رواية ضميني بعيونك الفصل الرابع 4 بقلم منه محمد
البارت الرابع
ضميني بعيونك.. الجزء الأول من البارت
عند البنات
بنت ما : بصراحه ندى كنت بتقول عنك مغرورة. .. بس اللي يقعد معاكي ويسمع حكايتك يغير فكرته عنك تماما
ندى : ههههه تسلمي يا قلبي ... بس ليه كنت فبالك مغروه ؟؟
البنت : معرفش كده.. اسم عيلتكم معروفه والشي ده يخلي الواحد مغرور .. بس ما شاء الله عليكي متواضعه
ندى بابتسامه : تعرفي اكره في الانسان صفة الغرور ... بس تقدري تقولي عن شوق مغروره هههههه
شهقت شوق بصدمه : انا مغروره ياصندل
الكل : هههههههههههههههههههه
وجدان : ههههه لا ندوووش عسسسل ولا شوق حبيبتي فله
ندى : ههههه والله شوق دي عسل
شوق : ايوا رقعي..قولي امير مغرور ماشي او اخويا ريان مغرورين في بعض بس انا ؟؟؟؟
ندى : ههههههه لا بجد شوق زي متواضعه
بنت ما : ااممم اخواتكم مغرورين ؟؟
شوق : ههههههههه يعني
وجدان قامت وقفت : يلا قوموو انما انا عاملة بوفيه بسيط ومتواضع زي
بنت : ههههههه اما بوفيه أبن لزينا صحيح
قاموو البنات وراحو للبوفيه اللي رتبت فيه وجدان الاكلات والعصاير والحلويات والمكسرات .... الخ
بنت ما بدوق الفطاير: يم يم وجدان ما كنتش اعرف عنك انك طباخة بريمو
وجدان بغرور : حبيبتي انا عندي مواهب كتيرة بس مش بحب اظهرها
شوق : هههههههههه دلوقت عرفت مين المغرور
وجدان : ههههههههه رخمه بهزر .. لولا عبير قلبي ساعدتني ماكنش طلع معايا حاجه
عبير بابتسامه : بالعافيه ع قلبهم اهم حاجه يعجبهم اكلنا
ندى وهي بتاكل من المعكرونه : تسلموو .. الأكل روووعه
البنات : ربنا يديهم العافيه ويعملونا اكل كده ع طول
وجدان : ههههههه حشوا وانتوا ساكتين
الكل : هههههههههههه
وكملوو ضحكهم وأكلهم ^-^
**********
في يت دانه في التلفون
دانه بضيق :بقولك لحد دلوقت ما اتصلش...
ساره : دانه امبارح كان كتبت كتابكم يعني مش من تاني يوم يتصل.... يمكن مش عايز يحرجك من تاني يوم ؟؟
دانه : اممممممم معرفش يمكن
ساره : ههههههه طيب بقولك ليه متتصليش انتي
دانه : نعممم أنا اتصل ؟ لا يا حبيبتي انا بعمل تقيلة
ساره : هههههههه خلاص استني اتصاله
دانه بصبر : ايوه بستنى
ساره : دانه امي بتناديني هقفل دلوقت باي
دانه : طيب باي
قفلت مع سارة وكلمت شاشه الموبايل :كفايه فيصل اتصل..قاعدة بستناه سماع صوتك!!!!!!
**********
عند فيصل
قاعد في عربيته وبيكتب ارقام علي موبايله ويرجع يمسحها تاني ويكلم نفسه
يا الله إذا اتصلت اقولها ايـه؟ أكيد هي كرهتني..لألأ غالية مستحيل تكرهني !!! اه يا غالية مشتاق اسمع صووتك ...
رن تلفونه في ايده وقطع افكاره ورد : اهلا طلال
طلال : اهلا بالعريس
فيصل بضيق : كفايه الله يخليك متفكرنيش
طلال : فيصل وبعدين معاك .. مش هينفع كده.. أنت لازم تنسى وتبدأ حياتك مع بنت عمك
فيصل : حاضر طيب .. انت فين؟
طلال : بالكوفي
فيصل شغل العربيه : طيب ربع ساعه واكون عندك
طلال : منتظرك
**********
عند راشد
مسك تلفونه ورد بسخريه : نعم ؟؟
شذى وهي بتعيط : راشد
عقد حواجبه : شذى مالك ؟
شذى بألم : انا فالمستشفى ٱسفة اني طلبتك تعال انا معرفش حد غيرك
عدل قعدته : اييييه بالمستشفى ؟؟
شذى وهي تشهق : ومعرفش اعمل ايه ارجوك تعال
راشد بعجله : شذى ايه اسم المستشفى ؟
شذى : مستشفى ال .......
***********
بالشركه
" مكتب أمير "
وقع تيمور ع الاوراق وسلمهم ل امير
امير وهو ياخد الاوراق : مبروك يا عمي
تيمور : الله يبارك فيكم
ريان : ان شاء الله بدايه خير للشغل
تيمور وقف : ان شاء الله .. يلا استأذن
امير وقف : اذنك معاك .. ماتنساش يا عمي وقت النقل تبلغني عشان اساعدك أنا وريان
تيمور بابتسامه : شكرا يابني .. بس خلاص انا جبت عمال وان شاء الله يساعدوني
ريان باعتراض : لا يا عمي ما يصحش .. على الاقل خلينا نشرف انا وأمير ع العمال
أمير بتاكيد : ايوا يا عمي .. العمال لازم يكون حد واقف فوق راسهم يشرف عليهم
تيمور باستسلام : خلاص ان شاء الله وقت النقل اتصل بيكم
أمير ريان : ان شاء الله
تيمور : تمام مع السلامة
خرج تيمور من المكتب>>>>>>>>
أمير : يلا ياخويا قوم ولا عاجبتك القاعدة ؟
ريان باستغراب : اقوم اروح فين؟
أمير بيرتب المكتب من الاوراق : ميت من الجوع .. خلينا نروح ناكل
ريان قام وقف : تصدق وانا كمان جعان .. ايه رايك بالمطعم الصيني ؟؟
أمير وهوخارج من المكتب : ان شاء الله يكون مطعم صومالي .. المهم اكل حتى فطار النهارده ما فطرتش !!!!!
ريان بيلحقه : هههههههههههههههه اما صومالي
وخرجوو من الشركه متجهين للمطعم الصيني >>>>>>
بالمستشفى
ماشي بممرات المستشفى والموبايل علي ودنه يكلمها : انتي فين ؟
شذى : بالدور التاني .. جنب اوضة رقم *****
راشد : طيب
خمس دقائق وكان واقف قصادها : ايه الي حصل ؟
شذى بدموعها : امي
شاف الدكتوور خارج من اوضه قصاد اوضتها اتقدم له : لو سمحت المريضه الي جوه ملها عندها ايه ؟؟
الدكتوور بتكبر : انت تقربلها ايه ؟
راشد رفع حاجبه وبغرور : انا راشد ابن وزير ال ..... هتجاوبني ولا اتصرف معاك بطريقتي ؟؟
الدكتورخاف منه : ارتفع ضغطها ومعاها فقر دم .. متقلقش احنا عطيناها محلول وان شاء الله خير
راشد : امتى نقدر نطلعها ؟؟
الدكتوور : تقدر تطلعها بكره >>>>> مشي وسابه
لف راشد لها : سمعتي مش عايزك تقلقي .. ان شاء الله هي بخير
شذى براحه : ان شاء الله
راشد بغرور : دلوقت اقدر اروح ؟
شذى برجاء : خليك هنا ..بس اروح اجيب اخواتي...ومش عايزة اسيب امي لوحدها هنا...
قعد ع الكرسي الموجود بالممر : طيب بس ما تتأخريش
( شذى .. 19 سنه. ابوها توفى وهي المسؤوله عن امها واخواتها الصغار .. ساكنه في حي فقير .. )
**********
عند وجدان والبنات
شوق وهي قايمة تغسل ايدها بعد الاكل
شوق : هههه ايه حكايتك مع ** ؟
وجدان وهي بتنشف ايدها من المية : هههههه بلاش سخافة
البنت : هههههههه
شوق بزعل : احيه.. انا سخيفة ؟.. وانا بنت خالتك
وجدان بصت للبنت : حياتي ايه رايك عادي اقولها ؟
البنت بابتسامه : الصراحه انا حبيت شوق .. واذا قلنا لها يمكن تلاقي لنا حل
شوق بابتسامه : قولي قولي ... وبفخر وشاورت على نفسها : انا حلالة المشاكل
وجدان بسخريه : ايوا حلالة اووي
البنت لفت لشوق : كانت وجدان بتسألني عن اختي فتون
شوق باستغراب : اختك فتون؟ بس انا ما شفتهاش
اتنهدت البنت بضيق : هي مش بتيجي هنا كتير.......والنهادره رفضت تيجي معايا
شوق وزاد استغرابها : ليه ؟ متخانقة مع وجدان ؟؟
وجدان باندفاع : لالا مش معايا .. مع اخويا فهد
انصدمت شوق ودق قلبها بقوه من ذكر اسمه وبهمس : فهد
التفت شوق لوجدان وهي بتحاول تظبط اعصابها : وليه اتخانقت معاه؟؟
وجدان بضيق :هو ملهوش ذنب فتون بتحب فهد ومن حبها له راحت لفهد وقالتلو انا بحبك بس فهد قالها انه شايفها زي اخته ومن ساعتها فتون قطعت معايا ومش بتيجي عندي.. ..
شوق لنفسها : معقوول بعد ما شوفت فهد انه بيحبني .. لالا مستحيل انا شفت نظراته ليا .. مش معقول بعد كل الحب اللي بقلبي لفهد ويجي يصدمني ويقول انا اخته ..لألأ ما اقدرش اكون اختك يا فهد يارب متعملش معايا زي فتون
وجدان بصريخ : شوووووووووووق
شوق فاقت من سرحانها : هاه
وجدان بصتلها باستغراب : مالك يا مخفيه ؟ امل بقالها ساعه تكلمك ومش بتردي !!!!!
شوق بتحاول تبتسم : سرحت شويه التفت للبنت : هاه يا حياتي كنت بتقولي ايه ؟
البنت : بقولك ايه رايك بموضوع اختي فتون؟ اعمل معاها ايه عشان تطلع من حالتها ؟
شوق " خليني اعرف الاول ازاي اطلع من حالتي اللي أنا فيها " : والله مش عارفة خليني افكر
وجدان : ههههه نخليكي تفكري .. وتقولي عن نفسك حلالة مشاكل
البنت : هههههه وفيها ايه خليها تفكر .. يمكن تطلع لنا بحل يريحنا
وجدان : هههه طيب طيب يلا ندخل ولا عاجبكم الحمام
شوق والبنت : ههههههههه يلا >>>> خرجوو متجهين للصالة
بنت : كل ده بتغسلوا ايدكم ؟
بنت قعدت جنبها : وانتي ايه الي حارق زورك ؟
بنت وهي بتمثل : اصل انا مقدرش علي بعدك يا روحي
بنت بتجاريها وتحضنها : مقدرش علي بعادك يوم ياحياه روحك
الكل : هههههههههههههههههههه
ندى : وجدان عايزة اسألك سؤال من اول ما شفتك ؟
وجدان بابتسامه : اسألي
ندى بحرج : ما شاء الله شعرك طويل انتي مش بتقصيه ؟
مع سؤال ندى رجعت وجدان بذاكرتها
فالجنينه اللي وري بيتهم قاعدة ع النجيله وبتعيط
عمر "12سنه" : مالك يا وجداني ؟
وجدان"8سنين"شاورت بقلمها ع الكتاب ورفعت عيونها لعمر بدموع : ما عرفتش احل الواجب ؟
قعد جنبها واخد القلم منها : ماشي دلوقت افهمك ونكتبه مع بعض
وجدان بابتسامه وهي تمسح دموعها : طيب
عمر : بس قبل ما نحل الواجب لازم يكون في شرط
عقدت وجدان حواجبها وبصت له : شرط ؟ ازاي يعني ما فهمتش ؟
عمربص علي شعرها : وجداني انا بحب شعرك طويل كده ومش عايزك ابدا تقصيه وده هو الشرط ولو ما قصتيه انا كل يوم هاجي هنا وافهمك الدرس
وجدان : طيب عمري ما هقصه ابدا
عمر : وعد ؟
وجدان : وعد
رجعت وجدان للواقع على هز ندي جنبها : وجدان مالك ؟
ندى بحرج : سؤالي غبي صح ؟
وجدان بابتسامه : لا قلبي بس سرحت شوي .. اه صح انا ما قصيته ابدا.. بحبه طويل
ندى بابتسامه : ما شاء الله يجنن
وجدان وهي قايمه عشان تضيفهم القهوه : تسلمي انتي اللي تجنني
**********
المطعم الصيني
رمت الشوكه من ايدها : أنا شبعت
فريحة وهي بتاخد منديل : وانا كمان .. تيجي نطلع نتمشى ؟
غاليه : قبل ما نطلع .. ممكن اقولك حاجة
فريحة باستغراب : قولي ؟
غالية بتردد : اممممم انا مش عايزة انتقم من فيصل
عقدت فريحة حواجبها : يعني عايزة تسبيه كده من غير حساب ؟؟؟؟؟؟
غالية دمعت عيونها : فريحة انا امبارح وقت ما قلت لك بنتقم كنت بقولها من غير وعي .. انا مستحيل انتقم من شخص بحبه
فريحة : ....................
نزلت دمووعها ع خدها وبقهر : اذا هو مبسوط مع بنت عمه ووحبها انا خلاص بنسحب من حياته من غير انتقام .. لأن اللي بيحب بجد يتمنى السعاده للشخص اللي حبه .. واذا سعادته مع غيري مش هقول غير ربنا يوفقه ويصبرني
فريحة دمعت عيونها ومسكت ايدها وضغطت عليها : غالية لو كان ده يريحك من غير انتقام .. خلاص مش هنتتقم منه .. اهم حاجه عندي انتي!!
غالية بابتسامه من بين دموعها : ربنا ما يحرمني منك
بادلتها فريحة الابتسامه : ولا منك
وقفت فريحة وحطت شنطتها الكبيره ع كتفها : يلا نمشي ؟
غالية وقفت معها : يلا .. بس اسبقيني انتي انا هروح الحمام اغسل وشي وايدي والحقك
فريحة: اوك هستناكي في العربية
خرجت فريحة من المطعم وقعدت في العربيه تنتظرغالية>>>>>
**********
بعد ما وقف عربيته قريب من المطعم
أمير : اتفضل استاذ ريان
ريان فتح باب العربيه وخارج : ههههه تشكر يا ذووق
خرج أمير ومشى مع ريان رايحين لباب المطعم وقف ريان فجأه
وقف أمير معاه وبصله : مالك ياض وقفت ليه ؟
ريان وهو بيفتش جيوبه : نسيت موبايلي في العربيه هات المفتاح ..
امير عطاله المفتاح : خد .. انا هسبقك وهطلب ليا وليك!!!
ريان وهو راجع للعربيه : طيب
دخل امير المطعم واختار طاوله ليهم وطلب الأكل وقعد ينتظر ريان
خارجة لباب المطعم عشان تخرج بس شي صلب صدمت فيه
حطت ايدها ع بؤها : اه ياكتفي .. عمى ان شاء الله
ريان بعصبيه : يعميكي ان شاء الله
رفعت راسها وبصتلو واتعلقت عيونها بعيوونه الرماديه
ريان وهو مركز علي ملامحها وعيونها الغرقانه بالدمووع وبدون شعور منه مسح دمووعها بطرف صوابعه وبحنان : ليه الدمووع يا قمر ؟
**********
بالكوفي قاعد مع رفيق دربه يشكي وجعه وآلمه!!!
طلال : لما انت مش بتحبها...ليه اتجوزتها؟؟
فيصل بعصبيه : انت غبي ولا غبي ؟ بقولك ابويا قالي انت لبنت عمك .. كنت عاوزني اعمل ايه..اقوله لأ مش عايز بنت عمي وعايز حبيبتي غاليه؟؟؟ والله لو قلتلو كده ضغطه يرتفع..وده غير غضبه وانا مش حابب اخسر ابوبا..!!!
طلال : تمام يبقا خلاص انسى غالية وفكر في بنت عمك
فيصل بضيق : ياريت اقدر انسى
حط فنجان الكابتشينوو ع الطاوله : فيصل انت كلمتها النهارده ؟
فيصل : كلمت مين ؟
طلال : بنت عمك ؟؟
فيصل بصدمه : انت مجنون ؟ مستحيل اكلمها
طلال : وربنا انت الي المجنون .. وليه مستحيل بكيفك هو ؟ غصب عنك تكلمها
فيصل بعصبيه : مش معني اني اتجوزتها غصب .. يعني اكلمها كمان غصب بقي!!!
طلال : طيب طيب بلاش تتنرفز ... بس اذا ما كلمتهاش هي بتستغرب ويمكن العيلة كلها تشك فيك .. وبعدين يمكن اذا كلمتها تحاول تتقبلها كزوجه وتحاول تنسى غاليه
اخذ رشفه من كوبه : معرفش معرفش .. خليني الاول استوعب الوضع الجديد بعدين افكر اكلمها
**********
بالمستشفى
شافها جايه ناحيته وعلى يمينها بنت صغيره وعلي شمالها بنت ثانيه .. قربت ناحيته : السلام عليكم
راشد : وعليكم السلام
شمس وهي بتشاورعلى راشد : شذى مين ده ؟
قربت شيرين من راشد ومسكت ايده وبابتسامه طفووله : ده ابويا ثح (صح) شذى؟
انصدم راشد .. قربت شذى من اختها شيرين : لا ياحبيبتي .. تعالي دلوقت نشوف ماما
دمعت عيونها وتعلقت براشد : لأ مش ايزة(عايزة) .. ده ابوويا انتي كذابه
اتعلقت شمس بايده الثانيه : وانا هلووح معاه >>> ( هروح)
نزلت دموعها على اخواتها وقربت عشان تاخدهم بس صووته
وقفها :سبيهم
مسحت دموعها وبصتله : راشد خلاص روح .. شكرا تعبتك معايا
واخواتي انا اعرف اتصرف معاهم ....
راشد ولا كانه سمعها : انا هروح اشتري لهم اكل وانتي ادخلي شوفي امك
( شمس وشيرين .. تؤم .. يشبهووو اختهم شذى .. طفلتين فيهم كل البراءة ... )
بصتله وهو بيختفي عن عيونها مع اخواتها وبهمس : بحبك راشد
**********
عند وجدان
وجدان : بنات لسا بدري والله ما شبعت منكم
ندى بابتسامه : ان شاء الله الجايات اكتر
وجدان : ان شاء الله.. بلاش تقطعوا
شوق بتسلم عليها : ابشري من النهارده بقطعك
البنات : هههههههههههههههههههه
وجدان : هههه انت من يومك قاطعه
شوق : صح .. انا قاطعه ميه ونور؟
وجدان : ههههه حبي
سلموووو عليها البنات وروحت كل واحده ع بيتها>>>>>>
عبير وهي بتعدل هدومها : يلا وجدان اروح انا كمان بيتنا
وجدان : بدري ياتوتا.. بعدين بيتك خطوتين وتوصلي
ظبطت هدومها ولفت عليها : بدري من عمرك .. اخواتك دلوقت يجو .. وانا هروح انام عشان استقبل حبيبك بكرة .. وغمزت لها
وجدان قلب وشها طماطم : غلسه
عبير : ههههههه عارفه
وجدان بخجل : اي ساعة هيوصل ؟
عبير بابتسامه : هو قال الصبح بس ما قالش امتى .. عشان انا وامي ما نرووحش المطار
وجدان بصدمه : يعني مش بتروحوا المطار تستقبلوه ؟
عبير بحسره :نفسي والله اروح استقبله .. بس هو مش عايز امي تتعب وتروح المطار .. قال هو بيجي وخلاص
وجدان : يوصل بالسلامه
عبير : الله يسلمك .. يلا مع السلامه
وجدان : مع السلامه
**********
عند ريان
ريان وهومركز علي ملامحها وعيونها الغرقانه بالدمووع وبدون شعور منع مسح دمووعها بطرف صوابعه وبحنان : ليه الدمووع يا قمر ؟؟
غاليه مع الحنان اللي كانت مستنياه وبصوت مبحوح من العياط ومن غير وعي بالكلام اللي بتقوله : أنت شاب يعني تفهم الشباب ..قولي ليه سبني ؟؟
انصدم ريان من سؤالها وحاول يستوعب كلامها مسك ايدها وبعدها عن باب المطعم : مين الي سابك ؟؟
غاليه وعيونها بعيونه : ليه الشخص اللي نحبه من قلبنا يسبنا من غير حساب لمشاعرنا؟؟
ساب ايدها وهو مصدووم من كلامها .. كلامها صحى قلبه اللي حب دانه .. حبيبته اللي سابته من غير حساب لمشاعره !!!!!!
صحيت من افكارها على رنين تلفونها ردت : ايوة
فريحة بقلق : غاليه فينك ؟ كل ده بتغسلي وشك ؟؟؟
حاولت تضحك و تعدل صوتها : هههه جايه لسه حالا طالعة من المطعم
اتنهدت فريحة براحه : طيب يلا بستناكي
قفلت معها وبصت للشاب الي كانت بتكلمه من غير وعي وشافته واقف سرحان مشت خطوه بتحاول تهرب منه بس ايده وقفتها بصتلو بخوف : انا .. انا م ما كنتش..
سحب التلفون من ايدها بدون اهتمام باللي بتقوله وكتب رقمه ع تلفونها واتصل .. شاف موبايله رن برقمها .. قفل الاتصال ورجع لها الموبايل ومشى دخل للمطعم
بصتله غاليه بصدمه : ده بصفته ايه يخزن رقمي عنده ؟؟؟؟؟
طنشته ومشيت للعربيه مكان ما منتظرها فريحة
.....
ماليزيا
بالسوووووووووووووق
سعيد بملل : حياتي كفايه النهارده كده لف
نور وهي تتفحص تيشرت : حبيبي باقي حاجات شهد ما اشتريتش لها اي حاجة
بص في ساعته : طيب خلينا نروح ناكل وبعدين اخدك لمحل الالعاب و تختاريلها ..
رجعت التيشرت ومسكت ايده : طيب حبيبي يلا
مسك ايدها وخرجو من السوق متجهين للمطعم ومحل الالعاب
**********
بالمستشفى
خرجت من عند امها وشافته قاعد مع اخواتها يضحك معاهم قربت وبابتسامه : رجعتووو ؟
شيرين بضحكه طفووليه وهي ترفع الكيس الي في ايدها : شذى شوفي الحويات دي كلها ليا >>>>> الحلويات
شمس وهي بتقلد اختها وترفع الكيس بايدها: وانا كمان عندي حويات
ابتسمت لهم ورفعت عيونها له وبهمس : شكرا
بادلها راشد الابتسامه من غير ما يرد
نزلت لمستووى اخواتها الصغيرين : يلا يا حلووين نروح البيت
شيرين وهي تمسك ايد راشد وترفع راسها له : انت بتلوح معانا ثح ؟
انصدمت شذى من جواب راشد : ايوه رايح معاكم
مسكت يد اختها وبحزم : لآ شيرين مش هيروح معانا .. مسكت ايد شمس عشان نرووح .. يلا
بكت شيرين : مش عايزة .. مش عايزة .. عايزة ابويا
شذى بضيق : حبيبتي ده مش ابوكي
شيرين بطفووله : امال مين ده ؟
شذى " يا ربي ازاي بس افهمها " : ده اخويا راشد
شيرين بابتسامه : ده اخوي راثد ؟
شمس ببراءه : ااه بيلوح معانا
شيرين وهي بتكلم تؤمها : ايه سمس بيلوح معانا اخوي راثد
شذى " جيت أكحلها عميتها " :لأ ما ب ...
قاطعها صوت راشد : شذى
رفعت عيونها له : ها
راشد : هوصلكم
شذى بارتباك : لألأ مالهوش داعي انت رو ....
قاطعها مره ثانيه : من غير اعتراض يلا قدامي
مسك ايد الطفلتين ومشى وهي لحقته وقلبها نازل دق بقووه ...
**********
المطعم الصيني
قاعد يبص ل رقمها وبيفكر يسميها ايه ماهو ميعرفش اسمها؟بص بحروف موبايله وكتب"دموع القمر"" الاسم ده يناسبها " قطع عليه افكاره صوت أمير :ريان مالك من اول ما دخلت وانت سرحان ونازل بص في الموبايل..وطبقك حتي ماخلصته ؟؟
حط الموبايل جنبه ومسك شوكته : دلوقت اخلصه
أمير بنظرات شك : ريان انت بتفكر بدانه ؟؟
رفع راسه عن الطبق وببرود : ما تجبش اسمها قدامي مره تانيه!
انصدم أمير : يعني خلاص نسيتها ؟؟؟؟
ريان ببرود وهو بيحاول ينسى حبها: زي ما دخلتها قلبي هطلعها .. بس عمري ما انسى اللي عملته فيا
أمير : ان شاء الله يا رب تطلع من قلبك وتنساها .. وخلاص منجبش اسمها مره ثانيه
اتنهد ريان : ان شاء الله
**********
عند بوابة بيت غاليه
واقفه عند باب العربيه وبرجاء: فيري انزلي نامي عندي
فريحة : مقدرش ياروحي .. لازم بكرة اساعد ماما بترتيب الحاجات
غاليه ضربت جبهتها : اوبا صح نسيت
فريحة بابتسامه : مره تانيه ان شاء الله
بادلتها الابتسامه : ان شاء الله .. وصلي سلامي لطنطي وعمي
فريحة : يوصل .. وانتي كمان سلمي على اهلك
غاليه وهي بتقفل باب العربيه : الله يسلمك
دخلت غاليه البيت .. وكملت فريحة طريقها >>>>>
**********
بيت وجدان
دخل البيت وهو بيضحك على اخووه : هههههه يا اخي انا عجباني حياتي كدا الله!
وليد : عجباك ؟ قاعد لا شغل ولا مشغله ..ومفيش غيرالبنات اللي مالي بيهم تلفونك
رفع حاجبه : نسيت اني بكمل دراستي بالمعهد ؟
وليد : لا ما نسيتش .. بس انت لازم تلاقي شغل دي اخر سنه ليك بالمعهد !!!!!
فهد دخل وقعد :هنجح ان شاء الله هنجح
دخل وليد معاه وشاف اخته نايمه ع الكنبه قرب منها وهز كتفها : وجدان .. وجدان قومي نامي في اوضتك
فتحت عيونها وشافت اخواتها عدلت نفسها وفركت عيونها : اهلا
فهد : كام مرة اقولك بطلي حفلاتك وقعده العوانس بتاعتك دي .. شوفي حالك شكلك تعبانه ؟
وجدان وهي بتقوم واقفه : لا مش تعبانه بس نعسانه هروح انام .. تصبحوو ع خير
وليد فهد : وانتي بخير
**********
عند شوووووق
نزلت دمعتها وهي تسمع كلمات اغنيه شيرين " على بالي "
حبيته بيني وبين نفسي
وما قولتش على اللي بنفسي
ما عرفش ايه بيحصلي لما بشوف عينيه
ما بقتش عارفه اقول ايه ما اعرفش ليه خبيت عليه
بضعف اوي وانا جنبه وبسلم عليه
كل حب الدنيا ديه في قلبي ليك
وانت اغلى الناس عليا روحي فيك
دنت لو قدام عينيا اشتاق اليك
على بالي ولا انت داري باللي جرالي
الليالي سنين طويله سبتهالي
انشغالي بكل كلمه قولتهالي
الكلام لو كان يعبر على الحنان
كنت قولت اني بحبك من زمان
كل يوم الشوق بيكبر عليا بان
على بالي ولا انت داري باللي جرالي
الليالي سنين طويله سبتهالي
انشغالي بكل كلمه قولتهالي
اه يا فهد ياريت تحس .. معرفش إن كنت بتحبني ولا لأ ؟؟ يا ويلي اذا كنت زي اختك .. الحق عليا اعتمدت على نظراتك من غير ما اتأكد من حبك !!
***********
عند ندى
قاعدة في نص السرير ببجامتها الورديه وشعرهاالمفرود وواللاب توب بحضنها وعيونها متعلقه بكلامه وهي بتكلم نفسها : يا ربي ايه كميه الغرور دي؟؟؟؟ الناس تيجي تكلمه وهو يتكلم ببرود ؟؟؟ وهي جديده ع الشات يعني مفرووض يرحب بيها بس هي اول ما دخلت وهو مش مديها ريق حلو....
برقت عيونها لما شافت كلامه ع العام مع صحابه بالشات : البنت هي اللي تيجي عندي مش انا الي اجي عندها !!!!!!!!
ندى وهي مصدوومه وبتكلم نفسها : ده صريح قوي عالعام يتكلم كدا .. لأ والله من غيره البنات هيتشرده !!!!
قررت بينها وبين نفسها تطنشه وهي كمان تعمله بنفس عدم الاهتمام .... واذا متكلمش معاها وسلم عليها تطنشه زي ما هوو مطنشها .. وكملت كلامها ع العام مع الناس اللي اتعرفت عليهم من غير ما تديه اهتمام !!!!!!
**********
صباح يوم جديد
خلاص مش قادره تتحمل صوت ازعاج موبايلها ردت بعصبيه : نعمممممممممم
عبير : اخيرا رديتي
وجدان بانزعاج : عبير نعم عايزة ايه ؟
عبير : تعالي بسرعة الجنينه الي ورا بيتكم...الي بنقعد فيها دايما
وجدان وهي بتبص فالساعه : حرام عليكي .. لسه بدري
عبير بنفاذ صبر : وجدان قلت بسرعه تعالي بس شوويه ..بستناكي
بصت لشاشه تلفونها : جزمه قفلت في وشي!!! .. اووف ماليش خلق اقوم من السرير .. يا ربي ياعبير هيكون عندك ايه يعني في الجنينه زرعتيها بطاطس طلع جرجير اوووف؟؟؟
قامت من سريرها بكسل ونزلت تحت فتحت الباب وخرجت للجنينه... مشت برجولها الحافيه وهي بتفرك عيونها
..... : وجداني
اتصدمت "وجداني" ماحدش بيناديها بالاسم ده غير شخص واحد التفت للجهة الثانيه وشافت شخص واقف ببنطلونه الجنز وتيشرت وجاكيت طويل وساند ايده ع شجره كبيره ......
بص علي رجليها الحافيه... لجيبتها القصيره المكرمشه من النوم لملامحها الي نايمه علي روحها...بصلها بغرابه لشعرها المنكوش رغم كده سحره:عامله ايه يا وجداني..؟؟؟
اتئلئت عيونها دموع ده هوو حبيبها بيسأل عنها للان مش مستوعبه وجوده قدامها وبهمس : عمر ؟
نزل ايده واتقدم خطوه: اخص.. عمر كده ؟؟ انا اعرف وجداني ما تناديني غير "بعمري" !!!!!
كلامه اكد لها انه هو عمر اللي قدامها ومن غير شعوور جريت عليه واترمت في حضنه وبدأت نووبة العياط
انصدم عمر من رد فعلها وما قدرش غير يستقبلها جوه حضنه ويحاوطها بايده ويمسح ع شعرها .....
( عمر .. 22 سنه .. اسمر .. عيوونه اخضر غامق .. شعره طويل .. جسمه رياضي .. جريء وغيور جدا .. كلامه لازم يمشي وما يحبش حد يعانده .. )
**********
عند فريحة
فريحة بزهق : قاعده ياختي برتب حاجتي بالشنطه
غاليه : تحبي اجي اساعدك ؟
فريحة : لايا حبي ملوش لزوم...الا انتي ليه صاحيه بدري ؟
غاليه : هههه معرفش والله صحيت وقلت اكلمك .. انت ليه صاحيه ؟
فريحة : عشان ترتيب الحاجات والنقل
غاليه تلفونها رن : اقولك فيري اقفلي دلوقت عندي خط تاني
فريحة : طيب يا قلبي باي
غاليه : باي
**********
بدايه مالهاش معنى .. نهايه مالهاش مضمون .. " منك كسير وميت ومطعون "
عند غاليه
بصت لتلفونها وعقدت حواجبها بتحاول تفتكر الرقم : اول مره اشوف الرقم ده؟؟ هههه بس رقم حلوو وومميز
رن مره ثانيه وردت : الووو ؟
..... : احلي الووو دي ولا ايه؟
غاليه باستغراب : عفوا مين معايا ؟
..... : أنا ريان
زاد استغرابها غالية: ريان ؟؟ مين ريان ؟؟
ريان : ريان اللي كان عند المطعم الصيني امبارح
انصدمت : ده أنت ؟؟
ريان : ايوه انا .. ازي حالك ؟
غاليه بصرامه : مالكش دعوة بحالي..نعم عايز ايه؟
ريان بصبر : سلامتك .. بس كنت عايز افهم ايه قصدك من كلام امبارح؟
ارتبكت : أا انا ما كنتش اقصد حاجة
ريان : اسمعي انا اخدت رقمك عشان اعرف قصدك .. اتنهد وكمل : لأن كلامك بيوصف حالتي
غاليه بصدمه : حالتك!!!!!!
ريان : ايوه
غاليه ونست نفسها : وايه هي حالتك ؟
ريان وغمض عيوونه وأسترخي بقعدته :فاضيه تسمعيني ؟
غاليه وفضوولها دبحها : ايوا
####
بالشركه
أمير باستغراب : هو ريان بيه ما جاش النهارده ؟
السكرتير : لا استاذ امير ريان بيه مجاش النهارده؟
امير : طيب
دخل مكتبه وهو مستغرب ان ريان مجاش النهارده!!!!!!!
**********
بيت ابو جينا
وقفت وبصدمه : طلع ؟؟؟؟؟؟؟؟
لانا : اه طلع .. بس ما حدش اتكلم معاه
لبست جاكيتها ومشت رايحة ناحيه الباب : انا هتكلم معاه
لانا بخوف : جينا الله يخليكي بلاش تتكلمي معاه .. والله رامي اذا عرف معرفش ممكن ايه يعمل ؟؟
جينا وهي تخرج : ميهمنيش
لانا مسكت ايدها : مفيش مرواح .. خلينا نروح ع المنتجع يله
سحبت ايدها بقوه وجريت >>>>>>>>
لانا صرخت : جينا ارجعي !!!!!!!!!
**********
" داخل المنتجع "في سوريا
رامي : امال فين جينا ولانا ؟؟
فارس : معرفش
رانيه : حالا يجووو .. يمكن لسه بيفطروو !!!!!
دخلت لانا وبصت علي الشله القاعدة طنشتهم وراحت تشوف شغلها بس صوت رامي وقفها : لانا شفتي جينا ؟
لانا بارتباك : انا ..ا أأأه قصدي لألأ
رامي باستغراب : مالك يا لانا ؟ جواب واحد بس أه ولا لأ ؟
لانا بخوف : ايوه شفتها بتفطر دلوقت تيجي
رامي قام وقف : رايح اشوفها
مسكت ايده تمنعه : رامي ملهوش لزوم انا شفتها وقتلتلي جايه
رامي مستغرب : طيب لانا بس انا عايز ٱروح أشوفها واجي انا وهي!!!
لانا بارتباك : لألأ متروحش بلاش!!!
رامي بدء يتنرفز : لانا مالك النهارده ؟؟ ليه مش عايزاني أروحلها ؟
لانا خدت نفس وبتحاول تهدي الوضع : لأنو هي بتفطر مع امها وابوها في البيت...يعني مش بتفطر بالشالية
رامي رجع قعد مكانه : طيب قولي كده من الاول
اتنهدت لانا وراحت تشوف شغلها بعد ما تأكدت من وجود رامي داخل المنتجع .....
عند جينا
نزلت دمعتها وهي شيفاه واقف ع صخره قريبه من البحر مسحت دمعتها وقربت وبصوت مرتجف : سـ سيـ سيف
التفت لها وشافها وبصدمه : جينا !!!!!!!
جينا بابتسامه : حمد لله ع سلامتك
ابتسم : الله يسلمك
لفت وشها للبحر : ازاي كانت حياتك فالسجن ؟
سيف بهزار : ما كانش ناقصني غير حاجه واحده !!
لفتله : ايه هي ؟
سيف بص بعيونها : الايس كريم الي كنتي بتدهولي
عقدت حواجبها وابتسمت وهي بتفتكر
"قبل سنتين بيوم واحد قبل دخوول سيف السجن "
...... : سيف
لف لها : نعم
جينا وهي بتمد ايدها : اتفضل
بص علي ايدها وشافها ماسكه ايس كريم وسايح على ايدها من الشمس .. اخده منها واتلحوست ايده كلها ايس كريم : ده ليا ؟؟؟
جينا وهي تهز براسها : سوري بس كنت باكل منه.. ووقت ما شفتك قولت ادهولك
وبخجل )وساح من الشمس
سيف بيستطعم : احلي ايس كريم تسلمي جينا
جينا : الله يسلمك
رجعت للواقع وبصتله : لسا فاكر ؟
سيف بابتسامه : كان معاكي حق مفيش ايس كريم في السجن
ابتسمتله ورجعت تبص للبحر
اتنهد سيف : جينا روحي لانهم ممكن يشوفوكي وانتي بتتكلمي معايا
جينا ببرود : ولا بيهمني
سيف بألم : تخيلي بابا منع ماما تتكلم معايا
جينا بصدمه : بجد ؟؟؟؟؟
سيف بحزن : ااه بجد.. انتي الوحيدة الي حكيت معايا من اول ما طلعت
جينا : ............
سيف : بابا كمان بيجهز ورقي عايزني اسافر مش عايز يشوفوني
جينا دمعت عيونها : تسافر ؟؟
سيف : أه .. تعرفي ده احسن قرار .. انا لازم اسافر لأن هنا محدش بيتكلم معايا
مشى وبعد عنها : باي جينا مش عايزك تتخانقي مع حد بسببي
بصتله وهو بيبعد عنها ولنفسها " ليه يا سيف ؟؟ ليه ؟ انا ما صدقت شفتك وانت عايز تسافر ؟؟ حرام عليك ارحم قلبي الي بيحبك "
سيف : ( 24 سنه ...بشرته تميل للبياض ..شعره اسود.. لون عيونه رصاصي .. كتووم وبيحب يساعد الكل ..)
***********
اتعلقت عيونها بشاشة تلفونهاوهي مش مصدقه اخيرا اتصل ردت بلهفه : اهلا
فيصل : السلام عليكم
دانه بفرحه : وعليكم السلام
فيصل : انا فيصل .. ازيك يا دانه ؟
دانه "عارفه انك فيصل قلبي " : اهلا فيصل .. الحمد لله! اخبارك ايه ؟
فيصل : بخير .. مشغوله ؟
دانه بابتسامه : لأ
سألها عن حياتها وبدأ يحكي معاها ......
**********
عند ريان
بصدمه : انت بتتكلم جد؟؟؟ تلعب بقلبك عشان تتحدي بس صحابها؟
اتنهد : ايوه .. عشان كدا صدمتيني وقت ماقولتيلي " ليه الشخص اللي نحبه يسبنا من غير حساب لمشاعرنا ؟؟"
نزلت دموعها : .............
حس بدموعها : ممكن دلوقت انتي كمان تقولي لي حكايتك ؟؟؟؟؟
حكتله كل شئ بدوون تردد .......
مسحت دموعها : وبس ده الي حصل...
ريان : وطبعا سابك لأنه مش واثق فيكي ؟
غالية بألم : هو قال كدا .. عباله اني بكلم عشره غيره
اتنهد لانه مش عارف ولا فاهم ايه سبب الصدفه الغريبه دي. بس ارتاح لأنه اتكلم مع شخص مجرووح نفس جرحة ويقدر يحس فيه وبقلبه اللي بينزف ..
غاليه: اممممم هقفل معاك دلوقت
ريان : ممكن اكلمك تاني ؟
غالية : .........
ريان : ما تفهميش غلط .. بس كل الحكايه عايز اتكلم مع شخص يحس باللي بحسه !!
وهي محتاجه شخص يفهمها ويفهم جرحها.. ابتسمت : طيب
ابتسم : يعني موافقه ؟
غالية بخجل : ايوة .. يلا باي
**********
بيت تيمور
تيمور : يعني بس بننقل هدومكم وحاجاتكم الشخصيه
فريحة : طيب والعفش ؟
تيمور : انا وامك اخترنا عفش جديد وبكرة هروح استلموو وانقله انا والعمال للفيلا الجديده ....
فريحة بحماس : اروح معاك عشان اقولك ترتيب اوضتي
تيمور بابتسامه : طيب
فاطيما : وانا بدي روح رتب على ذووووقي
تيمور : هههه وماله طيب و العمال
فريحة بفخر : واحنا مش عايزين عمال انا وامي نقدر على كل حاجه!!!
تيمور : خلاص انتوو بكره قوللهم علي نظام الترتيب وهما يساعدووكم
**********
راشد
قاعد بالصاله وماسك في ايده فنجان النسكافيه وافتكر احداث امبارح...امبارح وصل شذى واخواتها بس انصدم من الحي اللي عايشين فيه ما كانش يعرف حاجة عن الناس الفقيره .. وافتكر شذى المسؤوله عن امها والطفلتين بعد وفاة ابوها .. كره نفسه هو كان غاويها عشان متعته وهي كانت بتدورعلي فلووس عشان اخواتها .. اخواتها اللي حبهم وانبسط وهو بيسمع منهم كلمه " اخويا " محدش قال له الكلمه دي من قبل ..
اتنهد :شذى ما سلمتهوش نفسها عشان الفلووس .. كبرت بعينه حافظت ع شرفها ورمت الفلوس .. بس ازاي بتصرف على اخواتها ؟؟
ساب فنجان النسكافيه وقرر يروح لشذى واخواتها >>>>>>
**********
عند وجدان
بعدت عن حضنه وهي محروجه : أا.... انا ....
سكتت وما عرفتش تقول ايه ازاي هتبرر موقفها
ابتسم وحب يحرجها اكثر : حد برضه ينام بهدوم الخروج ويكرمشها كده ؟
بصت لهدومها وانصدمت انا ازاي واقفه قدامه كدا .. انا خلاص كبرت ومبقتش وجدان الصغيره ... امبارح من تعبها نامت بهدومها
مشت عشان ترجع بس ايده منعتها : علي فين؟؟
بارتباك وخجل : رايحه اغير هدومي
قلع جاكيته: البسي ده.. بس ما تغيبيش عن عيووني
مسكت الجاكيت بتردد .. ما تقدرش ترفضله طلب ..اخدت الجاكيت بايد بتترعش ولبسته وريحة برفانه الي ماليه الجاكت دووختها...
ضحك علي شكلها وهي لبساه الجاكت الي واصل لحد جيبتها ... ومقاسه الكبير عليها اللي عطاها شكل طفوولي !!
وجدان بارتباك من نظراته : أ..أزاي كانت حياه لندن معاك ؟
قعد ع النجيله وسند ظهره ع الشجره : حلوه
عطته ظهرها : ماشتقتش لمصر ؟؟
ابتسم وحب يجننها : اشتقت لها طبعا .. اشتقت لأمي وحنانها واشتقت لعبير وخناقها معايا.. وكل وجبه اكلها هناك افتكرطبخ امي .. وافتكر اصدقائي فالمدرسه هنا..
لمعت عيونها والتفت له وبحسره : و..وانا .. انا اللي كنت بحسب الشهور والاسابيع والايام والدقايق والثواني واستنا رجووعك بفارغ الصبر
عطته ظهرها ودمووعها حرقت خدودها
وقف وقرب منها وحست بانفاسه على ودنها : ومين قال نسيتك ؟؟
ما تحركتش من مكانها وقلبها دق بقووه : امتى بقا افتكرتني ؟
قرب اكثر وهمس : مع كل نفس اتنفسته
رن موبايله بعد عنها ورد : اهلا
عبير : هاه ؟ شفتها ؟
عمر بابتسامه : ايوه
عبير بحماس : طيب يلا تعال
ابتسم ع حماسها : شوي وجاي
عبير : اياك تتأخر .. هدبحك
قفل معاها والتفت لها .. ابتسمتله وهي بتمسح دموعها
اتنهد : انا همشي دلوقت اسلم على امي واختي
انصدمت : انت ما سلمتش عليهم ؟؟؟؟؟
عمر : لأ .. كنت عايز اشوفك انتي اول وحده .. وقلت لعبير تتصل بيكي
وجدان " بعشقك " : امممممممممم
بصلها بحب ومشى راجع للبيت عشان امه واخته
وجدان : عمري
التفت لها : عيوووووووونه
وقفت وراه الشجره قلعت جاكيته وطلت براسها ومدت ايدها :جاكيتك ؟
ضحك ع شكلها واتقدم لها : ههههههه انا فكرتك طمعتي فيه
وجدان:ههههههه
اخده ومشى ع البيت وقلبه معها
**********
عند شذى
شيرين وهي بتعيط : اهىء اهىء عايزاه مليش دعوة عايزاه
شذى برجاء : شيرين خلاص حبيبتي هو دلوقت مشغوول
شمس : اهىء اهىء وانا عايزة اخويا راثد
شذى بيأس من اخواتها : خلاص كفاييييه
شيرين و شمس : اهىء اهىء
شذى وراسها صدع من اخواتها : خلاص حابيبي ايه رايكم نروح لماما عشان نرجعها البيت ؟
شيرين وهي تمسح دموعها : وبنلوح لأخوي راثد ؟
رن الجرس وقطع عليهم كلامهم قامت شذى وفتحت الباب وبصدمه : راشد ؟؟؟؟
بص لعبايتها وطرحتها : خارجه ؟؟
شذى : ايوه رايحة اخرج امي من المستشفى
راشد : تمام يلا هوصلك
شذى : م ...
قاطعها : مش عايز اعتراض .. نفسي في يوم اقولك كلمه من غير ما تعارضي
شاف شيرين وشمس وهم بيجروا عليه بفرحة : راثد
نزل لمستواهم وهو بيفتح ايديه ويستقبلهم بحضنه : اهلا والله بالحلوين
شاف اثار الدموع على خدودهم وبحنان : ليه الحلوين معيطين؟
شيرين وهي بتحرك ايدها بطريقة طفولية : انا عايز اجي عندك وشذى تقولي لأ
رفع عيونه لشذى ورجع يبص تاني لشيرين : حبيبتي انا بيتي بعيد عشان كدا شذى ما تقدرش تجيبك عندي .. مسك ايديهم : ودلوقت بنشتري حلويات ونروح نجيب امكم
نطت شيرين بفرح وشاركتها شمس بضحكات بريئة
ابتسم لهم وبص ل شذى : يلا نروح
شذى بهمس :يلا
**********
بالشركه
" مكتب أمير "
دخل وشافه مشغوول بالاوراق اللي قدامه : السلام عليكم
رفع راسه وورماه القلم : وعليكم السلام .. ريان حضرتك كنتي فين مختفي ؟
ضحك وقعد : مووووجود
أمير بجديه : صادق يا كداب كنت فين ؟ بتصل بيك من الصبح وتلفونك مشغول؟؟مع مين كنت بترغي الوقت ده كله؟؟
ريان بابتسامه : كنت في البيت وتحديدا في أوضتي.. وكنت بكلم واحده
أمير رفع حاجبه وما عجبهوش الكلام : واحده ؟؟؟؟؟
ريان ماسك بايده الموبيل ودايس علي رقمها : تصدق نسيت اسألها علي اسمها
أمير بسخريه : لأ ما شاء الله تكلمها كل الوقت ده ومش عارف حتي اسمها ؟؟
ريان : ههههههههه
أمير بجديه : ريان اتكلم جد شويه .. امسح رقمها حالا مش ناقصنا بنت ثانيه .. وكفايه اللي حصل من الي قبلها >>>>> يقصد دانه
ريان : مستحيل .. امسح ارقام كل البنات الا دي بالذات
أمير بتعجب : انت ياض بتتكلم بجد ولا بتهزر؟؟مش كفايه الي حصلك مش بتحرم ؟؟ ؟؟
ريان : صدقني دي غير
أمير باستنكار : كلهم طينه واحده
ريان : صوابعك مش زي بعضها!!!
أمير بعصبيه : ريان انت ما فتش عليك غير يومين .. لحقت تتعرف ع واحده تانيه ؟؟
ريان ببروود : دلوقت انا عايز افهم انت ليه متعصب؟؟متخفش انا مش بكلمها علشان احبها..خلاص قلبي قفلته بميت قفل وترباس
أمير : طيب ليه بقا بتكلمها ؟؟؟؟
ريان : هقولك الحكايه اسمع .....
**********
داخل المنتجع
...... : ليه كنتي بتتكلمي مع رامي وانتي خايفه ؟
لانا : ما كنتش خايفه
فارس : متكذبيش .. لانا فيه ايه فهميني ؟
لانا بضيق : يوووووه فارس حكيتلك ما كنتش خايفه
مسك ايدها : لانا ما عندكيش ثقة فيا ؟؟
رفعت عيونها تبصله : اذا حكيتلك مش بتحكي لحد ؟
فارس : والله مش بحكي لحد
لانا بصوت واطي : جينا راحت تتكلم مع سيف
فارس : اييييييييه ؟
حطت ايدها على شفايفه وبعصبيه : وطي صوتك فضحتنا
بعد ايدها عن شفايفة : اسف .. بس ازاي راحت ؟ ورامي ؟
لانا بضيق : معرفش بقا ومقدرتش امنعها
فارس بابتسامه : تعجبني شجاعتها
دخلت وشافتهم واقفين يتكلموووو بهمس جينا ابتسمت : ايه ياسي فارس اعترفت ل لانا انك بتحبها؟!
انصدمت لانا وبعدت عن فارس : بيحبني ؟؟؟؟؟؟
لف فارس على جينا وشافها واقفه مبتسمه .. بس وقت ماشافت صدمت لانا وجموود فارس اختفت ابتسامتها
لانا مشت ببرود ووقفت قصادها : لأ معترفش وانا مش لزمني الاعتراف ده..كنا بنتكلم عنك..سالني رامي عنك وحكيتلوا انك بتفطري في بيت اهلك
خرجت لانا وسابتهم >>>>>>>>>>>>>
جينا بتردد : اسفه فارس بس وقت شفتكم فكرتك اعترفت وحكيتلها
فارس قعد على اقرب كرسي : سمعتي هي حكت ايه .. هي ميلزمهاش الاعتراف ؟
مسك راسه بايده : الي كنت خايف منو حصل ....
جينا : فارس انت عارف انها رافضه الحب .. بس انت خليها تحبك وتحب الحب
فارس رفع عيوونه ليها : ازاي بقا ؟
جينا بابتسامه : انت وقت حكيتلي اانك بتحبها فرحت .. صدقني لانا هتحبك.. .. بس هي رافضه الحب لأنها بتشوف الحب عذاب .. بس انت عليك تفهمها بطريقتك ان الحب مش كلوو عذاب
فارس بتحدي : هي دلوقت عرفت اني بحبها ولوحدها وانا هخليها تحبني وتغير فكرتها عن الحب
جينا بفرح : وانا بساعدك
..... : جينا
التفت له واختفت ابتسامتها : اهلا رامي
رامي : كنتي فين لحد دلوقت ؟
افتكرت كلام لانا وردت : فطرت النهارده مع اهلي
قرب منها وباس خدها : صحتين
جينا حطت ايدها ع خدها وبتوتر : على قلبك
مسك ايدها ولف لفارس : يلا تعالوو في اجتماع عشان الشغل
**********
عند دانه
ساره : اموت وافهم انتي ليه زعلانه ؟ ما هو كلمك ؟؟
دانه بضيق : بقولك كان بيكلمني ببرود
ساره : ازاي يعني ببرود ؟؟
دانه : يعني سألني عن دراستي واحوالي وكدا .. بس ما قال لي حبيبتي وكلام كده يعني..
سارة ماتت ضحك ع كلامها : هههههههههههه يعني علشان مقلش حبيبتي وكدا انتي مضايقة؟؟
دانه بعصبيه : ساره انا بتكلم جد .. حتى عن مستقبلنا وجوزنا متكلمش!!
ساره : طيب دانه مش من اول مكالمه هيقولك حبيبتي وجواز ومدري ايه
دانه بضيق : حاسه انه بيكلمي غصب
ساره بسخريه : مفيش راجل بيكلم بنت بالغصب
دانه : طيب هقفل دلوقت مع السلامه
ساره : مع السلامه
**********
بالمستشفى
: مشكوور راشد تعبتك معاي
راشد : العفوو .. ما عملتش حاجة.. انا همشي دلوقت محتاجة حاجة ؟
شذى بابتسامة : سلامتك
نزل لمستوى الطفلتين ودعهم ومشى >>>>>>
دخلت عند امها مع اخواتها وبابتسامه : الحمد لله ع سلامتك ياغاليه
ام شذى بتعب : الله يسلمك
شذى بحنان ومسكت ايد امها : يمه ايه الي حصل ؟ ليه ضغطك ارتفع ؟
ام شذى بحزن: قاعده اشوفك كل يوم تشتغلي وتتعبي نفسك ومش عايزة ضغطي يرتفع ؟
شذى وهي تحاول تخفف عن امها : يمه انا مرتاحه بشغلي .. كل اللي بعمله بدي الاطفال دروس خصوصيه باللغة العربية واعلمهم التجويد بقراءة القران >>>>> شذى بتدرس ادب عربي تاني سنة ليها بالجامعه
ام شذى : يا يمه انا خايفه عليكي .. تروحي بيوت ناس ما اعرفهاش وتقعدي عندهم تذكري لعيالهم ..بعدين معاش ابووكي الله يرحمه يكفينا
شذى : لا يمه ما يكفيش .. انا مش عايزة شمس وشيرين ينقصهم حاجة .. وانا يمه عندي مصاريف للجامعه ..
ام شذى تنهدت وسكتت : ..........
شذى وهي تطمن امها : يمه صدقيني العيال اللي بروح ادرسلها اهليهم ناس محترمة .. والمدارس على الابواب مش معقول اسيبهم وهم محتاجين للي يفهمهم ويدرسهم
ام شذى وهي تدعي لبنتها : الله يوفقك يا بنتي ويبعد عنك ولاد الحرام
شمس بزهق وهي تقاطعهم : ماما امتى بتجعي عسان تعمليلي لي سبسة >>>>> بترجعي ، عسان = عشان ، سبسة = كبسة ^-^
شيرين ببراءة : وانا ابي سبسة
ام شذى و شذى : هههههههههه
شذى وهي تبوس خدودهم : طعمتهم يا ناس
ساعدت شذى امها وخرجوو من المستشفى راجعين للبيت >>>>>
**********
بيت ابو عمر
عبير بابتسامه : وازي شفتها ؟؟
عمر افتكر ملامحها : كبرت وبقت قمر
عبير بشقاوه : ياهوووو .. فين وجدان تسمع
ابتسم ع شقاوتها قرص خدها : عارفه اشتقت لشقاوتك
اتصنعت الزعل : ايوه ياخويا باين .. عشان كدا شفت وجدان قبل ما تشوفني وتشوف امك
عمر : يادلوعه وربنا مشتاق ليك ولأمي .. غمز لها : بس وجداني حاله خاصه ..
دخلت وبصت عليهم بحنان : يلا حبايبي الأكل جاهز
قام عمر وقرب حضنها :اه يا ماما اشتقت من زمان للاكل المصري
لحقته عبير وهي بتضحك : هههههههههههههههه
راح عمر مع امه واخته للسفره>>>>>>>>
**********
بالشركه
" مكتب أمير "
أمير بتريقة: مش معقول صدفه غريبه ؟؟؟؟؟؟؟؟؟؟؟
ريان : معرفش .. كل اللي اعرفه اني ارتحت لها .. على الاقل اكلم شخص يحس بجرحي
أمير بيأس من ابن عمه : خلاص اعمل اللي يريحك .. تيمور بيه النهارده اتصل وقالي بكرة جاي هو والعمال عشان النقل
ريان قام يقف : طيب .. رايح مكتبي عايزة مني اي خدمات ؟؟
مسك القلم ورجع لأوراقه : سلامتك
خرج ريان وراح لمكتبه >>>>>>>>>>
**********
بيت تيمور
قاعدة بالارض وحاجتها بكل مكان والاوضه متبهدله سمعت دق الباب : اتفضل
فتحت الباب وطلت براسها : ممكن ادخل ؟
فريحة بصدمه : غاليه ؟؟؟؟؟؟؟؟؟؟؟
غالية دخلت وهي بتضحك : هههههه مالك كأنك شوفتي عفريت ؟
وقفت فريحة تسلم عليها : ههههه لا بس انت ماقولتيش انك جايه ؟
غالية رفعت حاجبها : ضروري اقولك ؟ مينفعش سربرايز ؟
فريحة : هههههههه الا ينفع ياهبله
غالية بصت بعيونها تلف في الاوضه : ليه كدا الاوضه مقلووبه ؟؟
فريحة كشرت : برتب حاجتي عشان النقل
مشت وسط الاشياء ورمت نفسها على السرير : دلوقتي سيبك من الترتيب وتعالي اقعدي عايزة اقولك حاجة؟؟
رمت نفسها جنبها:ها قولي؟؟
غلا بابتسامه : اما حصلت معايا حته صدفة ماتوقعتش ابدا تحصل معايا حتي في الاحلام
فريحة باستغراب : صدفه ؟؟؟؟؟؟؟؟؟؟؟؟
غالية بحماس : ايوا اسمعي .........
**********
عند وجدان
على كلمات اغنيه راغب علامه قاعده ترقص والابتسامه ما فارقت شفيفها...صعب تغيب عن عيني لثانيه من غيرك ما بشوفش الدنيا
ما بحسش روحي الا فحضنك و مفيش غيرك حاسس بيا..احلى كلام في الدنيا كلامك...اجمل حاجه في عمري غرامك
نفسي اعيش وياك يا حبيبي...و ابقى معاك حتى في أحلامي.. تعرف ايه بيجرالي في بعدك..روحي تسبني و تروح عندك من كتر ما حبيت ايامك مش عايز اقول كلمة بعدك
لما تكون يا حبيبي معايا مش فارقه الايام ويايا الوقت يعدي و انا في حضنك
ما بقولش لا امتى و لا كفايه
شفت ازاي يا حبيبي بحبك كل منايا اني افضل جمبك لو في ايديا الدنيا بحلها
يا حبيبي انا حفضل محتجلك تعرف ايه بيجرالي في بعدك روحي تسبني و تروح عندك..من كتر ما حبيت ايامك
مش عايز اقول كلمة بعدك
رمت نفسها ع سريرها تلقط انفاسها .. افتكرت لقاءها مع حبيبها .. افتكرت ازاي رمت نفسها بحضنه
حركت شفايفها وهي تردد الاغنيه : الوقت يعدي و انا في حضنك .. ما بقولش لا امتى و لا كفايه
**********
عند ندى
قاعده على الانترنت وطبعا اول شئ فتحته الشات وتبدء مغامرتها كلام مع فلان وتريقه علي فلان وقالبه الشات فوق تحت وهي حايسة العالم وشايفه الناس كلها .. واي حد يمدح فيها بكلمه تقلب الشات على راسه .. وقفت كتابه لما شافت " الكابتن " كلمها خاص
ندى بنفسها : المغرور بيكلمني غريبه ؟؟
داخل الشات >>>>>>>>>
الكابتن : هاي
قطرة ندى : هاي
الكابتن : اسف ع دخوولي الخاص
قطرة ندى : عادي
الكابتن : انا كلمتك عشان اقولك اني مراقب كلامك من اول ما دخلتي وانتي تعرفي اني مسؤول الشات هنا ؟؟
قطرة ندى : ايوا عارفه .. بس ما فهمتش يعني انا غلطت في حاجه هنا ؟
الكابتن : لألأ ما غلطتيش .. بس انا كنت عايز اخليكي مراقبه هنا .. لأني محتاج مراقب مش بيسكت عن الغلط .. وانا كنت مراقب كلامك وشفتك ازاي بتتكلمي ومش تسكتي اذا حد غلط معاكي
انصدمت ندى " انا مراقبه " : معرفش.. بس انا بدخل هنا عشان احكي مش اكتر
الكابتن : والمراقبه ما تمنعكيش من الكلام .. انا براقب وبحكي واتكلم عادي
"ندي اعجبت ب الفكره " الله يعني هبقا مراقبه ومهمه بالشات لأ وكمان المغرور يطلب مني " : طيب
كملت كلامها معاه وهي مبسوطه انه كلمها ........
**********
بيت تيمور
فريحة بانفعال : غالية انتي بتتكلمي بجد؟؟؟؟؟
غالية باستغراب : ايوه .. مالك ؟
فريحة بعصبيه : غالية انتي صاحيه لنفسك؟ ما خلصناش لسه من فيصل يطلعلنا ريان ؟
غالية ببرود : بس انا مرتاحه كدا
فريحة صرت على اسنانها : غالية بلاش تتكلمي معايا ببرود .. انا خايفه عليكي
غالية : فريحة افهميني انا محتاجه شخص يسمعني ويحس بقلبي .. وريان الشخص المناسب لأنه هو كمان مجرووح زي و
تكمله البارت الرابع
ضميني بعيونك
رومنسي_غموض_اسرار_انتقام_اختطاف
**********
بيت تيمور
فريحة بانفعال : غالية انتي بتتكلمي بجد؟؟؟؟؟
غالية باستغراب : ايوه .. مالك ؟
فريحة بعصبيه : غالية انتي صاحيه لنفسك؟ ما خلصناش لسه من فيصل يطلعلنا ريان ؟
غالية ببرود : بس انا مرتاحه كدا
فريحة صرت على اسنانها : غالية بلاش تتكلمي معايا ببرود .. انا خايفه عليكي
غالية : فريحة افهميني انا محتاجه شخص يسمعني ويحس بقلبي .. وريان الشخص المناسب لأنه هو كمان مجرووح زي ويقدر يحس بيا
سابتها وقامت وكملت ترتيب حاجتها وطنشتها
غالية : فرررريحة
فريحة : .........
غالية بضيق : فريحة
قاطعتها : خلاص غالية اعملي اللي يريحك .. بس ماتنسيشن اني نصحتك مع فيصل وشفتي بعينك الي حصل...ودلوقت بنصحك ماتتكلميش مع ريان... ..
غالية بحزن : فريحة انا ما عنديش اخوات صبيان ولا اخوات بنات.. ونفسي حد يحس بيا
فريحة بزعل : اخص عليكي.. وانا روحت فين ؟؟؟؟؟
غالية بدموع : انتي احلى اخت .. بس صدقيني محدش بيحس بحد غير المجروح زيه .. وريان زي وشبهي
فريحة اتنهدت : طيب ياعنيده ..
غالية بابتسامه : مش عناد والله.. وصدقيني هو كلام بس وعمرة ما هيحصل زي ما حصل مع فيصل..
فريحة بادلتها الابتسامه : ربنا يسعدك
**********
عند فيصل
طلال بابتسامه : كل عام وانت بخير
فيصل بسخريه : ليه العيد جه وانا معنديش خبر؟؟
طلال باستغراب : مالك يا كابتن نسيت النهارده عيد ميلادك ؟؟
فيصل بسرحان : عيد ميلادي ؟؟؟؟ !!!!!!
رجعت ذاكرته لورا
.....
غاليه بحب : قلبي انت فينك ؟
فيصل باستغراب : انا بالكووفي .. ليه ؟
غالية : ايه اسم الكوفي ؟
فيصل بشقاوه : كوفي ال ..... ايه هتيجي عندي ؟
ضحكت غالية وهي تخفي مفاجاتها : هههههه لأ بس حبيبي وبكيفي اسألك
فيصل بحب : كلي فداكي
غالية بخجل : اممممم ايه لون التيشرت اللي لابسه ؟
زاد استغرابه بس ضحك ع سؤالها : ههههههه اخضر
عصبت : ليه طيب بتضحك ؟؟؟؟
فيصل كتم ضحكته : ولا حاجة خلاص
غاليه : طيب هقفل دلوقت اصل مامتي بتناديني
فيصل : طيب ياقلبي
قفلت وطلبت من سواقها يروح بيها للكوفي الموجود فيه فيصل حبيبها خدت البوكس وراحت لباب الكوفي : لو سمحت ممكن تدي البوكس دي لشاب قاعد جوه لابس تيشرت اخضر
اخده منها العامل بابتسامه : اوكي يافندم
دخل العامل وشاف فيصل قاعد : لو سمحت ؟
رفع راسه وبص للعامل باستغراب : انا ؟؟؟؟
هز العامل راسه وسلم البوكس لفيصل ومشي
بص فيصل للعلبه وزاد استغرابه فتح العلبه وشاف ساعة يد فخمه .. فتح الكرتوون وشاف قالب كيك كبير مكتووب عليه بكريمة الشوكولاته " أحبك " وشاف باقه ورد جووري احمرر وعليها بطاقه صغيره ملوونه .. اخد البطاقه وفتحها
مرت سنة بكل ما فيها و جت سنة أحلى ما فيها إنك لسة معايا فيها.اخاف حد يسبقنى ويهنى قلبك الطيب واحب اشوفك متهنى وكل سنة وانت طيب
حبيبتك "غالية"
ابتسم .. عشان كدا كانت بتساله عن الكوفي والتيشرت .. اخد موبايله واتصل وهو مستني يسمع صوتها بلهفه
ردت بضحكه : ههههه كل عام وانت بخيريا قلبي
فيصل : بحبك
غاليه : ...................
فيصل بهمس : بحبك غالية سمعاني ؟
غالية بخجل : اه سمعاك
فيصل بحب : ليه كلفتي نفسك ؟
غالية : تستاهل اكثر حبيبي .......
رجع للواقع على صوت طلال : فيصل .. فيصل
دمعت عيوونه : مش قادر طلال مش قادر
طلال باستغراب : ايه هو اللي مش قادر ؟
فيصل بحزن وعيونه مركزه علي الساعه بايده : بحبها مش قادر انساها
انصدم طلال : وايه اللي فكرك بيها دلوقت ؟؟
رفع ايده : شووف .. الساعه كانت هدية عيد ميلادي منها .. اتنهد : اعمل ايه طلال كل شئ بيفكرني بيها..
اتخنق طلال وهو بيفكر ازي يطلع صديقه فيصل من حالته ؟؟؟؟
**********
أشرقت الشمس واعلنت عن صباح يوم جديد ..
بيت تيمور
تيمور : فينها ؟؟
فاطيما وهي ترتب شعر اسامه: فوق بتلبس
تيمور بصوت جهوري : فررريحة انزلي بسرعه.. العمال وصلوو واحنا لسا هنا
نزلت من الدور الثاني وهي بتنهج : جيت جيت
خرج تيمور ولحقته فاطيما وفريحة واسامه متوجهين للفيلا الجديده لترتيب الاثاث الجديد >>>>>>>
( اسامه .. 5 سنوات .. اخوو فريحة الصغير .. يشبه امه بشعره الاشقر وعيونه الخضرا .. )
**********
قريب من بيت محي الدين
العمال خارجين طالعين وبأيدهم الاثاث ينقلووه لداخل الفيلا ..
أمير بعصبيه : شويه شويه
العامل وهو مدخل طربيزه : حاضريا بيه
ريان : اومال فين تيمور بيه لحد دلوقت
أميرالتفت له : قبل شويه كلمني .. قال شويه وجاي
ريان وهو ماسك موبايله وبيبعد عن أمير: طيب
مشى لبره الفيلا واتصل .. وصله صوتها النايم : الوو
ريان : اوووه شكلك نايمه وانا ازعجتك
عدلت قعدتها وباحراج : ريان ؟
ابتسم ريان : اسف كنت مفكرك صاحيه
غالية : عادي .. ازيك ؟
ريان : بخير وانتي ؟
غالية : الحمد لله تمام
ريان : امممممممم بسألك ؟
غاليه : اسأل ؟
ريان بابتسامه : انتي بالحق اسمك ايه ؟
غالية : ههههههههه
ريان: ههههه عارف بتقولي لسا فاكر تسأل عن اسمي
غاليه : هههه اسمي غاليه
ريان بابتسامه : حلوو اسمك
غاليه بحرج : تسلم
"سكووت ولا حد اتكلم كل واحد مستني التاني يبدء"
غالية : امممممم بتعمل ايه ؟
ريان بص علي أمير الي مشغول وبيتكلم مع العمال:ولأ حاجة قاعد بكلمك
غالية : ههههه عارفه والله انك بتكلمني
ريان : ههههه طيب كلميني عن نفسك
غالية : احم احم اسمي غاليه
ريان : هههههه عرفت الي بعده
غالية بابتسامه : ههه عمري 18 وعايشه مع بابا وماما
ريان : ايوا كملي
غاليه بشقاوه : وبس
ريان : ههههه بس كدا
غالية : هههه هقول ايه تاني
ريان : اممممم كام اخ عندك ؟
غالية بحزن : ما عنديش اخوات
ريان : طيب كام اخت ؟
اتنهدت : ما عنديش اخوات
حس بحزنها وبشقاوه : اممم يعني من الاخر وحيده ودلووعه البيت
غاليه : ههههههه انا بكره الدلع جدا
ريان : هههههههه انت قلت عمرك 18 يعني خلصتي ثانويه ؟
غاليه بفرح : اه خلصت .. وهسجل بالجامعه بس مش هنا
رفع حاجبه : امال فين ؟
غاليه بابتسامه : بسوريا
ريان استغرب : سوريا ؟؟
غاليه : اه مش انا قلتلك انا امي سوريه .. وانا بثالثه ثانوي اتفقت مع اهلي اكمل دراستي بسوريا
ريان : لوحدك بتسافري ؟
غالية بابتسامه : لا مسافره انا وبنت عمي
ريان بضيق : امتى هتسافري ؟
غالية : اممم لسه معرفش يمكن بداية الشهر الجاي .. دلوقت دورك اتكلم عن نفسك
ريان : انا عمري 24 .. وعندي اخت واحده شوق .. وو الخ
**********
وقفت العربيه.. ونزل منها تيمور وهو بيقرب لامير
تيمور بسلام : السلام عليكم
امير: وعليكم السلام
تيمور بعتذار :معلش اتأخرت بس رحت اجيب مراتي والولاد عشان الترتيب
أمير بابتسامه : عادي عمي ما تأخرتش ولاحاجة .. خد راحتك
نزلت فاطيما ودخلت علي طول جوه الفيلا بعد ما رمت السلام علي أمير
داخل العربيه قاعدة وعيونها عليه وعلي ابتسامته " يا ربي البني ادم ده بيعمل ايه هنا" فاقت من سرحانها على هز اخوها اسامه : فريحة افتحي لي الباب عايز انزل
فتحت فريحة له الباب .. نزل اسامه وجري ناحيه ابوه ووقف جنبه
تيمور لامير : ده ابني الصغير اسامه
أمير نزل لمستواه : منور يا بطل
اسامه بفرح : انا بطل
أمير : ههههه اه بطل
تيمور وهو بيلف حواليه : اسامه فين اختك فريحة ؟
اسامه ببراءه وهو بيشاور بايده ع العربيه:جوه قاعدة في العربيه
شافت فريحة اخوها وهو بيشاور ع العربيه .. وعرفت انه ابوها سأل عنها .. قررت تنزل وتجري تدخل جوه الفيلا عند امها
نزلت من العربيه ومشت وراسها بالارض مش عايزة تشوفه.. مشت وعدت من جنبهم وراحت ناحيه باب الفيلا ويادوب هتدخل .. بس صوت ابوها وقفها : فررريحة؟
وقفت وهي عطياهم ظهرها " يابابا حرام عليك ليه بس ناديتني عنده " لفت على ابوها وجت عينها بعينه .. بعدت عينها عنه ورجعت بصت علي ابوها : ازيك يا بابا ؟
تيمور بعتاب : ماشيه من جنبنا وتروحي الفيلا كدا بدون سلام ؟؟؟؟
فريحة بحرج وخدودها احمرت : اسفه يابابي كنت سرحانه ما انتبهتش .. دورت وشها لامير برتباك: مساء الخير
أمير بنظرات مافهمتش معناها:مساء النور اهلا
بعد ما رمت السلام .. مشت بسرعه واختفت جوه الفيلا عند امها
