رواية بداخلي حياة اخري الفصل الرابع 4 بقلم ولاء بدر

رواية بداخلي حياة اخري الفصل الرابع 4 بقلم ولاء بدر

☆الفصل الرابع☆

مي: بس انا مش موافقه يا خالوا انا اسفه..
اكرم:طب فهميني ليه..اقنعيني طيب يا اقنعك
مي: اولا انت عارف انا عايزة ايه..ثانيا انا معرفش حاجة في الشغل دا انا واحده متخرجه من علم نفس
ثالثا بقا انا مليش في شغل اني اقعد على مكتب و بس وخلاص
لتدخل اسر: اسمحلي يا اكرم ارد انا
لتنظر له مي لمعرف ماذا يريد ان يقول
اسر:بصي كل دي أسباب مش مقنعه و هقول مثلا انا..
انا كنت ظابط و مكانش ليا في شغل والدي دا ابدا كنت بعشق شغلي و لغايت دلوقتي بتمنى ارجعله بس بسبب الظروف بقيت رجل اعمال و تحديت نفسي ونجحت و كبرت الشركه
اكتر انا عارف ان مش اي حد يقدر يتحدى نفسه في حاجة هو ملوش فيها بس لينظر لها و يرفع اكتافه و يهبطها مره آخرى وهو يبتسم لو مش هتقدري اعتقد يا عمي يبقا تسببها براحتها
كان أسر هدفه ان يشعل نار التحدي بداخلها فهو يرى أمامه فتاه تعشق التحدي
لتنظر مي له وترفع أحد حاجبيها
مي: موافقه
اكرم بصدمه: ايه!!!
منصور هو الاخر بصدمه:ايه!!!
مي: ايه يا جماعة بقول موافقه مش هخسر حاجة لما اجرب
ليبتسم أسر بانتصار لقد نجح
ظل اكرم و منصور في اندهاش من قدره أسر على اقناعها بسهوله
مي: طيب انا هبدا شغل امتى
اسر:من بكره لو تحبي
مي:اتفقنا
مازن:مبروك يا انسه مي و ان شاء الله الشغل يعجبك
إلتفتت مي لهذا الشاب الذي لم تعطيه اي اهتمام منذ دخولها
طارق:نسيت اعرفك دا مازن مدير الحسابات و صاحبنا
مي:أهلا....تشرفت
مازن بإبتسامه:الشرف ليا
منصور:مبروك يا مي و انا واثق انك هاتنجحي في الشغل مفيش حاجة صعبه عليكي
ليؤكد اكرم على كلامه:اكيد طبعا
منصور:طيب يا شباب انا مروح مين هيروح معايا
مي:انا يلا بينا
اكرم:لا انا قاعد مع أسر شويه
لينصرف منصور و معه مي و خلفهم مازن و طارق لمتابعه العمل
اكرم:قولي عملتها ازاي دي?!!
اسر:هي ايه دي
اكرم:ازاي عرفت تقنعها دي محدش بيقدر عليها
اسر و هو يبتسم: هو انت فاكرني اي حد اتكلم عن نفسك يا أخ
اكرم:يعيني يبني انتي متعرفهاش كويس دا انت هتتعب اوي الفتره دي...على فكره دي وافقت علشان تتحداك انا عارفها كويس
اسر:طب ما انا عارف كلامي سخنها..و بعدين مين دا اللي يتعب انت نسيت انا مين لو هي مجنونه فا انا اجن منها و غير اني فاهم دماغها
اكرم:فاهم مين...طيب أسبوع واحد و هتغير كلامك و هتشوف
اسر بتحدي:هنشوف
☆☆☆☆☆☆☆☆☆☆☆☆☆☆☆☆☆☆☆☆☆☆
*منزل مي*
ثرايا: بجد يا منصور بتتكلم جد...بتتكلمي جد يا مي
منصور:أو والله يا ثرايا حبيبه خالوا عمرها ما تكسفني ابدا
مي بإرهاق:اكيد يا خالوا
ثرايا: فرحتي قلبي يا ميمو و مبسوطه انك شلتي الموضوع التاني من دماغك
مي: ولا شلته ولا حاجة...المهم انا هطلع اخد دش و انام حاسه اني تعبانه
منصور:و انتي من اهله يا قلب خالوا
ثرايا:استني يا مي مش هتاكلي ولا ايه
مي:اكلت مع البنات الصبح...صحيح هي روان رجعت ولا لسه
ثرايا:اة من بدري بس قاعده بتذاكر
مي:طيب انا هطلع اطمن عليها و بعد كدا انام
ثرايا:بس انتي كلتي الصبح كلي اي حاجة
مي:انا جعانه نوم يا ماما يلا تصبحوا على خير
لتصعد مي وقبل أن تدخل إلى غرفتها ذهبت لغرفه روان
لتدخل مي دون استأذان
مي:الجميل بيعمل ايه
روان بخضه: يادي النيله هتموتيني في مره بالدخله دي
مي:فدايا..ها بتعملي ايه
روان:بذاكر شويه....صحيح اكرم كان عايز ايه
لتحكي لها مي ما حدث
روان بفرحه:بجد الله...مبروك يا ميمو اخيرا
لتتنهد مي
مي:يلا يلا كملي مذاكره عايزاكي تفضحيني و تتطلعي الاوله ها
روان وهي تضحك:حاضر هفضحك
لتذهب مي إلى غرفتها وتلقي بجسدها على السرير
لتتحدث إلى نفسها:اه يا دماغي اه.. ايه اللي انتي نيلتيه في نفسك دا شوفتي عندك وصلك لايه تقدري تقوليلي هتشتغلي هناك ازاي غبيه غبيه
لتنهض و تذهب لاستحمام
ثرايا: انا فرحانه اوي يا منصور انها هتعمل حاجة جديده و تشغل نفسها شويه
منصور: و انا كمان ربنا يبعتلها الخير كله
☆☆☆☆☆☆☆☆☆☆☆☆☆☆☆☆☆☆☆☆☆☆

*في منزل اسر*
يفتح أسر الباب و يدخل ليجد والدته تقف أمامه
أسر باستغراب: ايه يا ماما مالك واقفه كدا ليه في حاجة
سميره بفرحه شديده: هي مي بجد هتشتغل معاك
اسر: هي الأخبار لحقت وصلت..او بالظبط كدا
سميره:دا احلى خبر سمعته انهارده يلا روح غير هدومك و تعالى علشان نتعشا سوا
اسر:ماشي يا ست الكل

يجلس أسر و طارق و سميره يتناولون الطعام
ليبدأ طارق التحدث
طارق: بس انا استغربتك اوي يا أسر انهارده
اسر: ليه
طارق: اصل غريبه انك انت اللي تقنع مي انها تشتغل معانا و تساهم في ادراه الشركه مع انك مبتحبش حد يتشارك معاك في الاداره و وافقت على شراكه منصور باشا علشان عارف ان هو هيدخل برأس مال بس
لتنظر سميره له باستغراب
اسر: عادي يعني يا طارق و كمان مي مش هتشارك في الاداره بصوره كامله هي اصلا مش طايقه الشغل دي وافقت عند معايا
طارق: ينهار يا أسر دي كانت عايزة تقول يا انا يا انت
ليبتسم أسر لتذكره لنظرات هذه الفتاه
لتبتسم سميره هي الأخرى
ينتهوا من تناول الطعام
طارق:انا هقوم انام بقا عايزين حاجة
سميره:لا يا حبيبي تصبح على خير
أسر:تتحسد يا واد...يلا روح بدل ما ترجع في كلامك
سميره:تعال يا أسر عايزة اتكلم معاك شويه
لتهتف سميره:سعديه معلش تجبلنا الشاي في الجنينة
سعديه:تحت امرك يا هانم
لتجلس سميره و معها أسر وتضع سعديه الشاي أمامهم
اسر:ايه يا ست الكل محتاجة حاجة
سميره و بدون مقدمات:أسر انت معجب بمي
ليتفاجأ أسر من سؤال والدته
اسر:اعجاب ايه يا ماما اللي بتتكلمي عليه دا...دا انا شوفتها كام مره
سميره:انت مشفتش نفسك لما طارق اتكلم عنها انت كنت في عالم تاني يا أسر
اسر:اكيد لا يا ماما
سميره:انت بتعند مع نفسك ليه ها....قافل قلبك ليه انو يحب تاني
أسر:ايه لزمتوا الكلام دا يا امي دلوقتي
سميره:انت لسه بتحب ريم
أسر:ريم صفحه و قفلتها من زمان هي بالنسبالي ولا حاجه
سميره:يبقا تسيب قلبك و متعندش..انا اعرفك كويس يا أسر بس هقولك آخر حاجة مي بنت مفيش زيها و لو راحت منك هتندم
اسر:انا هطلع انام يا ماما تصبحي على خير
ثم يقبل يديها ثم يصعد إلى غرفته
☆☆☆☆☆☆☆☆☆☆☆☆☆☆☆☆☆☆☆☆☆☆

*في غرفه مي*
كانت مي تحاول ان تخلد للنوم ولكن لا تستطيع تفكر ماذا سوف تفعل غدا في هذه الكارثة التي وضعت نفسها بها
ليصدر هاتفها صوت معلن عن اتصال لتجده رقم غير معروف
مي:الو
المتصل: مي معايا
مي:ايوه مين
المتصل: انتي بجد مي اصل مستحيل يكون صوتها كدا
مي: انجز انت هتحقق معايا انت مين
المتصل:كدا انا اتاكدت انك مي
مي:اللهم طولك يا روح
المتصل:انا أسر يا مي
لتنظر مي للشاشه باستغراب
مي لنفسها جاب رقمي منين
اسر:من اكرم
مي:ايه!
اسر:اكيد بتسالي نفسك جبت الرقم منين..جبته من اكرم
مي لنفسها و دا عرف ازاي دا بسم الله الرحمن الرحيم...حسابك معايا يا اكرم
اسر: هتفضلي ساكته كتير
مي: انت اللي متصل
اسر: مشيتي و انتي متعرفيش اي حاجة عن مواعيد الشغل لان واضح ان الموضوع مش في دماغك اصلا...فحبيت اقولك
مي ببرود: ومين قال ان مش في دماغي كنت هكلم اكرم و اخليه يعرف منك او من طارق
مش حوار يعني
اسر بسخريه: واضح ان إصرارك اللي كنتي بتتكلمي بيه في المكتب انو راح
مي ببعض العصبيه:ايوه يعني انت عايز ايه دلوقتي..انت تقولي المعاد و بكره هكون في معادي بالظبط اما بالنسبه لاصراري في الشغل و هكون ازاي لما نبدا هتعرف
ليتعجب أسر كثير من ردود هذه الفتاه
اسر:المعاد الساعة ١٠ ثم يغلق الخط بدون كلام
مي:أة يا حيوان بتقفل في وشي السكه...لتضع يديها على قلبها..و انت يا كلب اتنفضت من مكانك ليه اول ما قال اسمه اتلم بدل ما ابهدلك لتبدأ مره اخري في محاوله الخلود للنوم
☆☆☆☆☆☆☆☆☆☆☆☆☆☆☆☆☆☆☆☆☆☆

اسر و هو يضع يده خلف عنقه و ينظر لسقف غرفته و يفكر في هذه الفتاه الصغيره التي أصبحت تشغل تفكيره بشكل مستمر منذ لقائهم ليبتسم
لتختفي ابتسامته فورا
(عقله:انت اتجننت بتفكر فيها ليه
قلبه:اخرس انت دلوقتي
عقله:لا مش هسكت زيها زي ريم
قلبه:انت عارف انها مش زي ريم
عقله: اسكت اسكت انت... انت مش فاهم حاجة اياك تقع تاني
قلبه: اعتقد اتأخرت
عقله:لا...مش هخليه يكرارها تاني)

ليخلد أسر للنوم هروبا من صراعه الداخلي
☆☆☆☆☆☆☆☆☆☆☆☆☆☆☆☆☆☆☆☆☆☆

في صباح يوم جديد
تستيقظ مي من نومها بصعوبه لتذهب لاستحمام ثم تخرج لتقوم بتجهيز نفسها للعمل كان زيها عباره عن بنطال من الجينز الغامق فوقه قميص ابيض جعلت اكمامه بشكل لطيف عند كوعها و ساعه في يديها اليسرى و رفعت شعرها على شكل كعكه فهذه تسريحتها المعتادة لمحوله اخفاء جمال شعرها كانت تظن انها هكذا تظهر بشكل رجولي لكنها كانت فاتنه الجمال
تنزل مي من أعلى لتجد والدتها مستيقظة لأجلها
مي:صباح الفل يا سوسو
ثرايا:صباح الجمال يا اجمل سيده أعمال
لتضحك مي: هو انا لحقت..و بعدين صاحيه بدري كدا ليه
ثرايا:اول يوم تشتغلي لازم اكون صاحيه و ابخرك قبل ما تمشي
مي:ايه يا حجة الشغل دا اتكلي على الله يلا ورايا شغل
ثرايا:والله لابخرك اقعدي يا بت انتي
لتجلس مي لا تستطيع مناقشتها
انتهت ثرايا ...مي و هي تخرج من باب الفيلا
ثرايا بصوت مرتفع بعض الشئ:سوقي براحه يا مي لا إله إلا الله
مي:حاضر...محمد رسول الله
لتنطلق مي إلى الشركه
الساعة ١٠.٥ يطرق باب مكتب أسر
أسر بإبتسامه: اتفضل
لتدخل مي إلى المكتب و تقف أمامه لينبهر أسر ويتأمل جمالها كيف لفتاه المقدره على جمع بين هذه الانثاويه الجذابة و الكم الهائل من اللطافه في الوقت ذاته
مي:احم..في حاجة يا أسر
انتبه أسر لها: ١٠.٥ اومال ليه بقا العصبيه دي كلها امبارح
مي:انا هنا من بدري بس مش ذنبي ان الأسانسير بتاعكوا عطلان
أسر لنفسه شكلي هتعب معاكي من لمضتك دي يا اوزعه
اسر: اتفضلي اقعدي علشان افهمك كام حاجة في الشغل
لتجلس مي إمام مكتبه
مي:اتفضل..سمعاك
اسر بجديه :بصي بقا يا ستي انتي هتبدئي واحده واحده لغايت ما تتعودي على الشغل الاول
دي ملفات عايزك تبصي عليها و تفهمي الصفقات بتبقى عبارة عن ايه وتحاولي تفهمي الصفقه بتمشي ازاي
و هديلك كام ايميل تبعتيهم للشركات اللي بنتعامل معاهم و بعد كدا تبعتيلي كل الاميلات على عندي اظن الموضوع مش صعب
لتلتقط مي الملفات وهي تنظر له:تمام مش صعب
لتقف
مي:طيب انا مكتبي فين بقا
أسر بإبتسامه :ما انتي فيه اهو
مي بعدم فهم:مش فاهمه ...يعني انت غيرت مكتبك
اسر:لا دا مكتبي
مي:ثواني كدا...انت تقصد اني هقعد معاك هنا مش هيبقى ليا مكتب
اسر:مين اللي قال كدا هيكون ليكي مكتب بس لغايت ما يجهز تقعدي معايا هنا
مي بنفاذ صبر:بس انا مبحبش كدا
اسر:اعتقد لازم تستحملي شويه دا شغل ولا ايه و بعدين انا عملك مكتب كويس اهو ليشير لآخر مكتبه
لتنظر لما يشير لتجد مكتب متوسط يوجد عليه جهاز كومبيوتر خاص بها و باقه زهور
اسر:يلا اتفضلي على مكتبك ابدائي ثم يوجه نظره لجهازه
لتطلق مي تنهيده طويله ثم تتوجه إلي مكتبها ليبتسم أسر
تذهب الى مكتبها و تلتقط باقه الزهور و تعود له مره آخرى وتضعه على مكتبه لينظر أسر لباقه الزهور ثم ينظر إليها باستغراب
مي:مبحبش الورد..
اسر:هو في بنت مبتحبش الورد...ولا انتي غير البنات
مي:صوابعك مش زي بعضها ولا ايه..
لتذهب إلى مكتبها و تجلس لتبدأ في عملها
كان أسر يتبعها و هو ينظر لها بدقه في كل تفصيل وجها اللطيف
بدأت مي الاندماج بين الاوراق لتدرسها بدقه أصبحت في عالم آخر
كان أسر ينظر لها من حين لآخر تجذبه حتى في صمتها
تطرق شرين باب المكتب لترفع مي رائسها
أسر:اتفضل
شرين:مستر أسر..مستر اكرم بره قبل أن يتكلم
مي:دخليه بسرعه طبعا
لتنظر شرين لأسر مره اخري
ليشير لها بالموافقه بإبتسامه
اكرم:صباح الخيير
أسر ومي :صباح النور
اكرم:اوووه مين هنا مي سيده الأعمال
لتضحك مي له و تعدل من ياقه قميصها بفخر
ليضحك أسر على تصرفات هذه الفتاه فهي تثير جنونه
اكرم:عامله ايه معاك في الشغل
مي:ايه دا اسألني انا
اسر:لسه مشفتش حاجة
مي:ثواني لتذهب إلى مكتبها و تعود وتضع الملفات أمام أسر
مي:اتفضل دي كل الملفات اللي قولتلي عليها قريتها وفهمت الدنيا اما بالنسبه لإميلات افتح صفحتك كدا
ليفتح أسر صفحته ليجد جميع الرسائل تم إرسالها للشركات
ليندهش أسر كيف استطاعت فعل كل هذا في وقت قياسي
اسر:برافوا عليكي والله
مي:انت بتكلم بنت اخوك
أسر:هو انتي معندكيش كلمه شكرا في قموسك
اكرم:بس المكتب هيولع
مي:صحيح يا اكرم ايه اللي جابك يعني
اكرم:دا بدل ما تقوليلي تشرب ايه
اسر:تشرب قهوه معايا
اكرم:ياريت
اسر:تشربي
مي:لا مش عايزة
اسر:احسن بردوا
مي:طب هشرب بقا و عايزها ساده
ليطلب أسر القهوه لهم
مي:ها جي ليه بقا متقوليش جاي اشرب القهوه معاكوا..هي الداخليه القهوه فيها خلصت
اكرم:يا بت لمي لسانك...جيت اشوفك اول يوم و..
مي:مش كان زماني في وشك دلوقتي طول النهار
لينظر أسر له بعدم فهم
اكرم:يا بنتي خليني اكمل كلامي بقا
مي:طيب..طيب متزقش كدا كمل
اكرم: واقولكوا ان عمي منصور قرر يعمل حفله علشان الشراكه معاك يا أسر و ان مي اشتغلت
اسر: امتى
اكرم:انهارده الساعه ٧
اسر:خلاص تمام هنكون عندكوا ٧ ان شاء الله
اكرم:ساكته ليه يا مي
مي:لا ابدا مفيش هقوم اعمل حاجة لتخرج من المكتب
اسر:هي مالها يا اكرم
اكرم:مي مبتحبش الحفلات و كدا
اسر:ليه?!
اكرم:بعدين بقا ..يلا انا همشي متتأخرش
اسر:ماشي يا باشا
بعد كده دخلت مي مره آخر للمكتب
لتجلس و هي شارده لا تعلم بمن يراقبها قلقا عليها لوضعها هذا
*امام باب الشركه*
اسر:تحبي اوصلك
مي:معايا عربيتي شكرا
اسر:ايه قولتي ايه
مي:بقولك معايا عربيتي ايه الغريب
اسر:اصلك قولتي شكرا غريبه ولا لا
لتنظر له مي:انا ماشيه
☆☆☆☆☆☆☆☆☆☆☆☆☆☆☆☆☆☆☆☆☆☆
*فيلا منصور*
كان هناك العديد من الأشخاص المهمين أصدقاء منصور و أبنائهم و البعض معه عائلته يجلسون في حديقه الفيلا
وكانت ثرايا و سميره بداخل الفيلا لمتابعه الخدم
ثرايا: البنات اتاخروا فوق كدا ليه
سميره:اة صحيح
لتنزل روان وهي تتأفف
روان:اوف بجد اوف
ثرايا:في ايه يا روان
روان: بقالنا ساعة بنحاول نقنع مي ان هي تلبس فستان و مش راضيه خالص يا ماما
سميره:سبيها يا روان براحتها....بس قوليلي ايه الحلاوة دي
روان بخجل:شكرا يا طنط انتي اللي عنيكي حلوه
كانت روان في غايه الجمال كانت ترتدي فستان شيفون وردي طويل بدون أكمام وجعلت شعرها القصير متحرر فوق كتفيها و وتضع بعض الزينه البسيطه
كانت رقيقه و جميله
لتنزل اسماء و هي لا تقل جمالا عن روان و يليها هذه الفتاه الصغيره الجميله ندي
لتنزل مي خلفهم لتصدم ثرايا
ثرايا:ايه دا!!!!!

الخامس من هنا 

تعديل المقال