رواية ارهقتي رجولتي بجنون العشق الفصل الثاني والثلاثون 32 بقلم منه محمد

رواية ارهقتي رجولتي بجنون العشق الفصل الثاني والثلاثون 32 بقلم منه محمد

البارت ٣٢

ارهقتي رجولتي بجنون العشق

منه محمد

في غرفه ليان

الشخص بحنان: ليان حبيبتي قومي يا عمري أنا رجعت

ليان فتحت عيونها بصعوبة وأول ما شافت الشخص اللي كان قاعد على طرف سريرها ففتحت عيونها وطار كل النوم منها... وقعدت بسرعة وبصدمة: عـ عــ عـــز.........

عز بنفس أسلوبه: يا عيون عز يا قلب عز

ليان مذهوله: أأأنت جيت منين أنت مش مت

عز: لا يا حبيبتي! ليان أنا ما ماتش أنا هنا جنبك في كل مكان وزمان

ليان اترمت في حضنه وبعياط: ليه روحت وسبتني ليه انا كنت عملتلك ايه عشان تعاقبني بـ الطريقة دي وأنت عارف ومتاكد أني بحبك ومبقتش اقدر على بعدك صحيح أنا دعيت عليك بحادث بس والله كانت في لحظة غضب لأني ما كنتش بحبك بس من بعد كتب كتابنا بقي حبك يجري في عروقي... وطالما أنك عارف أنك هتسبني ليه اتجوزتني وروحت وسبتني انا وابنك

عز بدمعة: والله مش بايدي اني اسيبك يا ليان بس ده قدر ربنا بس صدقيني أنا دايما معاك ومستحيل اسيبك وبلاش تحملي نفسك سبب موتي لأن عمري انتهى يا ليان وكمان ابننا هايكون معاك كل ما تشوفيه هيفكر بيا

ليان خرجت عن حضن عز وهزت راسها بالنفي: لا لا يا عز أحنا لازم نروح معاك أنا خلاص مش قادره على بعدك عني... وكمان ابنك هيقول لمين يا بابا

عز بابتسامة حزينة: هيقول للشخص اللي ها يكون جوزك يا ليان

ليان هزت راسها ودموعها على خدها: أنت ليه بتقول كدا... وأنت ازاي ترضى أني اخد شخص غيرك يا عز

عز: ليان حبيبتي أنا مستحيل أرجع لك لأني تحت رحمة ربنا وأنتي لازم تشوفي مستقبلك... وكل اللي عاوزه أنا منك أنك كل ما تفتكريني أدعي لي يا ليان برحمة رب العالمين... ولأني محتاج دعوتك دي جدا وسمي ابني محمد على أسم بابا ولو مثلا كانت بنت سميها فاطمة على اسم أمي ولو كبر أو كبرت قولي لهم أبوكم بيحبكم وكان نفسه أنه يشيلكم أول ما تخرجو على الدنيا بس رب العالمين ما كتبش علينا الا الفراق

ليان بنفس دموعها: لا يا عز اياك تروح وتسبني الله يخليك والله أنا مفتقدك

عز ضم ليان بحنان: والله حتى أنا هشتقلك بس خلاص ده نصيبنا من الدنيا وزي ما قلت لك أنتي لازم تتجوزي من..... لأنه هيحبك ويصونك ويحطك جوه عيونه زي تمام وهيحب ابننا زي أولادكم اللي هتجبيهم منه

ليان بعصبية: عز بس خلاص أنا قلت لك ما مش هكون لحد غيرك ولا عمري اتجوز حد غيرك

عز وهو يبعد ليان عن حضنه: ليان حبيبتي ماحدش يقدر يغير المكتوب غير ربنا.. ودلوقت أنا لازم أروح يا حبيبتي

ليان مسكت ايد عز وهي تبكي من قلبها: عز ماتروحش وتسيبني ربنا يخليك اوعي تروح .....

زهره بدموعها وبخوف وهي ضامه ليان اللي كانت بتبكي من قلبها وتصحي فيها: بسم الله مالك يا بنتي بسم الله قومي يا حبيبتي وأخزي الشيطان عز مات الله يرحمه

ليان فتحت عيونها بصعوبة وشهقت: ماما عز مشي تاني وسابني ليه مخدنيش معاه

زهره وهي تزيد في ضمة بنتها: بعيد الشر عنك وبعد عمرطويل أن شاء الله يا حبيبتي أخزي الشيطان وقومي وأتوضي وصلي الفجر وأدعي لعز بالرحمة والمغفرة

الجلاد دخل ومعاه كوبايه ميه: خدي وشربيها يا زهره... زهره شربت ليان االمايه وقعدت تدعي وتقرأ عليها بعض السور القرآنية لحد ما هديت وبعد كدا قامت وصلت الفجر وأمها قاعده عندها وبعد ما نامت استودعتها في امان الله وخرجت من عندها وراحت على غرفتهم

الجلاد واللي كان يقرأ وقفل القران اللي في ايده: ها نامت؟

زهره بقلق وحيرة على حال بنتها: أه نامت

الجلاد: وعامله ايه دلوقت أن شاء الله أفضل

زهره بنفس خوفها على بنتها: الحمد لله على كل حال... والله أنا أحترت معاها وخايفة يحصل لها حاجه أو تضيع مني يا محسن البنت كل مادا وصحتها بتدهور لا أكل كويس ولا نومه كويس وغير كدا هي حامل فقولي أنت أيه الحل

الجلاد: المشكلة أنها في عدة أما غير كدا كنا أخدناها وسافرنا معاها لخارج االقاهره.. والمشكلة الأكبر هي بتقضي عدتها لحد ما تولد يعني مطوله... إلا على فكره هي في أي شهر يا زهره

زهره برتباك: ها أظن أنه في التاني

الجلاد باستغراب: والله غريبه لأن بطنها بدءت تبرز وكأنها في الرابع وبحس بطنها نفس بطن هازال اللي في الرابع

زهره بخوف من أن الجلاد يعرف حقيقة حمل بنتها ويقوم الدنيا على رأسهم هي وليان: الله يعين يا محسن وعلى فكره فيه حريم بطونهم بتكون كبيره شوي... والمهم ربك يقومها بالسلامة

الجلاد بابتسامة: أمين يا رب... إلا على سيره هازال فينها أنا ما شفتهاش معاك لما رجعتي من بيت أمي

زهره:لا هازال في بيت أهلها وابنك قوم الدنيا حريقه لما عرف أنها خرجت

الجلاد بسخرية: ماشاء الله وليه حضرته ناوي يحبس البنت في البيت وهو مش في البلد وعمال يتسرمح مع التانيه

زهره: والله يا محسن أنا أحترت مع ولادك كل واحد تفكيره غير عن التاني مع أنه بيقولو إن الانسان لما ولاده بيكبرو يرتاح والله أنا شايفه العكس ابنك لو كان صغير أنت تقدر تتحكم فيه أما لو كبر هيشيبك ويزيدك هم

الجلاد: ربنا يسهل ويلا خلينا ننزل علشان نفطر وأروح على مكتبي

زهره بابتسامة: طيب يا حبيبي... وقامت ونزلوا للدور التاني

*******************

وفي بيت ادهم

هازال أول ما رجعت دخلت وأخدت دش دافي وبعد خروجها نزلت على المطبخ تدورعلى حاجه تأكلها بس ما لقيتش لأن التلاجة كانت فاضيه لأنهم ما رجعوش على البيت من وقت ما رجعوا من تركيا فقررت ترجع على غرفتها وتغير هدومها وتروح بيت أهل ادهم... وفي الليل تكتب الوازم اللي تحتاجها وتخلي السواق يروح ويجيبها لها لأنه بمجرد ما يرجع ادهم بترجع على بيتها... هازال لبست وراحت على بيت أهل ادهم وبعد ما اتغدوا طلعت مع ليان على غرفتها

ليان: ادهم أتصل بيك يا هازال

هازال بابتسامة: أه أتصل وقال إنه راجع بعد أسبوع أن شاء الله... آآآآه يا ليان ما تعرفيش قد أيه مشتاقه لـ ادهم يا عمري أنا ومنقرتي معاه

ليان بضحكة: والله أنت نكته لأنك لو زعلتي قلتي مش بحبه وياجمالك ولو رضيتي عليه قلتي يا حبي له يا بنت الناس أرسي على كلمة واحدة

هازال : والله ليه بقي حضرتك عاوزني أكره جوزي يا ست ليان... لا يا حبيبتي ده ادهومي روحي يا حبيبتي أنتي

ليان بضحكة من قلبها وأول مره تضحك كدا من بعد وفاة عز: والله انت بجد فله فله... لا على كدا أخوي محتاج كل فتره يسافر عشان تشتاقييلو اكتر

هازال مدت بوزها بزعل مصطنع: انا مؤدبه ومش هرد عليك... وهو خليه يسافر مع السنيوريتا عشان أتفاهم معاه بطريقتي

ليان : هازال ممكن أسألك سؤال

هازال بتفكر: أسألي يا حياتي كل اللي يخطر في بالك

ليان وهي تدقق في ملاح هازال: أنتي اتجوزتي أخوي ادهم عن حب صح

هازال عقدت حواجبها: لا طبعا لأني ماكنتش أعرف الأستاذ ادهم إلا بعد كتب الكتاب.. وبيني وبينك لو كنت أعرف أن ادهم أخو فاضل كنت مستحيل اوافق عليه

ليان باستغراب: ليه عملك ايه أخوي فاضل... مع أني أنا اللي أعرفه أخوي ادهم هو اللي كان بيلحقك ومش فاضل

هازال: لا والله أخوك الغبي فاضل هو سبب كل المصايب اللي وقعت على راسي

ليان ببراءة وهي ما تعرفش الخطأ الفادح اللي بتعملو: أيه فاضل... بس أنا اللي فكراه ان ادهم هو الي جري وراك والدليل لما اتقابلنا في المول أول مره تفتكري لما سرحتي وبعد كدا خرجتي من المحل من غير ما تشتري حاجه حتى بالاماره اخويا ادهم خرج وسابني على طول.. ولما خرجت من المحل والمول أنا والمرافقه شفته بيتخانق معاك ولما حبيت ادخل بينكم البودي جارد منعنا ورجعني على البيت الغبي..........

هازال انصدمت من الكلام اللي كانت تسمعه من ليان وحست من اللي تسمعه كأن حد ضربها رصاصه: أه صح فعلا الكلام ده حصل... وحبت تجاري ليان عشان تعرف كل حاجه

ليان بتساؤل: وعلي ما أظن أن ده مش أول لقاء ليكم لأن نظرة أخوي ادهم ليك كانت نظرة شخص يعرفك عز المعرفة يعني كان بينكم علاقة وخنتي العلاقة أو عملتي فيه حاجه

هازال بارتباك: ليان أنا في حياتي ماعملت علاقة مع أي شاب ولعلمك أنا كمان كنت مصدومة من أخوك لأنها كانت تاني مره أشوفه في المول وكنت بفكره جوزك انت

ليان ضحكت بسيط : ادهم جوزي لا يا حبيبتي هو أخوي ... بس يا هازال في نفس اليوم أنتي عملتي فيه ايه

هازال واللي كانت تفتكر الي حصل بينهم: أنا ما عملتلوش اي حاجه هو زعقلي وانا نفس الشئ .. ولكن ليه بتسألي

ليان بتفكير: والله لأني مستحيل أنسى اليوم اللي رجع فيه ادهم من المول وكانت ايده بتنزف وهو في قمة العصبية ودخل غرفته وكسر كل شيء فيها لدرجة أنه ما قدرش ينام لمدة أسبوع من ريحة المعقم المنتشرة فيها... ده شيء والشيء التاني يوم ما طلب بابا منه انه يدور علي عروسه في وقت محدد وقتها ما قالش لأمي عنك فقلتلو أني عندي صديقه أسمها هازال وانا قلت اسمك من هنا وهو طاح فيا من هنا زي الأسد وعاوز يضربني وهو يقولي من فين تعرفي هازال أتكلمي لا أدبحك... فحسيت أنه بيكرهك بس أنا اللي استغربت منه أخوي ادهم ليه طلب من جدتي أنها تخطبك له وما طلبش من أمي تروح وتخطبك بس في نفس الوقت افتكرت أن ادهم قال لأمي بان جدتي تعرف طنط زينب اللي هي أمك

هازال بغصة لان تم خدعها: والله ما أعرف... لكن يا ليان أنتم ازاي بتفرقو بين فاضل وادهم

ليان: لو كانوا قريبين مني من العيون لأن عيون فاضل أوسع من عيون ادهم ولون عيون ادهم أفتح من فاضل وكمان ادهم عنده حسنه صغنونه جنب شفايفه ولو هما بعيد من ريحة البرفيوم فمثلا أخوي ادهم بيحب البرفيوم القوي أما أخوي فاضل فيحب البرفيوم الخفيف بعض الشيء

هازال حست أنها خلاص اتخنقت من اللي سمعته وبينها وبين نفسها (معقول ادهم اللي كان بيطاردني طيب مين فيهم اللي خطفني معقول يكون ادهم لا لا يا رب ما يكون هو لأنه لو كان هو أنا مستحيل أسامحه على اللي عملو فيا مستحيل)

ليان استغربت من هازال اللي ملامحها اتحولت لـ غاضب: هازال مالك ليه كشرتي كدا بس لا يكون عكيت في الكلام وزعلتك... هازال قبل ما ترد رن موبيل ليان/ الو اهلا والله بعمري

سميحه: اهلا بيك يا لي قاطعة والله أنت مابتتكسفي... ولا كأننا في يوم من الأيام كنا مع بعض

ليان بابتسامة: معلش يا سميحه أنتي عارفة ظروفي من وقت ما مات عز

سميحه بحزن على صديقتها: الله يرحمه ويفغر له... ودلوقت قوليلي أيه أخبارك يا حلوه

ليان: الحمد لله تمام ونحمد ربنا على كل حال أنتي ازيك ازي صحتك... بشريني في حاجه في الطريق ولا لسه

سميحه: الحمد الله تمام أنا بخير... وربنا مش كاتب دلوقت دعواتك يا قلبي دعواتك... هازال بصت لليان وشاورت لها وقامت ورجعت على غرفة ادهم وقعدت تفكر بكلام ليان

هازال: معقولة يا ادهم معقولة تكون أنت اللي...... لا لا أن شاء الله ما يكون هو ولو مثلا هو ليه عمل فيا كدا وليه كدب علي بس أنا لازم أعرف الحقيقة بس خليه يرجع الاول... هازال من التفكير حست أن رأسها قرب ينفجر فقررت أنها تتصل على انسانه هي متأكدة أنها ها تفيدها أو تنصحها باللي تعملو/ الوو

الجهة التانية: اهلا حبيبتي

هازال: عامله ايه يا صديقه عمري

الجهة التانية وهي تدقق بصوت هازال: بخير يا حبيبتي... بس أنتي مالك صوتك مش طبيعي

هازال بدموع: والله تعبانه وحاسه بنفسي فضلي تكه وانجن لو ما لقيتش حل لمشكلتي

الجهة التانية بخوف: اسم الله عليك يا عمري، ليه مالك أنتي تعبانه

هازال: لا بس بتخيل ادهم كدب عليا

الجهة التانية: في أيه كدب عليك يا حبيبتي

هازال: تخيلي يا....... وحكت كل كل حاجه تعباها

الجهة التانية بهدوء: هازال حبيبتي أنتي عارفه بأني بحبك وعاوزه مصلحتك فلو مثلا قلت لك حاجه هتاخدي بكلامي يا حبيبتي

هازال: أكيد وأنا متأكدة ماحدش ها يخاف علي أكتر منك

الجهة التانية بابتسامة وحنان: هازال يا قلبي يمكن يكون ادهم كذب عليك مع أنك ما جبتي ليش سيره باللي حصل بينكم قبل جوازكم... بس صدقيني طالما اتقدم وخطبك وأتجوزك هو خلاص صحح خطأه

هازال بقهر: أي خطأ اللي صححه هو دمرني وأنتي تقوليلي صحح ... أنا مستحيل أعيش معاه من بعد اللي عرفت عنه

الجهة التانيه: حبيبتي بلاش تضيعي مستقبلك بسبب شيء أنتي مش متأكدة منه وحتى لو كان حصل مفيش بايدك اي حاجه لان ادهم جوزك وبيحبك وهو بنفسه قال إنه مستحيل يستغني عنك فـ ليه تحبي تنهي حياتك بالطريقه دي ... طيب ليه؟ وأيه هاتستفيدي لما تسيبه، ولا هتنزلي أعلان في المجله عن سبب طلاقك

هازال بانفعال: ايه فيك أنتي... وبتتكلمي تقولي ايه ولا مش شايفة حالي وأنتي عماله تدافعي عن ادهم وتبرري اخطأه

أم خالد بابتسامة: هازال أخزي الشيطان وشيلي فكرة الطلاق من رأسك لأنك عارفه وفاهمه نظرة المجتمع للمطلقة... وجوزك بيحبك وأنتي بتحبيه فبلاش تتهوري بشيء يخليك تندمي طول عمرك... وما فيش راجل ما عندوش اخطاء في مرحلة من عمره

هازال بحزن: ياماما والله أنا مش عارفه اعمل ايه المشكلة لو واجهت ادهم هو هيرد يقولي عرفتي منين ولو أنا قلتلو أختك قالت لي هو أكيد مش هيسكت وهيروح يتخانق مع أخته... وأنامش عاوزه أسبب مشاكل بينه وبين أخته يا ماما ... وبألم من قلبها/ آآآآه يا ماما والله قلبي وجعني من كتر القهر حاسه نفسي مخدوعة في ادهم يا ماما... وبحيرة: والمشكلة أني اكتشفت كل ده بعد ما حبيته وبقيت مقدرش على فراقه هو بس غاب عني عشره ايام وحاسه أنه غاب عشر سنين

أم خالد اتنهدت وهي حاسه بألم بنتها وحالها: هازال كل أنسان بيغلط وشوفي قد أيه أحنا بنغلط ونتوب وربك يفغر لينا فازاي و أحنا البشر يا حبيبتي

هازال بدمعة: طيب يا ماما قوليلي اعمل ايه أرشديني زي ما بترشدي أختي هدى وبنت عمي سارة لأني والله حاسه اني ضايعة وفي دوامه كبيره

أم خالد بكل جدية: هازال حبيبتي أحنا حاليا نتعامل كأصدقاء ومش بنت وأمها صح فعشان كدا بقول لك أطوي الصفحة اللي مش كويسه من حياة ادهم وأفتحي صفحة جديدة مع جوزك الشخص اللي أنتي بتحبيه ولا تقدري تستغني عنه... ودلوقت نصيحة ليك من أم لبنتها الصغيرة ودلوعة قلبها أنسي الكلام اللي قالته ليان ليك لأن يمكن ادهم ما كانش بيحبك وكان شايفك أنسانة مش محترمه والظاهر هو سأل عنك وعرف أخلاقك وأنك عكس الصورة اللي رسمها لك هو بمخيلته عشان كدا جه وطلبك... واوعي تنسي أنك قلتي إنه في واحدة من بنات عمه كانت بتحبه بس هو فضلك عليها عشان كدا يا بنتي حاولي تتخطي الي فات في حياتكم خلاص يا بنتي

هازال واللي حست بأنها ارتاحت من بعد كلام أغلى الناس ليها: طيب يا امي أنا هنفذ اللي قلتيه وأتمنى بأنه يكون القرار الصحيح

أم خالد بابتسامة: أن شاء الله... ودلوقت قومي واتوضي واستغفري لأن المغرب قرب يا حبيبتي... وربنا يصلح حالكم أنتي وجوزك

هازال: أن شاء الله يا ماما أن شاء الله بس أنا محتاجه دعواتك لي

أم خالد: أن شاء الله من غير ما تطلبي يا قلبي... ودلوقت في حفظ الرحمن

هازال بابتسامة: في حفظ الرحمن يا ماما... هازال قفلت مع أمها وقامت عشان تتوضأ زي ما قالت لها

**************************

وبعد المغرب وفي الدور التاني

ليان وهي تكلم ماهي: خلاص عاوزه السفره تكون جاهزة وكل شيء يكون منظم يا ماهي وقولي للطباخ بلاش يكتر بهارات في التتبيلة ويخفف الملح أوكي

ماهي بابتسامة: أوكي مدام ليان

ليان بحرص: العصير اياك تنسيه تقدري تروحي

ماهي: أوك يا مدام... ماهي راحت وليان التفتت لأمها

زهره: طيب يا بنتي ليه ما تخلي الطباخ يعملك كل ده بدل العذاب وخلاص

ليان: لا يا ماما احنا حبين نشوي بنفسنا.. و لو هازال نزلت هقولها تتصل بأسماء كمان تعزمها... بس ماما امتى هترجعي من عند خالتي

زهره: أن شاء الله على الساعة عشره ونص هكون هنا يا حبيبتي أهم شيء أنبسطي أنتي مع اصحابك ومرات اخوك وكريم أنا هاخده معاي لأني أخاف تنشغلو عنه ويروح للبسين

ليان: طيب يا ماما سلمي لي على خالتي وجدتي

زهره قبل ما تخرج مسحت على رأس بنتها بحنان: أن شاء الله يا حبيبتي... ويلا مع السلامة

ليان بابتسامة: مع السلامة يا حبيبتي... زهره خرجت وليان طلعت على غرفة هازال

***********************

وفي بيت الشناوي

أم خالد شافت ابنها دخل البيت وهو في قمة غضبه

أبو خالد باستغراب: ماله ده داخل زي المجنون لا سلام ولا كلام

أم خالد بحيرة على حال ابنها: والله ما أعرف يا أبو خالد بس يمكن متخانق مع حد من أصحابه أنت تعرف الشباب

أبو خالد: الله يهديهم... إلا على السيره هازال عامله ايه النهارده امبارح حالها مكنش عجبني أبدآ

أم خالد: الحمد الله هي بخير واليوم كان أخر يوم ليها في الامتحانات الحمد لله

أبو خالد: الحمد لله ودلوقت أنا اقوم أنام لأني تعبانة شويه

أم خالد بخوف: ليه مالك يا أبو خالد وليه ما قولتليش عشان نوديك عند الدكتور

أبو خالد بضحكة: متخافيش يا حبيبتي ده مجرد أرهاق من الشغل وبس يعني مالوش داعي للخوف ده كلو

أم خالد بابتسامة: لو ما خفتش عليك على مين بخاف يا رفيق عمري وحبيب روحي

أبو خالد باس ايد زينب: ربنا ما يحرمني منك يا زينب والله أنك أميرة في كل حاجه ودلوقت تصبحي على خير وما تتاخريش عليا لأني عارفة إنك هتطلعي عند ابنك

أم خالد بابتسامة: متخافش مش هتاخر عليك أن شاء الله... أبو خالد هز رأسه بموافقة ودخل على غرفتهم أما أم خالد فطلعت على غرفة طارق ........

وفي بيت جاسر

وفي اليوم التاني وفي غرفة ام جاسر

جاسر قاعد جنب أمه: ماما فين تهاني لأني دخلت عليها في غرفتها بس هي مش موجودة

ام جاسر: يا بني ميصحش كدا

جاسر باستغراب: ايه هو الي ميصحش يا امي الله يهديك

ام جاسر: اللي بتعملو في أختك تهاني البنت بقت تكره تقعد في البيت بسبب معاملتك معاها

جاسر وقف بسرعة وبلع ريقه وبحدة: ليه الزفته تهاني فينها وهي قالت لك ايه بالظبط

أم جاسر زعقت: مش هنا لأنها طفشت من معاملتك فراحت بيت جدتك

جاسر زعق: بيت جدتي تقصدي عند خالي وعياله... امي أنتي ازاي تخليها تروح هناك.. وأنتي عارفة أن البيت مليان شباب

أم جاسر بخوف من عصبية ابنها: هي عند جدتك ومش عند خالك

جاسر: لا والله وجدتي فينها مش في بيت خالي

امه بارتباك: أيو هي هي ساكنه عنده بس هي لها جناحها لوحدها وأختك معاها... جاسر بص لـ امه ونفخ بضيق

جاسر وبحدة: أنا رايح اجيبها الزفته وتاني مره يا امي بلاش تسبيها في مكان يعني لو سمحتي ...وخرج وراح على بيت خاله

أمه قعدت تعيط: يا رب قولي اعمل ايه.. ابني اتجنن من بعد ما سابته بنت أبليس الست هازال الله يرحمك يا أبو جاسر كله منك ياريتك ما كنت خليتنا نروح ونخطب هازال بنت صاحبك دي ماكنتش حصل الي حصل... وأخدت تلفونها واتصلت على تهاني

تهاني: ايوه يا ماما

أم جاسر: عامله ايه يا بنتي أسمعي أخوك في الطريق جاي ياخدك

تهاني ببكاء: ماما الله يخليك سبوني عند جدتي والله أنا مش عاوزه أرجع على البيت

جاسر بحدة: لا هترجعي غصب عنك

تهاني قفلت مع أمها والتفتت لأخوها اللي كان واقف عند الباب: بس أنا مش عاوزه أرجع وهفضل هنا عند جدتي

جاسر راح ومسك أخته من شعرها وبحدة: والله هي دقيقة لو مالبستيش هدومك لأكون مقطع شعرك ده اللي فرحانه بيه فهمتي ورماها على الكرسي

تهاني وهي ترتجف من شدة الخوف ولانها متاكده بأن خالها هايودي جدتها المستشفى وما فيش حد يقدر يشفع لها من أخوها: طيب خلاص ودخلت على غرفة جدتها وأخدت الشنطه ورجعت على البيت وهي واخده قرارها بأنها هتحط حد لكل اللي بيحصل وأول ما دخلوا على البيت دخلت على غرفتها فدخل جاسر وراها

جاسر بعصبية: ممكن أعرف ايه الي مهببك في بيت خالي يا حيوانه

تهاني: أنا ماكنتش في بيت خالي أنا كنت عند جدتي

جاسربنفس الأسلوب: ومين اللي سمح لك تقعدي عندهم يا زفته

تهاني بخوف: أمي سمحت لي

جاسر بنفس الوضع: والله يا تهاني لو تاني مره روحتي بيت جدتي بدون أذني لأدبحك وأدفنك من غير صلاة فهمتي يا كلبه... تهاني نزلت رأسها وماردتش على أخوها... أما جاسر ضربها بنظرات أحتقار وفتح الباب وخرج

أم جاسر دخلت وشافت تهاني تبكي بصمت فراحت وضمتها: ضربك يا حبيبتي

تهاني: ربنا ياخدني أن شاء الله واحصل أبويه وأرتاح أنا خلاص تعبت والله تعبت... أخوي جاسر اتغير لا ده مش جاسر مش نفس الشخص الحنين اللي ماكانش بيحب حد يزعل منه

أم جاسر بتنهيده: الظاهر ربنا بيعاقبنا على اللي عملناه في هازال

تهاني وهي تفتكر الصور اللي صورتها لـ هازال من غير ما تعرف وجابتها لأخوها وبينها وبين نفسها (يا رب أحفظ هازال من أخوي جاسر وسامحني على كل شيء عملته فيها وأنت يا رب شايف أن الامر مش بايدي يارب)

***********************

وفي اليوم التاني في المستشفى وعند العناية المركزة

بشري برجاء: ماما الله يخليك قومي نروح البيت خايفه والله السكر يرتفع عندك أكتر من كدا وتروحي مننا بعيد الشر... وقعدتنا هنا مامنهاش فايدة والله

سعيد واللي كان يتنفس بصعوبة: السلام عليكم ايه الي حصل للبنت

بشري بدموع: والله يا خالي حالتها صعبه والدكتور بيقول يمكن تعيش ويمكن تموت لأنها أخدت عشر حبايات من حبوب القلب وهو أثر على قلبها وخلى نبض قلبها ضعيف وحتى لو عاشت هتعيش وهي تعبانه من قلبها

سعيد باستغراب: طيب هي ليه حاولت تنتحر مع انها أعقل واحدة فيكم أكيد حد زعلها

بشري بزعل من كلام خالها : شكرا يا خالي على الكلام... وعلى العموم والله ما أعرف يا خالي لأني كنت في بيتي وقت ما اتصلت بيا أمي وهي بتعيط

سعيد: وفين أخوك جاسر

بشري: والله يا خالي ما أعرف هو كان معنا بس الدكتور قال لازم البوليس يحقق معاه عشان يعرفوا ليه تهاني حاولت تنتحر

سعيد: استغفر الله ويلا قوموا خلوني أوصلكم على البيت

أم جاسر: أنا مش منقوله من هنا واسيب بنتي .. خلوني قاعده عندها

سعيد: تقعدي فين يا جميلة الله يهديك أنتي عارفه بأن البنت في العناية ومش هيسمحولك ترافقي معاها وقاعدك هنا في الممر ما منهوش فايدة فقومي أوديك على البيت ولو فاقت البنت واتحسنت أنا بنفسي هجيبك يا أختي ويلا قومي وروحي على بيتك الله يرضى عليك... أم جاسر قامت بس رجولها مش قادره تشيلها وبدون أي سابق انذار وقعت وفقدت الوعي

بشري بصراخ: ماااااماااااا

************************

يتبع

الثالث والثلاثون من هنا

تعديل المقال