رواية لو كان خيرا الفصل الثاني 2 بقلم مريم عبدالرحمن
الحلقه التانيه .....لو كان خيراً
لمريم عبدالرحمن
__________________
"خلص وقت المدرسه و خرجوا"
لبنى...عارفه يا بت يا سندس انا مبسوطه اني اتعرفت على واحده طيبه زيك كده مكنتش اتوقع الاقي ناس كويسين فالسكن
سندس ....اهي بطريقة اللبانه اللي بتكليها دي هديكي قلمين على وشك والله كفايه ارميها
لبنى....بحب اكل لبان
سندس...شفايفك مستفزه كده غلط يا حبيبتي ارميها يلا
لبنى...رميتها اهو
سندس...بس المصاريف اللي معايا مش هتكفينا ف مكان زي ده
لبنى...ولا انا اهلى مديني على القد
سندس..ما نشتغل يا لبنى
لبنى...هنشتغل اي؟؟
سندس..ممكن ف كافيه او اي محل مثلا
لبنى...الفكره كويسه هنقبض كام
سندس...يعني ف مكان زي هنا مش اقل من ١٠٠٠ فالشهر
لبنى....طيب حلو ده يساعدنا جدا المبلغ ده
سندس....ده اللي انا بفكر فبه بالظبط
لبنى...اهو وصلنا السكن بسرعه من كتر الرغي 
_______________
"يدخل كرم بيته و هو عباره عن بيت كبير و حلو جدا كالعاده لقا امه و ابوه بيتخانقوا زي كل يوم و كل ليله و كل لحظه بيتخانفوا"
انور دخل بلا مبالاه..
سيده...كرم
كرم...نعم يا امي
سيده....اتأخرت ليه؟؟
كرم...هو انتي خلصتي خناق مع بابا ف تتخانقي معايا يعني ولا اي مش فاهم
سيده ...هو انت بتزعق كده ليه
كرم...عشان انا مش صغير عشان تحاسبيني و كفايه شغل العيال ده روحي شوفيلك دكتور نفسي يعالجك بدل ما انتي ماشيه تنطحي ف اي حد
محمد....قولها يا ابني مش مصدقه
"دخلت سيده اوضتها تعيط و كذلك دخل كرم اوضته و رمى شنطته و استرخى عالسرير بيفكر و مبتسم..."
كرم بإبتسامه...سندس!
___________________
"عند انور اللي عايش مع جدته"
انور دخل من البيت بيت واسع و حلو
جدته اسمها فريده و شخصيه حكيمه جدا...
فريده...انور
انور...صباح الفل يا فوفه
فريده...مالك!!ملامح وشك متغيره
انور...انتي يا فوفه حتى ملامح وشي بتقرأيها؟؟؟
فريده...اومال اي يا واد ده انا مربياك من وانت عندك ٥ سنين ناسي ولا اي
انور...انا هخش اريح يا فوفه ونبي
فريده...مقولتليش عايزه اي مش انا ناديتك يا حمار
انور...عايزه اي يا تيته بس
فريده...تيته؟؟
انور...اقصد فوفه
فريده...هعديهالك تعالى اقعد جمبي كده
انور....اهو يا ست الكل هتديني درس النهارده اي
فريده بأبتسامه...انت عارف مش كل حاجه الانسان بيعرف ياخدها ف لو مخدتش اللي انت عايزه متزعلش ابدا ربنا بيكافئك و بيديك الاحسن بس هي مسألة ميزان
انور...ميزان ازاي؟؟
فريده...يعني ربنا بيوزع ال ٢٤ قيراط على كل بني ادم عمره ما يكون ناقصه حاجه ابداً يعني مثلا طه حسين كان اعمى بس شوف مكانته فالمجتمع!!اي حد ربنا بيبقا مديله حاجات و حاجات نقصاه بيبقا عايز ياخدها بس ده غلط لازم تكتفي بالميزااان يا نور حياتي
انور...بس اي علاقة كل ده انا مشتكش من حاجه
فريده...مسيرك تشتكي و تفتكر كلامي هو انت مش قولت اني بعرف اقرا الملامح؟؟
انور....ااااه ملامح
فريده...تحب اقولك اسمها
انور...لا يا فوفه عرفنا انك مبروكه اهدي مش كده اومال هتخوفيني منك
فوفه...طيب يلا بقا خش ذاكر
انور ..اذاكر !!ده عيب انا هخش العب بليستيشين
فوفه....روح حتى لو شديت عليك بتلعب
انور...خبزاني و عجناني
________________
عدا اسبوع تقريبا و كل يوم لبنى و سندس بينزلوا يدوروا على شغل بعد المدرسه او ف يوم جمعه لحد ما قرروا يشتغلوا واحده بتاعة دليفري بيتزا لانهم مكانوش محتاجين حد فالمطعم و واحده هتبقا جرسونه ...
لبنى....بصي انا اعرف اتصرف ف حوار الدليفري ده و بسوق موتوسيكلات خليكي انتي جرسونه اشطا؟؟
سندس...هيبقا حلو لو شيلتي اللبانه المستفزه دي
لبنى تفت اللبانه
سندس...خلاص تمام نبدأ من امتا؟؟
"المدير عطيه فرغلي راجل كبير جدا فالمقام و ليه مكانته و فلوسه فالبلد و اكبر تاجر رشوات يعني يدخلك اي شحنه البلد بفلوس حتى لو كانت شحنة سلاح او مخدرات من برا"
عطيه...اشتغلوا من دلوقتي لو عايزين
لبنى...طب والمر...
"مكملتش كلامها قطعها عطيه "
عطيه...المرتب ٣٠٠٠ جنيه لكل واحده ليكوا فالشهر
سندس...ت..تلات تلاف؟؟
عطيه ..بس اي غلطه هدفنكوا مكانكوا
لبنى...احنا شغالين ف مطعم بيتزا مش شغالين ف شركة مبيعاات احنا
عطيه...المطعم ده اكبر بيزنس فالبلد و اكبر مخزن الناس بتخزن فيه بضاعتها
لبنى و سندس...مش فاهمه
عطيه....بالتالي انا بدخل بضاعات مخدرات و اسلحه برشاوي فالبلد و بخبيهم ف مخزني محدش يقدر ييجي جمبي
سندس...و انت اي مصلحتك انك تقولنا حاجه زي دي مش عايزنا نبلغ عنك مثلا
عطيه بضحك...بقولك محدش بيقدر ييجي جمبي يعني واحده زيك ب صباع رجلي الصغير اكون دافنها
لبنى....ماشي خلاص يا استاذ عطيه متقلش علينا كده
عطيه...هحتاجكوا ف شغل كتير انتوا مش ف اي مكان
سندس.....الا الحرام يا عطيه بيه ملناش دخل بالحاجات و الرشاوي اللي بتعملها
لبنى....لا ياباشا اللي انت تؤمر بيه احنا تحت امرك
سندس...لبنى
"لبنى برقت"
عطيه...عالعموم تقدروا تمشوا
"خرجوا سندس و لبنى من المطعم"
سندس...انتي اتجننتي؟؟
لبنى....احنا اصغر عمال عندو عمرنا ما هنتأذي اخرنا نهرب حاجه او مهما كان شغل بسبط و هناخد فلوس
سندس...لا يا لبنى مينفعش
لبنى....يا بنتي فكري ده احنا كده ممكن نشترك ف بيت بدل السكن و نعيش حياتنا بدل اهلنا اللي رمونا يا سندس دول حتى مبيسألوش علينا انتوا متوقعه احنا هنعيش ازاي فالاجازه او بعد ما نتخرج انسي يا سندس لازم نعتمد على نفسنا
سندس...خلاص
لبنى...هطلب تاكسي
سندس...ده غالي
لبنى...ما خلاص بقا حوار غالي و رخيص ده
________________
فالمدرسه تاني يوم...
انور...كراميلا
كرم...ولاااا اتلم بقا
انور...القمر بتاعك جه
كرم بابتسامه...سندس؟؟؟
انور...نيهاهاها محدش جه بس كويس انك عارف مين القمر بتاعك
كرم....انت شارب اي يالا عالصبح
تيمور بيميل على انور ف ودنه...
تيمور...استناني بعد المدرسه
انور....مش على اخر الزمن هتعارك معاك انت
تيمور...تكونش خايف الحقوا يا جماعه انور اللي بنات بتموت عليه خايف يتخانق معايا
كلوا ضحك...
انور...هستناك و هتشوف
تيمور....هات معاك صاحبك ولا كراميلا ملوش فالضرب
كرم قام بعصبيه و نزل فيه بالبوكس...
سندس..يلهوي بصي يا لبنى
لبنى...المشكله دي مش نقصاني بزمتك
سهيله....واضح انك بتاعة مشاكل يا لبنى هانم
لبنى....مش هتكلم معاكي
سهيله...ابعدي احسنلك عن انور يأما مش هتكملي اسبوعين فالمدرسه
لبنى.....لا والله طب اي رايك مش هبعد بقا هقرب مع اني اصلا مش قريبه
سهيله...بتضحكي على اي يا متخلفه انتي اتلمي
لبنى....متخلفه!!!
