رواية كسر الخواطر الفصل الخامس 5 بقلم ريم محمد محمد
ﻛﺴﺮ ﺍﻟﺨﻮﺍﻃﺮ 5
ﺭﺣﻤﻪ:: ﻃﻠﻌﺖ ﻣﻦ ﺍﻟﻤﺴﺘﺸﻔﻲ ﻋﻠﻲ ﺣﻮﺵ ﺟﺪﻱ
ﻣﻘﻌﺪﻩ . ﻣﻨﺸﻮﻓﺶ ﻭﻻ ﻧﻘﺪﺭ ﻧﺤﻜﻲ .
ﺑﺎﺑﺎ ﻳﺒﻴﺶ ﻳﺸﻮﻑ ﻭﺟﻲ .
ﻧﻌﺬﺭﻩ. ﺍﻟﻠﻲ ﺻﺎﺭ ﻣﺶ ﺳﺎﻫﻞ ﺑﺲ ﺍﻧﺎ ﺷﻦ ﺫﻧﺒﻲ . ﻭﻫﻮﺍ ﻛﻴﻒ ﻳﺼﺪﻕ ﺍﻧﻲ
ﻣﻤﻜﻦ ﻧﻜﻮﻥ ﺑﻨﺖ ﻣﺶ ﻛﻮﻳﺴﻪ
ﺍﻧﺎ ﺗﻮﺍ ﻣﺤﻄﻤﻪ ﻣﻠﻴﺶ ﻓﺎﺋﺪﻩ
ﻃﻠﻌﻨﺎ ﻭﻣﻌﺎﻧﺎ ﺍﺣﻤﺪ ﻭﻣﻬﻨﺪ.
ﺃﻣﻞ ﻭﺃﺳﻤﺎﺀ ﻣﺤﺒﻮﺳﺎﺕ ﻋﻨﺪ ﺑﺎﺑﺎ ﻧﺒﻴﻬﻦ ﻣﻌﺎﻳﺎ ﻣﺤﺘﺎﺟﺘﻬﻦ .
ﻃﻠﻌﻮﻧﻲ .
ﻭﺍﻧﺎ ﻓﻲ ﺣﺎﻟﻪ ﻧﻔﺴﻴﻪ ﻣﺪﻣﺮﻩ . ﻣﺶ ﻣﺴﺘﻮﻋﺒﻪ ﺍﻟﻠﻲ ﺻﺎﺭ
ﻧﺒﻜﻲ ﻛﻞ ﺷﻮﻱ
ﻣﺶ ﻗﺎﺩﺭﻩ ﻧﺸﻮﻑ ﻏﻴﺮ ﺻﻮﺭﺓ ﻣﺎﻣﺎ ﺑﻴﻦ ﻋﻴﻮﻧﻲ ﻭﺧﻮﺍﺗﻲ ﻭﺧﻮﺗﻲ ﺭﺍﻳﻔﺖ .
ﻋﻠﻴﻬﻢ
ﺗﺠﻲ ﺻﻮﺭﺓ ﻣﺤﻤﺪ ﻭﺍﻟﻠﻲ ﺩﺍﺭﻩ ﻓﻴﺎ . ﻧﻨﻬﺎﺭ . ﻟﻘﻄﺔ . ﺍﺳﺘﻬﺰﺍﺀﻩ ﺑﻴﺎ ﺑﻴﻦ ﻋﻴﻮﻧﻲ
ﻣﻌﺶ ﻧﺸﻮﻑ ﻓﻲ ﺷﻲ ﺑﺲ ﻟﻴﺶ ﺍﻟﻠﻘﻄﻪ ﻫﺬﻱ ﻧﺸﻮﻑ ﻓﻴﻬﺎ
ﻛﻴﻒ ﻃﻠﻘﻨﻲ ﺑﺎﻟﺴﻬﻮﻟﺔ. ﻫﺬﻱ ﺑﺪﻭﻥ ﺍﻱ ﻣﺮﻋﺎﺓ ﻟﻠﻘﺮﺍﺑﻪ ﻭﺍﻟﺪﻡ ﻭﺍﻟﺴﻤﻌﻪ
ﺍﻟﻠﻲ ﺿﻴﻌﻬﺎ
ﻣﺎﻣﺎ ﻭﺍﺟﻌﺘﻨﻲ ﺣﺒﻴﺒﺘﻲ
ﻋﻼﻗﺔ ﺧﻼﺗﻲ ﻟﺒﻌﻀﻬﻦ ﻗﻮﻳﻪ .ﺑﺴﺒﺐ ﻋﻼﻗﺔ ﻧﺴﺐ . ﺿﺎﻋﺖ ﻭﺍﻧﻘﺴﻤﻮ ﺧﻮﺍﻟﻲ
ﺟﺰﺀ ﻣﺘﻌﺎﻃﻒ ﻣﻌﺎﻳﺎ. ﻭﻗﺎﻃﻊ ﺧﻮﻳﻠﻪ ﻛﻮﺛﺮ
ﻭﺟﺰﺀ ﻣﺤﺎﻳﺪ .
ﺍﻧﺎ ﺣﺎﻟﻴﺎ ﻓﻲ ﺣﺎﻟﺔ ﺻﺪﻣﺔ
ﻛﻨﺖ ﺭﺍﻗﺪﺓ ﻭﻧﻀﺖ ﻋﻠﻲ ﺻﻮﺕ ﺑﺎﺑﺎ ﻳﻌﻴﻂ ﻫﻮﺍ ﻭﺍﺣﻤﺪ ﻭﻣﻬﻨﺪ ﻭﺧﺎﻟﻲ
<~>~
ﺍﺣﻤﺪ::ﻋﻠﻲ ﺟﺜﺘﻲ ﻳﻨﺪﺍﺭ ﺍﻟﻔﺤﺺ ﺍﻟﻄﺒﻲ. ﻭﺍﻧﺖ ﻣﻠﻜﺶ ﺩﻋﻮﺍ ﺑﻴﻬﺎ ﺭﺣﻤﻪ
ﻣﺴﺆﻭﻟﻴﺘﻲ.
ﻋﺒﺪﺍﻟﺴﻼﻡ :: ﻧﺒﻲ ﺗﻘﺮﻳﺮ ﻧﺤﻄﻪ ﻓﻲ ﻭﺝ ﺧﻮﺗﻲ ﻭﺧﻮﺍﺗﻲ. ﻭﺍﻟﺠﻴﺮﺍﻥ ﻧﺒﻲ
ﻧﻠﺼﻘﻪ ﻋﻠﻲ ﺑﺎﺏ ﺣﻮﺷﻲ ﻧﺒﻲ ﻧﺜﺒﺖ ﻟﻠﻌﺎﻟﻢ ﺍﻧﻬﺎ ﻃﺎﻫﺮﻩ ﺣﺴﻮ ﺑﻴﺎ . ﻳﺎﻧﺎﺱ
ﺭﺍﺳﻲ ﻓﻲ ﺍﻟﻮﻃﺎ ﻛﻼﻡ ﺍﻟﻨﺎﺱ . ﻳﻘﺘﻞ ﻓﻴﺎ
ﺍﺧﻤﺪ:: ﺍﻟﻠﻲ ﺑﻴﺤﻜﻲ ﻳﺤﻜﻲ ﻣﺴﺘﺤﻴﻞ ﻳﺎﺑﺎﺗﻲ ﺍﻓﻬﻢ. ﻟﻮ ﺩﺭﻧﺎ ﺍﻟﺘﻘﺮﻳﺮ ﻭﻛﺸﻒ .
ﺭﺣﻤﻪ ﺭﺍﺡ ﺗﺘﻌﺐ ﻧﻔﺴﻴﺎ ﺯﻳﺎﺩﻩ . ﻣﻨﻘﻌﺪﻭﺵ ﻧﺤﻦ ﻧﺰﻳﺪﻭ ﻓﻴﻬﺎ ﻋﻠﻴﻬﺎ ﻫﻲ ﻻﺯﻡ
ﺗﺤﺲ ﺍﻥ ﻧﺤﻦ ﻭﺍﺛﻘﻴﻦ ﻓﻴﻬﺎ ﻻﺯﻡ ﻧﻔﺴﻴﺘﻬﺎ ﺗﺘﺤﺴﻦ ﻋﺸﺎﻥ ﺗﺮﺩ ﻃﺒﻴﻌﻴﻪ .
ﻭﻟﻮ ﻣﺮﻩ ﺑﺲ ﻳﺎﺑﺎﺗﻲ ﺻﺒﻲ ﻣﻌﺎﻧﺎ ﻭﻟﻮ ﻣﺮﻩ ﺑﺲ . ﺣﺲ ﺑﻴﻨﺎ ﻭﺃﻣﺴﻚ ﻓﻲ ﻳﺪﻳﻨﺎ
ﻋﺒﺪﺍﻟﺴﻼﻡ :: ﺍﻧﺎ ﻣﻴﻬﻤﻨﻴﺶ ﻧﻔﺴﻴﺘﻬﺎ ﺗﻤﻮﺕ ﻭﻻ ﺗﻨﺠﻦ ﻭﻻ ﺗﺘﺤﺮﻕ ﺍﻧﺎ ﻧﺒﻲ .
ﻧﺜﺒﺖ ﺷﺮﺭﺭﺭﻓﻲ .
ﻳﺎﺭﺍﺟﻞ ﺧﻮﺗﻲ ﻗﺎﻃﻌﻮﻧﻲ ﺣﺎﻃﻴﻦ ﺍﻟﻠﻮﻡ ﻋﻠﻴﺎ ﻣﻌﺮﻓﺘﺶ ﻧﺮﺑﻲ ﻭﺧﺎﻳﻔﻴﻦ ﻋﻠﻲ
ﺳﻤﻌﺔ ﺑﻨﺎﺗﻬﻢ
ﺍﻧﺖ ﻭﻳﺎﻩ ﺭﺟﺎﻟﻪ ﻣﺶ ﻣﺘﻈﺮﺭﻳﻦ ﻟﻜﻦ ﺍﺳﻤﺎﺀ ﻭﺃﻣﻞ . ﺷﻦ ﻣﺼﻴﺮﻫﻦ ﻣﻦ ﺑﻴﺠﻲ
ﻳﺪﻕ ﺍﻟﺒﺎﺏ ﻭﻳﻄﻠﺒﻬﻦ
ﻣﻬﻨﺪ:: ﺍﺳﻤﻊ ﻭﺣﻂ ﺍﻟﻜﻼﻡ ﻓﻲ ﺭﺍﺳﻚ . ﻣﺴﺘﺤﻴﻞ ﺣﺪ ﻳﺠﻲ ﺷﻮﺭ ﺭﺣﻤﻪ .
ﻭﺍﻟﻜﻠﺐ ﻣﺤﻤﺪ ﺍﻧﺎ ﻧﻌﺮﻑ ﻛﻴﻒ ﻧﺎﺧﺪ ﺣﻘﻬﺎ ﻣﻨﻪ
ﺗﻄﻤﻦ ﻭﺧﻠﻲ ﺭﺍﺳﻚ ﻣﺮﻓﻮﻉ ﺑﻨﺘﻚ ﺷﺮﻳﻔﻪ ﻭﺍﻟﻠﻲ ﻣﺎﻳﺒﻲ ﻳﺼﺪﻕ ﺭﺍﺳﻪ
ﻳﻀﺮﺑﻪ ﻓﻲ ﺍﻟﺤﻴﻂ
ﺧﺎﻝ ﻣﻔﺘﺎﺡ:: ﻋﺒﺪﺍﻟﺴﻼﻡ ﺍﻫﺪﺍ . ﻭﺣﺎﺝ ﻋﻠﻲ ﻗﺎﻋﺪ ﻗﺎﻟﺐ ﺍﻟﺪﻧﻴﺎ ﻋﻠﻲ ﻣﺤﻤﺪ ﺗﻮﺍ
ﻳﺠﺒﻮﻩ ﻏﺼﺒﺎ ﻋﻨﻪ ﻭﻳﺼﻠﺢ ﺍﻟﻠﻲ ﺩﺍﺭﻩ
ﻋﺒﺪﺍﻟﺴﻼﻡ :: ﺣﺎﺝ ﻣﺤﻤﺪ ﻫﺬﺍ ﺣﺴﺎﺑﻪ . ﻣﻌﺎﻳﺎ . ﻫﺎﺭﺏ ﻛﺎﺭﺱ ﻫﻮﺍ ﻭﻋﻴﺎﻟﻪ
ﻣﺼﻜﺮﻳﻦ ﻣﺤﻼﺗﻬﻢ ﻫﺎﺭﺑﻴﻦ ﻭﺍﻟﺤﻮﺵ ﻳﻄﻠﻊ ﻧﺴﻴﺒﻬﻢ ﻳﻮﺯﻉ ﻓﻴﺎ ﺑﺲ ﺍﻧﺎ ﻭﺭﺍﻩ
ﻟﻴﻦ ﻧﻠﻘﻄﻪ
ﻣﻔﺘﺎﺥ::ﺍﻟﺤﺎﺝ ﻣﺤﻤﺪ ﻭﻛﻮﺛﺮ ﻣﺶ ﻗﺎﺩﺭﻳﻦ ﻳﻄﻠﻌﻮ ﻟﻠﻨﺎﺱ ﺣﺘﻲ ﻫﻤﺎ ﻣﺼﻴﺒﺘﻬﻢ
ﻛﺒﻴﺮﻩ .
ﺍﻧﺖ ﺍﻫﺪﺍ ﻭﺍﻥ ﺷﺎﺀﺍﻟﻠﻪ ﺗﻨﺤﻞ
~>~>~
ﻣﺮﺍﺩ :: ﻳﺎﺑﺎﺗﻲ ﻟﻔﻴﺖ ﻋﻠﻴﻪ ﻛﻞ ﺃﺻﺤﺎﺑﻪ ﻣﺤﺪ ﻋﺎﺭﻑ ﻣﻜﺎﻧﻪ
ﻋﺒﺪﻭ:: ﺍﻟﻤﺸﻜﻠﻪ ﻭﺍﺧﺪ ﻛﻞ ﺍﻭﺭﺍﻗﻪ ﻭﺣﺘﻲ ﺟﻮﺍﺯﻩ ﻣﺶ ﻗﺎﻋﺪ
ﺣﺎﺝ:: ﺍﻧﺎ ﻣﺶ ﺣﺎﺭﻕ ﻗﻠﺒﻲ ﻏﻴﺮ ﺍﻟﺒﻨﺖ ﺍﻟﻤﺴﻜﻴﻨﻪ ﺍﻟﻠﻲ ﺿﻴﻌﻬﺎ
ﺍﻣﻜﻢ ﺍﻟﻠﻲ ﻓﻲ ﻋﺎﻟﻢ ﺛﺎﻧﻲ
ﺩﻧﻴﺎ ::ﻳﺎﺭﻭﺣﻲ ﻳﺎ ﻋﻤﻴﻤﻪ ﻗﺪﺍﺵ ﺑﺘﺘﺤﻤﻞ . ﻭﺧﻴﺘﻬﺎ ﻭﻭﻭﻟﻴﺪﻫﺎ
ﺍﺷﺮﻑ:: ﺍﺍﺍﻩ ﺑﺲ ﻟﻮ ﻧﻄﻘﻪ ﻧﺤﻂ ﻏﻠﻲ ﻓﻴﻪ ﺍﻟﺤﻴﻮﺍﻥ ﺍﻟﺼﺎﻳﻊ
ﺍﻣﺎﻧﻲ::ﻣﺮﺍﺩ ﺧﻮﺩ ﻣﺮﺍﺗﻚ ﻭﺳﺎﻓﺮ . ﻣﺶ ﺩﺍﻋﻲ ﺍﻟﺒﻨﺖ ﺗﺸﻮﻑ ﻣﺸﺎﻛﻠﻨﺎ
ﻭﺑﻌﺪﻳﻦ ﺣﺮﺍﻡ ﻋﺮﻭﺱ ﻣﻠﻬﺶ ﺫﻧﺐ. ﻟﻚ ﻛﻢ ﻳﻮﻡ ﻣﺴﻴﺒﻬﺎ ﺑﺮﻭﺣﻬﺎ ﻓﻮﻕ
ﻣﺮﺍﺩ ::ﻣﻨﻘﺪﺭﺵ ﻳﺎﺍﻣﺎﻧﻲ . ﺗﻲ ﺭﺍﻫﻮ ﺍﻟﻠﻲ ﺻﺎﺭ ﻛﺎﺭﺛﻲ . ﺭﺣﻤﻪ ﺑﻨﺖ ﺧﺎﻟﺘﻲ
ﻛﺮﻳﻤﻪ . ﺍﻣﻲ ﺍﻟﺜﺎﻧﻴﻪ ﺻﺢ ﻣﻨﻌﺮﻓﻮﻫﻨﺶ ﺍﻟﺒﻨﺎﺕ . ﺑﺲ ﺧﺎﻟﺘﻲ ﺯﻱ ﺍﻣﻲ . ﻭﻓﻲ
ﺍﻟﻨﻬﺎﻳﻪ ﻓﻀﻴﺤﻪ ﺣﺘﻲ ﻟﻨﺎ
ﺭﺣﺎﺏ ﻣﺘﻔﻬﻤﻪ ﺍﻟﻮﺿﻊ . ﻭﺍﻥ ﺷﺎﺀﺍﻟﻠﻪ ﻏﻴﺮ ﻳﻬﺪﺃ ﺍﻟﻮﺿﻊ ﻧﻌﻮﺿﻬﺎ
ﻋﺒﺪﻭ::ﺍﺭﻛﺐ . ﻟﺸﻘﺘﻚ . ﻳﺎﻣﺮﺍﺩ ﻋﻴﺐ ﺍﻟﺒﻨﺖ ﻳﺎﺭﺍﺟﻞ. ﺍﻧﺖ ﻣﻦ ﺍﻟﺼﺒﺢ ﻟﻠﻴﻞ
ﻟﻮﻃﺎ
ﺣﻠﻴﻤﻪ: ﻛﻼﻡ ﺧﻮﺗﻚ ﺻﺢ ﺍﺭﻛﺐ
ﻣﺮﺍﺩ :: ﻛﻴﻒ ﻧﺴﻴﺐ ﺍﻣﻲ. ﺍﻟﻄﺎﻳﺤﻪ ﻫﺬﻱ ﻭﺭﻳﻤﺎ ﺍﻟﻠﻲ ﻋﻴﻮﻧﻬﺎ ﻣﺘﻮﺭﻣﺎﺕ ﺑﻜﺎﺀ
ﺍﻣﺎﻧﻲ:ﺍﻧﺎﺑﺎﻳﺘﻪ ﻣﻌﺎﻫﻦ ﺍﻧﺖ ﺍﺭﻛﺐ ﻳﺎﻋﻴﺎﻝ. ﺧﻼﺹ ﻣﻔﺮﻭﺽ ﺗﻔﺘﺤﻮ ﺍﻟﻤﺤﻼﺕ
ﻭﻋﻴﺸﻮ ﺍﻟﻮﺿﻊ ﻃﺒﻴﻌﻲ
ﺣﺎﺝ :: ﺧﻼﺹ . ﺭﺩﻭ ﻣﻦ ﺑﻜﺮﺍ ﺍﻓﺘﺤﻮ . ﻣﺮﺍﺩ ﺍﻧﺖ ﺍﺟﺎﺯﻩ . ﻋﺒﺪﻭ ﺃﻣﺴﻚ ﻣﻜﺎﻥ
ﺧﻮﻙ ﻭﺍﻧﺎ ﺗﻮﺍ ﻧﻤﺴﻚ ﻣﻜﺎﻧﻚ
ﻣﻮﺳﻢ ﻋﻴﺪ ﺍﻻﺿﺤﻲ ﻭﻓﻲ ﺑﻴﻊ ﻭﺷﺮﺍﺀ.
<~>~
ﻣﺮﺍﺩ :ﺍﻟﺴﻼﻡ ﻋﻠﻴﻜﻢ .
ﺭﺣﺎﺏ:: ﻭﻋﻠﻴﻜﻢ ﺍﻟﺴﻼﻡ ﺣﺒﻴﺒﻲ
ﻣﺮﺍﺩ :: ﺣﺒﻲ ﺍﺳﻒ ﺑﺲ
ﺭﺣﺎﺏ:: ﺃﺳﺴﺲ ﻳﺎﻗﻠﺒﻲ. ﻣﺘﺘﻌﺬﺭﺵ ﺍﻟﻠﻪ ﻳﻌﻴﻨﻜﻢ ﻭﺭﺑﻲ ﻳﻔﺮﺟﻬﺎ. ﻭﺗﻨﺤﻞ
ﻣﺮﺍﺩ :: ﺣﻴﺎﺗﻲ ﻣﺘﺤﻜﻴﺶ ﻗﺪﺍﻡ ﻫﻠﻚ ﻣﻬﻤﺎ ﻛﺎﻥ ﺭﺣﻤﻪ ﻣﺴﻜﻴﻨﻪ
ﻭﻣﺤﻤﺪ ﺧﻮﻳﺎ . ﺭﺍﻫﻮ
ﺭﺣﺎﺏ::ﺣﺎﺿﺮ ﺷﻨﻮ ﺗﻌﺸﻴﺖ
ﻣﺮﺍﺩ ::ﻻﻻ ﺗﻮﺍ ﻋﺒﺪﻭ ﺩﺯﻳﺘﻪ ﻳﺠﻴﺒﻠﻨﺎﻋﺸﺎﺀ ﺗﺮﻳﺤﻲ ﺣﺒﻴﺒﻲ
<~>~
ﺍﺷﺮﻑ ::ﺩﻧﻴﺎ ﺟﻴﺒﻴﻠﻲ ﺑﻨﺎﺩﻭﻝ ﺭﺍﺳﻲ ﺧﻼﺹ
ﺩﻧﻴﺎ ::ﺗﻔﺼﻞ . ﺻﺤﻪ ﺣﺒﻴﺒﻲ
ﺍﺷﺮﻑ:: ﺳﻠﻤﻚ ﺯﻋﻤﻚ ﻭﻳﻨﻪ . ﻓﻲ ﺭﺍﻳﻚ ﺍﻟﻜﻠﺐ
ﺩﻧﻴﺎ :: ﺍﻧﺎ ﻧﻘﻮﻝ ﺳﺎﻓﺮ
ﺍﺷﺮﻑ:: ﺍﺳﺘﻨﻲ . ﻣﺶ ﺍﻧﺖ ﻋﻨﺪﻙ ﺭﻗﻢ ﺍﻣﻴﺮﻩ
ﺩﻧﻴﺎ ::ﺁﻱ ﻋﻨﺪﻱ. ﻋﻼﺵ
ﺍﺷﺮﻑ :: ﻣﺪﻟﻲ ﺑﺴﺮﻋﻪً ﺍﻟﺮﻗﻢ .
ﺩﻧﻴﺎ :: ﻧﺠﺮﺏ ﺍﻧﺮﻥ
ﻣﻘﻔﻞ .
|<~>~
ﻣﺤﻤﺪ:: ﺷﻨﻮ ﺣﺒﻴﺒﺘﻲ
ﺍﻣﻴﺮﻩ:: ﻧﺤﻜﻲ ﻣﻦ ﺍﻣﺒﺪﺭﻱ ﻭﺍﻧﺖ ﻣﺶ ﻣﻌﺎﻳﺎ ﺑﻜﻜﻜﻜﻞ . ﺍﺣﻤﻴﺪﻩ ﻛﻨﻚ
ﻣﺤﻤﺪ:: ﻣﺸﻐﻮﻝ ﻋﻠﻲ ﺍﻣﻲ .
ﺍﻣﻴﺮﻩ:ﺍﻛﻴﺪ ﺯﻋﻼﻧﻪ ﺭﺑﻲ ﻳﻌﻴﻨﻬﺎ ﺑﺲ ﻫﻤﺎ ﺍﻟﻠﻲ ﺍﺟﺒﺮﻭﻧﺎ ﻋﻠﻲ ﻫﻜﻲ
ﺍﺣﻤﻴﺪﻩ ﻣﺘﺤﺴﺴﻨﻴﺶ ﺑﺎﻟﺬﻧﺐ . ﻭﺗﺨﻮﻓﻨﻲ ﻣﻨﻚ
ﺍﻧﺎ ﺑﺪﻳﺖ ﻧﺤﺲ ﺍﻧﻚ ﺗﻔﻜﺮ ﺗﻘﻮﻝ ﻛﺎﻥ ﻣﺸﻴﺖ ﻫﻞ ﺍﻟﺠﻮﺍﺯﻩ ﻭﺧﻼﺹ ﻟﻴﺶ
ﻧﻄﻠﻖ ﻓﻴﻬﺎ
ﻣﺤﻤﺪ:: ﻓﻄﻨﺖ ﻟﺮﻭﺣﻲ ﺍﻧﻲ ﺯﻭﺩﺗﻬﺎ ﻟﻴﺎ ﻛﻢ ﻳﻮﻡ ﻗﺎﻟﺐ ﺍﻟﻨﻜﺪ
ﺑﺮﻣﺖ ﻋﻠﻴﻬﺎ
ﻣﻌﻘﻮﻟﻪ ﺗﺨﺎﻓﻲ ﻣﻨﻲ ﺍﻧﺖ ﻣﺘﻌﺮﻓﻴﺶ ﻛﻴﻒ ﻧﺤﺒﻚ ﻭﻻ ﺷﻨﻮ ﻳﺎﻣﻴﺮﺗﻲ ﺍﻟﺤﻠﻮﻩ
ﺗﻲ ﺍﻧﺖ ﺍﻭﻝ ﻭﺁﺧﺮ ﺣﺐ ﻟﻴﺎ . ﻧﺤﺒﻚ ﺍﻧﺖ ﻭﺑﺲ .
ﺍﻣﻴﺮﻩ:: ﻋﺎﺭﻓﻪ ﻭﺍﻧﺎ ﻧﻤﻮﺕ ﻓﻴﻚ ﻳﺎ ﻗﻠﺒﻲ .
ﻣﺤﻤﺪ:: ﺭﻓﻌﺘﻬﺎ ﻭﺧﺸﻴﺖ ﺑﻴﻬﺎ ﻟﻠﺪﺍﺭ
|<~>~
ﺑﻌﺪ ﻣﺮﻭﺭ ﺍﻷﻳﺎﻡ .
ﻛﺮﻳﻤﻪ :: ﺣﺒﻴﺒﺘﻲ ﺍﻧﺖ ﺗﺎﺧﺪﻱ ﻓﻲ ﺩﻭﺍﺀ ﺍﻓﻄﺮﻱ
ﺭﺣﻤﻪ:: ﺣﺮﻛﺖ ﺭﺍﺳﻲ ﺑﻤﻌﻨﻲ ﻻﻻ
ﺍﺧﻤﺪ:: ﻳﺎﻋﻴﻮﻧﻲ ﺩﻭﺍﻙ ﻻﺯﻡ ﺗﺎﺧﺪﻳﻪ . ﻣﺶ ﻛﻮﻳﺲ ﺗﻬﻤﻠﻲ ﺍﻟﻌﻼﺝ
ﺭﺣﻤﻪ:: ﺷﻴﺮﺗﻠﻪ ﺍﻧﻲ ﻧﺒﻲ ﻧﻘﻮﻟﻪ ﻛﻼﻡ ﺑﻴﺪﻱ ﻗﻌﺪﺕ ﻧﺤﺮﻙ ﻓﻲ ﻳﺪﻱ ﻋﻠﻲ
ﺍﻧﻲ ﻧﺒﻲ ﻧﻜﺘﺐ
ﺍﺣﻤﺪ :: . ﺗﺒﻲ ﺗﻜﺒﻲ ﺧﻼﺹ ﻫﻲ .
ﻧﻮﺭﺍ:: ﻫﺎﻙ ﻋﻄﻴﻬﺎ ﺍﻛﺘﺒﻲ ﺣﺒﻴﺒﺘﻲ ﻓﻀﻔﻀﻲ
ﺭﺣﻤﻪ::
ﺍﺣﻤﺪ ﺍﻧﺎ ﻋﺎﺭﻓﻪ . ﻋﻼﺟﻲ ﻳﻜﻠﻒ ﻭﺍﻧﺖ ﻣﻦ ﻭﻳﻨﻠﻚ ﻣﻌﺶ ﻧﺒﻲ ﻧﺎﺧﺪﻩ ﻭﺗﻮﺍ
ﻧﻘﻌﺪ ﻛﻮﻳﺴﻪ .
ﻧﻜﺘﺐ ﻭﻣﻨﺸﻮﻓﺶ
ﺍﺣﻤﺪ:: ﺷﻦ ﻛﺎﺗﺒﻪ
ﻣﻔﻬﻤﺘﺶ ﺗﺮﺍ ﺍﻗﺮﻳﻬﺎ ﻳﺎ ﻧﻮﺭﺍ
ﻧﻮﺭﺍ /: ﺗﺒﻴﺶ ﺗﺎﺧﺪ ﺍﻟﺪﻭﺍ ﻋﺸﺎﻥ ﻳﻜﻠﻔﻚ
ﺍﺧﻤﺪ::ﻻ ﻣﻴﻜﻠﻔﻨﻴﺶ ﻭﺍﻧﺎ ﻗﺎﺩﺭ ﻋﻠﻴﻪ ﻣﺘﺨﻔﻴﺶ ﻋﻠﻴﺎ .
ﺭﺣﻤﻪ:: ﺍﺣﻤﺪ ﺍﻧﺎ ﺳﻤﻌﺘﻚ ﻟﻤﺎ ﻗﻠﺖ ﻟﺨﺎﻟﻮ ﺍﻧﻚ ﺑﺪﻳﺖ ﺗﺸﺘﻐﻞ . ﻋﻠﻲ ﺳﻴﺎﺭﺗﻚ
ﺍﻧﺎ ﺧﺎﻳﻔﻪ ﻋﻠﻴﻚ ﻣﺶ ﻛﻮﻳﺲ .
ﻭﺳﻤﻌﺖ ﻣﻬﻨﺪ ﺍﻧﻪ ﻳﺸﺘﻐﻞ ﻓﻲ ﻣﻄﻌﻢ ﻳﻐﺴﻞ ﻓﻲ ﻣﻮﺍﻋﻴﻦ
ﺍﺣﻤﺪ ﺍﻧﺎ ﺧﺎﻳﻔﻪ ﻋﻠﻴﻜﻢ ﻣﻬﻨﺪ ﻻﺯﻡ ﻳﺘﺨﺮﺝ
ﺍﺣﻤﺪ:: ﺣﺒﻴﺒﺘﻲ ﻣﺘﺨﻔﻴﺶ ﻋﻠﻴﻨﺎ
ﺭﺣﻤﻪ ﻳﺎﻋﻴﻮﻧﻲ ﻣﻬﻨﺪ ﺧﻠﻴﺘﻪ ﻳﺒﻄﻞ ﻣﺘﺨﻔﻴﺶ ﻭﺍﻟﻠﻪ ﺳﻴﺐ . ﻭﻭﻋﺪﻧﻲ ﻳﻜﻤﻞ
ﻗﺮﺍﻳﻪ
ﺍﻧﺎ ﺷﻐﻠﻲ ﺳﺎﻫﻞ. ﻭﺩﻭﺍﻙ ﻻﺯﻡ ﺗﺎﺧﺪﻳﻪ . ﻋﺸﺎﻥ ﺗﺮﺩ ﺧﺪﻭﺩ ﻫﺎﻳﺬﻱ ﻣﻮﺭﺩﻩ
ﻫﻬﻬﻬﻪ ﻣﺶ ﺩﻳﻤﺎ ﻭﺍﻧﺖ ﺻﻐﻴﺮﻭﻧﻪ ﺗﻘﻮﻟﻴﻠﻲ ﻳﺎﺍﺣﻤﺪ ﺍﻧﺎ ﺑﻨﻘﻌﺪ . ﺯﻱ ﻫﺎﻳﺪﻱ
ﻫﻴﺎ ﻳﺎﻫﺎﻳﺪﻱ ﺭﺩﻱ . ﺍﺟﺮﻱ. ﺳﺎﻋﺪﻳﻨﺎ ﺭﺣﻤﻪ ﻋﻠﻲ ﺍﻟﻌﻼﺝ ﻻﺯﻡ ﺗﺘﻘﺒﻠﻲ.
ﻭﻻﺯﻡ ﺗﺤﺴﻨﻲ . ﻧﻔﺴﻴﺘﻚ .
ﺭﺣﻤﻪ:: ﻛﺘﺒﺘﻠﻪ
ﺃﻣﻞ ﻭﺃﺳﻤﺎﺀ ﻣﺮﺍﻳﻔﻪ ﻋﻠﻴﻬﻦ ﻗﺮﺏ ﺍﻟﻌﻴﺪ ﻭﻣﺶ ﻣﻌﺎﻫﻦ
ﻭﻗَﻌَﺪﺕ ﻧﺒﻜﻲ
ﻧﻮﺭﺍ:: ﻳﺎﻋﻤﺮﻱ . ﺧﻼﺹ ﺍﻫﺪﻱ ﻭﺳﻮﻣﻪ ﻭﺃﻣﻮﻟﻪ ﻛﻮﻳﺴﺎﺕ ﺍﻧﺎ ﻛﻠﻤﺘﻬﻦ
ﻭﻳﺴﻠﻤﻦ ﻋﻠﻴﻚ ﻭﺑﺎﺗﻚ ﻗﺮﻳﺐ ﻳﺠﻴﺒﻬﻦ ﻟﻚ
ﺭﺣﻤﻪ::
ﺗﻀﺤﻜﻴﺶ ﻋﻠﻴﺎ ﺍﻧﺎ ﻧﺴﻤﻊ ﺭﺍﻧﻲ ﻭﻧﺤﺲ
ﻛﺮﻳﻤﻪ ::ﺍﺣﻤﺪ ﺍﻟﺤﻮﺵ ﻳﺪﻕ ﺷﻮﻑ ﻣﻦ
ﺍﺣﻤﺪ .: ﻣﺮﺕ ﺍﺷﺮﻑ ﺑﺮﺍ
~<~<~
ﺭﻳﻤﺎ :: ﺩﻧﻴﺎ ﺍﻧﺖ ﻻﺯﻡ ﺗﻌﺪﻱ ﻟﺤﻮﺵ ﺟﺪﻱ ﺍﻧﺖ ﺍﻟﻮﺣﻴﺪﺓ ﻣﺴﺘﺤﻴﻞ ﺗﺼﻜﺮ ﺍﻟﺒﺎﺏ
ﻓﻲ ﻭﺟﻚ ﺑﺮﺍﻧﻴﻪ ﻭﺗﺘﺤﺸﻢ ﻣﻨﻚ
ﺩﻧﻴﺎ ::ﻧﺨﺎﻑ ﺗﻘﻌﺪ ﻣﻌﺼﺒﻪ ﻣﻨﻲ ﺣﺘﻲ ﺍﻧﻲ ﻣﺘﺴﺘﻘﺒﻠﻨﻴﺶ
ﻛﻮﺛﺮ :: ﻻﻻ ﻣﺴﺘﺤﻴﻞ. ﻏﻴﺮ ﻋﺪﻱ ﺭﺑﻲ ﻳﺮﺯﻗﻚ . ﺑﺎﻟﺤﻤﻞ ﻗﺮﻳﺐ
ﺩﻧﻴﺎ :: ﺷﻮﻓﻮ ﺍﺷﺮﻑ ﻟﻮ ﻗﺎﻝ ﺑﺎﻫﻲ.
<~>~
ﺩﻧﻴﺎ :: ﻳﺎﺟﻤﺎﻋﻪ ﺍﻟﺒﻨﺖ ﺗﻘﻄﻊ ﺍﻟﻘﻠﺐ. ﻭﻭﺿﻌﻬﺎ ﻣﺄﺳﺎﻭﻱ
ﻋﺒﺪﻭ:: ﻛﻴﻒ ﻣﻔﻬﻤﺘﺶ
ﺩﻧﻴﺎ :: ﻳﻌﻨﻲ ﻻ ﺗﺘﺤﺮﻙ ﻭﻻ ﺗﺸﺒﺢ ﻭﻻ ﺗﺘﻜﻠﻢ ﻣﺶ ﻓﺎﻫﻤﻪ ﺷﻲ ﺣﻮﻟﻬﺎ
ﻛﻮﺛﺮ :: ﻳﻨﺎﻋﻠﻴﺎ . ﺍﻟﻠﻪ ﻻﻳﺴﺎﻣﺤﻚ ﻳﺎﻣﺤﻤﺪ . ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻴﻚ
ﺣﻠﻴﻤﻪ::ﻭﻟﻴﺪﻙ ﻳﺎﻫﺒﻠﻪ ﺍﻟﺪﻋﺎﺀ ﻣﺶ ﻛﻮﻳﺲ
ﻛﻮﺛﺮ ::ﻭﻟﻴﺪﻱ ﻭﻣﺎﺕ
ﺣﻠﻴﻤﻪ:ﻣﻦ ﻭﺭﺍﺀ ﻗﻠﺒﻚ . ﺣﺎﺳﻪ ﺑﻴﻚ ﺍﺩﻋﻲ ﺭﺑﻲ ﻳﻬﺪﻳﻪ ﻭﻳﺮﻭﺡ
<~<|
ﻋﺒﺪﻭ ﺍﻧﺎ ﺍﻟﻴﻮﻡ ﻣﺶ ﻃﺒﻴﻌﻲ ﻛﺜﺮﺕ ﺍﻟﻮﺟﻴﺞ ﺧﻼﻧﻲ ﻧﺪﻣﻦ ﺍﻟﺘﺮﺍﻣﺎﺩﻭﻝ
ﺑﺲ ﺍﻧﺎ ﺧﻼﺹ ﻓﻲ ﺍﻗﺮﺏ ﻭﻗﺖ ﻧﺴﻴﺒﻪ ﻣﺶ ﻗﺎﺩﺭ ﺣﺎﻟﻴﺎ ﻟﻮ ﺳﻴﺒﺘﻪ ﺣﻨﻘﻌﺪ
ﻛﻴﻒ ﺍﻟﻤﺠﻨﻮﻥ . ﻭﻣﻨﺒﻴﺶ ﺣﺪ ﻣﻦ ﻫﻠﻲ . ﻳﻌﺮﻑ
ﺍﻟﻴﻮﻡ . ﻋﺪﻳﺖ ﻟﻠﺠﺎﻣﻌﻪ
ﺭﺍﻧﻴﺎ ﺍﻟﺒﻨﺖ ﺍﻟﻠﻲ ﻧﺤﺒﻬﺎ ﻣﻦ ﻃﺮﻑ ﻭﺍﺣﺪ . ﺍﻟﻴﻮﻡ ﺑﺲ ﺭﺿﺖ ﻋﻠﻴﺎ ﻭﺭﺩﺕ
ﻣﻮﺍﻓﻘﻪ .
ﺍﻧﺎ ﻧﻮﻋﺎ ﻣﺎ ﻓﺮﺣﺎﻥ ﺑﺲ ﻟﻮﻻ . ﺣﻜﺎﻳﺔ ﻣﺤﻤﺪ
ﺧﺪﻳﺖ ﺭﻗﻤﻬﺎ ﻭﺑﺪﻳﺖ ﻧﻜﻠﻢ ﻓﻴﻬﺎ
~<|<~>
ﻣﺮﻥ ﺍﻷﻳﺎﻡ .
ﻳﻮﻡ ﺍﻟﻌﻴﺪ ﺍﻻﺿﺤﻲ
ﻣﺤﻤﺪ:: ﻧﻀﺖ ﺍﻟﺼﺒﺢ ﺑﺪﺭﻱ ﻣﺨﻨﻮﻕ ﻣﻀﺎﻳﻖ . ﻟﻘﻴﺖ ﺭﻭﺣﻲ ﻻﺑﺲ ﻭﻃﺎﻟﻊ .
ﺍﻟﺴﻴﺎﺭﻩ ﺷﺎﻟﺘﻨﻲ ﻋﻨﺪ ﺍﻟﺠﺎﻣﻊ. ﺍﻣﺘﺎﻉ ﻣﻨﻄﻘﺘﻨﺎ
ﻗﻌﺪﺕ ﻣﻦ ﺑﻌﻴﺪ ﺷﻔﺖ ﺑﺎﺗﻲ ﻃﺎﻟﻊ ﻳﻬﺒﻞ ﻻﺑﺲ ﺟﻼﺑﻴﺘﻪ . ﻭﺍﻟﻜﺎﻁ ﺍﻟﺴﻜﺮﻱ
ﻭﻭﺟﻪ ﺍﻷﺑﻴﺾ ﻃﺎﻟﻊ ﻣﻨﻪ ﺍﻟﻨﻮﺭ . ﺟﻨﺒﻪ ﺍﺷﺮﻑ ﻭﻣﺮﺍﺩ ﻭﻋﺒﺪﻭ
ﻳﺎﺍﺍﺍﻩ ﻳﻀﺤﻜﻮ ﻭﺟﻮﻫﻢ ﻳﺴﻬﻒ . ﻳﺎﺭﻳﺘﻨﻲ ﻣﻜﺎﻧﻚ ﻳﺎﻣﺮﺍﺩ ﺗﻮﺍ ﻟﻤﺎ ﺑﺴﺖ ﻳﺪ
ﻭﺭﺍﺱ ﺑﺎﺗﻲ
ﻋﺒﺪﻭ ﺷﻜﻠﻪ ﻳﻨﻜﺖ ﻭﻳﻨﺎﺑﺶ ﻓﻲ ﺍﺷﺮﻑ .
ﺍﺧﺘﻔﻮ ﺃﻛﻴﺪ ﺧﺸﻮ ﻟﻠﺤﻮﺵ
ﻗﻌﺪﺕ ﺷﻮﻳﻪ ﻭﻣﺸﻴﺖ ﺑﺎﻟﺴﻴﺎﺭﻩ ﺟﻨﺐ ﺍﻟﺤﻮﺵ
ﻧﺰﻟﺖ ﻭﻗَﻌَﺪﺕ ﺗﺤﺖ ﺍﻟﺼﻮﺭ
ﺻﻮﺕ ﺿﺤﻜﻬﻢ ﻗﻄﻊ ﻗﻠﺒﻲ
ﻛﺎﻟﻌﺎﺩﻩ ﻋﺒﺪﻭ ﻭﺩﻧﻴﺎ. ﻻﺯﻡ ﻳﺘﺴﻤﻂ ﻋﻠﻴﻬﺎ
ﻋﺒﺪﻭ ::ﻗﻮﻟﻲ ﺣﻮﻭﻭﻭﻟﻲ ﺷﻨﻮ ﺧﺮﻭﻑ
ﺩﻧﻴﺎ ::ﺍﻃﻠﻊ ﻣﻨﻬﺎ . ﻳﺎ ﺧﺮﻭﻑ ﻫﻬﻬﻬﻪ
ﻣﺮﺍﺩ :: ﺍﻟﻴﻮﻡ ﻣﺮﺍﺗﻲ ﺍﻭﻝ ﻋﻴﺪ ﻋﺒﺪﻭ ﻓﻜﻨﺎ ﻣﻦ ﻓﻀﺎﻳﺤﻚ ﺍﺳﻜﺖ
ﻋﺒﺪﻭ :: ﺗﻌﺎﻟﻲ ﻳﺎﺭﺣﺎﺏ ﺍﺳﻠﺨﻲ ﻣﻌﺎﻳﺎ .
ﺭﺣﺎﺏ:: ﻻﻻ ﻳﺎﻣﺎﻣﺎ ﻭﻭﻭﻩ ﺷﻦ ﻧﺴﻠﺦ
ﻋﺒﺪﻭ ::ﺃﻱ . ﻳﺎﻣﺎﻣﺎ ﻋﺪﻱ ﺷﻜﻠﻚ ﺣﺘﻲ ﺍﻟﺪﻭﺭﺍﻩ ﻣﺘﻌﺮﻓﻲ ﺩﻳﺮﻳﻬﺎ
ﺍﻫﻮ ﺷﻮﻓﻲ ﺩﻧﻴﺎ ﺍﻟﺼﻘﻊ . ﻣﺎﺳﻜﻪ ﻛﺮﺍﻉ ﺷﻨﻮ ﻳﺎ ﺩﻧﻴﺎ
ﺩﻧﻴﺎ ::ﺍﻟﺨﺮﻭﻑ
ﻋﺒﺪﻭ::ﻭﻭﻭﻭﻩ ﺣﻮﻟﻲ ﻳﺎﻫﻤﻲ
ﺣﺎﺝ :: ﺑﻄﻞ ﺩﻭﺍ ﻭﺍﺣﺪﻩ. ﻳﺎ ﻋﺒﺪﺍﻟﺮﺣﻤﻦ ﻭﻗﺖ . ﻫﻲ ﺑﺎﺵ ﻧﺒﺪﻭ ﻓﻲ ﺣﻮﻟﻲ
ﺃﺷﺮﻑ
ﻣﺮﺍﺩ :: ﺑﻌﺪﻫﺎ ﺍﻧﺎ . ﺻﺢ
ﻛﻮﺛﺮ ::ﻣﻔﺮﻭﺽ ﺣﻮﻟﻲ ﻣﺤﻤﺪ ﺑﻌﺪﻙ ﺍﺍﺍﻩ .
ﻣﺤﻤﺪ:: ﻟﻘﻴﺖ ﺭﻭﺣﻲ ﻧﺒﻜﻲ . ﻭﻛﺮﻋﻴﺎ ﻳﻘﻮﻟﻠﻲ . ﺩﻕ ﺍﻟﺤﻮﺵ ﻭﺧﺶ ﻳﺎﻏﺒﻲ .
ﺑﺲ ﻓﻲ ﻟﺤﻈﻪ ﺭﻧﺖ ﺍﻣﻴﺮﻩ ﻓﻄﻨﺖ ﻟﺮﻭﺣﻲ .
ﺭﻛﺒﺖ ﻓﻲ ﺍﻟﺴﻴﺎﺭﻩ ﻣﻊ ﻓﺘﺤﺖ ﻣﺮﺍﺩ ﺍﻟﺤﻮﺵ
ﻣﺮﺍﺩ ::ﻣﺤﻤﺪ ﻣﺤﻤﺪ
ﺧﺸﻴﺖ ﻧﺠﺮﻱ . ﻟﻌﺒﺪﻭ ﻭﺃﺷﺮﻑ ﻭﻗﺘﻠﻬﻢ . ﺷﻔﺘﻪ ﺗﻮﺍ ﻣﺰﺍﻝ ﻓﻲ ﺑﻨﻐﺎﺯﻱ
<~>~
ﺭﻳﻤﺎ ::ﺍﻟﻴﻮﻡ ﺛﺎﻧﻲ ﻳﻮﻡ ﻛﻞ ﺧﻮﺍﻟﻲ ﻣﻠﺘﻤﻴﻦ ﺣﻮﺵ ﺟﺪﻱ ﺍﻻ ﺍﻧﺎ ﻭﻣﺎﻣﺎ ﻣﻤﻨﻮﻉ
ﻧﺠﻮ
ﺟﺘﻨﺎ ﺧﻮﻳﻠﻪ ﻧﻮﺭﺍ ﻭﻗﺎﻟﺖ ﻣﺘﺠﻮﺵ ﻛﺮﻳﻤﻪ ﻣﺰﺍﻟﺖ ﻣﻌﺼﺒﻪ ﻭﻣﺴﺘﻜﻴﻨﺔ ﻭﻳﻦ
ﺑﺘﻌﺪﻱ ﻣﺶ ﺩﺍﻋﻲ ﺗﺠﻦ ﺗﺠﻌﺰﻧﻬﺎ
<~>~
ﺭﺣﻤﻪ:: ﻋﺪﺍ ﻋﻠﻴﺎ ﺍﻟﻌﻴﺪ ﺑﻜﺎﺀ ﺣﺎﻭﻟﻮ ﻏﻴﺮﻭ ﺟﻮﻱ . ﻭﻳﻄﻠﻌﻮ ﻓﻴﺎ ﻣﻌﺎﻫﻢ ﻓﻲ
ﺍﻟﺠﻨﺎﻥ ﺑﺲ ﺍﻧﺎ ﻓﻲ ﻋﺎﻟﻢ ﺛﺎﻧﻲ . ﺧﺼﻮﺻﺎ ﺍﻧﻪ ﻭﺭﻗﺔ ﺍﻟﻄﻼﻕ ﺟﺘﻨﻲ
<|<|
ﺑﻌﺪ ﻣﺮﻭﺭ ﺛﻼﺙ ﺃﺷﻬﺮ
ﻋﺒﺪﻭ :: ﺍﻟﻴﻮﻡ ﺍﻧﺎ ﻣﺎﺳﻚ ﻓﻲ ﺍﻟﻤﺤﻞ . ﻭﻣﻌﺎﻳﺎ ﺑﺎﺗﻲ ﻳﺤﺴﺐ
ﺧﺶ . ﻋﻤﻲ ﻋﺒﺪﺍﻟﺴﻼﻡ . ﻭﻫﺪﺩ ﺑﺎﺗﻲ. ﻳﺪﻳﺮ ﺣﻞ . ﻭﻗﻌﺪ ﻳﺒﻜﻲ . ﻭﻗﺎﻟﻪ ﺍﻧﺎ
ﺑﻌﺖ ﺍﻟﺤﻮﺵ ﻭﺗﻮﺍ ﻣﺄﺟﺮ ﻣﻌﺶ ﻗﺪﺭﺕ ﻧﻘﻌﺪ ﺍﻟﺠﻴﺮﺍﻥ ﻛﻠﻮﻧﻲ ﺑﻜﻼﻣﻬﻢ ﺍﻟﺴﻢ .
ﺩﻳﺮ ﺣﻞ ﻳﺎﻋﻠﻲ
ﺑﺎﺗﻲ:: ﺍﻟﻌﻴﻞ ﺍﺧﺘﻔﻲ ﺷﻦ ﺍﻧﺪﻳﺮ ﺑﺲ ﺍﻧﺎ ﺑﺮﻭﺣﻲ ﻣﺮﺑﻂ
ﻋﺒﺪﺍﻟﺴﻼﻡ :: ﺗﺼﺮﻑ ﺍﻟﻌﺎﺭ . ﻭﺍﻟﻔﻀﻴﺤﺔ ﻣﺘﻨﺤﻠﺶ ﺍﻻ ﺍﺫﺍ ﺍﻟﺒﻨﺖ. ﺗﺠﻮﺯ
ﺟﻮﺯﻫﺎ ﻭﺍﺧﺪ ﻣﻦ ﻋﻴﺎﻟﻚ. ﻭﻻ ﻟﻬﺬﺍ ﺍﻋﺰﺏ ﻭﻻ ﺟﻮﺯﻫﺎ ﺣﺘﻲ ﻟﻠﻐﻔﻴﺮ ﻋﻨﺪﻙ.
ﺍﻟﺒﻨﺖ ﻻﺯﻡ ﺗﺠﻮﺯ
ﺍﻧﺎ ﻧﻔﻜﺮ ﻧﺎﺧﺪ ﺍﻟﺒﻨﺎﺕ ﻭﻧﻌﺪﻱ. ﻧﻬﺞ ﺑﻴﻬﻦ ﻟﺸﺤﺎﺕ ﻏﺎﺩﻱ ﻣﺤﺪ ﻳﻌﺮﻓﻨﻲ .
ﺣﺎﺝ:: ﻭﻋﺪ ﻳﺎﻋﺒﺪﺍﻟﺴﻼﻡ ﻧﺤﻠﻬﺎ ﺍﺻﺒﺮ ﺑﺲ ﻧﺪﻭﺭ ﺣﻞ
~~>|
ﻋﺒﺪﻭ :: ﺑﺎﺗﻲ ﻟﻪ ﻛﻢ ﻳﻮﻡ ﻣﺘﻐﻴﺮ ﻣﻌﺎﻳﺎ . ﻏﺮﻳﺐ ﺭﺍﻳﺢ . ﺧﻼﻧﻲ ﺍﻧﺎ ﻧﻤﺴﻚ ﻣﻜﺎﻥ
ﺍﺷﺮﻑ ﻭﺣﻘﻖ ﺣﻠﻤﻲ ﻧﺴﻴﺐ ﺳﻮﻕ ﺍﻟﺠﺮﻳﺪ
ﻗﺘﻠﻪ ﺧﺎﻃﺮﻱ ﻧﻐﻴﺮ ﺳﻴﺎﺭﺗﻲ ﻭﻋﻄﺎﻧﻲ ﺑﺪﻭﻥ ﻧﻘﺎﺵ
ﺩﺯﻧﻲ ﺷﻬﺮ . ﻧﺴﺎﻓﺮ ﺍﻧﺎ ﻧﺠﻴﺐ ﺑﻀﺎﻋﻪ ﺑﻌﺪ ﻛﺎﻥ ﺩﻳﻤﺎ ﺧﺎﻳﻒ ﻣﻨﻲ ﻭﻣﻴﻌﺒﺮﺵ
ﻓﻴﺎ
ﺍﻟﺘﻐﻴﻴﺮ ﻫﺬﺍ ﻣﻴﻄﻤﻨﺶ
ﺭﻭﺣﺖ
ﺧﺸﻴﺖ ﺍﻟﺤﻮﺵ ﻧﺴﻤﻊ ﻓﻲ ﺻﻮﺕ ﺍﻣﻲ ﺗﻌﻴﻂ ﻋﺎﻟﻲ
ﺑﺎﺗﻲ ﺍﻋﻠﻲ ﻣﻨﻬﺎ ﻭﻳﻬﺰﺏ . ﻭﺍﺳﻤﻲ ﻓﻲ ﺍﻟﻨﻘﺎﺵ ﻳﺴﺘﺮﺍﻟﻠﻪ . ﺭﺍﻩ ﻳﻘﻌﺪﻭ
ﻛﺒﺴﻮ ﺍﻟﺤﺒﻮﺏ ﺑﺲ ﺑﻌﺪﻙ ﻧﺎﺳﻴﻬﻦ ﻓﻲ ﺍﻟﺪﺭﺝ
