رواية حكايتي مع الايام الفصل الثاني 2 بقلم هبة احمد
الفصل ( 2 )
٠٠٠٠٠٠٠٠٠٠٠٠٠٠
مهجة / هاروح اوصل الولاد وامى للمكان اللى اختاره لينا الحاج صالح الله يرحمه وهاجاى علشان احضر عزاء زوجى
دكتور مرتضى / مستحيل طبعآ انتى عوزة تعملى مشكلة مع ولاده
مهجة / متخفش علية انا هاتصرف ومحدش هيعرفنى
دكتور مرتضى / ابوس ايدك خليكى بعيد دول لو عرفوا بوجود علاقة بينك وبين الحاج صالح هيعملوا مشكلة مش وجود خمس ولاد كمان
مهجة / دة حقى يادكتور انا عوزة اودع زوجى وكمان علشان اعرف مكان المقبرة بتاعتة علشان ابقى ازوره
دكتور مرتضى / خايف عليكى انتى وولادك محدش من ولاده يعرف ان الحاج صالح كان متزوج ومخلف
مهجة. / اطمن محدش هيعرف الا لما اولادى يتعلموا ويكبرو وساعتها انا اللى هاقول ليهم دول بيكونوا ولاد الحاج صالح اللى يبقوا اخواتكم
دكتور مرتضى / بلاش او على الاقل تعالى كمان يومين وانا هاروح معاكى اوريكى مقبرة الحاج صالح
مهجة / دخلت الغرفة الممد فيها جسد الحاج صالح قبلت جبينة وقالت ربنا يغفر ليك ويرحمك ويرزقنى رفقتك انت وحبيبى رسول الله فى الجنه وخرجت تركت الشقة ونزلت اخدت تاكسى. لاخر الشارع ونزلت مشت عدد من الشوارع على اقدامها وشاورت لتاكسى اخر وقالت له عوزة اروح ل ......
بعد عدة ساعات ومع طلوع الشمس وانتشار نوراها على الارض اعلان بقدوم يوم جديد
مهجة / بصوا ياولاد مش عوزة حد منكم يخرج من البيت ماشى
خلود بدموع / بابا مات صح كنت عوزة اشبع منة
مهجة / بابا موجود جواكم جو كل واحد فيكم شايل صفة من صفات بابا الله يرحمة يابختكم انكم حاملين اسم صالح عبد الجواد الطحاوى الراجل الطيب صاحب الدين والاخلاق
مروان / انتى ياماما اكتر واحدة تشبة بابا فى كل حاجة
مهجة / انا اتعلمت منة كل حاجة حلوة يلا هامشى. وزى ماقولت محدش يخرج من البيت ولا يفتح الباب لحد خلود خدى المفتاح معاكى ماما هامشى خلى بالك من الولاد عوزة حاجة
شكرية / خايفة عليكى يا بنتى خلى بالك انتى من نفسك احنا كلنا محتاجبنك
لقاء / روحى يا ماما من حقك تودعى بابا
مهجة / اشوفكم بخير خلوا بالكم هاقفل البوابة بالمفتاح
شكرية / المكان شكله امان يابنتى و عمك مرعى معانا هو ومرأتة وولاده اعتمدى على الله ربنا يحفظك
مهجة / خرجت وركبت توكتوك اوصلها الى الموقف ودخلت حمام عمومى حريمى خرجت منة بشكل تانى فحملت حقيبتهم على كتفها وشاورت لتاكسى وركبتة وبعدساعة و نصف الساعة وصلت امام منزل زوجها حيث انة منزل خاص بية يتكون من خمس طوابق للحاج صالح الطابق الارضى واولاه كل منهم طابق ( ( عاصم فريد. هانى مرفت ) )
دكتور مرتضى / قاعد فى الصوان حيث انة كلف ناس باقامة سرادق للعزاء
فريد / امال الممرضة اللى كانت بتراعى ابوية راحت فين
دكتور مرتضى / انا عطيتها حسابها ومشيتها
فريد / بس انا عوز اتكلم معاها دى اكيد عارفة كل اسرار ابوية ومش بعيد تكون استولت على فلوسنا وهربت
دكتور مرتضى / فلوس اية د المرحوم كاتب كل شيئ ليكم بيع وشرا انت ناسى انة كان عايش من معاشة اللى كان بياخده من القوات المسلحة
فريد / ميمنعش انى اشوفها واتكلم معاها عوز اعرف كل حاجة عن ابوية هى اكيد تعرف كتير
دكتور مرتضى / انت بتفكر فى ابوك اللى مات من غير ماحد فيكم يكون معاه ولا فى كلام فارغ
فريد / هو الله يرحمه مات وانا عاوز اشوف الممرضة ومصمم على طلبى وهاشوفها واعرف منها كل حاجة
دكتور مرتضى/ انت بنى ادم غريب فعلا الا ما رحت تشوف ابوك من اكتر من سنة يادكتور المفروض. كنت تابعت ابوك مرة كل شهر على الاقل مش كل همك ازاى تكتر رصيدك فى البنك دحتى لما ابوك جاتله الازمة الاخير و الممرضة كلمت حضرتك واترجتك تاجى تشوف ابوك وتتابع حالتة قفلت الفون فى وشها صح ولا انا كلامى غلط
عاصم / هو فى اية افهم
