رواية قلبي لمن يعشقه الفصل التاسع والعشرين 29 بقلم نانا ابو جبل

رواية قلبي لمن يعشقه الفصل التاسع والعشرين 29 بقلم نانا ابو جبل

 الجزء التاسع و العشرين :

عامر : يالله شو هالمصيبة ...
سوسن : عامر ليش خايف ...
عامر : ياذكية خايف يروح يكلم إمه و يقوللها الحقيقة ...
سوسن : طيب ما هذا اللي بدنا إياه ...

اما قصي فكان بسوق سيارته و عقل مو معه خايف يخبر إمه بالقصة ...

و فجأة رن تليفونه رنات كثيرة فقرر يرد :

قصي : ألو ...
الشخص : ألو ، كيفك قصي ...
قصي : أهلين ، مين معي ...
الشخص : مالك قصي أنا خالتك دعاء ...
قصي : أهلين خالتي ، سامحيني حاسس حالي تعبان ...
دعاء : سلامتك حبيبي ، صاير معاك شي ...
قصي : لا ، ما صاير معي شي خالتي ...
دعاء : طيب قصي ، مع إنو حاسة بشي مو منيح صار ...
قصي : خالتي إسمعيني في شي بس مو حابب أحكي هلق ...
دعاء : على راحتك حبيبي قصي ...

وسكرت التليفون ...

في هاي اللحظة دخلت رولا على أختها ...

رولا : دعاء مين كنت بتكلمي ...
دعاء : كلمت قصي ، و حسيت متدايق ...
رولا : قلك السبب ...
دعاء : لا ما قلي شي ...
رولا : طيب شو رأيك تكلمي معتصم و تعرفي سبب زعل قصي ...
دعاء : و إنتي جيبتها ...

مسكت دعاء التليفون و رنت على معتصم ...

معتصم رفع التليفون و رد ...

دعاء : كيف حالك معتصم ، شو أخبارك ؟
معتصم : دعاء ، هاي أول مرة بتكلميني في الشغل ...
دعاء : الصراحة ، كلمتك عشان أعرف شو قلك قصي ...
معتصم : قصي أجى عشان يطلب إيد تالا ...
دعاء : عنجد عم تحكي ...
معتصم : أه ، عنجد دعاء ...
دعاء : طيب ، ليش لما كلمت ما لقيته مبسوط ...
معتصم : لأن راح زار أبوه في مكتبه و لقى مرة عند ...
دعاء : و إيش فيها معتصم مش هيك لزوم الشغل تبعك ...
معتصم : صح كلامك ، بس هاي المرة اللي كانت عنده بتكون زوجته الثانية ...
دعاء : شوووووووووو ، زوجته الثانية ...
معتصم : آه ، دعاء بس بدي أسألك رولا عندك ...
دعاء : أه ، عندي واقفة و سمعت كل شي ...

معتصم سكر التليفون بعد ما عرف إن رولا عندها في الغرفة وراح عند أخوه ...

معتصم : عامر رولا عرفت كل شي ...
عامر : شو عم تقول إنت...
معتصم : اللي سمعته ...
عامر : طيب شو لازم أعمل ...
معتصم : ما بعرف ...

عامر أول ما سمع اللي قاله أخوه طلع من الشركة يركض ركب سيارته و راح على البيت ...
في الوقت نفسه وصل قصي على البيت ...

يتبع ..

الثلاثون من هنا 

تعديل المقال