رواية عشق اهل الانبار الفصل الرابع والثلاثون 34 بقلم رواء هادي
_كوليلها خل تجهز روحها اوديها لبيت اهلها
_ولك تخبلت شلون توديها لبيت اهلها تريد
اخوها وعمامها يشمتون بيها
_من ايدها
_هي شبيدها المكرودة امها جابرتها منورة السافلات هجامات البيوت كافي يمة وستهدي بالرحمن وتصالحوا بعدكم
عرسان جدد موزين المشاكل من اولها
_جوزي مني
_ رائد وين رايح
عفت أمي تحجي ودخلت غرفة فاضل بعد مشال غرفته وجبت غرفتي القديمة بيها جانت نظيفه اريد ملابس ابدل ماكو كلها موجودة بالغرفة اطريت طلع
بوجي ابوي...
إلى متى تبقى عناد وراسك يابس مثل الصخر
1
_خير
_هو اللي يشوف وجك يشوف الخير امشي صالح
البنية خطية بس تبجي
1
_كلكم صرتولها عون وعلية فرعون
_فرعون بنص عينك حيوان يلا امشي كدامي صالحها
1
_هي كوه اصالحها ماصالحها عوفوني الله الله واحد
ميريد يزعل ويدلل بروحه بهذا البيت
_من عمت عينك مسوي روحك مثل النسوان تزعل وتدلل على رجلها ولك هم حاسب نفسك زلمة احجي
1
_زلمة ونص
_مبين ابو زعلية جرها للزعلة شهر شهرين سنة سنتين ماوصيك بعد وأنت معروف من تزعل
_ اخذوها الكم مو تردونها وتعاركوني علمودها مني الكم
_هو نأخذها قابل نعوفها الك حرامات بيك هالبنية حرامات
6
راح أبوي يدردم علية بكيفه عجبتي هالشهرين زرعت المحبة داخل قلوب أهلي كلها وياها واكفه اريد شخص يطبك وياي ماكو طلعت زينب باوعتلي عيونها
مورمات حمرة دم شبعانة شبعانة بجي من شافتني نزلوا ادموعها انقهرت عليها من ودي اروح احضنها واصالحها
بس لا خلها تتعلم مرة الثانية ماتنعاد
_هو نأخذها قابل نعوفها الك حرامات بيك هالبنية حرامات
6
وتصدك بحجي العالم أني اخذتها عن حب وكلشي جنت احجي الها بالتفاصيل وماضميت عليها شي غير مرضي وموت الدجاج وفصل مؤمن من الجيش أني طلبت ينفصل
اجت لعندي خزرتها وكفت مكانها وكالت ...
رائد عليك الله اسمعني ... والله
جبرتني أمي
انطيتها ظهري قلبي انكسر عليها لزمت .... نفسي ماحسيت الا حاضنتني منورة ظهري قوي وتبجي .... رائد لا تعوفني
والله ندمانة ندمانة
مال التفت هسه واحضنها كل قوتي بس كبريائي ماسمحلي شلت ايديها وبعدتها عني بدون مالتفت وره ظهري
واشوفها تبجي واضعف كدامها
كتلها ...
لا تقتربين مني "
_رائد
صاحت باسمي مالتفتت وره ظهري طلعت بره امي وراي تصيح مانطيتها أهمية بوجي لبره عدل طلعت عالشارع
أمشي ماعرف وين عقلي يكلي روح القاسم
باوعت عالساعة بإيدي بال ١٢ وربع هسه قاسم نام أكيد شعلتلي جكارة مشيت مسافة ورجعت للبيت روحي بخشمي صايرة اتخبل من الكذب كلشي ولا مره تكذب علية
مخليه ايدها على خدها وايد الثانية السبحة تسبح شافتني دخلت خزرتني ... قررت اودي البنية
لبيت أهلها .
_وديها
_مو تجيني ورة جم يوم روحوا جيبوها لي
_ماريدها
_هاهية كايمة اكوللها الصبح تجهز نفسها علمود
اوديها أني واخوك صدام لبيت أهلها
كامت أمي بكل ثقة من كل عقلها تريد توديها لبيت اهلها أهلها بس راحت هناك عمها واخوها يجلبون بيها ونوب أني كبرياء ماكدر انزل نفسه واكوللها لا توديها
دخلت أمي للغرفة عافت الباب مفتوح اسمع زينب تكوللها ..
لا عمة ماروح هو يوم يومين
يفك الزعل
_ابني واعرفه كبرياء مو بسهولة يتنازل روحي لبيت اهلج ارتاحي هناك جم يوم بلكت يحس
ويجي يراضيج
_أني الغلطانة مو هو علمود يجي يراضيني
_زينب
_يمة ابوس ايديج وراسج ورجليج بس عوفيني هنا بس اروح هناك الكل تشمت بي اول الناس اخوي ابن امي وابوي وبيت عمي كالوها لي راح يمل منج ويشمرج
صارت تبجي اسمع شكهاتها احس قلبي يريد يتكطع عليها أمي نزلت بي دوسه ونص صحت على أمي...
يمممة جيبي ملابس للغرفة
5
أمي : تنزل دمعتها وتريدني اجيباك
رائد : تجيبين لو لا
امي : كلاص ماي مانطيك ولييي مناا
2
رائد : هيج صارت خوش
أمي :طايح الحظ بس مال مشاكل مثل عماته يفرح من يلكه زله على أحد لا تبجين يمة خل يولي هالچلب كافي اوووف مناك اووووف رائد تعال صالحها
مو احجي وياك رائد.
محد بهذا البيت يرزلني غير أمي وأبوي وعمي .... ابو فياض ماكل طن تبن من وراهم أبوي وأمي روحهم من الدنيا زينب يرزلوني علمودها برغم هي الغلطانة
رحت الفروحة كتلها ..
كومي عمو جيبي ملابسي للغرفة فاضل اريد ابدل
فروحة : هسه عمو
راحت فروحة رحت وراها واكف بالصاله كدام باب غرفتي طردت امي فروحة .. اطلعي برره ماكو ملابس له اريد
يعاند منو ابو راس اليابس
فروحة. : خطية يمة يريد يبدل
أمي :خطيه عين جدي اريد مو احسن من زينب خطية من الصبح تبجي لحد هسه أكل ماماكله من ورة حظره جناب
الضابط رائد خوش نعال والله يتكبر علينا .
1
رائد : منوو انعال سهاد
1
أمي :ليش اكو غيرك لو رجال تعال للغرفة
واحجي مو شارد بره مثل الفيران
أمي : تعال ادخل احسلك لو اجي اشحطك شحط
رائد : هيج صارت عزيزة
أمي : شعندي غيرها أني تعال احسلك
رائد : والله زمان خلاكم تطبكون علية نسيتوا من تتعاركون اني ادافعلج على اقل صيري وياي وردي
الجميل أيام زمان .
أمي : زمان راح وي زمان جفي الشر وتعال لو أعلن
الحرب عليك وخلي لكمة الخبز حسرة
عليك تأكلها
رائد : اطرقي طبول الحرب سهاد اروح اكل بيت اخواني
1
عفتها ومشيت كاتم ضحكتي ... امسحت بي الكاع مسح راحت الهيبة راحت الكرامة وي أمي هسه امنت ماراح تروح زينب لبيت أهلها اعرفها تخاف من الإهانة
نزعت ملابسي شمرتهن بالكاع بقيت بطرك الفالينة والشورت والجكارة بحلكي افتر بالغرفة اريد أمي تروح تنام واروح للغرفة اجيب ملابسي بنفسي
اشرفلي هاي سهاد اعلنت الحرب "
فتحت باب الغرفة مديت رأسي اباوع ماكو أحد والإضاءة طافية بالبيت طلعت عدل للغرفة فتحت الباب على كيفي جانت الغرفة ضلمة دخلت بوجي للنقطة شغلت الضوه
عيوني وكعوا على زينب جانت نايمة
على ظهرها وفاتحة ايديها عبالك ميته كتمت
ضحكتي استغفرالله ورحت للكنتور
1
طلعت ملابس سديت الكنتور قتربت لعدها مال انام فوكاها هسه واخرب نومتها ماتحملت اشتاقيتلها كل يوم مثل هسه ماخذه بحضني ودك بوس وغزل
1
عفت الملابس فوك الجرباية كعدت بصفها اباوعلها وابتسم مديت ايدي شلت ايديها عدلتها ورجعت على الثانية هم عدلتها حست وتحركت نامت صفحة مطيتني وجهها
1
حركت اشفايفها ماتحملت دنكت عليها وبستها بخفه هم تحسست مسحت شفايفها حبيت العب وياها مادامها نايمة وماتحس بست خدها هم حست ومسحت خدها
رجعت الخدها الثاني انوب شفايفها بقيت ابوس بيها حميت عليها ردت اشمر روحي عليها وأخذها بحضني فزيت
من انفتح الباب .طلعت أمي وكعت ماي وجي وأني كاعد بصفها تخوصرت بعتبه الباب وكالت ..
( 2 )
_شسوي داخل على بتي بتالي الليل ؟
_ترى مرتي
_تبريت منها كوم اطلع
_وين اطلع ؟
_بره بغرفتك مو حاليلك الجوه وي بتي
كوم لو اشحطك كووم
عاندت واباوعلها بضحكة...
ماكوم
_تعاند ؟
_ونص
_وين اطلع ؟
_بره بغرفتك مو حاليلك الجوه وي بتي
كوم لو اشحطك كووم
_هيج صارت هسه اجيب ابوك عليك خل يكتلك كتله المعدلة
_ترى مرتي وحلالي شبيج يمة؟!
_هسه صارت مرتك منو قبل شوي يحجي عليها
ويكول ماريدها رجعوها لأهلها
_ترى مرتي وحلالي شبيج يمة؟!
_ترى حقي احجي
_ اي حقك تحجي وتعصب بس مو حقك ترجعها لأهله وتقهر بيها خطية نامت بدون اكل منورة حظرتك الزعلان
وتالي وياك ماتبطل عادة الزعل
_ناوو
_وجعاااو هسه تكعدها وتصالحها
7
كمت اخذت ملابسي وكتلها ...
لا يوجد صلح بعدي عن طريقي
أريد افوت .
_ال فتت غرفتها اكسر رجلك افتهمت لو لا
خليت عيني بنص عين أمي وابتسمت بمكر وكتلها ...
اجي وكت مايعجبني والف
بتج بحضني
1
جابتني براشدي بس بخفه وكالت ..
أدري بيك ضربك جفاف أبقى بحسرة مرتك وخل كبريائك ينطيك حب وحنان وحضون وبوس
لزمتني من تعلاكة فالينتي ...
يلا تفضل بره
_يمة ؟!!
_بره
طلعتني بره وسدت الضوه على زينب والباب الغرفة
تباوعلي بقيت مصدوم بيها وهسه يلا عذرت
أبوي وانطيته حقه يخاف منها
_تكدر تدخل يم مرتك من تصالح اما هسه
محرمة عليك يلا لغرفتك يلا
ضربتني على ظهري بإيدها ثلاث مرات ...
يلا لغرفتك
_يمة لتخوفيني ؟
_ليش تخاف يمة لتخاف أني أمك واريدلك مصلحتك يلا
روح الغرفتك اسبح ونام والصبح الله كريم
_لتودين زينب
_أنت مو كلتلي واديها!
_بحاله أعصاب كلتها لتوديها يمة عوفيها
وعوفوني أيام ونصالح
_ماشي بس خطية البنية هواي تحبك وتبجي عليك
_أدري تحبني هههه
_فوكاها تضحك
_اممم
_احجي عدل ابو الاممم
_هههه يمة شبيج شأنه الحرب علية عفارم
عليك يابة شلون متحمل مادري
_هاي أنتو الزلم ماتجون اله بالعين الحمرة
_أدري لازمة واجب بالبيت بس فتت الغرفة لزمت
رحت ورجعت الها بسرعة ...
يمة منا وغاد راح اسميج ضابط أمن استخيارات
البيت مثل عمه ام نزار ههههه
_تمشي لو اجيبك بدفره عدل لغرفتك
13
_تسويها والله
_اي والله اسويها تدري بي يللله
_رايح
رحت للغرفة سديت الباب خربان .....ضحك اكلت رزالة وجان انكتلت من امي عدل للحمام سبحت وطفيت الضوه قررت ماصالح زينب الا سبع أيام
تمر وفعلا ثاني يوم الصبح هم اجت تراضيني تجاهلتها أمي تباوعلي صفح بس ماتريد تكوم تشرب من دمي أبوي يرزل اخر شي بزعت منهم رحت بيت صدام
مارجعت الا بسواد الليل وره العشة دزيت على ملابس كالت فروحة عمه زينب ودتهم بالغرفة الك فرحت تهتم
بي برغم متزاعلين
عضيت شفتي الها أريدها تسكت فروحة ضحكت وراحت للغرفة ... خرررب بحظي دومج فاضحتني يمة كافي خلي قيمة وقدر لي بهذا البيت وكدام مرتي
نازله بي على الترابي برزايلج
تحركت وتستغفر الله استغفرالله استغفرالله استغفرالله استغفرالله استغفرالله استغفرالله استغفرالله استغفرالله استغفرالله استغفرالله استغفرالله ...يلا روح لغرفتك
لا تخرب استغفاري استغفرالله
_ ساعة متدينة وساعة منحر....
8
_استغفرالله العظيم واتوب اليه رائد
_سكتنه عمي
خزرتني بلعت ريجي وفلتت للغرفة بوية مو مرة طركاعة سودة شاف منها ابو زينب وأبوي وتعاركوا عليها اي هاي هم الزلم يحبون المره العنيدة والوكحة .
دخلت للغرفة هم سبحت اخاف من كورونا ... صاير هالايام لان ربعي بالجيش انصابوا كعدت لزمت التلفون بإيدي اقلب فيس بوك بملل مشتاق لعثرة قلبي
خزرتني بلعت ريجي وفلتت للغرفة بوية مو مرة طركاعة سودة شاف منها ابو زينب وأبوي وتعاركوا عليها اي هاي هم الزلم يحبون المره العنيدة والوكحة .
بي شوق يكسر عضامها تكسر .
اندك الباب بدون مارفع رأسي من
التلفون صحت ...
تفضل
انفتح الباب ورد انسد صحت ...
منوو ؟
_أني
_شرايده ؟
_جاية اعتذر منك
_ماقبل اعتذارج اطلعي
_رائد لا تعاقبني بهاي الطريقة تدري بي أحبك وماتحمل زعلك
_لو تحبيني ماخنتي بي واخذتي حبوب مانع منورة ظهري
_والله مجبورة
_ماكو شي يجبرج هاي حياتج مو حياه امج علمود تجبرج على اشياء ملازم تسويها بروحج
_غلطت من سمعت منها وماكلتلك
_تحملي ثمن غلطج
_ندمانة رائد والله ندمانة بكد شعر رأسي
عليك الله سامحني وارجع للغرفة
_غلطت من سمعت منها وماكلتلك
_مارجع
كعدت كدامي وسحبت التلفون ....من ايدي قوي نزلته كدامي تباوعلي وتبجي نفخت هوى عود منزعج وأني جذب
مستمتع جاي تتوسل بي أرجع الها
اااخخخ ااااخخخ شكد جنت اتوسل بيها علمود تحبني وتبادلني الشعور وجانت معنده اي اجت الفرصة لايدي علمود انتقم منها واحسسها بنفس شعوري القديم .
10
صرت اتجنب انظاري الها لزمت وجي بكفوف ....ايديها وتبجي باوعت لعيونها بس تنزل دموع توني ردت احضنها لزمت نفسي دنكت باستني بخدي
_رائد والله أحبك ومايهون علية زعلك
بعدت تباوع ولازمة وجي عبالها تغشمرني بوسه نزلت ايديها وكتلها ... لو يهون زعلي عليج مجان اخذتي حبوب مانع من ورة ظهري وصدكتي بالحجي لنكال عني
أنتِ ماعندج ثقة بي
1
ردت أنزل جلبت بزندي ...
والله أثق بيك بس هن سممن عقل أمي امي غريبة
ماتعرف شي عنكم انطيها حقها رائد
_شيلي ايديج
_رائد
شلت ايديها من زندي وكمت انطيتها ظهري صارت تبجي بصوت عالي مالتفتت كوه لازم روحي واقسي على قلبي خليت وطلعت بره الغرفة كعدت فوك الدرج انتظرها
تطلع علمود أنام ماطلعت افففف " تعبت من الانتظار أمي تباوعلي ماتحجي بس تهفي بإيدها تروح وترجع تهفي
بإيدها أبوي وكف كدامي وكال
_عود هاي انت الجبير والفاهم جنك امي الله يرحمها من
تزعل تاخذلها زعلة اسبوع اسبوعين ويلتمون عليها خالاتي وعماتي يلا تقنع .دكوم صالح مرتك وجفي الشر "
2
_جوزوا مني
_طبك مرض كوم ارجع للجيش مانريد هيج غثه بالبيت
_راح ارجع باجر تطمن
_تسوي فضل
راح أبوي رجعت أمي نفس الكلام طكت روحي دخلت الغرفة لكيتها كاعدة بالكاع ومخليه راسها على فراش الجرباية
نايمة مثل الطفل الصغيرون .
سديت الباب قتربت منها شلتها بحضني وخليتها فوك الفراش شعرها صار على وجهها بعدت بإيدي وبستها بكصته
جريت الغطة عليها غطيتها
ردت اطلع أنام بالغرفة ... ترددت ورجعت طفيت الضوه ونمت بصفها مستمتع بحبها لي اتجي هي تتوسل بي بدل مااني اروح اتوسل بيها واريدها تصالحني
مشتاقلها وفرصتي اطفي نار اشتياقي بيها .مادامها نايمة ' غمضت عيوني من بادلتني الحضن وضحكت ...
ههههههه
_دومي مفضوح
باستني بصدري وكالت ...
أدري بيك تحبني وراح تسامحني
ضميتها لصدري قوي وكتلها ...
هذا آخر سماح الج المرة الجاي عدل لبيت اهلج
وخلي الكل يشمت بيج خليها بالج
2
_والله ماسويها أبد أبد بس لا تزعل
_هاهية لج تعاي مشتاقلج بت الكلب
_رائد لتغلط ابوي ميت
_وابوج چلب ههههه
_رائد رائد لا تحجي هيج
_أريد اهج منها تكلي اهج وياك
_مو تدري بي أحبك
_لو تحبيني صدك مجان سويتي اسوايتج
_لا تذكرني كلساع كلتلك امي جبرتني
_هاي أول مرة واخر مرة امج تدخل بحياته والله بس تدخل انوب تصير موزينة عيب هذا التصرف من امج
عيب لتدخل بحياة بتها بعد الزواج
1
_كتلها والله هي هم كالت بعد مالي دخل
_ افضل الها زينب
_عيوني أنت احجي ؟
_من ياطين مخلوقة وهيج حلوة وقلبي يتعثر بشوفتج
_ههههه
_جاوبي جاوبي شبيج تضحكين
_ لا تحجي هيج استحي
_ملعونة تستحي ومجلبه بركبتي وتحرش بي
انتِ مو مال غزل انتِ مال $# ....
_رائد ههههه عوفني والله مابي هههه
لعبت بيها جوله طلعت قهر الزعل مال .... يومين بيها خليتها تتوسل جواي الفجر شحطتها للحمام شحط أريد اطلع هالمستحاء كلها منها صارنا شهرين وتستحي
صلينا وطلعتها تسويلي اكل جوعان كعدت تسويلي أكل واني كاعد اباوعلها وأضحك " ستعدلتي
التفتت علية ... شنو ؟
_صرتي خوش آدمية
_ليش مو خوش آدمية أني؟
_اي
_لا والله من يوم يومي آدمية
_ولسويتي
_غلطة وكل إنسان يغلط ماكو إنسان معصوم
عن ارتكاب الغلاط
_ اتمنى مايتكرر
_كلتلك مايتكرر لا تلح
_جاي تسوين ؟
_بيض
_وايعع ماريد بيض
_لعد شتريد ؟
_سويلي اكباد دجاج
_هسه ؟!!
_اي ميت من الجوع من وراج مأكلت عشة
_هسه اسويلك
_بسرعة
_ايي
اباوعلها راحت للمجمدة طلعت العلبة رفعتها لي ..... عود جامدة كتلها افتحي عليها ماي هسه يذوب الثلج منها أدري بيها تريد تتهرب صارت تشتغل مثل خوش
1
مرة هاي هن النسوان مايجن اله بعين الحمرة .
3
مليت الأنتظار كمت هي واكفه على الطباخ بإيدها الخاشوكة وكفت وراها فزت رأسن حضنتها من خصرها وخليت
رأسي فوك جتفها اباوعلها ..
_لا رائد بعد لا يجي احد
_ومايجي
_عيب
_هو شنو عيب غير أنتِ مرتي وحلالي
_اي مرتك وحلالك بس مو هنا عيب بعد رائد
بستها بركبتها مالت ..ركبتها تحاول تبعدني رجعت
بستها مرت اللخ رائد بعد مو وكتها
_لعد شوكت وكتها ؟
_يمعود لا تحركني بعد
بستها بخدها هي بوسه هي عضه صارت جريت خدها جر غاطت اااه رائد خدي شلعته رائد
اااه عوفني اااه
_ليش هيج؟
_من حبي الج احير شسوي ههههه
_هو هيج شلعت خدي شلع
_عادي قلبي ثواني ويروح الوجع شيلي ايدج
خل ابوس مكان العضة ويطيب بسرعة
_علمود تلزكني بالعضة الثانية
_هههه لا والله شيلي ايدج
_مااما مااريد بعد
_لو كدها ابعديني
_بي حيل ابعدك رائد جتفي انكسر
_ تحملي
_مو جاي اسويلك اكل شبيك ليش عناد وخر رائد
_ تحملي
_مو مال واحد يتغزل بيج
_ادري مالكيت اله هذا الوقت تتغزل بي ماتشوف النار مشتعلة
_ونار كلبي هم مشتعلة
فزيت على صوت أمي...
اشرب كلاص ماي وطفيها بعد عن البنية لا
تحترك ابو الرومانسية هههههه
بعدت عن زينب بسرعة باوعت لأمي واكفه بعتبه الباب وتضحك ضحكت وكتلها ... أدري مايفوتج
شي سهاد
_بالعافية يمة ماريد أكل أنت ومرتك
سيتم تشغيل فيديو قصير بعد هذا الفصل من القصة.
انطلق دون إعلانات
_براحتج صدك شعندج جاية؟
_سمعت طكطكه بالمطبخ واجيت اشوف شكو اثاري
عصافير الحب مصالحين جاي تغزلون ههههههه
_ههههه
_ديلا أخذوا راحتكم ارجع أنام
_براحتج يمة
راحت أمي رجعت باوعت الزينب صايرة طماطة حمرة من الخجل جريت خشمها بيدي... شبيج راح
تذوبين وه الاكل .
_اااه رائد يوجع
_بطلي خجل بت الاوادم بطلي اكره هذا الخجل لعندج
_عوزي لو اضحك وياك واصنف مثلك ولك عيب امك شافتنا
_عادي وإذا هي هم متزوجه
_ماتعرف الخجل انطيك حقك وهاي صار اكلك
رحت كعدت جابت الأكل رادت تكعد بصفي على الكرسي جريتها من ايدها... تعاي اكعدي بحضني
_لاا رائد عيب لا يجي واحد من أهلك
_انعل ابو العيب تعاي
جريتها قوي كعدتها بحضني غصب عنها ....اباوعلها ماتت من الخجل اقل زلة تفقد واعيونها على الباب مفتوح صرت
اسوي لفات واوكل بيها تأكل مبينه جوعانة
_شنو مامتعشية ؟
_اي
_هيج زعلي مأثر بيج
_وأكثر اكل أنت أني اوكل نفسي
_خليني اوكلج هههه
_أني اكل شبي أكل أنت
_وكليني اوكلج
_ رائد نزلني
_زينب عوفيني مرتاح هيج ليش تخربين كلشي كافي مستحاء منو اكو هم امي وابوي ومثل امج وابوج وهم متزوجين حالهم من حالنا ...
دخليني فرحان عريس بعدني كلشي ماشفت
وياج ترى هواي اشياء بالي أسويها وياج
_لا عيب
_هو شنو عيب ترى عادي لو كعتي بحضني وابوسج كدام أمي واحضنج أنتِ مرتي وحلالي افهميها .. يلا أكلي
اي عفيه بالشطورة
_وهاك أنت هم أكل
_اي عفيه خليج إيجابية مو سلبية
_تمام لتريده يصير .
_هاهية انطيني بوسه هسه
_ماتشبع
_ناوو بوسه بسرعة
باستني بخدي كل ثانية اطلب بوسة بزعتها هههه احب ابزعها واخليها تتنفز كملنا اكل طفرت من حضني بسرعة غسلت الماعين بقيت انتظرها كملت رحنا لغرفته
مسك بدلت الرضاوي ودزيته بيد وحدة من البنات علمود نروح لبيت أهلي على الغدة قاسم بالحمام يسبح كملت مكياج ورشيت عطر كمت انفتح باب الحمام
طلع قاسم نص جسمه
وصاح ...
مسك المنشفة
_ليش ماماخذ
_لا جيبيها بسرعة
وديتله المنشفه بقى يباوعلي رفعت تك
حاجب اله ..هااا
_الله شكد حلوة طالعة
_ههههه اخذ
اخذ المنشفة وجرني من ايدي قوي اني اجر وهو يجر بي ..
اااه قاسم عوفني توني بدلت ااااه ولك قاسم
عوفني ملخت ايدي
_والله مااجي اااه ايدي كسرتها قاسم عوفني
_لا تعتين علمود اعوفج
_تريد تسحبني للحمام مو
_هههه لا بس اعوفج توكعين
_قاسم ورطتني
_ايي تعاي لعندي احسلج
_مابي ابدل والله لا تصير خبيث
_وج والله حلوة طالعة ولون حمرتج يشهي للبوس
_هسه وكتك أنت ولك عوفني
_عايفج بس رخي جسمج
_احلف
_والله شبيج رخي ماريد من اعوفج توكعين وتتكسرين
_اي وهاي رخيت
عاف ايدي دخل للحمام يضحك اسمع ضحكه صرت افرك بإيدي توجع صارت أدري شكد قوي شوي وطلع من الحمام بوجي للكنتور بدل وراح شال اسويج السيارة
_يلا رضاوي وين ؟
_يم امك
_امم يلا امشي
اخذت الجنطة بجتفي ومشيت قبله إتجاه الباب تفاجأت بحركة أيده على الباب مانعني افتحه التفتت
عليه بسرعة
_شبيك ؟
رفع أيده الثانية وحصرني وره الباب أبتسم
بمكر ضحكت ...هههه شتريد ؟!
_بوسة
_هسه مال بوس ياقاسم ..دوخر
_بوسة اوخر ماكو ماكو طلعة وروحة لبيت اهلج
_قاسم لا تصير خبيث
_هسه تنطين لو تبقين
_والله ماابقى
_تمام
قترب عليه انطيته خدي وكف يم خدي وضحك ...
مو منا هههه
_منا احسن واسهل يلا بوس اريد انزل
قترب عليه انطيته خدي وكف يم خدي وضحك ...
مو منا هههه
لزم وجي بإيده وفر وجي بقوة يباوع بعيوني مبين متعصب خزرته وخليت ايدي فوك ايده احس
راح يشلع وجي
_اااه ولك ايدك قاسم شبيك صاير قاسي
هالأيام شنو عداك رائد
_من اكول أريد بوسة تجين لعندي مو تعاندين
_واحد مايدلل اااه قاسم عوفني
_دلال دللي بكيفج بس مو من اطلب شي تدللين
توني ردت احجي سكتني بوسة جانت قوية ... مادري شبي هل الأيام صاير مايتحاجه بعد عني بدون كلام فتح الباب وطلع بقيت اباوعله من طلع مصدومة
هذا شبي متحول ؟
رحت للمراية أكيد خرب حمرتي بالبوسة وصدك مخربها مسحت حلكي بكلينس مرطب ورجعت خليت حمرة طلعت قفلت باب الغرفة ونزلت وراه اخذت رضاوي
وطلعت جان مشغل السيارة صعدت بصفه بالصدر شغل السيارة وحرك ماحجه كلمة وحدة
نزلنا بيت أهلي سلمنا وكعدنا اباوعله ..... احس بي تغير صاير ماعرف شسالفة انطيت رضاوي لأخوي وكمت
يم امي نسولف ونضحك
كمت ساعدت امي بلطبخ وأخواتي ويانه كلبناها ضحك نسيت عمتي الضابط وسوالفها وره الغدة رجعنا للبيت مرت الأيام والأيام مثل الشي ماكو تغيير اللافضل
أصلا تغير اللاسوء عمتي فدمرة صايرة شادة وياي هي الشدة ماعرف شبيها فدمرة صايرة ماتنبلع حتى وي الجناين كلها طافرة روحها والبيت صغيرون صاير
مايكفي الكل كبران بنات ولد وعمتي معنده محد يعزل ليعزل خارج البيت ويكسر كلمتي ينسى عنده اهل بهذا البيت
اتبرى منه إلى يوم القيامة
كلها ساكته محد من الولد يتجرأ ..... ويكوللها أريد اطلع واكون نفسي بالليل رائد واهله اجوي شوي ستمتعت
وياهم وي زينب سألت ماحبلتي
_لا والله ماكو
_شكد صارلكم ؟
_ ستة اشهر صارلنا
_هاا ماراجعتي دكتورة؟
_راجعت كالت مابيج شي ونظيفة
_لعد ليش ؟
_خوب كالتلي خل زوجج هم يسوي تحاليل ..
_وقبل يسوي ؟
_اي والله قبل وسوه كلشي مابي نظيف الله
ماكاتبلنه يجينه طفل هسه
_ ونعم بالله وغلاتج تلحكون على
الأطفال وشلعان القلب ِ
_اي بس رائد يريد طفل شالع قلبي أربعة وعشرون
ساعة ينكنك فوك رأسي أريد طفل
وأريد طفل
_ وشبيدج أنتِ
_كله بيد الله بس شيفهمه
_زينب احسج مهمومة
_أنتِ مقصرة ويا ؟
_لا والله مهتمه بي وشيريد اسويله يرزلني على الصاعدة والنازلة وعلى أتفه الأشياء أبسط شي كلتله وديني بيت
اهلي صارلي ٣ شهر ونص مرايحة رزلني
واكلني حاصل فاصل .
_ رائد يحبج وعاند الكل واخذج شجاه وهيج تغير
_مادري احسه مل مني
_هو شنو ويمل منج قابل لعبة ويمل منج
_ يجي كلام بيت عمي واخوي بالي وا...
صارت دمعتها بطرف عيونها مسحتها بسرعة رائد كاعد كدامنا يخزر بيها هي رأسن سكتت خطية كام وطلع هو وقاسم
بره أخذتها بالمطبخ احجي وياها
_مسك أني أثق بيج وماعندي أحد احجيله كلشي غيرج
_ ان شاءالله اكون عند حسن ظنج احجيلي وريحي قلبج
