رواية حوا وتمضي الايام الفصل السادس 6 بقلم علا احمد
بسم الله الرحمن الرحيم
الفصل السادس..
حوا و تمضي الايام
حوا و تمضي الايام..........................................
تستيقظ تقي وهي غاضبه لأنها استيقظت علي غير عادتها
تقي بغضب : في اي يا ماما ماتسبيني نايمه شويه انهارده إجازة
والدتها : بدري من عمرك يا ست هانم وبعدين الساعه داخله على ١١ وخالتك جايه علي الغدا
تقي بأستغراب: خالتي ليه ثم تنظر إلى ولدتها في شك ماما في ايه
ولدتها بتردد : مافيش حاجه يلا روحي اغسلي وشك عشان نشوف ورانا ايه
تذهب تقي الي المرحاض وهي ماذالت تفكر في الأمر الذي تأتي خالتها إليه
$$$$$$$$$$$$$$$$$$$$
وصلوا إلى الفندق وحجزت لهم أيار جناح وكانوا سعداء صعدت جدتها الي الغرفة لكي تستريح في ماذالت تشعر بالتعب ثم نزلت هي وسارت تمشي على الشاطئ وهي تنظر الي مياة البحر ويوجد لمعة حزن في عيناها
حتي سمعت رنين هاتفها
أيار وهي تجيب على الهاتف
أيار : مريومه وحشتيني اوي
مريم : لا والله باين فعلا لدرجة اني ماسمعتش صوتك بقالي يومين
أيار : حقك عليا بس والله غصب عني ماانتي عارفه اليومين دول ستو واخده كل وقتي
مريم : ماشي يا دكتوره ولا يهمك المهم انتي روحتي المستشفى ولا لسه
أيار : احم لا أصل أنا وستو طلعنا على شرم
مريم : يا حزمه من غير ما تقولي مش بقولك مش في بالك
أيار : افهمي بس الدكتور كتب علي خروج لستو امبارح وسافرنا انهارده علي طول عشان نغير جو المستشفى ده
مريم بتفاهم : ماشي يا حبيبي رحله سعيده ان شاء الله ابقي طمنيني عليكي
أيار وهي تنهي المكالمه: ماشي يا جميله سلميلي علي جوري كتير
مريم : يوصل يا حبيبتي وتغلق الهاتف
ترجع أيار الي الفندق مره اخرى ولم تدري بالعيون الذي تراقبها من بعيد
$$$$$$$$$$$$$$$$$$$$$
في معرض الاثاث والديكور المنزلي للحج إكرامي نبيل يجلس هو وابنه
اكرامي : انهارده في واحد جالي الصبح
نبيل بلامبالاة : وعايز ايه
اكرامي : طالب ايد بنت عمك
نبيل وهو يتذكر البنت العنيده
نبيل : وايه المشكلة
اكرامي : لا والله انت عايز البنت تتجوز وتجيب واحد يقلب في الي فات ونرجع نتكلم في الورث تاني
نبيل بعصبية خفيفه : يعني الحل ايه ماهي كده كده هتتجوز احنا هنحكم عليها تعيش العمر كله كده
اكرامي وهو يقف ويقول في حزم : عشان كده لازم تتجوز فيونكه
نبيل بصدمة: نعم
اكرامي بنفس الحزم : تتجوز فيونكه
نبيل فضل شويه واقف مش متأكد هو سمع صح او غلط او ابوه بيكلمه ولا بيكلم حد تاني بس اكيد الموضوع في حاجه غلط
نبيل : انت بتكلم بجد
اكرامي بهدوء حذر : هو الكلام ده هزار وبعدين انت ابني الكبير و دراعي اليمن ولازم تحافظ على كل حاجه
نبيل زعق : أيوه بس ده جواز مش صفقه وانا عايز اختار مراتي بنفسي
اكرامي: والله انت الشرع محلل ليك أربعة ثم قال في سخريه ابقا اختار الثلاثة التانين علي كيفك
نبيل بضيق شديد : بس أنا مش موافق
اكرامي بحزم : انا مش باخد رايك انا بس ببلغك عشان تجهز يوم الخميس
$$$$$$$$$$$$$$$$$$$$
ولدة تقي وهي تفتح الباب نورتوا
اتفضلوا ودخل الجميع إلي غرفة الجلوس وظل يتحدثون في أمور الحياة وحال البلد حتي دخلت تقي
خالتها وهي تقف : اهلا يا توته وحشتيني اوي ثم احتضنتها ولكن ردت تقي بسلام بارد
تقي ببرود: كويسه الحمد لله
ثم وجهت كلامها الي منال : ازيك يا منال
منال بغيظ من طريقتها البارده: كويسه يابنت خالتي ثم نظرت إلى احمد الذي كان يراقبها وينظر إليها بهيام ولم يلاحظ تصرفاتها الساخيفه
لم يعجبها تقي نظرات احمد اليه لذالك رمقته ببرود
احمد : وأنتي عامله ايه يا تقي في الكليه
تقي بتعالي : كويسه جدا هي طبعا كلية صيدلة صعبة بس انا ماشيه حلو
ثم قالت في خبث : وانت اخبارك ايه شد حيلك بقا انت اخر سنه وعايزين نفرح بيك
منال بأستغراب : تفرحي بي إزاي
تقي بخبث : يتجوز يا موني وانا الي هختار عروستك بنفسي ما انتي عارفه يا موني احمد زي اخويا الكبير ونفسي افرح بي من زمان
احمد بوجع : بس انا مش اخوكي يا تقي
تقي : اخص عليك يا احمد انا اكتر من اخويا يعني مثلا أنا يوم مااحب اول واحد هاجي اقوله هو انت
احمد وهو يضع الكوب الذي بيده علي الطاولة ويقف : طب نستأذن احنا بقا
والدتها بزعل من تصرفات ابنتها الغبيه :ليه بس كده يا احمد مالسه بدري
نظر أحمد نظرة وداع اخيره الي تقي التي كانت تنظر لهم ببرود وهو يقسم ان يخرج هذه الفتاة اللعوبه من حياته إلي الأبد ثم نظر إلى ولدتها: معلش يا خالتي عشان عندي مشوار مهم
يلا سلام وقال هذه الكلمة بنظره ذات معنى فهمها هي و ولدتها
كانت تقي ستهم بالذهاب إلى حجرتها عندما استوقفها صوت ولدتها العالي الذي كانت توجه لها بعض الكلمات الصارخة علي هذا العريس الذي فقدته بسبب غبائها ولكن لا تبالي واكلمت السير الي غرفتها
$$$$$$$$$$$$$$$$$$$$$$
في الجامعة القاهره كلية الآداب
تقابل فيونكه أصدقائها المقربين
نور وهي توجه كلامها الي فيونكه: في ايه مالك
فيونكه بضيق: مافيش حاجه يا نور
نور : آمال مش عايزه تخرجي معانا ليه انتي مش عندك اجازه من الشغل انهارده
مني بضحك : انا عارفة ممكن اقول يا ابله
فيونكه : مني لو سمحتي اسكتي خالص
نور : لأ ما أنا لازم اعرف انتي زعلانه مني ليه
فيونكه: لبسك يا نور أنا اول مره اشوفك لبسه بنطلون هو احنا بنطلع ولا بننزل مش كفايه انك مش راضيه تلبسي الخمار كمان خلعتي الفساتين ولبستي بنطلون
نور بتبرير: انا ماخالعتش الفساتين انا بس بشكل في لبسي
فيونكه: البنطلون حرام شرعا
نور بسخرية: حرام في ايه يا ست الشيخه
فيونكه : انا مش شيخه يا نور انا واحده ملتزمة بالسنه بتاعتي وماشيه عليها وبعدين اللبس الشرعي حماية ليكي علي فكره شوفتي الجيل البايظ دا دا بقا حماية ليكي من شباب الجيل ده ربنا يهديهم
نور باعتراض: بس انا عايزه اتمتع بشابي وكده شبابي حيروح بالبس ده
فيونكه بأبتسامه: لا يا جميله انتي فاهمه غلط شبابك مش حيروح ولا حاجه ثانياً هتكوني ماشيه زي الملكه مش حتفتني حد ومش هتخدي سيئات ثم قالت في خبث زي انا ومني كده
نور بخضه: ياربي انتي عايزاني البس النقاب زيكم
مني بضحك : دي هتكون احلي خطوه في حياتك يا نونو وبعدين اجمل حاجه تكوني شايفه الناس وماحدش شايفك
نور : لأ نقاب إيه صلوا على النبي كده ثم قالت في ضيق شديد خلاص مش هلبس بنطلون تاني وامري الله
$$$$$$$$$$$$$$$$$$$$$
كانت منه تقف أمام شقة الحج إكرامي وهي مترددة ثم تحسم أمرها وتدق الباب حتي تأتي إليه نجاة وهي تفتح الباب
نجاة : اهلا يا منه تعالي واقفلي الباب وراكي
تدخل نجاة وتجلس تضع ساق فوق الاخر
نجاة : لسه قافلة مع امك دلوقتى
منه بهدوء : اه ما أنا عارفة
نجاة : طب يلا ابدائي بقا بس مالكيش دعوه ل اوضة نبيل انا هنضفها عشان هو مابيحبش حد يدخل اوضته
منه : حاضر بعد اذنك
و واسط ماكانت تعمل منة بالمنزل سمعت صوت جعلها تتوقف عن العمل تعجبت لذالك الصوت الجميل صوت أحد يتلو القران بخشوع وصوت عزب ظلت تقترب من الغرفه الذي يأتي منها الصوت ووقفت عندها وظلت شاردة في ذالك الجمال
حتي جأت نجاة من خلفها: انتي بتعملي ايه هنا
منه : بخضه : بسم الله الرحمن الرحيم
نجاة بغضب : ايه شوفتي عفريت
منه : لا لأ مش قصدي انا بس اتخضيت هو صحيح يا طنط صوت مين ده
نجاة بتفاخر: ده صوت ابني الصغير
منه بإعجاب: الله ده صوت سند
نجاة بشك : وانتي عارفه اسمه منين
منه بأرتباك: هوانا هعرف منين حضرتك الي بتقولي وبعدين اولاد الحج إكرامي معروفين
نجاة : امممم طب يلا كملي
$$$$$$$$$$$$$$$$$$$$$$$
في احد المحلات السياحية في شرم الشيخ كانت أيار تمشي مع جدتها
جدتها بتعب : ما كفايه بقا يا أيار انا تعبت من كثر اللف
أيار وهي تنظر إلى بعض التحف: لا يا سوسو تعبتي اي بس لسه بدري
جدتها : لا يا ختي انا مش قادره انا هروح أقعد في الكافية اللي جنب المحل وانتي لما تخلصي تعالي عقبال ما اشرب كوبية شاي
أيار بضحك : ماشي يا عجوزه
تذهب جدتها الي الكفايه الموجود جانب المحل ولكن تريد أن تذهب الي الحمام أولا فذهبت إلى الحمام
أيار وهي تتذكر ليس معها مال لدفع هذه الأشياء لأنها تركت حقيبتها مع جدتها تترك أيار الاشياء من يداها وتذهب لجلب حقيبتها
تذهب أيار الي الكافية وهي تدور عيناها لتبحث عن جدتها
تشعر ب القلق وتتجمع الدموع ب عيونها
حتي سمعت : في حاجه يا انسه
