رواية حدوتة حب الفصل الثاني 2 بقلم مريم عبدالرحمن
مايا بدموع/انتي اي اللي جابك هنا
رفيقه/بصي انا جيالك مخصوص خلينا نقعد نتكلم
مايا سكتت /طب تعالي نقعد ف اي كافيه قريب هنا
رفيقه خدتها و دخلوا كافيه و قعدوا..
رفيقه/مش عارفه ابدألك منين لكن حقيقي انا عارفه ان انا مهمله فيكي و مش قد المسؤوليه لكن جيت هنا اصلح غلطتي
مايا ابتسمت بسخريه/و جايه بقي تصلحيها ازاي؟؟
رفيقه/هاخدك معايا ف كل حته هروحها و هعيشك احسن عيشه هاخدك معايا اسبانيا و تتعلمي هناك و كمان جوزي الجديد شخص كويس جداً و هو اللي قالي اجيبك و هيصرف عليكي و معندوش اي مشاكل و هو كمان غني جدا و معاه فلوس
مايا/انتي قولتي انك عاوزه تصلحي غلطتك لكن انتي كده بتسوءي الوضع اكتر
رفيقه استغربت/اشمعنا
مايا/انتي مش قادره تفهمي ان انا محتاجه حب و احتواء محتاجه حد يبقا جمبي انا مش عايزه فلوس و لا سفر و مش عاوزه اي حاجه من اللي قولتي عليها انا محتاجه منك قلبك و عطفك و حنانك
رفيقه مسكت ايديها...
رفيقه/انا بحبك ي مايا مفيش حد بيكرهه بنته بحبك و لو انتي اديتيني فرصه تبقي قدامي هديكي الحنان و العطف و حب الام اللي انتي عاوزاه انتي اللي طول عمرك بتكرهي تفرحيلي و بترفضي تيجي معايا ف كل حته
مايا بنرفزه/عشان انتي بتضيعي نفسك يا امي ليه متعيشيش حياه حلوه مع بنتك
رفيقه/كل واحد بيحب يختار حياته و انا اختارت ان يكون ف حياتي رفاهيه ياريت تقدري الموقف ده.
بعد سكوت دام دقايق...
رفيقه/انا قاعده ف مصر ١٠ ايام و هطلع على اسبانيا ارجوكي فكري كويس
رفيقه سكتت و سابت مايا مشيت و مسحت مايا دموعها و نادت لجرسون الكافيه..
مايا/لوسمحت عاوزه قهوه
...حاضر ي فندم
شخص ما على ترابيزه قدام مايا بيتكلم فالتليفون
**/قلتلك ملكيش دعوه بيا تاني انا زهقت منك حقيقي انا اتجوزت انتي مالك بقا ؟؟ايوه اتجوزت .لا اسكتي خالص انتي انسانه مقرفه
مايا انزعجت من وجود الشخص اللي معندوش دم ده و خرجت مستنيه تعدي الطريق و ماسكه الموبايل بتطلع رقم مامتها عاوزه تكلمها..
عدت الطريق بلا مبالاه
صوت زمارة عربيه فاقت عليه كان بينها و بين العربيه متر لكن فيه شخص مسكها و زقها نحيته و تفادت العربيه و العربيه عملت فرامل
ده نفس الشخص اللي انزعجت منه فالكافيه!!!
**/ي انسه خلي بالك
مايا سرحت ف نفسها...
**/ي انسه!!!انتي ضايعه خالص؟؟
مايا /اسفه اسفه
و بعدت مايا
**/انا اسمي ريان و انتي!
مايا بنرفزه/احنا هنتصاحب!!!
ريان بنرفزه/ده بدل م تشكريني!!انتو الصنف ده كلو شبه بعض كتكو نيله
و مشي ريان و سابها..
مايا جريت وراه..
مايا/يا اخ انت استنى
مايا/يا استاذ رين انت
ريان وقف/اسمي ريااان ريااان اي رين ده؟؟
مايا/متتكلمش بنرفزه كده الله انا بس حبيت اشكرك و اتأسفلك انا مكنتش واخده بالي
ريان/ عادي ولا يهمك
مايا/بتأسف ليك مره تانيه عن اذنك
ريان/استني ثانيه
مايا/اي
ريان/انتي لولايا كنتي زمانك موتي
مايا/اي يا استاذ اللي بتقوله ده!!مت!!
ريان/تعالي نشرب فنجان قهوه؟
مايا باستغراب/بمناسبة اي
ريان/هعرض عليكي عرض
مايا/عرض اي
ريان/ممكن بس تقعدي فالكافيه و نتكلم عادب؟؟
مايا ب توتر/تمام
دخلت مايا الكافيه و قعدوا
ريان/اقصد يعني عاوز منك خدمه انسانيه
مايا /هي لو انسانيه ماشي يعني بس بردو اسمعها
ريان/دلوقتي انا اسمي ريان دكتور اسنان بس عندي شركات وارثها من بابا عندي ٣٠ سنه والدي مصمم يجوزني بنت عمي هي بت بصراحه معندهاش ذوق و قمت قلة الادب فيها و هي مش عجباني خالص اخلاقياً لكن شكلياً هي اموره
مايا باستغراب/ و مطلوب مني اي!!
ريان/ احم ..هتمثلي مراتي
مايا بزعيق/اي الهبل ده انا بنت ناس اي التخلف ده
ريان/وطي صوتك ادينا بنتكلم و بنتفاوض و بعدين انا انقذتك من شويه انقذيني انتي كمان هو انتي هتمثلي انك مراتي لمدة ١٠ ايام و مقابل فلوس
مايا سكتت شويه...
مايا/اشمعنا ١٠ ايام
ريان/عشان انا كده كده هسافر
مايا/و انا كمان هسافر بعد ١٠ ايام بس بردو انا مينفعش اعمل حاجه زي كده
ريان/هعرض عليكي ٣ مليون جنيه
مايا تنحت و ردت بتوتر/لأء بردو
ريان/٥ مليون
مايا جه بتفكيرها للحظات انها مش مجبره تسافر مع امها بل بالعكس ممكن تاخد الفلوس و تأسس حياتها الكامله و تعيش حياه سعيده
مايا/تمام ٥ مليون بس في قواعد هتتحط
ريان ببرود/موافق
مايا/مسمعتش القواعد؟؟؟
ريان ببرود/اتفضلي
مايا/اولا ممنوع نفضل ف مكان لوحدنا ثانياً هاخد نص الفلوس عالاقل مقدم و لازم اعرف عنك حاجات كتير اوي الموضوع مش سهل
ريان ضحك بسخريه/و انا ايش عرفني انك هتهربي انا هديهالك فالاخر عالاقل انا الفلوس دي متفرقش معايا و هديهالك
مايا بعدم ثقه/ماشي
ريان/هاا يبقا اتفقنا؟؟؟؟
مايا/اووووف هحاول
ريان ابتسم ببرود/اشكرك جدا
مايا/عن اذنك بقا
ريان/ثواني طب
مايا/اي تاني؟؟
ريان/انتي لازم تيجي معايا
مايا/ليه
ريان/لانك مراتي و لازم تبقي معايا
مايا/احنا كده هنبدأ نستعبط بقا !!
ريان /ارجوكي يعني شوفي عيلتك هيبقا عندهم اعتراض لو انتي جيتي عندي كأن مثلا هتباتي الكام يوم دول عند صاحبتك
مايا/انت عاوزني ابات ف شقتك انت اكيد اتجننت
ريان/انتي فاهمه غلط دي فيلا عائليه يعني هتبقي ف حمايه
مايا/انا معرفكش عشان اتطمن
ريان/المهم استأذني عيلتك ب اي حجه
مايا سكتت شويه و قالت/ماشي سيبني افكر النهارده
ريان/هاتي تليفونك
مايا/اتفضل
سجل رقمه و ادهولها..
_________________
روحت مايا بيتها و ف دماغها مليون حاجه..
كانت دماغها عباره عن انها لازم تساعد الشخص ده هو باين عليه طيب و دماغ تانيه بتقول لازم هتسافر يمكن فعلا مامتها تحنلها و هه جه ف بالها فجأه انها مسافره اسبانيا!!!!ده اروع صدفه مالك ف اسبانيا!! بس متنساش ان العرض ده عشان متسافرش و تعيش حياتها و مش مجبره انها تسافر يمكن مالك متعرفش تقابله و تبقا نهت حياتها مقابل شئ سخيف غير مؤكد بما انها صاحبته من النت تقدر تشوفه عالاقل كاميرا و يتكلمه
مايا بفرح/اي التفكير اللي بفكر فيه ده دلوقتي بس!!انا لازم اساعد الراجل ده
علياء دخلت الاوضه فجأه..
علياء/تساعدي مين؟؟؟
مايا بتوتر/علياء عاوزاكي ف حاجه مهمه جداً
علياء بفضول/قولي ي مايا خير؟؟
مايا بتوتر/علياء انا..
علياء/هااااا
مايا/بصي هي كانت الاول حادثه واحد فالكافيه ازعجني اسمه ريان و كان بيتخانق مع واحده و قالها انه اتجوز بعديها انا قومت خرجت من الكافيه و كنت هعمل حادثه لكن هو انقذني فعلا كنت هموت حاجه كده زي الروايات
علياء بضحك/طب و اي المشكله
مايا/بصراحه كان حلو اوي عينه كستنائيه و دقن خفيفه و حلو لدرجة اني مرفضلوش طلب
علياء بصدمه/و هو طلب منك اي ينهارك اسود؟؟؟
مايا/طلب اان...
علياء بنرفزه/ينهارك اسووووود عملتي كده ليه مفكرتيش ف مستقبلك حرام عليكي ي غبيه
مايا بزعيق /علياء مش اللي ف دماغك خاااالص
علياء بهدوء/اومال اي؟؟
مايا قعدت عالكرسي قدامها و علياء واقفه
مايا/طلب مني امثل اني مراته
علياء/تمثلي!!
مايا/اه قدام اهله
علياء/و هو معندوش صحاب او بنات تانيه غيرك تمثل؟؟
مايا/اكيد لاء هو اداني رقمه و قاالي ارجوكي انقذيني و فكري
علياء/يعني هتمثلي لكن مش هتتجوزوا!!
مايا/تمثيل بس زي حدوته كده بس هو بصراحه صعب عليا شويه قولت ممكن اساعده!! مقابلها ٥ مليون جنيه و هقدر أأسس الحياه اللي بتمناها دايما
علياء قعدت جمبها بهدوء..
علياء/عنده كام سنه!!منين؟؟بيشتغل اي؟و اشمعنا انتي ؟؟
مايا باستغراب/ولا اعرف
علياء بفزع/غبيه
مايا/ااايييي ي شيخه خضتينييي
علياء/اتصلي بيه قولي انك عاوزه تعرفي عنه معلومات
مايا/ليييه؟؟
علياء/ده حقك لانه بيطلب منك طلب كبير اوي
مايا/هو انا المفروض هروح فيلا عيلته و هسكن فيها
علياء بشهقه/هتروحي فين يبنت الهبله
مايا/هو طمني دي فيلا كلها عيلته يعني بيت عيله كبير
علياء/طب يلا اتصلي و افتحي اسبيكر و اي حاجه هحب اقولها هكتبهالك فالورقه و تقوليها
مايا بتوتر/تمام
علياء/استني هجيب ورقه و قلم
جريت علياء بتدور على قلم و ورقه بسرعه و قعدت جمبها..
علياء/اتصلي اتصلي
مايا بتوتر/اتصلت
ريان/الو مين!!
مايا/الو استاذ ريان!انا مايا
ريان ابتسم/مايا ازيك
مايا/كويسه...ااا..كنت عاوزه بس اعرف شوية معلومات كده عشان اوافق على عرضك
ريان/اتفضلي
مايا/بتشتغل فين!اسمك كامل!!
ريان بتنهيده/ تمام هكملك المعلومات.. ريان المغاوري عندي شركة تصدير و استيراد اهلي بيزنوا عليا اتجوز و اتجوزت بالفعل لكن مينفعش اقولهم اني اتجوزت البنت دي دلوقتي لازم بنت تانيه عشان كده محتاجك
علياء كتبتلها عالورقه "قوليله ليه البنت دي مش هينفع توريهالهم"
مايا بتوتر/ قوليلو ليه البنت دي مش هينفع توريهالهم؟
ضحك ريان بصوت عالي /مين بيقولك الكلام تقوليه ي مايا!!
علياء بصوت خافت/غبيه غبيه
مايا/محدش بيقولي كلام ثم رد على سؤالي متوهش
ريان ببرود/نقدر نقول اسباب خاصه شويه
علياء شاورتلها انها توافق خلاص و كتبتلها كلام تقوله
مايا/ريان انت عندك كام سنه
ريان/قلتلك ٢٩
مايا بدهشه/سوري مركزتش بس ميبنش عليك
ريان ضحك/اشكرك ها وافقتي ولا!
مايا بصت لعلياء
و علياء بتشاورلها ب تمام
ريان/اهم حاجه عيلتك
مايا/تمام والدتي و والدي اقنعتهم اني هقعد عند صاحبتي ووافقو
ريان بإمتنان/اشكرك جداً نتقابل بكره فالكافيه اللي كنتي فيه و تيجي بشنطة هدومك
مايا/تمام
ريان/سلام
مايا/باي
علياء/اووووف اوصفيهولي بقا
مايا/م هو قالي اسمه هاتي نجيبه من فيس بوك
علياء بمرح/يلا يلا
مايا بضحك /هبله
فضلوا يبحثوا
مايا بمرح/ اهو هو ده هووو ده
عليا بصدمه/ينهار اسووووود
