رواية رحمة بالفؤاد الفصل الرابع والثلاثون 34 بقلم سهيلة سعيد

الحلقة الرابعة والثلاثون { 34 }

فيروز ب برود : طلعي الشنطة دي اوضة أيان

رؤى ب احراج : حاضر
( تقرب ع الشنطة تمسكها )
ايان وهو بيحط ايده ع ايدها : سبيها

انا هطلعها
( تتحرج رؤى وتشيل ايدها وتبص ل فيروز )
فيروز : ليه هي اتشلت م تطلعها هي

ايان : قلت انا هطلعها .. روحي انتي
( تمشي رؤى ترجع للمطبخ وهي مبسوطة )
فيروز ب غيظ : هي مش خدامة هنا ودي شغلتها تطلع انت شنط ليه !!!!!
ايان : الخدامة دي حامل ف ابني
( ياخد الشنطة ويطلع فوق )
فيروز ب صوت واطي ل ولاء : عوزاكي تتلحلحي كدة وتديها ب ازبل جزمة عندك فهماني والا قعادك هنا مش هيطول لو معملتيش لنفسك وضع معاها ماشي ؟؟
ولاء ب ضيق : حاضر .. عن اذنك

( تطلع ولاء ورا ايان ، تدخل الاوضة )
ولاء : شكلك خايف عليها
ايان وهو بيولع سيجارة : ولا تهمني ف حاجة غير ابني الي ف بطنها
ولاء وهي بتقرب عليه : امممم .. اوك
( تلف ايدها حوالين رقبته )
ولاء وهي بتحضنه : وحشني حضنك اوي

( يعدي الوقت ، تحت ، رؤى ف اوضتها عمالة رايحة جاية جاية رايحة ، القطة قاعدة ف الارض ، تبصلها وتنونو

)
رؤى ب تفكير : ياترى حصل ايه .. بيعملوا ايه دلوقتي .. اكيد ف حضنه الهانم .. دة منزلش من فوق من وقت م جت .. وحشاه طبعاً .. الهي تولع بيهم الاوضة

( يجيلها وجع ف بطنها )
رؤى ب وجع : اااه !!!
( تقعد رؤى ع طرف السرير وتحط ايدها ع بطنها )
رؤى : معلش ي بني أبوك هيجلطني

( يخطر ف بالها فكرة ، تقوم تلبس اسدالها وتطلع من اوضتها ، الكل نايم ، تمشي بهدوء حافية تطلع فوق ، تقرب ع اوضة أيان وتحاول تتصنت )
ولاء : ههههههه
( تتخض رؤى وقلبها يوجعها )
رؤى ب غيظ : تكون اخر ضحكة ي بعيدة

( جوة الاوضة ، قاعد ايان ع السرير ماسك موبايله ولابس بنطلون بس وقاعدة ولاء ع الكنبة بتتكلم ف الفون )
ولاء وهي بتدخل البلكونة : اه والله ي بنتي كان منظرها تحفة

( يلمح أيان خيال عند الباب ، يقوم بهدوء ويقرب ع الباب ويفتحه مرة واحدة ، تتخض رؤى وترجع ل ورا ب احراج )
ايان ب استغراب : بتعملي ايه ؟!!!
رؤى ب ارتباك وهي بتلف حوالين نفسها : اااا ولا حاجة دااااا ............
( يطلع ايان برة الاوضة ويقفلها وراه )
ايان ب تريقة وهو بيقرب عليها : بتتصنتي ؟!
رؤى : متصنتش انا كنت معدية بس وانت طلعت

ايان : امممم .. يعني مكنتيش بتتصنتي ؟
رؤى : لأ

( تمشي رؤى بسرعة تنزل تحت ، ينزل ايان وراها ، تدخل اوضتها وتقفل الباب )
رؤى ب ندم وهي بتقلع اسدالها : غبية حد يعمل كدة .. استغفر الله العظيم يارب

( يدخل ايان ، تتخض رؤى وتشد ف فستانها القصير )
ايان وهو بيقفل الاوضة بالمفتاح : مش حرام التجسس بردوا !!
رؤى ب توتر : متجسستش

ايان وهو بيقرب عليها : بتكدبي ؟
رؤى : لأ مش كدابة وبعدين انت جاي ليه وسايب العروسة لوحدها

( يبتسم أيان ويفهم انها متضايقة ، يقرب اكتر وهي تبعد ، تلاقي ورا حيطة وهو قريب اوي )
رؤى ب خوف : ايان انا حامل و .............
أيان ب ابتسامة وهو بيحط ايده حوالين وسطها : غيرانة منها

رؤى ب خضة : اناااا مستحيييل

( يبوسها بهدوء ، يلاقيها مسلماله مش صداه زي كل مرة ، يطلع الصبح ، ايان نايم ، يفتح عيونه ، يلاقي رؤى ف حضنه ، يفضل باصصلها ، يبعد خصلات شعرها من ع وشها ويتأمل ملامحها اوضح ، يقرب ايده من بطنها ويحطها عليها بهدوء ، تتقلب رؤى وتبقا ف حضنه اكتر ، يحضنها ، يخبط باب الاوضة ، تصحى رؤى مخضوضة )
ايان : بس اهدي !
( تتحرج اما تلاقي نفسها ف حضنه ، تحاول تبعد بس هو حاضنها ، يخبط الباب تاني )
ام زينة : رؤى .. اصحي ي حببتي الساعة عدت 3 العصر !!!
( تبصله رؤى )
ايان : فاتني شغلي .. هترفد قريب بسببك
( تداري رؤى وشها ف حضنه م الاحراج )
ام زينة وهي بتخبط ب قلق : ي رؤى انتي كويسة ؟!
( تفتح الباب ميتفتحش )
رؤى ب توتر : خليني اقوم

ايان : خليكي انتي
( يقوم ايان ويقرب ع الباب يفتحه ، تشوفه ام زينة تتخض وتتحرج )
ام زينة : لامؤخذة ي بني معرفش انك هنا انا بس بجيب ل رؤى الفطار انا اسفة والله عن اذنك

ايان : ولا يهمك
( لسة هتمشي ............... )
ايان : استني تعالي دخليه
( تلف ام زينة ب استغراب تدخل الاكل ويمشي أيان يطلع اوضته ، ولاء قاعدة مع ريتا )
ولاء ب استغراب : كنت فين ي أيان انا فكرتك رحت الشغل !!!!!
( ميردش عليها ويقرب يبوس ريتا من دماغها ويدخل التواليت ، تحت )
ام زينة : واحدة واحدة الحديد بيلين يبقا هو مش هيلين

رؤى : اهو الحديدة دة بقا ممكن فعلاً اصدق انه يلين الا ايان ي ام زينة

ام زينة : والله بيتهيقلك .. اومال مين الي كان ف حضنك من دقايق

( تبتسم رؤى ب احراج )
ام زينة : يلا كلي ي حببتي
رؤى وهي بتاكل : حاضر
( يعدي الوقت ، ايان قاعد ف الانتريه وماسك فونه ، يقرب عمار يقعد قصاده ، يبصله ايان وبعدين يرجع يبص ل الفون )
عمار وهو بيحط رجل ع رجل : لما انت رجعت ل مراتك م تطلقها وتسيبها تشوف حالها مع حد تاني
ايان ب فهم : امممم .. الي هو انت بقا الحد التاني دة

عمار : وليه لأ .. رؤى بنت طيبة .. وحلوة .. وتستاهل انها تعيش ملكة .. مش خدامة

( يضغط ايان ع سنانه ب غيظ )
عمار : ومتخافش .. هعرف اربي ابنك كويس

( ايان يجيب اخره ، يقوم ويضرب عمار بوكس يوقعه من ع الكنبة ويطحنوا بعض ويكسروا البيت ، يجري الكل ع الصوت )
سيلين ب خضة : باااااس بااااس

( ايان نايم ع عمار وعمال يضرب فيه بالبوكسات )
فاطمة ب صريخ : سيبوا ي ايااااان

ام زينة م المطبخ : يلهوي يلهوي

البنات ب خضة : في ايه ؟!
( تطلع رؤى من اوضتها ع الصويت ، تشوفهم تتخض ، تلاقي ريتا واقفة ع جنب بتعيط ، تجري تشيلها ، يسلكوهم بالعافية )
سيلين ب انفعال : انتوا اتجننتوا ايه الي بتعملوه دة هو انتوا عيال صغيرة

( يبصوا لبعض ب غيظ ، تقرب ولاء ع ايان )
ولاء وهي بتشده من دراعه : أيان تعالى معايا

( يشد ايده منها )
ولاء ب رجاء وهي بتشد دراعه تاني : عشان خاطري كفاية ريتا اتسرعت

( يبص ايان يلاقي ريتا ف حضن رؤى عمالة تعيط ، يقرب عليها ياخدها منها ويطلع برة البيت ، تطلع وراه ولاء )
فاطمة : جرا ايه ي عمار ؟!!!!
عمار وهو بيطلع فوق : مجراش

( يطلع عمار ع فوق يلم هدومه ف شنطة )
عمار ب غل : ورحمة ابويا ل اخربها ع الكل

( برة الڤيلا ، واقف ايان وشايل ريتا وولاء واقفة جنبه )
ولاء ب استغراب : طب قولي ايه سبب دة كله ؟!!!!!
ايان وهو بيملس ع شعر ريتا : خشي جوة

ولاء : ي ايان ...........
ايان ب اصرار : سمعتي ؟
ولاء : طب نروح لدكتور في تعويرة ف اورتك !!!!
ايان ب نفاذ صبر : ولاااااااء

ولاء : طب هات ريتال ؟
ايان : لا سيبيها
ولاء : ماشي

( تدخل ولاء جوة ، رؤى والبنات ف المطبخ )
سارة ب استغراب : ايه الي حصل قلبهم ع بعض كدة ؟!!!!!!
زينة : بقا بيت غريب والله وانا الي كان مش عاجبني عيشة علاء

سارة : انتي ترجعي ل جوزك ي بنتي