رواية ليلي بنت الحارث الفصل الثاني 2 بقلم حمدي محمد
(ليلي بنت الحارس). الفصل ٢
عدي علي ارضهم وهو ماشي
نزل في الارض. وقعد فيها
خد ترابها علي صدره
وشم ريحته اللي ممزوجه بعرقه وعرق ابوه وجده
بص في الساعه لقي الوقت متاخر
قام يمشي
شاف من بعيد حد جاي لابس جلابيه بيضا
وشال وبيجري ناحيته
الدنيا كانت عتمه
مش شايف اللي جاي
حط ايدي في جيبه علي مسدسه
ولما قرب الشخص منه
طلع مسدسه وقال اقف عندك
قالت. ايدك عن المسدس ياحارس
وشالت الشال من علي دماغها.
وقالت. انا نعمه ياحارس
حارس. نعمه. ايه اللي جابك
وعرفتي اني هنا كيف
نعمه. صح اللي بيقولوه ده
قتلت ولد العمده.
حارس يقتل. معقول
قولي ماحصلش ياحارس
قولي انك ما غطستش يدك في الدم
حارس. مش هاقدر اشرح لك اللي حصل دلوك
ارجعي علي دار ابوكي يانعمه
الحكومه زمانها جايه
نعمه. هتروح فين طيب
وهاشوفك كيف
وهترجع امتي
حارس. هارجع يانعمه
هارجع يابت علشانك وعلشان ابوي وامي واختي
وعلشان ارضي دي.
اللي حبها عندي قد حبك يانعمه
هارجع يابت عمي بس الغمه تنزاح
روحي يانعمه. وادعيلي.
انهارت نعمه من البكا.
واترمت في حضنه
حارس. من الخوف والقلق.
مسك الشال ولفه علي دماغها
وخلاها تمشي
طلع علي الطريق. ووقف عربيه. وركب ومشي
وصل محطة القطر
وحجز تذكره. وركب القطر
وهو متوتر. واول مااتحرك القطر. وكان الصبح طلع
سمع دوشه في المحطه.
بص من الشباك
شاف الشرطه بتجري ورا ناس ماسكه سلاح في ايديها
لمح من الناس دي واحد من عيلة العمده.
القطر مشي وماحدش منهم قدر يلحقه
لان دخولهم المحطه بالسلاح.
لفت نظر افراد الشرطه
وتم القبض عليهم قبل ماحد منهم يصعد القطر
حارس قعد في مكانه. والتوتر والقلق. باينين عليه
فضل طول الطريق. يفكر. في احبابه اللي سابهم وسط النار اللي ولعها بيده
باليل. وصل القاهره. ونزل
خد تاكس يوديه. علي عنوان الحاج كامل. صاحب ابوه
سواق التاكس قال له دا مكان بعيد في الطريق بين مصر واسكندريه
حارس قال له هاديك اللي تطلبه
بس وصلني
وصل العنوان. وكان مكان مدينه جديده بتتبني في الصحرا
نزل شاف راجل كبير في السن باينه عليه الهيبه والوقار
وحواليه العمال قاعدين يتغدو
وكأن علي رؤوسهم الطير
دخل عليهم حارس. وقال السلام عليكم
كلهم ردو السلام
قال فين الاقي الحاج كامل الصعيدي
الراجل الكبير ده قال له مين انت
وعايز الحاج كامل في ايه
قال له. انا حارس ولد الحاج متولي
الراجل قام من مكانه وجري علي حارس
وخده بالاحضان
الغالي ولد الغالي
اهلا بولد اخوي وحبيبي وصديق عمري
يارجاله
النهارده باقي اليوم اجازه
ومدفوع الاجر
دا يوم عيد النهارده اني اشوف ريحة الحبايب
حارس اندهش من استقبال الحاج كامل ليه
واستغرب ان في الزمن ده. فيه حد يفرح بحد من ريحة احبابه بالطريقه دي
الحاج كامل خد حارس وراح شقته اللي عايش فيها هو واولاده.
اول مادخل. مرات الحاج كامل شافت حارس معاه
مفكراه حد غريب جريت علي اوضتها
نده عليها الحاج كامل
وقال. تعالي يا حاجه
دا مش غريب
دا حارس ولد متولي
فاكراه
دانتي اللي مربياه علي ايدك
وهنا جريت عليه مرات الحاج كامل
وخدته في حضنها
وقالت له كبرت ياحارس
دانا كنت مربياك انت وسلوي بنتي
وكنت صغير لما جينا هنا
مش هتفتكرني لان كان عندك وقتها تلات سنين
قعد حارس. وجهزو الغدا
وجم اولاد الحاج كامل
الاول وصل احمد اكبر واحد وبيشتغل في بنك
وبعده جات سلوي ومعاها عمرو اللي في اولي ابتدائي
سلوي بتشتغل مدرسه
وهي من عمر حارس
سلمو علي حارس. واتغدو
وفضل الحاج كامل يحكي ل حارس
قصته هو ابوه
عرف حارس ان الحاج كامل وابوه
كانو شركاء زمان
وعاشو في بيت واحد اكتر من عشر سنين
ولكن ابو حارس لما مات ابوه
رجع البلد علشان يراعي ارضه
بعد ماخلصو غدا
الحاج كامل خد حارس وطلع بيه الشقه اللي فوق شقته
وقال ل حارس. دي شقتك
تقعد فيها. وهجيبلك كل ماتحتاجه
وادي مفتاحها
حارس قال له ماسالتنيش جاي ليه ياعم كامل
الحاج كامل قال
ياولدي الضيف ليه تلات ايام ضيافه
لا نساله عن شي
ولا نقول له جيت ليه
انت ولد اصول وعارف
حارس:- بس الموضوع كبير ياعم كامل
الحاج كامل مسك حارس من ايده وقعده
وقال له خير يابني
ايه تاعبك. وشك اتغير ليه كده
احكيلي اللي صار
فضل حارس. يحكي للحاج كامل اللي حصل
والدموع نازله من عنيه
بعد ماخلص.
الحاج كامل قال. امسح دموعك دي ياواد.
وماشوفهاش تاني. انت راجل ولد راجل
والرجاله ماتبكيش
حارس. حال ناسي والهم اللي شيلتهولهم يبكي الحجر ياعم كامل
الحاج كامل. قوم بلا هم بلا غم
طول عمرنا في الهم وماوطيناش ولا بكينا
بنوقع ونقوم ونوقع تاني ونقوم
عمر الزمن ولا الظروف كسرونا
ولا عجزونا
انا وابوك شفنا النكسه.
وما اتكسرناش بعديها
فضلنا في الجيش نصبر ونرابط لعند ماحاربنا في ٧٣ وانتصرنا
لو بعد النكسه انحنينا ماكناش رجعنا ارضنا،
استهدي بالله ياولدي
وخش خد لك دش
وغير خلقاتك. ونام
وانا هاعرف اخبارهم وابقي اطمنك
مسح. حارس دموعه. وخد دش
ودخل ينام
في الصبح صحي علي صوت جرس الباب
فتح الباب. شاف عمرو وسلوي. جايبين له الفطار
ونازلين علي المدرسه
سلوي قالت له. شفت انا احسن منك
كنت تضربني زمان واحنا صغيرين
بس ياعم سامحتك وجايبالك الفطار انا وعمرو بيه بنفسنا اهو
حارس؛- ربنا يخليكي يابنت الاصول
ويبارك لنا في عمرو بيه
هو الحاج كامل فين
سلوي؛- راح الشغل وقالي اقولك انه هيعدي عليك الضهر
حارس:- متشكر يا استاذه سلوي. تاعبينك معانا
سلوي. استاذة ايه ياحارس ماتقولش كده
قول سلوي بس
داحنا متربيين مع بعض يابني
حارس. كتر خيرك ياسلوي
مشيت سلوي. وعمرو.
وفطر حارس
وفضل مستني الحاج كامل
علشان يطمنه علي اخبار اهله.
الضهر. جرس الباب. ضرب
فتح حارس.
لقي الحاج كامل. والغضب باين عليه
ووشه مخطوف. وزعلان جداً
حارس اتخض
وقال له خير ياحاج كامل
فيه ايه
الحاج كامل:- عيلة العمده بعد مادفنو ولدهم
شبابهم راح بالسلاح
واستولو علي ارضكم
وماحدش من عنديكم قادر يروح هناك
والحوش اللي فيه الغنم بتاعتكم
ولعو فيه النار
ودياب من بعد الحريقه اختفي
وماحدش عارف طريقه
والعمده بعت لابوك في الدوار عنده
وطلب منه اختك يجوزها لواحد عنده
حارس:- ايه اختي
هي حصلت. دانا اكون مولع في البلد واللي فيها
الا اختي يا حاج كامل
انا هروح اسلم نفسي بدال الذل ده
مش هاسيب اهلي يدفعو تمن هروبي
الحاج كامل. :- العمده طلب اختك
علشان يجوزها. ل جابر. الكلاف
حارس اصابه الجنون
وجري علي الباب
وهو بيقول
الا العرض يا حاج كامل. الا اختي
الحاج كامل مسكه
وفضل يهدي فيه
وقال له
العمده راجل جاحد
وموت ابنه كسر ضهره
بس بيعمل كده علشان يجيبك لحد عنده برجليك
وساعتها حتي موتك نفسه مش هيكفي بالنسباله
مش بس عايز يجوز اختك للكلاف علشان يزلها
ده كمان علشان يرجعك
ومش بعيد. قبل ما يقتلك
يحسرك علي اختك ويقتلها قدامك
حارس:- انا موتهم بايدي
انهم ياخدو ارضنا دي بالنسبه لابويا زي الموت تماما
وكونهم يعملو كده في اختي
دا موت بالنسبالها
وبالنسبه للعيله كلها
الحاج كامل:- وتفتكر انا هسيب اختك
هسيب عارك وعار ابوك في ايديهم
ياولدي الزمن علمني.
ان لما اقع في مشكله
اعمل تلات حاجات
اقول اللهم اجرني في مصيبتي
واخلفني خيرا منها
وثانيا. ماخدش اي قرار وانا متعصب وزعلان
وثالثا. الصبر. لانه دايما بينولك اللي في بالك
انا هاقلب الطاوله عليهم
وهحول اللي بيعملوه ده ضدهم
بس انت تسمع الكلام
وتثق في عمك كامل
لو عاوز. تشوف اختك
و ترجع ارضك.
وترجع بلدك من غير ماحد يتعرض لك
يبقي تسمع اللي هاقولهولك
.......
تم. .
عدي علي ارضهم وهو ماشي
نزل في الارض. وقعد فيها
خد ترابها علي صدره
وشم ريحته اللي ممزوجه بعرقه وعرق ابوه وجده
بص في الساعه لقي الوقت متاخر
قام يمشي
شاف من بعيد حد جاي لابس جلابيه بيضا
وشال وبيجري ناحيته
الدنيا كانت عتمه
مش شايف اللي جاي
حط ايدي في جيبه علي مسدسه
ولما قرب الشخص منه
طلع مسدسه وقال اقف عندك
قالت. ايدك عن المسدس ياحارس
وشالت الشال من علي دماغها.
وقالت. انا نعمه ياحارس
حارس. نعمه. ايه اللي جابك
وعرفتي اني هنا كيف
نعمه. صح اللي بيقولوه ده
قتلت ولد العمده.
حارس يقتل. معقول
قولي ماحصلش ياحارس
قولي انك ما غطستش يدك في الدم
حارس. مش هاقدر اشرح لك اللي حصل دلوك
ارجعي علي دار ابوكي يانعمه
الحكومه زمانها جايه
نعمه. هتروح فين طيب
وهاشوفك كيف
وهترجع امتي
حارس. هارجع يانعمه
هارجع يابت علشانك وعلشان ابوي وامي واختي
وعلشان ارضي دي.
اللي حبها عندي قد حبك يانعمه
هارجع يابت عمي بس الغمه تنزاح
روحي يانعمه. وادعيلي.
انهارت نعمه من البكا.
واترمت في حضنه
حارس. من الخوف والقلق.
مسك الشال ولفه علي دماغها
وخلاها تمشي
طلع علي الطريق. ووقف عربيه. وركب ومشي
وصل محطة القطر
وحجز تذكره. وركب القطر
وهو متوتر. واول مااتحرك القطر. وكان الصبح طلع
سمع دوشه في المحطه.
بص من الشباك
شاف الشرطه بتجري ورا ناس ماسكه سلاح في ايديها
لمح من الناس دي واحد من عيلة العمده.
القطر مشي وماحدش منهم قدر يلحقه
لان دخولهم المحطه بالسلاح.
لفت نظر افراد الشرطه
وتم القبض عليهم قبل ماحد منهم يصعد القطر
حارس قعد في مكانه. والتوتر والقلق. باينين عليه
فضل طول الطريق. يفكر. في احبابه اللي سابهم وسط النار اللي ولعها بيده
باليل. وصل القاهره. ونزل
خد تاكس يوديه. علي عنوان الحاج كامل. صاحب ابوه
سواق التاكس قال له دا مكان بعيد في الطريق بين مصر واسكندريه
حارس قال له هاديك اللي تطلبه
بس وصلني
وصل العنوان. وكان مكان مدينه جديده بتتبني في الصحرا
نزل شاف راجل كبير في السن باينه عليه الهيبه والوقار
وحواليه العمال قاعدين يتغدو
وكأن علي رؤوسهم الطير
دخل عليهم حارس. وقال السلام عليكم
كلهم ردو السلام
قال فين الاقي الحاج كامل الصعيدي
الراجل الكبير ده قال له مين انت
وعايز الحاج كامل في ايه
قال له. انا حارس ولد الحاج متولي
الراجل قام من مكانه وجري علي حارس
وخده بالاحضان
الغالي ولد الغالي
اهلا بولد اخوي وحبيبي وصديق عمري
يارجاله
النهارده باقي اليوم اجازه
ومدفوع الاجر
دا يوم عيد النهارده اني اشوف ريحة الحبايب
حارس اندهش من استقبال الحاج كامل ليه
واستغرب ان في الزمن ده. فيه حد يفرح بحد من ريحة احبابه بالطريقه دي
الحاج كامل خد حارس وراح شقته اللي عايش فيها هو واولاده.
اول مادخل. مرات الحاج كامل شافت حارس معاه
مفكراه حد غريب جريت علي اوضتها
نده عليها الحاج كامل
وقال. تعالي يا حاجه
دا مش غريب
دا حارس ولد متولي
فاكراه
دانتي اللي مربياه علي ايدك
وهنا جريت عليه مرات الحاج كامل
وخدته في حضنها
وقالت له كبرت ياحارس
دانا كنت مربياك انت وسلوي بنتي
وكنت صغير لما جينا هنا
مش هتفتكرني لان كان عندك وقتها تلات سنين
قعد حارس. وجهزو الغدا
وجم اولاد الحاج كامل
الاول وصل احمد اكبر واحد وبيشتغل في بنك
وبعده جات سلوي ومعاها عمرو اللي في اولي ابتدائي
سلوي بتشتغل مدرسه
وهي من عمر حارس
سلمو علي حارس. واتغدو
وفضل الحاج كامل يحكي ل حارس
قصته هو ابوه
عرف حارس ان الحاج كامل وابوه
كانو شركاء زمان
وعاشو في بيت واحد اكتر من عشر سنين
ولكن ابو حارس لما مات ابوه
رجع البلد علشان يراعي ارضه
بعد ماخلصو غدا
الحاج كامل خد حارس وطلع بيه الشقه اللي فوق شقته
وقال ل حارس. دي شقتك
تقعد فيها. وهجيبلك كل ماتحتاجه
وادي مفتاحها
حارس قال له ماسالتنيش جاي ليه ياعم كامل
الحاج كامل قال
ياولدي الضيف ليه تلات ايام ضيافه
لا نساله عن شي
ولا نقول له جيت ليه
انت ولد اصول وعارف
حارس:- بس الموضوع كبير ياعم كامل
الحاج كامل مسك حارس من ايده وقعده
وقال له خير يابني
ايه تاعبك. وشك اتغير ليه كده
احكيلي اللي صار
فضل حارس. يحكي للحاج كامل اللي حصل
والدموع نازله من عنيه
بعد ماخلص.
الحاج كامل قال. امسح دموعك دي ياواد.
وماشوفهاش تاني. انت راجل ولد راجل
والرجاله ماتبكيش
حارس. حال ناسي والهم اللي شيلتهولهم يبكي الحجر ياعم كامل
الحاج كامل. قوم بلا هم بلا غم
طول عمرنا في الهم وماوطيناش ولا بكينا
بنوقع ونقوم ونوقع تاني ونقوم
عمر الزمن ولا الظروف كسرونا
ولا عجزونا
انا وابوك شفنا النكسه.
وما اتكسرناش بعديها
فضلنا في الجيش نصبر ونرابط لعند ماحاربنا في ٧٣ وانتصرنا
لو بعد النكسه انحنينا ماكناش رجعنا ارضنا،
استهدي بالله ياولدي
وخش خد لك دش
وغير خلقاتك. ونام
وانا هاعرف اخبارهم وابقي اطمنك
مسح. حارس دموعه. وخد دش
ودخل ينام
في الصبح صحي علي صوت جرس الباب
فتح الباب. شاف عمرو وسلوي. جايبين له الفطار
ونازلين علي المدرسه
سلوي قالت له. شفت انا احسن منك
كنت تضربني زمان واحنا صغيرين
بس ياعم سامحتك وجايبالك الفطار انا وعمرو بيه بنفسنا اهو
حارس؛- ربنا يخليكي يابنت الاصول
ويبارك لنا في عمرو بيه
هو الحاج كامل فين
سلوي؛- راح الشغل وقالي اقولك انه هيعدي عليك الضهر
حارس:- متشكر يا استاذه سلوي. تاعبينك معانا
سلوي. استاذة ايه ياحارس ماتقولش كده
قول سلوي بس
داحنا متربيين مع بعض يابني
حارس. كتر خيرك ياسلوي
مشيت سلوي. وعمرو.
وفطر حارس
وفضل مستني الحاج كامل
علشان يطمنه علي اخبار اهله.
الضهر. جرس الباب. ضرب
فتح حارس.
لقي الحاج كامل. والغضب باين عليه
ووشه مخطوف. وزعلان جداً
حارس اتخض
وقال له خير ياحاج كامل
فيه ايه
الحاج كامل:- عيلة العمده بعد مادفنو ولدهم
شبابهم راح بالسلاح
واستولو علي ارضكم
وماحدش من عنديكم قادر يروح هناك
والحوش اللي فيه الغنم بتاعتكم
ولعو فيه النار
ودياب من بعد الحريقه اختفي
وماحدش عارف طريقه
والعمده بعت لابوك في الدوار عنده
وطلب منه اختك يجوزها لواحد عنده
حارس:- ايه اختي
هي حصلت. دانا اكون مولع في البلد واللي فيها
الا اختي يا حاج كامل
انا هروح اسلم نفسي بدال الذل ده
مش هاسيب اهلي يدفعو تمن هروبي
الحاج كامل. :- العمده طلب اختك
علشان يجوزها. ل جابر. الكلاف
حارس اصابه الجنون
وجري علي الباب
وهو بيقول
الا العرض يا حاج كامل. الا اختي
الحاج كامل مسكه
وفضل يهدي فيه
وقال له
العمده راجل جاحد
وموت ابنه كسر ضهره
بس بيعمل كده علشان يجيبك لحد عنده برجليك
وساعتها حتي موتك نفسه مش هيكفي بالنسباله
مش بس عايز يجوز اختك للكلاف علشان يزلها
ده كمان علشان يرجعك
ومش بعيد. قبل ما يقتلك
يحسرك علي اختك ويقتلها قدامك
حارس:- انا موتهم بايدي
انهم ياخدو ارضنا دي بالنسبه لابويا زي الموت تماما
وكونهم يعملو كده في اختي
دا موت بالنسبالها
وبالنسبه للعيله كلها
الحاج كامل:- وتفتكر انا هسيب اختك
هسيب عارك وعار ابوك في ايديهم
ياولدي الزمن علمني.
ان لما اقع في مشكله
اعمل تلات حاجات
اقول اللهم اجرني في مصيبتي
واخلفني خيرا منها
وثانيا. ماخدش اي قرار وانا متعصب وزعلان
وثالثا. الصبر. لانه دايما بينولك اللي في بالك
انا هاقلب الطاوله عليهم
وهحول اللي بيعملوه ده ضدهم
بس انت تسمع الكلام
وتثق في عمك كامل
لو عاوز. تشوف اختك
و ترجع ارضك.
وترجع بلدك من غير ماحد يتعرض لك
يبقي تسمع اللي هاقولهولك
.......
تم. .
