رواية عشق اهل الانبار الفصل الثاني والثلاثون 32 بقلم رواء هادي
غرزت اظافري باللحم ايده قوي "
عوفني قاسم عوفني
نشكرك على دعمك!
_تهددين بعد
_ابد بس عوفني
_هالمرة عبرتها الج مرة اللخ لا ماعبرهم افتهمتي
_اييي عوفني يلا
عافني كعدت افرك بفرورة رأسي بألم واباوعله بعصبيه
نزل راح للحمام نزلت اباوع الراسي
يوجعني كلش وجعني
باوعتله بعصبيه ...
ليش تقسي ؟
_منو القسة بالأول؟
_ماقسيت جنت اشاقه وياك
_اففففف اسكتي روحي ظفي الضوه
_شتنام اذن كومي صلي
زفر هوى وكام للحمام توضى ورجع فرش المصلاية صار يصلي واني هم رحت اتوضى كملت وضوء لكيته نايم استغربت شبسرعة كمل صلاة ادري
طيارة خوب طيارة .
وره ماكملت الصلاة طفيت الضوه رحت نمت كعدت الصبح اخذت متعصبه منه فات من يمي ودفعني ردت اوكع بالكاع واني هم مكلت باطل هو راد يطلع بره الغرفة دفعته من
ظهره كل قوتي ورجله التوت وكع بالكاع
كدام نزار وام سارة
صار يصيح ويغلط علية خليت ودخلت جوه الغرفة دمي فاير منه اسمع نزار وام سارة يحجون ويا وكاللهم عوفوكم منها اليوم طابكات عدها ااخخخ رجلي التوت
نزار : ناوشني ايدك
قاسم: على كيفك
ام سارة : شبيج يحظي ارجعلها وطيخ حظها وحظ الخلفوها شلون تخليها تدفعك وتوكعك بالله لو مكسورة رجلك جان شحجينه وشكلنا مرته كاتلته
1
نزار : مو متعمدة مبينه جانوا يشاقون
ام سارة : ياشقه هذا ابو سارة ماتشوفها دفعته وطبت
جوه حتى ماطلعت وطمنت عنه
قاسم : أني دفعتها وهي ردت الدفعة الي ايدك
اخخخ اووف يمكن انفسخت
ام سارة : صايرة دايرة نسوان تكتل الزلم مو صوجها صوجك أنت عايفها الست مسك تتامر براسك مانزع النعال من رجلي واكطعة فوك رأسها وراس الخلفوها
نزار : مالج دخل ونزلي سوي الريوك
ام سارة : هه نسوان أخر زمن تكتل زلمها وزلمها ساكته
تهي بهي ..وين توصل بينه بعد ماندري
ردت اطلع اشوفه شلون صار كبريائي ماسمحلي اطلع بقيت يم رضاوي ساعة زمان شلت رضاوي وطلعت ونزلت جوه جان كاعد يم عمتي ونزار انطيت رضاوي العمتي وبقيت واكفه
باوع القاسم عيونه حمرة دم مشبعان نوم ومبين
صدك متوجع من رجله ...
عمتي : سم الله الرحمن شبيك ؟
مسك : انطينياه عمه
عمتي : شبيك متأذي ؟
قاسم : هاا مابي شي بس رجلي مشنجه وتوجعني
أخذت رضاوي من عمتي خزرتني وكالت ...
ماكو غيرج أنتِ
مسك : الله أكبر أني شعلي كلشي تذبي برأسي
عمتي : ماكو غيرج ادري بفتولج
نزار : يمة شعليها المرة اكيد بالدوام تشنجت
رجله لو وكع روحي مسك
قاسم : اي وكعت أثناء بالواجب
عمتي : البارحة رجعت مثل الحصان كلشي مابيك هسه
مابيك حيل تخلي ابنك بحضنك تريد
تقنعني ولك مسك مالها ايد ؟
نزار : وكع ماحس بالواجع وره ساعات هاج الوجع هاي أعصاب يمة مايبين الوجع بسرعة وثاني شي المرة مالها دخل مو كلشي يصير بهذا البيت تشمري براسها
خطية فقيرة مسك هههه
1
قاسم : اي خطية مالها دخل
عمتي : ليش ضحكت نزار ؟
نزار : حسبه بالي اجت راح رائد
قاسم : اي راح اتصلت بي ؟
نزار : لا والله هسه اتصل واشوف وين ماوين وصل .
انطيت رضاوي السارة وكعدت اسوي ريوك ام سارة خربانة ضحك وعينك عينك تنكر فوك جانت توز بقاسم
علية وهسة صايرة ملاك
_خطية قاسم ليش هيج سويتي بي ..
_ماعلية اني
_جنه نشاقه ورجله زلكت وكع أني شدخلني بعد قضاء وقدر
_لا عيني ماعليج عتب قضاء وقدر هههههه
4
_اي
_خطية نزار نزله
_ ايي
بقت تسوي ريوك وتضحك الحقيرة دخلت عمتي الكل الزم الصمت سحبت الكرسي وكعدت اجوي قاسم ونزار يتريكون سوينا الريوك وكعدنا نأكل للظهر كال قاسم جاي رائد بعد ساعة ساعتين يوصل
_قاسم اريد اغير اللون شعري
_اكفر بيج هسه
_شبيك ؟
_أني شكلت قبل ماتكصين شعرج ولا تغيرين لونه
_هسه شصار لو غيرت لونه وكصيت من اطرافة
والله تعبانة وصاير بيها تقصف
_مسك لا تجادلين
_قاسم
_ماكو لا تحاولين
_بس هالمرة فدوة
_ماكو
_قاسم شبيك عناد
_كلت ماكو يعني ماكو وبس تسوينها من ورة ظهري
تشوفين شي بعمرج ماشفتي
_هسه شصار لو بس اطرافه
_لا تخليني افشر مسك روحي صايرة بخشمي من
ورة تصرفاتج صايرة ماتنحملين
_لاا هاهية ماسوي شي
فلتت يم رضاوي كعدت كدامه .... بالكاع انطي الدب اخاف منه عززة متحول من البارحة واليوم بس يصيح كعدت
عاقلة راح تمدد فوك الجرباية رفعت رأسي اله
_قاسم من تجي العروس اروح اشوفها؟
_نروح بالليل الهم
_باع هي راح تروح لبيت خالتها ماتجي هنا
_منو كالج ؟
_عمتي كالت وبالليل يجيبون الغرفة العرس
_ادري بس مادري العروس ماتجي
_أني هم مادري كلت تأخذني لبيت خالتها اشوفها
_لاا ماكو
_ليش ؟
_مسك لا تعاندين باجر بالليل الحنة شسوين رايحة
_كلت اروح اشوفها قبل العرس وتعرف عليها
ماتعرفت عليها بالخطوبة
_ من وراج عقل مامخلية براسي من اخذتج لليوم نوم ماشابع وكله مقالب ولج انتِ زعطوطة تسوين بي مقالب وماتخليني انام وفوك كلشي تدفعيني كدام اخوي ومرته
_هههه
_تضحكين
جابني بالمخدة اجت بنص وجي وأني فطيرة خربت من الضحك نزل لعندي بإيده المخدة ضربني أربع مرات بالخدة بقوة آخر شي كمت ابجي رضاوي يبجي وياي
تورط قاسم بينه احنا الاثنين.
_هسه اسكت منوو
_ولي ماريدك بعد ولي تعال ماما تعال
اجه لعندي رضاوي يبجي .. وأني ابجي واحد حاضن الثاني قاسم كاعد كدامنا بالكاع يباوع متفاجئ بينى احنا الاثنين نفس الشي صار يتوسل بينه نقبل وأني عناد
خليت وكمت اني ورضاوي
فوك الجرباية وبعدني ابجي ..... ضربني براسي
بالمخدة سطرني وراد يكسر اركبتي ...
_مسك حبي كافي بجي والله مو بقصدي اذيج كااافي رضاوي بابا كافي شبيك تبجي وياها اوووف الله وتالي وياكم كافي ولكم كاافي شلعتوا قلبي هسه شلوون وياكم
_روح
_وين اروح ياعيني دتعال خل اراضيج
_وخر ماريدك وخر لا تقترب
حضني أني ورضاوي غصب عنه ويبوس بي حبي ......اقبلي حبي سامحيني أنتِ عناد وتتمسخرين علية يلا افرديها عاد امممح يلا مسوكتي قلبي ام عطوب يلا اممممح
زعلانة هو يبوس بي ويريدني أرضى ماكو دفعته وكمت اخذت رضاوي وكعدنا بالكاع بعيد عنه يباوع علينا أني امسح بدموع رضاوي هو هم يمسح بدموعي
واحد يواسي الثاني
_رضاري زعطوط خوب أنتِ مسك خبلتيني ترى شسوي
وياج ماتقتنعين ولا تقبلين جنج جاهل
مو مرة متزوجه .
وكمت ابجي رضاوي حضني قوي ويبجي وياي ..
ااففففف هسه تعال اللي تسكتهم وج كافي لا تصيرين زعطوطة مسك الله العظيم ماجانت بنيتي
اذيج شبيج ؟!!
_اطلع بررره تعال ماما تعال بس أنت تحبني بهذا البيت تعال
_شورطني هسه مسك حبي كافي عاد ويلا كومي
اسبحي خل اوديج لاهلج
_أمشي ولي تغشمرني باهلي ماروح اطلع بررره عبالك
عدوته مو مرته ام ابنه
_افففف هسه شلون تقنعين ؟
_ماقنع اطلع بررره اطلع مثل امك تكيف تلكه
زله علية اااه راسي ااااه
_هسه هي ضربه بالمخدة ترى صارت دفعتج مال الصبح ولحد الآن متوجع ماسويتلج شي مسك جنت
اشاقه وياج والله
_خلي الشقة لنفسك اطلع بررره اطلع ماريد اشوف وجك
_اطلع
طلع وسد الباب قوي حاضنه رضاوي وابجي اثنينه طكينه من العايط والله الضربه أذتني كلش مخي راد يطلع من بين عيوني سكتت يعقوب وانطيته أكل
يأكل يكلي ماما واواه
2
_اي ماما بابا سواني واواه
_واواه
( 2 )
يأشر الراسي ويكول واواه وأني لكيتها من الله يشاشي بي كمت ابجي ينطيني أكل يريدني أكل عود اسكت يسوي مثل مااسوي ويا مابي حيل اكل سطرني المخبل ابن الضابط
للمغرب وأني متوجعة رأسي صار بي صداع مو طبيعي عمتي بره تحجي علية ماتنزل تشتغل اريد شبيها شارده فوك اكلبتها عزززة فوك رأسي صحت عليها من فوك المحجر
القاط الثاني ...
أني علية مواعين الغدة وأقدم الضيافة واساعد
بالخبز شلي غرض بالشغل بعد
_عوفينا من الشغل انزلي جوه خل نشوفج
_عاد شكد حابتني وتردين تشوفيني عوفيني بحالي عوفيني
_ام السان وتالي وياج اشو ماتعرفين
تحجين وتتجفصين بالكلام
_عوفيني لو اشمر روحي والله عوفيني
_تعاركتي مو ادري بيج ماتكعدين راحة بدون عرايك شسويتي القاسم شيويتي طلع زعلان من الغرفة احجييي
_محد مطيح حظي غيرج وغير قاسم شجابني عليكم اني شجابني لو باقيه بيت أهلي ولا
هاي العيشة والكشرة
_بزعانة روحج نردج لاهلج ماعدنا شكال
_اي والله تسوين فضل لو تردوني لأهلي على اقل
هناك ارتاح مو مثل هنا بس مشاكل
رجعت للغرفة ابجي أني روحي بزعانة منها مكرهتني بالحياة لو اخلص شغلي واصعد لغرفتي تكلبها عزززة وهذا قاسم لابس وجه جينكو علمود دفعته الصبح
إذن صليت وانطيت رضاوي السارة تنزله عدهم رجعت لفيت رأسي ونمت ومقهورة ابجي رأسي يوجعني كلش والركبتي هم شوي وانفتح الباب ورد انسد عرفت بي قاسم
الضوه اشتعل حسيت حركة قريبة عني صارت كعد وره ظهري خله ايده على رأسي .. مسك شلون صرتي ؟.
مارديت سويت روحي نايمة دنك باس كصتي اجت بالي ادفره تحركت وانطيته ظهري .. شعندك جاي ؟
_شبيج تخبلتي خوب تخبلتي ؟
_اسأل نفسك هذا السؤال مو أني ماكو واحد عاقل يضرب واحد بالمخدة على رأسه كل قوته
_بحاله اعصاب يلا عاد افرديها وتعال خل نتعشه
_أكل للطم اكل سم بقلبي وخر عني
_اوووف وتالي مسك
_كوم اطلع بره
_طلعتج بره الغرفة البارحة أني ؟
_مالي دخل اطلع بره
_شيوجعج ؟
_ماعليك اطلع
مارد زفر هوى بقوه وطلع شوي ونفتح الباب وسمعت
_كومي بدلي خل اوديج للدكتور
_كلشي مابي
_مو راسج يوجعج خل يفحصج ويشوف شبيج
_كلشي مابي
_لا بيج عيونج حمرة يلا حبي بدلي
_ولك مابي شي ليش تعاند
_كومي لا تعاندين
_ماا
_والله اشيلج واخذج كومي
_اووووف منك ولك مابي شي
_بيج كومي
_كلتلك مابي شي كوم اطلع بره لو اضربك بالمخدة
_اضربي ههه
تعصبت ضربته بالمخدة صارت الضربه بطنه ضحك ...
ههههه ماتوجع هههه
_طبعآ ماتوجع من الكتل لماكله بالجيش ههههه
_ماكل كتل اكثر من المطاية هههههه
( 2 )
_ههههه وخرر
_وين اوخر ام عطوب ؟
_ماراضيك
_بكيفج ماتراضيني يلا هاي بوسة علمود ترضين ام عطوب
_ماكل كتل اكثر من المطاية هههههه
_ههههه وخرر
_أنت ابو عطوب
_قابل هههه يلا حبي تعاي خل نتعشه ادري بيج جوعانة
_ماريد
_بكيفج هسه اجيبلج هنا ناك سويه واخذج لبيت
عمي جابوا الغرفة والعروس يمهم
_والله يمهم جابوها
_اي والله هسه اتصل بي رائد وكال يمنا
جبتها بالدفرات يلا ههه
_لعد كوم خل تنعشة ونروح
طفرت من افراشي نسيت الوجع كله يباوعلي متفاجأ ...
مسك تتجذبين علية ؟
_لا والله متوجعة بس مايهمني اهمشي اطلع بره واشوف
العروس يلا حرك وراي تعال
نزلت قبله طايرة من الفرحة عمتي تخزر بي وين نزلتي صارت كدامي طلعت المسعدة من عرشها ؟
_جان سألتي مو تتعاركين ؟
_وشبيج واسأل
_مريضة
_وينج مريضة أريد قبل شوي اكلتيني حاصل فاصل ام
الجذب روحي صبي اكل القاسم خطية ماماكل
_بس من يمي يطلع الجذب ومن يمكن الصدك يطلع
_تضربين مسامير والج ؟
_لاا
_امشي ولي لو اكطع السبحة على راسج امشي
_هاي انتو تكسرون راسي يلا تجوزون
_لو مكسرينة مكلتي هاي الكلمة ولللي
رحت للمطبخ صبيت العشة اجه قاسم اكلنا سويه هاي أني لو اموت من الوجع ماكطع الأكل وراها صعدت فوك بدلت ونزلت بحضني رضاوي عمتي تباوع وتخزر ..
عمتي : وين ؟
قاسم : بيت عمي
عمتي : انت رايح وين ماخذ ام عطوب وياك
قاسم : خطيه محبوسة بالبيت تريد تغير جو
عمتي : واحنا محد يفكر بينه بس بالمسعدة تفكر
قاسم : يمة مو كلتي ماروح
عمتي : غيرت رأيي هسه اروح وياك امشي ام عطوب
جيبيلي العباية والشحاطة والعطر يلا
2
انطيتها رضاوي أخذته وانطته القاسم جبتلها الأغراض لبستهم ورشت عطر ورشت القاسم ورضاوي وأني مارشتلي عطر انطته لي رجعي رجعته ورحنا بالسيارة
مو بإيدها الا تروح وياي ههههه .
وصلنا البيت جانوا ولد كلها بره قتسم كال دنكي راسج مسك ديري بالج ترفعين راسج ربي هسه منو غريب هم ولد الأقارب دنكت رأسي ودخلنا للبيت تلكانه رائد لابس دشداشة
بيجي حضن قاسم وكال بالضحك...
يكولون المرة طابره رجلك ههههه
_ خررررب بيك رائد بطل
عمتي : ولك رائد منو اجه وي مرتك
رائد : فوج كامل حماية شخصية مني هههههه
1
عمتي : اي حقهم ينخاف منك
قاسم : هو شنو حقهم غير مرته صارت
رائد : شايفيني همجي ماشايف مرة هههههه
عمتي : لا مو مرته شوكت ماعرس وزفوه عليها بهذاك
الوقت كول مرته مو هسه يلا أمشي
رائد : نفس كلام أمي هههه باقيات بالتحديث القديم
1
قاسم : لي ههههه
عمتي : وتمشون عليهن غصب على خشومكم
قاسم : هههه
رائد : ما تمشي وياي والله اريد اكرصها بس ماجاي
اكدر حماية فوج كامل للأسف ههههه
1
عمتي : من اكول همجي مشايف مرة تلوموني
قاسم : شتردين منه يمة خطية شوفي فرحان
رائد : وين شايف عمه رحمه والديج عزابي وضاربني
الجفاف وكاتلني الضيم بالجيش
عمتي : بس استر علينا هاليومين
رائد : ماضمن نفسي عمه هههه
عمتي : قاسم جلب بي زين لا تعوفه ترى يسوي بلية
قاسم : هاي جلبت هههه
رائد :ههههه والله حفلات أنتو امي توصي اخواتي ابوي الكل يوصي لا تقترب للبنية واني فقيرون اكل جكليت وحمس بكلبي المشكلة الحلويات تسوي واهس للحب هههه
( 2 )
عمتي: شكد ادبسزز
قاسم : ههههه
رائد : قابل مجذب ههههه
عمتي : فاسد ماتصيرلك جارة
1
رائد : اي والله ههههه
انوب خربت ضحك عمتي تحجي هو يحجي وقاسم خربان من الضحك عفناهم ودخلنا للصالة اجت عمتي ام صدام تهلي بينه دخلنا للهول خير من الله جايين وياها
بيت خالتها كلهم واختها وامها وبنات اصغار تلاثه سلمنا وكعدت بصفها عرفت عن نفسي الها جانت حبابه وخجوله كلش وكيوت مو مثل هذيج جنها وحش بس تخزر
وتتأفأف اخذت رشاوي بحضنها تلعب ويا وتبوس بخدودة شوي اجتني فطيمة شاورتني .. عمه
عمو قاسم يريدج بره
_كوليله جاية
راحت تركض همست لزينب ...
ابني يمج شوي وراجعة
_هاهيه يمي هالحلو ابو خديدات الحلوات امممح
ضحكت وكمت اكلت رضاوي اكل عمتي
من مكانها كالت...
وين ؟
_قاسم يريدني
طلعت بره قاسم واكف يم رائد بصف الدرج عرفت اكو
سالفة ويردون يورطوني بيها رحت يمهم
مسك : هااا ؟
رائد _ يا هلا ومية هلا بام رضاوي الوردة الجوري
قاسك :كلب لا تتغزل بمرتي
رائد :ابن الكلب ماجاي اتغزل جاي اكول الصدك وهاي مسوكة حيوان ابو دودة يغار مني
قاسم : مرتي مرتي
رائد : وبايكينها منك مرتي هم جوه ترى مرت ابو دودة .. رايدج بطلب وهاي اول مرة اطلب منج طلب
قاسم : بخط العريض يريدج تجيبين زينب لغرفة فروحة
رائد : يلا يوردة جوري جيبيها لي
مسك : عزززة تردون تورطونيي
رائد : انعل ابو ليورطج بس جيبيها وماعليج
مسك : هاي شنو مو ورطة من طراز الأول
قاسم : لا كوليلها معتازة شغله خاصة منج وأني راح ادخل اكول لامي طالع وي رائد بره شوي ونرجع وإذا
تأخرنا ارجعي أنتِ مسك
رائد :مدبرين كلشي ماكو ورطة وتطلعين من كل هاي الحماية نعرفج تدبرينها خالج ضابط وعمتج ضابط البيت هههه يلا وردة شدي حيلج وجيبها لي
مسك : شسوي ؟!
رائد : كلشي ماسوي بس احجي وياها شكم
حجايه قبل العرس
قاسم : اي بس يحجي وياها باعي فقيرون خطية
مسك :واضح فقيرون إذا تورطت راح اعترف عليكم والله
رائد : هاي إذا كرصونه عود عترفي يلا ابو رضاوي روح وي مرتك يلا حرك واني اروح بغرفة فروحة
قاسك : روح مادام ماكو احد رووح
رائد : ههه رايح
راح رائد لغرفة فروحة باوعت القاسم بخوف...
قاسم لا تورطوني فدوة
_ماكو ورطة حبي احنا استخبارات هههه يلا امشي
_من تنكرصون من الاستخبارت لوياها عود
خوش كولوا احنا استخبارات
_ يلا حركي شكد جبانة
_طلعت مثل رائد
_ واحد لعد
_هاا ؟!!
_غير إحنا بسرعة عرسنا وأنتِ ماجيتي لبيتي قبل العرس لو جايه انكس من رائد اصير ههههه
_مبين فاسد
_السانج يمرة السانج
_انت لكلتها مو أني فاسد
_ بس خل نوصل للبيت خوش اصيرلج فاسد هههه عود
_مابيك حيل هههههه
كلت هالكلمة وطفرت للغرفة كاتمة ضحكتي دخلت الغرفة كعدت بصف زينب أخذت رضاوي صاح قاسم
من يم الباب ...
قاسم : يمة
عمتي : هاا يمة ؟
قاسم : يمة عود أني طالع وي رائد بره اخاف
نتأخر ارجعوا للبيت
عمتي : خير ان شاءالله شغليش ؟
قاسم : شغلة ظرورية طلعت هسه
عمتي : ماشي يمة
ام صدام : اني مو كلت الرائد لا يطلع
قاسم : شغلة تخص الشغل عمه
ام صدام : هااا لا تتأخرون لعد
قاسم : ان شاء الله
راح قاسك جم دقيقة انطيت رضاوي لفروحة وكلت
الزينب ...تعاي وياي اريدج بشغله
زينب : شغله ؟
مسك : اي عيني عمه ممكن اخذ زينب وياي
معتازتها بشغله ظرورية
امها : اي اخذيها بسرعة ارجعوا فدوة
مسك : ان شاءالله عمه دقائق ونرجع
كمنا عمتي تخزر بي عمتي ام صدام حسيتها شكت بالموضوع يمة لو عرفت شراح يخلصني ورطوني ورطوني أخذتها ودخلنا لغرفة فروحة مجان اكو احد استغربت
سديت الباب دور على رائد وقاسم ماكو ...
زينب : احجي مسك شمعتازة ؟
مسك : اااءء هو
زينب : احجي
طلع رائد وقاسم من ورة البرده وكف قلبي وين جانوا ضامين نفسهم هي هم خطيه فزت وحضنتني حيل ... ااااه
مسك : اااه هااي وين ضامين روحكم؟!!
رائد : ختصاصنه هذا شبيها عروستي خايفة .
1
بعدت عني خطية بعدها مرعوبة ...
شسوون هنا؟
رائد : أني طلبت من مسوكة تجيبج اريد احجي وياج
زينب :يعني جانت خطة ؟
قاسم : اي اخذوا راحتكم
ردنا نطلع أني وقاسم صاح بينه رائد...
وين مولين رب الكعبة
قاسم : تريدنا نبقى وياك هههه
رائد : تطلع وتفضح نفسك ومرتك وياك ادخلوا بالحمام
مسك : تريد تخنكنه الدنيا نار
قاسم : تريد انت روح بالحمام
رائد : اخاف انحرف بالحمام هههه يلا على
الحمام انتو متزوجين وعادي
1
قاسم : ماتصيرلك جارة انتظرك عشر دقائق وراها نطلع
رائد : هواي هم
يزن : خمسة صاروا
3
رائد : هاهية يلا فوتوا
زينب : ابقوا لا ترحون وأنت احجي لعندك كدامهم
مسك :شلون يصير محتمل عنده حجاية
خاصة يلا قاسم امشي
زينب : يحجي بصوت ناصي
قاسم :راد شي ههه
زينب : شنو ؟!!
دخلنا أني وقاسم بالحمام ختنكت حارة كلش قاسم راد يسد الباب ماقبلت لا تسده تريد تخنكنه ؟
_افتحي الشباك
_حتلوه حارة
_من تسبحين شلون لعد ؟
_هذاك ماي ينزل على جسمك مو مثل هسه بعد عني حارة
قترب لعندي جرني من خصري ...
منو مابي حيل ؟!
_منو ؟
_اسألي روحج
_هههه اشاقه وياك بعد لا تنحرف
_هو انحرفت يول ههههه
_عيب ولك الباب مفتوح هسه يجي رائد بعد قاسم
_رائد غركان بالعسل هههه
_بالعافية علية بس بعد لزكت خوب لزكت بعد قاسم
عيب بعد ااففف قاسم شبيك لا تبوس
ههههه قاسم هههههه .
_وج اسكتي فضحينه صوتج صوتج مسك
_اي بعد عني ليشوفك يكول اول مرة يشوفني بيها
_وين شايفج لعد كاضي عمري بالدوام وكلما
اجي لو متعاركة لو مريضة .
_اي شسويلك أنت ماتكعد راحة مني
_اني لماكعد لو أنتِ
_اثنينه يلت بعد استلك اهل اهلي بهل الحر ماكمل هذا
_خل اشوف الساعة
_ها بشر
_مصارلة اربع دقائق
_ههههه حسيتهن ساعة كاملة ههه
_اي ههههه
زينب من انفردت برائد خفت لا يسوي .... شي هو متحمل كلما يخلي عينه بعيني يسوي حركة من اراسله يتحلف لي بتعدت عنه هو اقترب لي
_شكو تقترب ؟
_زينب شبيج تبعدين ؟
_رائد لا تقترب كافي احجي لعندك من يمك خطية
قاسم ومرته ماتوا حر بالحمام
_لا تاكلين همهم متعودين
2
_هو شنو متعودين اوووف لا تقترب رائد شبيك تعاند
_لاتلعبين باعصابي واوكفي اكوو شي على راسج واكف
متت من الخوف من هيج كال تجمددت بمكاني...
شنوو رائد شنو ؟
_دوكفي راح ينزل على عيونج لا تتحركين اوكفي
_شيله بسرعة رائد شيله
_انتظري
قترب لعندي ماحسيت الا حضني قوي هنا عرفت بي ضحك علية ..وهاي كرصتج ههههه
_رائد نزلني لا تشيلني نزلني رائد شبيك
رفعني عن الكاع بحضنه يباوعلي ويضحك خفت
كلش هسه تجي امي تكفر بي كفران..
_رائد شبيك نزلني هسه تجي أمي
_وماتجي اويلي شكد مشتاقلج ومشتاق
الفج بحضني هههههه
_رائد اصبر بس اليوم وباجر
_هو صابر شبيج بس جاي اخذ حبشكلات هههه
_اوووف نزلني كافي
_وهاي نزلتج
نزلني بالكاع بس بعده حاضني رجع حضني حضنه قوية
كسر اعظامي تكسر . ااااه ولك راح
تكسرني رائد اااه كافي رائد
_دخليني ام الصخول
_راح تموتني رائد مو هيج اااه كافي
_اووف منج وهاي بعدت ارتاحيتي هسه
_اي هو هيج واحد يحضن ادري حضن لو انتقام
_اي وانتقام
_اي احجي شعندك ؟
_يعني احجي
_اي احجي بسرعة هسه يحسون مابيه حيل
مشاكل وخطية مسك توكع بيها
_اي هم صدك خل احجي لعند
بقيت اباوعله ابتسم وجرني الحضنه قوي وأخذ .... بوسه من الشفايف بقيت مصدومة أول مرة يتجرأ وهيج يسوي وهاي أول مرة شخص يقترب لي ويبوسني من اشفايفي
انتابني شعور غريب كلش و الخوف أسر قلبي أسر راسن بعده عني هو مجلب بي ختنكت اريد نفس ماكو صرت
اون شوي وحس علية ابتعد يضحك
ختنكت صرت اجر النفس بسرعة ...
ترى هي بوسة ؟
_خنكتني ادري بوسة لو خنك هاي
_خليت كل الحجي بيها وأنتِ افهميها
بعد قاسم يلا اطلع هههه
مسحت حلكي بسرعة هو يضحك شفايفه بيهن إثر حمرة خجلت كلش طلعت عركانين من الحر
يضحكون قاسم اول مشافه كال
_أثر حمرة على شفايفك هههه
21
_لا بشرفك تحجي الصدك
_اي والله روح باوع بالمراية هههههه
_وأنت هم ترى هههه اخذك الواهس وياي
_ليش جذب ؟
_والله ماجذب حمره طابعة على اركبتك ههههه
16
_والله
_تعال وياي هههه
راحوا اثنينهم على ميز يباعون ويضحكون جرتني . مسك للحمام كالت اغسلي وجج مصفر والحمرة على شفايفج خربانه هسه يشكون يمة شكد فشلت وخجلت بوقتها
غسلت وماطلعت من الحمام
استحي كتلها ... فدوة كوليلهم خل يطلعون
مسك : هسه
راحت شوي ورجعت كالت يلا ...
تعاي راحوا
طلعنا الغرفة كعدنا يمهم بعدني خجلانة مسك جريئة مو مثلي يمكن لان متزوجة ومتعودة على هاي السوالف وعلى تصنيف رائد وجرأته وياهم مو مثلي تخربطت الا شوي
منورة البوسة انوب تذكرت يوم العرس شيصير متت من الخوف كمت يم امي كتلها خل نرجع تعبت اريد أنام كامت أمي كالت الجلال ورجعت كالت يلا امشوا هم يلا نرجع
وي طلعتنا رائد وقاسم بره يضحكون خالتي ام صدام صاحت بيهم ..شبسرعة رحتوا شبسرعة رجعتوا ؟
قاسم : بالطريق واتصلوا كالوا لا تجون
ام صدام : هاا
شكت بالوضع خزرت رائد ضحك وكالت ...
عرفت شنو الشغلة
باوعتلي خجلت دنكت رأسي رائد كال أني اوديكم ماقبلت كالت اخوك يوديهم تعال معتازتك بشغله راح وراها واحنا رجعنا على البيت بدلت اريد أنام
ماكو نوم اتذكر البوسة واتخيل نفسي بيوم
العرس شراح يصير بي .
كمت اخلي التلفون على الشحن رائد مراسل فتحت
المراسلة كاتب امي عرفت واكلت رزاله اني
ومسك وقاسم ههههه
_حيل بيك
قفلت التلفون ورجعت نمت كعدت الصبح.... كالوا العصر حجز الصالون الان الحفلة بالليل بيت العريس تصير والله وره الظهر رحت للصالون خلتلي مكياج ولبست البدلة جانت باللون
الأحمر ردت وردي ماقبلت خاله ام صدام الاحمر ...يطلع العروس صدك عروس وحلوة كملنا اخذت كم صورة بالتلفون ربع ساعة اجه رائد وامه واخواته أثنين وقاسم ومرته وامه
وجناين أثنين اجوي ويهم طلعونا ....من الصالون رحنا للاستوديو ادري كورونا هم مامعترفين بيها من أصل وصلنا الاستوديو أخذنا صور ورجعنا للبيت وي المغرب .
وي دخلتي جانت أجواء ....حلوة والبيت متروس عالم ترس خفت لصراحة من كورونا عود كالوا مانسوي عرس بس الأقارب العمام والخوال ماشاءالله عشيرة كاملة
سألت كالوا هذولة نصفهم باليل يجون كلها ...
كعدت البنات كاعدات كدامي يخزرون بي ماعرف ليش ونسوان كبار يبسبسون بي شي شكلي ؟ انوب شكيت بنفسي جكمة طالعة مسك بصفي كاعدة هي وابنها
شوي ميانه وياها عندي لان بعمري وتفهم بسرعة...
شكلي بي شي ؟
باوعت الوجي وابتسمت ...
عين الباردة عليج اية من الجمال
_تشاقين مو
_لا والله اصلا طالعة احلى من الخطوبة
_لعد شبيهم هذولة يباعون علية
باوعت عليهم وكالت ...
الأفاعي الفتاكة ذولة
_هاا
_هذولة يكرهون رائد ويكرهونج على كرهه ههههه
_هاي بت اقاربي ريتاج هاي ديري بالج منها ترى افعى سامة قاتله وهاي سيرين بعد افتك منها وذني عماتي يمشن
ويرشن سم هنا وهناك وتس وتس .
3
_صدك تحجين
_قابل اشاقه اني بت اخوهم ماخالصة منهن هههه
_تضحكين ؟
_من قهري اضحك هسه راح يرشون سمهم عليج لا تهتمين خليج قوية واثقي رائد يحبج
_واثقة من رائد بس هم شعليهم
_عيب هاي الكلمة هم شعليهم هم اصل العليهم ههههه
_ يمة خفت منهن باعي النظرات تخوف
_بعد تس هههه
3
_من هيج خطرات ليش تضحكين ومامهتمة ؟
_شبعت منهن وجسمي انترس من سمهن صارن مايأثرن بي
_شسولج؟
_بعدين احجيلج سوالفه لتشيب الرأس
_يمة خفت
_لتخافين عمتج قوية وتخوف ورجلج هم صكارهن
سكتت مارديت عليها يباوعلي ويخزرن بي خفت من نظراتهن كلش كامت مسك لان اذان وراح يديرون العشة اجت وحدة من البنات جانت بطنها شوي جبيرة
حتى نسيت شنو اسمها
خوب عرفتني مسك عليهن كعدت بصفي على الكرويتة وكالت ...شورطج وتزوجتي رائد ؟
باوعتلها مصدومة من كلامها ...
شنو ؟
_تذكرتيني لو لا
_منو أنتِ ؟
_أني ريتاج بت عمت مسك تذكرين البنية لاجتج بالجامعة قبل كم سنة وكالتلج على رائد
_اي اتذكرها ليش تعرفيها ؟
_هي اني شخصيا يحظي
_شتردين مني ؟
_ماريد شي خيه بس اجيت اكلج ترى اختي مجانت خطيبة رائد بس سويت هالتمثيلية علمود تصدكين بكلامي
_ليش تكذبين وتشوفين بسمعة الولد ؟!!
_ماشوه هاي الحقيقة رائد واحد فاسد أخلاقيا هسه انتِ عبالج يحبج لا قلبي مايحبج بس يحب عنادج لان صارت شغلتج صعبة وعناد بيها عاند الكل واخذج هذا هو يحب العنادهسه يمل منج يوم يومين ويدور على غيرج او
يرجع للحبيبات القديمات
_كافي ماسمحلج تحجين على زوجي
_هسه اشوفج والأيام راح تثبتلج كلامي إذا معافج
وراح لغيرج فلا اطلع ريتاج
_بيش طالبتني
_ماطالبتج هاي الحقيقة مو كلتلج ابعدي عنه هذا واحد ملعب وهتلي ابو نسوان غشمرج بكلامه الحلو واسلوبه الراقي مو من امداج دمرتي نفسج بنفسج للإسف
خلت وكامت مخليه ايده وره ظهرها مبينه ..حامل بالشهر الخامس او أكثر بكت طن هوى انوب اجت الثاني جانت رشيقة وحلوة مكياج بسيط مخليه كعدت
بصفي خلت رجل فوك رجل
وكالت ...
من صخام براسج شفتي من المصكوع رائد
_انتِ منو ؟
_أني سيرين بت عمته
_شتردين ؟
_اجيت ابارك عود بس من شفتج انقهرت عليج والله حرامات هذا الجمال والبرائة برائد ابو النسوان شورطج أنتي وقبلتي بي غشمرتج خاله ام صدام بي سوته ماله مثيل
ترى مخبل ماكو براسه عقل ويضرب المره
وماعنده إحترام لأحد غير أمه
_ليش تشوهون سمعته مو حرام عليكم ؟
_هاي حقيقته من جان طفل صغير مخبل وعناد ويعشق الشي الصعب ويكره السهل أنتِ صرتي صعب وعاند الكل واخذج هسه مسئلة ايام يمل منج ويتركج بنص الطريق
انصحج لا تخلفين منه.
_شبيكم ويا ؟
_مابينه شي بس جاي انصحج بعد بكيفج
تقبلين النصيحة لو لا
كامت متت من الخوف النسوان كاعدات يم أمي ويحجن وياها أمي وجهها انكلب كلاب ماعرف ليش ؟ جابوا العشة كلت ماريد بطني صارت توجعني من الخوف
هسه اصدك بمسك لو ريتاج وسيرين لو رائد ريتاج من كالت عن رائد وحقيقته بالماضي كله طلع صدك بس مال خاطب اختها وهسه كالت جانت جذبه بس لاتورطت وي رائد.
وره العشة كومه نسوان اجوي دخل رائد لابس دشداشة بيضة بصفي حنه ايديه وحنيته وطلع بسرعة مابقى هواي ماعرف ليش حسيته ماعنده للهفه لان بارد كلش مو مثل البارحة
بالليل جان متلهف وبس يضحك هسه لا صارت الحفلة البنات يرقصون الخوف أسر قلبي أسر ساعة زمان وكملت الحنة وراحن يباعن من الشبابيك على الزلم شلون يرقصون
كومتني مسك واخته من فطيمة تعالي شوفي شلون يرقص وفرحان بعرسه كمت شفته صدك حلو يرقص وي ولد عمامه هنا شوي فرحت من شفته فرحان مابقيت هواي رجعت
كلت المسك وام فطيمة أريد .... أبدل متت حر بالبدلة أخذني للغرفة طلعلي فستان وردي فاتح لبسته ارتاحيت خليت الشال فوك رأسي وطلعت كعدت بمكاني
نأخذ صور وي بنات إخوانه الصغار ...والعالم صارت تروح مابقى بس أخواته وبيت عمامه كم بيت أنتهت حفلة الزلم اجه علاء دخل وكال يلا امشوا هم يلا نرجع .
طلعنا بره اجه رائد شبسرعة ترحون ماشفت شي من مرتي ابقوا فدساعة وروحوا أمي ماقبلت كالت لا عيني هم يلا نروح باجر تجي يمك واشبع منها شوف يلا أمشوا.
غمزلي عين أبتسمت اله وصعدت بالسيارة ثاني يوم الصبح بالصالون كالوا الزفة تصير من بيت عمه ابو نزار لان كورونا وماكو أعراس ممنوع تصير زفة واحنا العرس
بيناتنه مانريد مشاكل
كملت مكياج ولبست البدلة طلعت احلى من الخطوبة والحنة خلوا فوك راسي كبوس البدلة جانت مستورة مابيها اي عيب علمود مالبست حجاب المهم اجه رائد واللي نفسهم بالحنة
طلعوني الاستوديو صور أخذنه جان فرحان أكثر مني طاير من الفرحة وبس يتغزل بي بالسيارة وأني كلامهن يرن بأذاني وخوفني كلش شكد جنت متحمسه للعرس
كل حماسي طار وراح وي الهوى.
وصلنا بيت عمه نزلنا كعدنا بالصالة جانت .... جبيرة والبيت كلش كلش جبير كعد بصفي لازم ايدي ويتغزل بي مامصدك خطية اجوي الولد يردون يطلعوه من يمي
هو عناد ماكو عوفوني يمها
اجاء عمه صيحة وحدة كام رائد ...
كوم رائد ارجع للبيت أهلك
_لتريده لعمي
3
كتمت ضحكتي من كاله ...
يلا تفضلوا بره العصر عالساعة بال٦ونص تعال أخذها
رائد : ان شاءالله عمي
راد يمشي اجه قاسم يركض شايل كونية صغيرة ماعرف مال شنو وكال ارجع بمكانك رائد ارجع
رائد : شكو شايل هاي ؟
ابو نزار : هاي جايب ولك
قاسم : كونية جكليت نذر ناذره لرائد بس يتزوج
دكعد خل اطشها فوك روسكم ههههه
رائد : لو هيج النذوره لو بلاش يابة نكعد ليش لا ههههه
الجهال كلها تكمز طايرة من الفرحة ......والنسوان تهلهل طش كونية الجكليت فوك روسنه الجهال والكبار كلها تلم وكعت انظاري على فطيمة جايبة انجانة جبيرة وتعبي بيها
9
رائد من شافها تلم ماتلحك الجهال اسرع منها نزل لعدها يلم وياها خربنه من الضحك ترسوا النجانة جكليت كام شايل فطيمة والنجانة الجكليت
7
رائد : في امان الله ههههه
قاسم : نصه بالعدل شلتوا ههههه
رائد : حقنا هذا مو خالو
فطيمة : اي مالنا هههههه تفووو عليكم
قاسم : ادري اخذتي الحصة الاكبر فوكاها تفلين ههههه
رائد : عوفها فرحانة بعرس خالها امممح يلا للبيت
راح وراه امه والجهال واخواته خربت من الضحك علية جنه طفل مو رجال ولا هذاك رائد ابو خزره لخزراته جانت تموع قلبي بالكاع كلش بريئ وكيوت وبالأخص وي فطيمة.
قاسم يضحك مسك كذلك عمه هم يضحك يكول مخبل ههههه للعصر وصارت الزفة دخلوا خلط نسوان وزلم ماكو احد قريب بس العمام والخوال رفعت رأسي خايفة كلش
ماعرف ليش جسمي كله يرجف عبالك لزمتني رجافة رائد لابس قاط باللون الأسود صدك صاك طالع بالاسود
أبتسمت اريد التوتر يروح ماكو كعد بصفي
همس إلي ...
وهسه راح اخذج لبيتي بعد عناء طويل
ضحكت شوي وكمنا صعدنا بالسيارة جان قاسم يسوق وبالصدر خاله ام صدام شوي فرونا بالمنطقة هو بس يتغزل ويحجي كلام سخيف اجت بالي اضربه
واسكته أخاف تسمع امه
وقاسم عيب آخر شي كرصني من خدي وكال...
ادري خدود لو تفاح جامد ههههه
_اااه ولك كافي عيب
_هو شنو عيب صرتي مرتي وحلالي يمة مو صارت مرتي بعد
ام صدام : اي يمة
رائد : وعادي كلشي اسوي
قاسم : اييييي ههههههه
رائد : الله عليك قسومي كلتها بحركة وضحكة هههههه
ام صدام : مو شلعت قلوبنا هسه اخذتها
وارتاح وريحنا وياك
قاسم : اي والله تعبنه هواي
رائد : خلف الله عليكم شمتعب منكم
قاسم : عليج الله زينب مو تعبنه
زينب : مو بس تعبنه شلع قلوبنا شلع
رائد: تكصين بي وبصفج
زينب : قابل مجذبين مو شنيت الحرب
ام صدام :ماوصيك تعارك وياها بس تتعارك اخذها
عندي بالغرفة واخلي وجك بارد
قاسم : والله سوينا عمه هههه
ام صدام : اي والله اسويها
رائد : ادري انتِ المعرسة لو أني عليها ههههه
كلبوها ضحك ساعة تقريبآ فرونا ورجعنا للبيت يمة شكد تعبت ونفسي صارت تلعب حارة لما وصلنا للبيت وكعدنا شوي روحي ردت إلي كعد بصفي دخل الكل
صاروا يرقصون
وهلاهل هو هم كام يهلهل ويرقص وي أمه وأخواته أجواء كلش حلوة جانت مو مثلنا اهناك اختلاف جبير بين هنا و
هناك كوموني ارقص ويا استحي وأصلا ماعرف أرقص
بس اعرف ارقص كوري ههههه .
رجعت كعدت بمكاني هو بقى يرقص وياهم شوي ورجع تعبان ويعرك يمسح بكصته بالكلينس وكفن كدامي سيرين وريتاج مجانن وي بعض ولاشايفتهن وي بعض
كل وحدة بجهة جانن
مبينات مو ربع .
وره نص ساعة طلعوا الزلم حتى رائد وياهم "
كعدوا النسوان صارت الدنيا المغرب طفوا الأغاني أمي كاعدة ويه خالتي شكد فرحت من امي حظرت عرسي وبس أختي حظرت وياي فاطمة ماجت علمود الجهال
ويخافون من كورونا
كل ثانية جاية مرة مطيتني فلوس أني ماقبل اخذ يكولون لا تزعلينه هذا حقج وام صدام زاقه بحلوك الكل اجت خالتي ام صدام انطتني الذهب كدام الكل الكل انصدم
صاحوا من مكانهن جيبي خل نشوف شنو الهدية عيني ام صدام مكالت باطل راحت شوفته يكولون والله بخت تسوي ذهب فوك ذهبها وين تلكه هيج عمه
تحبها وتسويلها ذهب
4
صاروا يحسدوني اجت مسك كعدت بصفي وكالت...
أقري معوذات اجتج اسهام من كل مكان
_ليش هيج يحجون ؟
_هاي هم حاسودات وغيورات خوب كلهن عدهن فلوس يابو الفلوس بس مو بإيدهن انفوسهن ضعيفه
_موحلو هيج
_اي والله الله يجفينه شرهن مال كورونا
زينه تجيهن كولي أمين
_ههههه
_كولي آمين شبيج
_لا خطية
_خطيه عين جدي وج أني وياج خطية مو هذني
_ماحب أدعي على العالم
_لعد ابقي عوبة عود من يجفصون بطنج كولي
ماريد ادعي عليهم وين رضاوي سارة
سارة : يم عمو قاسم
مسك : روحي جيبي أخاف عليه روحي
كامت مسك علمود ابنها لاحظت عليها هواي وهواي تخاف عليه برغم يم ابوه ماتأمن كالوا راح ندير العشة كومني امي وخالتي وأختي وفردوس للغرفة كعدت تعبانة
اول مانزعت الحذاء أمي كالت الهن يطلعن بره
طلعوا سدت الباب واجت كعدت بصفي ...
_زينب يمة اريد اوصيج بشي
_كولي يمة ؟!
_ باعي زينب ماريدج تحبلين بسرعة
قاطعت كلامها ...
ليش يمة ؟!
_من نعرف الولد شبي مابي واصلا غلط وحدة تحبل
بسرعة بعد الزواج لازم تختبر
زوجها يلا تحبل
_أني أعرف رائد شنو فماكو داعي اختبره
_شتعرفين يعني بس حبي وقلبي واني احبج واموت عليج معاشرته قبل لا تعرفين اهله شنو لا بس مجرد نسمع
ونشوف وبعض هاي السوالف تطلع
تمثيل مو صدك ...
فاانتِ اخذي حظرج يمة وهاي حبوب اخذي
كل يوم وحدة قبل لايقتربلج
انطتني شريط حبوب خلتها بإيدي ...
هاي شنو؟
_حبوب مانع للحمل اخذيها هسه قبل لا يزفونه عليج
_ماريد يمة
_زينب لا تعصبيني اخذي وانجبي
_يمة ليش هيج تسوين سامعة شي عن رائد لو أهله
_لا بس الحذر واجب اختبري منا الأربع اشهر او خمسة
بهذاك الوقت اذا عرفتي خوش زلمة وكد
المسؤولية حبلي منه .
