر
وجدان بابتسامه : خلاص مش مهم حصل خير
....منه محمد...
بفيلا تيمور الجديدة
دخلت فريحة اوضتها ولفتها كلها بعيونها..الاوضه متنظمه زي ماهي عايزة بالظبط...نامت علي السرير وجت عيونها علي المكان الي كانت واقفه مع امير فيه ..تلقائي حطت ايدها علي شفايفها واتنفست عطره الي لسه ماسك ريحته في ايدها..شالت ايدها واخدت موبايلها من جنبها واتصلت بغالية ..
غالية بتريقة : اهلا يا حلوة هانم
فريحة بنفس التريقة : اهلا بيكي ياوحشه هانم .. كيفك ؟
غالية : تمام .. انتي اخبارك ايه منيحة هههه؟وايه اخبار النقل تمام؟؟
فريحة بتنهيده: معرفش
غاليه باستغراب : ها ازاي يعني ما تعرفيش ؟
فريحة : غالية عايزاكي بكرة تيجي لعندي ضروري
غالية باستنكار : يعني النهارده نقلتوو .. وبكرة اجي عندك لأ مش حلوة .. وبعدين معرفش عنوانكم الجديد
فريحة : غالية انتي مش غريبة فاتيجي اي وقت .. والعنوان اكيد عمي عارفه
غالية : مش عارفة بشووف
فريحة : غالية لازم تيجي عندي كلام مهم هقولك عليه لما تيجي..
غاليه : ايه الحكايه؟
فريحة : بكرة تعرفي
غالية : طيب
....
شوق
ما اصعب ان تبقى حائرا ما بين قلبك وعقلك .. إلى ان يمر العمر .. لا عقل يقنعك ولا قلب ينصفك ..
اتسللت خيوط الشمس لاوضتها .. وللان عيونها ما داقت طعم النوم .. كل شئ فيها ساكن ما عدا دموعها اللي نازله على خدها .. من وقت ما قالت لها امها الخبر وهي في حالة صدمه متعرفش هي ازاي طلعت اوضتها..ومتعرفش كام ساعة فاتت عليها وهي بتبكي علي الم قلبها.. كان عندها امل ان فهد يحبها .. بس شكله حتى مجرد التفكير ما فكرش فيها .. لو كان بيحبها كان خطبها هو مش اخووه .. مش عارفة تعمل ايه .. عقلها بيقول لها وليد راجل مناسب وهيسعدها...وقلبها بينبض باسم فهد..حست انها في دوامه ومش عارفة تخرج منها...كانت بتحلم بالجواز من فهد بس خطبه وليد ليها حطمت حلمها...ودلوقت لو حبها فهد واتقدم لها مستحيل توافق...يقولوا عنها ايه الناس وافقت على الأخ الصغير ورفضت الكبير ؟؟!!
اتحركت من مكانها بصمت وأتجهت لمكتبها .. مسكت القلم وكتبت ..
إن من العذاب أن تكتب لمن لايقرأ لك .. وأن تنتظر من لايأتي
لك .. وأن تحب من لايشعر بك ..وأن تحتاج من لايحتاج إليك ..
ومن المؤلم أن تحب بصدق ..وتخلص بصدق ..وتغفر بصدق .. ثم
تصدم في النهاية بموت كل الصدق الذي قدمته ..قم تكتشف أن أجمل العمر كان سرابا ..فكم هو صعب ومر أن تعشق شخصا وتحبه إلى درجة الجنون .. وهو
لايعلم بهذه المشاعر التي تمتلكها تجاهه ..
كم هو مؤلم أن تبني أحلامك على هذا الشخص .. وهو لايعلم عن حبك
ولا عن أحلامك شيئا .
إنه فعلا عذاب .. بل إنه أقسى أنواع العذاب أن تحب من لايحبك وأن تعشق من لا يهتم لأمرك ..
يقال إن القلوب عند بعضها ولكني أظن أن هذه المقوله غير
صحيحه تماما ..فلو كانت القلوب عند بعضها لما وجد مايسمى بالحب من طرف واحد أبدا ..
أعتقد أن هناك كثير من الناس يركضون خلف السراب ..ويحبون من لا يشعر بحبهم ولا يقدره ..وحتى لو علم بحبهم ربما لايقدره ولا يهتم به أبدا .. آآآآآآه
رمت القلم ومسحت دموعها :آآآه ه ه .. يارب اعمل ايه دلوقت ؟؟ اوافق ؟ بس ازاي اوافق وانا بحب فهد .. مش متخيله نفسي زوجة لوليد ...وليد اخو فهد... وليد زي اخوي ريان .. يا رب صبرني وساعدني .. انا مش عايزة اظلم وليد معايا. هي متأكدة اذا وافقت هتظلم وليد ويمكن تخونه بنظراتها وحبها لأخوه فهد ..
اتنهدت .. ومسكت الموبايل وفتحت اغنيه وضغطت
ورفعت الصوت وغمضت عيونها وهي تسمع صوت خالد عجاج يتسلل لودنها. وكلمات اغنيته بتتكلم عن حالتها
أصعب حب
لما تلاقي اللي انت تحبه ما بيحبكش
ولا تحس مهما عيونك تنطق قلبه ما بيحسكش
تبدء تضعف يمكن يعرف تبدء توهم ويبدء يخطف وفجأه تحس بانه اللي انت وقعت بحبه ما يستاهلكش أقوى عذاب لما دموعك تنزل منك وانت بعيد وما يشوفهاش
اقوى عذاب كل ما تجي تقوله بحبك يسكت قلبك ما يقولها قول انك عايش وحدك متغرب جوا حكاية...تايه مجروح مش عارف وخايف من اي نهاية
دموعها زادت وهي تردد بشفايف مرتجفة : اقوى عذاب لما دموعك تنزل منك وانت بعيد وما يشوفهاش
اقوى عذاب كل ما تجي تقوله بحبك يسكت قلبك ما يقولهاش
**********
بنفس البيت تحت
ريان قاعد يشرب شاي : كل ده ما صحتش شوق ؟
ام ريان بابتسامة : لا لسا نايمة .. تعرف اختك ما تحبش تفطر
ابو ريان كلم مراته : قولتيله ان اخته اتخطيت؟
ريان بصدمه وهو بيرجع الكوبايه ع الطربيزه : لأ والله .. شوق اتخطبت ؟
ام ريان ضحكت : هههههه اه
ريان باستغراب : الجاموسه امبارح وصلتها وما قالتليش ؟؟!!
ام ريان بابتسامه : الخطوبه حصلت بعد ما رجعتوو
ابتسم ريان: ومين سعيد الحظ اللي هياخد اختي ؟
ام ريان بنبرة فرح : وليد ابن خالتك
زادت ابتسامة ريان : والله وليد راجل كفؤوووو
ابو ريان : ايوه .. بس انا شايف تاخد ابن عمها امير افضلها
ام ريان : ابن عمها لو عايزها كان خطبها .. وليد ابن اختي راجل كامل ..والكامل لله
ريان وهو ينهي النقاش : انا راي خلينا نشوف قرار شوق وبعدين نتفاهم
جملة ريان نهت موضوع شوق مؤقتا وكملوو فطارهم بصمت
.....ضميني بعيونك.....
بيت وجدان
ابو وجدان وهو بيشرب من قهوته وبابتسامة : اختك ماقلتش امتى بيردوا جواب ؟ .. عشان نروح نتكلم معاهم فالتفاصيل ونحدد ووقت الشبكة وكتاب الكتاب!!
ام وجدان تبادله الابتسامة : اختي موافقة .. وقالت ليا هتاخد راي شوق .. وهتاخد راي ابوها واخوها .. وهترد علينا في اقرب وقت
وجدان بفرحه : والله انا مش مصدقة..شوق هتبقا مرات اخويا!!
دخل فهد لحظه كلام وجدان وبعد ما سلم علي ابوه وامه ووجه الكلام لأخته : كأني سمعت مرات اخويا ؟
وجدان بشقاوة : ايوه انت مدرتش ؟ وليد خطب شوق .. وغمزت لأخوها وكملت : اصل شوق في باله وانا وانت اخر من يعلم !!!!
اتصدم فهد وهو بيسمع الخبر وكان حد رمى عليه قنبله.. اخووه خطب " حبيبته " ؟؟ .. شوق في قلبه وعقله من زمان .. صحيح هو ليه علاقات كتيرة مع البنات .. بس قلبه مدقش غير لشوق وما حبش غيرها .. كان ناوي يعترف ليها بحبه بس شي جواه منعه يمكن نظرات الاعجاب والحب اللي كان شايفها بعيونها أكدت له حبها ومنعته من الاعتراف .. كان في باله يتخرج من المعهد ويلاقي وظيفة وبعدين يتقدم لها .. بس شكل اخوه وليد سبقه واخد حبيبته منه .. اخوه سبقه بكل شئ .. بالدراسة .. والشغل .. ودلوقت جوازه من حبيبته .. مش قادر يتخيل شوق تبقي زوجة اخووه !!!!!!
صحى من افكاره على زعيق اخته وجدان : فهدددد
بصلها من غيرما حتي يرد عليها
وجدان باستغراب : فهد مالك ؟
طلع من البيت بعقل غايب .. وساب وراه صوت اخته بتنادي باسمه ....
*********
بيت تيمور
فتحت عيونها ببطء .. مدت ايديها قدامها تتمطع وتشوف اوضتها الجديدة .. بس برضه حست بالحنين لاوضتها القديمة اللي عاشت فيها طفولتها .. ابتسمت لنفسها حد يشتاق لاوضه ؟؟ هي في النهايه هتسيب كله لانهامسافره..فخلاص مش هتفرق معاها دلوقت..
قامت من سريرها ومشت برجولها الحافية .. فتحت الستارة ودخل ضوء الشمس واحتل اوضتها .. قررت تاخد شاور ينعشها .. اخدت روبها وراحت للحمام ..وبعد مرور عشر دقايق خرجت وخدودها محمرة .. .. فتحت دولابها واختارت شورت احمر وبلوزة بيضاء كات عليها قلب احمر .. قعدت على كرسي التسريحة تنشف خصلات شعرها .. وفجأة وقفت ايدها عن الحركة لما جت عيونها علي المكان اللي كانت فيه هي وهو وأنعكس على المرايه قصادها !! حررت خصلات شعرها من ايدها وملست اطراف صوابعها على شفايفها لما افتكرت الموقف .. اتنهدت وهي نفسها وامنيتها يخرج الموقف السخيف ده من دماغها... وخرجت من اوضتها وهي بتحاول تمسح الموقف من عقلها .. دخلت المطبخ وشافت امها وابوها قاعدين يفطرو ..
فريحة بابتسامه : صباح الخير
تيمور وفاطيما : صباح النور
قربت بخطواتها وباست خد ابوها وامها وقعدت تشاركهم فطورهم
فاطيما بابتسامه : شو حبيبتي ان شاء الله ارتحتي بنومتك وبغرفتك ؟
فريحة وهي تدهن التوست بالجبن : اه يا ماما ارتحت
تيمو وهو باصص لبنته : اخوكي سامي كلمني وقالي على الموافقة بالجامعة .. جاهزة يا فيري للسفر ؟
فريحة بعد ما بلعت اللقمة وبابتسامه : اه جاهزة .. والنهارده بقول لغالية على موافقة الجامعة .
تيمور بابتسامه : خلاص انا كمان النهارده بكلم عمك .. ونروح انا وهو المطار نشوف الحجز ..
فاطيما بحنان : بدي ياكي ديري بالك على حالك بالسفر وعلى دراستك
فريحة بابتسامه : ان شاء الله ياحبيبتي.. متخافيش .. وبعدين سامي معايا
تيمور وقف : يلا انا خارج.. عندي شغل
خرج تيمور وكملت فريحة اكلها وكلام مع امها >>>>>
*********
بيت محي الدين
دخل عند اخواته وهو بيلبس الساعة في ايده : خير ان شاء الله ؟؟ .. صوتكم عالي من الصبح؟!
ندى بضيق وهي بتشاور بايدها: اسأل المفعوصه اختك!!
شهد بعصبية طفولية وصرخت : انا مش مفعوصه سامعه ؟ أنا كبيرة خالص
أمير بحدة رفع عيونه عن ساعته بعد ما لبسها : شهد بلاش تصرخي بالمنظر ده مفهوم.. .. عيب
لئلئت عيونها دموع وارتجفت شفايفها الصغيرة وهي على وشك البكاء .. هي دلوعة اخوها وما تتحملش اي اسلوب تاني منه غير الدلع والحب اللي هوعودها عليه
شاف دموعها اللي اتجمعت بعيونها راحلها وضمها لحضنه : حبيبتي متزعليش بس عيب صوتك يعلا علي اختك الكبيره ..
شهد سندت راسها على صدر اخوها وبصوت مخنووق: انا حرة مش عايزة اسلم ليه بقا تقولي انا مفعوصه
ابتسم لها : راسك ناشفه .. واختفت ابتسامته وعقد حواجبه : بس ما فهمتش تسلمي على مين ؟
شهد وهي تقلد غرور اخوها : على فريحة دي
بلع ريقه اول ما سمع اسمها وسألها ومثل انه ميعرفهاش : مين فريحة ؟
ندى ردت : فريحة بنت الجيران الجديدة .. اقولك علي حاجة يا امير انت مدي البت دي وش زيادة عن حجمها..مش عيب لما اقولها سلمي واهي دلوعتك رفضت..معرفش هي شايفة نفسها علي ايه المفعوصه دي..
شهد بدلع على اخوها : امير شوفها بتقول مرة تانية برضو مفعوصه
باسها اميرمن خدها : فديت دلوعة اخوها
رفع عيونه لأخته ندى يكلمها : نفسي افهم انتي ليه محموقه ؟ البنت براحتها مش عايزة تسلم
ندى شوية وتقطع شعرها من اخوها :امير انت بتتكلم جد ؟ بدل ما تعلمها الادب قاعد تدلعها ....
قامت وقفت وهي متنرفزه .. مش حابه اختها تكون مغرورة ومتكبره وامير بتصرفاته يزيد غرورها ودلعها .. >>>>>>>
استغرب امير تصرف ندى .. مالها ست المحموقه ؟ البنت صغيرة سلمت ولا ما سلمتش ما تفرقش !!
شهد وهي بتلعب في صوابع ايد اخوها : ميرو
ابتسم امير: نعم
شهد بابتسامة طفولية : عايزة اروح السوبر ماركت اشتري حلويات
امير بص في ساعة ايده : حاليا مقدرش لازم اروح الشركة عندي شغل
قلب وشها للزعل اول ما سمعت جواب اخووها
شافها زعلت نزلها من حضنه وقام واقف : خلاص شهوودة وقت ماارجع نروح السوبر ماركو انا وانتي .. اتفقنا ؟
طالما اخوها وعدها يعني هتروح السوبر ماركو وبتشتري كل شي نفسها فيه . ابتسمتله : اتفقنا
امير شاور على خده : فين بوستي قبل ما اطلع ؟
ضحكت شهد وحوطت رقبة اخوها بايدها الصغيرة وباست خده بقوة
ابتسم لها وخرج من البيت متجه للشركه >>>>>>>>
بيت ابو فيصل
فيصل : بابا
ابو فيصل بعد الجرنال عن وشه وبص لابنه:ها خير يابني
فيصل بهدوء : انا عايز اسافر لندن
ابو فيصل باستغراب : تسافر لندن ؟؟؟؟؟
فيصل اتنهد : ايوا .. انا درست علوم ادراية .. وجتنا فرصة انا وطلال عشان نسافر لندن وناخد هناك خبرة بالادارة .. والشئ ده هيفيدني عشان القى وظيفة !!
ابو فيصل بهدوء : ومراتك دانه ؟
فيصل بضيق : مالها مراتي ؟
ابو فيصل بحدة : اذا عايز تسافر يا فيصل اعمل فرحك وخد دانه وسافر انت وهي
فيصل : بس يابابا أنا ..
ابو فيصل قاطعه : فيصل انا ما رضاش لبنت عمك تبقى هنا معلقة مستنيه رجوعك .. سافر انت وهي وبكدا تضرب عصفورين بحجر واحد .. شهر عسل وشغل !!!!!
اتنهد .. ابوه قاعد يضغط عليه .. هو عايز يهرب من المسؤولية دي .. نفسه ينسى انه ارتبط بغير حبيبته غالية .. بس شكل ابوه مش ناوي يسيبه في حاله. هو امنيته يسافر عشان يحاول ينساها ..
قام واقف ومشي لبرة بعد ما قال جملته الأخيرة : خلاص تمام هروح اتكلم مع دانه واتفاهم معاها !!!!!
*********
سوريا في الرحله
السفينة واقفة قريب من الشط .. ومساعد الكابتن واقف يستقبل الناس ويرحب بيهم على متن السفينة ويتمنى ليهم رحلة سعيدة !!
الشلة كلها على ظهر السفينة .. قعدين يشوفوا البحر وامواجه ومنتظرين السفينة تتحرك وتبحر بيهم لوسط البحر ..
كان قاعد ومحاوط كتف جينا اللي قاعدة جنبه : جينا مالك بقالك يومين متغيره..فيكي حاجة؟؟
جينا اللي عيونها مركزة علي البحر .. مش عارفه تقوله ولا لأ ؟ هي حاسه بالخيانة اذا ما قالته الحقيقة .. هو لازم يعرف انها بتحب سيف وقلبها ملك سيف وحده .. وان رامي بتحبه كصديق او اخ مش اكتر .. بس دلوقت الوقت مش مناسب مش عايزة تخرب عليهم الرحلة .. بس خلاص قررت بينها وبين نفسها تقول لرامي بكرة عن مشاعرها ..انتبهت لنفسها انها قاعدة تفكر وما جاوبتش رامي ..
ردت : مفيش حاجة بلاش تقلق
شافت ايده وهي بتبعد عنها .. ووقف من غير ما ينتبه لكلامها وعيونه مركزه علي شئ بصدمة وكره !!
جينا اللي استغربت تصرفه ووقفت معاه وباستغراب : رامي مالك ؟
وقت ما شافت رد من رامي .. لفت على المكان اللي مركز عيونه عليه وانصدمت وهي شايفة سيف ركب السفينة وابتسامة ثقة مرسومة على شفايفه
عدا سيف من جنبهم وزادت ابتسامته : ازيك يا جينا ؟؟؟؟
انعقد لسانها وما عرفتش ترد ... من امتى سيف بكل الجراه الي هي شيفاها دلوقت؟؟؟؟
الشلة اللي كانت قاعدة وقفت وهي شايفة الموقف بين رامي وسيف وهم خايفين ومتوترين من اللي بيحصل.
رفع رامي ايده علشان يضرب سيف .. بس ايد سيف وقفته وخلت ايد رامي معلقة بالهوا .. وبهدوء : متحولش تمد ايدك عليا عشان هتندم
رامي بعصبية نزل ايده : بأي حق تسألها ازيها ؟؟ اطلع برا السفينة .. بتفهم ؟ اطلع برا مش عايز اشوفك ...
جينا اللي بتحاول تهدي الوضع مسكت ايد رامي وبتوتر : رامي اه....
لف عليها رامي وبعد ايدها عنه : جينا لو سمحتي ما تتدخليش
ابتسم سيف بسخرية : اعصابك .. والسفينة مش ملكك عشان تتحكم اركبها ولا لأ.. زادت ابتسامة السخرية : الرحلة للجميع ؟!!
قطع عليهم مساعد الكابتن : فيه مشكلة ؟؟
فارس باندفاع : لأ مفيش حاجة.. وابتسم للمساعد
مساعد الكابتن بابتسامة : لو سمحتوو كل واحد يلزم مكانه لأن السفينة هتتحرك
مشى سيف بعيد عنهم وقعد مكانه .. ونظرات التحدي بينه وبين رامي مستمرة ..
شغل الكابتن محرك السفينة واتحركت بيهم للجزيرة >>>>>>>يا تري ايه هيحصل
*******
بيت ابو عمر
عمر باستغراب : رفضت هديتي ؟؟
عبير بتبرد ٱظافرها : ايوا رفضت تاخدها
عمر اللي بدء يتنرفز " ليه ترفض هديته ؟ " ليه ؟؟
قالت له عبير سبب رفض وجدان الهدية ^^
اختفت عصبيته وابتسم .. كبرت في عينه وزاد حبها بقلبه .. رفضت هديته عشان تحافظ على دينها واخلاقها .. " بيعشقها " وكلمة بيعشقها قليلة بحقها ...
عبير رفعت حاجبها : مالك مبتسم ؟
عمر حك ذقنه دلالة على التفكير : افهم من كلامها ده عرض للجواز ؟؟
عبير بتعجب : ايه دخل كلامها بالجواز؟؟
رفع حاجبه : مش هي قالت لك متقدرش تاخد هديتي لأن ما فيش علاقة رسمية تربطنا ؟؟
عبير بضحكة : هههههههه ايوا قالت كدا
ابتسم : خلاص روحي نادي امي
عبير باستغراب : امك ؟ ليه ؟
زادت ابتسامته : عشان اقولها تخطب لي وجداني
عبير : بجد يا عمر هتخطبها ؟
عمر ضحك : ههههه ايوا بجد .. خلاص مقدرش اتحمل بعدها عني
وقفت عبير وبعدين جريت عشان تنادي امها .. بس صوت اخوها وقفها : عبيير
لفت لأخوها بابتسامة : ها ؟
عمر : متقوليش حاجة لوجدان .. عايزها تنصدم بالخبر
عبير : هههههه حرام عليك عايز تصدمها
عمر بابتسامه : انتي مالك نفذي الي بقولك عليه وبس!
عبير : طيب طيب
وراحت تنادي امها >>>>>>>>>>
**********
عند دانه
قاعدة في اوضتها مع صاحبتها سارة وقاعدة تشكلها حالها مع فيصل !!
دانه بضيق : معرفش يا ساره .. وقت ما اجي اتكلم معاه بحس انه في عالم تاني ومش معايا خالص بيتكلم معايا بملل وبرود وكلمنا سوا عادي وممل .. ما توقعتهوش يكون كدا بارد وخالي من المشاعر والرومانسية ؟!!!
سارة بحيرة : والله مش عارف اقولك ايه.. الصراحة وضعك غريب انتي وهو .. وتصرفاته معاكي غريبة ؟؟
دانه بسرحان نطقت فجأة : اشتقت لريان وكلامه وحكاياته !!
انصدمت سارة من كلام دانه : دانه انتي صاحية ؟ ايه اشتقت لريان دي؟ انتي دلوقت واحدة متجوزه !!!
دانه باهمال : ودي فيها ايه ؟ بجد اشتقت ... واتحولت نبرتها للحنين لما افتكرت حكايته وكملت:كان بيحبني وبيخاف عليا ورومانسي وحنين عكس فيصل اللي مش مهتم !! .. اتنهدت ) تعرفي يا ساره انا ندمانه اني اتجوزت فيصل .. انا مش بحب فيصل يمكن كنت معجبه بيه .. انا بحب ريان ومشتاقه اسمع صوته الحنين معايا
اتنرفزت سارة طول ماهي بتسمع كلام دانه وبانفعال : دانه انا مبقتش قادره افهمك؟ انتي عايزة ايه بالظبط ؟ ايه هو لعب ولا لعب ؟ .. مرة عايزه فيصل ومرة ريان .. هو خلاص مش بكيفك .. انت دلوقت زوجة فيصل وحرام تفكري بغيره .. واحمدي ربك ريان سابك في حالك ولا كان يقدر يأذيكي وانتي عارفة ..
دانه حست بتأنيب الضمير من كلام صاحبتها .. فتحت بؤها عشان تدافع عن نفسها .. بس صوت رنين موبايلها منعها .. مسكت تلفونها وبصت لساره وقالت:فيصل بيتصل!!!!
*********
بيت تيمور
نزلت من اوضتها بعد ما بلغتها الخدامه بوصوول خالتها وغالية
دخلت بابتسامه : مساء الخير البيت نور يا خالتو
سلمت على خالتها وغاليه وقعدت معاهم : ازيك يا خالتو ؟
ام غاليه بابتسامه : انا بخير الحمد لله و انتي حبيبتي ؟
فريحة وهي تبادلها الابتسامه : تمام الحمد لله
غاليه غمزت لفريحة : مبرووك البيت الجديد ... بجد حلوو ما شاء الله
فريحة : الله يبارك فيكي حبيبتي
دخلت فاطيما وسلمت على اختها وبنت اختها
فريحة شافت امها لابسه لبس خروج : ماما خارجة ؟
فاطيما : ايه بدي اروح انا وخالتك نزور وحدة وبعدين بدنا نروح السوق بدي اشتري كم غرض للبيت واسامة راح يروح معي
فريحة : اها
ام غالية وقفت وكلمت بنتها : راح خليلك السواق هون مشان اذا بدك ترجعي البيت .. انا راح روح مع سواق خالتك
ابتسمت غالية : اوكي
خرجت فاطيما مع اختها
فريحة قامت وقفت : تعالي نطلع اوضتي
غاليه : يله
طلعوووو فوق لاوضه فريحة
فريحة وهي ترفع حاجبها : ازاي عرفتي العنوان يا انسة غاليه ووافقتي تيجي ؟
غالية ضحكت وهي بتلف في اوضه فريحة الجديدة : ههههههه بابا قال للسواق العنوان .. وماما كانت ناوية تيجي هنا .. عشان كدا جيت
فريحة وهي بتمثل الزعل : اها يعني لو مكنتش خالتو جايه ما كنتيش جيتي ؟
غالية قعدت : هههههه بقولك ايه متعمليش زعلانه .. يلا قوليلي ايه الي عندك ؟
فريحة بابتسامه : اول هام سامي اتصل وقالي الجامعة قبلتنا انا وانتي
غالية بنبهار : احلللللللفي
فريحة : ههههه والله
غاليه نطت حضنت فريحة : وربنا احلى خبر
فريحة بغرور : عشان تعرفي اخباري في الجون
غالية : ههههههه ياروحي انتي والخبر .. ايوا كده ده اول هام وتاني هام ايه بقا ؟
اتحولت نبرتها للضيق وبتوتر : امممم .. امبارح وقت النقل .. احم .. قابلت امير
غالية بابتسامه : ايوا وايه الي حصل ؟
ارتبكت " اه يا غالية لو تعرفي ايه الي حصل " : م .. م ما حصلش حاجة
غالية ضحكت بقوة : هههههههههههه مال وشك قلب طماطم هههه ؟ . وغمزت لها وهي تكمل : كل ده من مقابله طياري؟
فريحة حطت ايدها على خدودها وبارتباك : انا وشي طماطم ؟
غالية : ههههههههههههههه اه.. المهم ايه الي حصل وقت ماشافك ؟
فريحة وهي بتحاول تخفي ارتباكها : احم ... محصلش حاجة بس سألني عن تريب الاوضه .. ورتبها لي ..
غالية بدهشه: كمان رتبلك الاوضه والله عال ؟
فريحة بسرحان : اممممم
غاليه : طيب اتكلمتي معاه ؟
فريحة وهي ترفع حاجبها : لأ طبعا
غاليه : ليه؟؟ حد يكون قاعد مع امير محي الدين وميتكلمش معاه؟؟
فريحه: اولا كان معاه ابن عمه .. وثانيا تعرفيني ما حبش اخد وادي مع الشباب
غاليه بحماس : احللللللللفي شفتي ابن عمه ؟
فريحة وهي تهز راسها بالموافقه : ايوه
غالية بحسرة : حظك حلو شفتي امير وكمان ابن عمه.
فريحة قامت وقفت: عادي بشر زينا .. لما اروح اقول للخدامه تجيب لنا حاجة نشربها
*********
بيت محي الدين
كانت في اوضتها وبحضنها الاب توب وقاعدة تكلم الكابتن .. اسلوبه عاجبها .. صحيح كان مغرور بالاول .. بس حاليا بعد عن اسلوب الغرور وبقا يكلمها بطريقة طبيعية وكأنه يعرفها من زمان وده اللي زاد اعجابها بيه ..
>>>>>>>>>>> داخل الشات
الكابتن : ندى
قطرة ندى : اهلا
الكابتن : عايز اطلب منك طلب
قطرة ندى : اطلب (فيس مبتسم )
الكابتن : عايز ايميلك
قطرة ندى : نو نو نو نو مستحيل ( فيس مطلع لسانه )
الكابتن : ليه ؟ ( فيس زعلان )
قطرة ندى : كابتن انا قلت لك من الاول انا دخلت هنا احكي عشان الملل مش اكتر.. ومش ناويه اعطي حد ايميلي او اتعرف على حد
الكابتن : .........
قطرة ندى : زعلت ؟
الكابتن : لا ما زعلتش .. بس كان قصدي اذا موقع الشات اتقفل او اي حاجة زي كده ..تكون فيه وسيله تانيه اتواصل فيها معاكي واطمن عليكي .. بس خلاص براحتك .. انا خارج دلوقت من الشات .. باي
خرج من الشات من غير ما يستنى ردها .. اضيقت من خروجه .. بس قالت لنفسها النهارده زعل بكرة يرضى .. كملت مراقبتها وضحكها بالشات ...
**********
بيت ام شذى
ام شذى وهي خارجة من المطبخ : شذى
شذى : ايوة يا ماما
ام شذى : الملح خلص عايزاكي تروحي للبقال تجبلنا كيس
شذى بابتسامه : حاضر اروح للبقال .. عايزة حاجة تانيه غير الملح
ام شذى بحنان : لا مش عايزة .. الله يرضى عليكي
شذى بابتسامه : ويخليك ليا
لبست عبايتها وطرحتها وخرجت من البيت رايحة للبقال >>>>>>>>
اشترت ملح وشوية حلويات لأخواتها الصغيرين .. لفت وشها و لمحت عربيته و قفت وخرج منها >>>>>
دفعت الحساب وخرجت من عند البقال بسرعة عشان تلحقه : راشد ؟
لف عليها وقلع نظارته وبصلها:اهلا ..ازيك عاملة ايه انتي واخواتك؟
شذى : بخير
راشد : وامك صحتها عاملة ايه دلوقت ؟
شذى اتتنهد : الحمد لله .. امممم .. راشد بتعمل ايه هنا ؟
ابتسم : جيت اسلم على شمس وشيرين
شذى بهدوء : راشد لو سمحت ارجع
راشد باستغراب : ليه ؟
شذى : شيرين وشمس اتكلموو عنك قدام امي .. وامبارح زعلت مني وانا وعدتها اني ما اكلمش شخص غريب فلو سمحت ماتجيش هنا
راشد رفع حاجبه : هه دلوقت انا غريب ؟
شذى بارتباك : ايوة غريب .. احم انت ما تقربليش ولا لأخواتي عشان تيجي تزورنا .. وانا مش ناوية اشوه سمعتي وسمعة ابويا
اتعصب من كلامها : ليه ياختي مالي عشان سمعتك وسمعه ابوكي تتشوه
شذى بتوتر من عصبيته : راشد مش قصدي كدا بس انت راجل غريب اذا دخلت بيتنا الناس هتفهم غلط وتبدء تتكلم وتنشر اشاعات
راشد وهو راجع لعربيته : العيب مش عليكي العيب عليا انا علشان جيت اطمن عليكي وعلي اخواتك!!!
ركب عربيته وشغلها ومشى من قدامها باقسى سرعة
اتنهدت بحزن على فراقه هي وعدت امها ومش هتخلف وعدها مشت وروحت للبيت وهتحاول تنسى راشد وحبها له >>>>>
***********
ماليزيا
" بالفندق "
صحت نور الصغيرة اللي امبارح نامت فالوسط بين سعيد ونور
وقعدت تتنطط على سريرهم وهي تردد : انا جعانه انا جعانه
صحت نور من نومها وضحكت عليها : ههههههههه ياخراشي انتي مزعجة
فتح عين واحدة على صوت ازعاج فوق راسه وشاف مراته بتلعب مع نور الصغيرة وضحكاتهم العالية ازعجته :يعني متلعبيش معاها غير فووق راسي ؟؟؟؟
ضحكت نور مراته : ههههههههه ايوا قوم العب معانا
سعيد وهو يرفع حاجبه : شايف مودك رايق .. وبعدين يعني ينفع نلعب هنا فوق السرير؟
نور مراته : هههه ايوا النهارده انا رايقه .. جت في بالي فكره ايه رايك نرووح الملاهي ؟
نور الصغيرة اللي سمعت كلمة ملاهي : وانا عايزة اروح الملاهي
سعيد شدها وباس خدها: خلاص اوك نروح نفطر وبعدين نروح الملاهي
جهزوو نفسهم الثلاثة وخرجووو من الفندق متجهين للمطعم والملاهي ^^
**********
عند شوق
متممدة على سريرها بتعب ..وعيونها وجعتها من كتر العياط .. لحد الان مش مصدقة ان احلامها كلها اتحطمت ... ابوها رفض سفرها .. وفهد خسرته لللأبد ..
سمعت صوت موبايلها يعلن عن وصول مسچ.. مدت ايدها واخدت الفون فتحت المسچ وشافته من رقم غريب .. عقدت حواجبها وهي تقرء المكتوووب
شوق أنا بحبك من زمان
وانتظر ردك على أحر من الجمر
وليد
غمضت عيونها وكلمات المسچ طعنت قلبها .. ليه يا وليد انا ؟؟.. اول مرة حد يعلن عن حبه ليها بس هي مش حاسه. بالكلمة كانت مستنيه الكلمة دي من فهد... ضحكت بسخرية على نفسها : تجري الرياح بما لا تشتهي السفن !!
سمعت دق علي باب اوضتها.. وبصوت مبحوح من العياط ردت : اتفضل
دخلت ام ريان واتصدمت من منظر بنتها شوق .. عيونها محمرة وحالتها حالة وكأن حد ميت ليها .. مشت بخطووات سريعة لسرير بنتها : شوق اسم الله عليكي مالك ؟
شوق ما صدقت حد يسألها مالك ... انهارت في حضن امها وهي بتقول بالم : تعبانه ياماما .. تعبانه قوي .. ونفسي امووت
ام ريان بخوف على بنتها ومسكت وشها بين ايدها : اسم الله عليكي .. شوق حرارتك مرتفعة قومي اوديكي المستشفى
شوق انهارت في حضن امها : اهىء اهىء ...لأ مش عايزة .. عايزة انام..نفسي ارتاح ..
نادت ام ريان الخدامة وطلبت منها تجيب لها كمادات باردة .. وقعدت جنب بنتها وهي تسمي عليها وتدعي لهيا وتعمل لها الكمادات .. ناولتها حب مهدىء ... وعشر دقايق وشوق راحت بسابع نوومه من تعبها ...
***********
بيت وجدان
دخل البيت وهو مبتسم بعد ما ارسل لها المسچ وقاللها اللي في قلبه وارتاح ..امبارح دخل اوضته اخته وجدان واخد رقم شوق من موبايلها .. دخل البيت وشاف امه قاعدة تتابع التلفزيون : السلام عليكم
ام وجان بابتسامه : وعليكم السلام
سلم على امه وقعد بتعب على الكنبه : ازيك يا غاليه ؟
ام وجدان : بخير طول ما انت واخواتك بخير ... وقفت ورايحه ناحيه المطبخ : هروح اجيبلك حاجة تشربها
وليد سند نفسه ع الكنبه وغمض عيونه : اااه والله عطشان
رجع فهد البيت ومشى طالع فوق لاوضته .. بس شاف اخوه قاعد في الليفنج راحله : السلام عليكم
فتح عيونه : وعليكم السلام
فهد قعد وببرود : بيقولوا خطبت وهتتجوز ؟
وليد بابتسامه : اه ان شاء الله
فهد بص لاخوه : وليه ما قلتليش ؟
وليد وزادت ابتسامته : ما انت عرفت ايه الفرق ؟
فهد وهو بيلعب بفونه اللي بايده وبيحاول يبعد عيونه عن عيون اخوه عشان ما تنفضح مشاعره : بتحبها ؟
وليد بحرج : لو مش بحبها مكنتش خطبتها
فهد هنا ضغط بقوة على موبايله : من امتى بتحبها ؟
وليد بابتسامه : من زمان عجباني شخصيتها .. وبعدين دخلت قلبي وحبيتها
قام واقف ومشي رايح لاوضته وهو مش متحمل كلمة زيادة من اخوه
استغرب وليد .. ماله ده قام فجأة ؟؟ ضحك وكلم نفسه .." هههه الموبايل كان في ايده اكيد راح يكلم واحدة من بناته"
دخلت ام وجدان وقدمت لابنها كاس عصير وقعدوا يحكوا مع بعض
*********
بالشركة
"مكتب امير"
ريان قام وقف : يلا انا طالع
امير وهو مشغول بالاوراق : رايح فين ؟
ريان بتعب : عندي معاد مع المحامي عشان باقي العقود
امير : اها .. بتقابله فين ؟
ريان : هو طلب مني اقابله في المطعم
أمير رفع حاجبه : فلمطعم ؟
ريان بسخرية : والله مش عارف ده محامي رايح يشتغل ولا ياكل
امير بضحكة : هههههه طيب طيب روح الله معاك
ريان : هههه سلام
خرج ريان من الشركة متجه للمطعم لمقابلة المحامي >>>>
*********
بيت تيمور
فريحة بضيق :نفسي افهم رايحة فين ؟ امك مع امي يعني هتروحي البيت تقابلي الجدار ؟
غالية بتظبط هدومها : ههههه لا مش هقابل الجدار .. بس عايز اروح اجهز حاجاتي للسفر بما ان البيت فاضي واشوف بالمرة ايه الي ناقصني
فريحة : لاحقة تجهزي حاجاتك ومحتاجاتك .. وبعدين استني لما نشوف امتى هنسافر
غالية وهي بتسلم عليها : متحمسة ما عنديش صبر!
فريحة باستسلام : براحتك
خرجت غالية من فيلا تيمور وركبت مع سواقها الخاص وروحت للبيت
**********
شافها وهي خارجة من بيت تيمور.. طلع فونه واتصل : ايوة يا بيه البنت بقت لوحدها
راشد اللي كان بيدور عربيته بعد ما ساب شذى : الزم مكانك وراقبها .. انا خمس دقايق واكون عندك
: امرك يا بيه بس هي انتقلت لفيلا جديده
اتنهد راشد .. حكايه شذى واخواتها شغلته عن اخبار فريحة : هات العنوان الجديد
عطاه العنوان الجديد وقفل الخط وقعد ينتظر معذبه راشد
*********
بالمطعم
كانت قاعدة مع فيصل وهي مبسوطه .. اول مرة تخرج معاه لوحدهم ..من وقت ما اتصل بيها وقال لها همر اخدك والفرحة مش سيعاها .. صديقتها ساره رجعت بيتها بعد ما عرفت بخرووج دانه مع جوزها.. قطع افكارها سؤال فيصل : دانه تطلبي ايه؟؟
دانه اللي كانت ماسكه المنيوو وتقرء قائمة الاكل. رفعت راسها عشان تجاوب فيصل بس دخول ريان المطعم صدمها !!!!
*********
عند دانه
عيونها اتعلقت بريان وهي شيفاه داخل المطعم ومشغول بالاوراق اللي في ايده .. وقعد على وحدة من الطاولات بعد ما سلم على شخص وانشغل بالكلام معاه .. حاست بالشووق له بس اتنهدت براحه لأنه ما انتبه ليهاا.
فيصل اللي كان مركز في المنيووو رفع راسه وباستغراب : دانه سألتك تطلبي ايه ؟
فاقت من افكارها وهي تبعد عيونها عن ريان وبصت لفيصل وقالت له طلبها وهي بتحاول تخفي ارتباكها ...
*********
عند ريان
بعد ما اتناقش مع المحامي على بعض العقوود .. رفع راسه عن الاوراق وهو بيدور بعيونه على الجرسون عشان يطلب لهم حاجه يشربوها .. بس عيوونه استقرت عند دانه بصدمه .. ضغط على القلم بايده لما شافها قاعدة مع شخص وتبتسمله .. انتبه لها وهي بصتله بارتباك وخووف .. ابتسم بسخرية خايفة منه ؟؟!!!
بعد عيونه عنها و نادي الجرسون : لو سمحت ؟
*********
بالشركه
بعد ما انتهى من شغله .. خرج من مكتبه وراح للسكرتير : ناصر باقي اوراق ما وقعتهاش ؟
السكرتيرقام وقف : لأ يا استاذ الاوراق اللي محتاجة توقيع بعتها لحضرتك علي المكتب
امير : تمام انا خارج دلوقت..اذا حصلت حاجة مهمه اتصل عليا... ..
السكرتير : تامر استاذ امير
طلع امير من الشركة مروح للبيت
>>>>>>>>>
عند راشد
واقف جنب بوابة فيلا تيمور بعد ما وقف عربيته بالشارع الثاني عشان محدش يشوفها ....
راشد وهو يطفي السيجاره : خلاص روح انت انتهت مراقبتك
: أمرك يابيه
راح المراقب وراشد فتح البوابه ودخل ومشي بالجنينه الخارجية لحد ما وصل لباب الفيلا رفع ايده ودق الجرس ..
فتحتله الخدامة بابتسامه : حضرتك عايز مين ؟
ابتسم بسخرية ورفع البخاخه على وشها: عايزك تنامي ياحلوة
الخدامه وقعت فالارض من اثر البخاخة .. دخل راشد البيت اول ما وقعت الخدامه .. سمع صوت اغاني جايه من الدور التاني راح ناحيه السلم وهو متبع الصوت
عند فريحة
كانت واقفه تسمع اغنية عمرو دياب ""وده يتساب"" والسييدهات في ايديها تشوفها عشان تختار لها اغنية تانية .. سمعت صوت باب اوضتها بيتفتح .. اضيقت فكرتها الخدامه دخلت الاوضه من غير ما تخبط علي الباب..ومن غير ما تلتفت :سوسي كام مرة قلتلك خبطي علي الباب قبل ما تدخلي؟؟!!
ما سمعتش رد من الخدامه.. لفت .. ورمت السييدهات من ايدها وبصدمة : راشد ؟؟؟؟
ابتسم اول ما شافها بشورتها القصير وبلوزتها الكات : حبيبتي عامله ايه ؟
ارتبكت من نظراته وقلبها دق بقوة : أ .. ازاي دخلت هنا ؟
ضحك بقوة وهو بيقرب منها بخطواته : ههههههه زي ما الناس بتدخل .. من الباب !!
جريت لباب اوضتها عشان تخرج .. بس هو كان اسرع منها زق الباب برجله واتقفل
ومسكها من بلوزتها وقربها ناحيته وانفاسه تلفح وشها : خطبتك بالحلال ورفضتيني .. بس بعد الليلة دي غصب عنك هتوافقي
" راشد كان يقف دايما قريب من مدرسة فريحة عشان يعاكس البنات..وكانت فريحة بثالثه ثانوي..عجبته وحاول اكتر من مرة يتقرب منها بس هي صدته وحتي بعد ماقالها هو ابن مين برضه صدرتله الوش الخشب..وده زود اعجابه بيها وحبها وراح اتقدملها بس هي رفضت لانها بتسمع عنه وعن علاقاته بالبنات والشرب ..والخ وقالت له سبب الرفض وانها عايزه تكمل دراستها"
فريحة وهي بتحاول تبعد ايده عنها وبارتباك وهي خايفة من اللي هيحصل : الجواز مش بالغصب
ابتسم : مش بكيفك يا قلبي
شالها وفضلت تضربه بايدها وتقاومه وتصرخ .. رماها بقوة على السرير وبدء يفتح زراير قميصه
قعدت على سريرها وهي بترجع لورا ودموعها اتجمعت بعيونها : راشد بطل جنان وتهور .. افتكر ربنا وابعد عني
وفضلت ترمي عليه كل مخدة تيجي ايدها عليها ...
انتهى من فتح اخر زرار وبصلها بنظرات قذرة : متخافيش بعد ما اقضي النهارده معاكي هتجوزك علي طول لاني عايزك ملكي
فريحة بخوف ودموعها نزلت تجري على خدها : خلاص موافقه اتجوزك بس ابعد عني دلوقت
ضحك بقووة : ههههههههههههه مجنون انا عشان اصدقك ؟
قرب عليها اكتر وهي فضلت تصرخ.. ضربته برجليها بقوه في صدره.. رجع خطوات من زقتها واتكعبل بالمخدة المرمية بالارض وووقع : اه
قامت من سريرها بسرعة وفتحت باب اوضتها وجريت نزلت علي السلم زي المجنونه .....لفت وراهاشافته يلحقها زادت سرعتها وفتحت باب الفيلا وخرجت للجنينه .. اتكعبلت وهي بتجري وووقعت على النجيله وصرخت بالم وهي بتمسك رجليها : اه ه ه
وصل عندها وهو بينهج وبزعيق : وربنا منا سيبك
نيمها على النجيله وثبت ايديها وقرب من وشها :فريحة انا بحبك
فريحة بخوف ودموع : الله يخليك راشد سبني .. لو فعلا بتحبني ابعد عني
راشد قرب وشه اكتر عشان يبوس شفايفها : مقدرش يا حبيبتي ابعد مقدرش
فريحة وهي بتحرك وشها يمين وشمال عشان ما يلمسهاش وتزعق : راشد كفايه ابعد بقا
.....ضميني بعيونك....
بيت محي الدين
بعد ما وصل البيت واخد شاور ينعشه .. لبس برمودا وتيشرت ضيق برز عضلاته .. وقف قصاد المرايه سرح شعره الرطب
انفتح باب اوضته وسمع صوت اخته شهد بتصرخ: ياهوووووو امير رجع وهروح السوبر ماركت
ابتسم لها : شهد حبيبتي دلوقت انا تعبان هنام شويه .. اول ما اصحا نرووح السوبر ماركت
اتعلقت بايد اخوها وهي تترجاه عشان يعطف عليها : أمير انت وعدتني تاخدني بس ترجع من الشغل .. دلوقت تعالي نروح السوبر ماركت وبعدين ترجع تنام
بصلها ورفع حاجبه من غير ما يرد عليها
شهد ادلعت عليه : عشاني ميرو
اتنهد .. ميقدرش يرفض لها طلب .. قرر يروح يشتري لها وبعدين يرجع ينام : طيب يادلووعة هانم
شهد اتنططت بفرحه : ياهووووووو عاش اخوويا امير
ضحك عليها واخد محفظته وحطها في جيبه
مسك ايدها وخرجوو من الفيلا رايحين للسوبر ماركت>>>>>
مشى وهوبيسمع لحكايات اخته شهد وهي بتتكلم عن يومها .. وقف فجأة وحاول يركز مع الصوت : شهد اسكتي شوويه
شهد بصت ل اخوووها باستغراب : ليه مش حلوة حكاياتي ؟
امير حط ايده على شفايف اخته : اشششش
ركز اكتر مع الصوت وهو سامع صوت صريخ جاي من فيلا تيمور
مشى بسرعة وسحب اخته معاه : شهد امشي بسرعه
وصل وفتح البوابه وانصدم لما شاف شخص فووق فريحة بيحاول يبوسها وهي بتصرخ ؟؟!!
.....ضميني بعيونك....
بيت وجدان
كانت قاعدة في اوضتها وفي ايدها مجلة تتصفحها .. سمعت خبط علي باب اوضتها : ادخل
دخلت ام وجدان وبابتسامه : بتعملي ايه ياروحي انا ؟
وجدان قامت وقفت وترحب بامها : اهلا ياروحي انتي ابدا مش بعمل حاجة بقرء مجله..
ام وجدان قعدت : طيب تعالي اقعدي جنبي عايزاكي بمووضوع
وجدان قعدت جنب امها وباستغراب : موضوع ايه ؟
.....منه محمد....
سوريا "المنتجع"
وقفت السفينة واعلن الكابتن عن الوووصوول بالسلامه للجزيره .. وقال لهم امتى معاد رجووع السفينة .. واتمنى ليهم يوم ممتع !!
نزلت الشله من السفينه وكل واحد اختار مكان يروحله
رامي وفارس ورنا قررو يروحوو يتمشووو بالجزيرة
وجينا ولانا راحوو ناحيه الاسواق
ومازن اخد خطيبته رانيه ومقلش ليهم فين هيروحوو ^^
بس اتفقوو انهم يتجمعوو عند مطعم معرووف بالجزيرة وحدد رامي الساعه اللي بيتجمعوه فيها
اما سيف من وقت ما نزل من السفينة اختفى عن عيووون الشله !!
*************
عند شوق
صحت من نومها وراسها مصدع .. عدلت قعدتها وشالت الايشارب من راسها .. اتنهدت اول ما افتكرت الي حصل معها .. قامت من سريرها اخدت برشامه للصداع .. وقررت تتوضا وتصلي استخاره .. اكيد اذا صلت واستخارت ربها حترتاح وتعرف تاخد قرارها ..
*********
عند دانه
الخووف زاد بقلبها بعد ما شافت نظرات ريان ليها .. كانت بتاكل بس مش حاسه بطعم الاكل .. قالها فيصل عن السفر للندن ووافقت من غير تردد .. هي لازم تختفي من هنا عشان ما يشوفهاش ريان وينساها .. وقع قلبها لما شافته بيودع المحامي ورايح ناحيتها ..
*********
عند ريان
كان شايف الخووف بعيونها وتزيد ابتسامته .. ودع المحامي ..ومشى وراح ناحيتها وابتسامته كل شوويه تزيد .. عدي من جنب طربيزتها ودخل للحمام !! .. دخل وفتح الميه وغسل وشه وبص لنفسه في المرايا الي قصاده: دي فرصتك يا ريان عشان تنتقم منها .. عشان تحرق قلبها زي ما حرقت قلبك .. روح وافضحها عند جوزها.. خليها تعرف ان مش انت اللي تلعب معاه ..
قفل الحنفيه وخرج من الحمام وهو مقرر يروح يفضحها !!!
