رواية احببت ذئب الفصل الثالث 3 بقلم الاء محمود
الفصل الثالث طبعا اكيد كلكوا يتقولوا ياترا مين اللي عندها ف الاوضه ادم ! ولا مين ؟ واكيد طبعا كل التخمين ع ادم
نخش ف الحلقه بتاعتنا ونشوف مين اللي عندها
..............................
افنان : حسيت بهوا دخل اوضتها فجاه بس طنشت عشان هي كانت نايمانه جدا ومش قادره تفتح عينيها وبعد شويه حسيت اني في حد بيلمس شعرها بخفه فبدات تفتح عينيها وفجاه لقت
كريم وجايه تفتح الاباجوره عشان تنور الاوضه حتي لو خفيف وتبص ملقتهوش قدامها كانه اختفي الوقت ده هي خافت ومش مجرد خوف الخوف ده خلها صرخت
فجاه باب الاوضه اتفتح ...
احمد : ف ايه يا افنان مالك !
افنان :
احمد : اتكلمي ف ايه مالك ووشك اصفر ليه كده ياافنان ردي
افنان : بتعيط بس
احمد : ردي عليا
افنان : مكنتش عارفه ترد تقول ايه .. تقول لاخوها ان كريم كان ف الاوضه .. ولنفسها حتي لو قولت اكيد مش هيصدق ويفتكر كابوس ... بس ايوه انا هقوله انه كابوس
احمد : افنان ردي عليا متخوفنيش
افنان : بصوت متقطع ك..ك.. كابوس يا احمد
احمد : خدها ف حضنه وبدا يهديها ده مجرد كابوس وانتي دلوقتي صاحيه متقلقيش وانا اهو جمبك اهدي ياحبيبتي ويلا نامي الصباح رباح
احمد : كان هيقفل النور
افنان باندفاع : لالالا متقفلوش
احمد لنفسه : بصلها بس سكت و انه اكيد تأثير الكابوس ... وفاق تاني ع صوتها .... طيب خلاص يا ستي هسيب النور بس تبقي ادفعي بقا فاتوره الكهربا يا ست هانم عشان الكهربا السيبه دي وضحك كان بيحاول يغير مودها
افنان ببتسامه: تصبح ع خير يا احمد وفضلت قاعده ف اوضتها بتفكر وعايزه الصبح يطلع بسرعه ومجالهاش نوم نهائي وبس عايزه تشوف كريم وبس ... ومن جوها كانت متعصبه جدا
الصبح بدا يطلع
افنان : خدت شاور ممكن يهديها شويه بس برضو هي مش طايقه حد قدامها نهائي وبتلعن اليوم اللي كريم بقا فيه من شلتهم خدت نفس ومسكت موبيلها
افنان : انتوا فين ؟ بس فيها نبره زعيق
امال : يافتاح ياعليم يارزاق ياكريم الناس تقول صباح الخير الاول مش يزعقوا
افنان : واول ما سمعت اسم كريم افتكرت كريم واتعصبت جدا ... امال من غير رغي كتير انتوا فين .. ف انهي داهيه بظبط
امال : ايه يا وليه اهدي طيب احنا ع العموم ف الكافيه ف ايه مالك
افنان : قفلت من غير حتي ماترد ع امال وخرجت من البيت لانها حرفيا معندهاش استعداد تخش ف اي نقاش مع اخوها ف الوقت ده بذات وهي متعصبه كده
.....
ف الكافيه ..
امال : بتببص للموبيل افنان قفلت ف وشي ياجدعان
ماذن : صوتها مش مظبوط واضح انها متعصبه وع اخيرها
مريم : طب من ايه كل ده ربنا يستر
امال : هي العموم جايه دلوقتي و هنعرف وفعلا ربنا يستر
ف اللحظه دي كريم دخل وكان شكله متوتر او خايف المهم معرفوش يحددو بس محدش علق وسكتوا
كريم : قعد وكانه بيدور ع حد
ماذن : هي جايه بس بقولك ايه هي متعصبه والله اعلم من ايه بتمناه ميحصلش مشاكل
كريم بتوتر : متعصبه ازاي يعني ؟
ماذن : عارف يا كريم انا حاسس اني انت عامل مصيبه وبرضو حاسس اني المصيبه دي خاصه بافنان مش عارف ليه !؟ اصل شكلك مش عجبني
ف اللحظه دي موبيل ماذن رن
ماذن : الو
ادم : انت فين ؟
ماذن : ف الكافيه
ادم : طيب انا جاي .. هو مال صوتك ؟
ماذن : اصل حاسس كريم عامل مصيبه وتقريبا كده مع افنان
كريم : فيه ايه يا ماذن انت هتلبسني مصيبه كل ده عشان سألت
ماذن : بص لكريم بغيظ وكمل كلام مع ادم
ادم : خد نفس مكتوم طيب ع العموم انا قريب من الكافيه دقيقه بظبط وهبقا موجود
ادم جيه .. وبص لكريم بصه طويله من غير مايكلم بس ريأكشانات وشه بتكلم
كريم : حاسس بخوف ورعب من نظرات ادم هو عارف انه قاسي ويرعب ف مواقف كتير بس عمره مافكر انه يتعرض للبصه دي ف يوم من الايام وكان متأكد اني ادم هيقرا افكاره
وكان حقيقي مرعوب
ادم : بعد صمت طويل كنت عندها بتعمل ايه ؟ وشافتك ولالا !؟
كريم : مكنش عارف يقول ايه هو بس الخوف مسيطر عليه عشان ادم واللحظه دي مطمنش ابدا
كلهم بصوا لبعض بس طبعا محدش يقدر يكلم طول ماادم كبيرهم موجود
ادم : ردد !؟ بشخطه كفيله توقف قلب اللي قدامه
لدرجه ان كل اللي ف الكافيه انتبهوا وخافوا من صوته حرفيا برغم انهم مايعرفهوش
وطبعا امال ومريم وخالد وعمر وماذن اتخضوا من صوت ادم
ماذن : ادم اهدا ده مش اسلوب الكافيه كله بيتفرج علينا اهدا وكمان افنان جايه وهي اصلا متعصبه خلقه فمانشوف ف ايه بظبط منها.
ادم : متعصبه ؟!
امال : ايوه كانت بتسألني احنا فين وصوتها مكنش يطمن نهائي كانها مش افنان هي ع العموم هي اكيد زمانها جايه هي كده كده بيتها قريب اوووي من هنا
ادم : بص لكريم والبصه كفيله تحرقه
ف اللحظه دي افنان جت
اماال : يا ساتر افنان شكلها ميطمنش نهائي
افنان : شافتهم بس ملمحتش غير كريم بس ! وكانها مشافتش غيره ف المكان كله
افنان : وقفت قدام كريم وبصتله بصه طويله ترعبه حرفيا وبعد صمت اللي كان بنسبه لكريم كانه قرن من الزمن هو انت كنت فين امبارح بليل
ادم : قعد وبصلهم اللي هو قعدوا وخليكوا ساكتين
كريم بضحك مصطنع : كان بيحاول يسيطر ع نفسه و يبدا يرد ضحك ضحكه عشان يدي نفسه قوه .... ايه ده افنان بذات نفسها بتسألني ايه ده هو انا مهم لدرجادي بنسبالك !؟
افنان : انت اهبل ولا عبيط يلا ؟! بس بدات تسيطر ع نفسها عشان هي اصلا متعصبه والعصبيه بتاعتها كفيله تحرق الكافيه باللي فيه
كريم بزعيق : ايه الاسلوب اللي انتي بتكلميني بيه ده انتي اتجننتي ؟!
افنان بستهزاء : ضحكت بطريقه هي عارفه انها هضايق كريم ... ايه ده انت طلعت منهم اللي هما خدوهم بصوت لا يغلبوكوا
عارف ياكريم لو انت بتعرف تزعق فانا بعرف ازعق واضرب وامسح بكرامتك الارض كمان وولا حد هيحوشك مني زي ماهما كده قاعدين وبيتفرجوا عليك ومحدش بيساعدك
ماذن : بص لادم لقاه مبتسم وبس اتفاجئ وبدا يكلمه ف افكاره عشان عارف اني ادم هيسمع افكاره
ادم : قرب من ماذن ... اسكت واستمتع بالعرض وابتسم تاني تلقائي
ماذن : اتغاظ من تصرف ادم بس سكت عشان محدش ينفع يكسر كلمته
وكلهم عايزين يقوموا يبعدوا افنان عن كريم بس ادم بنظره واحده مانعهم
كريم : كان هيقوم وفجاه لقا ايد افنان بتزقوا ع الكرسي تاني ومعرفش يعمل توازن فوقع ع الكرسي
افنان بنظرات مرعبه : مسكته من ياقه قميصه لما افنان تكون بتتكلم ماينفعش تتساب وتمشي ابدا
ادم : بيبتسم وبس ومبسوط انه شايف كريم قد ايه خايف برغم ان كريم ذئب ويقدر يقوم يقتلها بس كان كريم متلجم منها ودماغه وقفه من كتر الخوف اللي هي مسببهوله وبقا ادم بيضحك من جوا ع اللي هي عملاه فيه وسايبها تعمل اللي هي عيزاه
كلهم سمعوا صوت من ورا افنان .... ايه ده كريم
افنان : بصيت عليها لقتها واحده شكلها مقزز و لبسه لا هي مش لبساه عشان اللي لبساه مبين جسمها كله لدرجه لفتت كل انتباه اللي موجودين وحطاه مكياج برضوا بطريقه مقززه واوفر كل حاجه فيها اوفر
لوزه : انتي ازاي تمسكيه كده انتي مجنونه !؟
افنان :بعدت عشان هي ماينفعش انها تتعامل مع الاشكال دي فبعدت عن كريم
كريم : حس ان لوزه جتله نجده .. لوزه ! قولي لافنان هانم انا كنت فين امبارح
لوزه : مشيت بمياعه وقعدت ع رجل كريم بطريقه مقرفه ... كان ف حضني يا حبيبتي تحبي تعرفي تفاصيل زياده وضحكت ضحكه خليعه
لدرجه كلهم بصولها بصه مقرفه وعرفوا ان قصدها غير محترم
كريم : بص لافنان لان مهما يكن هو بيحبها ومايحبش ابدا انها تشوف حاجه زي كده او يتقال كده قدامها واضايق جدا من ان وشها احمر واكيد هي دلوقتي شايفاه قذر وحقير اكتر ماهي شيفاه اصلا
افنان : وشها احمر من اللي سمعته
فخدت بعضها ولسه هتمشي لقت كريم بينده عليها بس ملفتلوش
كريم : انتي كده مديونالي باعتذار وقدام الكل كفايه فضايح اللي انا اصلا مش عارف كل اللي حصل ده حصل ليه اصلا بس كل اللي حصل ده بسببك
افنان : لفتله وقربت منه
كريم : ظبط وقفته عشان شكل افنان من نظرتها مايطمنش نهاىي
ماذن : قام ووقف بينهم ومسك ايد افنان لان حس انها ممكن تضرب كريم او تتهور عليه اهدي الموضوع خلص خلاص ماينفعش تتهوري نهاىي
افنان بسخريه : ومين قالك ياصاحبي اني هتهور
وبصت لكريم عارف ياكريم انا الحمد لله مسمعتش كلامهم ف اني اعاملك كويس حقيقي كانو مصدعني بيك وكانوا دايما بيقولولي اني اعاملك كويس بس عارف انت الكويس حتي متستهلهوش مني وراي فيك كان دايما صح انا دلوقتي مش بس مبطقكش انا كمان بستحقرك اكتر من الاول وضحكت ضحكت سخريه وصح ف حاجه عايزه اققولك عليها .. اوبس صح
انا اكيد اصلا قولتهالك قبل كده وبصت ع لوزه بصه استحقار ورجعت بصت ع كريم انت مايلقش عليك غير دي وضحكت جامد وبصت لماذن لو عايزين تشوفوني مايبقاش موجود لو سمحت يعني ومايتجبش سيرته ف وسط الكلام نهائي عشان وحياه اخويا اللي معنديش اغلي منه هخسر اي حد هيجيب سيرته وانا مبهزرش يا ماذن اظن كده كلامي واضح وسابتهم ومشيت ف حاله زهولماذن بص لامال ومريم اللي هو روحوا وراها
بعد شويه رجعوا مشيت وموبيلها اتقفل و ملحقنهاش انا بليل هاخد مريم ونروحلها وبصوا لكريم كل اللي حصل ده بسببك مش بسببها منك لله بجد
ادم : قام وقال يلا نمشي بس قبل مامشي هقولك اني انا عارف اني عمرك ماهتنساه كلامها بس حرفيا لو اتعرضتلها تاني محدش هيقفلك غيري فاهم بشخطه قضت ع اعصاب كريم نهاىي
كلهم بصوا لببعض ومستغربين ادم عشان اول مره ادم يبقا كده
ماذن : كان مبسوط اوووي لادم عشان اخيرا ادم حس بالحب تاني وضحك من جوا اهدوا ياجماعه
ويلا ياادم نروح وانت يا كريم يلا روح
......
افنان ف العربيه بتاعتها بتكلم نفسها لا منا استحاله كنت بهرتل ولا كنت بتخيل هو كان موجود انا شوفته بس ازاي مالزفته المقرفه دي قالت انها عنده لا ف حاجه غلط وبقت تخبط ع دركسيون العربيه من الغيظ وقعدت تلف بالعربيه اكتر من 3 ساعات من غير ماتحس بالوقت وفجاه ابتسمت وافتكرت ادم واحلامها بيه لا بقا هو ده وقته انا ف ايه ولا ف ايه وضحكت جامد .. لا يا استاذ ادم ده انت هتجنني بجد وقعدت تتضحك تاني ع نفسها لحد ماوصلت البيت
احمد بضحك: سبحان الله يا شيخه اللي يشوفك دلوقتي مايشوفكيش الصبح كنتي بطلعي نار من ودانك ده انا كنت خايف تتحولي لتنين
افنان : يا خفه مالي يعني وغير بقولك ايه انا داخله اخد شاور وانام ومتصحنيش انا هصحي لوحدي وسابته حتي من غير ماتسمع رد قال ايه
افنان بضحك : خدت شاور ووقفت قدام مرايه الحمام وابتسمت وقالت فعلا اللي يشوفني دلوقتي مايشوفنيش الصبح عندك حق يا احمد
قعدت ع السرير ومن كتر التفكير نامت بس كانت مبتسمه برضوا بطريقه هي نفسها مستغرباها
جرس البيت رن احمد فتح لقا امال ومريم
امال : احمد معلش هو ايه اللي حصل بظبط
احمد : امبارح بليل افنان لقيتها بتصرخ وكانت بتعيط لدرجه اني بجد قلقت من شكلها وقعدا اهديها شويه بس مش هي كانت هتقابلكوا
مريم : ايوه هي اصلا كانت معانا بس ماتكلمتش خالص
اماال : خلاص بطلوا كلام يلا ندخلها يا مريم
احمد بضحك : طب ربنا يستر اصل هي نايمه وانت عارفين انها مبتحبش حد يصحيها وضحك وخصوصا وهي ف سابع نومه
امال ومريم بصوا لبعض عشان هما عارفين صاحبتهم وانها ممكن تقوم تقتلهم وتكمل نوم عادي فكلهم ضحكوا
امال ومريم دخلوا اوضه افنان ووقفوا قدام سريرها وبصوا لبعض بتفكري ف اللي انا بفكر فيه طبعا بعيدا انها هتقوم تنفخنا بس مش مهم وضحكوا ضحكه شيطانيه
جابوا كوبايه مايه وروماها ع وش افنان
افنان : اتنفضت من ع السرير وبصتلهم وبدات تستوعب اللي حصل انتوا بتستعبطوا ايه .. ايه الجنان ده ف حد يصحي حد كده
طبعا امال ومريم ميتين من الضحك ع شكل افنان وهي مبلوله ومش عارفين يبطلوا ضحك
افنان : بصتلهم بغيظ ودخلت جابت مايه وبدات ترش عليهم لدرجه انهم بهدلوا الاوضه بس كانوا عمالين يضحكوا ضحك هيستيري ع نفسهم واترموا كلهم ع سرير افنان من كتر الضحك
افنان بضحك : انتوا لازم تظبطوا معايا الاوضه قبل ماتمشوا عشان مش هقدر عليها لوحدي ماشي يا حلوه منك ليها
افنان ومريم : ماشي ياختي بس هنمشي ازاي واحنا مستحمين كده
افنان بغرور : بصتلهم لا متحلموش انا مش هديكوا لبس من عندي وضحكت جامد
امال ومريم : بصوا لبعض وقاموا ضربوا افنان بالمخده وكانو بيضحكوا
افنان : يخربيت كده فرهدتوني ايه اما صدقتوا انا كنت بهزر مابتهزرش يارمضان
امال ومريم : بنهزر ياختي
وقعدا يضحكوا ضحك هستيري لحد مامشيوا وافنان نامت بس كان اهم حاجه لافنان ان اليوم اتختم حلو وضحكت كتير ونامت مبسوطه
&&&&&&&&&&&&&&&&&&&&&&&&&&&&&&
نروح بقا لشباب كانوا قاعدين ف مكان زي بيت او بمعني اصح قصر
ماذن : انت ازاي كنت هادي كده دي كانت خناقه فاهم يعني ايه خناقه انا كنت خايف افنان تتهور وتعمل اي حاجه
ادم : بص لماذن يعني كنت عايزني اعمل ايه وغير انا كنت مستمتع بالعرض جدا وسرح افتكر افنان وهي متعصبه وبتزعق وتشخط ف كريم وهو متلجم وساكت وريأكشانات وشها وشراستها اللي طلعت منها برغم انها مجرد بشريه وابتسم وفاق ع صوت ماذن
ماذن : ايه روحت فين وغير مالك كده بتبتسم كل شويه ده من امتي ده !؟ وغير انت من امتي بتبتسم كده وايه ده مالها عنيك !؟
ادم : عنيا ؟! مالها !
ماذن بضحك : بصلوا بخبث اصل لونها اخضر واللون ده مايظهرش غير لما بتكون مبسوط وغير انا برضوا لاحظت اللون ده الصبح واحنا ف الكافيه والخناقه شغاله وغير انا بقالي قرون ماشوفتكش كده
ادم : اطلع برا واشوفك الصبح يلا من هنا بقا
ماذن : لاحظ ان ادم عينه بدات تقلب رمادي غامق وهو عارف ان اللون ده بيدل ع انه متعصب من الكلام ايه مانت كنت كويس خلاص همشي اروح انام ف حضن امال حبيبتي اللي ماليش غير حضنها مش لو كان عندك حد كان زمانك روحتلها دلوقتي بعيدا يعني اني حالتك صعبه وضحك جامد وجري من قدام ادم عشان لو فضل اكتر من كده اكيد هيحدفه بحاجه تجيب اجله يا هيقتله
بعد ماماذن مشي
ادم : وقف قدام المرايا وبص لنفسه وركز ف عنيه وابتسم لقاه فعلا بقت اخضر غامق وهو بقاله كتير اوووي ماشفش لون عنيه كده هو فعلا مبسوط وافتكر كلام ماذن وضحك وهو حقيقي مستغرب نفسه وقال انتي عملتي ايه فيا يا افنان واول ماقال اسمها ابتسم تلقائي
....
افنان قلقت من النوم قامت تجيب مايه ورجعت تاني لسريرها بس منمتش ع طول فمسكت موبيلها تفتح نت وتقلب فيه شويه واول مافتحت الموبيل تنحت قدام شاشه االموبيل ولقت .........
يتبع «««««««
